#WorldHealth
Published 7 June 2022

အသည်းထဲကဆဲလ်တွေက အလိုအလျောက်ပြန်လည်နုပျိုနေတာကြောင့် လူ့အသက် ၈၀ ရောက်သည့်တိုင်အောင် အသည်းရဲ့သက်တမ်းက ၃ နှစ်ထက်မပိုကြောင်း လေ့လာတွေ့ရှိခဲ့ပါတယ်။

သူတို့ရဲ့လေ့လာတွေ့ရှိမှုက အသည်းအဆီဖုံးခြင်းနဲ့ အသည်းခြောက်ခြင်းတို့လို အင်္ဂါအတွင်းအသက်အရွယ်အရဖြစ်လာတတ်တဲ့ ရောဂါတွေကို ပိုမိုနားလည်သိရှိစေနိုင်မှာဖြစ်ကြောင်း ဂျာမနီသိပ္ပံပညာရှင်များက ပြောကြားလိုက်ပါတယ်။

အသည်းအင်္ဂါတစ်ခုတည်းကပဲ ပျက်စီးသွားတဲ့ဆဲလ်တွေနေရာမှာ အသစ်ပြန်ဖြစ်ပေါ်ကြောင်း ပထမဆုံးအကြိမ်တွေ့ရှိခဲ့တာဖြစ်ပြီး သိပ္ပံပညာရှင်များက အဆိုပါသက်တမ်းကို တွက်ချက်ခန့်မှန်းခဲ့ကြပါတယ်။

လူ့ခန္ဓာကိုယ်ဟာ နေ့စဉ်ဆဲလ်ပေါင်းဘီလီယံနဲ့ချီပြီး အစားထိုးလျက်ရှိကာ အူလမ်းကြောင်းနံရံကဆဲလ်တွေက သက်တမ်း ၄ ရက်မျှရှိကာ သက်တမ်းအတိုဆုံးဆဲလ်တွေဖြစ်ပါတယ်။

ကြွက်သားတွေကဆဲလ်တွေကတော့ နှစ်ပေါင်း ၇၀ လောက်သက်တမ်းရှိပြီး ဦးနှောက်ထဲကဆဲလ်တွေဆိုရင် အသက်ရှင်နေသရွေ့ ဆဲလ်တွေရှင်သန်နေနိုင်ပါတယ်။

ဒရက်စ်ဒန်နည်းပညာတက္ကသိုလ်မှ သုတေသီတွေက အသက် ၂၀ မှ ၈၄ နှစ်ကြားလူနာ ၃၂ ဦးရဲ့ အသည်းနမူနာများနဲ့ သေဆုံးပြီးသားလူတွေဆီက နမူနာ ၃၂ မျိုးရယူကာလေ့လာခဲ့ပါတယ်။

အသည်းနမူနာများရဲ့သက်တမ်းကိုတွက်ချက်ရာမှာ ဆဲလ်တွေပေါ်က ကာဗွန်ပမာဏကိုတိုင်းတာတဲ့နည်းလမ်း အသုံးပြုခဲ့ကြပါတယ်။

လေ့လာချက်ထဲမှာ အသည်းရဲ့ဆဲလ်တွေက ပျမ်းမျှခြင်းအားဖြင့် သက်တမ်းတစ်နှစ်ရှိပြီး အလွန်ဆုံး ၃ နှစ်ထက်မကျော်လွန်ခဲ့ပါဘူး။

ဦးဆောင်သုတေသနပြုလုပ်တဲ့ ဒေါက်တာ'အိုလက်ဖ်ဘာ့ဂျ်မန်း'က "အသက်ကြီးကြီးငယ်ငယ် အသည်းရဲ့သက်တမ်းက ၃ နှစ်အောက်သာရှိပါတယ်၊ အသက်အရွယ်အလိုက်ဖြစ်တတ်တဲ့ရောဂါတွေနဲ့ အသည်းကင်ဆာကို ပိုမိုနားလည်လာနိုင်ဖို့အတွက် အသည်းထဲကဆဲလ်ပြန်လည်ဖြစ်ပေါ်ခြင်းဖြစ်စဉ်က အလွန်အရေးကြီးပါတယ်" လို့ ဖော်ပြခဲ့ပါတယ်။

