၂၅ ဩဂုတ်၊၂၀၂၅-
တရုတ်နိုင်ငံရှိ တရားရုံးတစ်ခုတွင် အသက် ၁၇ နှစ်အရွယ် မိန်းကလေးတစ်ဦးက သူမ၏ အသက် ၁၉ နှစ် အရွယ် ချစ်သူကောင်လေးကို မြန်မာနိုင်ငံရှိ အွန်လိုင်းလိမ်လည်မှုဂိုဏ်းတစ်ခုသို့ ယွမ် ၁၀၀,၀၀၀ (အမေရိ ကန်ဒေါ်လာ ၁၄,၀၀၀) ဖြင့် ရောင်းချခဲ့သည့်အမှုအား ကြားနာစစ်ဆေးမည်ဖြစ်သည်။
ဟွမ်ဟု လူအများကသိကြသည့် အဆိုပါလူငယ်သည် ၎င်း၏မိသားစုမှ ယွမ် ၃၅၀,၀၀၀ (အမေရိကန် ဒေါ် လာ၄၈,၀၀၀)ပေးပြီးပြန်ရွေးခဲ့သဖြင့် ယခုနှစ်ဇွန်လကုန်တွင် လိမ်လည်သူဂိုဏ်းမှ ပြန်လည်လွတ်မြောက် လာခဲ့သည်။
သူသည် ထိုနေရာတွင် လေးလနီးပါးကြာ ဖမ်းဆီးထိန်းသိမ်းခံခဲ့ရပြီး မကြာခဏ ရိုက်နှက်ခံရကာ နောက်ဆုံးတွင် နားမကြားဖြစ်ခဲ့ရသည်။
ဟွမ်၏အစ်မက သူမ၏အစ်ကို ကြုံတွေ့ခဲ့ရသည့် ဒုက္ခများကို အွန်လိုင်းတွင် မျှဝေခဲ့ပြီးနောက် ဤအမှု သည် တရုတ်ပြည်မကြီးရှိ လူမှုမီဒီယာများတွင် ကျယ်ကျယ်ပြန့်ပြန့် လူအများ စိတ်ဝင်စားခြင်း ခံခဲ့ရကြောင်း တရုတ်နိုင်ငံထုတ် Xiaoxiang Morning Herald သတင်းစာက ဖော်ပြသည်။
ဟွမ်သည် ပြီးခဲ့သည့်နှစ် အောက်တိုဘာလတွင် တောင်ပိုင်း ကွမ်တုံပြည်နယ်၊ ကွမ်ကျိုးမြို့ရှိ ဘိလိယက် ခန်းမတစ်ခုတွင် သူ့ချစ်သူဖြစ်သူ ကျိုးနှင့် တွေ့ဆုံခဲ့သည်။ ဟွမ်သည် သူမအား ချစ်မိသွားပြီးနောက် သူမ ငှားရမ်းထားသည့် တိုက်ခန်းသို့ ပြောင်းရွှေ့နေထိုင်ခဲ့သည်။
ကျိုးက သူမသည် အရှေ့တောင်ပိုင်း ဖူကျန့်ပြည်နယ်မှဖြစ်ကြောင်းနှင့် သူမ၏မိဘများသည် တစ်နိုင်ငံ လုံးတွင် ရင်းနှီးမြှုပ်နှံမှုများ ရှိကြောင်း ဟွမ်အား ပြောပြခဲ့သည်။
ဟွမ်သည် အလုပ်လက်မဲ့ဖြစ်နေသောကြောင့် ကျိုးက သူ့မိသားစုက လုပ်ငန်းအချို့ လုပ်ကိုင်နေသည့် မြန်မာနိုင်ငံတွင် အလုပ်ရှာရန် သူမက သူ့ကို စည်းရုံးခဲ့သည်။
ဖေဖော်ဝါရီ ၂ ရက်နေ့တွင် ဟွမ်သည် မိသားစုကို မပြောဘဲ ကျိုးနှင့်အတူ ထိုင်းနိုင်ငံသို့ လေယာဉ်ဖြင့် ထွက်ခွာခဲ့သည်။
“သူ့ရဲ့ ဆိုရှယ်မီဒီယာပို့စ်ကို မြင်မှပဲ သူ ထိုင်းရောက်နေပြီဆိုတာ သိလိုက်ရတယ်” ဟု ဟွမ်၏အစ်မက ပြောသည်။
ထို့နောက် ထိုစုံတွဲသည် ထိုင်း-မြန်မာနယ်စပ်သို့ သွားခဲ့ကြပြီး လက်နက်ကိုင်အမျိုးသားတစ်ဦးက သူတို့ကို လာရောက်ခေါ်ဆောင်သွားခဲ့ကာ ဟွမ်၏ နိုင်ငံကူးလက်မှတ်နှင့် မိုဘိုင်းဖုန်းကို သိမ်းယူခဲ့သည်။
ဟွမ်က သူ့ဖုန်းနှင့် ခဏလောက် ဆော့ကစားရန် ခွင့်ပြုပေးရန် ကျိုးကို တောင်းပန်ခဲ့ပြီး သူမက သဘော တူခဲ့သည်။ သူသည် မိသားစုကို အကူအညီတောင်းသည့် မက်ဆေ့ချ်ပို့ရန် ဖုန်းကို အသုံးပြုခဲ့ပြီး မိသားစု ကလည်း တရုတ်ရဲတပ်ဖွဲ့ထံ ချက်ချင်းဖုန်းခေါ်ဆိုခဲ့သည်။
ထို့နောက် ဟွမ်သည် မြန်မာနိုင်ငံရှိ Kaixuan ဟုခေါ်သော အဆောက်အအုံဝင်းတစ်ခုသို့ ရောက်ရှိ သွားခဲ့ကြောင်း၊ ထိုနေရာတွင် သူ့ဆံပင်ကို ရိတ်ပစ်ခံခဲ့ရပြီး သူ့ကို တယ်လီကွန်းလိမ်လည်မှုများ လုပ် ဆောင်ရန် လေ့ကျင့်ပေးခဲ့ကြောင်း ဟွမ်က ပြောသည်။
သူသည် တစ်နေ့လျှင် ၁၆ နာရီမှ ၂၀ နာရီအထိ အလုပ်လုပ်ခဲ့ရသည်။ သို့သော်လည်း သားကောင် တစ်ဦးတစ်ယောက်ကိုမျှ အောင်မြင်စွာ လိမ်လည်နိုင်ခြင်း မရှိသည့်အတွက် အဆောက်အအုံဝင်းရှိ မန်နေဂျာများက သူ့ခါးကို သံတုတ်ဖြင့် မကြာခဏရိုက်နှက်ပြီး သူ၏နားရွက်များကိုပါ ဖြတ်ရိုက်ခဲ့ကြသည်။
