#Local_News
Published 25 September 2025
▪️ Manulife Myanmar မှ ၂၀၂၅ ခုနှစ်အတွက် Great Place To Work® Certified™ အဖွဲ့အစည်း၏ “အလုပ်လုပ်ကိုင်ရန် အကောင်းဆုံးလုပ်ငန်းခွင်” ဟူသော တရားဝင်အသိအမှတ်ပြုမှုကို ရရှိခဲ့ပြီဖြစ်ကြောင်း သတင်းထုတ်ပြန်ချက်အရသိရသည်။
▪️ အဆိုပါ လက်မှတ်မှာ Great Place To Work’s Trust Index™ Survey မှ Manulife Myanmar ရှိ ဝန်ထမ်းများ၏အတွေ့အကြုံများအပေါ် အခြေခံကာ အကဲဖြတ်တိုင်းတာခဲ့ခြင်းလည်းဖြစ်ပြီး Great Place To Work® ဆိုသည်မှာ ကမ္ဘာလုံးဆိုင်ရာအဖွဲ့အစည်းတစ်ခုဖြစ်ပြီး လုပ်ငန်းခွင်ယဥ်ကျေးမှုများ၊ ဝန်ထမ်းအတွေ့အကြုံများနှင့် စီးပွားရေးနှင့်စပ်ဆက်သော ရလဒ်ကောင်းများရရှိစေရန်အတွက် အကဲဖြတ်တိုင်းတာမှုများ ပြုလုပ်ပေး လျက်ရှိသော ယုံကြည်အားထားရသည့် အဖွဲ့အစည်းတစ်ခုလည်းဖြစ်သည်။
▪️ “အခုလို အလုပ်လုပ်ဖို့ အကောင်းဆုံးလုပ်ငန်းခွင်ဆိုတဲ့ အသိအမှတ်ပြုမှုဆုကိုရရှိတယ်ဆိုတာ ကျွန်တော်တို့အနေနဲ့ Manulife ဆိုတဲ့ ရပ်ဝန်းလေးမှာ ဝန်ထမ်းတွေနဲ့ လူသားရင်းမြစ်တွေအပေါ်မှာ တန်ဖိုးထားမှုတွေ၊ ပူးပေါင်းလုပ်ဆောင်နိုင်စွမ်းအားနဲ့ စိတ်အားထက်သန်မှုအပြည့်နဲ့ ကြိုးပမ်းအားထုတ်နေကြတယ်ဆိုတဲ့အပေါ် ရောင်ပြန်ဟပ်တဲ့ မှတ်တိုင်တစ်ခုပါပဲ။” ဟု Manulife Myanmar ၏ CEO နှင့် General Manager ဖြစ်သူ Gaurav Sharma ကပြောကြားခဲ့သည်။
▪️ ၎င်းတို့၏ အကဲဖြတ်တိုင်းတာခြင်းနှင့် အသိအမှတ်ပြုလက်မှတ်ထုတ်ပေးသည့် လုပ်ငန်းစဥ်များသည် လုပ်ငန်းခွင်များရှိဝန်ထမ်းများ၏ အသံများကို ထင်ဟပ်စေနိုင်ရုံသာမက လူသားအရင်းအမြစ်အပေါ် ဦးစားပေးတန်ဖိုးထားသော အဖွဲ့အစည်းများကိုသာ မီးမောင်းထိုးရွေးချယ်ဖော်ပြခြင်းလည်း ဖြစ်ကြောင်းသိရသည်။
▪️ “ဒီအသိအမှတ်ပြုမှုက အောင်မြင်မှုတွေဆီကို ကတိကဝတ်တွေထားရှိပြီး မဆုတ်မနစ်ကြိုးစားပုံဖော်နေကြတဲ့ ကျွန်တော့်တို့ Manulife Myanmar အဖွဲ့ကြီးတစ်ခုလုံးနဲ့ သက်ဆိုင်တာဖြစ်ပါတယ်။ အခုရရှိတဲ့ အသိအမှတ်ပြုမှုကို အားလုံးနဲ့အတူ ဂုဏ်ပြုရင်း ဝန်ထမ်းတိုင်း ပျော်ရွှင်အောင်မြင်ဖို့ ပျိုးထောင်ပေးနိုင်တဲ့ လုပ်ငန်းခွင်တစ်ခုအဖြစ်ဆက်လက်ရပ်တည်သွားနိုင်ဖို့ အာရုံစိုက်လုပ်ကိုင်သွားမှာဖြစ်ပါတယ်” ဟု Gaurav ကဆက်လက်ပြောကြားသည်။
