16 December 2023

ဗီယက်နမ်နိုင်ငံမှ အိမ်ရှင်အဖြစ် ကျင်းပပြုလုပ်လျက်ရှိသော Miss Earth ပြိုင်ပွဲ ကြီးတွင် မြန်မာနိုင်ငံကိုယ်စားပြု အလှမယ်လေး “ ဆောင်းနှင်းစံအနေဖြင့် ပိတောင်ပန်း၊Recycleအသုံးပြုနိုင်သောဂုံနီအိတ်ကိုချုပ်လုပ်ထားပြီး အုန်းသီးခွံ၊ အုန်းစံကြိုးများဖြင့်အလှဆင်ထားသည့်ဝတ်စုံကိုဝတ်ဆင်ပြီး ပုဂံရိုးရာအငွေ့အသက်ပါသည့်ပုံစံဖြင့် ပါဝင်ယှဉ်ပြိုင်ခဲ့ကြောင်း Missosology Myanmarမှသိရသည်။

ပြိုင်ပွဲ၏Theme မှာ Me Love 20Tree ဖြစ်ပြီး နိုင်ငံအသီးသီးမှ မိမိတို့ကိုယ်စားပြု အပင်တစ်မျိုးကို ရွေးချယ်၍ ယှဉ်ပြိုင်ကြရမည်ဖြစ်ရာ မြန်မာကိုယ်စားပြု အနေဖြင့် မြန်မာတို့၏ နှစ်သစ်ကူးရိုးရာ မင်္ဂလာရှိသောပန်းတစ်မျိုး ဖြစ်သည့် "ပိတောက်ပန်း" ကို ရွေးချယ်ခဲ့ခြင်းဖြစ်သည်။

Talent Competition ပြိုင်ပွဲတွင်လည်း မြန်မာတို့၏အထွက်အမြတ်ထားရာ ပုဂံရိုးရာအကနှင့် ယှဉ်ပြိုင်ခဲ့ကြောင်း နှင့် Eco Project တွင်လဲ Recycle အနေနဲ့ အုန်းသီးခွံကိုအသုံးပြုကာ လူသုံးကုန် အလှတန်ဆာများအဖြစ် ဖန်တီး ပြုလုပ်ထားသော ပစ္စည်းလေးများကို Presentation ပြုလုပ်ခဲ့သည်ဟုဆိုသည်။

မြန်မာအမျိုးသားဝတ်စုံ National Costume ဖန်တီးရာတွင်လည်း Miss Earth Organization ရဲ့ ချမှတ်ထား သော အချက်အလက်များနှင့်အညီ Recycle Costume ပြုလုပ်ရာတွင် မြန်မာနိုင်ငံကိုယ်စားပြုအဖြစ် ရွေးချယ်ထား သော ပိတောင်ပန်း ၊ Eco Project မှ အုန်းသီးခွံများ နှင့် Talent Competition မှ ပုဂံရိုးရာအကများ ၏ အငွေ့အသက်ကို ပေါင်းစပ်၍ "ပုဂံခေတ် ရေကစားနေသော လှပျိုဖြူမလေး" အသွင် ဖန်တီးကာ Miss Earth Myanmar 2023 ၏ အမျိုးသားဝတ်စုံအဖြစ် ဖန်တီးချုပ်လုပ်ခဲ့ခြင်း ဖြစ်ကြောင်းသိရသည်။

အမျိုးသားဝတ်စုံ၏ ဝတ်ရုံတစ်ခုလုံးကိုလည်း “ ဂုန်နီအိတ် “ ကိုသာ အဓိကအသုံးပြုချုပ်လုပ်ထားပြီးမြန်မာ့ကနုတ် ပန်းများကို အုန်းစံကြိုးများနှင့် အလှပဆုံးဖန်တီးပုံဖော်ထားခြင်းဖြစ်ပြီးRecycle ပစ္စည်းများဖြင့် ဖန်တီးချုပ် လုပ်ထားသည့် အဆိုပါ အမျိုးသားဝတ်စုံကို Miss Earth 2023 ၏ National Costume ယှဉ်ပြိုင်မှုတွင် မြန်မာနိုင်ငံကိုယ်စားပြု အလှမယ်လေး" ဆောင်းနှင်းစံ "မှ ဝတ်ဆင်ယှဉ်ပြိုင်မည်ဖြစ်ကြောင်းသိရသည်။
Yangon_Times/tthl
#Published_ 16 December 2023
#YMG #Yangon_Times #YMG_News
#Yangon_Media_Group

