#World_Health
Published 11 April 2026

■ နောက်ပြန်လမ်းလျှောက် လေ့ကျင့်ခန်းက အစပိုင်းမှာ ထူးဆန်းသလို ဖြစ်ပေမယ့် ခန္ဓာကိုယ်တွင်း အလုပ်လုပ်ပုံကို ကြီးမားစွာ သက်ရောက်စေနိုင်ပါတယ်။

■ နောက်ပြန်လမ်းလျှောက်ခြင်းက ခန္ဓာကိုယ်က ပုံမှန်လှုပ်ရှားလေ့မရှိတာကြောင့် အာရုံစူးစိုက်မှု၊ ထိန်းချုပ်နိုင်စွမ်း၊ ကြွက်သားပါဝင်လှုပ်ရှားခြင်းတို့ ပိုပြီးလိုအပ်ပါတယ်။

■ ဒါက သာမန်ပဲလို့ ထင်ရပေမယ့် ခန္ဓာကိုယ်ထဲမှာ သိပ်အသုံးမပြုတဲ့ ကြွက်သားတွေကို လှုံ့ဆော်ပေးရတယ်လို့ ကြံ့ခိုင်ရေးနည်းပြ ဆူနီလ်ချောင်ဒရီက ပြောပါတယ်။

■ သာမန်လမ်းလျှောက်ခြင်းနဲ့ ဘာတွေကွာခြားသွားသလဲဆိုရင် သာမန်လမ်းလျှောက်ခြင်းမှာ ဒူးကောက်ကြောနဲ့ ခြေသလုံးတို့ အများဆုံးအလုပ်လုပ်ရပြီး နောက်ပြန်လမ်းလျှောက်ခြင်းမှာတော့ ရှေ့ပေါင်ကြွက်သားတွေ ပိုမိုအလုပ်လုပ်ရကာ ခြေထောက်သန်မာစေပါတယ်။

■ အရှေ့ဘက်လမ်းလျှောက်ခြင်းက ဒူးတွေအပေါ် ဖိအားဆက်တိုက်ဖြစ်စေပြီး နောက်ပြန်လျှောက်ခြင်းကတော့ ဒီဖိအားကို လျော့စေကာ ဒူးမကောင်းသူတွေအတွက် သက်သာစေပါတယ်။

■ သာမန်လမ်းလျှောက်ခြင်းက အလေ့အကျင့်အတိုင်း ဖြစ်နေပေမယ့် နောက်ပြန်လျှောက်ခြင်းကတော့ ဦးနှောက်ကို တက်ကြွအောင်လှုံ့ဆော်ပေးပြီး ဟန်ချက်နဲ့ စိတ်ခန္ဓာလုပ်ဆောင်မှု တိုးတက်စေနိုင်ပါတယ်။

■ နောက်ပြန်လမ်းလျှောက်ခြင်းက အားစိုက်ထုတ်မှု ပိုမိုလိုအပ်ပြီး ကယ်လိုရီ ပိုမိုလောင်ကျွမ်းစေနိုင်ပါတယ်။

■ နေ့စဉ် ၁၀-၁၅ မိနစ်ခန့် နောက်ပြန်လမ်းလျှောက်ခြင်းဖြင့် ကြံ့ခိုင်မှု၊ ဟန်ချက်တို့ တိုးတက်စေပြီး ကိုယ်အလေးချိန်ပါ ကျစေနိုင်ပါတယ်။

■ အစပိုင်းမှာ လျှောက်ရတာ ထူးဆန်းနိုင်ပေမယ့် ကျင့်သားရသွားရင် အလွန်အသုံးဝင်တဲ့ လေ့ကျင့်ခန်းတစ်မျိုး ဖြစ်ပါတယ်။

Source: India Today.