Published_ 3 June  2023

Myanmar SAC’s National Solidarity & Peacemaking Negotiation Committee (NSPNC) and the Three Northern Alliances   concluded a two-day peace talk on 2 June 2023.at Oriental Guest House Hotel, Myla City, according to the press release of SAC on Friday.  

NSPNC and the three northern alliances, the MNDAA,  TNLA  The AA delegation continued discussion  on the second day.

Member of the State Administration Council, Union Minister for Cabinet Office,  NSPNC  Chairman Lt. Gen. Ya Pyae ;  Secretary of the  committee, Lt. Gen. Win Bo Shin,  Lt. Gen. Khin Zaw Oo (retired), working committee member Lt. Gen. Khin Zaw Oo (retired),  , the Deputy Commander of the Triangle Regional Military Command Brigadier General Tun Myat Shwe, representatives from the Myanmar National Truth and Justice Party/Myanmar National Democratic Alliance Army (MNTJP/MNDAA)  representatives from the Palaung State Liberation Front/Ta’ang National Liberation Army (PSLF/TNLA) and the United League of Arakan/Arakan Army (ULA/AA) attended.

Both parties continued to discuss and negotiate on the issues that have not yet been completed on the first day.  

On the first day, they discussed the issue of strengthening the multi-party democratic political system, the issue of building a union based on democracy and federalism, which is the desired goal of all ethnic people.  They also discussed the issue of joint implementation for the peace and development of the Union and the issue of trust building with the ethnic armed groups . In addition,  the discussion od thr  issue of the release of the arrested continued

It is also reported that they discussed and negotiated the abolishment of the announcement of  unlawful associations and the issue of humanitarian aid reaching smoothly to the people affected by the Mo Cha  storm as soon as possible ,

#Yangon_Media_Group

Published 2 June 2023

အမေရိကန်သမ္မတဂျိုးဘိုင်ဒင်ဟာ ကြာသပတေးနေ့က ကိုလိုရာဒိုပြည်နယ်မှာရှိတဲ့ လေတပ်သင်တန်းကျောင်း သင်တန်းဆင်းပွဲမှာ  သင်တန်းဆင်း  လက်မှတ်ပေးရင်း စင်ပေါ်မှာ ခလုပ်တိုက် မှောက်လျှက်လဲသွားခဲ့ရပါတယ်။ ဒါပေမယ့် သူ့ထိခိုက်သွားပုံတော့မပေါ်ပါဘူး။

လေတပ်အမှုထမ်းးတွေက သူ့ကိုပြန်ထူမပေးခဲ့ပါတယ်။ သူပြန်အထမှာ သူက သူခလုတ်တိုက်မိပုံရတဲ့ အရာဝတ္ထုကို လက်ညိုးညွှန်းပြခဲ့ပါတယ်။ကြည့်ရတာတော့ စင်ပေါ်က သဲအိတ်အသေးကလေးတစ်ခုနှင့်ဆင်တူပါတယ်။

ဘိုင်ဒင်ဟာ အမေရိကန်သမ္မတထဲမှာ  အသက်အကြီးဆုံး သမ္မတဖြစ်ပြီး ၂၀၂၄မှာပြုလုပ်မယ့် ရွေးကောက်ပွဲမှာ ပြန်လည် အရွေးခံဖို့ ပြင်ဆင်နေပါတယ်။သူ့ဆရာဣန်ကတော့ သူဟာ ကျန်းမာပြီးပုံမှန်လေ့ကျင့်ခန်းလုပ်တယ်လို့ ပြောပါတယ်။

၂၀၂၀ပြည့်နှစ် နိုဝင်ဘာလတုန်းက သူဟ ဒေါ်နယ်ထရမ့်ကို အနိုင်ရပြီးသိပ်မကြာ သူ့ရဲ့ခွေးကလေးနှင့် ဆော့ကစားရင်း ဘိုင်ဒင်ဟာ ခြေထောက်ကျိုးခဲ့ပါသေးတယ်။