ရလဒ်အနေဖြင့် ဟွမ်သည် နားမကြားတော့ဘဲ ကိုယ်အလေးချိန် ၁၀ ကီလိုဂရမ်ကျော် ကျသွားခဲ့သည်။
ဂိုဏ်းခေါင်းဆောင်က ဟွမ်ကိုဝယ်ရန်အတွက် ကျိုးကို ယွမ် ၁၀၀,၀၀၀ ပေးခဲ့ရသည့်အတွက် ဟွမ်၏ မိသားစုမှ လျော်ကြေးအချို့ပေးနိုင်ပါက ဟွမ်ကို ပြန်လွှတ်ပေးရန် နောက်ပိုင်းတွင် ဆုံးဖြတ်ခဲ့သည်။
မြန်မာနိုင်ငံရှိ Chaoshan ကုန်သည်များအသင်း၏ အကူအညီဖြင့် ရွေးရမည့်ငွေပမာဏကို ညှိနှိုင်း ခဲ့ပြီးနောက် ဂိုဏ်းခေါင်းဆောင်က ယွမ် ၃၅၀,၀၀၀ ဖြင့် သဘောတူခဲ့ခြင်းဖြစ်သည်ဟုသိရသည်။
ဟွမ်သည် ဇွန်လတွင် တရုတ်နိုင်ငံသို့ ပြန်လာခဲ့သည်။ သူ၏ချစ်သူကောင်မလေးသည် ထိုင်းနိုင်ငံတွင် ၁၀ ရက်ကြာ ခရီးသွားခဲ့ပြီးနောက် တရုတ်နိုင်ငံသို့ ပြန်ရောက်သည့်အခါ ဖမ်းဆီးခံခဲ့ရသည်။
.အဆိုပါအမှုကို မူလက ဇူလိုင်လကုန်တွင် ကြားနာစစ်ဆေးရန် စီစဉ်ထားသော်လည်း လူသိရှင်ကြား မကြေညာထားသည့် ရက်တစ်ရက်သို့ ရွှေ့ဆိုင်းထားသည်။
ဟွမ်၏အစ်မဖြစ်သူ၏ ပြောပြချက်အရ နိုင်ငံခြားတိုင်းပြည်တွင် သက်သေအထောက်အထားများ စုဆောင်းရန် ခက်ခဲသောကြောင့် ဤအမှုသည် ရှုပ်ထွေးကြောင်း ရဲအရာရှိများက သူမကို ပြောခဲ့သည်ဟုသိရသည်။
“အချစ်ရူးရူးနေတဲ့ ကျွန်မမောင်လေးဟာ သူ့ချစ်သူကောင်မလေးရဲ့ ဦးနှောက်အကျင်းခံလိုက်ရတာပါ” ဟု ဟွမ်၏အစ်မက ပြောသည်။ “ဒီကောင်မလေးက အသက် ၁၇ နှစ်ပဲ ရှိသေးတယ်။ ဒီလောက် ရက်စက် တဲ့အလုပ်မျိုးတွေ လုပ်လိမ့်မယ်လို့ ဘယ်သူထင်မိမှာလဲ” ဟု သူမက ပြောသည်။
Source : South China Morning Post
#World_Science
Published 25 August 2025
▪️ ဟားဗတ်ဆေးတက္ကသိုလ်မှ သုတေသီတွေက အယ်ဇိုင်းမားရောဂါရဲ့ ထူးခြားမှုတွေနဲ့ ဦးနှောက်အိုမင်းလာခြင်းအကြောင်း ဖြေရှင်းလာနိုင်မယ့် အဓိကအချက်ကို တွေ့ရှိထားပြီး ဒါဟာ လီသီယံသတ္တု ဖြစ်ပါတယ်။
▪️ လီသီယံက စိတ်ကျန်းမာရေးပြဿနာနဲ့ စိတ်ဓာတ်ကျသူတွေမှာ စိတ်တည်ငြိမ်အောင် ပေးရတဲ့ဆေးဖြစ်ပါတယ်။
▪️ လီသီယံက ခန္ဓာကိုယ်ထဲမှာလည်း အနည်းငယ်မျှ သဘာဝအတိုင်းရှိနေကာ ဆဲလ်တွေပုံမှန်လုပ်ဆောင်နိုင်ဖို့ လိုအပ်ပါတယ်။
▪️ သုတေသီတွေက ကြွက်တွေမှာ လီသီယံကုန်ခမ်းစေတဲ့ စားစရာတွေ ကျွေးတဲ့အခါ ဦးနှောက်ရောင်ရမ်းမှုဖြစ်စေပြီး လျင်မြန်စွာအိုမင်းစေကြောင်း တွေ့ရှိခဲ့ပါတယ်။
▪️ လီသီယံပမာဏ ပုံမှန်ဖြစ်အောင် ထိန်းသိမ်းထားတဲ့ ကြွက်တွေကတော့ ဦးနှောက်မှာ ပုံမှန်မဟုတ်ပြောင်းလဲခြင်းတွေဖြစ်ခြင်းမှ ကာကွယ်ပေးနိုင်တာ တွေ့ရပါတယ်။
▪️ လီသီယံက ကြွက်တွေမှာ အယ်ဇိုင်းမားလက္ခဏာတွေကို ပြန်လည်သက်သာစေပြီး အညစ်အကြေးပစ္စည်းတွေကို လျှော့ချပေးကာ မှတ်ဉာဏ်ပိုင်းတိုးတက်စေပါတယ်။
▪️ အယ်ဇိုင်းမားရောဂါနဲ့ ပတ်သက်တဲ့ ပဟေဌိတွေအကြောင်း သိပ္ပံပညာရှင်တွေ ဖြေရှင်းဖို့ကြိုးစားနေတာ ဆယ်စုနှစ်တွေ ကြာမြင့်ပြီဖြစ်ပါတယ်။
▪️ အယ်ဇိုင်းမားရောဂါရှိတဲ့ လူတွေမှာ လီသီယံပမာဏနည်းပါးတာကြောင့် ဒီရောဂါနဲ့ပတ်သက်တဲ့ အခန်းကဏ္ဍမှာ အရေးကြီးနေနိုင်ပါတယ်။
▪️ အစိမ်းရောင်အရွက်တွေ၊ အခွံမာသီးတွေ၊ သတ္တုရေတို့က ဦးနှောက်ကျန်းမာရေးအတွက် အကျိုးပြုနိုင်မယ့် လီသီယံတွေ ထုတ်လုပ်ပေးဖွယ်ရှိပါတယ်။
Source: CNN Health.
