ဂျပန်နဲ့ မြန်မာရုပ်ရှင်ဟောင်းတွေကို ဖလင်မူရင်းအရည်အသွေးနဲ့ မျက်နှာပြင်ကြီးပေါ်မှာ ပြန်လည်တင်ဆက်မယ့် “Celluloids on Big Screen” ရုပ်ရှင်ပြပွဲကို အောက်တိုဘာ ၂၃ ရက်ကနေ ၂၅ ရက်အထိ ရန်ကုန်မြိုရှိ AIA KHIT ဝန်ကြီးများရုံးမှာကျင်းပသွားမှာဖြစ်ပါတယ်။

#Local_News
Published 22 October 2026
#ဂျပန် #မြန်မာ
#YMG/SW #Yangon_Times

#Local_News
နေပြည်တော်၊ အောက်တိုဘာ ၂၁
 
မြန်မာ့ရိုးရာအနုပညာအမွေအနှစ်များကို မူလအနှစ်သာရ မပျောက်ပျက်စေဘဲ ထိန်းသိမ်းမြှင့်တင်ရန်၊ ခေတ်မီနည်းပညာများ အသုံးချ၍ အနုပညာအရည်အသွေး မြှင့်တင်ရန်နှင့် မျိုးဆက်သစ်အနုပညာရှင်များပေါ်ထွန်းလာရေး ပူးပေါင်းဆောင်ရွက်ကြရန် (၂၇) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဖွင့်ပွဲအခမ်းအနားတွင် နိုင်ငံတော်သမ္မတ ဦးမင်းအောင်လှိုင်က တိုက်တွန်းပြောကြားခဲ့သည်။
 
ယနေ့ (အောက်တိုဘာ ၂၁ ရက်) နံနက်ပိုင်းတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန (၁) (MICC-1) ၌ ကျင်းပခဲ့သည့်  (၂၇) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဖွင့်ပွဲအခမ်းအနားကို နိုင်ငံတော်သမ္မတ ဦးမင်းအောင်လှိုင်က တက်ရောက်ဖွင့်လှစ်ပေးခဲ့ပြီးအမှာစကားပြောကြားရာတွင် ယင်းသို့ပြောကြားခဲ့ခြင်းဖြစ်သည်။
 
နိုင်ငံတော်သမ္မတက အဓိကထားပြောကြားခဲ့သည့် မူဝါဒများနှင့်လမ်းညွှန်ချက်များမှာ -

■ မြန်မာ့ရိုးရာအနုပညာအမွေအနှစ်များနှင့် အမျိုးသားရေးစရိုက်လက္ခဏာများ ထိန်းသိမ်းစောင့်ရှောက်ရေး

မြန်မာ့ရိုးရာအဆို၊ အက၊ အရေး၊ အတီး အနုပညာများသည် ပျူခေတ်၊ ပုဂံခေတ်မှ ကုန်းဘောင်ခေတ်တိုင်အောင် ခေတ်အဆက်ဆက် ဖွံဖြိုးတိုးတက်လာခဲ့သည့် အမျိုးသားယဉ်ကျေးမှုအမွေအနှစ်များဖြစ်ကြောင်း၊ ယင်းအမွေအနှစ်များကို မျိုးဆက်သစ်များထံ စနစ်တကျ လက်ဆင့်ကမ်းပေးရန်လိုအပ်ကြောင်းပြောကြားခဲ့ပါသည်။

ထိုပြင် မျိုးချစ်စိတ်ဓာတ်နှင့် ဇာတိသွေးဇာတိမာန် ထက်မြက်မြင့်မားရေး၊ မြန်မာ့ရိုးရာယဉ်ကျေးမှုအမွေအနှစ်များနှင့် အမျိုးသားရေးစရိုက်လက္ခဏာများ ထိန်းသိမ်းစောင့်ရှောက်ရေး၊ လူငယ်များ၏ စိတ်ပိုင်းဆိုင်ရာ ဖွံဖြိုးတိုးတက်ရေးနှင့် တိုင်းတစ်ပါးယဉ်ကျေးမှု လွှမ်းမိုးမှုမှ ကာကွယ်တားဆီးရေးတို့ကိုလည်း အလေးထားဆောင်ရွက်ရန်လိုအပ်ကြောင်း လမ်းညွှန်ပြောကြားခဲ့ပါသည်။

