#Daily_News
Published_ 6 April 2023

၁။မသမာသော ဘာသာစကားသင်တန်းကျောင်းများ နှင့် ပွဲစားများကြောင့် ဂျပန်တွင် ကာလရှည်နေထိုင်ခွင့် ဗီဇာရရှိမည့်အခွင့်အရေးများ ဆုံးရှုးနေ

၂။ကမ္ဘာ့ရွှေစျေး ၂၀၁၁ဒေါ်လာ ပေါက်စျေးရှိနေပြီး ရန်ကုန်ရွှေအသင်း သတ်မှတ်စျေး ၂၃သိန်း ကျော်စျေးရှိနေ

၃။မြဝတီမြို့ စစ်ဘေးရှောင်စခန်းများတွင် အလှူရှင်များနည်းပါးတာကြောင့် အခက်အခဲဖြစ်နေ

၄။ကိုလံဘီယာလက်မှုပညာရှင်မှ စွန့်ပစ်တာယာများဖြင့် ပန်းပုရုပ်တုများ ဖန်တီးကာ ပြတိုက်တွင်ပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#World_Military
Published 6 April 2023

အမေရိကန်နဲ့ တောင်ကိုရီးယားတို့ ပူးတွဲစစ်ရေးလေ့ကျင့်မှုများကြောင့် နျူကလီးယားစစ်ပွဲ ကျရောက်နိုင်တဲ့ အန္တရာယ်ရှိနေပြီလို့ မြောက်ကိုရီးယားက ကြာသပတေးနေ့က စွပ်စွဲလိုက်ကာ ထိုးစစ်ဆင်တုန့်ပြန်သွားမယ်လို့ မြောက်ကိုရီးယားပိုင် KCNA မီဒီယာမှာ ဖော်ပြခဲ့ပါတယ်။

အဆိုပါစစ်ရေးလေ့ကျင့်မှုများကြောင့် ကိုရီးယားကျွန်းဆွယ်မှာ စစ်ပွဲဖြစ်လာနိုင်တဲ့အခြေအနေ မြင့်တက်လာစေတယ်လို့ နိုင်ငံတကာလုံခြုံရေးသုံးသပ်သူ'ချိုဂျူဟွန်'က ပြောကြားလိုက်ပါတယ်။

"အမေရိကန်နဲ့ နောက်လိုက်တွေ မဆင်မခြင်ပြုလုပ်ခြင်းနဲ့ မြောက်ကိုရီးယားအပေါ် ထိပ်တိုက်ရင်ဆိုင်ခြင်းတို့ကြောင့် ကိုရီးယားကျွန်းဆွယ်ရှိ အခြေအနေတွေဟာ နောက်ပြန်မဆုတ်နိုင်တဲ့ ကပ်ဘေးတစ်ခုဖြစ်လာနိုင်ပြီး နျူကလီးယားစစ်ပွဲအန္တရာယ်ရှိလာနိုင်ပါတယ်" လို့ ဆောင်းပါးမှာဖော်ပြထားပါတယ်။

"အခုအချိန်မှာတော့ နိုင်ငံတကာအသိုင်းအဝိုင်းက ကိုရီးယားကျွန်းဆွယ်မှာ နျူကလီးယားစစ်ပွဲဖြစ်ပေါ်နိုင်တဲ့ အန္တရာယ်အခြေအနေများ တတ်နိုင်သမျှအစောဆုံးလျော့ကျစေဖို့ တညီတညွတ်တည်း မျှော်လင့်နေကြပါတယ်" လို့လည်း ဖော်ပြထားပါတယ်။

အမေရိကန်နဲ့ တောင်ကိုရီးယားတပ်တွေက မတ်လကတည်းက နှစ်စဉ်နွေဦးလေ့ကျင့်ရေးများ ပြုလုပ်လျက်ရှိကာ အမေရိကန်လေယာဉ်တင်သင်္ဘော၊ B-1B ၊ B-52 bombers များဖြင့် ဝေဟင်နဲ့ရေပြင်လေ့ကျင့်ရေးများပြုလုပ်နေပါတယ်။

လေယာဉ်တင်သင်္ဘောပါဝင်လာခြင်းက ထိပ်တိုက်ရင်ဆိုင်မှုကိုရည်ရွယ်တဲ့သဘောဖြစ်ပြီး သူတို့ရဲ့စစ်ရေးလေ့ကျင့်မှုများကို မြောက်ကိုရီးယားက ထိုးစစ်ဆင်တုန့်ပြန်သွားမယ်လို့ ပြောကြားခဲ့တာဖြစ်ပါတယ်။