#World_Science
Published 25 August 2025
▪️ ကမ္ဘာကြီးအကြောင်း နိမိတ်တွေပြောခဲ့တဲ့ ဘူလ်ဂေးရီးယားမှ မျက်မမြင်ပုဂ္ဂိုလ်ထူး ဘာဘာဗန်ဂါဟာ ၂၀၂၅ ခုနှစ်အတွက် ဖြစ်စဉ်အများအပြားကို ခန့်မှန်းသွားပါတယ်။
▪️ ဒီထဲကတစ်ခုက ဂြိုဟ်သားတွေ ကမ္ဘာနဲ့ ထိတွေ့လိမ့်မယ်ဆိုတာလည်း ပါဝင်ပါတယ်။
▪️ 3I/ATLAS အာကာသအရာဝတ္ထုဟာ ယခုနှစ်မှာ ကမ္ဘာဂြိုဟ်ကို လာရောက်နိုင်တယ်လို့ သိပ္ပံပညာရှင်တွေ ထင်မြင်ချက်ပေးနေကြပါတယ်။
▪️ ဘာဘာဗန်ဂါဟာ သူမရဲ့ အိပ်မက်တွေထဲမှာ ဖြစ်ရပ်တွေကို မြင်တွေ့ခဲ့ပြီး ထုတ်ဖော်ပြောပြခဲ့ပါတယ်။
▪️ ဒုတိယကမ္ဘာစစ်၊ ချာနိုဘိုင်းကပ်ဘေး၊ မင်းသမီးဒိုင်ယာနာဆုံးပါးခြင်း၊ ၉/၁၁ ဖြစ်စဉ်၊ ၂၀၀၄ ဆူနာမီနဲ့ သူမရဲ့သေဆုံးမှုဟောကိန်းတွေဟာ ထင်ရှားတဲ့ဖြစ်ရပ်တွေပါ။
▪️ ယခုလည်း သူမအာရုံရခဲ့တဲ့ မြင်ကွင်းတွေထဲမှာ လူသားတွေနဲ့ ဂြိုဟ်သားတွေ ဆက်ဆံထိတွေ့မယ်ဆိုတာက မဖြစ်သေးတဲ့အရာဖြစ်ပြီး ၂၀၂၅ မှာ ဖြစ်လာနိုင်မလားလို့ သိချင်လာကြပါတယ်။
▪️ 3I/ATLAS အာကာသအရာဝတ္ထုအကြောင်း လတ်တလောသိပ္ပံနည်းကျ စောင့်ကြည်နေကြသလို ဟားဗတ်သိပ္ပံပညာရှင် အေဗီလော့ဘ်ကလည်း အာကာသယာဉ်ကြီးဖြစ်မယ်လို့ ယူဆနေပါတယ်။
▪️ ထိုအရာကြီးက တစ်စက္ကန့်ကို ၆၀ ကီလိုမီတာနှုန်းဖြင့် သွားနေကာ အချင်း ၂၀-၂၄ ကီလိုမီတာရှိပြီး ပုံမှန်မဟုတ်တဲ့ ပုံသဏ္ဍာန်တွေ မြင်တွေ့ရတာကြောင့် အဆင့်အတန်းမြင့် ဂြိုဟ်သားအဖွဲ့အစည်းကဖြစ်မယ်လို့ လော့ဘ်က မှတ်ချက်ချထားတာ ဖြစ်ပါတယ်။
▪️ ၂၀၂၅ နိုဝင်ဘာ ၂၁ ရက်နေ့မှ ဒီဇင်ဘာ ၅ ရက်အတွင်း ဂြိုဟ်သားလှုပ်ရှားမှုတွေ တွေ့ရနိုင်ပြီး ဘာဘာဗန်ဂါရဲ့ နိမိတ်တွေနဲ့ အာကာသဂြိုဟ်သားတွေနဲ့ ထိတွေ့လာရနိုင်တဲ့အကြောင်း စိတ်ဝင်စားစရာ ဖြစ်လာပါတယ်။
Source: WION.
