ရန်ကုန်တိုင်းဒေသကြီးအတွင်းမှာ  ၂၀၂၄ခုနှစ်အတွက် မိုးစပါးလျာထားချက်အပေါ် ၇၀ရာခိုင်နှုန်းကျော်အထိစိုက်ပျိုးပြီးစီးပြီလို့ တိုင်းဒေသကြီး စိုက်ပျိုးရေးဦးစီးဌာနက သိရပါတယ်။
#Local_News
Published 31 July 2024
#မိုးစပါးလျာထားချက် #စိုက်ပျိုးရေးဦးစီးဌာန
#YMG/NN #Yangon_Times

ကွမ်းအဓိကတင်သွင်းတဲ့  ဧရာဝတီနဲ့ပဲခူးတိုင်းတွေမှာ မြစ်ရေကြီးတာတွေဖြစ်နေတာကြောင့် ကွမ်းရွက်ဈေးတွေစံချိန်တင်မြင့်တက်နေတယ်လို့ ကွမ်းစိုက်ပျိုးရောင်းချသူတွေဆီက သိရပါတယ်။
#Local_News
Published 31 July 2024
#ကွမ်းခြံများရေမြုပ် #ကွမ်းဈေးစံချိန်တင်မြင့်တက်
#YMG/NN #Yangon_Times

ပုသိမ်တွင်ရေကြီးနေပေမယ့် ချောင်းသာမှာ ရေမကြီးလို့ချောင်းသာကို ဧည့်ဝင်နေသေးတယ်လို့ ချောင်းသာခရီးသွားလမ်းညွှန်ထံမှ သိရပါတယ်။
#Local_News
Published 31 July 2024
#ချောင်းသာကိုဧည့်ဝင်နေ #ကမ်းခြေအချို့ရေဝဲသတိပြု
#YMG/tthl #Yangon_Times

အငြိမ့်မင်းသမီးတွေအနေနဲ့  ဒဂုံမြောက်ပိုင်း၊ စစ်ပင်ရွာအထိမှာ ရေနစ်မြုပ်နေတဲ့ ရေဘေးသင့်ပြည်သူ(၁၀၀၀)စာအတွက် ထမင်းထုတ်တွေလှူဒါန်းဖို့ပြင်ဆင်နေတယ်လို့ သိရပါတယ်။
#Local_News
Published 31 July 2024
#ရေဘေးသင့်ပြည်သူများ #ထမင်းထုတ်များလှူဒါန်း
#YMG/tthl #Yangon_Times

၃၁ ဇူလိုင် ၂၀၂၄

နိုင်ငံတစ်ဝန်းလုံးအရေးပေါ်အခြေအနေကို နောက်ထပ် ၆ လတိုးမြှင့်သတ်မှတ်ကြောင်း ယနေ့ ဇူလိုင် ၃၁ရက်တွင် နေပြည်တော်ရှိ နစက ဥက္ကဋ္ဌရုံးတွင်းကျင်းပသည့် အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေး ၂/၂၀၂၄ က ဆုံးဖြတ်ခဲ့တယ်လို့ နစက,က သတင်းထုတ်ပြန်ပါတယ်။

ယာယီသမ္မတ(တာဝန်)တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်နှင့် တက်ရောက်လာတဲ့ အမျိုးသား  ကာကွယ်ရေးနှင့်လုံခြုံရေးကောင်စီအဖွဲ့ဝင်များအားလုံးက ဖွဲ့စည်းပုံအခြေခံ ဥပဒေ(၂၀၀၈)ခုနှစ် ပုဒ်မ၄၂၅ နှင့်အညီ *နိုင်ငံတစ်ဝန်းလုံးအရေးပေါ် အခြေအနေ ကြေညာ ထားသည့် ကာလကိုနောက်ထပ် ၆ လ တိုးမြှင့်သတ်မှတ်ကြာင်း" တစ်ညီ တစ်ညွတ်တည်း ဆုံးဖြတ်ခဲ့တာဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

အစည်းအဝေးသို့ ယာယီသမ္မတ(တာဝန်)တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်း ပြည်သူ့ လွှတ်တော်ဥက္ကဋ္ဌ ဦးတီခွန်မြတ်၊ဒုတိယတပ်မတော်ကာကွယ်ရေးဦးစီးချပ် ကာကွယ်ရေးဦးစီးချပ်(ကြည်း) ဒုတိယဗိုလ်ချုပ်မှူးကြီးစိုးဝင်း၊ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး တင်အောင်စန်း၊ ပြည်ထဲရေးဝန်ကြီးဌာန ပြည်ထောင် စုဝန်ကြီးဒုတိယဗိုလ်ချုပ်ကြီး ရာပြည့်၊ နယ်စပ်ရေးရာ ဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင်၊  အထူး ဖိတ်ကြားထားသည့် နစက အတွင်းရေးမှူး ဒုတိယဗိုလ်ချပ်ကြီး အောင်လင်းဒွေးနှင့် တွဲဖက်အတွင်းရေးမှူး   ဒုတိယ ဗိုလ်ချုပ်ကြီး ရဲဝင်းဦးတို့ တက်ရောက်ခဲ့ကြတယ်လို့သိရပါတယ်။

