#Developing_Stories

၁၄ ဧပြီ ၂၀၂၄

အီရန်ရဲ့လေကြောင်းတိုက်ခိုက်မှုဟာ ဘာတန်ဖိုးမှထိခိုက်မှုမရှိဘူးလို့ အမေရိကန်သမ္မတ ဘိုင်ဒင်က အစ္စရေးဝန်ကြီးချုပ် နေတန်ယာဟုကို ဖုန်းဆက်သွယ်ပြောဆိုလိုက်ပါတယ်။ အီရန်ကိုတိုက်ခိုက်ဖို့ အမေရိကန်တပ်တွေပါဝင်မှာမဟုတ်ဘူးလို့လည်း ဘိုင်ဒင်က အခိုင်အမာပြောလိုက်ပါတယ်။

တိုက်ခိုက်ခံရမှုတွေအတွင်း အစ္စရေးရဲ့ ကာကွယ်ရေးဟာ အောင်နိုင်ခဲ့တယ်လို့ ဘိုင်ဒင်ကပြောလိုက်ပြီး   ရာပေါင်းများစွာသော ဒုံးကျည်တွေနှင့်ဒရုန်းတွေ အားလုံးနီးပါးကို ဟန့်တားပေးနိုင်တဲ့စွမ်းရည်ဟာ အစ္စရေးစစ်တပ်ရဲ့ သာလွန်ကောင်းမွန်မှုကိုပြသနေတာဖြစ်တယ်လို့လည်း ဘိုင်ဒင်က နေတန်ယာဟုကို ပြောလိုက်တယ်လို့ အမေရိကန်အရာရှိတစ်ဦးက စီအင်န်အင်န်သတင်းဌာနကိုပြောပါတယ်။

အမေရိကန်အနေနှင့် အီရန်အပေါ် စစ်ရေးအရထိုးစစ်ဆင်မှုတွေမှာ ပါဝင်ပတ်သက်မှာမဟုတ်ဘူးလို့လည်း ဘိုင်ဒင်က ရှင်းရှင်းလင်းလင်းပြောခဲ့တယ်လို့ အဆိုပါ အဆင့်မြင့်အရာရှိက စီအင်န်အင်န်ကိုပြောပါတယ်။

အစ္စရေးနယ်စပ်အပြင်ဘက်မှာ ကျည်ဖူးအမြောက်အမြားကို အမေရိကန်စစ်တပ်ရဲ့အကူအညီနှင့် အစ္စရေး  ကာကွယ်ရေးတပ်ဖွဲ့တွေက ပစ်ချ နိုင်ခဲ့တယ်လို့ အစ္စရေးစစ်တပ်ကပြောပါတယ်။

စနေနေ့ည အီရန်ရဲ့တိုက်ခိုက်ခံရမှုအပြီးမှာ နေတာယာဟုနှင့်ဘိုင်ဒင်တို့ ဖုန်းဆက်သွယ်ပြောဆိုခဲ့ကြ တယ်လို့ အစ္စရေးဝန်ကြီးချုပ်ရုံးက အတည်ပြုပါတယ်။

“ကျွန်တော့်ရဲ့ညွှန်ကြားချက်အရ အစ္စရေးရဲ့ကာကွယ်ရေးကို အထောက်အကူပြုဖို့ ပြီးခဲ့တဲ့ ရက်သတ္တပတ် တွေမှာ အမေရိကန်စစ်တပ်ဟာ လေယာဉ်တွေနှင့် တိုက်ချင်းပစ် ဒုံးကျည်ကာကွယ်ရေဖျက်သင်္ဘော တွေကို အစ္စရေးထံ ရွှေ့ပြောင်းပေးခဲ့တယ်” လို့ ဘိုင်ဒင်က နေတာယာဟုနှင့် ဖုန်းဆက်အပြီးသတင်းထုတ် ပြန်ချက်မှာဖော်ပြထားပါတယ်။

