#World_News
Published 3 October 2022

ကင်မရွန်နိုင်ငံက အလှကုန်ပစ္စည်းတွေ ဆိုရှယ်မီဒီယာတွေမှာ အငြင်းပွားပြီး ပိတ်ပင်ခံထားရပါတယ်။

#Yangon_Media_Group

Published 3 October 2022

တစ်ခါမျှ မမြင်မကြည့် ဖူးခဲ့တဲ့ နာမည်ကျော် ဘီတဲလ်အဖွဲ့ ဂျပန်နိုင်ငံကို လွန်ခဲ့တဲ့ နှစ်ပေါင်း ၅၆နှစ်က လာရောက်ဖျော်ဖြေခဲ့တဲ့ ဗွီဒီယိုမှတ်တမ်းကို ထုတ်ပြန်ပေးခဲ့တဲ့အတွက် ဘီတဲလ်ရဲ့ ပရိဿတ်တွေက အူလှိုက်သည်းလှိုက်ကြိုဆိုခဲ့ကြပါတယ်။ဒီဗွီဒီယိုက တရားရုံးမှာ အသေအလဲကြိုးစားပြီးမှ ထုတ်ပြန်ဖို့ ခွင့်ပြုချက်ရခဲ့တာပါ။

အဲဒီတိတ်ခွေဟာ ၃၅မိနစ်ကြာ အဖြူအမည်းအသံတိတ်ဖြစ်ပါတယ်။ ၁၉၆၆ခုနှစ်မှာ ဗြိတိန်တီးဝိုင်း ဘီတဲလ် လာရောက်လည်ပတ်စဉ်မှာ ရဲက လုံခြုံရေးအတွက် မှတ်တမ်းတင်ရိုက်ကူးထားတာဖြစ်ပါတယ်။

အဲဒီအဖြူအမည်းဗွီဒီယိုမှာ ဘီတဲလ် တေးဂီတအဖွဲ့ဟာ ကီမိုနိုတွေဆင်တူနှင့် လေယာဉ်ပေါ်ကဆင်းလာတာကစပြီး  တိုကျိုက ဘူဒိုကန် အားကစားကွင်းကြီးထဲမှာ ပြည့်သိပ်နေတဲ့ ပရိဿတ်ကိုဖျော်ဖြေတင်ဆက်တာတွေနှင့်  ရဲတပ်ဖွဲ့ရဲ့ ကန့်လန့်ကာနောက်ကွယ်က လုပ်ငန်းဆောင်ရွက်တဲ့မြင်ကွင်းတွေပါ ပါဝင်ပါတယ်။

ဗွီဒီယိုက တမူထူးခြားနေပါတယ်။ဘီတဲလ်အဖွဲ့ကလွဲပြီး ကျန်တဲ့ အော်ဟစ်နေကြတဲ့ပရိဿတ်တွေ၊ ယာစွန်းဆန္ဒပြသူတွေနှင့် ရင်ဆိုင်နေတဲ့ အရာရှိတွေအထိ အားလုံးရဲ့ မျက်နှာတွေကို ပုဂ္ဂိုလ်ရေး လျှို့ဝှက်ချက် အကြောင်းပြပြီး မှုန်ဝါးထားပါတယ်။

ဒီဗွီဒီယိုကို ဆင်ဆာမဖြတ်ဘဲ ဒီအတိုင်းထုတ်ပြန်ပေးဖို့ ပရိဿတ်တွေနှင့် သတင်းလွတ်လပ်ခွင့် စည်းရုံးလှုပ်ရှားသူတွေက ကာလရှည်ကြာ တိုက်ပွဲဝင်ခဲ့ကြပါတယ်။ သူတို့ဟာ ဒီကိစ္စကို ဂျပန်ရဲ့ တရားရုံးချုပ်အထိတ်ကခဲ့ပါတယ်။ ဒါဟာ သမိုင်းဝင် မှတ်တမ်းရုပ်ရှင်မို့ သူ့မူလအတိုင်းထားပေးဖို့ စောဒကတက်ခဲ့ကြပါတယ်။

ဒါပေမယ့် တရားရုံးချုပ်က ၂၀၁၈ မှာ အဲဒီကိစ္စကို ပယ်ချခဲ့ပါတယ်။ အဲဒီနောက် အရုပ်တွေကို မှုန်ဝါးပစ် တဲ့တည်းဖြတ်လုပ်ငန်းတွေ နှစ်အနည်းငယ်လုပ်ဆောင်ပြီးမှာ  ဒီရုပ်သံကို ပြီးခဲ့တဲ့လက ထုတ်ပြန်ပေးခဲ့တာဖြစ်ပါတယ်လို့ အဆိုပါကိစ္စကို တရားရုံးမှာ ရင်ဆိုင်တိုက်ပွဲဝင်ခဲ့တဲ့ အရပ်ဖက်အုပ်စုခေါင်းဆောင် ဆာတိုရှီရှင်ကိုင်းက ပြောပါတယ်။

