#Local_News
Published 07 October 2026
■ ရောဝတီတိုင်းဒေသကြီး အနောက်ဘက်ကမ်းခြေဒေသများဖြစ်သည့် ရွှေသောင်ယံ၊ ချောင်းသာ၊ ငွေဆောင်၊ ဂေါ်ရင်ဂျီ၊ ဟိုင်းကြီး အပါအဝင် ရောဝတီတိုင်းဒေသကြီးအတွင်းရှိ မြို့နယ်အသီးသီးတွင် တည်ရှိသည့် မြေလွတ်၊ မြေလပ်နှင့် မြေရိုင်းများကိုဥပဒေနှင့်အညီ လျှောက်ထားရယူခြင်းမရှိဘဲ မိမိတို့၏သဘောဖြင့် နယ်နိမိတ်သတ်မှတ်၍ ခြံခတ်ခြင်း၊ စီးပွားရေးလုပ်ငန်းများ လုပ်ကိုင်ခြင်း၊ တစ်ဆင့်ပြန်လည်ရောင်းချခြင်းတို့ကို ဆောင်ရွက်ပါကဥပဒေအရ အရေးယူခြင်းခံရမည်
ဖြစ်ကြောင်း ဧရာဝတီတိုင်းဒေသကြီး ၊ပုသိမ်မြို့ ၊ မြေလွတ်၊မြေလပ်နှင့်မြေရိုင်းများစီမံခန့်ခွဲရေးကော်မတီ၏ ထုတ်ပြန်ချက်အရသိရသည်။
■ ထိုသို့ဆောင်ရွက်ပါက မြေလွတ်၊ မြေလပ်နှင့် မြေရိုင်းများစီမံခန့်ခွဲရေး ဥပဒေအရကျူးလွန်ဆောင်ရွက်ခြင်းဖြစ်ကြောင်း ၊ယင်းသို့ကျူးလွန်ဆောင်ရွက်သူများအား မြေလွတ်၊ မြေလပ်နှင့်မြေရိုင်းများစီမံခန့်ခွဲရေးဥပဒေပုဒ်မ ၂၂၊ ပုဒ်မခွဲ(ခ)၊ ပုဒ်မခွဲငယ်(၃)ပါ သတ်မှတ်ကာလအတွင်းလျှောက်ထားခြင်းမရှိဘဲ မြေလွတ်၊ မြေလပ်နှင့်ဖြေရိုင်းများအပေါ်တွင် ရယူလုပ်ကိုင်အသုံးပြုလျှင်သော်လည်းကောင်း၊ ယင်းသို့ လျှောက်ထားသည့်အခါ ဗတိုတော်မတီ သို့မဟုတ် သက်ဆိုင်ရာစီမံခန့်ခွဲရေးကော်မတီက ခွင့်ပြုရန်မသင့်သည့်အတွက် မြေလွတ်၊ မြေလပ်နှင့်မြေရိုင်းပေါ်မှ ထွက်ခွာဖယ်ရှားစေရန် ညွှန်ကြားသည့်အမိန့်ကို မလိုက်နာဘဲ ဆက်လက်ရယူအသုံးပြုလျှင်သော်လည်းကောင်း ဥပဒေအရ အရေးယူခြင်းခံရမည်ဖြစ်ကြောင်း သိရသည်။
■ ထို့အပြင် မြေလွတ်၊ မြေလပ်နှင့် မြေရိုင်းများပေါ်တွင် ခွင့်ပြုမိန့်မရှိဘဲ ဝင်ရောက်ကျူးကျော်နေထိုင်ခြင်း၊ ဝင်ရောက်ကျူးကျော်လုပ်ကိုင်ခြင်း၊ ဗဟိုကော်မတီနှင့် တိုင်းဒေသကြီးစီမံခန့်ခွဲရေးကော်မတီတို့၏ ခွင့်ပြုမိန့်မရရှိဘဲ မြေလွတ်၊ မြေလပ်နှင့်မြေရိုင်းများကို အသုံးပြုသူမည်သူမဆို မြေလွတ်၊ မြေလပ်နှင့်မြေရိုင်းများ စီမံခန့်ခွဲရေး ဥပဒေပုဒ်မ၂၇ နှင့် ပုဒ်မ၂၇-က ပါ ပြဋ္ဌာန်းချက်များနှင့်အညီ အရေးယူဆောင်ရွက်သွားမည်ဖြစ်ပါကြောင်း အသိပေးကြေညာထားကြောင်း သိရသည်။