အစည်းအဝေးတွင် နစကအနေဖြင့်အထွေထွေ ရွေးကောက်ပွဲတစ်ရပ် ကျင်းပနိုင်ရေးကို အန္တိမရည်မှန်းချက်အဖြစ် ချမှတ်ထားမှုအခြေအနေများ၊ ရွေးကောက်ပွဲအား အရေးပေါ် ကာလကြေညာပြီး(၂)နှစ်ပြည့်မြောက်သည့်အချိန်တွင်ကျင်းပရန် ရည်ရွယ်ဆောင်ရွက်ခဲ့သော်လည်း ဆူပူအကြမ်းဖက်မှုများကြောင့် ဆောင်ရွက်နိုင်ခဲ့မှုမရှိသည့် အခြေအနေများ၊ နိုင်ငံတော် အတွင်း တည်ငြိမ်အေးချမ်းမှုရှိအောင်ဆောင်ရွက်နေမှုအခြေအနေများစသည်တို့ကိုတင်ပြခဲ့၍အကြမ်းဖက်လုပ်ရပ်များကြောင့် နယ်မြေဒေသတည်ငြိမ်အေးချမ်းရေး ဆောင်ရွက်ရန်လိုအပ်နေမှုအခြေအနေများ! ရွေးကောက်ပွဲကျင်းပရာတွင် ခိုင်လုံ  မှန်ကန် သောမဲစာရင်းများရရှိရေးအတွက် လူဦးရေနှင့်အိမ်အကြောင်းအရာ သန်းခေါင်စာရင်း  ကောက်ယူခြင်းလုပ်ငန်းများ ဆောင်ရွက် ရန်မဖြစ်မနေလိုအပ်နေသည့် အခြေအနေများကြောင့်လုပ်ဆောင်ရမည့်လုပ်ငန်းများ ဆက်လက်အကောင်အထည်ဖော်ဆောင်ရွက်နိုင်ရန်အတွက် ဖွဲ့စည်းပုံအခြေခံဥပဒေနှင့် အညီ တာဝန်ထမ်းဆောင်ခွင့်ကို ထပ်မံ ၆ လသက်တမ်းတိုးမြှင်းပေးရန်  ဖွဲ့စည်း ပုံအခြေခံဥပဒေ ပုဒ်မ ၄၂၅ အရ တင်ပြခဲ့တာဖြစ်တယ်လို့ သတင်းထုတ်ပြန်ချက်မှာ ဖော်ပြထားပါတယ်။

@ymg/knl

#Local_News
Published 31 July 2024

▪️ ရေကြီးရေလျှံမှု ဖြစ်ပေါ်နေသည့် ပဲခူးမြို့ ရွှေမောဓေါ ဘုရားလမ်း၊ အမှတ် (၁) ကျောင်းရှေ့တွင် အသက်(၁၆)နှစ်အရွယ် Grade -12 ကျောင်းသား အမျိုးသားတစ်ဦး ယမန်နေ့က ဓါ-တ်လိုက်၍  အသက်ဆုံးရှုံးခဲ့ရပြီး ၎င်း၏နာရေးကို ယနေ့ ဇူလိုင် (၃၁)ရက်တွင် ပြုလုပ်မည်ဖြစ်ကြောင်း မိသားစုနှင့် နီးစပ်သူများထံမှ သိရသည်။

▪️ "ထ (၁) ကျောင်းရှေ့မှာ စက်ဘီးတွန်းလာရင်း ရေထဲမှာ ဓာတ်လိုက် ‌ေ-သဆုံးသွားတာပါ။ ဒီနေ့မှာ သဂြိုလ်မှာပါ၊ ကလေးက ကျောင်းဆရာမတစ်ဦးရဲ့သား၊ ကျောင်းသားလေးပါ" ဟု မိသားစုနှင့် နီးစပ်သူတစ်ဦးက ပြောသည်။

▪️ ဇူလိုင် (၃၀)ရက်၊ နေ့လယ်ပိုင်းက ရွှေမောဓေါ ဘုရားလမ်း၊ အမှတ် (၁) ကျောင်းရှေ့ ဓါ-တ်တိုင်အနီးတွင် ဓါ-တ်လိုက်ကာ အသက်ဆုံးရှုံးခဲ့ရာ  ရုပ်အလေ-ာင်းကို အနီးနားရှိ ရေဘေးကယ်ဆယ်ရေး လုပ်ကိုင်နေသည့် လူမှုကူညီရေးအသင်းများမှ ပဲခူးမြို့ ပြည်သူ့ဆေးရုံကြီးသို့ ရင်ခွဲရုံသို့ ပို့ဆောင်ပေးခဲ့ကြောင်း၊ ၎င်း၏နာရေးကို ယနေ့ ဇူလိုင် (၃၁)ရက် နေ့လယ် (၁)နာရီအချိန်တွင် ပဲခူးမြို့ ပြည်သူ့ဆေးရုံကြီးရင်ခွဲရုံမှ ဆင်ဖြူကွင်းသုဿန်သို့ ပို့ဆောင်သဂြိုလ်မည်ဖြစ်ကြောင်း သိရသည်။

▪️ အဆိုပါ ပဲခူးမြို့၌ ရေကြီးရေလျှံမှုဖြစ်ပေါ်နေသည့်  ယမန်နေ့ည‌နေပိုင်းကလည်း သူငယ်ချင်းများနှင့်ဆော့ကစားနေသည့် ကလေးငယ်တစ်ဦး ရေဆိုးပြွန်ထဲသို့ပြုတ်ကျသေဆုံးမှုတစ်ခုလည်းဖြစ်ပွားခဲ့ကြောင်း သိရသည်။

#YMG/NN #Yangon_Times