#World_Health
Published 24 August 2025
▪️ ကျန်းမာသန်စွမ်းနေဖို့ဆိုတာ နေ့စဉ်လေ့ကျင့်ခန်းလုပ်ရုံမကဘဲ ဘယ်အချိန်အနားယူရလဲဆိုတာကိုပါ သိရှိရပါမယ်။
▪️ ကျန်းမာရေးနဲ့ညီညွတ်တဲ့ နေထိုင်စားသောက်မှုပုံစံဆိုတာ လေ့ကျင့်ခန်း၊ အစားအသောက်၊ အိပ်စက်မှုတို့ မျှတမှုအပေါ် မူတည်နေပါတယ်။
▪️ တစ်ပတ်ကို အလယ်အလတ်လှုပ်ရှားမှုမျိုး အနည်းဆုံးမိနစ် ၁၅၀ ပြုလုပ်ဖို့ ကျွမ်းကျင်သူများ အကြံပြုထားပေမယ့် နေ့စဉ်နေ့တိုင်းတော့ လေ့ကျင့်ခန်းလုပ်ဖို့ မလိုပါဘူး။
▪️ အနားယူခြင်းနဲ့ ပြန်လည်အားမွေးခြင်းကလည်း အရေးပါပါတယ်။
▪️ အနားမယူမိတာဟာ တစ်လလောက် လေ့ကျင့်ခန်းမလုပ်ခြင်းနဲ့ အတူတူလောက်ရှိတယ်လို့ လိုင်းယွန်းစ်အားကစားခန်းမအကယ်ဒမီမှ နည်းပြချုပ် ဂျက်စတင်ဆန်းတို့စ်က ပြောပါတယ်။
▪️ အနားယူတဲ့အခါ ခန္ဓာကိုယ်က ကြွက်သားမျှင်တွေကို ပြုပြင်ပေးပါတယ်။
▪️ လေ့ကျင့်ခန်းအားကစားတိုင်းဟာလည်း အနားယူအားမွေးချိန် အမျိုးမျိုး လိုအပ်ပါတယ်။
▪️ လေ့လာချက်များအရ တစ်ပတ်ကို ၁-၂ ရက်ခန့် လေ့ကျင့်ခန်းလုပ်ရင်ပင် စောစီးစွာ အသက်ဆုံးပါးနိုင်ခြေကို ၃၀-၃၄ ရာခိုင်နှုန်းလောက် လျှော့ချပေးနိုင်ပါတယ်။
▪️ လမ်းလျှောက်ခြင်း၊ အကြောလျှော့ခြင်းလိုမျိုး လှုပ်ရှားမှုဖြင့်ပင် ကျန်းမာရေးတိုးတက်စေနိုင်ပါတယ်။
▪️ လေ့ကျင့်ခန်းအလွန်အကျွံလုပ်ပြီး အလုံအလောက် အနားမယူနိုင်ရင် ဒဏ်ရာအနာတရရနိုင်ခြေလည်း များနိုင်ပါတယ်။
▪️ အနားယူတဲ့ရက်တွေမှာ ပြုပြင်ခြင်း၊ ပြန်လည်တည်ဆောက်ခြင်း၊ ခန္ဓာကိုယ်အားဖြည့်ခြင်း၊ ရေရှည်ကြံ့ခိုင်ခြင်းတို့ကို ကူညီထောက်ပံ့ပေးပါတယ်။
Source: India Today.
#World_Health
Published 24 August 2025
▪️ ယခုနှစ်အတွင်း အမေရိကန် ၆၇,၄၀၀ ခန့်မှာ ပန်ကရိယကင်ဆာ ဖြစ်နိုင်ပြီး ၅၂,၀၀၀ နီးပါး သေဆုံးနိုင်တယ်လို့ အမေရိကန်ကင်ဆာအဖွဲ့အစည်းက ခန့်မှန်းလိုက်ပါတယ်။
▪️ ဒီရောဂါက ပန်ကရိယအတွင်းမှာ ဆဲလ်ပုံမှန်မဟုတ် ကြီးထွားရာကနေ ဖြစ်လာတာပါ။
▪️ အသက်ဆုံးရှုံးနိုင်ခြေအများဆုံး ကင်ဆာတွေထဲက တစ်ခုဖြစ်ပြီး ရောဂါတွေ့ပြီးနောက် ၁၃ ရာခိုင်နှုန်းသော လူနာတွေကပဲ ၅ နှစ်အထိ အသက်ရှင်ပါတယ်။
▪️ ပန်ကရိယအင်္ဂါက ဝမ်းဗိုက်ထဲမှာ ပုန်းကွယ်တည်ရှိကာ အစောပိုင်းလက္ခဏာအနေနဲ့ ခါးနာခြင်း၊ နွမ်းနယ်ခြင်း၊ ကိုယ်အလေးချိန်ကျခြင်းတို့ ဖြစ်တတ်ကြောင်း ယူစီဆန်ဒီယေဂိုကျန်းမာရေးမှ ကင်ဆာဌာနညွှန်ကြားရေးမှူး ဒေါက်တာဒိုင်ယန်းဆီမြွန်က ပြောပါတယ်။
▪️ အသားနဲ့ မျက်လုံးအဖြူသား ဝါခြင်းတို့က ရောဂါလက္ခဏာဖြစ်ပါတယ်။
▪️ အသားဝါခြင်းက အသည်းရောင်ခြင်း၊ အသည်းခြောက်ခြင်း၊ အသည်းကင်ဆာ၊ ကျောက်တည်ခြင်းစတဲ့ အသည်းပြဿနာများ ဖြစ်နေနိုင်ပါတယ်။
▪️ MRI ၊ CT စကင်၊ အာထရာဆောင်း၊ CA 19-9 တို့လို သွေးစစ်ဆေးချက်များဖြင့် ရောဂါစစ်ဆေးရှာဖွေနိုင်ပါတယ်။