အသည်းဆဲလ်တွေက ပြန်လည်နုပျိုနိုင်စွမ်းရှိပေမယ့် ဆဲလ်မျိုးရိုးဗီဇဆင့်ကဲပြောင်းလဲမှုများကြောင့် အသည်းရဲ့သက်တမ်းရင့်လာတဲ့အထောက်အထားတွေလည်း ရှိနေပါတယ်။

ဒီဖြစ်စဉ်က ဆဲလ်ပုံမှန်လုပ်ဆောင်ချက်များကို ထိခိုက်စေပြီး အမျိုးမျိုးသောရောဂါများဖြစ်ပွားလာစေနိုင်ကြောင်း Computational and Structural Biotechnology မှာ ၂၀၁၉ ခုနှစ်က လေ့လာဖော်ပြခဲ့ပါတယ်။

လူ့ခန္ဓာကိုယ်ကနေ နေ့စဉ်ဆဲလ်ပေါင်း ၃၃၀ ဘီလီယံလောက် အစားထိုးထွက်ရှိစေပြီး တနည်းအားဖြင့် အားလုံးပေါင်းရဲ့ ၁ ရာခိုင်နှုန်းခန့်ရှိကြောင်း PLOS Biology မှာ ၂၀၁၆ က လေ့လာဖော်ပြခဲ့ပါတယ်။

သက်တမ်းအတိုဆုံးဆဲလ်က သုတ်ပိုးဆဲလ်ဖြစ်ပြီး အစားထိုးမခံရခင် ၃ ရက်မျှသာနေထိုင်နိုင်တာဖြစ်ပါတယ်။

Source: DailyMail
#Yangon_Media_Group

#CovidVaccine

Published 7 June 2022

Biological E ကုမ္ပဏီမှထုတ်လုပ်တဲ့ ကော်ဘီဗက်ဇ်(Corbevax)ကိုဗစ်ကာကွယ်ဆေးကို အသက် ၁၈ နှစ်နဲ့အထက်လူတွေမှာ အားမြှင့်ကာကွယ်ဆေး(booster)အဖြစ် ထိုးနှံခွင့်ပြုလိုက်ပြီဖြစ်ပါတယ်။

ကိုဗက်ဆင်း(Covaxin) သို့မဟုတ် ကိုဗီရှီးလ်(Covishield) ၂ ကြိမ်ထိုးပြီး ၆ လကြာတဲ့သူတွေမှာ အဆိုပါအားမြှင့်ကာကွယ်ဆေးကိုထိုးနှံနိုင်ကြောင်း ကုမ္ပဏီကထုတ်ပြန်လိုက်ပါတယ်။

"ယခုလိုအသိအမှတ်ပြုမှုအတွက် အလွန်ဝမ်းသာရပြီး အိန္ဒိယနိုင်ငံက ကိုဗစ်အားမြှင့်ကာကွယ်ဆေး(booster)လိုအပ်ချက်ကို ဖြေရှင်းနိုင်မှာဖြစ်ပါတယ်၊ ကျွန်မတို့ရဲ့ကိုဗစ်ကာကွယ်ဆေးထုတ်လုပ်မှုခရီးဟာ နောက်ထပ်မှတ်ကျောက်တင်နိုင်ခဲ့ပြီဖြစ်ပါတယ်၊ ယခုအသိအမှတ်ပြုမှုကနေ ကော်ဘီဗက်ဇ်ရဲ့ကိုယ်ခံအားမြှင့်တင်နိုင်မှုစွမ်းရည်နဲ့ ကမ္ဘာ့အဆင့်စံချိန်စံညွှန်းများအကြောင်း သိရှိစေမှာဖြစ်ပါတယ်" လို့ Biological E ရဲ့ဦးဆောင်ညွှန်ကြားရေးမှူး'မာဟီမာဒတ်လာ'က ထုတ်ပြန်ကြေညာလိုက်ပါတယ်။