“အဲဒီလိုတပ်ဖြန့်ချထားမှုတွေနှင့်ကျွန်တော်တို့စစ်သည်တွေရဲ့ သူမတူအောင်ထူးချွန်တဲ့အရည်အချင်းတွေ ကြောင့် ဝင်ချလာတဲ့ ဒရုန်းတွေနှင့် ဒုံးကျည်အကုန်နီးပါးကို အစ္စရေးကပစ်ချနိုင်အောင် ကျွန်တော်တို့ ကူညီပေးနိုင်ခဲ့ပါတယ်” လို့ ဘိုင်ဒင်ကပြောပါတယ်။

အနည်းငယ်မျှသော ဒုံးကျည်တွေသာ ထိုးဖောက်ဝင်ရောက်နိုင်ခဲ့ပြီး အစ္စရေးရဲ့ စစ်စခန်းတစ်ခုကို ထိမှန် ခဲ့ပါတယ်။ ဒါပေမယ့် ပျက်စီးမှုအနည်းအကျဉ်းပဲရှိပြီး ဘယ်သူမှထိခိုက်မှုမရှိပါဘူးလို့ အစ္စရေးစစ်တပ်က ပြောပါတယ်။

အမေရိကန်ဟာ ဒရုန်းအစင်းရေ ၇၀ကျော်နှင့် တိုက်ချင်းပစ်ဒုံးကျည် အနည်းဆုံးတစ်စင်းကို အမေရိကန် တပ်တွေက ဟန့်တားနိုင်ခဲ့တယ်လို့ အမေရိကန် ဝါရင့်အရာရှိတစ်ဦးက စီအင်န်အင်န်ကိုပြောပါတယ်။

အဆိုပါဒုံးကျည်ကို အရှေ့မြေထဲပင်လယ်မှာရှိနေတဲ့ အမေရိကန်ရဲ့ ဒုံးကျည်ဖျက်သင်္ဘောနှစ်စီးကနေ ပစ်ချခဲ့တာဖြစ်တယ်လို့လည်း သူကပြောပါတယ်။ အမေရိကန်ရဲ့ တိုက်လေယာဉ်တွေကလည်း အစ္စရေးရဲ့  ကာကွယ်ရေးမှာ ဝင်ကူပေးခဲ့တယ်လို့ နောက်အရာရှိတစ်ဦးက ထပ်ပြောပါတယ်။

 အီရန်ရဲ့ တိုက်ခိုက်မှုအပေါ် ပြန်လည်ပြီး သံတမန်ရေးအရ ညီညီညွတ်ညွတ်တုန့်ပြန်နိုင်ဖို့ ဂျီဆဲဗင်း အုပ်စု ခေါင်းဆောင်တွေနှင့် တွေ့မယ်လို့ ဘိုင်ဒင်ကပြောပါတယ်။

Source NY Post

၁၄ ဧပြီ ၂၀၂၄

အီရန်က အစ္စရေးကို လက်စားချေတုန့်ပြန်သည့်အနေဖြင့် စနေနေ့ညည့်နက်ပိုင်းက ဒရုန်းနှင့် ဒုံးကျည်ပေါင်း များစွာဖြင့်  အစ္စရေး၏ ပိုင်နက်အတွင်း တိုက်ရိုက်တိုက်ခိုက်မှုကိုစတင်လိုက်ပါတယ်။  အမေရိကန်က အစ္စရေးကို တိုက်ခိုက်လာပါက အစ္စရေးဘက်က မားမားမတ်မတ်ရပ်တည်မည်ဟု ကတိ  ပေးပြီးနောက် အီရန်က ယခုလိုလက်စားချေတိုက်ခိုက်လာခြင်းဖြစ်ပြီး စစ်ပွဲကြီးများ ဖြစ်လာမည် အန္တရာယ်နှင့် ရင်ဆိုင်နေကြရပြီဖြစ်ပါတယ်။

အစ္စရေးစစ်တပ်ပြောရေးဆိုခွင့်ရသူ ရေတပ်ဗိုလ်ချုပ်ကြီး ဒန်နီယယ်ဟာဂါရီက အီရန်သည် ဒါဇင်ပေါင်း များစွာသော မြေပြင်ပစ်ဒုံးကျည်များနှင့် အစ္စရေးကတိုက်ခိုက်ခဲ့ပြီး အစ္စရေး၏ နယ်စပ်များ အပြင်ဘက် တွင် ယင်းတို့ကို ကြားဖြတ်ဟန့်တားခဲ့သည်ဟုပြောလိုက်ပါတယ်။ တိုက်ခိုက်တဲ့အထဲမှာ အနည်းဆုံး ခရုစ်ဒုံးကျည် ၁၀စီးပါဝင်တယ်လို့သူကပြောပါတယ်။

အီရန်တို့ဟာ ယခုထက်ထိ ဒရုန်းအစင်းပေါင်း အနည်းဆုံး နှစ်ရာကျော်ဖြင့် တိုက်ခိုက်ခဲ့ပြီးဖြစ်တယ်လို့ သူကပြောပါတယ်။  အစ္စရေးရဲ့စစ်ဌာနတစ်ခုမှာ အနည်းအကျဉ်းပျက်စီးမှုရှိခဲ့တယ်လို့သူကပြောပါတယ်၊

ယင်းကိစ္စအပေါ် ကုလသမဂ္ဂက အရေးပေါ်လုံခြုံရေးကောင်စီအစည်းအဝေးခေါ်ယူကျင်းပနေပါတယ်။

Source Reuters

Published 13 April 2024

တူရကီနိုင်ငံမှာ ငွေကြေးဖောင်းပွမှု စဉ်ဆက်မပြတ် ဖြစ်နေပြီး တိုင်းသူပြည်သားတွေက သူတိုရဲ့ ပိုင်ဆိုင်မှုများကို ထိန်းသိမ်းချင်တဲ့အတွက် ရွှေဝယ်လိုအား မြင့်တက်နေပါတယ်။

Source CCTV+

Published 13 April 2024
အီရန်က သိပ်မကြာခင် အချိန်မှာပဲ အစ္စရေးလ်ကို တိုက်ခိုက်လိမ့်မယ်လို့ မျှော်မှန်းရကြောင်း အမေရိကန်သမ္မတ ဂျိုးဘိုင်ဒင်က သောကြာနေ့မှာ ပြောကြားလိုက်ပြီး ဒီလိုတိုက်ခိုက်ခြင်း မပြုဖို့လည်း အီရန်ကို သတိပေးလိုက်ပါတယ်။
သတင်းထောက်တွေက မေးမြန်းရာမှာ အီရန်အနေဖြင့် တိုက်ခိုက်ခြင်း မပြုရန်နဲ့ အမေရိကန်က အစ္စရေးလ်ကို ကူညီကာကွယ်သွားဖို့ သန္နိဌာန်ချထားတဲ့ အကြောင်းကို ဘိုင်ဒင်က  အလေးပေးဖြေကြားခဲ့ပါတယ်။
‘’အစ္စရေးလ်ကို ကာကွယ်ဖို့ ဆုံးဖြတ်ထားပါတယ်။ အစ္စရေးလ်ကို ထောက်ပံ့သွားပါမယ်။ အစ္စရေးလ်ဘက်ကနေ ကူညီကာကွယ်သွားမှာ ဖြစ်ပြီး အီရန်အောင်မြင်မှာ မဟုတ်ပါဘူ’’ ပြောကြားသွားပါတယ်။
ပြီးခဲ့တဲ့ သီတင်းပတ်က ဆီးရီးယားနိုင်ငံ ဒါမတ်စ်ကပ်စ်ရှိ အီရန်သံရုံးဝင်း တိုက်ခိုက်ခံရတဲ့အတွက် လက်စားချေမယ်ဆိုတဲ့ သတိပေးသံတွေ ထွက်ပေါ်လာကာ အီရန်နဲ့ အပေါင်းအပါတွေ တိုက်ခိုက်လာနိုင်တာကို အစ္စရေးလ်ဘက်က ပြင်ဆင်ထားရပါတယ်။
အဆိုပါ ဧပြီ ၁ ရက်နေ့ တိုက်ခိုက်မှုနဲ့ ပတ်သက်ပြီး အစ္စရေးလ်တို့က ယင်းတို့မဟုတ်ဘူးလို့ ဆိုထားပေမယ့် အီရန်နိုင်ငံ အကြီးအကဲ အိုင်ယာတိုလာအလီခါမနယ်က အစ္စရေးလ်ကို လက်တုန့်ပြန်အပြစ်ပေးရမယ်လို့ ကြိမ်းဝါးထားပါတယ်။
ခိုင်လုံတဲ့ အချက်အလက်ကို ထုတ်ဖော်မှာမဟုတ်ပေမယ့် အီရန်က မကြာခင်မှာ တိုက်ခိုက်လာလိမ့်မယ်လို့ ဘိုင်ဒင်က ထင်နေပါတယ်။
အီရန်ဘက်က တိုက်ရိုက်တိုက်ခိုက်လာမှာကို ရင်ဆိုင်ရန် ပြင်ဆင်တဲ့အနေနဲ့ ထိုဒေသမှာရှိတဲ့ အမေရိကန်တပ်တွေနဲ့ အစ္စရေးလ်တပ်တွေကို ကာကွယ်ဖို့အတွက် အမေရိကန်က စစ်သင်္ဘောများကို အလျင်စလို နေရာချထားပါတယ်။
အီရန်တွေ တိုက်ခိုက်လာနိုင်တဲ့ နေရာနဲ့အချိန်အကြောင်း နီးစပ်တဲ့သတင်းရင်းမြစ်က သတိပေးလာပြီးနောက် အမေရိကန်က အခုလို ပြင်ဆင်လာတာ ဖြစ်ပါတယ်။
တိုက်ခိုက်ဖို့အကြောင်း ဆွေးနွေးနေကြပေမယ့် နောက်ဆုံးပိတ် ဆုံးဖြတ်ချက်တော့ မချရသေးဘူးလို့ သိရပါတယ်။
အိန္ဒိယ၊ ပြင်သစ်၊ ပိုလန်၊ ရုရှားအပါအဝင် နိုင်ငံအချို့က ထိုဒေသသို့ ခရီးသွားလာခြင်းမပြုရန် နိုင်ငံသားများကို သတိပေးထားပါတယ်။
Source: Reuters

၁၂ ဧပြီ ၂၀၂၄

နေပြည်တော်ကို ဘာသာပေါင်းစုံကိုယ်စားပြုသည့်နေရာတစ်ခုအဖြစ်ရည်ရွယ်၍ နေပြည်တော်ကောင်စီနယ်မြေ တွင် ဘာသာပေါင်းစုံမှ ဘာသာရေးအသင်းအဖွဲ့များအတွက် ဘာသာရေးဆိုင်ရာ  အဆောက်အဦများ ဆောက်လုပ် နိုင်ရန်အတွက် နိုင်ငံတော်မှ မြေပေးမိန့်များထုတ်ပေးခဲ့ကြောင်းသိရပါတယ်။

အဆိုပါမြေပေးမိန့်များထုတ်ပေးသည့် အခမ်းအနားတစ်ခုကို ဧပြီ ၁၂ ရက် မနက်ပိုင်းက နေပြည်တော်ကောင်စီ နယ်မြေရှိ ဇမ္ဗူသီရိခန်းမ၌ ကျင်းပပြုလုပ်ပြီး နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်အမှာစကားပြောကြားပြီး သက်ဆိုင်ရာ ဘာသာရေးအဖွဲ့ကိုယ်စားလှယ်များထံ မြေပေးမိန့်များ ထုတ်ပေးခဲ့တာဖြစ်ပါတယ်။

ယင်းအတွက် ဗုဒ္ဓဘာသာကိုယ်စားလှယ်၊ ကက်သလစ်ခရစ်ယာန်ဘာသာကိုယ်စားလှယ်၊ နှစ်ခြင်းခရစ်ယာန် ဘာသာကိုယ်စားလှယ်၊ အင်္ဂလီကန်ခရစ်ယာန်ဘာသာကိုယ်စားလှယ်၊ ဆွန်နီအစ္စလာမ်ဘာသာကိုယ်စားလှယ်၊ ရှီ ယာအစ္စလာမ်ဘာသာကိုယ်စားလှယ်၊ဟိန္ဒူဘာသာကိုယ်စားလှယ်တို့ကအသီးသီးလက်ခံရယူခဲ့ကြကြောင်းသတင်း ထုတ်ပြန်ချက်မှာဖော်ပြထားပါတယ်။

“နေပြည်တော် ကောင်စီနယ်မြေသည် ဘာသာပေါင်းစုံအတူတကွယှဉ်တွဲ နေထိုင် ပြီးငြိမ်းချမ်းစွာဖြင့်  နေထိုင်နိုင် သည့် နေရာတစ်ခုဖြစ်ကြောင်း၊ နေပြည်တော်တွင် ခရစ်ယာန်ဘာသာဝင်နှင့် အစ္စလာမ်ဘာသာဝင်နှင့် ဟိန္ဒူဘာ သာဝင်များနည်းပါးကြောင်း၊ တစ်နိုင်ငံလုံးကိုကိုယ်စားပြုသည့် ဘာသာပေါင်းစုံနေထိုင်သည့်နေရာတစ်ခုဖြစ် အောင်ဆောင်ရွက်ပြီး နေပြည်တော်အား ဘာသာပေါင်းစုံကို ကိုယ်စားပြုသည့် နေရာတစ်ခုဖြစ်အောင်   ရည်ရွယ်   ဆောင်ရွက်ခြင်းဖြစ်ကြောင်း” ဗိုလ်ချုပ်မှူးကြီးမင်းအောင်လှိုင်က အခမ်းအနားတွင်ပြောကြားခဲ့ပါတယ်။

ယခုအခမ်းအနားကို နှစ်သစ်ကူးအခါသမယတွင် ကျင်းပ ပြုလုပ်ခဲ့ခြင်းဖြစ်ပြီး ထူးခြားသည့်အခမ်းအနား တစ်ခုဖြစ် ကြောင်း၊ ဘာသာပေါင်းစုံနှင့် ပတ်သက်ပြီး မေတ္တာလက်ဆောင်တစ်ခုပေးချင်သဖြင့် ယခုအခမ်းအနားကို ကျင်းပပြု လုပ်ခဲ့ခြင်းဖြစ်ကြောင်းလည်း ဗိုလ်ချုပ်မှူးကြီးက ပြောပါတယ်။

လက်ရှိဖြစ်ပေါ်နေ သည့် ပဋိပက္ခများမှာ နိုင်ငံရေးအရဖြစ်ပေါ်လာသည့် ပြဿနာများကို နိုင်ငံရေးအရ ဖြေရှင်း ခြင်းမရှိဘဲ ပြည်ပမှနိုင်ငံရေးအရသွေးထိုးလှုံ့ဆော်မှု၊ တိုင်းရင်းသားရေးအရ သွေးထိုးလှုံ့ဆော်မှုနှင့် ဘာသာရေးအရ သွေးထိုးလှုံဆော်မှုများကြောင့် အကြမ်းဖက်သည့် နည်းလမ်းများဖြင့် ဆောင်ရွက်လာခြင်းဖြစ်တယ်လို့ ဗိုလ်ချုပ်မှူး ကြီးက လက်ရှိနိုင်ငံရေးအခြေအနေများကိုသုံးသပ်ပြခဲ့ပါတယ်။

ယင်းပဋိပက္ခများချုပ်ငြိမ်းစေရေးအတွက် ပြည်သူပြည်သားတိုင်းသက်ဆိုင်ရာ ဘာသာတရားများအလိုက် ဘာသာ ရေးအသိများရှိစေရေး ဝိုင်းဝန်းဆောင်ရွက်ကြစေလိုကြောင်းနှင့် လူများ၏အသိများကို ပြုပြင်နိုင်သည်မှာ ဘာသာ ရေးအသိပင်ဖြစ်ကြောင်းလည်း ဗိုလ်ချုပ်မှူးကြီးက တိုက်တွန်းသွားပါတယ်။

ထို့နောက် ဘာသာရေးအဖွဲ့အစည်းများမှကိုယ်စားလှယ်များကလည်း ကိုးကွယ်မှု ဘာသာတရားများ မတူကွဲပြား လျက်ရှိသော်လည်း တိုင်းပြည်တည်ငြိမ်အေးချမ်းရေး၊ သာယာဝပြောရေး၊ ဘာသာဝင်များအားလုံးငြိမ်းချမ်းစွာ .. အတူယှဉ်တွဲနေထိုင်ရေးတို့တွင် တစ်စိတ်တည်း၊ တစ်ဝမ်းတည်းရှိနေရမည်မှာ အမှန်တရားပင်ဖြစ်တယ်လို့ ပြန်လည်ပြောကြားခဲ့ကြောင်း သတင်းထုတ်ပြန်ချက်အရသိရပါတယ်။

“ယခုကဲ့သို့ ပြည်ထောင်စုနယ်မြေနေပြည်တော်တွင် မိမိတို့ဘာသာရေးအသင်းအဖွဲ့များ အတွက် မြေနေရာများ ပေးအပ်ချီးမြှင့်ခြင်းကြောင့် မတူကွဲပြားသော ဘာသာဝင်များ အားလုံး အတူယှဉ်တွဲကိုးကွယ်နိုင်ရေးအတွက် စည်းလုံးညီညွတ်ခြင်းပြယုဂ်ဖြစ်သော ဘာသာရေး အဆောက်အဦများတစ်စုတစ်ဝေးတည်းပေါ်ပေါက်လာတော့ မည်ဖြစ်သဖြင့် နစက ဥက္ကဋ္ဌနှင့် တာဝန်ရှိသူတွေကို အထူးကျေးဇူးတင်ရှိကြောင်းလည်း အဆိုပါကိုယ်စားလှယ်များ က ဆက်လက်ပြောကြားခဲ့ကြပါတယ်။

အခမ်းအနားသို့ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီးရဲဝင်းဦးနှင့် ကောင်စီအဖွဲ့ဝင်များ၊ ပြည် ထောင်စုဝန်ကြီးများနှင့် ပြည်ထောင်စုအဆင့် ပုဂ္ဂိုလ်များ၊ ကာကွယ်ရေးဦးစီးချုပ်ရုံးမှ အဆင့်မြင့် တပ်မတော် အရာ ရှိကြီးများ၊နေပြည်တော်ကောင်စီဥက္ကဋ္ဌ၊ နေပြည်တော်တိုင်းစစ်ဌာနချုပ်တိုင်းမှူး၊ ဒုတိယဝန်ကြီးများ၊ ဘာသာ ပေါင်းစုံချစ်ကြည်ညီညွတ်ရေးအဖွဲ့(ဗဟို)၊ နေပြည်တော်ဘာသာပေါင်းစုံ ချစ်ကြည်ညီညွတ်ရေးအဖွဲ့၊ ခရစ်ယာန်  ဘာသာရေးအသင်းအဖွဲ့များ၊ အစ္စလာမ်ဘာသာ ရေးအသင်းအဖွဲ့များ၊ ဟိန္ဒူ ဘာသာရေးအသင်းအဖွဲ့များမှ ဥက္ကဋ္ဌ များနှင့် တာဝန်ရှိသူများ၊ ဌာနဆိုင်ရာတာဝန်ရှိသူများ တက်ရောက်ခဲ့ကြပါတယ်။

@ymg/knl

၉ ဧပြီ ၂၀၂၄

မြန်မာနိုင်ငံရဲ့ ရတနာသဘာဝဓာတ်ငွေ့တွင်းမှာ ရင်းနှီးမြှပ်နှံလုပ်ကိုင်နေတဲ့ အမေရိကန် စွမ်းအင်ကုမ္ပဏီ ချက်ဗရွန် ဟာ ရင်းနှီးမြှပ်နှံမှုကနေ နှုတ်ထွက်သွားပြီးနောက် သူ့ရှယ်ယာ ၄၁.၁ ရာခိုင်နှုန်းကို အပြင်ကိုမရောင်းချတော့ဘဲ လက်ရှိ ရှယ်ယာပါတနာကုမ္ပဏီနှစ်ခုက ပြန်ခွဲဝေယူလိုက်ကြပါတယ်။

အဆိုပါကုမ္ပဏီနှစ်ခုက ထိုင်းနိုင်ငံရဲ့ PTTEP ပီတီတီရှာဖွေထုတ်လုပ်ရေးကုမ္ပဏီနှင့် မြန်မာအစိုးရပိုင် မြန်မာ့ ရေနံနှင့် သဘာဝဓာတ်ငွေ့လုပ်ငန်း(MOGE)တို့ဖြစ်ကြတယ်လို့ ဘန်ကောက်ပို့စ်က သတင်းရေးသားပါတယ်။

ချက်ဗရွန်ရဲ့ရှယ်ယာနှုတ်ထွက်သွားပြီးနောက် ထိုင်းနိုင်ငံရဲ့ PTTEP ကုမ္ပဏီရဲ့ရှယ်ယာဟာ  ၆၂.၉၆ ရာခိုင်နှုန်း မြင့်တက်သွားစေမှာဖြစ်ပါတယ်။

ရတနာကမ်းလွန်သဘာဝဓာတ်ငွေ့စီမံကိန်းဟာ မုတ္တမပင်လယ်ကွေ့မှာတည်ရှိပြီး တစ်နှစ်ကို သဘာဝဓာတ်ငွေ့  ၆ ဘီလီယံ ကုဗမီတာထွက်ရှိနေပါတယ်။ ထွက်ရှိသမျှ သဘာဝဓာတ်ငွေ့ရဲ့ ၇၀ရာခိုင်နှုန်းကို ထိုင်းနိုင်ငံသို့တင်ပို့နေပြီး ကျန် ၃၀ရာခိုင်နှုန်းကိုတော့ မြန်မာ MOGE က ပြည်တွင်းသုံးအဖြစ် ခွဲဝေရယူထားပါတယ်။

ရတနာစီမံကိန်းဟာ ထိုင်းနှင့်မြန်မာ နှစ်နိုင်ငံစလုံးရဲ့ စွမ်းအင်လုံခြုံရေးအတွက် မဟာဗျူဟာမြောက်အရေးပါနေ တာဖြစ်တယ်လို့ PTTEP က ထိုင်းစတော့အိတ်ချိန်းသို့ထုတ်ပြန်တဲ့ ကြေညာချက်မှာဖော်ပြထားပါတယ်။

“ PTTEPဟာ  စီမံကိန်းရဲ့အော်ပရေတာဖြစ်တာနှင့်အညီ ထိုင်းနှင့်မြန်မာ နှစ်နိုင်ငံစလုံးရဲ့ ပြည်သူတွေလိုအင်တွေ ဖြည့်ဆည်းဖို့နှင့် စွမ်းအင်လုံခြုံရေးဆက်လက်ထိန်းသိမ်းဖို့ စီမံကိန်းကနေ သဘာဝဓာတ်ငွေ့တွေ ဆက်လက်ထုတ် လုပ်နေမှာဖြစ်တယ်” လို့ PTTEP ကပြောပါတယ်။

@ymg/knl