Source AFP

#Biden

#Biden_Tumble

# သမ္မတဂျိုးဘိုင်ဒင်ခလုတ်တိုက်မှောက်လျက်လဲကျ

Published 30 May 2023

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်အား မြန်မာနိုင်ငံသို့ရောက်ရှိနေတဲ့ ရုရှားဖက်ဒရေးရှင်းနိုင်ငံ၊ ဒူးမားလွှတ်တော် ဒုတိယဥက္ကဋ္ဌ H.E. Mr.Sholban Kara-Ool က မြန်မာနိုင်ငံ၌ရွေးကောက်ပွဲကျင်းပချိန်တွင် လွှတ်လပ်၍တရားမျှတသည့် ရွေးကောက်ပွဲတစ်ရပ်ဖြစ်စေရေး ရုရှားနိုင်ငံမှ ကူညီဆောင်ရွက် ပေးသွားမည့်ကိစ္စကို ဆွေးနွေးခဲ့တယ်လို့ နစကရဲ့သတင်းထုတ်ပြန်ချက်အရသိရပါတယ်။

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ထံသို့ ဒူးမားလွှတ်တော် ဒုတိယဥက္ကဋ္ဌ H.E. Mr.Sholban Kara-Ool ဦးဆောင်သည့်အဖွဲ့ဝင်များက ယနေ့မေလ ၃၀ရက် ညနေပိုင်းတွင် တောင်ကြီး မြို့ရှိ ပင်လုံရိပ်သာ ဧည့်ခန်းမဆောင်၌ လာရောက်ဂါရဝပြုတွေ့ဆုံခဲ့ရာမှာ ဒူးမားလွှတ်တော်ဒုတိယဥက္ကဋ္ဌက ဆွေးနွေးခဲ့တာ ဖြစ်တယ်လို့ သတင်း ထုတ်ပြန်ချက်မှာဖော်ပြထားပါတယ်။

ထိုသို့ဆွေးနွေးရာတွင် ယခုနှစ်သည် မြန်မာ-ရုရှား နှစ်နိုင်ငံ သံတမန်ဆက်ဆံမှု ၇၅ နှစ် ပြည့်မြောက်သည့်နှစ်ဖြစ်ပြီး ရှိရင်းစွဲချစ်ကြည်ရင်းနှီးမှုများကို ဆက်လက်တိုး မြှင့် ဆောင်ရွက်သွားနိုင်မည့် အခြေအနေများ၊ နှစ်နိုင်ငံ ကဏ္ဍပေါင်းစုံတွင် အကျိုးတူ ပူးပေါင်းဆောင်ရွက်မှုများ ပိုမိုတိုးမြှင့်ဆောင်ရွက်နိုင်မည့် အခြေအနေများ၊ မြန်မာနိုင်ငံ ၏ သယ်ယူပို့ဆောင်ရေးကဏ္ဍနှင့် လျှပ်စစ်ဓာတ်အားထုတ်လုပ်ရေးကဏ္ဍများ ဖွံ့ဖြိုး တိုးတက်ရေးအတွက် ပူးပေါင်းဆောင်ရွက်လျက်ရှိမှု အခြေအနေများ၊ သိပ္ပံနှင့် နည်းပညာရပ်ပိုင်းဆိုင်ရာ ပညာရပ်များအပါအဝင် လူသားအရင်းအမြစ်များ ဖွံ့ဖြိုးတိုး တက်ရေးအတွက် ရုရှားဖက်ဒရေးရှင်းနိုင်ငံသို့  မြန်မာနိုင်ငံမှ ပညာတော်သင်များ စေလွှတ်လျက်ရှိသည့် အခြေအနေများကို ဆွေးနွေးခဲ့တယ်လို့ သိရပါတယ်။

အဲဒီအပြင် အားကောင်းသော ဆိုင်ကလုန်းမုန်တိုင်း (Severe Cyclonic Storm) "မိုခါ" (MOCHA) ဝင်ရောက်မှုကြောင့် သဘာဝဘေးဒဏ် သင့်ခဲ့ရသည့် ဒေသများအတွက် ရုရှားဖက်ဒရေးရှင်းနိုင်ငံမှ ကူညီထောက်ပံ့မှုများ ပေးအပ်သွားမည့် အခြေအနေများ၊ နှစ်နိုင်ငံပြည်သူများအချင်းချင်း ထိတွေ့ဆက်ဆံမှု များ တိုးမြှင့်နိုင်ရေးအတွက် အပြန်အလှန်ခရီးသွားလာရေးကဏ္ဍကို မြှင့်တင် ဆောင်ရွက်သွားမည့် အခြေအနေများ၊ မြန်မာနိုင်ငံနှင့် ရုရှားနိုင်ငံတို့အကြား ဘက်ပေါင်းစုံတွင်ပူးပေါင်းဆောင်ရွက်မှုများ ဆက်လက်တိုးမြှင့် ဆောင်ရွက် သွားမည့် အခြေ အနေများ၊ နှင့်စပ်လျဉ်းပြီး ရင်းရင်းနှီးနှီး ဆွေးနွေးခဲ့ကြတယ်လို့ သတင်းထုတ်ပြန်ချက်မှာ ဖော်ပြထား  ပါတယ်။

