#Local_News
Published 2 January 2024

ဂျပန်နိုင်ငံတွင် ဇန်နဝါရီ ၁ ရက်နေ့က အင်အားပြင်းသည့်ငလျင်လှုပ်ခတ်ခဲ့ပြီးနောက် ဆူနာမီသတိပေးချက်ထုတ်ပြန်ခဲ့ရာ အကူအညီလိုအပ်ပါက မြန်မာသံရုံး၊တိုကျိုမြို့သို့ဆက်သွယ်နိုင်ကြောင်း မြန်မာသံရုံးကအသိပေးထုတ်ပြန်ကြေညာထားသည်။

၂၀၂၄ ခုနှစ် ဇန်န၀ါရီ ၁ရက်က အင်အားရစ်(ခ်)တာ စကေး (၇ ဒသမ ၆)အဆင့်ရှိအင်အားပြင်းထန်သော မြေငလျင်တစ်ခုလှုပ်ခတ်ခဲ့ ပြီး နောက်ဆက်တွဲအနေဖြင့် Niigata, Toyama, Yamagata, Fukui, Hyogo ပြည်နယ်များနှင့်တကွ ဂျပန်ပင်လယ်ကမ်းရိုးတန်းတစ်လျှောက်အား ဆူနာမီသတိပေးချက်များထုတ်ပြန်ခဲ့ကြောင်း သိရသည်။

ထို့ကြောင့် ယင်းဒေသများတွင်နေထိုင်သည့် မြန်မာနိုင်ငံသားများအနေဖြင့် ဒေသအာဏာပိုင်များ၏ အချိန်နှင့်တစ်ပြေးညီ ထုတ်ပြန်ချက်များကို အထူးအလေးထားစောင့်ကြည့်ရန် မြန်မာသံရုံး၊ တိုကျိုမြို့က အသိပေးထားသည်။

ထို့ပြင် သဘာဝဘေးအန္တရာယ်နှင့်ပတ်သက်၍ အကူအညီလိုအပ်ပါက မြန်မာသံရုံး၊ တိုကျိုမြို့၏ Hot Line ဖုန်း ၀၇၀-၄၄၁၃-၇၃၈၃ သို့ဆက်သွယ်အကူအညီတောင်းခံနိုင်ပါကြောင်း သိရသည်။

#Local_News #ဂျပန်တွင်ဆူနာမီသတိပေးချက်ထုတ်ပြန် #မြန်မာသံရုံးသို့ဆက်သွယ်နိုင် #YMG/LW #Yangon_Times

#Local_News
Published_2 January 2024

ကရင်ပြည်နယ်တွင် ဇွဲကပင်တောင်တက်/တောင်ဆင်းပြိုင်ပွဲကျင်းပခဲ့ပြီး ပြိုင်ပွဲဝင်  (၁၆၂၆)ဦးပါဝင်ယှဉ်ပြိုင်ခဲ့ကြောင်း အားကစားနှင့်လူငယ်‌ ရေးရာဝန်ကြီးဌာနမှ သိရသည်။

၂၀၂၄ ခုနှစ်၊ (၇၆)နှစ်မြောက် လွတ်လပ်ရေးနေ့အထိမ်းအမှတ် ဇွဲကပင်တောင်တက်/တောင်ဆင်း ပြိုင်ပွဲကို ဇန်နဝါရီလ၁ရက်တွင် ကျင်းပခဲ့ခြင်းဖြစ်သည်။

ပြိုင်ပွဲဝင် အမျိုးသား အသက်(၄၀)အောက် အားကစားသမား(၆၀၀)ဦး၊ အမျိုးသမီး အသက်(၄၀)အောက် အားကစားသမား(၈၀၈)ဦး၊ အမျိုးသား အသက်(၄၀)အထက်  အားကစားသမား (၁၁၂)ဦး၊ အမျိုးသမီး အသက်(၄၀)အထက် အားကစားသမား (၁၀၆)ဦး စုစုပေါင်း ပြိုင်ပွဲဝင် အားကစားသမား (၁၆၂၆)ဦးတို့သည် ဇွဲကပင်အရှေ့ဘက်မုခ်ဝ အုန်းတပင်ကျေးရွာ တံတားဖြူမှ နံနက်(၆:၀၀)နာရီအချိန်တွင် ကရင်ပြည်နယ်အစိုးရအဖွဲ့ တိုင်းရင်းသားရေးရာ ဝန်ကြီး ဦးစန်းကိုမှ သေနတ်ပစ်ဖောက် တာလွတ်ပေးခဲ့ပြီး ပြိုင်ပွဲအား စတင်ခဲ့သည်။