▪️ PRECEDE အဖွဲ့အစည်းက ပန်ကရိယကင်ဆာ စောစီးစွာ တွေ့ရှိနိုင်ဖို့နဲ့ ၅ နှစ်တာ အသက်ရှင်နှုန်းကို ၅၀ ရာခိုင်နှုန်းအထိ တိုးမြှင့်နိုင်ဖို့ ရည်ရွယ်ထားပါတယ်။
▪️ ကုသနည်းများအနေဖြင့် ခွဲစိတ်မှု၊ ဓာတုကုထုံး၊ ဓာတ်ရောင်ခြည်ကုထုံး၊ ကိုယ်ခံအားမြှင့်တင်ခြင်း ရရှိနိုင်ပါတယ်။
Source: New York Post
တရုတ်ပြည် ရှီဇန်ကိုယ်ပိုင်အုပ်ချုပ်ခွင့်ရဒေသရဲ့ မြိုတော်ဖြစ်တဲ့ လျာဆာမြိုရှိ ပိုတယ်လာရင်ပြင်ပွဲတော်ကို သမ္မတရှီကျင့်ဖျင် ကြာသပတေးနေ့က တက်ရောက်ခဲ့ပြီး ဒေသတည်ထောင်ခြင်း နှစ် ၆၀ ပြည့်အထိမ်းအမှတ် ကျင်းပခဲ့ပါတယ်။
#Asia_Event
Published 23 August 2025
#တရုတ်ပြည်ရှီဇန်ကိုယ်ပိုင်အုပ်ချုပ်ခွင့်ရဒေသ #သမ္မတရှီကျင့်ဖျင်
#YMG #Yangon_Times #Yangon_Media_Group
၂၃ ဩဂုတ် ၂၀၂၅
“ဗီဇာတွင်ဖော်ပြထားသည့် ခွင့်ပြုထားသောအချိန်ထက် ကျော်လွန် နေထိုင်ခြင်း၊ ရာဇဝတ်မှုကျူးလွန်ခြင်း၊ အများပြည်သူ့ဘေးကင်းရေးကို ခြိမ်းခြောက်ခြင်း၊ အကြမ်းဖက် လှုပ်ရှားမှုများတွင် ပုံစံတစ်မျိုး မျိုးဖြင့်ပါဝင်ခြင်း သို့မဟုတ် အကြမ်းဖက်အဖွဲ့အစည်းများကို ထောက်ပံ့ခြင်း အပါအဝင် အရည်အချင်း မပြည့်မီကြောင်း ညွှန်ပြသည့်အချက်များကို ရှာဖွေနေ”
နိုင်ငံခြားသားများအပေါ် နှိမ်နှင်းမှု တိုးမြှင့်လုပ်ဆောင်လာမှု၏ တစ်စိတ်တစ်ပိုင်းအနေဖြင့် ပြည်နှင် ဒဏ်ခံရခြင်းသို့ ဦးတည်နိုင်လာသော အမေရိကန် တွင် တရားဝင် ဗီဇာဖြင့် နေထိုင်ခွင့်ရရှိထားသူ သန်း ၅၅ ကျော်ကို ဥပဒေချိုးဖောက်မှုများ ရှိ၊ မရှိ ပြန်လည်စစ်ဆေးနေသည်ဟု ထရမ့်အစိုးရအဖွဲ့က ကြာသပတေးနေ့တွင် ပြောကြားခဲ့သည်။
အမေရိကန် ပြည်ဝင်ခွင့် ဗီဇာရရှိထားသူများတွင် နိုင်ငံအတော်များများမှ ကမ္ဘာလှည့်ခရီးသည်များလည်း ပါဝင်ပြီး ၎င်းတို့သည် အမေရိကန်သို့ ဝင်ရောက်ခွင့် သို့မဟုတ် နေထိုင်ခွင့်အတွက် အရည်အချင်းမပြည့်မီကြောင်း ဖော်ပြနိုင်သည့် မည်သည့်အချက်အလက်ကိုမဆို တွေ့ရှိနိုင်ရန်အတွက် “စဉ်ဆက်မပြတ် စိစစ်မှု” ပြုလုပ်နေကြောင်း နိုင်ငံခြားရေးဝန်ကြီးဌာနက Associated Press ၏ မေးခွန်း တစ်ခုကို စာဖြင့် ဖြေကြားခဲ့သည်။
ထိုသို့သော အချက်အလက်များကို တွေ့ရှိပါက ဗီဇာကို ရုပ်သိမ်းမည်ဖြစ်ပြီး ဗီဇာကိုင်ဆောင်ထားသူသည် အမေရိကန်တွင် ရှိနေပါက ၎င်းအား နှင်ထုတ်ခြင်းခံရနိုင်သည်ဟု သိရသည်။
သမ္မတ ဒေါ်နယ်ထရမ့် ရာထူးစတင်ပြီးနောက်ပိုင်း ၎င်း၏အစိုးရအဖွဲ့သည် အမေရိကန်တွင် တရားမဝင် နေထိုင်သည့် ရွှေ့ပြောင်းနေထိုင်သူများအပြင် ကျောင်းသားနှင့် အပြန်အလှန်လည်ပတ်ရေးအစီအစဉ် ဗီဇာကိုင်ဆောင် ထားသူများကိုပါ ပြည်နှင်ထုတ်ခြင်းများကို အာရုံစိုက်လုပ်ဆောင်ခဲ့သည်။ နိုင်ငံခြားရေး ဝန်ကြီးဌာန၏ ထုတ်ပြန်ချက်အသစ်တွင် အချိန်ယူရသည့် စဉ်ဆက်မပြတ်စိစစ်မှု လုပ်ငန်းစဉ်သည် ယခင်ကထက် ပိုမိုကျယ်ပြန့်လာပြီး အမေရိကန်တွင် နေထိုင်ခွင့်ရရှိထားသူများသည်ပင် ၎င်းတို့၏ ခွင့်ပြု မိန့်များကို ရုတ်တရက် ရုပ်သိမ်းခံရနိုင်ကြောင်း ဖော်ပြထားသည်။
