မော်စကို၊၂၀၂၅ခုနှစ် စက်တင်ဘာ၂၅
မြန်မာနိုင်ငံတွင် ဉာဏ်ရည်တုနည်းပညာကို စိုက်ပျိုးရေးကဏ္ဍတွင် ကျယ်ကျယ် ပြန့်ပြန့် အသုံးပြုနိုင်ရေးကြိုးပမ်းဆောင်ရွက်သွားကြရန် ပြည်ထောင်စုသမ္မတ မြန်မာ နိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်း သာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ရုရှားဖက်ဒရေးရှင်းနိုင်ငံ၊ အရပ်ဘက် တက္ကသိုလ်များတွင် ပညာသင်ကြားလျက်ရှိသည့် သင်တန်းသားများကို စက်တင်ဘာ ၂၅ ရက်က မော်စကိုတွင်ကျင်းပသည့် အလုပ်ရုံဆွေးနွေးပွဲတစ်ခုတွင် မှာကြားပါတယ်။
ရုရှားဖက်ဒရေးရှင်းနိုင်ငံသို့ အလုပ်သဘောခရီးရောက်ရှိနေသည့် ယာယီသမ္မတ ဗိုလ်ချုပ်မှူးကြီးမင်းအောင်လှိုင်သည် မော်စကိုမြို့ RADISSON COLLECTION ဟိုတယ်၊ Conference Hall ၌ ကျင်းပတဲ့ “လူငယ်နှင့်အနာဂတ်မြန်မာ-သိပ္ပံနှင့် နည်းပညာ” ခေါင်းစဉ်ဖြင့် သိပ္ပံပညာရပ် ဆိုင်ရာ အလုပ်ရုံဆွေးနွေးပွဲတွင် ယင်းကဲ့သို့ မှာကြားခဲ့ခြင်းဖြစ်ကြောင်း သတင်းထုတ်ပြန်ချက်အရသိရပါတယ်။
မြန်မာနိုင်ငံတွင် ပညာရေးကဏ္ဍ၊ ကျန်းမာရေးစောင့်ရှောက်မှုကဏ္ဍ၊ သယ်ယူ ပို့ဆောင်ရေးကဏ္ဍများတွင် ဉာဏ်ရည်တု နည်းပညာ အသုံးပြုနိုင်ရေး ကြိုးပမ်း သွားရမည်ဖြစ်သကဲ့သို့ စိုက်ပျိုး ရေးကို အခြေခံသည့်နိုင်ငံဖြစ်သည့်အတွက် ဉာဏ်ရည်တုနည်းပညာကို စိုက်ပျိုးရေး ကဏ္ဍတွင် ကျယ်ကျယ်ပြန့်ပြန့် အသုံးပြု နိုင်အောင်ဆောင်ရွက်ရန် ဗိုလ်ချုပ်မှူးကြီးက မှာကြားခြင်းဖြစ်ပါတယ်။
ဉာဏ် ရည်တုနည်းပညာဖွံ့ဖြိုးတိုးတက်မှုနှင့် အသုံးချမှုများမှတစ်ဆင့် နိုင်ငံတော် ဖွံ့ဖြိုးတိုးတက်ရေးနှင့် လူမှုစီးပွားဖွံ့ဖြိုးတိုးတက်မှုအတွက် ထိရောက်စွာဆောင်ရွက် သွားဖို့လည်း ဗိုလ်ချုပ်မှူးကြီးက ဆက်လက်တိုက်တွန်းပါတယ်။
မြန်မာနိုင်ငံတွင် နျူကလီး ယား နည်းပညာဖွံ့ဖြိုးတိုးတက်ရေးနှင့် နျူကလီးယား စွမ်းအင်ကို ငြိမ်းချမ်းစွာအသုံးပြု နိုင်ရေးဆောင်ရွက်ရမယ်လို့လည်း ဗိုလ်ချုပ်မှူးကြီးက ဆက်လက်ပြောကြားပါတယ်။
နျူကလီးယား နှင့် ဓာတ်ရောင်ခြည်နည်းပညာ ကို စွမ်းအင်ကဏ္ဍအပြင် ကျန်းမာ ရေး၊ စိုက်ပျိုးရေး၊ မွေးမြူရေး၊ စက်မှုနှင့် သဘာဝ ပတ်ဝန်းကျင် ထိန်းသိမ်းရေး ကဏ္ဍများတွင် အသုံးချနိုင်သည့်အတွက် နျူကလီးယား အခြေခံ အဆောက်အအုံ တည် ထောင်နိုင်ရေး ကျွမ်းကျင်သော လူ့စွမ်းအား အရင်းအမြစ်များ လိုအပ်လိမ့်မယ်လို့ လည်း ယာယီသမ္မတ ဗိုလ်ချုပ်မှူးကြီးက ပြောကြားပါတယ်။