ဆုချီးမြှင့်ပွဲအခမ်းအနားအား ဇွဲကပင် တောင်ခြေ လုမ္ဗနီဥယျာဉ်မုခ်ဝအနီး၌ ကျင်းပပြုလုပ်ခဲ့ပြီး ဆုရသူများကို ဆုချီးမြှင့်ခဲ့‌ကြောင်းသိရသည်။

#Local_News #ဇွဲကပင်တောင်တက်/တောင်ဆင်း #ပြိုင်ပွဲဝင်  (၁၆၂၆)ဦးပါဝင် #tthl #Yangon_Times

#Local_News
Published 2 January 2024

မြန်မာ့ကြက်တောင်မယ်သက်ထားသူဇာသည်၂၀၂၃ ခုနှစ်အတွက် မြန်မာနေရှင်နယ်ချန်ပီယံရှစ်ဆုအား ဆွတ်ခူးရရှိခဲ့ကြောင်း ယမန်နေ့ကသူမ၏လူမှုကွန်ရက်စာမျက်နှာတွင် ရေးသားထားသည်။

သက်ထားသူဇာအနေဖြင့် ၂၀၂၃ ခုနှစ်တစ်နှစ်တာအတွက် မြန်မာနေရှင်နယ်ချန်ပီယံရှစ်ဆုအား ရွှေတံဆိပ်ဆွတ်ခူးခဲ့ခြင်းဖြစ်သည်။

ထို့အပြင် ကမ္ဘာတစ်ဝှမ်းတွင်ရှိသော အမျိုးသမီးကြက်တောင်မယ် တစ်ဦးချင်းဆီအတွက် ကြက်တောင်ကျွမ်းကျင်အဆင့် သတ်မှတ်ချက်များဖြစ်သည့် ကမ္ဘာ့ကြက်တောင်အဖွဲ့ချုပ်၏ ကမ္ဘာအဆင့် သတ်မှတ်ချက် (၄၂) နေရာတွင် ရပ်တည်နေသူတစ်ဉီးဖြစ်ပြီး၊အိုလံပစ်အဆင့် သတ်မှတ်ချက်အဆင့် (၂၁) နေရာကိုလည်း ရရှိထားကြောင်းသိရသည်။

သက်ထားသူဇာသည် မြန်မာ့အားကစားသမား ကြက်တောင်မယ်တစ်ဦးဖြစ်ပြီး အသက် ၇ နှစ်အရွယ်တွင် ဖခင်ဖြစ်သူမှာ ထိုင်းနိုင်ငံသို့သွား၍ ကြက်တောင်နည်းပြအဖြစ် လုပ်ကိုင်ရာ အတူလိုက်ပါသွားပြီး ထိုစဉ်မှပင် စတင်ကစားခဲ့သူဖြစ်သည်။ ထိုင်းနိုင်ငံဘုရင်မင်းမြတ်က ပေးအပ်သော ဂုဏ်ထူးဆောင်ဆု ၆ ဆုအထိ ရရှိခဲ့သည်။ ၂၀၁၁ ခုနှစ်တွင် မြန်မာပြည်သို့ ပြန်လည်ရောက်ရှိကာ ထိုနှစ်တွင်ပင် လက်ရွေးစင်အဖြစ် ရွေးချယ်ခံခဲ့ရရှိခဲ့ပြီး၂၀၁၈ ခုနှစ် နှစ်ကုန်ပိုင်းမှစ၍ နိုင်ငံတကာအားကစားပြိုင်ပွဲများတွင် အောင်မြင်မှုများ ဆက်တိုက်ရရှိလာခဲ့သူဖြစ်သည်။

သက်ထားသူဇာအနေဖြင့် ယခု ၂၀၂၄ ခုနှစ်အတွင်း ကျင်းပပြုလုပ်မည့် အိုလံပစ်ပိုင်ပွဲတွင် ဝင်ရောက်ယှဉ်ပြိုင်နိုင်ရန် ကြိုးစားနေပြီးလေ့ကျင့်မှုများ ဆက်တိုက်လုပ်ဆောင်နေကြောင်း သိရသည်။

#Local_News #မြန်မာ့ကြက်တောင်မယ်သက်ထားသူဇာ #မြန်မာနေရှင်နယ်ချန်ပီယံရှစ်ဆုဆွတ်ခူး #YMG/NN #Yangon_Times