ကော်ဘီဗက်ဇ်အားမြှင့်ကာကွယ်ဆေးထိုးနှံခြင်းဖြင့် ကိုဗီရှီးလ်နဲ့ ကိုဗက်ဆင်းထိုးနှံထားတဲ့သူတွေမှာ ရောဂါကာကွယ်ရေးပဋိပစ္စည်းပမာဏသိသိသာသာများလာကြောင်း ကုမ္ပဏီကပြောပြပါတယ်။

အိန္ဒိယဆေးဝါးထိန်းချုပ်ကွပ်ကဲရေး(DCGI)က ကော်ဘီဗက်ဇ်ကာကွယ်ဆေးကို အသက် ၅ နှစ်မှ ၁၂ နှစ်ကြားကလေးတွေမှာထိုးနှံဖို့ ဧပြီနှောင်းပိုင်းမှာ အရေးပေါ်ခွင့်ပြုပေးခဲ့ပြီး ဒီမတိုင်ခင်ကလည်း အသက် ၁၂ နှစ်မှ ၁၄ နှစ်ကြားလူငယ်တွေမှာ ထိုးနှံပေးခဲ့ပါတယ်။

Biological E က ကော်ဘီဗက်ဇ်ဆေးတစ်လုံးကို ၈၄၀ ရူပီးသတ်မှတ်ထားရာကနေ မေလက ပစ္စည်းနဲ့ဝန်ဆောင်မှုအခွန်အခများအပါအဝင် ပုဂ္ဂလိကကာကွယ်ဆေးထိုးနှံရေးစင်တာများအတွက် ၂၅၀ ရူပီးအထိ ဈေးနှုန်းလျှော့ချပေးခဲ့ပါတယ်။

မတ်လက အိန္ဒိယမှာ အသက် ၁၂ နှစ်မှ ၁၄ နှစ်ကြားကလေးတွေကို ကိုဗစ်ကာကွယ်ဆေးစတင်ထိုးနှံပေးခဲ့ရာ ကော်ဘီဗက်ဇ်ကာကွယ်ဆေးကို အသုံးပြုခဲ့ပြီး အစိုးရကာကွယ်ဆေးထိုးနှံခြင်းအစီအစဉ်အတွက် ဈေးနှုန်းကို ၁၄၅ ရူပီးဖြင့် သတ်မှတ်ပေးခဲ့ပါတယ်။

Biological E က ကော်ဘီဗက်ဇ်ကာကွယ်ဆေးထုတ်လုပ်ရာမှာ တက္ကဆက်ကလေးဆေးရုံ၊ ဘိုင်လာဆေးပညာကောလိပ်တို့နဲ့ ပူးပေါင်းဆောင်ရွက်ခဲ့ပါတယ်။

အရေးပေါ်ထိုးနှံခွင့်မရခင်မှာ ကုမ္ပဏီက အသက် ၅ နှစ်မှ ၁၂ နှစ်ကြားကလေးတွေနဲ့ အသက် ၁၂ နှစ်မှ ၁၈ နှစ်ကြားကလေးတွေမှာ ဒုတိယအဆင့်နဲ့တတိယအဆင့်စမ်းသပ်မှုများ ပြုလုပ်ခဲ့ကြောင်း ပြောကြားခဲ့ပါတယ်။

ကော်ဘီဗက်ဇ်ကို အသက် ၁၂ နှစ်မှ ၁၄ နှစ်ကြားကလေးများအတွက် မတ်လကစတင်ထိုးနှံစဉ်က သူတို့ရဲ့ကာကွယ်ဆေးကို လူအများတတ်နိုင်တဲ့အနေအထားဖြစ်အောင် အဓိကရည်မှန်းထားခဲ့တာဖြစ်ကြောင်း မစ္စ'ဒတ်လာ'က NDTV ကိုပြောကြားခဲ့ပါတယ်။

