#Local_News
Published 13 May 2025
▪️ နေပြည်တော်ရှိ ဥပ္ပါတသန္တိစေတီတော်တပေါင်းကွင်း၌ ပြုလုပ်နေသည့်သံ၊ သံမဏိ၊ ဘိလပ်မြေနှင့် ဆောက်လုပ်ရေးလုပ်ငန်းသုံးပစ္စည်းများ ရောင်းချပွဲ၌ တစ်ရက်လျှင် ဘိလပ်မြေ အိတ်တစ်သောင်းရောင်းချပေးနေကြောင်း MAX CEMENTမှ သိရသည်။
▪️ အဆိုပါ ရောင်းချပွဲကို နေပြည်တော် ဥပ္ပါတသန္တိစေတီတော်တပေါင်းကွင်း၌ မေ ၁၂ ရက်မှ ၁၈ ရက်အထိ ငလျင်ဘေးသင့်ပြည်သူများ လွတ်လပ်စွာဝယ်ယူနိုင်ရန် ရောင်းချပေးနေခြင်းဖြစ်သည်။
▪️ 'တစ်ရက်ကို ဘိလပ်မြေအိတ်တစ်သောင်းရောင်းချပေးသွားမှာဖြစ်ပါတယ်။ လာရောက်ဝယ်ယူသူတွေ အဆင်ပြေစေဖို့ ငွေသွင်းပြီးတာနဲ့ ပစ္စည်းကို တစ်ခါတည်းထုတ်ပေးသွားမှာ ဖြစ်ပါတယ်။ ဈေးပွဲတော်ကာလအတွင်း စက်ရုံဈေးနှုန်းအတိုင်း တစ်အိတ်ကို ငွေကျပ် ၁၉၅၀၀ နှုန်းနဲ့ ရောင်းချပေးသွားမှာဖြစ်တဲ့အပြင် နေပြည်တော် Max Showroom မှာလည်း ဆက်တိုက်ရောင်းချပေးသွားမှာ ဖြစ်ပါတယ်' ဟု MAX CEMENTမှ အထွေထွေမန်နေဂျာ မစန်းသော်တာလတ် ကပြောသည်။
▪️ မန္တလေးငလျင်ကြီးကြောင့် ပြန်လည်ထူထောင်ရေးလုပ်ငန်းများ ဆောင်ရွက်ရာတွင် လိုအပ်သည့် သံ၊ သံမဏိ၊ ဘိလပ်မြေနှင့် ဆောက်လုပ်ရေးလုပ်ငန်းသုံးပစ္စည်းများကို အများပြည်သူများ ဈေးနှုန်းမှန်ကန်စွာနှင့် အရည်အသွေးပြည့်မီစွာ ဝယ်ယူနိုင်ရန်ရည်ရွယ်၍ ကျင်းပခြင်းဖြစ်သည်။
▪️ အဆိုပါ ပွဲတော်ကို UMFCCI၊ မြန်မာနိုင်ငံသံမဏိလုပ်ငန်းရှင်များအသင်း၊ မြန်မာနိုင်ငံ သံနှင့် သံမဏိအသင်း၊ ဘိလပ်မြေထုတ်လုပ်သူများ အသင်းနှင့် မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များအသင်းတို့ ပူးပေါင်းစီစဉ်မှုဖြင့် ဈေးနှုန်းချိုသာစွာဖြင့် ရောင်းချပေးနေခြင်းဖြစ်ကြောင်းသိရသည်။
#YMG/NN #Yangon_Times
#Daily_News
Published 12 May 2025
၁။ မြန်မာနိုင်ငံနှင့်အေးအတူပူအမျှ အနာဂတ်အသိုက်အဝန်းကို နက်ရှိုင်းစွာ တည်ဆောက်မယ်လို့ တရုတ်သမ္မတရှီကျင့်ဖျင်က ဗိုလ်ချုပ်မှူးကြီးမင်းအောင်လှိုင်ကိုပြောကြား
၂။ မန္တလေးပြည်သူ့ဆေးရုံကြီးရှိ အထွေထွေရောဂါကု (၉)ထပ်ဆောင်ပြန်လည်ဖွင့်နိုင်ပြီ
၃။ စားအုန်းဆီရည်ညွှန်းဈေးတစ်ပိသာကို ၈၀ကျပ်အထိကျဆင်း
၄။ ပန်းစိုက်ပျိုးရေးလုပ်ငန်းဖြင့် တရုတ်ကျေးလက်ဒေသစီးပွားရေးဖွံ့ဖြိုးလာစေကာ လူငယ်လူရွယ်များနေရပ်ပြန်ရောက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
သံ၊ သံမဏိ၊ ဘိလပ်မြေနဲ့ ဆောက်လုပ်ရေးလုပ်ငန်းသုံးပစ္စည်းတွေကို သက်သာတဲ့စျေးနှုန်းတွေနဲ့ ရောင်းချပေးမယ့်စျေးပွဲတော်ကို နေပြည်တော်မှာ ယနေ့စတင် ကျင်းပနေပြီဖြစ်တယ်လို့ သိရပါတယ်။