16 December 2023

ဗီယက်နမ်နိုင်ငံမှ အိမ်ရှင်အဖြစ် ကျင်းပပြုလုပ်လျက်ရှိသော Miss Earth ပြိုင်ပွဲ ကြီးတွင် မြန်မာနိုင်ငံကိုယ်စားပြု အလှမယ်လေး “ ဆောင်းနှင်းစံအနေဖြင့် ပိတောင်ပန်း၊Recycleအသုံးပြုနိုင်သောဂုံနီအိတ်ကိုချုပ်လုပ်ထားပြီး အုန်းသီးခွံ၊ အုန်းစံကြိုးများဖြင့်အလှဆင်ထားသည့်ဝတ်စုံကိုဝတ်ဆင်ပြီး ပုဂံရိုးရာအငွေ့အသက်ပါသည့်ပုံစံဖြင့် ပါဝင်ယှဉ်ပြိုင်ခဲ့ကြောင်း Missosology Myanmarမှသိရသည်။

ပြိုင်ပွဲ၏Theme မှာ Me Love 20Tree ဖြစ်ပြီး နိုင်ငံအသီးသီးမှ မိမိတို့ကိုယ်စားပြု အပင်တစ်မျိုးကို ရွေးချယ်၍ ယှဉ်ပြိုင်ကြရမည်ဖြစ်ရာ မြန်မာကိုယ်စားပြု အနေဖြင့် မြန်မာတို့၏ နှစ်သစ်ကူးရိုးရာ မင်္ဂလာရှိသောပန်းတစ်မျိုး ဖြစ်သည့် "ပိတောက်ပန်း" ကို ရွေးချယ်ခဲ့ခြင်းဖြစ်သည်။

Talent Competition ပြိုင်ပွဲတွင်လည်း မြန်မာတို့၏အထွက်အမြတ်ထားရာ ပုဂံရိုးရာအကနှင့် ယှဉ်ပြိုင်ခဲ့ကြောင်း နှင့် Eco Project တွင်လဲ Recycle အနေနဲ့ အုန်းသီးခွံကိုအသုံးပြုကာ လူသုံးကုန် အလှတန်ဆာများအဖြစ် ဖန်တီး ပြုလုပ်ထားသော ပစ္စည်းလေးများကို Presentation ပြုလုပ်ခဲ့သည်ဟုဆိုသည်။

မြန်မာအမျိုးသားဝတ်စုံ National Costume ဖန်တီးရာတွင်လည်း Miss Earth Organization ရဲ့ ချမှတ်ထား သော အချက်အလက်များနှင့်အညီ Recycle Costume ပြုလုပ်ရာတွင် မြန်မာနိုင်ငံကိုယ်စားပြုအဖြစ် ရွေးချယ်ထား သော ပိတောင်ပန်း ၊ Eco Project မှ အုန်းသီးခွံများ နှင့် Talent Competition မှ ပုဂံရိုးရာအကများ ၏ အငွေ့အသက်ကို ပေါင်းစပ်၍ "ပုဂံခေတ် ရေကစားနေသော လှပျိုဖြူမလေး" အသွင် ဖန်တီးကာ Miss Earth Myanmar 2023 ၏ အမျိုးသားဝတ်စုံအဖြစ် ဖန်တီးချုပ်လုပ်ခဲ့ခြင်း ဖြစ်ကြောင်းသိရသည်။

အမျိုးသားဝတ်စုံ၏ ဝတ်ရုံတစ်ခုလုံးကိုလည်း “ ဂုန်နီအိတ် “ ကိုသာ အဓိကအသုံးပြုချုပ်လုပ်ထားပြီးမြန်မာ့ကနုတ် ပန်းများကို အုန်းစံကြိုးများနှင့် အလှပဆုံးဖန်တီးပုံဖော်ထားခြင်းဖြစ်ပြီးRecycle ပစ္စည်းများဖြင့် ဖန်တီးချုပ် လုပ်ထားသည့် အဆိုပါ အမျိုးသားဝတ်စုံကို Miss Earth 2023 ၏ National Costume ယှဉ်ပြိုင်မှုတွင် မြန်မာနိုင်ငံကိုယ်စားပြု အလှမယ်လေး" ဆောင်းနှင်းစံ "မှ ဝတ်ဆင်ယှဉ်ပြိုင်မည်ဖြစ်ကြောင်းသိရသည်။
Yangon_Times/tthl
#Published_ 16 December 2023
#YMG #Yangon_Times #YMG_News
#Yangon_Media_Group