Source: NDTV
#Yangon_Media_Group

#WorldBusiness
Published 6 June 2022

တဲလ်အေဗစ်ကမ်းရိုးတန်းမြို့အနီးရှိ အစ္စရေးလ်စိန်ရောင်းဝယ်လဲလှယ်ရေးရုံးခန်းထဲမှာ 'ပရာဗင်ကူကာဒီယာ'က သူ့ရဲ့အဖိုးတန်ကျောက်မျက်ရတနာစုဆောင်းမှုကို ဂုဏ်ယူစွာပြသထားပါတယ်။

#Yangon_Media_Group

Published 6 June 2022

ထိုင်းနိုင်ငံမြို့တော် ဘန်ကောက်မှာ နှစ်ပေါင်း ၁၆နှစ်အတွင်း နိုင်ငံရဲ့ပထမဆုံး LGBTQ+ အသိုက်အဝန်းရဲ့ Pride စီတန်းလှည့်လည်ပွဲတော်ကို တနင်္ဂနွေနေ့က ကျင်းပခဲ့ပါတယ်။ တက်ရောက်ဆင်နွှဲသူတွေကတော့ နိုင်ငံမှာ တန်းတူညီမျှမှုဟာ ဝေးနေတုန်းပါပဲလို့ သတိပေးပြောကြားခဲ့ပါတယ်။

ထိုင်းနိုင်ငံရဲ့ LGBTQ+ အသိုက်အဝန်းရဲ့ Pride စီတန်းလှည့်လည်ပွဲကျင်းပပုံတွေကို AFP က ရုပ်သံ မှတ်တမ်းတင်ပေးထားပါတယ်။

Source AFP

Published 6 June 2022

ယူကရိန်းစစ်ပွဲကြောင့် အကျပ်အတည်းတွေ ဖြစ်ပေါ်နေသော်ငြား ကမ္ဘာ့နျူကလီးယားအင်အားကြီးနှစ်နိုင်ငံအနေနှင့် စကာ ဆက်လက်ပြောဆိုရမှာဖြစ်တဲ့အတွက် အမေရိကန်သံရုံးကို ပိတ်ပစ်ဖို့မသင့်ဘူးလို့ မော်စကိုအခြေစိုက် အမေရိကန်သံအမတ်ကြီးက တနင်္လာနေ့က ပြောကြားလိုက်ပါတယ်။

အမေရိက်ပြည်ထာင်စုရဲ့ ဗိုလ်ကျစိုးမိုးရေးက ရုရှားကို အရှက်တကွဲဖြစ်အောင်လုပ်နေတယ်လို့ ရုရှားသမ္မတ ဗလက်ဒီမာပူတင်က ပြောကြားထားပါတယ်။

သမ္မတဒေါ်နယ်ထရမ့်ခန့်အပ်ခဲ့တဲ့ အမေရိကန်သံအမတ် ဂျွန်ဂျေဆူလီဗန်က “ ဝါရှင်တန်နှင့်မော်စကိုတို့ သံတမန်ဆက်ဆံရေး လွယ်လွယ်လေးမဖြတ်သင့်ဘူး” လို့ ရုရှားနိုင်ငံပိုင်မီဒီယာ တပ်စ်သတင်းအေဂျင်စီက ပြောခဲ့တာဖြစ်ပါတယ်။ ဒါဟာ ကရင်မလင်ကို သတင်းစကားပါးဖို့ ကြိုးစားတာရှင်းနေပါတယ်။

“ ကျွန်တော်တို့ တစ်ဦးနှင့်တစ်ဦး စကားပြောနိုင်ဖို့ ထိန်းသိမ်းထားရမယ်”လို့ ဆူလီဗန်က တပ်စ်သတင်းဌာနနှင့် အင်တာဗျူုးမှာပြောပါတယ်။ အနောက်နိုင်ငံရဲ့ စာအုပ်စင်တွေပေါ်ကနေ လီရိုတော်စတွိုင်းရဲ့စာအုပ်တွေ ဖယ်ပစ်တာတို့ ပျိုးတက် ချိုင်ကော့စကီးရဲ့ တေးတွေတီးမှုတ်ဖို့ငြင်းဆန်တာတို့တွေကို သူကစိတ်ပူပန်နေပါတယ်။