▪️ ထို့အပြင် Great Place To Work Certification ဆိုသည်မှာ ဝန်ထမ်းများ၏ အတွေ့အကြုံများအပေါ် တသမတ်တည်းတိုင်းတာပြီး ရည်ရွယ်ချက်များ ထိရောက်စေရန် စဥ်ဆက်မပြတ်ဦးတည်အာရုံစိုက်လုပ်ဆောင်ခြင်းမှ ရရှိလာသည့် မြင့်မားသော ကမ္ဘာလုံးဆိုင်ရာ အသိအမှတ်ပြုမှုတစ်ခုဖြစ်ကြောင်း Great Place To Work ရှိ Global Recognition ၏ ဒုတိယဥက္ကဌဖြစ်သူ Sarah Lewis-Kulin ကပြောသည်။
▪️ “အခုလို အသိအမှတ်ပြုတာကို အောင်မြင်စွာ ရရှိခဲ့ခြင်းက Manulife Myanmar ဟာ အလုပ်လုပ်ကိုင်ဖို့အတွက် ထိပ်တန်းကုမ္ပဏီ တစ်ခုအဖြစ် မြန်မာနိုင်ငံမှာ ရပ်တည်နေတယ်ဆိုတာကို ပြသနိုင်တာဖြစ်သလို သူ့ရဲ့ ဝန်ထမ်းတွေအတွက်လည်း ကောင်းမွန်တဲ့လုပ်ငန်းခွင်၊ ပတ်ဝန်းကျင်တစ်ခုကို ပေးစွမ်းဖို့အစွမ်းကုန်ပံ့ပိုးလုပ်ဆောင်ပေးနေတယ်ဆိုတာ ထင်ရှားပါတယ်။” ဟု ဆက်ပြောသည်။
▪️ Manulife Myanmar အနေဖြင့် မြန်မာ့လူမှုအသိုက်အဝန်းတွင် ထိပ်တန်းကုမ္ပဏီတစ်ခုအဖြစ်သာမက ယုံကြည်စိတ်ချရသော မိတ်ဖက်တစ်ဦးအဖြစ် ရှိစေရန် ဆန်းသစ်တီတွင်မှုနှင့်ပူးပေါင်းလုပ်ဆောင်မှုများအပေါ် မြှင့်တင်ခြင်းအားဖြင့် မိမိတို့၏ လုပ်ငန်းခွင်ရပ်တည်မှုအဆင့်အတန်းကို ထိန်းသိမ်းနိုင်ရန်ရည်ရွယ်သည်။
▪️ Manulife ၏ လုပ်ငန်းခွင်စံသတ်မှတ်ချက်များနှင့် တန်ဖိုးများအတိုင်း Customer များကိုဦးစားပေးလုပ်ဆောင်လျက်ရှိပြီး ၎င်းတို့၏လိုအပ်ချက်များနှင့် ပြင်းပြသောဆန္ဒများအပေါ်ဦးတည်ပြီး ကျွန်ုပ်တို့အနေဖြင့် လုပ်ကိုင်ဆောင်ရွက်လျှက်ရှိသည်။
▪️ ထို့အပြင် ခွဲခြားဆက်ဆံခြင်းကင်းပြီး အတူတကွပူးပေါင်းလုပ်ဆောင်တတ်သော Manulife ၏ လုပ်ငန်းခွင်ယဥ်ကျေးမှုကြောင့် ဝန်ထမ်းများအနေဖြင့် အင်ပြည့်အားပြည့် ထည့်ဝင်ကာ အလုပ်လုပ်နိုင်စွမ်းကို ဖြစ်ပေါ်စေပြီး ထိုသို့သော ပူးပေါင်းဆောင်ရွက်မှုများကို အရှိန်မြင့်တင်ခြင်းဖြင့် Customer များနှင့် လူမှုအသိုက်အဝန်းအတွက် အရေးပါသောသက်ရောက်မှုများကို ဖန်တီးနိုင်စေမည်ဖြစ်ကြောင်း သိရသည်။
#YMG/NN #Yangon_Times
နေပြည်တော်အပါအဝင် တိုင်းနဲ့ ပြည်နယ်ရှစ်ခုမှာ မိုးကြီးပြီးသဘာဝဘေးကျရောက်နိုင်တာကြောင့် ဆည်မြောင်းတာတမံတွေနဲ့ မြစ်ချောင်းကမ်းအနီးနေထိုင်သူတွေကို သတိပြုနေထိုင်ကြဖို့ မိုးလေဝသနှင့်ဇလဗေဒညွှန်ကြားမှုဦးစီးဌာနက ယမာန်နေ့ညနေက အထူးမိုးလေဝသသတင်းတစ်ရပ်ထုတ်ပြန်ပြီး အသိပေးပါတယ်။