#Daily_News
Published 16 December 2023

၁။ ရန်ကုန်အပါအဝင် ဒေသအချို့တွင် ဆောင်းတွင်း သိပ်မအေးရသည့် အကြောင်းရင်းနှစ်ရပ်ရှိနေ

၂။ လာမည့်နှစ်အတွင်း စေလွတ်ရန်စီစဉ်နေသည့် တောင်ကိုရီးယားရာသီချိန် အလုပ်သမားတစ်ဦးလျှင် ဝမ်၁၀သိန်း‌ခန့် ပေးသွင်းရန် ကနဦးတင်ပြထား

၃။ အယ်လ်နီညိုရာသီ ဖြစ်စဉ်အတွင်း စိုက်ပျိုးရေးလုပ်ငန်း များအတွက် ဆောင်ရန်ရှောင်ရန်များကို တောင်သူများအားသင်တန်းများ ပို့ချပေးနေဟုဆို

၄။ ကမ္ဘာ့ပထမဆုံး ဟိုက်ဒရိုဂျင်စွမ်းအင်သုံးတွန်းသင်္ဘော ဘယ်လ်ဂျီယံဆိပ်ကမ်းတွင် စတင်လည်ပတ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published 14 December 2023

ယခုဘဏ္ဍာနှစ်အတွင်း ပြည်ပနိုင်ငံများသို့ အထည်ချုပ်နှင့် သဘာဝဓာတ်ငွေ့များ အများဆုံးတင်ပို့ထားကြောင်းစီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏စာရင်းများအရ သိရသည်။

ထိုသို့တင်ပို့ရာတွင် ၂၀၂၃-၂၀၂၄ ဘဏ္ဍာနှစ် ဧပြီ ၁ ရက်မှ ဒီဇင်ဘာ ၁ ရက်အထိ အဓိကပို့ကုန် ၁၀ မျိုး စာရင်းတွင် ချုပ်ပြီးအထည်(အထည်ချုပ်) တင်ပို့မှု ဒေါ်လာ ၂ ဒသမ ၉၆၆ ဘီလျံဖြင့် အများဆုံးဖြစ်ပြီး သဘာဝဓာတ်ငွေ့ တင်ပို့မှု ဒေါ်လာ ၂ ဒသမ ၂၂၀ ဘီလျံဖြင့် ဒုတိယအများဆုံးတင်ပို့ထားခြင်းဖြစ်ကြောင်းသိရသည်။

ထို့အပြင် မတ်ပဲတင်ပို့မှုမှ ဒေါ်လာသန်း ၄၇၀ ကျော်၊ ဆန်နှင့်ဆန်ကွဲတင်ပို့မှု မှ ဒေါ်လာသန်း ၃၈၀ ခန့်၊ ပြောင်းတင်ပို့မှု မှ ဒေါ်လာသန်း ၂၇၀ ကျော်၊ ငါးတင်ပို့မှုမှ ဒေါ်လာသန်း ၂၂၀ ကျော်၊ ပဲတီစိမ်းတင်ပို့မှု မှ ဒေါ်လာ ၁၈၅ သန်းကျော်၊ ရော်ဘာစိမ်းတင်ပို့မှုမှ ဒေါ်လာသန်း ၁၂၀ ကျော်၊ ပဲစဉ်းငုံတင်ပို့မှုမှ ဒေါ်လာသန်း ၁၀၀ ကျော်၊ သတ္တုနှင့် သတ္တုရိုင်းများ တင်ပို့မှုမှ ဒေါ်လာသန်း ၈၀ နီးပါးဖြင့် အသီးသီးရရှိထားကြောင်းသိရသည်။

အဆိုပါကာလအတွင်း ထိုင်းနိုင်ငံသို့ ပို့ကုန်တင်ပို့မှု ဒေါ်လာ ၂ ဒသမ ၄၇၂ ဘီလျံဖြင့် အများဆုံးဖြစ်ပြီး တရုတ်နိုင်ငံသို့ ပို့ကုန်တင်ပို့မှု ဒေါ်လာ ၁ ဒသမ ၉၃၁ ဘီလျံဖြင့် ဒုတိယအများဆုံး တင်ပို့ထားခြင်းကြောင့် အိမ်နီးချင်းနိုင်ငံများသို့ ပို့ကုန်အများဆုံး တင်ပို့ထားနိုင်ခဲ့ကြောင်းသိရသည်။