အမိမြေလုံခြုံရေးဝန်ကြီးဌာန၏ ထုတ်ပြန်ချက်အရ ပြီးခဲ့သည့်နှစ်တွင် အမေရိကန်၌ အမြဲတမ်း နေထိုင်ခွင့်လက်မှတ် (green-card) ကိုင်ဆောင်ထားသူ ၁၂.၈ သန်းနှင့် ယာယီဗီဇာဖြင့် နေထိုင်သူ ၃.၆ သန်း ရှိခဲ့ကြောင်းသိရသည်။
လူဝင်မှုကြီးကြပ်ရေးမူဝါဒဌာန (Migration Policy Institute) မှ တွဲဖက်ညွှန်ကြားရေးမှူး Julia Gelatt က ပြန်လည်စိစစ်မည့် လူဦးရေ ၅၅ သန်းတွင် အမေရိကန်ပြင်ပရောက်ရှိနေပြီး တစ်ကြိမ်ထက်ပိုဝင် ထွက်နိုင်သည့် ခရီးသွားဗီဇာ ကိုင်ဆောင်ထားသူအချို့လည်း ပါဝင်လိမ့်မည်ဟု ပြောကြားခဲ့သည်။ အမေ ရိကန်သို့ လုံးဝပြန်မလာဖွယ်ရှိသူများအတွက် အရင်းအမြစ်များကို အကုန်အကျခံ သုံးစွဲခြင်း၏ တန်ဖိုး အပေါ်လည်း သူမက မေးခွန်းထုတ်ခဲ့သည်။
ဗီဇာတွင်ဖော်ပြထားသည့် ခွင့်ပြုထားသောအချိန်ထက် ကျော်လွန် နေထိုင်ခြင်း၊ ရာဇဝတ်မှုကျူးလွန် ခြင်း၊ အများပြည်သူ့ဘေးကင်းရေးကို ခြိမ်းခြောက်ခြင်း၊ အကြမ်းဖက် လှုပ်ရှားမှုများတွင် ပုံစံတစ်မျိုး မျိုးဖြင့်ပါဝင်ခြင်း သို့မဟုတ် အကြမ်းဖက်အဖွဲ့အစည်းများကို ထောက်ပံ့ခြင်း အပါအဝင် အရည်အချင်း မပြည့်မီကြောင်း ညွှန်ပြသည့်အချက်များကို ရှာဖွေနေကြောင်း နိုင်ငံခြားရေးဝန်ကြီးဌာနက ပြောကြားခဲ့ သည်။
“ကျွန်တော်တို့ရဲ့ စိစစ်မှုတစ်စိတ်တစ်ပိုင်းအနေနဲ့ ဥပဒေစိုးမိုးရေး သို့မဟုတ် လူဝင်မှုကြီးကြပ်ရေးဆိုင်ရာ မှတ်တမ်းများ ဒါမှမဟုတ် ဗီဇာထုတ်ပေးပြီးနောက် အရည်အချင်းမပြည့်မီနိုင်ကြောင်း ညွှန်ပြနေတဲ့ တခြားအချက်အလက်တွေ အပါအဝင် ရရှိနိုင်တဲ့ အချက်အလက်အားလုံးကို ပြန်လည်စစ်ဆေးပါတယ်” ဟု အဆိုပါဌာနက ပြောကြားခဲ့သည်။
ထို့အပြင် ကုန်တင်ယာဉ်မောင်းများအတွက် အလုပ်သမားဗီဇာထုတ်ပေးခြင်းကို ရပ်ဆိုင်းတော့မည်ဟု နိုင်ငံခြားရေးဝန်ကြီး မာကို ရူဘီယိုက ကြာသပတေးနေ့တွင် “X” ၌ ပြောကြားခဲ့သည်။ ၎င်းအပြောင်း အလဲသည် ချက်ချင်းအကျိုးသက်ရောက်မည်ဖြစ်ကြောင်းလည်း ၎င်းက ဆိုသည်။
“အမေရိကန်လမ်းတွေပေါ်မှာ နိုင်ငံခြားသား ကုန်တင်ယာဉ်မောင်းတွေ များလာတာဟာ အမေရိကန် နိုင်ငံသားတွေရဲ့ အသက်အန္တရာယ်ကို ခြိမ်းခြောက်နေသလို အမေရိကန် ကုန်တင်ယာဉ်မောင်းတွေရဲ့ အသက်မွေးဝမ်းကြောင်းကိုလည်း ထိခိုက်စေပါတယ်” ဟု ရူဘီယိုက ရေးသားခဲ့သည်။
ထရမ့်အစိုးရအဖွဲ့သည် လွန်ခဲ့သည့်လအနည်းငယ်က ကုန်တင်ယာဉ်မောင်းများ အင်္ဂလိပ်စကားကို ကျွမ်းကျင်စွာ ပြောနိုင်ဆိုနိုင်ဖတ်ရှုနိုင်ခြင်းရှိရမည့် လိုအပ်ချက်ကို ပြဋ္ဌာန်းခဲ့သည်။ ယာဉ်အန္တရာယ် ကင်းရှင်းရေးလမ်းညွှန်ဆိုင်းဘုတ်များကို ဖတ်ရှုနိုင်စွမ်း သို့မဟုတ် အင်္ဂလိပ်စကား ပြောဆိုနိုင်စွမ်းမရှိ သည့် ယာဉ်မောင်းများကြောင့် လူသေဆုံးမှုများအပေါ် အကျိုးသက်ရောက်မှုများ ဖြစ်ပေါ်ခဲ့ပြီးနောက် လမ်းအန္တရာယ်ကင်းရှင်းရေးကို တိုးတက်စေရန်ရည်ရွယ်၍ အဆိုပါလိုအပ်ချက်ကို ပြဋ္ဌာန်းခြင်းဖြစ်သည် ဟု ပို့ဆောင်ရေးဝန်ကြီးဌာနက ပြောကြားခဲ့သည်။