ဘီတဲလ်ဟာ ဂျပန်မှာ ယခုထက်ထိ ခေတ်စားနေပေမယ့် သူတို့ဟာ ဂျပန်ကို တစ်ခေါက်ပဲ လာဖျော်ဖြေခဲ့ကြတာဖြစ်ပါတယ်။

Source AFP

#Never-before-seen_Beatles_footage

#Beatles_japan

#Beatles

#DailyNews
Published _ 3 October 2022

၁။ ဂျပန်နိုင်ငံရှိ စားသောက်ဆိုင်နှင့် ဟိုတယ်လုပ်ငန်းများ၌ ပြည်ပလုပ်သား လိုအပ်ချက်များနေနေ

၂။ ခွေးကိုက်ခံရသူများကို ခွေးရူးရောဂါကာကွယ်ဆေးအခမဲ့ ထိုးနိုင်ရန် စီစဉ်ပေးနေ

၃။ ဓာတ်ဆီတစ်လီတာ ကျပ် ၂၀၀၀ အောက်ကျဆင်းလာ

၄။ ကင်မရွန်းတွင် အသားဖြူအလှကုန်ပစ္စည်းများ ဘေးထွက်အန္တရာယ်ရှိသော်ငြား ဆက်လက်အသုံးပြုနေကြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

Published 3 Oct 2022

ဟာရီကိန်း  အိုင်ယန်ကြောင့် ဖလော်ရီဒါပြည်နယ်မှာ သေဆုံးသူပေါင်း ၇၇ ဦး အထိရှိပြီလို့ စီအင်န်အင်န်က ပြောပါတယ်။ အင်အားအကြီးမားဆုံးမုန်တိုင်းတွေထဲက တစ်ခုဖြစ်တဲ့ ဟာရီကိန်းအိုင်ယန်ဟာ အမေရိကန်ပြည်ထောင်စု တောင်ပိုင်းပြည်နယ်ကို ပြင်းထန်စွာတိုက်ခတ်ခဲ့ပါတယ်။

သမ္မတ ဂျိုးဘိုင်ဒင်က မုန်တိုင်းကြောင့် ဒုက္ခရောက်နေသူတွေကို အစွမ်းကုန်ကူညီဖို့ သူစိတ်ပိုင်းဖြတ်ထားတယ်လို့ ပြောပါတယ်။

ဖလော်ရီဒါပြည်နယ် မက်လာချာ ကျွန်းပေါ်မှာ ကြောက်မက်ဘွယ်ဟာရီကိန်းတိုက်ခတ်ပြီးနောက်  မြင်တွေ့ရတဲ့ အပျက်အစီးတွေက ကြီးမားလှပါတယ်။ ဆုံးရှုံးမှုတန်ဖိုးဟာ ဒေါ်လာ ၃.၈ ဘီလျံကျော်ခန့်ရှိမယ်လို့ ခန့်မှန်းမှုတွေလည်း ရှိနေပါတယ်။

အမေရိကန်ကမ်းခြေစောင့်တပ်ကတော့ သူတို့ဟာ ဟာရီကိန်းမုန်တိုင်းအတွင်းနစ်မြုပ်သွားတဲ့ လှေတစ်စီးပေါ်က ‌ ပျောက်ဆုံးသွားတဲ့ ရွှေ့ပြောင်းလာသူ ၁၆ ဦးကို ရှာဖွေတဲ့အလုပ်တွေ ရပ်ဆိုင်းလိုက်ပြီလို့ ကြေညာပါတယ်။

Source: AFP

#Hurricane_Ian

#Florida_Ian

#US_Hurricane

#World_News
Published 3 October 2022

စနေနေ့က အိန္ဒိယနိုင်ငံ မြောက်ပိုင်း အူတာပရာဒက်ရှ်ပြည်နယ် ကန်ပါခရိုင်မှာ ဘုရားဖူးများစီးနင်းလိုက်ပါလာတဲ့ ထော်လာဂျီတစ်စီးဟာ ရွာအနီးရှိရေကန်ထဲသို့ တိမ်းမှောက်ခဲ့တာကြောင့် အနည်းဆုံး လူ ၂၆ ဦးသေဆုံးပြီး လူအများအပြားဒဏ်ရာရရှိခဲ့ပါတယ်။