ဂျပန်နိုင်ငံမှ ဒေါ်လာသန်း ၇၈၀ ကျော်ဖြင့် တတိယ၊ အိန္ဒိယနိုင်ငံမှ ဒေါ်လာသန်း ၅၇၀ ကျော်၊ အမေရိကန်မှ ဒေါ်လာ ၄၁၂ သန်းကျော်၊ ဂျာမနီမှ ဒေါ်လာ ၃၅၆ သန်းကျော်၊ စပိန်မှ ဒေါ်လာသန်း ၃၂၀ ကျော်၊ ပိုလန်မှ ဒေါ်လာ ၃၁၆ သန်းကျော်၊ တောင်ကိုရီးယားနိုင်ငံမှ ဒေါ်လာသန်း ၂၆၀ သန်းကျော်၊ ဗြိတိန်မှ ဒေါ်လာသန်း ၂၂၀ ကျော်တန်ဖိုးရှိသည့် ပို့ကုန်များကို အသီးသီးတင်သွင်းခဲ့ကြကြောင်းသိရသည်။
Yangon-Times/NN
#Local_News
#Published 16 December 2023
#Yangon_Times #Daily_News #YMG_News #Yangon_Media_Group

Published 14 December 2023

ဆီထုတ်ယူပြီးသည့် Bowserများသည် မျောမပါရှိဘဲ ရန်ကုန်အပါအဝင် ပြည်နယ်နှင့်တိုင်းအသီးသီးသို့ သယ်ယူပို့ဆောင်ကြောင်း စစ်ဆေးတွေ့ရှိပါက သက်ဆိုင်ရာ မှလုပ်ထုံးလုပ်နည်းများနှင့်အညီ အရေးယူခြင်းခံရမည် ဖြစ်ကြောင်းThilawa Task Forceစက်သုံးဆီသယ်ဆောင်ခွင့်လက်မှတ် (မျော) ထုတ်ပေးရေးအဖွဲ့ မှသိရသည်။

ဒီဇင်ဘာ၁၄ရက်ညနေ ‌၄နာရီမှစတင်၍ သီလဝါ Terminal များမှ တိုင်းဒေသကြီးနှင့်ပြည်နယ်များသို့ စက်သုံးဆီပို့ဆောင်မည့် ဆီတင်ယာဉ်များအားစက်သုံးဆီသယ်ဆောင်ခွင့်လက်မှတ်(မျော) များ စတင်ထုတ်ပေးနေပြီး ဆီတင်ယာဉ်တွင်ဆီအပြည့်ဖြည့်ပြီးချိန်၌ မြတ်မေတ္တာမွန်Terminalရှိ စက်သုံးဆီသယ်ဆောင်ခွင့် လက်မှတ်‌မျော ထုတ်ပေးရေးအဖွဲ့ထံသို့ဆက်သွယ်ရမည်ဖြစ်ကြောင်းသိရသည်။

ထို့အပြင် သီလဝါပြင်ပ ဒေသရှိ PT Power Terminal (သာကေတ)၊Denko Terminal(ရွှေလင်ဗန်း)၊မြဝတီ(ပိတောက်ချောင်း)၊အဏ္ဏဝါလွမ်း‌ ဗော်ယာ၊BOC Terminal တို့မှ တိုင်းဒေသကြီးနှင့်ပြည်နယ်များသို့ စက်သုံးဆီ ပို့ဆောင်မည့်ဆီတင်ယာဉ်သို့ ဆီဖြည့်ပြီးသည့်အချိန်တွင် ဆီတင်ယာဉ်( Bowser)ဖြင့်စက်သုံးဆီသယ်ဆောင်ခွင့်လက်မှတ်(မျော)ထုတ်ယူရန်အတွက် ကိုမူ လတ်တလောတွင် Online( Viber) မှတဆင့် လျေဗာက်ထားနိုင်ပြီး ဆီတင်ယာဉ်( Bowser)ဖြင့်စက်သုံးဆီသယ်ဆောင်ခွင့်လက်မှတ်(မျော) အား( Viber)မြှပန်လည်ပေးပို့သွားမည် ဖြစ်ကြောင်းသိရသည်။

