#World_Health
Published 12 June 2023
သွေးနီဥထုတ်လုပ်ခြင်း၊ DNA ထုတ်လုပ်ခြင်း၊ အာရုံကြောဆဲလ်များလုပ်ဆောင်ချက်များအတွက် ဗိုက်တာမင်-ဘီ၁၂ က မရှိမဖြစ်အရေးကြီးပါတယ်။
ထိုဗိုက်တာမင် လုံလောက်စွာမရတဲ့အခါ ခန္ဓာကိုယ်မှာ ဖြစ်ပေါ်နိုင်တဲ့ကျန်းမာရေး ပြဿနာများက..
- ပင်ပန်းနွမ်းနယ်ခြင်း - ခန္ဓာကိုယ်ထဲမှာ အောက်ဆီဂျင်ကိုသယ်ဆောင်ပေးတဲ့ သွေးနီဥများထုတ်လုပ်ရာမှာ ဘီ၁၂ က လိုအပ်တာကြောင့် ချို့တဲ့တဲ့အခါ ပင်ပန်းခြင်းနဲ့ အားနည်းခြင်းတို့ဖြစ်ပေါ်စေပါတယ်။
- ခြေလက်တွေမှာ သွေးလည်ပတ်မှုလျော့နည်းစေပါတယ်။
- စဉ်းစားတွေးခေါ်ခြင်း၊ မှတ်ဉာဏ်ပိုင်းတို့မှာ ချို့ယွင်းလာပြီး စိတ်ဓာတ်ကျခြင်းကိုပင် ဖြစ်စေနိုင်ပါတယ်။
- သွေးအားနည်းခြင်းဖြစ်ပေါ်နိုင်ကာ အရေပြားက ဖြူဖျော့ပြီး အဝါရောင်သမ်းလာပါတယ်။
- လျှာမှာ ရောင်ရမ်းနာကျင်ခြင်းဖြစ်ပေါ်စေပြီး ပါးစပ်အနာများဖြစ်ပေါ်စေနိုင်ပါတယ်။
- ဝမ်းချုပ်ခြင်း၊ ဝမ်းလျှောခြင်း၊ စားချင်စိတ်လျော့နည်းခြင်းစတဲ့ အစာချေပြဿနာများ ပေါ်ပေါက်လာပါတယ်။
ဘီ၁၂ ကို အသားမှာတွေ့ရတာကြောင့် သက်သက်လွတ်စားသုံးသူများမှာ ဘီ၁၂ ချို့တဲ့ခြင်းဖြစ်ပေါ်နိုင်ပါတယ်။
အသက်အရွယ်ကြီးလာတဲ့အခါမှာလည်း ခန္ဓာကိုယ်က ဘီ၁၂ လိုအာဟာရဓာတ်တွေကို စုပ်ယူနိုင်စွမ်းလျော့ကျလာပါတယ်။
အချို့သောဆေးဝါးတွေဟာလည်း ဘီ၁၂ ချို့တဲ့ခြင်းကို ဖြစ်စေနိုင်ပါတယ်။
အသား၊ ငါး၊ ကြက်သား၊ ကြက်ဥ၊ နို့ထွက်ပစ္စည်းများစားသုံးပေးသင့်ပြီး သက်သက်လွတ်သမားဆိုရင်တော့ ဘီ၁၂ ချို့တဲ့နိုင်ချေများပါတယ်။
သက်သက်လွတ်စားသုံးသူတွေအတွက်တော့ ဘီ၁၂ ဖြည့်စွက်အားဆေးသောက်သုံးခြင်းက အသင့်တော်ဆုံးဖြစ်ပါတယ်။
ဘီ၁၂ စုပ်ယူမှုအားကောင်းစေရန် ဇီဝပိုးသတ်ဆေး၊ အစာချေအင်ဇိုင်း၊ ဟိုက်ဒရိုကလိုရစ်အက်ဆစ်တို့ဖြင့် ပံ့ပိုးသင့်ပါတယ်။
အရက်အလွန်အကျွံသောက်ခြင်းကလည်း ဘီ၁၂ စုပ်ယူမှုကို ချို့ယွင်းစေနိုင်ပါတယ်။
Source: The Jerusalem Post #World_Health #ဗိုက်တာမင်- ဘီ ၁၂ ချို့တဲ့ခြင်း