မြောက်ကိုရီးယားတို့က အဆိုပါစစ်ရေးလေ့ကျင့်မှုတွေကို ဒေါသတကြီးတုန့်ပြန်ခဲ့ကာ ဒါဟာ ကျူးကျော်ရန်လေ့ကျင့်နေကြတယ်လို့ သတ်မှတ်နေပါတယ်။

မြောက်ကိုရီးယားကလည်း လတ်တလောရက်သတ္တပတ်များအတွင်း စစ်ရေးလေ့ကျင့်မှုများအကြိမ်ကြိမ်ပြုလုပ်ထားကာ နျူကလီးယားထိပ်ဖူးအသေးများ မိတ်ဆက်ခြင်း၊ အမေရိကန်အပါအဝင် မည်သည့်နေရာမဆိုပစ်ခတ်နိုင်စွမ်းရှိတဲ့ တိုက်ချင်းပစ်ဒုံးကျည်ပစ်လွှတ်ခြင်း၊ နျူကလီးယားရေငုပ်ဒရုန်းစမ်းသပ်ခြင်းတို့ကို ပြုလုပ်ထားပါတယ်။

ဂျီနီဗာရှိ မြောက်ကိုရီးယားသံတမန်ရေးရာ အမြဲတမ်းကိုယ်စားလှယ်'ဟန်တေဆောင်'က တိုင်းပြည်အခွင့်အရေးနဲ့ပတ်သက်ပြီး ကုလလူ့အခွင့်အရေးဆိုင်ရာကောင်စီမှ ယခုတစ်ပတ်ဆုံးဖြတ်ချက်ကို ပြင်းထန်စွာရှုတ်ချလိုက်ပါတယ်။
Source: Reuters
#World_Military #အမေရိကန် #တောင်ကိုရီးယား #စစ်ရေးလေ့ကျင့်မှု
#နျူကလီးယားစစ်ပွဲအန္တရာယ် #YMG #Yangon_Media_Group

#World_Health
Published_ 6 April 2023

အစ္စရေးလ်နိုင်ငံ တဲလ်အေဗစ်တက္ကသိုလ်မှ လေ့လာချက်အသစ်အရ လူတစ်ယောက်ဟာ အပြင်ဘက်မှာ ဆေးလိပ်ထွက်သောက်ရင်တောင် ဆေးလိပ်ငွေ့ကြောင့် ကလေး ၁၀ ယောက်မှာ ၆ ယောက်နှုန်းက ဘေးအန္တရာယ်ရှိနိုင်ကြောင်း တွေ့ရှိခဲ့ပါတယ်။

မိဘအများအပြားဟာ ပြတင်းပေါက်လိုနေရာတွေမှာသာ ဆေးလိပ်သောက်တယ်ဆိုရင် ကလေးတွေကို မထိခိုက်နိုင်ဘူးလို့ မှားယွင်းစွာထင်မြင်နေကြကြောင်း ပရော်ဖက်ဆာ'လီယာလော်ရာရိုဆန်'က ပြောကြားခဲ့ပါတယ်။

သုတေသီအဖွဲ့က ဆေးလိပ်သောက်တဲ့မိဘတွေရဲ့ ကလေးတွေရဲ့ဆံပင်တွေမှ နီကိုတင်းပါဝင်မှုကို စမ်းသပ်ကာ ပြီးခဲ့တဲ့လအတွင်း ဆေးလိပ်ငွေ့ထိတွေ့မှုကို ခန့်မှန်းခဲ့ကြပါတယ်။

ဆေးလိပ်ကို အိမ်ထဲမှာမသောက်ဘဲ အပြင်ဘက်မှာသာသောက်တဲ့မိသားစုဝင်တွေမှာ ၆၂ ရာခိုင်နှုန်းသောကလေးတွေက ဆေးလိပ်ငွေ့နဲ့ထိတွေ့ခဲ့ပါတယ်။

အိမ်ကနေ အနည်းဆုံး ၁၀ မီတာအတွင်း ဆေးလိပ်သောက်ခြင်းရှောင်ရှားသင့်ကြောင်း ရေးသားဖော်ပြခဲ့ကြပါတယ်။