■ ပြိုင်ပွဲများမှတစ်ဆင့် မျိုးဆက်သစ်အနုပညာရှင်များဖော်ထုတ်ရေး

မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲများကို ၁၉၉၃ ခုနှစ်တွင် စတင် ကျင်းပခဲ့ပြီး ၂၀၁၆ ခုနှစ်အထိ ၂၂ ကြိမ် ကျင်းပနိုင်ခဲ့ကြောင်း၊ ၂၀၁၇ ခုနှစ်မှ ၂၀၂၁ ခုနှစ် အထိ ရပ်နားခဲ့ပြီး ၂၀၂၂ ခုနှစ်တွင် ပြန်လည်ကျင်းပခဲ့ရာ ယခု ၂၀၂၆ ခုနှစ်တွင် (၂၇) ကြိမ်မြောက်အထိ ရောက်ရှိလာပြီဖြစ်ကြောင်း ပြောကြားခဲ့သည်။

ပြိုင်ပွဲများသည် ဆုရရှိရေးအတွက်သာမက အရည်အချင်းရှိသည့် အနုပညာရှင်များကို ဖော်ထုတ် မြှင့်တင်ရန်၊ အတွေ့အကြုံများဖလှယ်ရန်၊ အနုပညာ ပညာရပ်ဆိုင်ရာ အရည်အသွေး မြှင့်တင်ရန်နှင့် မျိုးဆက်သစ်များထံ ရိုးရာအနုပညာအမွေအနှစ်များ လက်ဆင့်ကမ်းပေးရန် အရေးပါကြောင်း ရှင်းလင်းပြောကြားခဲ့သည်။

■ အနုပညာကဏ္ဍလေးရပ် အရည်အသွေးမြှင့်တင်ရေး
 
မြန်မာ့ရိုးရာအနုပညာကဏ္ဍလေးရပ်နှင့်ပတ်သက်၍ -
၁။ အဆိုအနုပညာ - ရိုးရာတေးသီချင်းများ၏ မူလအနှစ်သာရကို ထိန်းသိမ်းရင်း သီဆိုမှုအရည်အသွေးနှင့် ဖန်တီးနိုင်စွမ်းကို မြှင့်တင်ရန်။
၂။ အကအနုပညာ - ရိုးရာအကဟန်၊ လက်ဟန်ခြေဟန်နှင့် စည်းချက်များကို စနစ်တကျ သင်ယူထိန်းသိမ်းပြီး မျိုးဆက်သစ်များထံ လက်ဆင့်ကမ်းရန်။
၃။ အရေးအနုပညာ - စာပေ၊ ကဗျာနှင့် ဇာတ်ညွှန်းများမှတစ်ဆင့် ယဉ်ကျေးမှုတန်ဖိုးများကို ထိန်းသိမ်းဖော်ထုတ်ရန်။
၄။ အတီးအနုပညာ - ရိုးရာတူရိယာများ၏ တီးခတ်နည်းစနစ်နှင့် ဂီတသံစဉ်များကို ထိန်းသိမ်းမြှင့်တင်ရန်။
တို့ကို အလေးထားဆောင်ရွက်ကြရန် တိုက်တွန်းခဲ့ပါသည်။
 
■ မျိုးဆက်သစ်အနုပညာရှင်များ လေ့ကျင့်သင်ကြားရေးနှင့် အတွေ့အကြုံများလက်ဆင့်ကမ်းရေး

ပြိုင်ပွဲမှ ပေါ်ထွက်လာသည့် အရည်အချင်းရှိသော အနုပညာရှင်များကို ဆက်လက်လေ့ကျင့် သင်ကြားပေးရန်၊ သင့်လျော်သည့် အခွင့်အလမ်းများ ဖန်တီးပေးရန်နှင့် ပညာရှင်ကြီးများ၏ အတွေ့အကြုံများကို မျိုးဆက်သစ်များထံ လက်ဆင့်ကမ်းရန် လိုအပ်ကြောင်း ပြောကြားခဲ့ပါသည်။ ထိုပြင် စာတွေ့လက်တွေ့ ပေါင်းစပ်လေ့ကျင့်ရေး၊ ပညာရှင်များနှင့် မျိုးဆက်သစ်များအကြား ပူးပေါင်းဆောင် ရွက်ရေး၊ အနုပညာမှတ်တမ်းများ ထိန်းသိမ်းရေးနှင့် ရိုးရာအနှစ်သာရကို ထိန်းသိမ်းရင်း ခေတ်နှင့် လျော် ညီသည့် အနုပညာလက်ရာများ ဖန်တီးရေးတိုကိုလည်း လမ်းညွှန်တိုက်တွန်းခဲ့ပါသည်။
 
