#World_Lifestyle
Published 03 December 2024

▪️ ဘောလုံးခေါင်းတိုက်ခြင်းဟာ ဦးနှောက်ထိခိုက်စေတာကို ယခင်ကထက်ပိုပြီး တွေ့လာကြပါတယ်။

▪️ မြောက်အမေရိက ဓာတ်ရောင်ခြည်အဖွဲ့မှ သုတေသီတွေက ဘောလုံးခေါင်းတိုက်ခြင်းနဲ့ အာရုံကြောချို့ယွင်းရောဂါများကြား ဆက်စပ်မှုတွေကို ရှာဖွေတွေ့ခဲ့ကြပါတယ်။

▪️ ဘောလုံးကို အကြိမ်များစွာ ခေါင်းတိုက်ခဲ့တဲ့ ဘောလုံးသမားတွေဟာ ဦးနှောက်ရဲ့ အဖြူသားနေရာမှာ ပုံမှန်မဟုတ်ဘဲ ဦးနှောက်ထိခိုက်ဒဏ်ရာ ရထားတာတွေကို တွေ့ခဲ့ကြပါတယ်။

▪️ ဘောလုံးသမားတွေ ဘောလုံးနဲ့အထိများတဲ့ ဦးနှောက်အရှေ့ခြမ်းနေရာမှာ အထိခိုက်ဆုံးဖြစ်နေတာ တွေ့ရပါတယ်။

▪️ အားကစားမှာ ကြိမ်ဖန်များစွာ ခေါင်းတိုက်ခြင်းရဲ့ သက်ရောက်မှုတွေက ယခင်သိထားတာထက် ပိုကျယ်ပြန့်နေတယ်လို့ နယူးယော့ခ် ကိုလံဘီယာတက္ကသိုလ်မှ ဓာတ်ရောင်ခြည်ပရော်ဖက်ဆာ ဒေါက်တာ မစ်ချဲလ်လစ်ပ်တန်က ပြောသွားပါတယ်။

▪️ ဦးနှောက်အဖြူသားနေရာကို ထိခိုက်ခြင်းက ဦးနှောက်စွမ်းဆောင်ရည် ပိုမိုဆိုးရွားစေနိုင်တယ်လို့ ဆိုပါတယ်။

▪️ စမ်းသပ်ပါဝင်ခဲ့တဲ့ ဘောလုံးသမားတွေနဲ့ အားကစား ၄၀၀ ကျော် အများစုဟာ ဦးနှောက်ထိခိုက်ဒဏ်ရာမျိုး မရှိခဲ့ကြပါဘူး။

▪️ ခေါင်းတိုက်ခြင်းက ချက်ချင်းတော့ ဒဏ်ရာမဖြစ်ပေမယ့် ရေရှည်မှာ ဦးနှောက်ထိခိုက်နိုင်တယ်လို့ သုတေသီများ ပြောပါတယ်။

▪️ ယခုလေ့လာချက်မှာ ဦးနှောက်မျက်နှာပြင်နဲ့ နီးကပ်တဲ့ အစိတ်အပိုင်းတွေကို MRIနည်းပညာ အသုံးပြုခဲ့တာ ဖြစ်ပါတယ်။

#Source: New York Post

#World_Health
Published 03 December 2024

▪️ ဦးနှောက်ကျန်းမာရေး မြှင့်တင်ချင်သူတွေအတွက် စတိုးဆိုင်တွေမှာရောင်းချတဲ့ ဖြည့်စွက်အားဆေးတစ်မျိုးဟာ ဒီမန်ရှာနဲ့ အယ်လ်ဇိုင်းမားရောဂါ လက္ခဏာများကို တိုက်ဖျက်နိုင်ပါတယ်။

▪️ ဦးနှောက်ဆေးပင်လို့ခေါ်တဲ့ ဂင်ဂိုဘီလိုဘာအရည်ကို အဆိုပါအပင်ရဲ့ အရွက်ခြောက်တွေကနေ ညှစ်ယူရရှိပြီး အရှေ့အာရှမှာ ဦးစွာပေါက်ရောက်ကာ သက်တမ်းအရင့်ဆုံး သစ်ပင်မျိုးစိတ်တွေထဲက တစ်ခုဖြစ်ပါတယ်။