#YMG #Yangon_Media_Group
Published 11 June 2023
တရုတ်နိုင်ငံရဲ့ ၂၀၂၃ခုနှစ် နဂါးလှေလှော်ပြိုင်ပွဲ ပထမအဆင့် ကို ဇွန်လ ၁၁ရက်နေ့က ကျန်စူးပြည်နယ် အရှေ့ပိုင်း ယန်ချိန်းမြို့တွင် ကျင်းပရာ အသင်းပေါင်း၃၈သင်းမှ လှေလှော်အားကစားသမား ၈၀၀ ဦးဝင်ရောက်ယှဉ်ပြိုင်ခဲ့ကြပါတယ်။
ပြိုင်ပွဲမှာ မီတာ ၁၀၀ မီတာ ၂၀၀နှင့် မီတာ ၅၀၀ ပြိုင်ပွဲတွေမှာ ယခင်နှစ်ရက်အပါအဝင် တနင်္ဂနွေအထိ သုံးရက်တိတိ ဝင်ရောက် ယှဉ်ပြိုင်ကြရတာဖြစ်ပါတယ်။
Published 11 June 2023
အာရေဗျပင်လယ်အပေါ်ဖြစ်ပေါ်နေသည့် အလွန်အင်အားပြင်းသည့် ဆိုင်ကလုံးဘီပါဂျွိုင်းသည် အလွန့်အလွန်အင်အား ကောင်းလာကာ ပါကစ္စတန်နိုင်ငံကရာချိ အနီးဖြတ်သန်းဝင်ရောက်မည်ဟုခန့်မှန်းထား၍ ပါကစ္စတန်အစိုးရက အရေးပေါ် ပြင်ဆင်မှုများလုပ်ဆောင်ရန်အမိန့်ထုတ်ထားရပါတယ်။
အာရေဗျပင်လယ်အပေါ်ရှိ အလွန်အင်အားပြင်းသည့် ဆိုင်ကလုံး ဘီပါဂျွိုင်းဟာ အခုဆို အလွန့်အလွန် အင်အား ကောင်းသော ဆိုင်ကလုံးအဖြစ်သို့ ရောက်ရှိလာပြီး ပါကစ္ဏတန်နိုင်ငံ ကရာချိအနီးကနေ ကုန်းတွင်းဝင်ရောက်လိမ့်မယ်လို့ အိန္ဒိယမိုးလေဝသဌာနက ခန့်မှန်းခဲ့ပါတယ်။
“ ဆိုင်ကလုံးဘီပါဂျွိုင်းဟာ ဆာရပ်စ်ထရာ-ခတ်ချ် နှင့် ကပ်လျက် ပါကစ္စတန်ကမ်းခြတို့ကို ဇွန် ၁၅ ရက် မွန်းတည့်ချိန်ခန့်မှာ အလွန့်အလွန်အင်အားကောင်းတဲ့ ဆိုင်ကလုန်းမုန်တိုင်းအဖြစ် ကျော်ဖြတ်နိုင်ဖွယ်ရှိပါတယ်” လို့ အိန္ဒိယ မိုးလေဝသဌာနက ပြောပါတယ်။
“ အလွန်အင်အားကောင်းတဲ့ ဘီပါဂျွိုင်းဟာ တနင်္ဂနွေနေ့ မနက်မှာ အလွန့်အလွန် အင်အားကောင်းတဲ့ ဆိုင်ကလုံး အဖြစ် ပို့တ်ဘန်ဒါရဲ့ အနောက်တောင်ဘက် ၄၈၀ကီလိုမီတာအကွာမှာ ရောက်ရှိခဲ့ပါတယ်။ ယင်းဆိုင်ကလုံးမုန်တိုင်းဟာ ဆာရပ်စ်ထရာ၊ ခတ်ချ်နှင့် ကပ်လျက်ပါကစ္စတန်ကမ်းခြေတွေနှင့် မန်ဗီ။ဂူဂျာရတ်နှင့် ကရာချိနှင့်ပါကစ္စတန်က ကရာချိတို့ကို ဇွန်၁၅ရက်မွန်းတည့်ချိန်မှာ ဖြတ်သန်းလိမ့်မယ်လို့ခန့်မှန်းထားကြောင်း အိန္ဒိယမိုးဇလဌာနက သတင်း ထုတ်ပြန်ပါတယ်။