#Sport_News
Published_ 2 January 2024

၂၀၂၄ ခုနှစ်အတွင်း ကျင်းပမည့် အသက်(၂၀) အောက်အာရှဖလားခြေစစ်ပွဲ ဝင်ရောက်ယှဥ်ပြိုင်မည့် မြန်မာ့လက်ရွေးစင် ယူ-၁၉ အသင်းအတွက် ပဏာမ လက်ရွေးစင် လူစာရင်းကို မြန်မာနိုင်ငံ ဘောလုံးအဖွဲ့ချုပ်က ဇန်နဝါရီ ၁ ရက်တွင် ထုတ်ပြန်ကြေညာလိုက်ပါတယ်။

အဆိုပါ လူစာရင်းတွင် ကစားသမား ၄၄ဦးပါဝင်ပြီး ယခင်မြန်မာ့လက်ရွေးစင်ယူ-၁၆ (Young Boys) အသင်းမှကစားသမားများ၊ အကယ်ဒမီများမှ ကစားသမားများ၊ တိုင်းနှင့်ပြည်နယ်ပြိုင်ပွဲများမှ ထွက်ပေါ်လာသောကစားသမားများ၊ MNL 1 / 2 မှ ကစားသမားများကို အဆင့်ဆင့် စီစစ်ရွေးချယ်ဖွဲ့စည်းခဲ့ခြင်းဖြစ်ပြီး ခြေစွမ်းအလိုက် အလားအလာ ရှိသည့် လူငယ်ကစားသမားများကိုလည်း ထပ်မံအားဖြည့်ခြင်းများ ပြုလုပ်မှာဖြစ်ပါတယ်။

ပဏာမလက်ရွေးစင်ယူ-၁၉အသင်းကို ၂၀၂၃ ခုနှစ် နှစ်ဆန်းပိုင်းတွင် စတင်ဖွဲ့စည်းခဲ့ပြီး နည်းပြချုပ်အဖြစ် ဦးအောင်နိုင်၊ လက်ထောက်နည်းပြများအဖြစ် ဦးအောင်ခိုင်၊ ဦးခင်မောင်ထွေးနှင့် ဂိုးနည်းပြအဖြစ် ဦးဇော်လင်းအောင်တို့က တာဝန်ယူကိုင်တွယ် လျက်ရှိပြီး သုဝဏ္ဏဘောလုံးကွင်း လက်ရွေးစင်အဆောင်တွင် ကာလရှည်စခန်းသွင်း လေ့ကျင့်ပေးလျက်ရှိပါတယ်။

ကာလရှည်စခန်းသွင်းလေ့ကျင့်နေသည့် ကာလအတွင်း ပြိုင်ပွဲအတွေ့ အကြုံ ကောင်းများရရှိရန် ၂၀၂၃ ခုနှစ် မြန်မာနေရှင်နယ်လိဂ်-၂ အမှတ်ပေးပြိုင်ပွဲကို (Junior Lions) အမည်ဖြင့် ဝင်ရောက်ယှဉ်ပြိုင်ခဲ့သလို ပြည်တွင်းကလပ်များ၊ အကယ်ဒမီ အသင်းများနှင့် ခြေစမ်းပွဲများ ယှဥ်ပြိုင်ကစားစေခဲ့ပါတယ်။

မြန်မာ့လက်ရွေးစင်ယူ-၁၉ အသင်းသည် ၂၀၂၄ခုနှစ်အတွင်း အာရှခြေစစ်ပွဲစဥ် သာမက အာဆီယံချန်ပီယံရှစ် နှင့် အခြားနိုင်ငံတကာပြိုင်ပွဲများတွင် ဝင်ရောက်ယှဥ်ပြိုင် ရန် စီစဥ်ထားပါတယ်။

ပဏာမမြန်မာ့လက်ရွေးစင်ယူ-၁၉ အသင်း
++++++++++++++++++++++++++++++++++++
ဂိုး- စောကျော်ခန့်နို (University)၊ စောအယ်ဒိုထူး (Dagon Port)၊ ချစ်ရအောင်စိုး (နေပြည်တော်)၊ ပိုင်ဇင် (ISPE)၊ ဟန်မြင့်မြတ်ထွန်း (မဟာယူနိုက်တက်)

နောက်တန်း- ထွန်းထွန်းသိန်း (ရတနာပုံ)၊ ကောင်းဆက်ပိုင် (ISPE)၊ ကောင်းခန့်ကျော် (ဧရာ၀တီယူနိုက်တက်)၊ ဖြိုးပြည့်စုံ(မန္တလေးတိုင်းဒေသကြီး)၊ အောင်မြင့် (မွန်ပြည်နယ်)၊ ရဲကောင်းဆက်၊ သူရအောင် (Glory Goal)၊ ခန့်ဇင်ဟိန်း၊ ရှင်မွေလငိုင်းကီး၊ ခွန်းချိုထူး (Junior Lions)၊ လွမ်းထက်ထွန်း (စီမံ/ ဘဏ္ဍာ)၊ စခန့်ချော (University)၊ လွင်ဖြိုးအောင် (ဟံသာဝတီယူနိုက်တက်)၊