အဲဒီနောက်ရုရှားနိုင်ငံ အရပ်ဘက်တက္ကသိုလ်အသီးသီးတွင် ပညာသင်ကြား လျက်ရှိတဲ့ သင်တန်းသားများထဲမှကိုယ်စားလှယ်သင်တန်းသားများက သိပ္ပံနည်းပညာ ဆိုင်ရာဆန်းစစ်လေ့လာချက်များနှင့်ပတ်သက်၍ ဆွေးနွေးခဲ့ကြပါတယ်။
အဆိုပါဆွေးနွေးတင်ပြမှုတွေနှင့်ပတ်သက်ပြီး ဗိုလ်ချုပ်မှူးကြီးနှင့် တက်ရောက် လာသည့် မြန်မာကိုယ်စားလှယ်အဖွဲ့ဝင်များက မေးခွန်းများမေးမြန်းဆွေးနွေခြင်းနှင့် အကြံပြုခြင်းတွေကို ပြုလုပ်ခဲ့ကြကြောင်းသိရှိရပါတယ်။
အဆိုပါ သိပ္ပံပညာရပ်ဆိုင်ရာ အလုပ်ရုံဆွေးနွေးပွဲသို့ ကော်မရှင်အတွင်းရေးမှူး တွဲဖက်အမှုဆောင်ချုပ် ဗိုလ်ချုပ်ကြီး ရဲဝင်းဦး၊ ကော်မရှင်အဖွဲ့ဝင် နိုင်ငံခြားရေး ဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ ပြည်ထောင်စုဝန်ကြီးများဖြစ်ကြသည့် ဦးဉာဏ်ထွန်း၊ ဦးကိုကိုလွင်၊ ဒေါက်တာ မျိုးသိမ်းကျော်၊ ဒေါက်တာ သက်ခိုင်ဝင်း၊ မန္တလေးတိုင်းဒေသကြီး ဝန်ကြီးချုပ် ဦးမျိုးအောင်နှင့် ဒုတိယဝန်ကြီးများ၊တာဝန်ရှိ သူ များ၊ ရုရှားဖက်ဒရေးရှင်းနိုင်ငံ၊ အရပ်ဘက်တက္ကသိုလ်များတွင် ပညာသင်ကြားလျက် ရှိသည့် သင်တန်းသားများ တက်ရောက်ခဲ့ကြပါတယ်။
#ymg/knl
အာရှရဲ့ အကြီးဆုံးကမ္ဘာ့အထူးတန်းဝင် ကော်ဖီပြပွဲနှင့်ညီလာခံမှာ မြန်မာ့အထူးတန်းဝင်ကော်ဖီများ ပါဝင်ပြသလျှက်ရှိတယ်လို့သိရပါတယ်။
#Local_News
Published 25 September 2025
#ကော်ဖီ #မြန်မာ့ကော်ဖီ
#YMG/SW #Yangon_Times
ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီရဲ့ (၉/၂၀၂၅) ကြိမ်မြောက် အစည်းအဝေးကို ယမန်နေ့နံနက်ပိုင်းက ရန်ကင်းမြို့နယ်၊ တိုင်းဒေသကြီး ရင်းနှီးမြှုပ်နှံမှုကော်မတီရုံးမှာကျင်းပခဲ့ပြီးမတည်ရင်းနှီးငွေကျပ် ၆,၄၇၃.၈၀၅ သန်းနှင့်အမေရိကန်ဒေါ်လာ ၄.၆၉၃ သန်း တန်ကြေးရှိတဲ့ လုပ်ငန်းတွေကိုဆောင်ရွက်ဖို့ ခွင့်ပြုခဲ့တယ်လို့သိရပါတယ်။
#Local_News
Published 25 September 2025
#ရန်ကုန်တိုင်းဒေသကြီး #ရန်ကင်းမြို့နယ်
#YMG/SW #Yangon_Times
မြန်မာ့ရိုးရာလက်ဝှေ့စိန်ခေါ်ပွဲကြီးကို အခုလနှောင်းပိုင်းမှာရန်ကုန်မြို့ရှိသိမ်ဖြူအားကစားကွင်းမှာကျင်းပသွားမယ်လို့ စက်တင်ဘာ(၂၄)ရက်က တာမွေမြို့နယ်၊ အရှေ့မြင်းပြိုင်ကွင်းလမ်းရှိ ရွှေထွဋ်တင်ဝန်းမှာ ကျင်းပခဲ့တဲ့ စာနယ်ဇင်းမိတ်ဆက်ပွဲက သိရပါတယ်။
#Local_News
Published 25 September 2025
#မြန်မာ့ရိုးရာလက်ဝှေ့စိန်ခေါ်ပွဲကြီး #သိမ်ဖြူကွင်း
#YMG/NN #Yangon_Times