အဲဒါကြောင့် ပါကစ္စတန် ဝန်ကြီးချုပ် ရှီဘက်ဇ်ရှာရစ်က ဘီပါဂျွိုင်း ဆိုင်ကလုံး မုန်တိုင်းနှင့်ရင်ဆိုင်နိုင်အောင် အရေးပေါ် ပြင်ဆင်ဆောင်ရွက် စရာအားလုံးလုပ်ဆောင်ကြဖို့ ညွှန်ကြားလိုက်ပါတယ်။အဆိုပါဆိုင်ကလုံးကြောင့် ကရာချိနှင့် ဆင်း ပြည်နယ်တွေရဲ့ အနိမ့်ပိုင်းတွေမှာ ရေလွှမ်းမိုးမှုနှင့် မုန်တိုင်းမိုးကြီးမှုတွေဖြစ်လာနိုင်ပါတယ်။ ပါကစ္စတန်မိုးလေဝသဌာန ကလည်း အာဏာပိုင်တွေကို ဆိုင်ကလုံး ဘီပါဂျွိုင်းအတွက် ပြင်ဆင်ထားကြဖို့ သတိပေးချက်ထုတ်ပြန်လိုက်ပါတယ်။
ဆိုင်ကလုံး ဘီပါဂျွိုင်းဟာ မွမ်ဘိုင်းမြို့ အနောက်-အနောက်တောင်ဘက် ၆၀၀ကီလိုမီတာအကွာ ကရာချိ တောင်ဘက် ၈၄၀ကီလိုမီတာအကွာ အာရေဗျပင်လယ် အရှေ့ အလယ်ပိုင်းမှာ တည်ရှိနေပါတယ်။
Source_WION
#Cyclone_Biparjoy
#ဆိုင်ကလုံးဗီပါဂျွိုင်း
#ပါကစ္စတန်
#World_Health
Published 11 June 2023
လူတော်တော်များများဟာ မျက်ကွင်းညိုတာမျိုးဖြစ်တတ်ပြီး မျက်လုံးအောက်ဘက်မှာ အညိုရောင်သမ်းနေတာမျိုး ဖြစ်ပါတယ်။
ကျန်းမာအောင်နေ၊ ရေများများသောက်၊ အိပ်ရေးဝဝအိပ်လည်း ထိုမျက်ကွင်းညိုတာက မပျောက်သွားတတ်ပါဘူး။
အချို့ကတော့ မိတ်ကပ်တွေ၊ ဈေးကြီးလိုးရှင်းတွေနဲ့ ဖုံးအုပ်တာမျိုးပြုလုပ်လေ့ရှိသလို မီးဖိုချောင်ထဲက ပစ္စည်းတွေနဲ့လည်း အသုံးပြုနိုင်ပါတယ်။
အာလူးက မျက်ကွင်းညိုတာအတွက် အကောင်းဆုံးကုသနည်းတစ်မျိုး ဖြစ်ပါတယ်။
သူတို့ဟာ သဘာဝအတိုင်းအေးမြပြီး ဗိုက်တာမင်စီနဲ့ ဓာတ်တိုးဆန့်ကျင်ပစ္စည်းများပါဝင်ပါတယ်။
သူ့ရဲ့အေးမြမှုက ရောင်ရမ်းခြင်းကိုလျှော့ချပေးပြီး မျက်လုံးကိုပိုမိုနိုးကြားနေပုံပေါက်စေပါတယ်။
အာလူးမှာပါဝင်တဲ့ ကတ်တီကောလ် အော်ဂဲနစ်ဒြပ်ပေါင်းက အသားအရည်ကြည်လင်စေတဲ့ အလှကုန်ပစ္စည်းတွေမှာ အသုံးပြုကြပါတယ်။
ဒီဒြပ်ပေါင်းကို အာလူးမှာပမာဏအနည်းငယ်သာ တွေ့ရပြီး မျက်လုံးနားတဝိုက်က အသားအရည်ကိုကြည်လင်စေတာကြောင့် မျက်ကွင်းညိုခြင်းကို သက်သာစေနိုင်ပါတယ်။
