#Local_News
Published 16 October 2026
#ရွှေထည်
#YMG/NN #Yangon_Times

#Local_News
Published 16 October 2026

■ မြန်မာနိုင်ငံနဲ့ အိန္ဒိယနိုင်ငံအစိုးရတို့အကြား ၂၀၂၆-၂၀၂၇ ဘဏ္ဍာနှစ်အတွက် မြန်ဆန်စွာအကျိုးဖြစ်ထွန်းစေမည့် စီမံချက် (QIP) ၅ ခု အကောင်အထည်ဖော်ဆောင်ရွက်ရန် နားလည်မှုစာချွန်လွှာတွေကို ယနေ့တွင်လက်မှတ်ရေးထိုးခဲ့ကြောင်း သိရသည်။

■ အဆိုပါအခမ်းအနားကို အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ရုံးအမှတ် (၁) အစည်းအဝေးခန်းမ၌ ကျင်းပခဲ့ပြီး ပြည်ထောင်စုဝန်ကြီး ဦးအောင်ကျော်ဟိုး၊ သက်ဆိုင်ရာဝန်ကြီးဌာနများမှ ဒုတိယဝန်ကြီးများ၊ ဌာနဆိုင်ရာတာဝန်ရှိသူများနဲ့ မြန်မာနိုင်ငံဆိုင်ရာ အိန္ဒိယသံအမတ်ကြီး H.E. Mr. Abhay Thakur အပါအဝင် တာဝန်ရှိသူတွေ တက်ရောက်ခဲ့ကြသည်။

■ လက်မှတ်ရေးထိုးခဲ့သည့် စီမံချက် ၅ ခုမှာ ရန်ကုန်မြို့ရှိ ပြည်ထောင်စုတိုင်းရင်းသားကျေးရွာ၏ ကျေးရွာပတ်လမ်း အဆင့်မြှင့်တင်ခြင်း၊ ငလျင်ဒဏ်သင့်ကျောင်းများအတွက် WASH ထောက်ပံ့ကူညီခြင်း၊ ဘွိုင်လာကိုင်တွယ်ထိန်းသိမ်းသူများ သင်တန်းကျောင်း အဆင့်မြှင့်တင်ခြင်း၊ မန္တလေးတိုင်းဒေသကြီး ပုသိမ်ကြီးလူငယ်သင်တန်းကျောင်းတွင် ဖူဆယ်ဘောလုံးကွင်း တည်ဆောက်ခြင်းနဲ့ စာရင်းစစ်ဆေးလေ့ကျင့်သင်ကြားရေးအတွက် အချက်အလက်ထုတ်ယူစိစစ်သုံးသပ်သည့် ဆော့ဖ်ဝဲလ်ဝယ်ယူခြင်းတို့ဖြစ်သည်။

■ အဆိုပါ QIP စီမံချက် ၅ ခု၏ စုစုပေါင်းတန်ဖိုးမှာ အမေရိကန်ဒေါ်လာ ၂၄၇,၅၀၂ ဒသမ ၄၇ ဖြစ်ပြီး ယခုလက်မှတ်ရေးထိုးခဲ့သည့် စီမံချက်များအပါအဝင် အိန္ဒိယနိုင်ငံအစိုးရက မြန်မာနိုင်ငံအတွက် ၂၀၂၆-၂၀၂၇ ဘဏ္ဍာနှစ်တွင် QIP စီမံချက် ၁၀ ခု ပေးအပ်ထားကြောင်း သိရသည်။

#YMG/SW #Yangon_Times

နေပြည်တော်၊ အောက်တိုဘာ ၁၅

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) နှင့်ဆက်စပ်၍ ဆွေးနွေးသဘောတူထားသည့် အချက် ၄၃ ချက်နှင့် ပြည်ထောင်စုသဘောတူညီချက် (Union Accord) အပိုင်း ၁၊ ၂၊ ၃ တို့ကို လွှတ်တော်တွင် ဆက်လက်ဆွေးနွေးဆောင်ရွက်သွားမည်ဖြစ်ကြောင်း နိုင်ငံတော်သမ္မတ ဦးမင်းအောင်လှိုင်က အောက်တိုဘာ ၁၅ ရက် မွန်းလွဲပိုင်း နေပြည်တော်ရှိ နိုင်ငံတော်သမ္မတရုံးတော်၌ တိုင်းရင်းသားလက်နက်ကိုင်အဖွဲ့များမှ ခေါင်းဆောင်များ၊ ကိုယ်စားလှယ်များနှင့် တွေ့ဆုံစဉ် ပြောကြားသည်။ အဆိုပါတွေ့ဆုံပွဲတွင် ပြည်တွင်းငြိမ်းချမ်းရေးလုပ်ငန်းစဉ်များ ဆက်လက်အကောင်အထည်ဖော်ရေးနှင့် ပူးပေါင်းဆောင်ရွက်ရေးတို့ကို ဆွေးနွေးခဲ့ကြသည်။