တွေ့ဆုံပွဲသို့ နစက ဥက္ကဋ္ဌနှင့်အတူ ဒုတိယဝန်ကြီးချုပ်နှင့် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စု ဝန်ကြီးဦးဝင်းရှိန်၊ ညှိနှိုင်းကွပ်ကဲရေးမှူး(ကြည်း၊ရေ၊လေ) ဗိုလ်ချုပ်ကြီး မောင်မောင်အေး နှင့် တာဝန်ရှိသူများတက်ရောက်ကြပြီး ရုရှားဖက်ဒရေးရှင်းနိုင်ငံ၊ ဒူးမားလွှတ်တော် ဒုတိယ ဥက္ကဋ္ဌနှင့်အတူ မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံ သံအမတ်ကြီး H.E.Mr. Nikolay LISTOPADOV နှင့် ဒူးမားလွှတ်တော်မှတာဝန်ရှိသူများ တက်ရောက်ခဲ့ကြပါတယ်။

Source- ymg/knl

#ဗိုလ်ချူပ်မှူးကြီးမင်းအောင်လှိုင်

#ဒူးမားလွှတ်တော် ဒုတိယဥက္ကဋ္ဌH.E. Mr.Sholban Kara-Ool

#မြန်မာ့နိုင်ငံရေး

#YangonMediaGroup

Published 28 May 2023.

အမေရိကန်သမ္မတ ဂျိုးဘိုင်ဒင်နှင့် ရီပတ်ဗလီကန် ကွန်ဂရက်ထိပ်တန်းအမတ် ကေဗင်မက္ကာသီတို့ အစိုးရရဲ့ ဖက်ဒရယ် ကြွေးမြီကန့်သတ်ချက် ဒေါ်လာ ၃၁.၄ဘီလျံကို ထပ်မြှင့်ပေးဖို့ အပေးအယူလုပ်ခဲ့တာ သဘောတူညီမှုတစ်ခုရရှိခဲ့ပြီလို့  ရိုက်တာသတင်းကရေးသားပါတယ်။ ဒါဟာ တစ်လကြာ မတိုးသာမဆုတ်သာအခြေအနေတစ်ခု အဆုံးသတ် သွားတာလည်း ဖြစ်ပါတယ်။

ဒါပေမယ့် အခုသဘောတူညီမှုဟာ ပြီးပြည့်စုံမှုရှိခဲ့ပုံမပေါ်ပါဘူး။ နှစ်ဘက်လုံး အောင်ပွဲခံမှုမရှိဘဲ သဘောတူညီမှုရခဲ့တာ ကြောင့်ပါ။  ဒါဟာ စေ့စပ်ညှိနှိုင်းရာမှာ ခါးခါးသီးသီးဖြစ်ခဲ့တာကိုပြသနေပြီး ဇွန်လဆန်းမှာ အမေရိကန်အစိုးရအနေနှင့် ပေးစရာပိုက်ဆံကုန်မသွားခင် ကွန်ဂရက်ကို ခက်ခက်ခဲခဲဖြတ်သန်းရဦးမှာဖြစ်ပါတယ်။

“ မကြာသေးခင်က ကျွန်တော် သမ္မတနှင့်ဖုန်းပြောခဲ့တာချခဲ့တာပါ။ သူဟာ လပေါင်းများစွာ စေ့စပ်ညှိနှိုင်းဖို့ ငြင်းပယ်ခဲ့ပြီး အချိန်တွေဖြုန်းခဲ့တယ်။ အခုတော့ အမေရိကန်ပြည်သူတွေအတွက် တန်ဖိုးရှိတဲ့ အခြေခံမူကို ကျွန်တော်တို့ သဘောတူခဲ့ ပါတယ်” လို့ မက္ကာသီက တွစ်တာမှာရေးခဲ့ပါတယ်။