အိမ်တံခါးနဲ့ပြတင်းပေါက်တွေ လုံးဝပိတ်ထားပြီး အပြင်ဘက်ထွက်သောက်ရင်တောင် ကလေးတွေကို ဆေးလိပ်ငွေ့ကနေ အလုံးစုံမကာကွယ်နိုင်ပါဘူး။

လသာဆောင်က ဧည့်ခန်းနဲ့နီးကပ်တဲ့အခါ အတွင်းသို့ဝင်ရောက်လာနိုင်ပါတယ်။

ကလေးတွေ အပြင်ထွက်လာတာမျိုး ဆေးလိပ်ငွေ့အိမ်ထဲဝင်လာတဲ့အခါမျိုးမှာ ထိတွေ့နိုင်ပါတယ်။

ပတ်ဝန်းကျင်မှအငွေ့တွေက အိမ်ထဲဝင်လာပြီး နံရံ၊ ပရိဘောဂပစ္စည်းတွေမှာ ကပ်ညိနေနိုင်ကာ နောက်ပိုင်းမှာ အိမ်ထဲရှိလေထုထဲသို့ ပျံ့လာနိုင်ပါတယ်။

ဆေးလိပ်သောက်ခြင်းကြောင့် ကမ္ဘာတဝှမ်းမှာ အရွယ်မတိုင်ခင်ရောဂါရခြင်း၊ သေဆုံးခြင်းတို့ ဖြစ်ပေါ်နိုင်ပြီး သောက်သုံးသူစုစုပေါင်းရဲ့တဝက်ခန့်ကို သေဆုံးစေနိုင်ပါတယ်။

ဆေးလိပ်ငွေ့ကတဆင့် ဘေးကနေရှူမိပြီးသေဆုံးသူ ၁.၂ သန်းရှိနေပါတယ်။

‌ဆေးလိပ်ငွေ့နဲ့ထိတွေ့မိတဲ့ကလေးတွေမှာ အသေမွေးခြင်း၊ ကိုယ်အလေးချိန်နည်းခြင်း၊ နားရောဂါပိုးကူးစက်ခြင်း၊ အဆုတ်ရောင်၊ ရင်ကြပ်တို့ ဖြစ်နိုင်ပါတယ်။
Source: The Jerusalem Post
#World_Health # ဆေးလိပ် #ဘေးအန္တရာယ်
#YMG #Yangon_Media_Group

#World_Health
Published_ 6 April 2023

ကမ္ဘာပေါ်ရှိလူဦးရေ ၆ ယောက်မှာ ၁ ယောက်နှုန်းခန့်က သူတို့ဘဝမှာ မျိုးမပွားနိုင်တဲ့ပြဿနာအနည်းဆုံး တစ်ခါတော့ကြုံဖူးကြပြီး အချက်အလက်များ ပိုစုဆောင်းရယူဖို့ WHO က တိုက်တွန်းပြောကြားလိုက်ပါတယ်။

၁၉၉၀ မှ ၂၀၂၁ အတွင်း ပြုလုပ်ထားတဲ့လေ့လာချက်များအရ ကမ္ဘာတဝှမ်းရှိ လူ ၁၇.၅ ရာခိုင်နှုန်းဟာ ကလေးမရနိုင်တဲ့ပြဿနာ ခံစားနေရကြောင်း WHO အရာရှိများကဆိုပါတယ်။

ဒီပြဿနာခံစားနေရတဲ့ လူဦးရေအချိုးအစားကြောင့် စောင့်ရှောက်မှုချပြရန်လိုအပ်ပြီး ကျန်းမာရေးသုတေသနနဲ့ မူဝါဒတွေမှာ ဒီပြဿနာနောက်ထပ်မပေါ်ပေါက်ရအောင် ပြုလုပ်ရမယ်လို့ ကုလကျန်းမာရေးအကြီးအကဲ'တက်ဒရိုစ်အက်ဒါနွမ်ဂေဘရီယေးဆပ်စ်'က ပြောကြားခဲ့ပါတယ်။

ကိုယ်ဝန်ရရန် ကြိုးစားရာမှာ ၁၂ လကျော်ကြာတဲ့တိုင်အောင် မရရှိပါက အမျိုးသားရော အမျိုးသမီးမျိုးပွားစနစ်မှာပါ မျိုးမပွားနိုင်ဘူးလို့ သတ်မှတ်ပါတယ်။