အသုံးပြုပုံကတော့ ပုံမှန်အာလူးတစ်လုံးကိုယူပြီး အခွံနွှာကာ အညစ်အကြေးအမှုန် လုံးဝမရှိတဲ့အထိ သန့်စင်ဆေးကြောပါ။
အသုံးပြုနိုင်တဲ့ပထမနည်းလမ်းကတော့ အာလူးပါးပါးလှီးပြီး မျက်လုံးအောက်မှာထားပေးပါ၊ အာလူးမှထွက်တဲ့အရည်ကို မျက်လုံးထဲမဝင်ပါစေနှင့်။
နောက်တစ်နည်းကတော့ အာလူးကိုခြစ်ပြီး စိုထိုင်းဆအနည်းငယ်ထွက်စေကာ လက်ကိုင်ပဝါပါးပါးထဲထည့်ပြီး မျက်လုံးပေါ်တင်ပေးပါ။
နောက်ဆုံးတစ်နည်းက အာလူးကိုခြစ်၊ ခြစ်ထားတဲ့အာလူးကို ဇလုံတစ်ခုအပေါ်မှ ဆန်ခါဖြင့်တွန်းထည့်ပါ။
ဇွန်းဖြင့်အာလူးရဲ့အစိုဆကို ဇလုံထဲဖိချပြီး ဂွမ်းစနှစ်ခုကို အစိုဆထဲထည့်စွတ်ကာ တဝက်ခေါက်လိုက်ပါ။
ခေါက်ထားတဲ့ဂွမ်းစတွေကို မျက်လုံးအောက်မှာထားလိုက်ရုံပါပဲ။
ဘယ်နည်းလမ်းပဲအသုံးပြုသည်ဖြစ်စေ အာလူး၊ ဂွမ်းစတို့ကို မျက်လုံးအောက်မှာ အနည်းဆုံး ၁၅ မိနစ်ခန့် ထားပေးပြီး မနက်တိုင်းပြုလုပ်ပေးသင့်ပါတယ်။
Source: Tips And Tricks #World_Health #မျက်ကွင်းညိုခြင်းသက်သာစေမည့်နည်းလမ်း #YMG #Yangon_Media_Group
#World_Health
Published 11 June 2023
ကိုဗစ်နောက်ဆက်တွဲလက္ခဏာခံစားရသူအများစုဟာ အချို့သောအဆင့်မြင့်ကင်ဆာဝေဒနာရှင်တွေထက်ပင် ဘဝကျန်းမာရေးနိမ့်ပါးနိုင်ကြောင်း သုတေသနတွေ့ရှိထားပါတယ်။
ကိုဗစ်နောက်ဆက်တွဲခံစားရသူတွေရဲ့ နေ့စဉ်ဘဝမှာ ပင်ပန်းနွမ်းနယ်ခြင်းက အထိခိုက်ဆုံးလက္ခဏာဖြစ်နေကြောင်း လန်ဒန်တက္ကသိုလ်ကောလိပ်နဲ့ အိတ်စ်တာတက္ကသိုလ်တို့မှ သုတေသီတို့က လေ့လာတွေ့ရှိထားပါတယ်။
ကင်ဆာနဲ့ဆိုင်တဲ့ သွေးအားနည်းရောဂါသည်များ၊ ကျောက်ကပ်ပြင်းထန်ရောဂါသည်များထက်ပင် ပိုမိုဆိုးရွားနေကြောင်း တွေ့ရှိခဲ့ကြပါတယ်။
ကိုဗစ်နောက်ဆက်တွဲလက္ခဏာဟာ မမြင်ရဘဲ လူအများစုဟာ သူတို့ရဲ့လုပ်ဆောင်နိုင်စွမ်း ဘယ်လောက်ပြောင်းလဲသွားလဲဆိုတာကို သတိထားနေရတယ်လို့ ပရော်ဖက်ဆာ'ဝီလီယံဟန်လေ'က ပြောပြသွားပါတယ်။
ဒီအခြေအနေခံစားနေရသူတွေကို ထောက်ပံ့ပေးနိုင်ဖို့ အထောက်အထားခိုင်လုံတဲ့ ကူညီမှုတွေရရှိအောင် အရေးတကြီးသုတေသနပြုလုပ်ဖို့ လိုအပ်နေကြောင်း ဆိုပါတယ်။
