လာမယ့်ဆောင်းရာသီမှာ မြန်မာနိုင်ငံဒေသအများစု အပူချိန်ပုံမှန်ထက် ပိုမိုမြင့်တက်နိုင်သလို ပင်လယ်ပြင်တွေမှာလည်း မုန်တိုင်းငယ်(၄)ကြိမ်ခန့် ဖြစ်ပေါ်နိုင်တယ်လို့ မိုးလေဝသခန့်မှန်းချက်အရ သိရပါတယ်။

#Local_News
Published 29 October 2026
#ဆောင်းရာသီ #အပူချိန်မြင့်တက်
#YMG/SW #Yangon_Times

အင်ဒိုနီးရှားနိုင်ငံ၊ Indonesia Convention Exhibition (ICE BSD) ၌ ကျင်းပပြုလုပ်ခဲ့တဲ့(၄၁)ကြိမ်မြောက်အင်ဒိုနီးရှားကုန်စည်ပြပွဲကြီးရဲ့ Pavilion Coffee တွင် မြန်မာနိုင်ငံကော်ဖီအသင်း (MCA) နဲ့ အင်ဒိုနီးရှား ကော်ဖီနှင့်ကိုကိုးသုတေသန အင်စတီကျု (ICCRI) သက်ဆိုင်ရာ မိတ်ဖက်အဖွဲအစည်းတိုအကြား ပူးပေါင်းဆောင်ရွက်ရေးဆိုင်ရာ နားလည်မှုစာချွန်လွှာ (MoU) ကို အောက်တိုဘာလ တတိယအပတ်ကအောင်မြင်စွာ လက်မှတ်ရေးထိုးခဲ့ကြတယ်လို့ မြန်မာနိုင်ငံကော်ဖီအသင်းကနေသိရပါတယ်။

#Local_News
Published 29 October 2026
#အင်ဒိုနီးရှားနိုင်ငံ #ကော်ဖီ
#YMG/NN #Yangon_Times

#Local_News
Published 29 October 2026

■ မြန်မာ့ရိုးရာယဉ်ကျေးမှုအနုပညာအမွေအနှစ်များကို မျိုးဆက်သစ်များထံ လက်ဆင့်ကမ်းထိန်းသိမ်းပြီး ရိုးရာအနှစ်သာရမပျောက်ပျက်စေရေးနှင့် ခေတ်မီဒီဂျစ်တယ်နည်းပညာများ အသုံးချကာ ရေရှည်ရှင်သန်ဖွံ့ဖြိုးရေး ကြိုးပမ်းကြရန် နိုင်ငံတော်သမ္မတ ဦးမင်းအောင်လှိုင်က တိုက်တွန်းပြောကြားသည်။

■ ယနေ့အောက်တိုဘာ ၂၉ ရက် နံနက်ပိုင်းက နေပြည်တော်တွင် ကျင်းပသည့် (၂၇) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဆုချီးမြှင့်ပွဲအခမ်းအနားတွင် ၎င်းက အထက်ပါအတိုင်း ပြောကြားခဲ့ခြင်းဖြစ်သည်။

■ မြန်မာ့ရိုးရာယဉ်ကျေးမှုတွင် မဟာဂီတ၊ ခေတ်ဟောင်းကာလပေါ်တေးသီချင်း၊ မြန်မာ့မူဟန်အက၊ ရိုးရာတူရိယာ၊ ဇာတ်သဘင်နှင့် ရုပ်စုံသဘင်တို့သည် ခေတ်အဆက်ဆက် လက်ဆင့်ကမ်းလာသည့် အနုပညာအမွေအနှစ်များဖြစ်ကြောင်း၊ ယင်းအမွေအနှစ်များကို ထိန်းသိမ်းမြှင့်တင်ရန်နှင့် ဝါရင့်အနုပညာရှင်များ၏ အတတ်ပညာ၊ အတွေ့အကြုံများကို မျိုးဆက်သစ်များထံ လက်ဆင့်ကမ်းပေးရန်လိုအပ်ကြောင်း ၎င်းကပြောကြားသည်။

■ ယခုနှစ်ပြိုင်ပွဲတွင် ယခင်နှစ် မန္တလေးငလျင်ကြီးကြောင့် မကျင်းပနိုင်ခဲ့သည့် ပြိုင်ပွဲအမျိုးအစားအချို့အပါအဝင် ဝါသနာရှင်အဆင့်၊ ဇာတ်တော်ကြီးနှင့် ရုပ်စုံသဘင်အဖွဲ့လိုက်ပြိုင်ပွဲများကို ပြန်လည်ထည့်သွင်းကျင်းပနိုင်ခဲ့ကြောင်း၊ မျိုးဆက်သစ်လူငယ်များ၏ ပါဝင်ယှဉ်ပြိုင်မှုနှင့် ဆုရရှိမှု တိုးလာခြင်းသည် မြန်မာ့ရိုးရာအနုပညာအပေါ် စိတ်ဝင်စားမြတ်နိုးမှု တိုးတက်လာခြင်းဖြစ်ကြောင်းလည်း ပြောကြားခဲ့သည်။