နိုင်ငံခြားရေးဝန်ကြီးဌာနက ၎င်းတို့၏ “စိစစ်ခြင်းနှင့်ပြန်လည်စစ်ဆေးခြင်းဆိုင်ရာ စည်းမျဉ်း စည်းကမ်း များကို ပြန်လည်သုံးသပ်ရန်အတွက် အဆိုပါအလုပ်သမားဗီဇာများ ထုတ်ပေးခြင်းကို ခေတ္တရပ်ဆိုင်းထား ကြောင်း ကြာသပတေးနေ့နှောင်းပိုင်းတွင် ထုတ်ပြန်ခဲ့သည်။
“ကျွန်တော်တို့ရဲ့ လမ်းတွေပေါ်က ယာဉ်မောင်းတိုင်းဟာ အမြင့်မားဆုံးစံနှုန်းကို ပြည့်မီရေး အသေအချာ ဆောင်ရွက်တာဟာ အမေရိကန် ကုန်တင်ယာဉ်မောင်းတွေရဲ့ အသက်မွေးဝမ်းကြောင်းကို ကာကွယ်ဖို့နဲ့ လုံခြုံစိတ်ချရတဲ့ကုန်စည်ပို့ဆောင်ရေးကွင်းဆက်ကို ထိန်းသိမ်းဖို့အတွက် အရေးကြီးပါတယ်” ဟု အဆို ပါ ဌာနက ပြောကြားခဲ့သည်။
နိုင်ငံခြားဆက်ဆံရးကောင်စီမှ အကြီးတန်းအဖွဲ့ဝင် Edward Alden က နိုင်ငံခြားသား အလုပ်သမားများ က ကုန်တင်ယာဉ်မောင်းလုပ်သားရှားပါးမှုကို ဖြေရှင်းရာတွင် အထောက်အကူဖြစ်စေကြောင်း ပြောကြား ခဲ့သည်။
ဤလုပ်ရပ်ကို အမေရိကန်ကုမ္ပဏီများနှင့် တက္ကသိုလ်များ၊ ဆေးရုံများကဲ့သို့သော အခြားအဖွဲ့အစည်း များအနေဖြင့် နိုင်ငံခြားသားအလုပ်သမားများအား အလုပ်ခန့်ခြင်းနှင့် ဆက်လက်ခန့်ထားခြင်းများကို အား မပေးသည့် အစိုးရ၏ စုပေါင်းအားထုတ်မှု တစ်စိတ်တစ်ပိုင်းအဖြစ် ရှုမြင်သင့်သည်” ဟု Alden က အီးမေးလ်တွင် ရေးသားခဲ့သည်။
“ဒီမှာ ရည်ရွယ်ချက်က အလုပ်သမားအတန်းအစားတစ်ခုကို ပစ်မှတ်ထားဖို့မဟုတ်ဘဲ နိုင်ငံခြားသား အလုပ်သမားတွေကို အလုပ်ခန့်ထားရင် အန္တရာယ်ရှိတယ်ဆိုတဲ့ သတင်းစကားကို အမေရိကန် အလုပ် ရှင်တွေဆီ ပို့ဖို့ပဲ ဖြစ်ပါတယ်။ “စီးပွားရေးဆိုင်ရာ အကျိုးဆက်တွေဟာ အလုပ်အမျိုးအစားအနည်းငယ်က နိုင်ငံခြားသားအလုပ်သမားတွေရဲ့ ဗီဇာတွေ ရုပ်သိမ်းခံရတာထက် အများကြီး ပိုပြီးကြီးမားလာလိမ့်မယ်” ဟု ၎င်းက ပြောကြားခဲ့သည်။
အစိုးရအဖွဲ့သည် ဗီဇာလျှောက်ထားသူများအပေါ် လူကိုယ်တိုင်တွေ့ဆုံမေးမြန်းခြင်းအပါအဝင် ပိုမိုတင်း ကျပ်သည့် ကန့်သတ်ချက်များနှင့် လိုအပ်ချက်များကို တဖြည်းဖြည်းချမှတ်လာခဲ့သည်။ ဗီဇာကိုင်ဆောင် သူအားလုံးကို ပြန်လည်စိစစ်ခြင်းသည် အစောပိုင်းတွင် အစိုးရက ပါလက်စတိုင်းလိုလားသူများ သို့မဟုတ် အစ္စရေးဆန့်ကျင်သူများဟု ယူဆသည့် လှုပ်ရှားမှုများတွင် ပါဝင်ခဲ့သော ကျောင်းသားများကိုသာ အဓိက ထား၍ စိစစ်ခြင်းလုပ်ငန်းစဉ်အား သိသိသာသာ ချဲ့ထွင်လိုက်ခြင်းဖြစ်သည်ဟု ယူဆရသည်။
ပြန်လည်စိစစ်ရာတွင် ဗီဇာကိုင်ဆောင်သူအားလုံး၏ လူမှုမီဒီယာအကောင့်များ၊ ၎င်းတို့၏ ဇာတိနိုင်ငံရှိ ဥပဒေစိုးမိုးရေးနှင့် လူဝင်မှုကြီးကြပ်ရေးဆိုင်ရာ မှတ်တမ်းများအပြင် အမေရိကန်တွင် ရှိနေစဉ် ကျူးလွန် ခဲ့သည့် အမေရိကန်ဥပဒေချိုးဖောက်မှုများလည်း ပါဝင်မည်ဖြစ်ကြောင်း အရာရှိများက ပြောကြားခဲ့သည်။