▪️ တရုတ်ရိုးရာဆေးပညာတွေမှာ အသုံးပြုကြသလို ဦးနှောက်လုပ်ဆောင်ချက်နဲ့ မှတ်ဉာဏ်ကို အားကောင်းစေကာ ဒီမန်ရှာလက္ခဏာများကို သက်သာစေပါတယ်။

▪️ ဂင်ဂိုဘီလိုဘာအပင်မှ ရရှိတဲ့ပစ္စည်းက ဦးနှောက်သို့ သွေးစီးဆင်းမှု ကောင်းစေပြီး အသက်ကြီးသူတွေမှာ အာရုံစူးစိုက်ခြင်းနဲ့ မှတ်ဉာဏ်တို့ကို တိုးတက်စေတယ်လို့ အာဟာရနဲ့ အစားအစာပညာရှင် ခရူတီကာနာနာဗာတီက ပြောသွားပါတယ်။
သူ့မှာ တာပီနွိုက်၊ ပိုလီဖီနောလ်၊ အော်ဂဲနစ်အက်ဆစ်၊ ဖလေဗိုနွိုက်တို့ ပါဝင်ပြီး ရောင်ရမ်းဆန့်ကျင်ခြင်း၊ ဓာတ်တိုးဆန့်ကျင်ခြင်း၊ အာရုံကြောကာကွယ်သည့် အစွမ်းသတ္တိများကို တိုးမြှင့်ပေးပါတယ်။

▪️ ဂင်ဂိုကို သွေးလည်ပတ်မှု အားနည်းခြင်း၊ ရင်ကြပ်ခြင်း၊ အသက်ရှူပြွန်ရောင်ရမ်းခြင်း၊ ဆီးအိတ်ပြဿနာများအတွက် အသုံးပြုပါတယ်။

▪️ ဂင်ဂိုကနေ ရရှိတဲ့ EGb 761 မှာ ဖလေဗိုနွိုက်ဂလိုင်ကိုဆိုက် ၂၄ ရာခိုင်နှုန်း၊ တာပင်းလက်တုန်း ၆ ရာခိုင်နှုန်း ပါဝင်ပြီး ဒီမန်ရှာကို ကုသနိုင်စွမ်း တွေ့ရှိထားပါတယ်။

▪️ ဒီဒြပ်ပေါင်းတွေက ဓာတ်တိုးရောင်ရမ်းခြင်းကို လျော့ကျစေပြီး သွေးခဲစေတဲ့ ပလိတ်လတ်တွေ အလွန်အကျူး စုပြုံကပ်ခြင်းမှ ကာကွယ်ပေးပါတယ်။

▪️ လေ့လာချက် ၁၁ မျိုးထဲမှာ ဂင်ဂိုမှရရှိတဲ့ ပစ္စည်းက ဒီမန်ရှာလူနာတွေမှာ ဦးနှောက်လုပ်ဆောင်ချက်တွေကို တိုးတက်စေတာ တွေ့ထားပါတယ်။

▪️ ဒီမန်ရှာအတွက် ဂင်ဂိုကို တစ်နေ့ ၁၂၀ မှ ၂၄၀ မီလီဂရမ်ဖြင့် ကုသဖို့ အကြံပြုထားပါတယ်။

▪️ ဂင်ဂိုဟာ လူတိုင်းနဲ့တည့်တာတော့ မဟုတ်ဘဲ အချို့လူတွေမှာ အစာအိမ်မသက်သာခြင်း၊ ခေါင်းကိုက်မူးဝေခြင်း၊ နှလုံးတုန်ခြင်းနဲ့ ဓာတ်မတည့်ခြင်းတို့ ဖြစ်စေနိုင်ပါတယ်။

▪️ ဖြည့်စွက်ဆေးအနေဖြင့် အရည်၊ ဆေးတောင့်၊ ဆေးပြား၊ အရွက်ခြောက်များအဖြစ် ရောင်းချနေကြပါတယ်။

#Source: New York Post

ဂျပန်နိုင်ငံ အာဏာရညွန့်ပေါင်းအစိုးရအဖွဲ့ဟာ အောက်လွှတ်တော်မှာ ထောက်ခံမှု ဆုံးရှုံးလာပြီး အနာဂတ်နိုင်ငံရေးနဲ့ စီးပွားရေးအုပ်ချုပ်မှုပိုင်းတွေမှာ မရေရာမှုများ အခက်အခဲများနဲ့ ရင်ဆိုင်ရလိမ့်မယ်လို့ ဂျပန်ကျွမ်းကျင်သူများ ပြောသွားပါတယ်။
#World_Crisis
Published 2 December 2024
#ထောက်ခံမဲဆုံးရှုံး #ဂျပန်ကျွမ်းကျင်သူများ
#YMG #Yangon_Times #Yangon_Media_Group