■ ခေတ်မီနည်းပညာအသုံးချ၍ မြန်မာ့အနုပညာကို နိုင်ငံတကာသို မိတ်ဆက်ရေး
နည်းပညာတိုးတက်လာမှုကို အသုံးချ၍ မြန်မာ့ရိုးရာအနုပညာများကို စနစ်တကျမှတ်တမ်းတင်၊ ဖြန့်ဝေပြီး လူငယ်များ ပိုမိုစိတ်ဝင်စားလာစေရန်နှင့် နိုင်ငံတကာပရိသတ်များထံ မိတ်ဆက်နိုင်ရေး ဆောင်ရွက်ကြရန်၊ ခေတ်မီဖန်တီးမှုများတွင်လည်း ရိုးရာအနုပညာ၏ မူလအနှစ်သာရနှင့် တန်ဖိုးများ မပျောက်ပျက်စေရန် အလေးထားကြဖို့မှာကြားခဲ့ပါသည်။

■ ပြိုင်ပွဲဝင်များနှင့် အကဲဖြတ်ဒိုင်များလိုက်နာဆောင်ရွက်ရေး

ပြိုင်ပွဲဝင်များအနေဖြင့် ဆုရရှိရေးတစ်ခုတည်းကို အဓိကမထားဘဲ အနုပညာအရည်အသွေး တိုးတက်ရေး၊ အတွေ့အကြုံဖလှယ်ရေးနှင့် အချင်းချင်းလေးစားမှုရှိရေးကို အလေးထားကြရန်၊ အကဲဖြတ်ဒိုင်များအနေဖြင့်လည်း သတ်မှတ်စည်းမျဉ်းစည်းကမ်းများနှင့်အညီ မျှတပွင့်လင်းစွာ အကဲဖြတ်ပြီး ပညာရပ်ဆိုင်ရာ အကြံပြုလမ်းညွှန်မှုများပေးကြရန်တိုက်တွန်းခဲ့ပါသည်။

■ မြန်မာ့ရိုးရာအနုပညာ ရေရှည်ဖွံ့ဖြိုးတိုးတက်ရေး

မြန်မာ့ရိုးရာအနုပညာအမွေအနှစ်များ ထိန်းသိမ်းစောင့်ရှောက်ရေးသည် ယနေ့မျိုးဆက်၏ တာဝန်ဖြစ်သကဲ့သို့ အနာဂတ်မျိုးဆက်များထံ အရည်အသွေးပြည့်ဝစွာ လက်ဆင့်ကမ်းပေးရေးသည်လည်း အားလုံးပူးပေါင်းဆောင်ရွက်ရမည့် လုပ်ငန်းတာဝန်ဖြစ်ကြောင်း၊ အနုပညာပညာရှင်များ၊ လူငယ်များနှင့် သက်ဆိုင်ရာအဖွဲ့အစည်းများ ပူးပေါင်း၍ မြန်မာ့ရိုးရာအနုပညာ ရေရှည်တည်တံ့ဖွံ့ဖြိုးရေး ကြိုးပမ်းကြရန်တိုက်တွန်းပြောကြားခဲ့သည်။

#YMG #Yangon_Times #Yangon_Media_Group

#Local_News
Published 21 October 2026

■ မန္တလေးတိုင်းဒေသကြီး ပြင်ဦးလွင်မြို့နယ်ရှိအမျိုးသားကန်တော်ကြီးဥယျာဉ်၌ ဒုတိယအကြိမ်မြောက် Thadingyut’s Night Poem 2026 ပွဲတော် ကို အောက်တိုဘာလ ၂၃ရက်မှ ၂၇ရက်နေ့အထိကျင်းပပြုလုပ်သွားမည်ဖြစ်ကြောင်းသိရသည်။