သဘောတူညီချက်အရ ကြွေးမြီကန့်သတ်ချက်ကို (၂)နှစ်တာအထိ တိုးပေးမှာဖြစ်ပါတယ်။ ပြီးတော့ အဲဒီအချိန်မှာ အသုံးစရိတ်တွေကိုလည်းဖြတ်တောက်ပေးရမှာဖြစ်ပါတယ်။ အဲဒီအသုံးစရိတ်တွေထဲမှာ ဆင်းရဲသားတွေအတွက် လိုအပ် တဲ့ အပိုဆောင်းအစီအစဉ်အချို့လည်းပါဝင်ပါတယ်။

စနေနေ့ ညနေခင်းမှာ ဘိုင်ဒင်နှင့် မက္ကာသီတို့ မိနစ်၉၀အကြာ ဖုန်းနှင့် အပေးအယူလုပ်ခဲ့ကြတာဖြစ်ပါတယ်။

“ ဒါကို အပြီးသတ်ရေးသားနိုင်အောင် ဒီည ကျွန်တော်တို့ ဆက်ပြီးအလုပ်လုပ်ကြရဦးမယ်” လို့လည်း သူက သတင်း  ထောက်တွေကို ပြောပြပါတယ်။စနေနေ့မှာ ဥပဒေကြမ်း အပြီးရေးဖို့ သူမျှော်လင့်ထားတယ်။ ပြီးရင် ဘိုင်ဒင်နှင့်စကား ပြောမယ်။ အဲဒီနောက်ဗုဒ္ဓဟူးနေ့မှာ မဲခွဲဆုံးဖြတ်ကြမယ်လို့ သူက ဆက်ပြောပါတယ်။

အောက်လွှတ်တော်ကို ကြီးစိုးထားတဲ့ ရီပတ်ဗလီကန်တွေက  အသုံးစရိတ်တွေကို သိသိသာသာဖြတ်တောက်ပစ်ဖို့နှင့် အခြားအခြေအနေတွေကို  တွန်းအားပေးခဲ့ကြတာဖြစ်ပါတယ်။ ယခုအခါ အမေရိကန်ရဲ့ တစ်နှစ်တာစီးပွားရေးပမာဏနှင့် အကြမ်းဖျင်းအားဖြင့် တူညီနေတဲ့ အမေရိကန်ရဲ့ ကြွေးမြီတွေတက်လာနေတာကို ရီပတ်ဗလီကန်တွေက နှေးကွေးလိုက်ချင်ကြတာဖြစ်ပါတယ်။.

Source: Reuters

#အမေရိကန်ကြွေမြီကန့်သတ်ချက်

#အမေရိကန်နိုင်ငံရေး

#အမေရိကန်ကြွေးမြီအခက်အခဲ

#YangonMediaGroup

Published 26. May 2023

မြနန်း စံကျော် ရွှေနန်းတော်ကြီး အတွင်းရှိ အဆောင်များအလိုက် အခန်းများအတွင်း ရှေးခေတ်အသုံးအဆောင်များနှင့် ပုံစံတူများ ထားရှိနိုင်ရေးအတွက် မှတ်တမ်းများ ပြန်လည်ကြည့်ရှုဆောင်ရွက်သွားကြရန် နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်က ယဉ်ကျေးမှုဝန်ကြီးဌာနမှ တာဝန်ရှိသူတွေကို မှာကြားခဲ့ပါတယ်။

နစကဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် သည် ယနေ့ မေလ ၂၆ ရက် မွန်းလွဲပိုင်းတွင် တာဝန်ရှိသူများလိုက်ပါပြီး  မန္တလေးနန်းမြို့တွင်းရှိ မြနန်း စံကျော် ရွှေနန်းတော်ကြီး ထိန်းသိမ်းထားရှိမှု အခြေအနေများကို သွားရောက် ကြည့်ရှု စစ်ဆေးရာမှာ သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စု ဝန်ကြီး ဦးကိုကိုနှင့် အရာရှိများက မြနန်းစံကျော် ရွှေနန်းတော်ကြီး အဝန်းအဝိုင်းတစ်ခုလုံးကို ထိန်းသိမ်း ထားရှိမှုများနှင့် ပတ်သက်၍ တင်ပြတဲ့အခါမှာ နစက ဥက္ကဋ္ဌက ယခုကဲ့သို့ ပြောဆိုမှာကြားခဲ့တာဖြစ်တယ်လို့ နစကရဲ့   သတင်းထုတ်ပြန်ချက်   အရသိရပါတယ်။