#Daily_News
Published 2 December 2024

၁။ ‌မြန်မာ့ရွှေကို နိုင်ငံတကာအသိအမှတ်ပြုလက်မှတ်ထုတ်ပေးနိုင်ရေး စတင်ဆောင်ရွက်နေ

၂။ မြို့ပတ်ရထားလက်မှတ်ခနှုန်းထားများထပ်မံ‌ တိုးမြှင့်ကောက်ခံ

၃။ ထိုင်းသို့ free visa ဖြင့် သွားရောက်သူများ သတ်မှတ်ရက်အပြည့်မရရှိမှုများကြုံတွေ့နေရ

၄။ အောက်လွှတ်တော်တွင် ထောက်ခံမဲဆုံးရှုံးခဲ့သည့်ဂျပန်အာဏာရအစိုးရအဖွဲ့ မရေရာမသေချာမှုများကြုံတွေ့လာနိုင်ဖွယ်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 02 December 2024

▪️ ရုရှားနဲ့ ဆီးရီးယား တိုက်လေယာဉ်တွေက တနင်္ဂနွေနေ့မှာ ဆီးရီးယားမြောက်ပိုင်းရှိ သူပုန်များ ထိန်းချုပ်ထားတဲ့ အစ်ဒ်လစ်မြို့ကို တိုက်ခိုက်ခဲ့ကြတယ်လို့ စစ်ရေးသတင်းရင်းမြစ်များက ပြောပါတယ်။

▪️ ဆီးရီးယားသမ္မတ ဘာရှာအယ်အက်ဆက်ဒ်က အလက်ပိုမြို့ထဲသို့ ဝင်ရောက်လာတဲ့ သောင်းကျန်းသူများကို ချေမှုန်းမယ်လို့ ကြုံးဝါးထားပါတယ်။

▪️ တူရကီနယ်စပ်အနီး လူ ၄ သန်းခန့် ပုန်းကွယ်နေထိုင်နေတဲ့ သူပုန်နယ်မြေတစ်ခုရှိ အကြီးဆုံးမြို့ကြီးဖြစ်တဲ့ အစ်ဒ်လစ်မြို့ရှိ လူစည်ကားရာနေရာတစ်ခုကို ဒုတိယမြောက်နေ့ တိုက်ခိုက်ခဲ့တယ်လို့ အရပ်သားများက ဆိုပါတယ်။

▪️ ကယ်ဆယ်ရေးသမားများက လူ ၇ ဦးသေဆုံးပြီး ဒါဇင်ခန့် ဒဏ်ရာရခဲ့တယ်လို့ ပြောပါတယ်။

▪️ ဆီးရီးယားစစ်တပ်နဲ့ ရုရှားတို့ကတော့ သူပုန်အဖွဲ့များ ပုန်းခိုရာနေရာတွေကို ပစ်မှတ်ခဲ့တာဖြစ်ပြီး အရပ်သားများကို မတိုက်ခိုက်ဘူးလို့ ငြင်းဆိုထားပါတယ်။

▪️ သူပုန်တွေလက်ထဲ ကျရောက်ခဲ့ကာ ပြည်တွင်းစစ်ဖြစ်နေတဲ့ အစ်ဒ်လစ်မှ အခြားမြို့များကို ရုရှားနဲ့ ဆီးရီးယားလေယာဉ်တို့က စနေနေ့မှာလည်း ဗုံးကြဲတိုက်ခိုက်ခဲ့ပါတယ်။

▪️ အကြမ်းဖက်သမားတွေက အင်အားသုံးဖို့ကိုပဲ သိတာကြောင့် အင်အားနဲ့ပဲ ဖြိုခွင်းရမယ်လို့ အက်ဆက်ဒ်က မီဒီယာတွေကို ပြောသွားခဲ့ပါတယ်။

▪️ သူပုန်များ လတ်တလော ကြီးစိုးနေတဲ့ မြို့အများအပြားကို ပြန်သိမ်းပိုက်နိုင်ခဲ့တယ်လို့ ဆီးရီးယားစစ်တပ်က ပြောပါတယ်။