#YMG/NN #Yangon_Times
#Local_News
Published 7 October 2026
■ ရန်ကုန်တိုင်းဒေသကြီး၊ မင်္ဂလာဒုံမြို့နယ်ရှိ တပ်မတော်အရိုးရောဂါအထူးကုဆေးရုံကြီးတွင် မော်တော်ဆိုင်ကယ်မတော်တဆမှုကြောင့် ဘယ်ဘက်ပခုံးအဆစ်မှ လက်လုံးဝပြတ်တောက်သွားသည့် အသက် ၉ နှစ်အရွယ်ကလေးငယ်၏ လက်ကို Replantation Surgery ဖြင့် အောင်မြင်စွာ ပြန်လည်တွဲဆက်ပေးနိုင်ခဲ့ကြောင်း သိရသည်။
■ ကလေးငယ်သည် စက်တင်ဘာ ၃ ရက်တွင် ဟုမ္မလင်းမြို့၌ ထိခိုက်ဒဏ်ရာရရှိခဲ့ပြီး ပြတ်တောက်သွားသည့်လက်ကို စနစ်တကျထိန်းသိမ်းကာ ဒဏ်ရာရရှိပြီး ၆ နာရီအတွင်း တပ်မတော်လေယာဉ်ဖြင့် ဆေးရုံသို့ ပို့ဆောင်နိုင်ခဲ့ခြင်းဖြစ်သည်။
■ ထိုနေ့တွင်ပင် ၆ နာရီကြာ Replantation Surgery ပြုလုပ်ပေးခဲ့ကြောင်းသိရသည်။
■ ထို့နောက် စက်တင်ဘာ ၃၀ ရက်တွင် Brachial Plexus Surgery၊ Nerve Graft Surgery၊ Internal Splintage နှင့် Split Skin Graft စသည့် ဒုတိယအဆင့်ခွဲစိတ်ကုသမှုများကို ၆ နာရီကျော်ကြာ ဆက်လက်ဆောင်ရွက်ပေးခဲ့သည်။
■ လက်ရှိတွင် ကလေးငယ်၏ ကျန်းမာရေးအခြေအနေ ကောင်းမွန်ပြီး ပြန်လည်တွဲဆက်ထားသည့်လက်၏ သွေးလည်ပတ်မှုနှင့် လှုပ်ရှားနိုင်မှုတို့ကို ဆက်လက်စောင့်ကြည့်ကုသပေးနေကာ ပြန်လည်သန်စွမ်းရေးလေ့ကျင့်ခန်းများဆောင်ရွက်ပေးသွားမည်ဖြစ်သည်။
■ ပခုံးအဆစ်မှ လက်လုံးဝပြတ်တောက်ခြင်း (Forequarter Amputation) သည် ဖြစ်ပွားမှုနည်းပါးသည့် ပြင်းထန်သောဒဏ်ရာဖြစ်ပြီး ယခုကဲ့သို့ အောင်မြင်စွာ ပြန်လည်တွဲဆက်နိုင်ခြင်းသည် ဆေးဘက်ဆိုင်ရာ အရေးပါသည့် မှတ်တိုင်တစ်ရပ်ဖြစ်လာကြောင်း သိရသည်။
#YMG/SW #Yangon_Times
#Local_News
Published 06 October 2026