ဆံတော်ရှင်ကျိုက်ထီးရိုးစေတီတော်မြတ်ကြီးရဲ့ တောင်တော်ဖွင့်ပွဲအတွက်တောင်တက်ယာဉ်(၁၅၀)ကျော်နဲ့ စတင်ပြေးဆွဲသွားမယ်လို့ စေတီတော် ဂေါပကအဖွဲ့ကသိရပါတယ်။
#Local_News
Published 25 September 2025
#ဆံတော်ရှင်ကျိုက်ထီးရိုးစေတီတော်မြတ်ကြီး
#YMG/NN #Yangon_Times
#Daily_News
Published 25 September 2025
၁။ မြန်မာ့ရိုးရာလက်ဝှေ့စိန်ခေါ်ပွဲကြီး သိမ်ဖြူကွင်း၌ ကျင်းပမည်
၂။ မတည်ငွေကျပ် သန်းပေါင်း(၆၀၀၀)ကျော်နှင့်ကန်ဒေါ်လာ(၄)သန်းကျော်တန်ကြေးရှိ လုပ်ငန်းများဆောင်ရွက်ခွင့်ပြု
၃။ ကမ္ဘာ့အထူးတန်းဝင် ကော်ဖီပြပွဲနှင့်ညီလာခံတွင် မြန်မာ့ကော်ဖီများပါဝင်ပြသနေ
၄။ တရုတ်သင်္ဘောအခြေစိုက်တိုက်လေယာဉ်များ၏ လျှပ်စစ်သံလိုက်စနစ်ပင့်တင်ဆင်းသက်ခြင်းစစ်ရေးခင်းကျင်းပြသမှုအောင်မြင်စွာပြီးဆုံး... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
#Local_News
Published 25 September 2025
▪️ ဓာတ်အားထုတ်လုပ်ပို့လွှတ်နိုင်မှုလျော့နည်းနေခြင်းကြောင့်ရန်ကုန်တိုင်းဒေသကြီးအတွင်းရှိ စက်မှုဇုန်များနှင့် မြို့နယ်တချို့တွင် ယာယီလျှပ်စစ်ဓာတ်အားပြတ်တောက်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက ထုတ်ပြန်သည်။
▪️ ရန်ကုန်တိုင်းဒေသကြီးအတွင်းရှိ သဘာဝဓာတ်ငွေ့သုံး ဓာတ်အားပေးစက်ရုံများသို့ ဓာတ်ငွေ့ ပို့လွှတ်နေသော ရတနာကမ်းလွန်သဘာဝ ဓာတ်ငွေ့ပိုက်လိုင်းမှ Compressor များသည်ယနေ့ (၂၅.၉.၂၀၂၅)ရက်နေ့၊ နံနက်(၀၈:၀၀)နာရီအချိန်ခန့်တွင် အရေးပေါ်ရပ်တန့်မှု ဖြစ်ပေါ်သွားသဖြင့် ဓာတ်အားစနစ်အတွင်းသို့ ဓာတ်အားထုတ်လုပ်ပို့လွှတ်နိုင်မှု (400) MW ခန့် လျော့နည်းလျက်ရှိကြောင်း၊ ထို့ကြောင့် အရေးပေါ် ထိန်းသိမ်းပြုပြင်ခြင်းလုပ်ငန်း ဆောင်ရွက်နေစဉ်အတွင်း ဓာတ်အားစနစ်အတွင်းသို့ ဓာတ်အားထုတ်လုပ်ပို့လွှတ်မှု လျော့နည်းလျက်ရှိကြောင်း ထုတ်ပြန်ချက်တွင်ဖော်ပြထားသည်။
▪️ ထိုလျော့နည်းသွား သော လျှပ်စစ်ဓာတ်အားထုတ်လုပ်မှုများအတွက် အရေးပေါ်ဝန်အားလျှော့ထိန်းညှိခြင်းများ အချိန်ပိုင်း ဆောင်ရွက်ရမည်ဖြစ်ရာ ရန်ကုန်တိုင်းဒေသကြီးအတွင်းရှိ စက်မှုဇုန်များနှင့်မြို့နယ်၊ နေရာအချို့တို့ တွင် ယာယီဓာတ်အားပြတ်တောက်မှုများရှိမည်ဖြစ်ကြောင်း၊ သို့ရာတွင်အရေးကြီးနေရာများ လျှပ်စစ်ဓာတ်အား ပြတ်တောက်မှု မရှိစေရေးကို အလေးထား ဆောင်ရွက်သွားမည် ဖြစ်ကြောင်း အသိပေးထားသည်။
#YMG/SW #Yangon_Times
Page 19 of 2147