ဘုရားဖူးတွေက ထော်လာဂျီဖြင့် ဖာတီဖာရှိ ချန်ဒရီကာဒေဗီဘုရားကျောင်းကို စီးနင်းလာတာဖြစ်ပါတယ်။

သူတို့အားလုံးဟာ ကော်သာရွာမှာနေထိုင်တဲ့ ဆက်ဒ်ရဲတပ်ဖွဲ့အသိုင်းအဝိုင်းကလူတွေ ဖြစ်ပါတယ်။

အဆိုပါယာဉ်ထဲမှာ လူ ၄၀ ခန့်လိုက်ပါလာခဲ့တာဖြစ်ပြီး ဘုရားဖူးကအပြန်လမ်းမှာ ဆက်ဒ်နဲ့ ဂမ့်ဟီယာပါကြား တစ်နေရာအရောက် ထွန်စက်ယာဉ်တိမ်းမှောက်သွားခဲ့တာဖြစ်ပါတယ်။

ဒဏ်ရာရတဲ့သူတွေကို ဘီတာဂါအွန်ရှိ ပြည်သူ့ကျန်းမာရေးစင်တာသို့ အရေးပေါ်ပို့ဆောင်ခဲ့ကြပါတယ်။

အကြီးတန်းအရာရှိတွေနဲ့ ရဲများ အခင်းဖြစ်ပွားရာသို့ ရောက်ရှိလာကာ ကယ်ဆယ်ရေးအတွက် ညွှန်ကြားခဲ့ကြပါတယ်။

အိန္ဒိယဝန်ကြီးချုပ်'နရန်ဒရာမိုဒီ'၊ ပြည်ထောင်စုဝန်ကြီး'အာမစ်ရှာ'၊ အူတာပရာဒက်ရှ်ဝန်ကြီးချုပ်'ယိုဂီအာဒစ်ယာနက်သ်'တို့ကို ဒီဖြစ်ရပ်နဲ့ပတ်သက်ပြီး ဝမ်းနည်းရကြောင်း ဖော်ထုတ်ခဲ့ကြပါတယ်။

"ထော်လာဂျီမှောက်ခဲ့ရတဲ့အတွက် ဝမ်းနည်းမိပါတယ်၊ မိသားစုဝင်ဆုံးရှုံးလိုက်ရတဲ့ သူတွေအတွက် စိတ်မကောင်းဖြစ်မိပါတယ်၊ ဒဏ်ရာရခဲ့တဲ့သူတွေကိုလည်း ဆုတောင်းပေးပါတယ်၊ ဒေသတွင်းအုပ်ချုပ်ရေးမှူးတွေက ရနိုင်သမျှအထောက်အပံ့တွေကို လုပ်ဆောင်ပေးသွားမှာပါ" လို့ တွစ်တာမှာ ရေးသားခဲ့ပါတယ်။

"အူတာပရာဒက်ရှ်မှာ ဖြစ်ခဲ့တဲ့ မတော်တဆမှုကြောင့် အလွန်ဝမ်းနည်းကြေကွဲရပါတယ်၊ ဒဏ်ရာရသူတွေကို ဒေသတွင်းအုပ်ချုပ်ရေးအဖွဲ့က ကုသပေးနေပါတယ်၊ ဒီဖြစ်ရပ်မှာ ဆုံးရှုံးခဲ့ရသူတွေအတွက် ဝမ်းနည်းကြောင်း ဖော်ပြလိုက်ပါတယ်၊ ဒီဆုံးရှုံးမှုကို ခံနိုင်ရည်ရှိအောင် ဘုရားသခင်က ခွန်အားတွေပေးပါစေ" လို့ 'ရှာ'က တွစ်တာမှာ ဖော်ပြခဲ့ပါတယ်။

အဆိုပါ ယာဉ်မတော်တဆမှုအတွင်း ထိခိုက်ဒဏ်ရာရရှိသူများကို စနစ်တကျ ကုသရန် တာဝန်ရှိသူများက ညွှန်ကြားထားပါတယ်။

'ယိုဂီအာဒစ်ယာနက်သ်'ကလည်း ခရီးသည်များကို ထော်လာဂျီတွေဖြင့် မသယ်ကြရန် မေတ္တာရပ်ခံလိုက်ပါတယ်။

Source: WION
#Yangon_Media_Group

#World_Science
Published 3 October 2022

သိပ္ပံပညာရှင်များသည် မားစ်ဂြိုဟ်ပေါ်မှာ ရေရှိနိုင်သည်ဟူသော အထောက်အထားအသစ်ကို ရှာဖွေတွေ့ရှိခဲ့ပြီး တစ်ချိန်က ထိုဂြိုဟ်မှာ သက်ရှိများရှင်သန်ခဲ့ခြင်းရှိမရှိ ဆုံးဖြတ်ရန် ကာလကြာရှည်ကြိုးပမ်းခဲ့ကြရာ အောင်မြင်မှုပေါ်ပေါက်လာပြီဖြစ်ပါတယ်။

