Published 09 October 2023

စမတ်ဖုန်းတွေ၊ တက်ဘလက်တွေ ခေတ်စားလာတဲ့ကာလမှာ ထိုပစ္စည်းတွေကို အသုံးမပြုရ မနေနိုင်အောင် စွဲလမ်းလာပြီး လက်ချောင်းတောင့်တဲ့ အခြေအနေ ဖြစ်လာတတ်ပါတယ်။

ကမ္ဘာ့လူဦးရေရဲ့ ၂ ရာခိုင်နှုန်းလောက်မှာ ထိုလက္ခဏာရှိနေမယ်လို့ ခန့်မှန်းရပါတယ်။

 ယခင်က သွက်လက်လှုပ်ရှားနိုင်ခဲ့တဲ့ လက်ချောင်းတွေဟာ အခုအခါမှာ ကွေးတဲ့ပုံစံအတိုင်း ရှိနေပြီး လှုပ်ရှားရင်လည်း အသံမြည်တတ်ပါတယ်။

ဒါဟာ ဒီဂျစ်တယ်ပစ္စည်းတွေပေါ်မှာ ကြိမ်ဖန်များစွာ လက်နှိပ်အသုံးပြုရတဲ့ နောက်ဆက်တွဲ ဆိုးကျိုးတွေ ဖြစ်ပါတယ်။

လက်ချောင်းတွေကို ကွေးတဲ့ ဆန့်တဲ့အချိန်မှာ ကပ်နေတဲ့ခံစားမှုမျိုး ဖြစ်ပြီး တောင့်တင်းမှုအပြင် နာကျင်ခြင်းလည်း ခံစားရတတ်ပါတယ်။

လက်ချောင်းကပ်တဲ့ လက္ခဏာတွေက ဒီဂျစ်တယ်ပစ္စည်းများကို ဘယ်လောက်ကြာကြာ သုံးစွဲသလဲဆိုတဲ့အပေါ် မူတည်ပြီး ပြင်းထန်နိုင်ပါတယ်။

အဖြစ်များတဲ့လက္ခဏာတွေက မနက်ခင်းမှာ လက်ချောင်းများ တောင့်တင်းခြင်း၊ လက်ချောင်းလှုပ်ရှားတဲ့အခါ အသံမြည်သလို ခံစားရခြင်း၊ လက်ချောင်းရင်းမှာ အဖုဖြစ်သလို ခံစားမိခြင်း၊ လက်မကွေးနေတဲ့ အနေအထားမှာ စွဲကပ်နေခြင်း၊ အချိန်အတော်ကြာတဲ့အထိ လက်ချောင်းကွေးလျက် ရှိနေခြင်းတို့ ဖြစ်ပါတယ်။

ဖုန်းကို အချိန်ကြာမြင့်စွာ အသုံးပြုနေပါက လက်ချောင်းအရွတ်တွေမှာ ဖိအားသက်ရောက်လာကာ ရောင်ရမ်းခြင်း ဖြစ်ပေါ်လာကြောင်း Sir HN Reliance ဖောင်ဒေးရှင်းဆေးရုံနဲ့ သုတေသနစင်တာမှ ဒေါက်တာ ဆူနေးလ်ရာ့ဂျ်ပယ်လ်က IndiaToday ထံ ပြောကြားခဲ့ပါတယ်။

အရွတ်နားတဝိုက်မှာ အကာအကွယ်ပေးတဲ့ အလွှာတွေက အရွတ်တွေ စိတ်ကြိုက်လှုပ်ရှားနိုင်အောင် ပြုလုပ်ပေးပြီး ရောင်ရမ်းလာတဲ့အခါမှာ အရွတ်နဲ့ အကာကွယ်ပေးတဲ့ အလွှာတွေကို ထိခိုက်စေပါတယ်။

လက်ချောင်းကို ကွေးဆန့်ကြည့်တဲ့အခါ အရွတ်တွေက ရောင်ရမ်းကြီးထွားနေတာကြောင့် လှုပ်ရှားဖို့နေရာ နည်းပါးသွားပြီး ကျွတ်ခနဲမြည်သံလို ခံစားမှုမျိုး ရရှိတာဖြစ်ပါတယ်။