မြနန်းစံကျော် ရွှေနန်းတော်ကြီးသည် အခြား နန်းတော်ကြီးများ နှင့် မတူဘဲ တည်ဆောက်ပုံ၊ တည်ရှိပုံများနှင့်ပတ်သက်၍ မှတ်တမ်းမှတ်ရာများ ပြည့် ပြည့်စုံစုံရှိသည့် နန်းတော်ကြီးဖြစ်တယ်လို့ နစက ဥက္ကဋ္ဌကပြောပါတယ်။ ကိုလိုနီခေတ်ကတည်းက ပြည်တွင်း၊ပြည်ပ  မှတ်တမ်းမှတ်ရာ၊ အကိုးအကားများ စုံစုံလင်လင်ရှိပြီးဖြစ်သည့်အတွက် ခိုင်မာသည့် သမိုင်းအထောက်အထားများ၊ မှတ်တမ်းမှတ်ရာများနှင့် ကိုက်ညီအောင် အတတ်နိုင် ဆုံး ဆောင်ရွက်သွားရန်လိုတယ်လို့လည်း သူက ဆက်လက်ပြောကြားပါတယ်။ရှေး ဟောင်း အမွေအနှစ်လက်ရာများဖြစ်သည့်အတွက် အထူးဂရုပြု ထိန်းသိမ်းစောင့် ရှောက်သွားရန် လိုကြောင်းနှင့် သန့်ရှင်းသပ်ရပ်မှုရှိအောင် ထိန်းသိမ်းဆောင်ရွက် မည်ဆိုပါက လာရောက်လေ့လာသူများကိုလည်း ပိုမိုဆွဲဆောင်နိုင်မည်ဖြစ်တယ်လို့ ဗိုလ်ချူပ်မှူးကြီးကပြောခဲ့ပါတယ်။

ဗိုလ်ချူပ်မှူးကြီးမင်းအောင်လှိုင် နှင့် အဖွဲ့ ဝင်တွေဟာ  မှန်နန်းတော်ကြီး၊ ဗောင်းတော်ဆောင်၊ ညီလာခံကျင်းပရာအဆောင်များ၊ မှန်နန်းဆောင်၊ အလယ်နန်းဆောင် တို့အပါအဝင် ရွှေနန်းတော်ကြီးအတွင်း လှည့်လည် ကြည့်ရှုခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

-ymg/knl

#မြနန်းစံကျော်ရွှေနန်းတော်

#ဗိုလ်ချူပ်မှူးကြီးမင်းအောင်လှိုင်

#YangonMediaGroup

Published 26. May 2023

၂၀၂၃ ခုနှစ်၊ မေ ၂၅ ရက်(ကြာသပတေးနေ့)၊ ည ၁၁ နာရီ ၁၁ မိနစ်တွင် ဘဝနတ်ထံပျံလွန်တော်မူခဲ့တဲ့ သက်တော်(၉၄)နှစ်၊ သိက္ခာတော်(၇၄)ဝါရ နိုင်ငံတော်သံဃမဟာနာယကအဖွဲ့ဥက္ကဋ္ဌ၊ မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာနွယ်စဉ်ရပ်ကွက်၊ ဗန်းမော်ကျောင်းတိုက်ကြီး၏ ပဓာနနာယက ဆရာတော် အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက ဘဒ္ဒန္တ ကုမာရာဘိဝံသမဟာထေရ်မြတ်ကြီး၏ ဥတုဇရုပ်ကလပ်တော်အား ဗန်းမော်ကျောင်းတိုက်၌ပူဇော်ထားလျက်ရှိရာ နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် ယနေ့ မေလ ၂၆ ရက် မွန်းလွဲပိုင်းတွင် သွားရောက်ဖူးမြော်ကြည်ညိုခဲ့ပါတယ်။