အစိုးရတာဝန်ယူသည့် ငါးနှစ်အတွင်း ပြည်တွင်းငြိမ်းချမ်းရေးရရှိအောင် ဆောင်ရွက်မည်ဟု လွှတ်တော်၌ ပြောကြားထားပြီးဖြစ်ကြောင်း၊ ပူးပေါင်းဆောင်ရွက်နိုင်သူများနှင့် လက်တွဲသွားမည်ဖြစ်ကာ လက်တွဲဆောင်ရွက်၍ မရသူများနှင့်ပတ်သက်၍လည်း နည်းလမ်းရှာဖွေဆောင်ရွက်သွားမည်ဖြစ်ကြောင်း နိုင်ငံတော်သမ္မတက ပြောကြားသည်။ ငြိမ်းချမ်းရေးလုပ်ငန်းစဉ်များ ပြီးပြတ်အောင် ဝိုင်းဝန်းကြိုးပမ်းခြင်းဖြင့် နိုင်ငံပြန်လည်ထူထောင်ရေးနှင့် ဖွံ့ဖြိုးရေးလုပ်ငန်းများကို အမြန်ဆုံးဆောင်ရွက်နိုင်မည်ဖြစ်ကြောင်းလည်း တိုက်တွန်းသည်။

အစိုးရ၏ နိုင်ငံရေးရည်မှန်းချက်များမှာ ပါတီစုံဒီမိုကရေစီစနစ် ခိုင်မာရေးနှင့် ဒီမိုကရေစီ၊ ဖက်ဒရယ်စနစ်တို့ကို အခြေခံသည့် ပြည်ထောင်စုတည်ဆောက်ရေးဖြစ်ပြီး တိုင်းရင်းသားအားလုံး ပါဝင်ဆောင်ရွက်ရန် လိုအပ်ကြောင်း ၎င်းက ပြောကြားသည်။ တိုင်းဒေသကြီးနှင့် ပြည်နယ်များတွင် တိုင်းရင်းသားလူမျိုးပေါင်းစုံ ရောယှက်နေထိုင်ကြသဖြင့် ဒေသတစ်ခုသည် ထိုဒေသတွင် နေထိုင်သူအားလုံးနှင့် သက်ဆိုင်သည်ဟူသည့် သဘောထားနှင့် ပြည်ထောင်စုစိတ်ဓာတ်ကို အလေးထားကြရန်လည်း တိုက်တွန်းခဲ့သည်။

တိုင်းရင်းသားလက်နက်ကိုင်အဖွဲ့များအနေဖြင့် ငြိမ်းချမ်းရေးရယူပြီးနောက် နိုင်ငံရေးတွင် ပါဝင်လိုပါက ဥပဒေနှင့်အညီ ပါတီတည်ထောင်နိုင်ကြောင်း၊ စီးပွားရေးလုပ်ငန်းများကိုလည်း ဥပဒေနှင့်အညီ ဆောင်ရွက်နိုင်ကြောင်း နိုင်ငံတော်သမ္မတက ပြောကြားသည်။ ကာကွယ်ရေးတာဝန် ထမ်းဆောင်လိုသူများအတွက် တပ်မတော်နှင့်ပူးပေါင်း၍ နယ်ခြားစောင့်တပ်ဖွဲ့များအဖြစ် တာဝန်ထမ်းဆောင်ရန်နှင့် အရပ်သားအဖြစ် နေထိုင်လိုသူများအတွက် ဥပဒေအကာအကွယ်အောက်၌ လုံခြုံစွာနေထိုင်နိုင်ရန် လမ်းကြောင်းများကို ယခင်ကတည်းက ပြောကြားထားကြောင်း ထည့်သွင်းဆွေးနွေးသည်။