#Local_News
Published 24 September 2025
#ဆည်မြောင်းတာတမံများ #မြစ်ချောင်းကမ်းအနီး
#YMG/NN #Yangon_Times
ဈေးကွက်ဝယ်လိုအားမြင့်တက်လာတာကြောင့် Hass အမျိုးအစားထောပတ်သီးတွေကို တိုးချဲ့စိုက်ပျိုးသွားမယ်လို့ မြန်မာနိုင်ငံထောပတ်သီးစိုက်ပျိုးထုတ်လုပ်တင်ပို့ရောင်းချသူများအသင်း (MAVO)မှ သိရပါတယ်။
#Local_News
Published 24 September 2025
#Hass #ထောပတ်သီး
#YMG/SW #Yangon_Times
#Local_News
Published 24 Sept 2025
▪️ မြန်မာနိုင်ငံတွင် စွမ်းအားမြှင့်မီးဖိုများ ဖြန့်ဖြူးခြင်းစီမံကိန်း (ICSP)၏ ကျေးလက်ဒေသဖွံ့ဖြိုးရေးရန်ပုံငွေဖြင့် ဆောင်ရွက်မည့် ကျေးရွာ ၂၆ ရွာအား ရန်ပုံငွေပေးအပ်ခဲ့ကြောင်းသိရသည်။
▪️ အဆိုပါ စွမ်းအားမြှင့်မီးဖိုများ ဖြန့်ဖြူးခြင်းစီမံကိန်းမှရရှိသော ကျေးလက်ဒေသ ဖွံ့ဖြိုးရေးရန်ပုံငွေဖြင့် ကျေးရွာ ၂၆ ရွာကို ရွေးချယ်ပြီး ရန်ပုံငွေများပေးအပ်ခြင်းအခမ်းအနားကို ယမာန်နေ့က နေပြည်တော်ဇေယျာသီရိမြို့နယ် ရေဆင်းရှိစိုက်ပျိုးပညာပေးရေးနှင့် ကျေးလက်ဒေသဖွံ့ဖြိုးရေးသင်တန်းကျောင်း AERDTC ခန်းမ၌ ကျင်းပရာ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမင်းနောင်၊ ဒုတိယဝန်ကြီးများ၊ အမြဲတမ်းအတွင်းဝန်နှင့် ညွှန်ကြားရေးမှူးချုပ်များ၊ ဌာနဆိုင်ရာတာဝန်ရှိသူများ၊ ကျေးရွာခေါင်းဆောင်များ တက်ရောက်ကြသည်။
▪️ ပြည်ထောင်စုဝန်ကြီးက ကျေးရွာသစ်လှုပ်ရှားမှုစီမံကိန်း စံပြကျေးရွာဆောင်ရွက်ကြသည့် ကျေးရွာခေါင်းဆောင်များက မိမိတို့ကျေးရွာဖွံ့ဖြိုးတိုးတက်စေရန် စီမံကိန်းတွင် ရွာသူရွာသားများ တက်တက်ကြွကြွ ပါဝင်အောင်စည်းရုံးနိုင်သော ခေါင်းဆောင်ကောင်းများဖြစ်အောင် ကြိုးစားအားထုတ်ကြရန်လိုကြောင်း “ကျေးရွာများဖွံ့ဖြိုးတိုးတက်ရေးသည် နိုင်ငံဖွံ့ဖြိုးတိုးတက်မှု၏ အခြေခံဖြစ်သည်” ဆိုသော ကျေးရွာသစ် လှုပ်ရှားမှုစီမံကိန်း၏ လက်စွဲဆောင်ပုဒ်နှင့်အညီ မိမိတို့နိုင်ငံ ဖွံ့ဖြိုးတိုးတက်ရေးအတွက် နိုင်ငံအတွင်းရှိ ကျေးရွာများအားလုံး ဖွံ့ဖြိုးတိုးတက်အောင် အတူလက်တွဲ၍ ကြိုးစားဆောင်ရွက်ကြရန် တိုက်တွန်းပါကြောင်း ပြောကြားသည်။