အဆစ်အမြစ်ရောင်ခြင်း၊ ဆီးချိုရောဂါတို့ကြောင့်လည်း လက်ချောင်းတောင့်ခြင်းမျိုး ဖြစ်တတ်ပါတယ်။

လက်ချောင်းနဲ့ လက်မတွေကို ပြင်းထန်စွာ အသုံးပြုရတဲ့ တောင်သူလယ်သမားတွေ၊ စက်မှုလုပ်သားတွေ၊ ဂီတပညာရှင်တွေမှာ အဖြစ်များပါတယ်။

ဆရာဝန်များမှ ညွှန်ကြားပေးတဲ့ နည်းလမ်းများအတိုင်း လက်ချောင်းလေ့ကျင့်ခန်းများ ပြုလုပ်ပြီး သက်သာစေနိုင်ပါတယ်။

လက်ချောင်းတွေကို အနားပေးဖို့နဲ့ ပြင်းထန်တဲ့ အခြေအနေတွေမှာ စတီးရွိုက်ထိုးဖို့လည်း ပညာရှင်များက အကြံပြုထားပါတယ်။
Source: India Today
#World_Health
#YMG #Yangon_Times #Yangon_Media_Group

Published 09 October 2023 

၈ အောက်တိုဘာ ၂၀၂၃

ဒိန်းမတ်နိုင်ငံဆိုင်ရာ ထိုင်းသံအမတ်ကြီးဟောင်း ဗီချစ်ချစ်ဗီမန်းဟာ အောက်တိုဘာ ၈ ရက် တနင်္ဂနွေနေ့က ဘန်ကောက်ရှိအိမ်တစ်အိမ်ရဲ့ အိမ်သာခန်းအတွင်း သေဆုံးနေတာတွေ့ခဲ့ရပြီး ဒါဟာ ထိုးသွင်းဒဏ်ရာကြောင့်ဖြစ်တယ်လို့ ထိုင်းရဲကပြောပါတယ်။

မှုခင်းဆေးပညာအရ စစ်ဆေးကြည့်တဲ့အခါ သူ့ ရင်ဘတ်မှာ ထိုးသွင်းဒဏ်ရာ(၃)ချက်ရရှိခဲ့တာတွေ့ရတယ်လို့ မြို့ပြရဲဒုတိယကော်မရှင် မင်းကြီး ရဲဗိုလ်မှူးချုပ် နိပါဆစ်ပွန်ဆာဝတ်က အဆိုပါအမှုကို ကိုင်တွယ်နေတဲ့ ဆူသစ်ဆန်ရဲဌာနမှ ရဲများနှင့် တွေ့ဆုံအပြီး ပြောပြပါတယ်။

ဘန်ကောက်မြို့ ချတ်တူချက်ခရိုင်ရှိ သုံးထပ်တိုက်တစ်လုံးရဲ့ ဒုတိယထပ်ရှိ အိမ်သာခန်းထဲမှာ အသက် ၆၃နှစ်အရွယ် သံအမတ်ကြီးဟောင်းရဲ့ အလောင်းကို တွေ့ရှိခဲ့ကြရတာဖြစ်ပါတယ်။

သူတို့စစ်ဆေးကြည့်တဲ့အခါ မီးဖိုချောင်သုံးဓား ငါးလက်ထည့်ထားတဲ့ သစ်သားသေတ္တာတစ်လုံးကို မီးဖိုချောင်ကြမ်းပြင်မှာတွေ့ရတယ်လို့ ပြောပါတယ်။ မှုခင်းဆေးပညာဆိုင်ရာရဲတွေဟာ အဲဒီဓားတွေထဲက ဓားနှစ်လက်မှာ သွေးတွေစွန်းနေတာကိုတွေ့ရတယ်လို့ ရဲမှူးကြီးက ပြောပါတယ်။

အိမ်ရဲ့ပထမထပ်နှင့်ဒုတိယထပ်ကြမ်းခင်းတွေမှာ မွှေနှောက်ထားတာတွေကိုတွေ့ရတဲ့အတွက် အိမ်ကိုဖောက်ထွင်းလာတဲ့ သူခိုးက သတ်သွားတာဖြစ်နိုင်တယ်လို့ ကောက်ချက်ချနေကြပါတယ်။