■ ပြည်ထောင်စုသမ္မတမြန်မာနိုင်ငံနိုင်ငံေတာ်သမ္မတ ဦးမင်းအောင်လှိုင်သည် မလေးရှားနိုင်ငံ၏ ဖိတ်ကြားချက်အရ အောက်တိုဘာ ၇ ရက်မှ ၈ ရက်အထိ မလေးရှားနိုင်ငံသို့ တရားဝင်ခရီးသွားရောက်မည်ဖြစ်သည်။
■ ခရီးစဉ်အတွင်း မလေးရှားဝန်ကြီးချုပ် ဒါတိုဆရီ အန်ဝါ အီဘရာဟင်နှင့် တွေ့ဆုံ၍ နှစ်နိုင်ငံအကြား အဓိကကိစ္စရပ်များကို ဆွေးနွေးသွားမည်ဖြစ်သည်။
■ ဆွေးနွေးမည့်ကိစ္စရပ်များတွင် မလေးရှားနိုင်ငံ၌ တရားမဝင်ရောက်ရှိနေသည့် တိုင်းရင်းသားပေါင်းစုံပါဝင်သော မြန်မာနိုင်ငံသားများအား သဘောတူဆန္ဒလျှောက်၊ ဂုဏ်သိက္ခာရှိစွာနှင့် ဘေးကင်းလုံခြုံစွာ နေရပ်ပြန်လည်ပို့ဆောင်ရေးကိစ္စများလည်း ပါဝင်မည်ဖြစ်သည်။
■ ထို့ပြင် ခေါင်းဆောင်နှစ်ဦးအနေဖြင့် အာဆီယံမူဘောင်များအောက်တွင် ဆောင်ရွက်လျက်ရှိသည့် အကောင်အထည်ဖော်မှုများကိုလည်း သုံးသပ်ဆွေးနွေးကြမည်ဖြစ်သည်။
■ ယခုခရီးစဉ်သည် မလေးရှားဝန်ကြီးချုပ်အနေဖြင့် ၂၀၂၆ ခုနှစ် မေလတွင် ကျင်းပခဲ့သည့် (၄၈) ကြိမ်မြောက် အာဆီယံထိပ်သီးအစည်းအဝေး၏ ဆုံးဖြတ်ချက်များ၊ ဘုံသဘောတူညီချက် ၅ ချက် (5PC) နှင့်အညီ မြန်မာနိုင်ငံနှင့် ဆက်ဆံရာတွင် မူဝါဒအခြေပြု ထိတွေ့ဆက်ဆံမှုများကို ဆက်လက်ထိန်းသိမ်းနိုင်ရန် အခွင့်အရေးရရှိစေမည်ဖြစ်သည်။
■ မလေးရှားနိုင်ငံက ၂၀၂၅ ခုနှစ် အာဆီယံဥက္ကဋ္ဌအဖြစ် တာဝန်ယူစဉ်ကလည်း ဝန်ကြီးချုပ် ဒါတိုဆရီ အန်ဝါ အီဘရာဟင်သည် မြန်မာနိုင်ငံဆိုင်ရာ ထိတွေ့ဆက်ဆံမှု၏ တစ်စိတ်တစ်ပိုင်းအဖြစ် ထိုစဉ်က ဗိုလ်ချုပ်မှူးကြီး မင်းအောင်လှိုင်နှင့် နှစ်ကြိမ် တွေ့ဆုံခဲ့ဖူးသည်။
■ ထို့အပြင် မလေးရှားနိုင်ငံခြားရေးဝန်ကြီး ဒါတိုဆရီ ဥတမာ ဟာဂျီ မိုဟာမက် ဘင် ဟာဆန်သည် ၂၀၂၅ ခုနှစ် ဧပြီလ၊ အောက်တိုဘာလနှင့် ၂၀၂၆ ခုနှစ် မေလတို့တွင် မြန်မာနိုင်ငံသို့ သွားရောက်ခဲ့ဖူးသည်။
■ မြန်မာနိုင်ငံသည် အာဆီယံ၏ အရေးပါသော အဖွဲ့ဝင်နိုင်ငံတစ်နိုင်ငံဖြစ်ပြီး မလေးရှားနိုင်ငံအနေဖြင့်လည်း အာဆီယံအဖွဲ့ဝင်နိုင်ငံတစ်နိုင်ငံအနေဖြင့် မြန်မာနိုင်ငံတွင် ငြိမ်းချမ်းရေး၊ ပြန်လည်ရင်ကြားစေ့ရေးနှင့် လူသားချင်းစာနာထောက်ထားမှုဆိုင်ရာ အကူအညီများ ရရှိနိုင်ရေးအတွက် အာဆီယံ၏ ကြိုးပမ်းမှုများကို ဆက်လက်ထောက်ခံသွားမည်ဖြစ်သည်။