▪️ တူရကီထောက်ခံပြု လက်နက်ကိုင်အဖွဲ့တွေနဲ့ အစ္စလာမ် ဟာယက်တာရီယာအယ်ရှမ်အဖွဲ့တို့ ပူးပေါင်းထားတဲ့ သူပုန်တွေကို အမေရိကန်၊ ရုရှား၊ တူရကီနဲ့ အခြားနိုင်ငံများက အကြမ်းဖက်အဖွဲ့လို့ သတ်မှတ်ထားပါတယ်။

▪️ ၂၀၁၁ ခုနှစ်တည်းက ဖြစ်ပွားနေတဲ့ စစ်အတွင်း လူပေါင်းသိန်းချီ သေဆုံးထားကာ လူသန်းနဲ့ချီ ထွက်ပြေးတိမ်းရှောင်နေရပါတယ်။

▪️ အလက်ပိုမြို့ထဲမှာ အရပ်သားများ ကြောက်လန့်နေကြပြီး အိမ်ထဲမှာပဲ နေနေကြကာ မြို့ထဲမှထွက်ခွာသူ အများအပြားရှိတယ်လို့ မျက်မြင်တွေ့ရှိသူများ ပြောပါတယ်။

#Source: Reuters

#World_Health
Published 2 December 2024

▪️ သွေးပေါင်ချိန်များခြင်း (သွေးတိုးခြင်း)ကို ထိန်းချုပ်နိုင်မယ့် ပေါင်းစပ်ဆေးဝါးကို အိန္ဒိယမှာ လေ့လာစမ်းသပ်နေတာ အပြီးသတ်ခါနီးပြီ ဖြစ်ပါတယ်။

▪️ အိန္ဒိယဆေးဝါးသိပ္ပံတက္ကသိုလ် (AIIMS)၊ အင်ပီရီယယ်ကောလိပ်လန်ဒန်နဲ့ NGO စင်တာတို့မှ ပညာရှင်များက ပြုလုပ်ခဲ့ကြတာ ဖြစ်ပါတယ်။

▪️ စမ်းသပ်ချက်မှာ အသုံးများတဲ့ ဆေးဝါးနှစ်မျိုးပေါင်းစပ်မှုတွေကတော့..
- Amlodipine/Perindopril
- Perindopril/Indapamide
- Amlodipine/Indapamide တို့ဖြစ်ပါတယ်။

▪️ ထိုပေါင်းစပ်မှုတွေက သွေးပေါင်ချိန်လျှော့ခြင်းနဲ့ နှလုံးပြဿနာများ ဖြစ်နိုင်ခြေ လျော့နည်းခြင်းတို့ ပေးစွမ်းနိုင်တာကြောင့် ရွေးချယ်ထားတာ ဖြစ်ပါတယ်။

▪️ ဆေးတစ်မျိုးထက်စာရင် ပေါင်းစပ်အသုံးပြုခြင်းက သွေးပေါင်ချိန်ကို ပိုမိုလျင်မြန်စွာ ထိန်းချုပ်နိုင်ပြီး ဘေးထွက်ဆိုးကျိုး ပိုနည်းစေပါတယ်။

▪️ စမ်းသပ်ခံတဲ့သူတွေကို အစပိုင်းမှာ ဆေးပမာဏအနည်းငယ် စပေးပြီး ၂လအပြီးမှာ တိုးမြှင့်လာပါတယ်။

▪️ ၆လအကြာမှာတော့ ဆေးပမာဏအပြည့်အတိုင်း နှိုင်းယှဉ်ခဲ့ကြပါတယ်။
ဒီလေ့လာချက်ဟာ သွေးပေါင်ချိန် လျော့ကျဖို့ကိုပဲ အာရုံစိုက်ခဲ့ကြကာ နှလုံးကျန်းမာရေး ရေရှည်အတွက်တော့ မစဉ်းစားခဲ့ပါဘူး။

▪️ ဒါ့အပြင် ယခုစမ်းသပ်တဲ့ လူတွေကလည်း အခြားလူမျိုးတွေထက်စာရင် ကျန်းမာရေးထူးခြားတတ်တဲ့ အိန္ဒိယတွေ ဖြစ်နေပါတယ်။

#Source: India Today