ကိုဗစ်ကူးစက်ဖူးတဲ့လူတွေကို စစ်တမ်းကောက်ယူကြည့်ရာမှာ လူနာ ၉၀ ရာခိုင်နှုန်းကျော်လောက်က အသက် ၁၈ နှစ်မှ ၆၅ နှစ်ကြားဖြစ်ပြီး အရင်လအတွင်း အနည်းဆုံးတစ်ရက်ကြာအောင် အလုပ်မလုပ်နိုင်ကာ ၂၀ ရာခိုင်နှုန်းကတော့ လုံးဝအလုပ်မလုပ်နိုင်ခဲ့ကြောင်းသိရပါတယ်။
ထိုထဲက ၇၁ ရာခိုင်နှုန်းလောက်က အမျိုးသမီးတွေဖြစ်ပါတယ်။
ကပ်ရောဂါဆိုင်ရာကျန်းမာရေး UCLတက္ကသိုလ်မှသုတေသီ ဒေါက်တာ'ဟင်နရီဂွတ်ဖဲလိုး'က ကိုဗစ်နောက်ဆက်တွဲလက္ခဏာတွေဟာ လူတွေရဲ့ဘဝကို ဆိုးရွားစွာသက်ရောက်စေပြီး ပင်ပန်းနွမ်းနယ်ခြင်းက အကြီးမားဆုံးပြဿနာဖြစ်နေကြောင်း တွေ့ရှိခဲ့တယ်လို့ ဆိုပါတယ်။
အဆိုပါလက္ခဏာများကို နားလည်သိရှိခြင်းဖြင့် ဆေးဘက်ဆိုင်ရာနေရာတွေမှာ ရွေးချယ်ကုသစရာများရှိလာစေမှာဖြစ်ပါတယ်။
Source: The Guardian #World_Health #ကိုဗစ်နောက်ဆက်တွဲလက္ခဏာများ
#YMG #Yangon_Media_Group
#Asia_Development
Published 10 June 2023
တရုတ်တောင်ပိုင်း ပင်လယ်ဖြတ်ကူးစီမံကိန်းကြီးဖြစ်တဲ့ ရှန်ကျန်ကျုံရှန်စင်္ကြံရှိ ရေအောက်ဥမင်လှိုဏ်ခေါင်းအတွက် ရေနစ်မြုပ်ပိုက်များထုတ်လုပ်ရာမှာ ဆန်းသစ်တီထွင်တဲ့ နည်းလမ်းအမြောက်အများကို အသုံးပြုထားပါတယ်။
#Asia_Development #ရှန်ကျန်ကျုံရှန်စင်္ကြံရေအောက်ဥမင်လှိုဏ်ခေါင်းကြီး ဆောက်လုပ် #YMG #Yangon_Media_Group
#Daily_News
Published_ 10 June 2023
၁။ ပြည်တွင်းဆန်စျေးများ ဆက်တိုက်မြင့်တက်နေပြီး ဆန်ကြမ်းတစ်အိပ်ကို ၇သောင်းကျော်နေ
၂။ ပြင်ပရွှေပေါက်စျေး ၃၁သိန်းနီးပါးရှိနေပြီး အရောင်းအ၀ယ်အေးနေ
၃။ မုတ်သုန်အားကောင်းနေ၍ ဒေသအချို့တွင် ရေကြီးရေလျှံခြင်း၊ မြေပြိုခြင်း စသည့်သဘာဝဘေးများကြုံနိုင်
၄။ တောင်တရုတ်ရှိ ပင်လယ်ဖြတ်ကူးရေးစီမံကိန်းကြီးဖြစ်သည့် ရှန်ကျန်ကျုံရှန်စင်္ကြံရေအောက်ဥမင်လှိုဏ်ခေါင်းကြီး ဆောက်လုပ်လျက်ရှိ.... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
Page 335 of 778