အိမ်ရဲ့ လုံခြုံရေးကင်မရာတွေကိုတော့စစ်ဆေးကြည့်ရှုနေကြပါတယ်။  ပုံမှန်အားဖြင့် ဗီချစ်ဟာ တစ်ယောက်တည်းနေတာများတယ်လို့ သိရပြီး သူမသေခင်မှာ ဗီချစ်ဟာ သူ့ဆောက်လုပ်ရေးကန်ထရိုက်တာရဲ့သားတစ်ဦးဖြစ်တဲ့ အသက် ၁၇နှစ်အရွယ်သူ့မွေးစားသား နှင့် အတူ ရှိနေတယ်လို့ မျက်မြင်သက်သေတွေကပြောပါတယ်။ အဲဒါကြောင့် အဲဒီဆယ်ကျော်သက်ကို စစ်ဆေးမေးမြန်းဖို့ ခေါ်ယူထိန်းသိမ်းထားကြောင်းသိရပါတယ်။

Source Bangkokpost

၈ အောက်တိုဘာ ၂၀၂၃

အာဖဂန်နစ္စတန်တွင် စနေနေ့က လှုပ်ရှားခဲ့တဲ့ငလျင်ကြီးကြောင့် လူပေါင်း ၂၀၀၀ကျော်သေဆုံးပြီး လူ၉၀၀၀ကျော်ဒဏ်ရာရရှိထားတယ်လို့ တာလီဘန်အစိုးရက တနင်္ဂနွေနေ့ကပြောပါတယ်။ ယခုငလျင်ဟာ ငလျင်မကြာခဏလှုပ်တဲ့ တောင်ထူထပ်တဲ့ အာဖဂန်နစ္စတန်နိုင်ငံအတွက် နှစ်များစွာအတွင်း အဆိုးရွားဆုံး ငလျင်ကြိးဖြစ်ခဲ့ပါတယ်။

စနေနေ့ညက ၁၆ဦးသေဆုံးတယ်လို့ကြေညာခဲ့ပြီး တနင်္ဂနွေမနက်ပိုင်းမှာတော့ လခြမ်းကြကခြေနီအဖွဲ့ ပြောရေးဆိုခွင့်ရသူ ကပြောခဲ့ပါတယ်။

အမေရိကန် ဘူမိဗေဒတိုင်းထွာရေးဌာန USGS က ငလျင်ဟာ ပြင်းအား ၆.၃ အဆင့်ရှိပြီး အနောက်မြောက် ဟာရက်မြို့မှ မိုင်၂၀အကွာကို ဗဟိုပြုလှုပ်ရှားခဲ့တယ်လို့ပြောပါတယ်။

ဘေးအန္တရာယ်ဆိုင်ရာဝန်ကြီး မူလာဂျန်နန်ဆာယက်က ရိုက်တာသတင်းဌာနကို ငလျင်ကြောင့် ၂၀၅၃ ဦးသေဆုံးပြီး ၉၂၄၀ ဦးဒဏ်ရာရရှိခဲ့ကာ အိမ်ပေါင်း ၁၃၂၉လုံးပျက်စီးခဲ့တယ်လို့ ပြောကြားပါတယ်။

သေဆုံးသူ ၂၀၀ကျော်ကို ဆေးရုံတွေခွဲပြီးပို့ဆောင်ပေးခဲ့တယ်လို့ ဟာရက်ကျန်းမာရေးဌာနက ဒေါက်တာ ဒန်နစ်ရှ်က ပြောပါတယ်။ အများစုဟာ အမျိုးသမီးတွေနှင့်ကလေးတွေဖြစ်ကြတယ်လို့လည်း သူကပြောပါတယ်။

အလောင်းတွေကို စစ်စခန်းတွေ ဆေးရုံတွေ နေရာအနှံ့ ပို့ဆောင်ပေးခဲ့ကြပါတယ်လို့ သူကဆက်ပြောပါတယ်။

