#Local_News
Published 27 Sept 2025
▪️ သာကေတမြို့နယ်ဦးစီးမှူးရုံးနှင့် ရခိုင်ပြည်နယ်မှ ယာယီရုံးများ ဖွင့်လှစ်ထားရှိသည့်နေရာများ၌ ပန်းခင်းစီမံချက်အဆင့် (၃) နှင့် Unique ID နံပါတ် ထုတ်ပေးခြင်းများ ဆောင်ရွက်ပေးနေကြောင်း လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ သိရသည်။
▪️ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်သည် ရန်ကုန်တိုင်းဒေသကြီး လူမှုရေးရာဝန်ကြီးနှင့်အတူ ယမာန်နေ့မနက်ပိုင်းက ရန်ကုန်တိုင်းဒေသကြီး သာကေတမြို့နယ်သို့ သွားရောက်၍ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန သာကေတမြို့နယ် ဦးစီးမှူးရုံး၌ ဝန်ထမ်းများက အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြား ပျက်စီး/ ပျောက်ဆုံးသွားသည့် ဒေသခံပြည်သူများနှင့် နိုင်ငံသားစိစစ်ရေးကတ်ပြားမရရှိသေးသူများအား ပန်းခင်းစီမံချက်အဆင့် (၃) ဖြင့် ဆောင်ရွက်ပေးနေမှုကို ကြည့်ရှုအားပေးကာ လာရောက်ဆောင်ရွက်ကြသည့် ဒေသခံပြည်သူများကို ရင်းရင်းနှီးနှီး နှုတ်ဆက်၍ လိုအပ်သည်များကို တာဝန်ရှိသူများနှင့်ညှိနှိုင်းဆောင်ရွက်ပေးသည်။
▪️ ထို့နောက် ပြည်ထောင်စုဝန်ကြီးနှင့်အဖွဲ့သည် ဝန်ထမ်းများက ဒေသခံပြည်သူများကို ပန်းခင်းစီမံချက်အဆင့် (၃) ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြား ထုတ်ပေးနိုင်ရေးအတွက် လုပ်ထုံးလုပ်နည်းနှင့်အညီ စိစစ်၍ One Stop Service ဖြင့် လုပ်ငန်းစဉ်အဆင့်ဆင့်ဆောင်ရွက်နေမှုနှင့် နိုင်ငံသားစိစစ်ရေးကတ်ပြားရရှိပြီးသူများအား e-ID စနစ်ဖြင့် Biographic/ Biometric ကောက်ယူကာ Unique ID နံပါတ်တစ်ပါတည်း ဆောင်ရွက်ထုတ်ပေးနေမှုကို လှည့်လည်ကြည့်ရှုအားပေးပြီးနောက် ပြည်ထောင်စုဝန်ကြီးသည် မြို့နယ်ရုံး ရုံးခန်းများအတွင်း ရုံးစာရွက်စာတမ်းများနှင့် ရုံးသုံးပစ္စည်းများ ထိန်းသိမ်းထားရှိမှု၊ မှတ်တမ်းခန်းအတွင်း ကိုယ်ရေးမှတ်တမ်းများ စနစ်တကျထိန်းသိမ်းထားရှိမှုအခြေအနေများကို လှည့်လည်ကြည့်ရှုစစ်ဆေးကာ စာရွက်စာတမ်းနှင့် စက်ပစ္စည်းကိရိယာများ လုံခြုံမှုရှိစေရေး၊ ရွေးကောက်ပွဲအောင်မြင်စွာ ကျင်းပနိုင်ရေးအတွက် ဌာနနှင့်ပတ်သက်သည့် လက်ငင်းဦးစားပေးလုပ်ငန်းများ သတ်မှတ်ကာလအတွင်း ပြီးစီးရေးတို့အတွက် အလေးထားကြိုးပမ်းဆောင်ရွက်ကြရန်မှာကြားပြီး တင်ပြချက်များအပေါ် လိုအပ်သည်များ ညှိနှိုင်းဖြည့်ဆည်းဆောင်ရွက်ပေးသည်။