▪️ အဆိုပါ အခမ်းအနားတွင် စိုက်ပျိုးရေးဦးစီးဌာန ညွှန်ကြားရေးမှူးချုပ် ဒေါက်တာရဲတင့်ထွန်းက ကျေးရွာသစ်လှုပ်ရှားမှုစံပြကျေးရွာများ အကောင်အထည်ဖော်ဆောင်ရွက်နေမှုနှင့် ဆက်လက်ဆောင်ရွက်မည့် အစီအစဉ်များကို တင်ပြပြီးနောက် ပြည်ထောင်စုဝန်ကြီးက စီမံကိန်းဒေသများဖြစ်သည့် ပဲခူး၊ မကွေး၊ ရန်ကုန်၊ ဧရာဝတီတိုင်းဒေသကြီးနှင့် ရှမ်းပြည်နယ်ရှိ ကျေးရွာ ၂၆ ရွာအတွက် ရန်ပုံငွေများပေးအပ်ပြီး ဒုတိယဝန်ကြီး ဒေါက်တာတင်ထွဋ်က သင်တန်းထောက်ပံ့ပစ္စည်းများပေးအပ်ရာ ကျေးရွာခေါင်းဆောင်တစ်ဦးစီက လက်ခံရယူကြသည်။
▪️ ယင်းအခမ်းအနားတွင် တိုင်းဒေသကြီးနှင့် ပြည်နယ်ငါးခုရှိ ကျေးရွာ ၂၆ ရွာမှ ကျေးရွာသစ် လှုပ်ရှားမှု စံပြကျေးရွာစီမံကိန်းအဖြစ် အကောင်အထည်ဖော်ရန် ပေအပ်ခြင်းဖြစ်ပြီး စီမံကိန်းကျေးရွာများ ဖွံ့ဖြိုးတိုးတက်ရေးအတွက် လုပ်ငန်းများလျာထားအကောင်အထည်ဖော် ဆောင်ရွက်ရာတွင် အားနည်းချက်များမရှိစေရန် ငွေစာရင်းလုပ်ထုံးလုပ်နည်း လမ်းညွှန်ချက်နှင့်အညီ ဆောင်ရွက်နိုင်ရန် သက်ဆိုင်ရာသင်တန်းကိုလည်း တစ်ပါတည်းပို့ချပေးပြီးဖြစ်ကြောင်း သိရသည်။
#YMG/NN #Yangon_Times
မြန်မာစားသောက်ကုန်လုပ်ငန်း ၁၈၀၀ နီးပါးကို တရုတ်နိုင်ငံရဲ့အကောက်ခွန်အထွေထွေအုပ်ချုပ်မှုအာဏာပိုင်အဖွဲ့ (GACC)မှာ မှတ်ပုံတင် လျှောက်ထားတယ်လို့ မြန်မာကုန်သွယ်မှုမြှင့်တင်ရေးအဖွဲ့ကနေ သိရပါတယ်။
#Local_News
Published 24 September 2025
#GACC #မြန်မာစားသောက်ကုန်လုပ်ငန်း
#YMG/NN #Yangon_Times
တက္ကသိုလ်ဝင်တန်း(Grade 12)အောင်မြင်ထားတဲ့ ကျောင်းသားကျောင်းသူတွေအနေနဲ့ (၂၀၂၅-၂၀၂၆) ပညာသင်နှစ်အတွက် မြန်မာသတင်းအချက်အလက်နည်းပညာတက္ကသိုလ်ဝင်ခွင့် လျှောက်ထားနိုင်တယ်လို့ သိရပါတယ်။
#Local_News
Published 24 September 2025
#တက္ကသိုလ်ဝင်တန်း # မြန်မာသတင်းအချက်အလက်နည်းပညာတက္ကသိုလ်
#YMG/SW #Yangon_Times
#Daily_News
Published 24 September 2025
၁။ မြန်မာလုပ်ငန်း (၁၈၀၀) နီးပါး GACC တွင် မှတ်ပုံတင်ထား
၂။ ဈေးကွက်ဝယ်လိုအားကြောင့် Hass ထောပတ်သီးများ တိုးချဲ့စိုက်ပျိုးမည်
၃။ ဆည်မြောင်းတာတမံများနှင့်မြစ် ၊ချောင်းကမ်းအနီးနေသူများအား မိုးဇလ သတိပေး
၄။ ယူနက်စ်ကို၏ STEMပညာရေးနိုင်ငံတကာတက္ကသိုလ်ကြီး ရှန်ဟိုင်း၌တရားဝင်ဖွင့်လှစ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
Page 20 of 2147