သူ့ရဲ့မှတ်ချက်တွေကို တပ်စ်က သတင်းထုတ်ပြန်ပြီး ရိုက်တာသတင်းဌာနက အင်္ဂလိပ်ဘာသာပြန်ဆိုခဲ့တာဖြစ်ပါတယ်။

၁၉၃၃ခုနှစ် အမေရိကန်နှင့် ဆိုဗီယက်ပြည်ထောင်စုတို့ သံတမန်ဆက်ဆံရေးထူထောင်ပြီးကတည်းက အကျပ်အတည်း‌တွေ၊ စပိုင်အရှုပ်တော်ပုံတွေနှင့် အန္တရာယ်ပြွမ်းလှတဲ့ စစ်အေးတိုက်ပွဲ မူဝါဒတွေရှိခဲ့ပေမယ့် နှစ်နိုင်ငံအကြား သံတမန်ဆက်ဆံရေး ပြတ်တောက်ခြင်းမရှိခဲ့ပါဘူး။

အခုတော့ ရုရှားက ယင်းရဲ့ ဆိုဗီယက်လွန် အနောက်နှင့်အေးစက်စက်ကာလဟာ ပြီးဆုံးသွားပြီး အရှေ့ဖက်ကို သူလှည့်တော့မယ်လို့ ပြောထားပါတယ်။

အမေရိကန်နိုင်ငံခြားရေးဝန်ကြီဂ အန်တိုနီဘလင်ကန်က ပူတင်နှင့်ဆက်ဆံရေးဟာ တေလာဆွစ်သီချင်းလိုပဲ ကျွန်ုပ်တို့ဟာ ဘယ်တော့မှ ဘယ်သောအခါမှ အတူတကွပြန်ရှိဖို့မမြင်”ဆိုသလိုပဲ လို့ပြောခဲ့ပါတယ်။

အဲဒီမှတ်ချက်နှင့်ပတ်သက်ပြီးမေးတဲ့အခါ ဆူလီဗန်က “ ကျွန်တော်တို့ ဘယ်တော့မှ လုံးဝပြတ်တောက်သွားကြလိမ့်မှာ မဟုတ်ဘူး” လို့ပြောပါတယ်။

ဒီလိုပြောတာဟာ ရုရှားက အမေရိကန်သံရုံးပိတ်နိုင်တဲ့သဘောလားလို့ မေးတဲ့အခါ သူက “ သူတို့လုပ်နိုင်တယ်...ဖြစ်နိုင်ချေရှိတယ်။ဒါပေမယ့် ဒါဆို အမှားကြီးတစ်ခုဖြစ်သွားလိမ့်မယ်” လို့ပြောပါတယ်?

“ ကျွန်တော်နားလည်တာက ရုရှားအစိုးရဟာ သံတမန်ဆက်ဆံရေးအကြီးအကျယ်ယိုယွင်းနေတာအမျိုးမျိုးကို ပြောဆိုတာပါ။ ကျွန်တော်တို့ သံတမန်ဆက်ဆံရေးဖြတ်ပစ်ပြီး တစ်ဦးနှင့်တစ်ဦး စကားပြောတာမရပ်နိုင်ဘူး” လို့သူကပြောပါတယ်။

Source Reuters

#DailyNews
Published - 6 June 2022

၁။ မကြာမီလပိုင်းအတွင်း ICOMOS အဖွဲ့လာစစ်ဆေးမည်ဖြစ်၍ မြောက်ဦးဒေသခံများကို ကြိုတင်အသိပညာပေးနေ

၂။ အကယ်ဒမီမီးလင်းရွှေဈေး ကျပ်သိန်း နှစ်ဆယ် ၄သောင်းကျော်ဖြင့် ဆက်လက်တည်ငြိမ်နေ

၃။ နေ့စဉ်မိုးလေဝသသတင်း။

၄။ အစ္စရေးလ်နှင့်အိန္ဒိယနှစ်နိုင်ငံဆက်ဆံရေးအတွက် အခြေခံအုတ်မြစ်ဖြစ်လာသည့် စိန်ကျောက်မျက်ရတနာလုပ်ငန်း... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group