ဦးစွာ ဗိုလ်ချူပ်မှူုးကြီးနှင့်အဖွဲ့ဝင်များသည် ဗန်းမော်ဆရာတော်ဘုရားကြီး၏ ဥတုဇရုပ်ကလပ်တော်အား ဖူးမြော်ကြည်ညိုကြခဲ့ပါတယ်။ အဲဒီနောက် နိုင်ငံတော်ဩဝါဒါစရိယ မန္တလေးမြို့ မစိုးရိမ်တိုက်သစ် ပဓာန နာယကဆရာတော် အဂ္ဂမဟာပဏ္ဍိတ ဘဒ္ဒန္တ ဝါသေဋ္ဌာဘိဝံသ အားဖူးမြော်ကြည်ညိုပြီး ဗန်းမော်ဆရာတော်ဘုရားကြီး၏ အန္တိမအဂ္ဂိဈာပနပူဇာသဘင် အခမ်းအနား ကျင်းပပြုလုပ်မည့် အခြေအနေများကို လျှောက်ထားဆွေးနွေး၍ လိုအပ်သည်များ ပေါင်းစပ်ညှိနှိုင်းဖြည့်ဆည်းဆောင်ရွက်ပေးကာ ဆရာတော်ထံ လှူဖွယ်ပစ္စည်းများ ဆက်ကပ်လှူဒါန်းခဲ့တယ်လို့ နစကရဲ့ သတင်းထုတ်ပြန်ချက်အရသိရပါတယ်။

ယင်းနောက် နစကဥက္ကဋ္ဌ သည်ဗန်းမော်ဆရာတော်ဘုရားကြီး၏ ဥတုဇရုပ်ကလပ်တော်အား လာရောက်ဖူးမြော်ကြမည့်ရန်ကုန်မြို့မှ ကြွရောက်လာသည့် နိုင်ငံတော်သံဃမဟာနာယကအဖွဲ့ အကျိုးတော်ဆောင် သန်လျင်မြို့၊ မင်းကျောင်းပထမပြန်စာသင်တိုက် ဦးစီးပဓာန နာယကဆရာတော်အဂ္ဂမဟာပဏ္ဍိတ အဂ္ဂမဟာ သဒ္ဓမ္မ ဇောတိကဓဇ ဒေါက်တာ ဘဒ္ဒန္တ စန္ဒိမာဘိဝံသအမှူးပြုတဲ့ ဆရာတော်၊ သံဃာတော်များအား ခရီးဦးကြိုဆိုခဲ့ပါတယ်။အဲဒီနောက် သန်လျင်မင်းကျောင်းဆရာတော်ကြီးအား ဗန်းမော်ဆရာတော်ဘုရားကြီး၏ အန္တိမအဂ္ဂိဈာပနပူဇာသဘင် အခမ်းအနား ကျင်းပပြုလုပ်မည့် အခြေအနေများကိုတင်ပြလျှောက်ထားပြီး ဆရာတော်ကြီး၏ ဩဝါဒ ခံယူခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

ဗိုလ်ချုပ်မှူးကြီးမင်းအောင်လှိုင်က ဆရာတော်ဘုရားကြီး၏ အန္တိမအဂ္ဂိဈာပနပူဇာသဘင် အခမ်းအနား ကျင်းပပြုလုပ်နိုင်ရေး အလှူငွေများပေးအပ်လှူဒါန်းရာ သာသနာရေးနှင့် ယဉ်ကျေးမှုဝန်ကြီးဌာနပြည်ထောင်စုဝန်ကြီးက လက်ခံရယူခဲ့ပါတယ်။

ဆက်လက်ပြီး မြန်မာစီးပွားရေးကော်ပိုရေးရှင်း ဥက္ကဋ္ဌ ဒုတိယဗိုလ်ချုပ်ကြီးညိုစောနှင့် စစ်ရေးချုပ် ဒုတိယဗိုလ်ချုပ်ကြီး စိုးမင်းဦးတို့က ဆရာတော်ဘုရားကြီး၏အန္တိမအဂ္ဂိဈာပနပူဇာသဘင် အခမ်းအနား ကျင်းပပြုလုပ်နိုင်ရေးအတွက် အလှူငွေများ ပေးအပ်လှူဒါန်းရာ သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး က ဆက်လက်လက်ခံရယူခဲ့ကြောင်းသတင်းရရှိပါတယ်။

-ymg/knl

#ဗန်းမော်ဆရာတော်ဘုရားကြီး

#ဗိုလ်ချူပ်မှူးကြီးမင်းအောင်လှိုင်

#YangonMediaGroup