■ ထိုသို့ကျင်းပရာတွင် ထူးခြားချက်အနေနဲ့ ဥယျာဉ်ဖွင့်ချိန်ကို မနက်(၈)နာရီမှ ည(၁၀)နာရီအထိ တိုးမြှင့်ဖွင့်လှစ်ပေးသွားမည် ဖြစ်ပြီး နိုင်ငံကျော်အဆိုတော်များက တေးသီချင်းများကိုလည်း ဖျော်ဖြေတင်ဆက်မည်ဖြစ်ကြောင်းသိရသည်။

■ အဆိုပါ အမျိုးသားကန်တော်ကြီးဥယျာဉ်၏ ဒုတိယအကြိမ်မြောက် 𝐓𝐡𝐚𝐝𝐢𝐧𝐠𝐲𝐮𝐭’𝐬 𝐍𝐢𝐠𝐡𝐭 𝐏𝐨𝐞𝐦 𝟐𝟎𝟐𝟔 ပွဲတော်ကြီး၌ ပါဝင်ဖျော်ဖြေပေးသွားမည့် နိုင်ငံကျော်တေးသံရှင်များမှာ 𝐆 𝐋𝐚𝐭𝐭(𝐒𝐡𝐞𝐞𝐧𝐨), 𝐀𝐮𝐧𝐠 𝐋𝐚(𝐑𝐞𝐚𝐬𝐨𝐧), 𝐏𝐡𝐲𝐨 𝐊𝐲𝐚𝐰 𝐇𝐭𝐢𝐤𝐞(𝐌𝐢𝐫𝐫𝐨𝐫), 𝐍𝐚𝐲 𝐌𝐢𝐧 𝐄𝐚𝐢𝐧, 𝐃𝐨𝐮𝐛𝐥𝐞 𝐓𝐚𝐩𝐞, 𝐈𝐧𝐝𝐮𝐬𝐭𝐫𝐲 𝐎𝐧𝐞, 𝐓𝐡𝐚𝐞 𝐍𝐮 𝐒𝐞𝐞 𝐙𝐚𝐫, 𝐄𝐚𝐢𝐧𝐭 𝐂𝐡𝐢𝐭, 𝐏𝐨 𝐏𝐨, 𝐌𝐚𝐲, 𝐒𝐮 𝐇𝐥𝐚𝐢𝐧𝐠, 𝐉𝐞𝐬𝐬𝐢, 𝐊𝐫𝐞𝐚𝐭𝐨𝐫𝐬 𝐁𝐚𝐧𝐝 တို့ဖြစ်ပြီး 𝐃𝐣 များမှာ 9𝐍𝐢𝐧𝐞, 𝐀𝐰𝐛𝐚, 𝐀𝐱𝐞𝐥, 𝐃𝐢𝐚𝐫𝐲, 𝐕𝐚𝐥𝐚𝐭𝐢𝐧𝐨, 𝐊𝐲𝐥𝐨, 𝐁𝐚𝐫𝐚𝐧𝐢, 𝐘𝐀𝐌 တို့ဖြစ်ကြောင်း သိရသည်။

#YMG/NN #Yangon_Times

#Local_News
Published 20 October 2026

■ ထားဝယ်ဒေသကိုအခြေပြု၍ မြန်မာ–ထိုင်း–ရုရှား သုံးနိုင်ငံပူးပေါင်း စွမ်းအင်ကုန်သွယ်မှုလုပ်ငန်းများဆောင်ရွက်နိုင်ရေးနှင့် မြန်မာနိုင်ငံ၏လျှပ်စစ်နှင့်စွမ်းအင်ကဏ္ဍတွင် ထိုင်းကုမ္ပဏီများ ရင်းနှီးမြှုပ်နှံရေးတို့ကို ပြည်ထောင်စုဝန်ကြီး ဦးကိုကိုလွင်နှင့် ထိုင်းနိုင်ငံ စွမ်းအင်ဝန်ကြီး Mr. Akanat Promphan ဦးဆောင်သည့် ကိုယ်စားလှယ်အဖွဲ့တို့ ယမန်နေ့နံနက်ပိုင်းက လျှပ်စစ်နှင့်စွမ်းအင်ဝန်ကြီးဌာန ရေနံ့သာခန်းမ၌ တွေ့ဆုံဆွေးနွေးခဲ့ကြသည်။