■ ထို့ပြင် အဆို၊ အက၊ အရေး၊ အတီးပြိုင်ပွဲများသည် အနုပညာယှဉ်ပြိုင်မှုသက်သက်မဟုတ်ဘဲ တိုင်းရင်းသားတို့၏ ရိုးရာယဉ်ကျေးမှုများကို ဖော်ထုတ်ထိန်းသိမ်းပြီး မျိုးဆက်သစ်အနုပညာရှင်များအကြား ပေါင်းကူးဆက်သွယ်ပေးသည့် အခမ်းအနားများဖြစ်ကြောင်း၊ မိမိတို့၏ ယဉ်ကျေးမှုကို တန်ဖိုးထားသကဲ့သို့ အခြားတိုင်းရင်းသားများ၏ ယဉ်ကျေးမှုကိုလည်း အပြန်အလှန်လေးစားကာ ပြည်ထောင်စုစည်းလုံးညီညွတ်ရေးကို ပိုမိုခိုင်မာအောင်ဆောင်ရွက်ကြရန် တိုက်တွန်းခဲ့သည်။

■ နိုင်ငံဖွံ့ဖြိုးတိုးတက်ရေးတွင် သဘာဝသယံဇာတ၊ ခေတ်မီနည်းပညာနှင့် လူ့စွမ်းအားအရင်းအမြစ်များအပြင် အမျိုးသားယဉ်ကျေးမှုအခြေခံများ ခိုင်မာရေးသည်လည်း အရေးကြီးကြောင်း၊ လူငယ်များအနေဖြင့် မြန်မာ့သမိုင်းအစဉ်အလာ၊ ရိုးရာယဉ်ကျေးမှုနှင့် လူမှုကျင့်ဝတ်တန်ဖိုးများကို သိရှိနားလည်ပြီး အမျိုးသားအကျိုးစီးပွားကို ကာကွယ်စောင့်ရှောက်လိုသည့် စိတ်ဓာတ်များ ရှင်သန်ခိုင်မာလာစေရန် လိုအပ်ကြောင်း ၎င်းကဆက်လက်ပြောကြားသည်။

■ ဆုရရှိသည့် အနုပညာရှင်များအနေဖြင့် အနုပညာအရည်အသွေး ပိုမိုတိုးတက်လာစေရန် ဆက်လက်လေ့လာလေ့ကျင့်ကြရန်နှင့် ဆုမရရှိသေးသူများအနေဖြင့်လည်း ဇွဲလုံ့လမလျှော့ဘဲ ဆက်လက်ကြိုးပမ်းကြရန် သမ္မတက အားပေးတိုက်တွန်းခဲ့ပြီး ရိုးရာယဉ်ကျေးမှုအမွေအနှစ်များ ရေရှည်ရှင်သန်ဖွံ့ဖြိုးရေးအတွက် အနုပညာရှင်များနှင့်တာဝန်ရှိသူများအားလုံး ပူးပေါင်းဆောင်ရွက်ကြရန် ပြောကြားခဲ့သည်။

#YMG/SW #Yangon_Times

YBS ယာဉ်တွေမှာ YPS ကတ်ဖြတ်စက် တပ်ဆင်ထားပေမဲ့ ကတ်ဖြတ်အသုံးပြုလို့မရအောင် လုပ်ဆောင်ထားတဲ့ ယာဉ်မောင်းတွေကို တစ်လတာ ရပ်နားစေတဲ့အထိ အရေးယူသွားမယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီက သိရပါတယ်။

#Local_News
Published 29 October 2026
#YBS #YPS
#YMG/SW #Yangon_Times

သီတင်းကျွတ်ရုံးပိတ်ရက်ကာလအတွင်း မန္တလေးတိုင်းဒေသကြီး၊ ညောင်ဦးမြို့နယ်ရှိ ပုဂံရှေးဟောင်းယဉ်ကျေးမှုနယ်မြေသို့ ခရီးသွားအများအပြားဝင်ရောက်ခဲ့ပြီး အောက်တိုဘာလ ၂၆ ရက်၊ သီတင်းကျွတ်လပြည့်နေ့မှာ ခရီးသွားဘုရားဖူးပြည်သူ သုံးသိန်းကျော်ဝင်ရောက်ခဲ့တယ်လို့ ဟိုတယ်နှင့် ခရီးသွားညွှန်ကြားမှုဦးစီးဌာန၊ ပုဂံရုံးခွဲကနေသိရပါတယ်။