▪️ အဆိုပါဝင်းအတွင်းရှိ ဗိုလ်တထောင်ခရိုင်ဦးစီးမှူးရုံး၏ ရုံးအဆောက်အအုံနှင့် ရုံးခန်းများအခြေအနေကိုလည်းကောင်း၊ သာကေတဝင်းအတွင်း၌ အမျိုးသားမှတ်ပုံတင်နှင့် နိုင်ငံသားဦးစီးဌာနမှ ဝန်ထမ်းများက နိုင်ငံသားဆိုင်ရာ ကိုယ်ရေးမှတ်တမ်းများကို ဒစ်ဂျစ်တယ်စနစ်ဖြင့် မှတ်တမ်းထိန်းသိမ်းခြင်းလုပ်ငန်းဆောင်ရွက်နေမှုအခြေအနေကိုလည်းကောင်း၊ ရခိုင်ပြည်နယ်၌ ဖြစ်ပွားခဲ့သည့် အကြမ်းဖက်ဖြစ်စဉ်များကြောင့် ယာယီရွှေ့ပြောင်းနေထိုင်ကြသူများအတွက် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြား အဆင်ပြေစွာ ဆောင်ရွက်ပေးနိုင်ရန် ရမ်းဗြဲနှင့်ပေါက်တောမြို့နယ်ဦးစီးမှူးရုံးများ၏ ယာယီရုံးများ ဖွင့်လှစ်ထားရှိပြီး ပန်းခင်းစီမံချက်အဆင့် (၃) နှင့် e-ID စနစ်ဖြင့် Unique ID နံပါတ် ထုတ်ပေးခြင်းလုပ်ငန်း ဆောင်ရွက်နေမှုအခြေအနေများကိုလည်းကောင်း လှည့်လည်ကြည့်ရှုစစ်ဆေးကာ လိုအပ်သည်များကို မှာကြားသည်။
▪️ ထို့နောက် သာကေတဂိုဒေါင်ဝင်းအတွင်းရှိ ဂိုဒေါင်များအလိုက် မှတ်တမ်းများ ထိန်းသိမ်းထားရှိမှု၊ နိုင်ငံသား၊ ဧည့်နိုင်ငံသား၊ နိုင်ငံသားပြုခွင့်ရသူများအတွက် စိစစ်ရေးကတ်ပြားများနှင့် လုပ်ငန်းသုံးပုံစံများ ထိန်းသိမ်းထားရှိမှု၊ ရခိုင်ပြည်နယ်မှ ယာယီရုံးဖွင့်လှစ်မည့် ခရိုင်နှင့် မြို့နယ်ဦးစီးမှူးရုံးအချို့မှ ရုံးသုံးပစ္စည်းနှင့် လုပ်ငန်းသုံးပုံစံများ သိုလှောင်ထားရှိမှုအခြေအနေများ၊ စာရင်းဇယားမှတ်တမ်းပုံစံဟောင်းများ၊ ရုံးအသုံးအဆောင်ပစ္စည်းအဟောင်းများ ထိန်းသိမ်းထားရှိမှု အခြေအနေများကို လှည့်လည်ကြည့်ရှုစစ်ဆေးပြီး ပြည်ထောင်စုဝန်ကြီးက ဂိုဒေါင်များအတွင်းနှင့် ပတ်ဝန်းကျင်ရေကြီးရေလျှံမှုမဖြစ်စေရေးအတွက် ရေနုတ်မြောင်းများ စနစ်တကျ ဆောင်ရွက်ထားရှိရေး၊ ဂိုဒေါင်များအလိုက် ထည့်သွင်းထားသည့် ပစ္စည်းစာရင်းဇယားများ စနစ်တကျ မှတ်တမ်းတင်ထိန်းသိမ်းထုတ်ပေးရေး မှာကြားကာလုပ်ငန်းလိုအပ်ချက်များကို ညှိနှိုင်းဆောင်ရွက်ပေးခဲ့ကြောင်း သိရသည်။
#YMG/NN #Yangon_Times
#Local_News
Published 27 September 2025
▪️ (၁၈) ကြိမ်မြောက် မြန်မာနိုင်ငံ၏ အိမ်ခြံမြေနှင့် ကားအရောင်းပြပွဲကြီး၌ အိမ်နှင့်ကားများကိုအရစ်ကျစနစ်ဖြင့် ဝယ်ယူ နိုင်ပြီဖြစ်ကြောင်းသိရသည်။