ငလျင်ကြောင့် ဟာရက်မြို့မှာ ထိတ်လန့်တကြားဖြစ်ကုန်ကြတယ်လို့ ဒေသခံ နက်ဆီမာကလည်းပြောပါတယ်။

“ လူတွေဟာ အိမ်တွေကိုစွန့်ခွာပြေးကြပြီး အားလုံးလမ်းပေါ်ရောက်ကုန်တယ်” လို့  သူမက ရိုက်တာသတင်းဌာနကို စာတိုပေးပို့ ဖြေကြားခဲ့ပါတယ်။

Source Reuters

Published 08 October 2023 

၈ အောက်တိုဘာ ၂၀၂၃

ပါလက်စတိုင်း အစ္စလမ်မစ်အုပ်စု ဟားမတ်က အောက်တိုဘာ(၇)ရက်စနေနေ့တွင်  နှစ်ပေါင်း ၅၀ အတွင်း အဆိုးရွားဆုံး အကြမ်းဖက်မှုအဖြစ် အစ္စရေးကို တိုက်ဂါဇာနှင့်အစ္စရေးတို့တွင် လူပေါင်း ၄၀၀ ကျော်သေဆုံးပြီး ထောင်ပေါင်းများစွာ ဒဏ်ရာရရှိခဲ့ပါတယ်။ အစ္စရေးဝန်ကြီးချုပ် ဘင်ဂျမင်နေတန်ယာဟုက နိုင်ငံတွင် စစ်ဖြစ်နေပြီဖြစ်ပြီး ပြင်းထန်စွာပြန်လည်တိုက်ခိုက်မည်ဟု ပြောခဲ့ပါတယ်။

အဆိုပါတိုက်ခိုက်မှုအပေါ် ကမ္ဘာတစ်လွှားမှ အမျိုးမျိုးတုန့်ပြန်ခဲ့ကြပါတယ်။ အနောက်နိုင်ငံအများစု၊ယူကရိန်းနှင့် အိန္ဒိယတို့က  အစ္စရေးကို တိုက်ခိုက်မှု အပေါ်ရှုတ်ချလိုက်ကြပြီး အစ္စရေးနှင့်အတူတကွစည်းလုံးစွာ ရှိကြရန်ပြောဆိုခဲ့ပါတယ်။ အခြားတစ်ဖက်မှာလည်း အီရန်လို နိုင်ငံတွေက ဂုဏ်ယူစရာစစ်ဆင်ရေးအဖြစ် အောင်ပွဲခံခဲ့ကြပါတယ်။ ကာတာကလည်း အကြမ်းဖက်မှုတွေအရှိန်မြင့်တင်လာမှုမှာ အစ္စရေးကသာ တာဝန်ရှိတယ်လို့ ပြောလာပါတယ်။

ပါလက်စတန်းစစ်သွေးကြွအုပ်စုက ဂါဇာကမ်းမြောင်မှ အစ္စရေးနိုင်ငံအတွင်းသို့ ဒုံးကျဉ်ပေါင်း ၅၀၀၀ ကျော်ကို ပစ်လွှတ်တိုက်ခိုက်ခြင်းဖြင့် Al-Aqsa Flood စစ်ဆင်ရေးကို စတင်ခဲ့ကြတာဖြစ်ပါတယ်။ ဒုံးကျည်ပေါင်း ၁၅၀လောက်နှင့် အဓိကမြို့တဲလ်အဗစ်အပါအဝင် အစ္စရေးအလယ်ပိုင်းကို တိုက်ခိုက်ခံရတယ်လို့ စနေနေ့ညနေပိုင်းမှာ အစ္စရေးမီဒီယာတွေက သတင်းရေးသားကြပါတယ်။

ဟားမတ်ခေါင်းဆောင် အစ်စ်မေးလ်ဟန်ညီယတ်က  ဂါဇာမှာ စတင်ခဲ့တဲ့တိုက်ခိုက်မှုကို အနောက်ဘက်ကမ်းခြေနှင့်ဂျေရုစလင်အထိ ချဲ့သွားမယ်လို့ ပြောပါတယ်။ “ ဒါဟာ ကျွန်တော်တို့ရဲ့ရန်သူ၊သူ့စစ်သားတွေနှင့်အခြေချနေထိုင်သူတွေအပေါ် မနက်ခင်းအနိုင်ယူမှုနှင့် အရှက်ခွဲမှုတစ်ရပ်ဖြစ်တယ်” လို့ ပြောပါတယ်။