အဆိုပါ ဆီတင်ယာဉ်( Bowser)ဖြင့်စက်သုံးဆီသယ်ဆောင်ခွင့်လက်မှတ်(မျော)ထုတ်ယူရန်လိုအပ်သည့် စာရွက်စာတမ်းများမှာTerminalများမှဆီထုတ်ယူသည့်ပြေစာ၊PPRD ကြီးကြပ်လက်မှတ်၊ GPS တပ်ဆင်ပြီးကြောင်း အထောက်အထား၊ပေးပို့မည့်အရောင်းဆိုင်၏PPRDလိုင်စင်(မိတ္တူ)တို့ဖြစ်ကြောင်းသိရသည်။

ထို့ကြောင့်ဆီထုတ်ယူပြီးသည့် Bowserများသည် မျောမပါရှိဘဲသယ်ယူပို့ဆောင်ကြောင်းစစ်ဆေးတွေ့ရှိပါက သက်ဆိုင်ရာ ဥပဒေ၊နည်းဥပဒေ၊ အမိန့်၊ညွှန်ကြားချက်များအရ အရေးယူခြင်းခံရမည်
ဖြစ်ကြောင်သိရသည်။
Yangon-Times/NN
#Local_News
#Published 16 December 2023
#Yangon_Times #Daily_News #YMG_News #Yangon_Media_Group

Published 16 December 2023

၂၀၂၃ခုနှစ်မြန်မာ့ရုပ်ရှင်ထူးချွန်ဆုချီးမြှင့်ပွဲအတွက် ရွှေကြိုမောင်မယ်လျှောက်ထားသူများကို ပဏာမ လူတွေ့စစ်ဆေးခြင်းပြုလုပ်မည်ဖြစ်ပြီး ဒီဇင်ဘာလ(၁၇)ရက်တွင် စတင်စစ်ဆေးရွေးချယ်မည်ဖြစ်ကြောင်း မြန်မာနိုင်ငံရုပ်ရှင်အစည်းအရုံးမှသိရသည်။

ဒီဇင်ဘာလ၁၇ရက်မနက်ပိုင်းတွင် ရွှေကြိုမောင်မယ်လျှောက်လွှာအမှတ်စဉ် ၀၀၁မှ ၂၁၆အထိ၊ နေ့လည်ပိုင်းတွင် လျှောက်လွှာအမှတ်စဉ်၂၁၇မှ ၃၃၅အထိ ပဏာမလူတွေ့စစ်ဆေးမည်ဖြစ်ပြီး မြန်မာနိုင်ငံရုပ်ရှင်အစည်းအရုံး၌ စစ်ဆေးသွားမည်ဟုဆိုသည်။

အကယ်ဒမီရွှေကြိုမောင်မယ်ဖြစ်လိုသူများအနေဖြင့် ဒီဇင်ဘာလ၁ရက်မှ၁၅ရက်အတွင်း လျှောက်လွှာများ ထုတ်ယူလျှောက်ထားခဲ့ခြင်းဖြစ်ပြီး ယခု ဒီဇင်ဘာ၁၇ရက်တွင်ပဏာမလူတွေ့စစ်ဆေးခြင်းများစတင် ဆောင်ရွက် မည်ဖြစ်သည်။

၂၀၂၃ခုနှစ်အတွက်အကယ်ဒမီဆုများပေးရန် ၂၀၂၃ခုနှစ်အတွင်း ရုံတင်ပြသခဲ့သည့်ရုပ်ရှင်ဇာတ်ကားများတွင်ပါ ဝင်သော အနုပညာရှင်၊အတတ်ပညာရှင်များ၏အမည်များကို သက်ဆိုင်ရာထုတ်လုပ်ရေးကုမ္ပဏီများမှတစ်ဆင့် မြန်မာနိုင်ငံရုပ်ရှင်အစည်းအရုံးသို့ ဒီဇင်ဘာလ၈ရက်နောက်ဆုံးထားပြီးတောင်းခံထားကြောင်းနှင့်ယခုနှစ်အတွက် အကယ်ဒမီဆုပေးပွဲကို နေပြည်တော်၌ကျင်းပသွားမည်ဖြစ်ကြောင်းသိရသည်။
Yangon-Times/tthl
#Local_News
#Published 16 December 2023
#Yangon_Times #Daily_News #YMG_News #Yangon_Media_Group