▪️ အဆိုပါ (၁၈)ကြိမ်မြောက် မြန်မာနိုင်ငံ၏ အိမ်ခြံမြေနှင့်ကားအရောင်းပြပွဲကြီးကို ရန်ကုန်မြို့ရှိ LOTTE HOTEL Ground Floor ၊ Crystal Ballroom ၌ စက်တင်ဘာ ၂၇ နှင့် ၂၈ နေ့များတွင် ကျင်းပနေခြင်းဖြစ်သည်။
▪️ "ဒီအရောင်းပြပွဲကို ကျင်းပခြင်းရဲ့ ရည်ရွယ်ချက်ကတော့ ဝန်ထမ်းမိသားစုတွေ ၊ အိမ်ငှားဘဝကနေ အိမ်ပိုင်နှင့် ကားပိုင် နေထိုင်လိုသူတိုင်းအတွက် အဆင်ပြေစေရန်ရည်ရွယ်ပြီး ကျွန်တော်တို့ iMyanmarHouse နဲ့ CarsDB တို့မှ စီစဉ်ကျင်းပပေးတာ ဖြစ်ပါတယ် " ဟု ပြပွဲစီစဉ်ကျင်းပသည့် iMyanmarHouse နှင့် CarsDB တို့၏ Group CEO ဖြစ်သူ ဦးနေမင်းသူက ပြောသည်။
▪️ ထို့အပြင် အထူးအခွင့်အရေးအဖြစ် လစဉ် (၇) သိန်းကျော်သွင်းရုံဖြင့်ဝယ်ယူနိုင်မည့် ရန်ကုန်မြို့နယ်စုံမှ ဆောက်လုပ်ဆဲ ၊ ဆောက်လုပ်ပြီးအသင့်နေအခန်းများ ဝယ်ယူနိုင်ခွင့်၊ 1 sqft သိန်းဂဏန်းပေါက်နေသည့် အချိန်တွင် မြန်မာကျပ်ငွေ (၆) သောင်းကျော် ၊ (၇) သောင်းဝန်းကျင်ဖြင့် စတင်ဝယ်ယူနိုင်မည့် မြေကွက်များ၊ ရန်ကုန်၊ မြဝတီမြို့နှင့် ပင်းတယမြို့များရှိ ပိုင်ဆိုင်မှုခိုင်မာသည့်မြေကွက်များ၊ သိန်း (၂၀၀၀) ကျော်မှ စတင်ဝယ်ယူနိုင်မည့် အသင့်နေကွန်ဒိုအခန်းများ၊ Luxury Lifestyle ကြိုက်နှစ်သက်သူများအတွက် Luxury Condo နှင့် လုံးချင်းအိမ်များ၊ တန်ဖိုးသင့် Apartment အခန်းများကို တစ်နေရာတည်းတွင် စုံစုံလင်လင်လေ့လာနိုင်ကြောင်းသိရသည်။
▪️ " Home Loan ရဲ့အဓိက အားသာချက်ကတော့ အိမ်ဝယ်ဖို့ ငွေအလုံးအရင်းမလိုအပ်ဘဲ အတိုးနှုန်းအသက်သာဆုံး လစဉ်ပေးသွင်းငွေဖြင့် အိမ်ပိုင်နိုင်မှာဖြစ်ပြီး Auto Laon များကိုလည်း မိမိတို့ လိုချင်တဲ့ Car Brand ကို ငွေအလုံး အရင်းသုံးဖို့မလိုဘဲ လစဉ်အရစ်ကျစနစ်ဖြင့် ချက်ချင်းလက်ဝယ်ပိုင်နိုင်မှာဖြစ်ပါတယ်" ဟု ၎င်းကဆက်ပြောသည်။
▪️ ၎င်းအပြင် ပွဲရက်အတွင်း တစ်ထိုင်တည်း Home Loan လျှောက်ထားနိုင်ပြီး အလားတူ လစဉ် (၁၀) သိန်းကျော်သွင်းရုံဖြင့် ကြိုက်နှစ်သက်ရာ ကား Brand New များစွာ ရွေးချယ်ဝယ်ယူနိုင်ခွင့်ရရှိမည်ဖြစ်ကြောင်း၊ပြပွဲအတွင်း 2025 Model အသစ်စက်စက် EV ကားများ ၊ ဆီကားများ၊ ကားလည်းရ ၊ Income လည်းရ Investment အတွက်ခိုင်မာသည့် EV Taxi များကို ဘဏ်များဖြင့်ချိတ်ဆက်၍ အရစ်ကျစနစ်များ၊ အထူးဈေးနှုန်းများဖြင့် ဝယ်ယူနိုင်မည့်အပြင် ပြပွဲကြီးအတွင်း ကားသစ်ကြီးများကို ကိုယ်တိုင်ကိုယ်ကျ စမ်းသပ်မောင်းနှင်နိုင်မည့် (Test Drive) အခွင့်အရေးကြီးလည်းရရှိမည်ဖြစ်ကြောင်း သိရသည်။