“ ဒီနေ့ဖြစ်ခဲ့တာတွေဟာ ကျွန်တော်တို့ရဲ့ ကြီးကျယ်တဲ့ပြင်ဆင်မှုကို ထုတ်ဖော်ပြတာဖြစ်တယ်။ ရန်သူရဲ့အားနည်းချက်ကိုထုတ်ပြတာဖြစ်တယ်” လို့လည်း သူကဆက်ပြောပါတယ်။

အစ္စရေးထဲ ကုန်းကြောင်း၊ပင်လယ်ရေကြောင်းနှင့်လေကြောင်းကနေ ပါရာဂလိုက်ဒါတွေ အသုံးပြုပြီး ဝင်လာကာ ဒုံးကျယ်တွေအများအပြားပစ်ခတ်ခဲ့တဲ့ ဂါဇာစစ်သွေးကြွတွေကို သူတို့တိုက်ခိုက်နေတယ်လို့ အစ္စရေးစစ်တပ်ကပြောပါတယ်။

အစ္စရေးနိုင်ငံအတွင်းက ၂၂ နေရာမှာ ရာပေါင်းများစွာသော ပါလက်စတိုင်းစစ်သွေးကြွတွေနှင့်  တိုက်ပွဲတွေဖြစ်နေတယ်လို့ အစ္စရေးက ပြောပါတယ်။ ဟားမတ်ရဲ့တိုက်ခိုက်မှုတွေထဲ ပြင်းထန်တဲ့ မြေပြင်ကျူးကျော်တိုက်ခိုက်မှဒလည်းပါဝင်တယ်။

အစ္စရေးဝန်ကြီးချုပ် နေတန်ယာဟုက “ အစ္စရေးနိုင်ငံသားများခင်ဗျား ကျွန်တော်တို့စစ်ဖြစ်နေပါပြီ” လို့ ပထမဆုံးမှတ်ချက်စကားပြောကြားပြီး Swords of Iron စစ်ဆင်ရေး အတွက် အောင်နိုင်ဖို့ ညီညွတ်ကြဖို့ တောင်းဆိုလိုက်ပါတယ်။ အဲဒီအပြင် ဒီလိုအဖြစ်မျိုးဘယ်တုန်းကမှမရှိခဲ့ဘူး။ ဘယ်တော့မှလည်းထပ်အဖြစ်မခံဘူးလို့ပြောပါတယ်။ ဟားမတ်ရဲ့ စွမ်းရည်တွေကို ဖျက်ဆီးပစ်ဖို့ အစ္စရေးကာကွယ်ရေးတပ်တွေဟာ ရှိသမျှစွမ်းအားတွေအကုန်ထုတ်သုံးမယ်လို့လည်း သူက ကတိပေးခဲ့ပါတယ်။ အင်အားအပြည်နှင့်နေရာအနှံ့စစ်ဆင်ရေးတွေလုပ်မှာဖြစ်တာကြောင့်ဂါဇာကနေ ဒေသခံတွေ ထွက်ခွာပေးဖို့ သူကပြောခဲ့ပါတယ်။

ပါလက်စတိုင်းသမ္မတ မာမွတ်အက်ဘားက “ သူ့နိုင်ငံပြည်သူတွေအနေနှင့် အခြေချသူတွေနှင့် သိမ်းပိုက်ထားတဲ့တပ်တွေရဲ့အကြမ်းဖက်မှုတွေကို ခုခံဖို့ အခွင့်အရေးအပြည့်ရှိတယ်” လို့ သတင်းထုတ်ပြန်ခဲ့ပါတယ်။  အစ္စရေးနှင့် ဂါဇာမှာ သေဆုံးသူတွေဟာ ၄၀၀ ကျော်သွားပြီဖြစ်ပါတယ်။

Source WION