အလယ်တန်း- ခွန်သူရိန်ထူး (Police Tero Academy)၊ အောင်ခန့်ကျော် (နေပြည်တော်)၊ စောလင်းထက်ပိုင်(ရခိုင်ယူနိုက်တက်)၊ ဝိုင်းလု(ဟံသာဝတီယူနိုက်တက်)၊ သူရ (Glory Goal)၊ ဂျခီဆွတ်အောင် (Junior Lions)၊ ဇော်မျိုးထွန်း၊ မင်းသန့်ဗိုလ် (စီမံ/ ဘဏ္ဍာ)၊ ကောင်းဇေယျာလင်း (မဟာယူနိုက်တက်)၊ ကောင်းခန့်ကျော် (မန္တလေးအကယ်ဒမီ)၊ နိုင်ကို (မွန်ပြည်နယ်)၊ သိန်းဇော်သီဟ(ISPE)၊ မင်းမော်ဉီး (သစ္စာအားမာန်)၊ နိုင်အောင်ဆန်း (Dagon Port)၊ ဝင်းကိုဌေး (Junior Lions)၊

ရှေ့တန်း- စွမ်းထက် (ရတနာပုံ)၊ ဝင်းပြည့်မောင်၊ နိုင်လင်းဖြိုး (ISPE)၊ ဇွဲမာန်သာ (ဟံသာဝတီယူနိုက်တက်)၊ နိုင်ဝင်းထွန်း (မန္တလေးတိုင်းဒေသကြီး)၊ စောဆဲကပေါ်ဆေး၊ မောင်တော့ (ဧရာဝတီတိုင်းဒေသကြီး)၊ စောမျိုးဇော် (သစ္စာအားမာန်)၊ ထွန်းနိုင်စိုး (ရက္ခပူရယူနိုက်တက်)၊ ရှိုင်းဝဏ္ဏအောင်၊ စိုင်းဇေယျာကျော် (Junior Lions)

#Sport_News #ပဏာမမြန်မာ့လက်ရွေးစင် #ယူ-၁၉အသင်းလူစာရင်းထုတ်ပြန် #ymg_mnn #Yangon_Media_Group

#Daily_News
Published_1 January 2024

၁။ ၂၀၂၄ တွင် ပြည်တွင်းစားသောက်ဆိုင်လုပ်ငန်းများဖြစ်ထွန်းမည်၊ Tourist ကို အဓိကရောင်းသည့် စားသောက်ဆိုင်များရုန်းကန်ရဦးမည်

၂။ ဟင်းသီးဟင်းရွက် သစ်သီးဝလံနှင့် ပန်းမန်ပြပွဲပြိုင်ပွဲ၌ ပြခန်းပေါင်း ၃၀ ကျော် ပါဝင်ပြသ

၃။ အာဟာရဓါတ် မြင့်မားစွာပါဝင်သော်လည်း စားသုံးမှုနည်းသောကြောင့် နို့စိမ်းမှို စိုက်ပျိုးထုတ်လုပ်မှု နည်းနေသေးဟုဆို

၄။ Huawei နှင့် Seres ကုမ္ပဏီတို့မှ ပူးပေါင်းထုတ်လုပ်သည့် Aito အမှတ်တံဆိပ် လျှပ်စစ်ကားသစ်အားထုတ်ဖော်ပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

လတ်တလောမှာတော့ လမ်းပန်းဆက်သွယ်ရေး ပိတ်ထားတဲ့အတွက် ဘင်္ဂလာဒေ့ရ်ှကိုတင်ပို့နိုင်ခြင်းမရှိတဲ့ အပြင် ဈေးကွက်မှာလဲ ကုန်အ၀င်များလာတဲ့အတွက် ယခင်တပတ်ထက်ကို ဈေးက၅၀၀ ကျပ်လောက်ကျတယ်၊ ဂျင်းတစ်ပိဿာကို လက်ကားဈေး ကျပ် ၃၀၀၀ ၀န်းကျင်သာရှိတော့တယ်။
#Local_News
Published_1 January 2024
#ဂျင်းဈေးနှုန်းတဖြည်းဖြည်းကျဆင်း #ပြည်ပတင်ပို့မှုရပ်ထား
#YMG/LW #Yangon_Times