#YMG/NN #Yangon_Times
မြန်မာသီလဝါ အက်အီးဇက် ဟိုးဒင်းပတ်ပလစ်အများနှင့်သက်ဆိုင်သောကုမ္ပဏီလီမိတက်(MTSH)က ၂၀၂၄-၂၀၂၅ ဘဏ္ဍာနှစ်အတွက် အမြတ်ဝေစုခွဲဝေပေးရမှာ အစုရှယ်ယာတစ်စုလျှင် အမြတ်ဝေစု ၁၉၀ ကျပ်သတ်မှတ်ခွဲဝေပေးမယ်လို့ သိရပါတယ်။
#Local_News
Published 27 September 2025
#မြန်မာသီလဝါ #အက်အီးဇက်ဟိုးဒင်းပတ်ပလစ်
#YMG/SW #Yangon_Times
မြန်မာ-ကိုရီးယား ချစ်ကြည်ရေး (ဒလ)တံတားရဲ့ ခွင့်ပြုရေလမ်းကင်းလွတ်အမြင့်ကို (၄၄)မီတာအဖြစ် သတ်မှတ်ကြောင်း မြန်မာ့ဆိပ်ကမ်းအာဏာပိုင်က ထုတ်ပြန်လိုက်ပါတယ်။
#Local_News
Published 27 September 2025
#မြန်မာ-ကိုရီးယား #ဒလတံတား
#YMG/SW #Yangon_Times
#Daily_News
Published 27 September 2025
၁။ မြန်မာ-ကိုရီးယား ချစ်ကြည်ရေး(ဒလ)တံတား ရေလမ်းကင်းလွတ်အမြင့်ကို (၄၄)မီတာသတ်မှတ်
၂။ MTSH က အစုရှယ်ယာတစ်စုလျှင် အမြတ်ဝေစု (၁၉၀)ကျပ်သတ်မှတ်
၃။ မုန်တိုင်းငယ်အရှိန်ကြောင့်၂၄နာရီအတွင်း ဒေသအချို့တွင် မိုးကြီးပြီးရုတ်တရက်ရေကြီးနိုင်
၄။ ရှင်ကျန်အွီဂွယ်ကိုယ်ပိုင်အုပ်ချုပ်ခွင့်ရဒေသတည်ထောင်ခြင်းနှစ်(၇၀)ပြည့်ပွဲအား ရှီကျင့်ဖျင်တက်ရောက်ဂုဏ်ပြု... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
မြန်မာနိုင်ငံကထွက်ရှိတဲ့ သရက်သီးတွေကို တောင်ကိုရီးယားနိုင်ငံက ကုမ္ပဏီတစ်ခုကဝယ်ယူဖို့ကမ်းလှမ်းလာတာကြောင့် ပြည်တွင်းက တင်ပို့လိုသူတွေကို အခုလနောက်ဆုံးထား လျှောက်ထားကြဖို့ မြန်မာကုန်သွယ်မှုမြှင့်တင်ရေးအဖွဲ့က ဖိတ်ခေါ်ထားပါတယ်။
#Local_News
Published 26 September 2025
#တောင်ကိုရီးယား #သရက်သီး
#YMG/NN #Yangon_Times
တရုတ်ပြည်သူ့သမ္မတနိုင်ငံ မှာကျင်းပခဲ့တဲ့ (၂၂) ကြိမ်မြောက် တရုတ်-အာဆီယံ ကုန်စည်ပြပွဲမှာ မြန်မာ့ဆန်အမျိုးအစား (၂၀)ခန့် ပါဝင်ပြသခဲ့တယ်လို့ မြန်မာနိုင်ငံဆန်စပါးအသင်းချုပ် ကသိရပါတယ်။
#Local_News
Published 26 September 2025
#တရုတ်ပြည်သူ့သမ္မတနိုင်ငံ #တရုတ်-အာဆီယံကုန်စည်ပြပွဲ
#YMG/NN #Yangon_Times
Page 17 of 2147