တက်ရောက်လာသည့် တိုင်းရင်းသားလက်နက်ကိုင်အဖွဲ့ ခေါင်းဆောင်များနှင့် ကိုယ်စားလှယ်များက NCA လက်မှတ်ရေးထိုးမှုမှ စတင်ခဲ့သည့် လမ်းကြောင်းအတိုင်း ပြည်တွင်းငြိမ်းချမ်းရေးရရှိရန် ဆက်လက်ပူးပေါင်းဆောင်ရွက်သွားမည်ဖြစ်ကြောင်း ပြောကြားကြသည်။ ငြိမ်းချမ်းရေးသည် နိုင်ငံဖွံ့ဖြိုးတိုးတက်မှုအတွက် မရှိမဖြစ်လိုအပ်ပြီး လက်နက်ကိုင်အဖွဲ့များအနေဖြင့် တွေ့ဆုံဆွေးနွေးအဖြေရှာရေးတွင် ပါဝင်ကြရန်နှင့် အေးချမ်းစွာနေထိုင်လုပ်ကိုင်လိုသည့် ပြည်သူများနှင့်အတူ ငြိမ်းချမ်းရေးအတွက် ဆောင်ရွက်ရန် လိုအပ်ကြောင်း ဆွေးနွေးခဲ့ကြသည်။

ဒေသဖွံ့ဖြိုးရေးအတွက် တည်ငြိမ်အေးချမ်းမှုနှင့် ပညာတတ်လူသားအရင်းအမြစ်များ လိုအပ်သဖြင့် အဆင့်မြင့်ပညာနှင့် အသက်မွေးဝမ်းကျောင်းပညာ တတ်မြောက်သူများ ပိုမိုများပြားလာရေး ဆောင်ရွက်ကြရန် နိုင်ငံတော်သမ္မတက တိုက်တွန်းသည်။ ထို့ပြင် လက်နက်ကိုင်အဖွဲ့များအနေဖြင့် အွန်လိုင်းလိမ်လည်လောင်းကစားမှုနှင့် မူးယစ်ဆေးဝါးလုပ်ငန်းများမှ ကင်းရှင်းရန်လိုအပ်ပြီး ယင်းလုပ်ရပ်များကို ဥပဒေနှင့်အညီ အရေးယူတိုက်ဖျက်သွားမည်ဖြစ်ကြောင်း ပြောကြားခဲ့သည်။

NCA (၁၁) နှစ်မြောက် နှစ်ပတ်လည်အခမ်းအနားသို့ တက်ရောက်ခဲ့သူများနှင့် ပြုလုပ်သည့် ယင်းတွေ့ဆုံပွဲသို့ ကရင်တိုင်းရင်းသားခေါင်းဆောင် စောမူတူးစေးဖိုး၊ ALP၊ DKBA၊ LDU၊ NMSP၊ RCSS၊ KNU/KNLA-PC၊ SSPP နှင့် ရှမ်းနီအမျိုးသားများညီညွတ်ရေးကောင်စီတို့မှ ခေါင်းဆောင်များ၊ ကိုယ်စားလှယ်များ တက်ရောက်ကြသည်။ အစိုးရဘက်မှ ကာကွယ်ရေးဝန်ကြီးဌာန ပြည်ထောင်စုဝန်ကြီး၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီဥက္ကဋ္ဌ ဒုတိယဗိုလ်ချုပ်ကြီး ရာပြည့်နှင့် တာဝန်ရှိသူများ တက်ရောက်ခဲ့ကြသည်။

နိုင်ငံအဝှမ်းရှိ ငါးမွေးကန်များကို အဆင့်မြှင့်တင်၍ ငါးထုတ်ကုန်တွေ တိုးမြှင့်ထုတ်လုပ်သွားမယ်လို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနကနေ သိရပါတယ်။

#Local_News
Published 15 October 2026
#ငါးမွေးကန်
#YMG/NN #Yangon_Times

ကရင်ပြည်နယ်ဘားအံနဲ့လှိုင်းဘွဲ့မြို့နယ်တွေမှာ အကြောင်းအမျိုးမျိုးကြောင့် ထိခိုက်ခံစားခဲ့ရတဲ့ အိမ်ထောင်စု ၄၃၄ စုက လူဦးရေ ၁,၈၃၂ ဦးအတွက် မြန်မာနိုင်ငံကြက်ခြေနီအသင်းက စုစုပေါင်း ငွေကျပ် ၁၂၈ ဒသမ ၂၄ သန်းကို ကန့်သတ်ချက်မဲ့ ငွေသားထောက်ပံ့ကူညီခဲ့ပါတယ်။

#Local_News
Published 15 October 2026
#ဘားအံ #လှိုင်းဘွဲ့
#YMG/SW #Yangon_Times

#Local_News
Published 15 October 2026
#ယုဇန #ကျန်စစ်မင်းအိမ်ရာ
#YMG/NN #Yangon_Times