၁၉၉၀ မှ ၂၀၂၁ အတွင်း မျိုးမပွားနိုင်တဲ့ပြဿနာ အဖြစ်များလာတဲ့ပုံစံတော့ မတွေ့ရကြောင်း ကိုယ်ဝန်တားခြင်းဆိုင်ရာ ကျန်းမာရေးအဖွဲ့ခေါင်းဆောင် 'ဂျိမ်းစ်ကီယာရီ'က သတင်းထောက်များကို ပြောကြားခဲ့ပါတယ်။

ရရှိထားတဲ့အချက်အလက်များအရ မျိုးမပွားနိုင်မှုပြဿနာက တိုးလာတယ်လည်း မဟုတ်၊ စဉ်ဆက်မပြတ်ဖြစ်တယ်လို့လည်း မပြောနိုင်ဘဲ ထိုမေးခွန်းအတွက် အဖြေထုတ်နေဆဲဖြစ်ကြောင်း ဆိုပါတယ်။

တင်ပြချက်အရ နိုင်ငံတွေအနေနဲ့ မျိုးမပွားနိုင်ခြင်းနဲ့ပတ်သက်ပြီး အချက်အလက်များစုဆောင်းခြင်း၊ အသက်အပိုင်းအခြားနဲ့ မျိုးပွားမှုဆိုင်ရာစောင့်ရှောက်ခြင်းများ ပြုလုပ်ဖို့လိုအပ်ကြောင်း သက်သေပြနေပါတယ်။

ဝင်ငွေများပြားတဲ့နိုင်ငံတွေမှာ လူဦးရေ ၁၇.၅ ရာခိုင်နှုန်းက မျိုးမပွားနိုင်မှုအခြေအနေကို အနည်းဆုံးတစ်ကြိမ်ခန့်ခံစားကြဖူးပြီး ဝင်ငွေနိမ့်ပါးတဲ့နိုင်ငံတွေမှာတော့ ၁၆.၅ ရာခိုင်နှုန်းလောက်ရှိပါတယ်။
Source: Reuters.
#World_Health
#YMG #Yangon_Media_Group

#Asia_Entertainment
Published_ 5 April 2023

အချိန်က ညသန်းခေါင်အချိန်ရှိနေပြီ ဖြစ်ပေမယ့် စွန့်ပစ်ခံထားရတဲ့ ဘန်ကောက်ဈေးဝယ်စင်တာအထက်မှာ သရဲရေဒီယိုကတော့ အသံလွှင့်နေဆဲဖြစ်ပါတယ်။

ထိုင်းနိုင်ငံမှ သဘာဝလွန်ဖြစ်ရပ်ဆန်းတွေ ကြုံတွေ့ဖူးသူတွေပြောပြတာကို လူထောင်ပေါင်းများစွာက အွန်လိုင်းပေါ်ကနေ နားဆင်ရင်း စတူဒီယိုဖန်သားပြင်မှာလည်း ကွန်မန့်များစွာမြင်ရမှာဖြစ်ပါတယ်။

#Asia_Entertainment #သရဲဝိဉာဉ်ဇာတ်လမ်းများ #ထိုင်းနိုင်ငံ #သရဲရေဒီယိုYouTubeချန်နယ် #YMG #Yangon_Media_Group

#Daily_News
Published_ 5 April 2023

၁။သင်္ကြန်ကာလအတွက် ပြည်ပမှ စားအုန်းဆီ တန်ချိန် ၇၅၀၀၀ တင်သွင်းမည်

၂။သင်္ကြန်ပိတ်ရက်ရှည် ကာလတွင် လူငယ်များပြန်စုမိပြီး မူးယစ်ဆေးပြန်သုံးစွဲနိုင်သဖြင့် သတိပြုကာကွယ်ရန်လိုဟုဆို

၃။သင်္ကြန်ကာလ နီးကပ်လာစဉ် ဓာတ်ဆီဈေးတက်လာပြီး တစ်လီတာ ၂,၃၀၀ ဝန်းကျင်ရှိလာ

၄။သရဲဝိဉာဉ် ဇာတ်လမ်းများအကြောင်း ဖုန်းခေါ်ဆိုပြောကြားနိုင်သည့် ထိုင်းနိုင်ငံမှသရဲရေဒီယို YouTube ချန်နယ်တွင် နားဆင်သူများပြားလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG