#Local_News
Published_ 9 May 2023

ဆီးဂိမ်းတွင် ဘိလိယက်အားကစားပြိုင်ပွဲ၌ ကမ္ဘာ့ချန်ပီယံဖြစ်သူစင်ကာပူနိုင်ငံသားကိုမြန်မာနိုင်ငံသားဦးပေါက်စမှအနိုင်ရရှိပြီးရွှေတံဆိပ်ဆုထပ်မံရရှိခဲ့ကြောင်း သိရသည်၊၊

မေလ(၉) ရက်နေ့၊ ဘိလိယက် (English Billiards Singles - အမျိုးသားတစ်ဦးချင်း) အားကစားနည်းဗိုလ်လုပွဲပြိုင်ပွဲ၌ မြန်မာ ဦးပေါက်စမှ ကမ္ဘာ့ချန်ပီယံဖြစ်သူ Peter Gilchrist (စင်ကာပူနိုင်ငံ)အား (၁၀၀-၁၂) (၁၀၀-၇၆) (၁၀၁-၇၈)ဖြင့် အပြတ်အနိုင်ရရှိခဲ့ပြီး ပထမ (ရွှေတံဆိပ်ဆု) ရရှိခဲ့ခြင်းဖြစ်သည်၊၊

(၃၂) ကြိမ်မြောက် အရှေ့တောင်အာရှအားကစားပြိုင်ပွဲမှာ မေလ(၉)ရက်အထိ စာရင်းများအရမြန်မာနိုင်ငံမှ ရွှေတံဆိပ်(၁၁) ခု၊ ငွေတံဆိပ်(၇)ခု နှင့် ကြေးတံဆိပ် (၂၅)ခု စုစုပေါင်း ဆုတံဆိပ်( ၄၃)ခု ဆွတ်ခူးရရှိထားပြီးဖြစ်သည်ဟုအားကစားနှင့်လူငယ်ရေးရာဝန်ကြီးဌာနမှ သိရသည်၊၊

#ymg/tthl #Local_News #ကမ္ဘာ့ချန်ပီယံ #စင်ကာပူနိုင်ငံသား #ရွှေတံဆိပ်ဆုထပ်မံရ
#YMG #Yangon_Media_Group

#Local_News
Published_ 9 May 2023

နေအိမ်ရှိ ရေတွင်းကို တူးဖော်ရာမှာ တွင်းထဲပြုတ်ကျပြီး သားအဖ ၂ဦးသေဆုံးမှု မြစ်ကြီးနားတွင် ဖြစ်ပွားခဲ့ကြောင်း မြန်မာနိုင်ငံလူမှုကယ်ဆယ်ရေးအဖွဲ့(ကချင်ပြည်နယ်) က သိရသည်။

ယနေ့ မေလ ၉ ရက်နေ့ နေ့လယ် ၁၂ နာရီခွဲအချိန်ခန့်က ကချင်ပြည်နယ် မြစ်ကြီးနား နောင်နန်း၊ လမြန်ကျေးရွာတွင် မိမိနေအိမ်မှ ရေတွင်းတူးရင်းပြုတ်ကျသွား၍ အရေးပေါ်ကယ်ဆယ်ပေးရန်မိသားစုဝင်များမှ အသင်းရုံးသို့ အကူအညီတောင်းခံလာကြောင်း သိရသည်။

အသင်းရုံးမှ လူနာတင်ယာဉ် အမှတ်(၂)ဖြင့် ကယ်ဆယ်ရေးပစ္စည်း ကိရိယာများနှင့်အတူ ချက်ချင်းထွက်ခွာခဲ့သော်လည်း ကယ်ဆယ်ရေးသမားများရောက်ရှိချိန် ပြုတ်ကျသူနှစ်ဦးမှာ သေဆုံးပြီဖြစ်ခဲ့ပြီး ၎င်းတို့နှစ်ဦး၏ ရုပ်ကလပ်ကို အရပ်သားများနှင့်အတူ ကူညီထုတ်ဖေါ်ပေးခဲ့ရတယ်လို့ အသင်းက ပြောပါသည်။

#ymg/ppk #Local_News #မြစ်ကြီးနား #သားအဖ ၂ဦးရေတွင်းထဲပြုတ်ကျပြီးသေဆုံး
#YMG #Yangon-Media-Group

#Local_News
Published_ 9 May 2023

သဘာဝဘေးဖြစ်ပေါ်လာပါက အရေးကြီးနေရာများတွင် လျှပ်စစ်မီးမပြတ်တောက်စေရေးနှင့်ရခိုင်ဒေသရှိ စီမံကိန်းများထိခိုက်ပျက်စီးမှုမရှိအောင် ဆောင်ရွက်ရေးတွေ ကြိုတင်ပြင်ဆင်ထားမည်ဖြစ်ကြောင်း လျှပ်စစ်စွမ်းအားဝန်ကြီးဌာနမှ သိရသည်၊၊

လျှပ်စစ်စွမ်းအားဝန်ကြီးဌာန၊ သဘာဝဘေးအန္တရာယ်ဖြစ်ပေါ်လာပါက ဆောင်ရွက်ထားသည့် အစီအမံများ နှင့်ပတ်သက်၍လုပ်ငန်းညှိနှိုင်းအစည်းအဝေးတွင် ပြည်ထောင်စုဝန်ကြီးက ကြိုတင်ပြင်ဆင်ဆောင်ရွက်ထားရန်အချက်များကို ထည့်သွင်းမှာကြားခဲ့ခြင်း ဖြစ်သည်၊၊

အရေးကြီးသော နေရာများဖြစ်သည့် ကွပ်ကဲမှုရုံး၊ ဆေးရုံ၊ အုပ်ချုပ်မှုအဆောက်အအုံဖြစ်သည့် ကယ်ဆယ်ရေးစခန်းနေရာများတွင် လျှပ်စစ်ဓာတ်အားပြတ်တောက်မှု မရှိစေရေး အရန်မီးစက်များကို ကြိုတင်ဖြန့်ခွဲထားရှိရန် လိုအပ်ကြောင်း၊ သဘာဝဘေး ကျရောက်နေချိန်များတွင်လည်း လျှပ်စစ်အန္တရာယ်မဖြစ်ပေါ်စေရေး ဓာတ်အား ဖွင့်/ပိတ်စနစ်များကိုလည်း စနစ်တကျထိန်းချုပ်ထားရန် လိုအပ်ပါကြောင်း၊ ဆက်သွယ်မှုစနစ်ပြတ်တောက် သွားမှုမရှိစေရန် အရေးပေါ်ဆက်သွယ်မှုစနစ်များကို ကြိုတင်ဆောင်ရွက်ထားရန် လိုအပ်ကြောင်းနှင့် ဆောင်ရွက်ထားရှိသည့် အစီအမံများအတိုင်းကြိုတင် ဇာတ်တိုက်လေ့ကျင့်မှုများကို ဆောင်ရွက်ထားကြရန် လိုအပ်ကြောင်းမှာကြားခဲ့သည်၊၊

ယင်းအပြင် တည်ဆောက်ဆဲ စီမံကိန်းများဖြစ်သော သံတွဲဒေသရှိ သူဌေးချောင်း ရေအားလျှပ်စစ် ဓာတ်အားပေးစက်ရုံစီမံကိန်းတွင် တည်ဆောက်ပြီးနှင့် တည်ဆောက်ဆဲဖြစ်သော စီမံကိန်းဆိုင်ရာ အဆောက်အအုံများနှင့် တမံများကို သဘာဝဘေးကြောင့် ထိခိုက်သက်ရောက်မှုမရှိစေရေး ကြိုတင်ကာကွယ်ဆောင်ရွက်သွားရန်နှင့် ထုတ်လုပ်ဆဲဖြစ်သော ကျောက်ဖြူဒေသရှိ သဘာဝဓာတ်ငွေ့သုံး ဓာတ်အားပေးစက်ရုံ၊ ကိုကိုးကျွန်းနှင့် မာန်အောင်ကျွန်းရှိ နေရောင်ခြည်စွမ်းအင်သုံး ဓာတ်အားပေးစက်ရုံ၊ မင်းဘူးနှင့် စေတုတ္တရာဒေသရှိ ကြီးအုံကြီးဝ နေရောင်ခြည်စွမ်းအင်သုံး ဓာတ်အားပေးစက်ရုံများ ကိုလည်း ထိခိုက်ပျက်စီးမှုမရှိစေရေး ကြိုတင်ကာကွယ်ခြင်းလုပ်ငန်းများ ဆောင်ရွက်သွားရန်ပြောကြားခဲ့သည်။

မုန်တိုင်းတိုက်ခတ်မှုနှင့် သဘာဝဘေးအန္တရာယ်များကြောင့် ဝန်ကြီးဌာနကွပ်ကဲမှု အောက်ရှိ ရုံး၊ ဌာနများ၊ ဓာတ်အားပေးစက်ရုံများ၊ ဓာတ်အားခွဲရုံများ၊ ဓာတ်အားလိုင်းများ၊တည်ဆောက်ရေး စီမံကိန်းလုပ်ငန်းများတွင် တတ်နိုင်သမျှ ထိခိုက်ပျက်စီးမှု အနည်းဆုံးဖြစ်စေရေး ကြိုတင်ပြင်ဆင် ဆောင်ရွက်ထားရှိရန်နှင့် ဘေးအန္တရာယ်ကျရောက်ပြီး ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန်အတွက် တိုင်းဒေသကြီး/ပြည်နယ်များတွင် လုံလောက်သော အင်အားများကို ရုံးချုပ်မှဦးဆောင် သူများဦးဆောင်၍ ဖွဲ့စည်းထားရန်နှင့် ယာဉ်၊ ယန္တရား ပစ္စည်းများကို စီမံချက်ပါအတိုင်း ကြိုတင်ဖြန့် ခွဲထားရှိရန် လိုအပ်ကြောင်း ပြည်ထောင်စုဝန်ကြီးကဆက်လက်ပြောကြားခဲ့သည်။

#ymg/tthl #Local_News #ရခိုင်ရှိစီမံကိန်း #ထိခိုက်မှုမရှိအောင်
#YMG #Yangon_Media_Group

#Local_News
Published-9 May 2023

ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် မြန်မာလုပ်သား ၁၄၉ ဦးကို မေလ ၉ ရက်(ယနေ့)ထပ်မံစေလွှတ်ခဲ့ကြောင်း ဆိုလ်းမြို့၊ မြန်မာသံရုံးကသိရသည်။

ယင်းကဲ့သို့ EPSစနစ်ဖြင့်စေလွှတ်ခဲ့သည့် မြန်မာလုပ်သား ၁၄၉ ဦးလုံးမှာ ကုန်ထုတ်လုပ်သားများဖြစ်ကြောင်း သိရသည်။

မြန်မာလုပ်သားများ ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ ရောက်ရှိခဲ့ချိန် မြန်မာသံရုံး၊ ဆိုးလ်မြို့မှ  အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက်များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်း သိရသည်။

ဧပြီလ ၁၁ ရက်က  EPS စနစ်ဖြင့်  Re-entry ကုန်ထုတ်လုပ်သား (၈၈) ဦး၊ Re-entry စိုက်ပျိုး/မွေးမြူရေးလုပ်သား (၁၉) ဦး၊ ကုန်ထုတ်လုပ်သားသစ် (၂၁) ဦး၊ ဆောက်လုပ်ရေးလုပ်သားသစ် (၂၂) ဦး၊ စုစုပေါင်း (၁၅၀) ဦးကို စေလွှတ်ခဲ့ပြီးနောက် မေလ ၉ ရက်မှ ထပ်မံခေါ်ယူခဲ့ခြင်းဖြစ်သည်။

#ymg/pl #Local_News #EPS #ယနေ့ထပ်မံစေလွှတ်
#YMG #Yangon-Media-Group

#Local_News
Published_ 9 May 2023

အွန်လိုင်းအခြေပြုနိုင်ငံဖြတ်ကျော် မှုခင်းတားဆီးရေးအတွက် ရန်ကုန်ကနေ လားရှိုးကို လေကြောင်းလိုင်းကနေ နိုင်ငံခြားသားများအားခရီးသွားလာခွင့် မေလ ၆ရက်ကစတင်ကာ ပိတ်ထားလိုက်ပြီဖြစ်ကြောင်း လေကြောင်းရဲတပ်ဖွဲ့မှူးရုံးက အသိပေးထုတ်ပြန်ထားသည်။

ရန်ကုန်မှ လားရှိုးကို လေကြောင်းလိုင်းနဲ့နိုင်ငံခြားသားတွေခရီးသွားမယ်ဆိုပါကUN ၊ သံရုံးနဲ့ INGO ဝန်ထမ်းတွေကိုတော့ ချွင်းချက်အဖြစ်ခွင့်ပြုပေးထားပြီး ပြင်ပက နိုင်ငံခြားသားဖြစ်ပါက စီစစ်ဟန့်တားသွားရန် လေကြောင်း ရဲတပ်ဖွဲ့မှူးရုံးက ညွှန်ကြားစာပေးပို့ထားတယ်လို့ဆိုသည်။

မြန်မာနိုင်ငံအတွင်း နိုင်ငံခြားသားများ တရားမဝင် ဝင်ရောက်နေကာအွန်လိုင်းလိမ်လည်မှု Online Scam နဲ့ Online Gambling အွန်လိုင်းလောင်းကစား တို့တွင် ပါဝင်ကျူးလွန်နေသဖြင့် ပုံရိပ်မထိခိုက်စေရေး ကာကွယ်နိုင်ရန် မြန်မာ၊ ထိုင်း၊ တရုတ် သုံးနိုင်ငံပေါင်းစပ်ညှိနှိုင်းပြီးတရားဥပဒေစိုးမိုးရေးလုပ်ငန်းများကို စစ်ဆင်ရေးကာလသတ်မှတ်ကာ ဆောင်ရွက်လျက်ရှိရာ ယင်းလုပ်ငန်းစဉ်များ စစ်ဆင်ရေးဆောင်ရွက်နေစဉ်ကာလအတွင်းမှစပြီး အထက်ပါ နိုင်ငံခြားသာများ လေကြောင်းနဲ့ ရန်ကုန်- လာရှိုးသို့သွားရောက်မှုကို ပိတ်ထားလိုက်ခြင်းဖြစ်တယ်လို့ သိရသည်။

ရန်ကုန်-လာရှိုးခရီးစဉ်တွေမှာသွားလာခွင့်ပိတ်ထားတာဟာနိုင်ငံခြားသားခရီးသည်တွေအတွက်ဖြစ်ပြီးတော့မြန်မာနိုင်ငံသားပြည်တွင်းခရီးသည်တွေမပါဝင်ကြောင်း ရဲတပ်ဖွဲ့မှ သိရသည်။

#ymg/ppk #Local_News #UN #NGO #ရန်ကုန်- လာရှိုးလေကြောင်းလိုင်း
#YMG #Yangon-Media-Group

#Local_News
Published_ 9 May 2023

ပြည်ပသို့တင်ပို့ခွင့်မပြုသည့် ပစ္စည်းများကို ယခင်သြဂုတ်လ ၁၇ရက်နေလထုတ်ပြန်ခဲ့တာဖြစ်ပြီး ယခင်တင်ပို့ခွင့်မပြုသည့်စိန် နေရာတွင် လက်၀တ်ရတနာအဖြစ်ပြုလုပ်ထားခြင်းမရှိသည့် စိန်အလွတ်များ ဟုပြောင်းလဲပြင်ဆင်သတ်မှတ်လိုက်ကြောင်း စီးပွားရေးနှင့်ကူးသန်းရောင်း၀ယ်ရေး၀န်ကြီးဌာနက ယခုနှစ် မေလ ၄ ရက်နေ့တွင် ထုတ်ပြန်လိုက်ကြောင်း သိရသည်။

ယခင်က တင်ပို့ခွင့်မပြုသည့် ပစ္စည်းများမှာ စိန် ၊ ရေနံစိမ်း၊ ဆင်စွယ်၊ ဆင် မြင်းနှင့် ရှားပါတိရစ္ဆာန်များ၊ လက်နက်ခဲယမ်းမီးကျောက်နှင့်ရှေးဟောင်းပစ္စည်းများဖြစ်ကြောင်း စီးပွားရေးနှင့်ကူးသန်းရောင်း၀ယ်ရေးဝန်ကြီးဌာန၏ထုတ်ပြန်ချက်အရ သိရသည်။

ယခင် ၁၉၉၉ ခုနှစ်က ပင်လယ်ရေကြောင်းမှ တင်ပို့ခွင့်မပြုသည့် ပစ္စည်း၃၁ မျိုးနှင့် နယ်စပ်ဒေသများမှ တင်ပို့ခွင့်မပြုသည့်ပစ္စည်း ၃၂မျိုး ထုတ်ပြန်ထားရာမှ ၂၀၀၈ ခုနှစ်တွင်ကုန်ပစ္စည်းတချို့အား ဖြေလျော့ခဲ့ပြီး ကုန်ပစ္စည်း၁၅ မျိုးသို့ ပြင်ဖြေလျော့ပေးခဲ့ကြောင်း စီးပွားကူးသန်း၀န်ကြီးဌာနမှသိရသည်။

#ymg/ynzw #Local_News #ပြည်ပင်ပတင်ပို့ခွင့်မပြု #စိန်အလွတ်
#YMG #Yangon-Media-Group