ရေဒါကနေမဟုတ်ဘဲနဲ့ အခြားအချက်အလက်များကိုလည်း လေ့လာခဲ့ကြရာ မားစ်ဂြိုဟ်တောင်ဝင်ရိုးစွန်း ရေခဲအောက်မှာ ရေတည်ရှိကြောင်း ကိမ်းဘရစ်ဂျ်တက္ကသိုလ်က လေ့လာတွေ့ရှိခဲ့ပါတယ်။

"ဒီလေ့လာမှုက မားစ်ဂြိုဟ်ပေါ်မှာ အခုအချိန် ရေတည်ရှိတယ်ဆိုတဲ့ သက်သေပြနိုင်မယ့် အဓိကအစိတ်အပိုင်းနှစ်ခုကို တွေ့ရှိခဲ့တာဖြစ်ကြောင်း ဒေါက်တာ'ဖရန့်စ်ဘွတ်ချာ'က ပြောကြားခဲ့ပါတယ်။

ရေက အသက်ရှင်မှုအတွက် မရှိမဖြစ်လိုအပ်တဲ့အရာဖြစ်ပေမယ့် မားစ်ဂြိုဟ်မှာ သက်ရှိတွေ ရှိနေတယ်ဆိုတဲ့ သဘောတော့မဆိုလိုပါဘူး။
အေးလွန်းတဲ့အပူချိန်မှာ အရည်ဖြစ်နေဖို့အတွက် တောင်ဝင်ရိုးစွန်းအောက်က ရေဟာ ရေငန်ဖြစ်နေဖို့ လိုအပ်ပါတယ်။

မားစ်ဂြိုဟ်မှာ ဝင်ရိုးစွန်းနှစ်ခုစလုံးက ကမ္ဘာကဲ့သို့ ရေခဲထူထပ်လှပြီး ဂရင်းလန်းရေခဲပြင်ထုထည်လောက် ရှိနေပါတယ်။

မားစ်ဂြိုဟ်မှာ အပူချိန်က -၈၁ ဒီဂရီဖာရင်ဟိုက်အထိ ရှိတတ်ပြီး ဝင်ရိုးစွန်းတွေမှာ -၂၂၀ ဒီဂရီဖာရင်ဟိုက်အထိ ကျဆင်းသွားတတ်ပါတယ်။

အင်္ဂါဂြိုလ်သည် ရေခဲထုအောက်ရှိ ရေကိုထိန်းသိမ်းထားရန်အတွက် ဘူမိဆိုင်ရာအရ အပူရှိန်ဖြင့် လှုပ်ရှားနေရကြောင်း ပရော်ဖက်ဆာ'နေးလ်အာနိုးလ်'က ပြောကြားခဲ့ပါတယ်။

မားစ်ဂြိုဟ်ရဲ့ အခြေအနေများနဲ့ ကိုက်ညီတဲ့ ရေခဲစီးဆင်းမှုအတိုင်း ကွန်ပျူတာဖြင့်ပုံဖော်ဖန်တီးခဲ့ကြပါတယ်။

ကွန်ပျူတာနဲ့ဖန်တီးတဲ့ အခြေအနေနဲ့ တကယ့်အခြေအနေတွေကြား ဆင်တူချက်များကြောင့် မားစ်တောင်ဝင်ရိုးစွန်းမှာ ရေများရှိနေနိုင်တယ်လို့ ယူဆခဲ့ကြတာဖြစ်ပါတယ်။

ဂြိုဟ်ပေါ်မှာ လတ်တလော သံလိုက်စွမ်းအားလှုပ်ရှားမှု တွေ့ရှိထားတာကလည်း ဘူမိအပူပေးစနစ်ဖြင့် ရေကို အရည်အခြေအနေမှာ ထိန်းသိမ်းထားနိုင်တာဖြစ်နိုင်တယ်လို့ ယူဆနေကြပါတယ်။

မားစ်ဂြိုဟ်မှရတဲ့ အချက်အလက်များအရ ကမ္ဘာပေါ်က အသုံးပြုနေတဲ့ နည်းပညာများအတိုင်း ခက်ခဲတဲ့မေးခွန်းတွေကို သိစေနိုင်မှာဖြစ်ပါတယ်။

Source: Daily Mail
#Yangon_Media_Group