#Local_News
Published 29 October 2026
#သီတင်းကျွတ် #ပုဂံ
#YMG/NN #Yangon_Times

#Local_News
နေပြည်တော်၊ အောက်တိုဘာ ၂၉

■ နေပြည်တော်ကောင်စီနှင့် မြန်မာအာကာသအေဂျင်စီတို့ ကြီးမှူးသည့် အခြေခံပညာအဆင့် အာကာသဆိုင်ရာ ပန်းချီ၊ ကာတွန်းနှင့် ပိုစတာပြိုင်ပွဲကို နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၁ (MICC-1) ၌ နိုဝင်ဘာ ၁၀ ရက်မှ ၁၂ ရက်အထိ ခမ်းနားစွာ ကျင်းပမည်ဖြစ်ပြီး ပါဝင်ယှဉ်ပြိုင်လိုသူများသည် သက်ဆိုင်ရာကျောင်းများမှတစ်ဆင့် နိုဝင်ဘာ ၄ ရက် နောက်ဆုံးထား၍ နေပြည်တော်တိုင်းပညာရေးမှူးရုံးသို့ စာရင်းပေးသွင်းလျှောက်ထားရမည်ဖြစ်ကြောင်း သိရသည်။

■ ပြိုင်ပွဲကို မူလတန်းအဆင့်အတွက် “အာကာသအိပ်မက်” ခေါင်းစဉ်ဖြင့် နိုဝင်ဘာ ၁၀ ရက်၊ အလယ်တန်းအဆင့်အတွက် “လူသားနှင့် အနာဂတ်အာကာသ” ခေါင်းစဉ်ဖြင့် နိုဝင်ဘာ ၁၁ ရက်၊ အထက်တန်းအဆင့်အတွက် “အသုံးချလေ့လာ အာကာသနည်းပညာ” ခေါင်းစဉ်ဖြင့် နိုဝင်ဘာ ၁၂ ရက်တို့တွင် ကျင်းပမည်ဖြစ်သည်။ ဆုချီးမြှင့်ပွဲကို နိုဝင်ဘာ ၁၃ ရက်တွင် ပြုလုပ်မည်ဖြစ်သည်။

■ မူလတန်းအဆင့်တွင် ပထမဆု ကျပ်ငါးသိန်း၊ ဒုတိယဆု ကျပ်လေးသိန်း၊ တတိယဆု ကျပ်သုံးသိန်းနှင့် အထူးဆု ၁၀ ဆုအတွက် တစ်ဆုလျှင် ကျပ်နှစ်သိန်းစီ ချီးမြှင့်မည်ဖြစ်သည်။

■ အလယ်တန်းအဆင့်တွင် ပထမဆု ကျပ်ခုနစ်သိန်း၊ ဒုတိယဆု ကျပ်ခြောက်သိန်း၊ တတိယဆု ကျပ်ငါးသိန်းနှင့် အထူးဆု ၁၀ ဆုအတွက် တစ်ဆုလျှင် ကျပ်သုံးသိန်းစီ ချီးမြှင့်မည်ဖြစ်သည်။

■ အထက်တန်းအဆင့်တွင် ပထမဆု ကျပ် ၁၀ သိန်း၊ ဒုတိယဆု ကျပ်ကိုးသိန်း၊ တတိယဆု ကျပ်ရှစ်သိန်းနှင့် အထူးဆု ၁၀ ဆုအတွက် တစ်ဆုလျှင် ကျပ်ငါးသိန်းစီ ချီးမြှင့်မည်ဖြစ်သည်။

■ ဆုရရှိသူများအား ဆုတံဆိပ်နှင့် ဂုဏ်ပြုလက်မှတ်များ ပေးအပ်မည့်အပြင် ပါဝင်ယှဉ်ပြိုင်သူအားလုံးကိုလည်း ပါဝင်ယှဉ်ပြိုင်ကြောင်း လက်မှတ်နှင့် အမှတ်တရလက်ဆောင်များ ပေးအပ်မည်ဖြစ်သည်။

■ လူငယ်များ အာကာသသိပ္ပံနှင့် နည်းပညာကို စိတ်ဝင်စားလာစေရန်နှင့် အနုပညာမှတစ်ဆင့် သိပ္ပံဆိုင်ရာ စိတ်ကူးစိတ်သန်းများ ဖော်ထုတ်နိုင်ရန် ပြိုင်ပွဲကို ကျင်းပခြင်းဖြစ်သည်။

■ အကဲဖြတ်ရာတွင် သိပ္ပံဆိုင်ရာ စိတ်ကူးနှင့် တီထွင်ဖန်တီးမှု၊ အနုပညာလက်ရာနှင့် ကျွမ်းကျင်မှု၊ ရုပ်ပုံဖွဲ့စည်းမှု၊ ပေးလိုသည့်သတင်းစကားနှင့် ထူးခြားမှု၊ မြန်မာအငွေ့အသက်နှင့် အာကာသနယ်ပယ်ကို ဟန်ချက်ညီစွာ ပေါင်းစပ်ထားမှုတို့အပေါ် အမှတ်ပေးမည်ဖြစ်ကြောင်း ပြိုင်ပွဲကျင်းပရေးကော်မတီထံမှ သိရသည်။

#YMG #Yangon_Times #Yangon_Media_Group