■ နှစ်နိုင်ငံအကြား လျှပ်စစ်နှင့်စွမ်းအင်ကဏ္ဍတွင် ပိုမိုနီးကပ်စွာ ပူးပေါင်းဆောင်ရွက်နိုင်ရန် နားလည်မှုစာချွန်လွှာ (MOU) ရေးထိုးမည့်ကိစ္စ၊ ပူးပေါင်းဆောင်ရွက်လျက်ရှိသည့် သဘာဝဓာတ်ငွေ့စီမံကိန်းများ၏ အထွက်နှုန်းတိုးမြှင့်ရေးနှင့် စီမံကိန်းအသစ်များတွင် ထပ်မံရင်းနှီးမြှုပ်နှံလိုသည့် ကိစ္စရပ်များကိုဆွေးနွေးခဲ့ကြသည်။

■ ထို့ပြင် ထိုင်းနိုင်ငံသို့ သွယ်တန်းထားသည့် ပိုက်လိုင်းများ၏ စွမ်းဆောင်ရည်ကို အပြည့်အဝအသုံးချနိုင်ရေးပူးပေါင်းဆောင်ရွက်မည့် အခြေအနေများကိုလည်း ဆွေးနွေးခဲ့ကြသည်။

■ လျှပ်စစ်ကဏ္ဍတွင် သံလွင်မြစ်ဝှမ်းနှင့် တနင်္သာရီမြစ်ဝှမ်းရှိ ရေအားလျှပ်စစ်စီမံကိန်းများ၌ ထိုင်းကုမ္ပဏီများ ပူးပေါင်းဆောင်ရွက်လိုမှု၊ နိုင်ငံဖြတ်ကျော်ဓာတ်အားလိုင်းစီမံကိန်းများအပါအဝင် လျှပ်စစ်ဓာတ်အား ပို့လွှတ်ရေးနှင့် ဖြန့်ဖြူးရေးလုပ်ငန်းများတွင် ပါဝင်ရင်းနှီးမြှုပ်နှံလိုမှုတို့ကို ဆွေးနွေးခဲ့ကြသည်။

■ တွေ့ဆုံပွဲသို့ လျှပ်စစ်နှင့်စွမ်းအင်ဝန်ကြီးဌာနမှ ဒုတိယဝန်ကြီး၊ အမြဲတမ်းအတွင်းဝန်၊ ညွှန်ကြားရေးမှူးချုပ်များနှင့် တာဝန်ရှိသူများ၊ မြန်မာနိုင်ငံဆိုင်ရာ ထိုင်းသံအမတ်ကြီး၊ ထိုင်းနိုင်ငံမှ PTT၊ PTTEP ကုမ္ပဏီများနှင့် လျှပ်စစ်ဓာတ်အားထုတ်လုပ်ရေးအာဏာပိုင်အဖွဲ့ (EGAT) တို့မှ တာဝန်ရှိသူများ တက်ရောက်ခဲ့ကြသည်။

#YMG #Yangon_Times #Yangon_Media_Group

အမှတ် (၂) သံမဏိစက်ရုံ (ပင်းပက်) မှာ ရိုမက်နည်းပညာသုံး သံရည်ကျိုမီးဖိုအလုပ်ရုံ လည်ပတ်နိုင်ရေးလုပ်ငန်းတွေကို ရုရှားနိုင်ငံရဲ့အကူအညီနဲ့ဆောင်ရွက်သွားမှာဖြစ်ပါတယ်။

#Local_News
Published 20 October 2026
#ပင်းပက်သံမဏိစက်ရုံ
#YMG/SW #Yangon_Times

ပြည်တွင်းထုတ် မြေပဲဆီ၊ နှမ်းဆီနဲ့နေကြာဆီများကိုရောင်းချပေးမယ့် သီတင်းကျွတ်ဈေးရောင်းပွဲတော်ကို ရန်ကုန်မြို့ရှိနေရာနှစ်ခုတွင်ကျင်းပရောင်းချသွားမယ်လို့ မြန်မာနိုင်ငံဆီစက်ပိုင်ရှင်များအသင်းကသိရပါတယ်။

#Local_News
Published 20 October 2026
#မြေပဲဆီ_နှမ်းဆီ_နေကြာဆီ
#YMG/NN #Yangon_Times