#Local_News
Published 12 May 2025
#ဈေးရောင်းပွဲတော်စတင် #ဆောက်လုပ်ရေးလုပ်ငန်းသုံးပစ္စည်း
#YMG/SW #Yangon_Times
ရန်ကုန်-မန္တလေးအမြန်လမ်း ၉၈မိုင်၊ နဂါးညီနောင်ကျောင်းတိုက်ရှိသဒ္ဓိအောင် နဂါးမင်းစေတီတော်ဌာပနာပိတ်ပွဲကို မြန်မာသက္ကရာဇ် ၁၃၈၇ ခု ကဆုန်လပြည့်နေ့က ပရိတ်ချည်မျှင် ရေဆူဆရာတော်ဒေါက်တာဘဒ္ဒန္တ အာဒိစ္စဝံသ (ဘတ်ဒန်ဒအာဒိတ်စဝန်သ) ဆရာတော်ကြီးကိုယ်တိုင် ဌာပနာပိတ်ပွဲပြုလုပ်ခဲ့တယ်လို့ သိရပါတယ်။
#Local_News
Published 12 May 2025
#သဒ္ဓိအောင်နဂါးမင်းစေတီတော် #ရေဆူဆရာတော်
#YMG/NN #Yangon_Times
ယခုတစ်ပတ်အတွက် ထုတ်ပြန်တဲ့ စားအုန်းဆီရည်ညွှန်းဈေးမှာ တစ်ပိသာကို ၈၀ကျပ်အထိကျဆင်းလာတယ်လို့ စားအုန်းဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက ထုတ်ပြန်တဲ့စာရင်းတွေအရသိရပါတယ်။
#Local_News
Published 12 May 2025
#စားအုန်းဆီရည်ညွှန်းကျဆင်း #စားအုန်းဆီတင်သွင်းသိုလှောင်ဖြန့်ဖြူးခြင်း
#YMG/SW #Yangon_Times
မန္တလေးမြို့ရှိ ငလျင်ဒဏ်သင့် ပြည်သူ့ဆေးရုံကြီးရှိ အထွေထွေရောဂါကု (၉)ထပ်ဆောင် ကိုပြီးခဲ့တဲ့ရက်က ပြန်လည်ဖွင့်နိုင်ပြီလို့ ဧရာဝတီဖောင်ဒေးရှင်း က သိရပါတယ်။
#Local_News
Published 12 May 2025
#မန္တလေးပြည်သူ့ဆေးရုံကြီး #(၉)ထပ်ဆောင်ပြန်လည်ဖွင့်
#YMG/NN #Yangon_Times
#Local_News
Published 12 May 2025
▪️ ယနေ့နံနက်စောပိုင်းက တောင်ဥက္ကလာပမြို့နယ်ပါရမီလမ်းပေါ်ရှိ ကားအလှဆင်ပစ္စည်းဆိုင်မီးလောင်မှုဖြစ်ပွားခဲ့ကြောင်း အနာဂတ်အလင်းတန်းပရဟိတအသင်းမှ သိရသည်။
▪️ ဖြစ်စဥ်မှာ ယနေ့ မေလ၁၂ရက် နံနက်၀၀ ၂၀ အချိန်ခန့်က ရန်ကုန်တိုင်းဒေသကြီး၊ တောင်ဥက္ကလာမြို့နယ်၊ အမှတ်( ၄) ရပ်ကွက်၊ ပါရမီလမ်း ကားအလှဆင်ပစ္စည်းဆိုင် မီးလောင်မှုဖြစ်ပွားခဲ့ခြင်းဖြစ်ပြီး အဆိုပါ မီးလောင်မှုဖြစ်ပွားရာသို့ အနာဂတ်အလင်းတန်း ပရဟိတအသင်းမှ No.3မီးသတ်အထောက်ကူပြုယာဉ်တစ်စီးနှင့်စေတနာ့ဝန်ထမ်း(၅)ဦးထွက်ခွါ၍ မီးလောင်ပြင်တွင်အသင်းပိုင်မီးသတ်ရေစုပ်စက်ဖြင့် မီးလောင်ပြင်အရှေ့ရှိ ရေမြောင်းတွင်ရေအထိုင်ချကာမီးသတ်ယာဉ်များရေဖြည့်တင်းပေးခြင်းနှင့်မီးငြိမ်းသတ်ရေးလုပ်ငန်းများအားမီးသတ်တပ်ဖွဲ့ဝင်များ၊သက်ဆိုင်ရာအဖွဲ့အစည်းများ၊နယ်မြေခံလူမှုကူညီရေးအသင်းအဖွဲ့ဝင်များနှင့်အတူပူးပေါင်း၍ကူညီဆောင်ရွက်ပေးခဲ့ကြောင်း သိရသည်။
▪️ အဆိုပါ မီးလောင်မှုကို နံနက် ၀၀ ၄၄ အချိန်တွင် မီးငြိမ်းသတ်နိုင်ခဲ့ကြောင်း သိရသည်။
#YMG/SW #Yangon_Times
Page 190 of 2163