■ ဒေသတွင်း တည်ငြိမ်ရေးနှင့် သာယာဝပြောရေးအတွက်လည်း အာဆီယံအဖွဲ့ဝင်နိုင်ငံများအားလုံးနှင့် နီးကပ်စွာပူးပေါင်းဆောင်ရွက်သွားမည်ဖြစ်ကြောင်း သိရသည်။
#YMG/SW #Yangon_Times
လေကြောင်းလိုင်းတွေက သတ်မှတ်ထားတဲ့ ဈေးနှုန်းထက်ပိုမိုရောင်းချတာနဲ့ Fake Account တွေကနေတစ်ဆင့် လေယာဉ်လက်မှတ်ရောင်းချတာတွေ့ရှိပါကထိရောက်စွာ အရေးယူသွားမယ်လို့ လေကြောင်းပို့ဆောင်ရေး ညွှန်ကြားမှုဦးစီးဌာနက အသိပေးထားပါတယ်။
#Local_News
Published 06 October 2026
#လေယာဉ်လက်မှတ်
#YMG/SW #Yangon_Times
မွန်ပြည်နယ်၊ သံဖြူဇရပ်မြို့နယ်ရှိ ကျိုက္ခမီဆုတောင်းပြည့် ရေလယ်ဆံတော်ရှင်မြတ်ဘုရားကြီး၏ ဗုဒ္ဓပူဇနိယပွဲတော်ကို စည်ကားသိုက်မြိုက်စွာ ကျင်းပသွားမှာဖြစ်ရာ ဆွမ်းအိုးပွဲတော်ကိုလည်း သီတင်းကျွတ်လပြည့်နေ့၌ ကျင်းပသွားမယ်လို့ပွဲတော်ကျင်းပရေးကော်မတီကနေသိရပါတယ်။
#Local_News
Published 06 October 2026
#ကျိုက္ခမီရေလယ်ဘုရား #မွန်ပြည်နယ်
#YMG/NN #Yangon_Times
၂၀၂၆ ခုနှစ် ဆောင်းရာသီမှာ သီးထပ်စိုက်ပျိုးမယ့် တောင်သူတွေအတွက် စိုက်ပျိုးစရိတ်ချေးငွေတွေကို တိုးမြှင့်ထုတ်ချေးပေးသွားမယ်လို့ မြန်မာ့လယ်ယာဖွံဖြိုးရေးဘဏ်ကအသိပေးထားပါတယ်။
#Local_News
Published 06 October 2026
#တောင်သူ
#YMG/SW #Yangon_Times
စပါးရိတ်သိမ်းပြီးနောက်ပိုင်း လေလွင့်ဆုံးရှုးမှုများလျော့ချနိုင်ဖို့နဲ့ စပါးစိုက်တောင်သူများ ဝင်ငွေပိုမိုရရှိနိုင်စေဖို့ လာမယ့်စပါးလှိုင်လှိုင်ပေါ်ချိန်မှာ သိုလှောင်ရုံကုန်အပ်စနစ်ကိုဖော်ဆောင်ဖို့ သက်ဆိုင်ရာလုပ်ငန်းများနဲ့ ပူးပေါင်းဆောင်ရွက်နေတယ်လို့ မြန်မာနိုင်ငံဆန်စပါးအသင်းချုပ်ကနေသိရပါတယ်
#Local_News
Published 06 October 2026
#စပါး
#YMG/NN #Yangon_Times
Page 24 of 2478