ပြန်လည်စိစစ်မှုများတွင် ယခုနှစ်အစောပိုင်းက စတင်မိတ်ဆက်ခဲ့သော စည်းကမ်းချက်အသစ်များအရ ဖြစ်နိုင်သလောက်လူမှုမီဒီယာစာမျက်နှာများအားလုံးကို သေချာစိစစ်ခြင်းအပါအဝင် ယခင်၊လက်ရှိနှင့် အနာဂတ် ဗီဇာလျှောက်ထားသူများအပေါ် အချက်အလက်စုဆောင်းရန်အတွက် ကိရိယာအသစ်များ ပါဝင်မည်ဖြစ်သည်။ အဆိုပါစည်းကမ်းချက်အသစ်များအရ လျှောက်ထားသူ ဗီဇာတွေ့ဆုံမေးမြန်းမှု အတွက် လာရောက်သည့်အခါ ၎င်းတို့၏ လက်ကိုင်ဖုန်းများနှင့် အခြားအီလက်ထရွန်နစ်ပစ္စည်းများ သို့မဟုတ် အပလီကေးရှင်းများမှ privacy ကိုယ်ရေးကိုယ်တာလျှို့ဝှက်ထားရှိမှု လုံခြုံရေးဆက်တင်များကို မဖြစ်မနေဖြုတ်ပေးရန်လိုအပ်လာမည်။
“အမေရိကန်ရဲ့ အမျိုးသားလုံခြုံရေးနဲ့ အများပြည်သူဘေးကင်းရေးကို ကာကွယ်ဖို့အတွက် ထရမ့်အစိုးရရဲ့ ကတိကဝတ်တစ်စိတ်တစ်ပိုင်းအနေနဲ့ ရာထူးစတင်ယူတဲ့နေ့ကတည်းကစပြီး နိုင်ငံခြားရေး ဝန်ကြီး ဌာန ဟာ ပြီးခဲ့တဲ့နှစ် အချိန်ကာလတူထက် ဗီဇာနှစ်ဆကျော်၊ ကျောင်းသားဗီဇာဆိုရင် လေးဆနီးပါး ရုပ်သိမ်း ခဲ့ပါတယ်” ဟု နိုင်ငံခြားရေးဝန်ကြီးဌာနက ပြောကြားခဲ့သည်။
အမေရိကန်သို့ လာရောက်လိုသော နိုင်ငံခြားသားအများစု၊ အထူးသဖြင့် ကာလကြာရှည်စွာ ပညာ သင်ကြားရန် သို့မဟုတ် အလုပ်လုပ်ရန် ဆန္ဒရှိသူများသည် ဗီဇာလိုအပ်သည်။ ချွင်းချက်အနေဖြင့် အချိန် တိုခရီးသွားလာခြင်း သို့မဟုတ် စီးပွားရေးကိစ္စအတွက် လာရောက်သည့် အဓိကဥရောပနှင့် အာရှ နိုင်ငံ (၄၀)မှ နိုင်ငံသားများသည် ဗီဇာလျှောက်ထားရန်မလိုဘဲ သုံးလအထိ နေထိုင်ခွင့်ပြုသည့် ဗီဇာကင်းလွတ် ခွင့်အစီအစဉ်တွင် ပါဝင်ကြသည်။
သို့သော် ကမ္ဘာ့နေရာအများစုဖြစ်သည့် လူဦးရေထူထပ်သော တရုတ်၊ အိန္ဒိယ၊ အင်ဒိုနီးရှား၊ ရုရှားနှင့် အာဖရိကနိုင်ငံအများစုသည် ယင်းအစီအစဉ်တွင် မပါဝင်သောကြောင့် ၎င်းတို့နိုင်ငံသားများ အမေရိကန် သို့ ခရီးသွားရန်အတွက် ဗီဇာလျှောက်ထားရမည်ဖြစ်သည်။
ယခုသီတင်းပတ်အစောပိုင်းတွင် ထရမ့် အိမ်ဖြူတော်သို့ ပြန်လည်ရောက်ရှိပြီးနောက် နိုင်ငံခြားရေး ဝန်ကြီးဌာနသည် ဗီဇာသက်တမ်းကျော်လွန်နေထိုင်ခြင်းနှင့် ပြည်နယ်၊ ဒေသဆိုင်ရာနှင့် ဖက်ဒရယ် ဥပဒေများကို ချိုးဖောက်ခြင်းတို့ကြောင့် ကျောင်းသားဗီဇာပေါင်း ၆,၀၀၀ ကျော်ကို ရုပ်သိမ်းခဲ့ကြောင်း ထုတ်ပြန်ခဲ့သည်။ အဆိုပါဥပဒေချိုးဖောက်မှုများတွင် အများစုမှာ တိုက်ခိုက်မှု၊ အရက် သို့မဟုတ် မူးယစ်ဆေးဝါးသုံးစွဲပြီး ယဉ်မောင်းနှင်မှုနှင့် အကြမ်းဖက်မှုကို ထောက်ပံ့မှုတို့ဖြစ်ကြောင်း သိရသည်။
ဗီဇာ ၆,၀၀၀ အနက် ၄,၀၀၀ ခန့်သည် ဥပဒေချိုးဖောက်မှုများကြောင့်ဖြစ်ပြီး သတ်မှတ်ထားသော အကြမ်းဖက်အဖွဲ့အစည်းများ သို့မဟုတ် အကြမ်းဖက်ဝါဒကို ထောက်ပံ့သည့် နိုင်ငံများကို ကူညီခြင်း အပါအဝင် အကြမ်းဖက်မှုနှင့်သက်ဆိုင်သည့်ကိစ္စများကြောင့် ဗီဇာ ၂၀၀ မှ ၃၀၀ ခန့် ရုပ်သိမ်းခဲ့ကြောင်းလည်း ၎င်းက ပြောကြားခဲ့သည်။
Trump administration reviews 55 million visa holders for violations by FRANCE 24 with AP
Page 68 of 1084
