#Daily_News
Published 02 October 2026

၁။‌ ရေအောက်ဥမင်ပါဝင်သည့် နိုင်ငံတကာအဆင့်မီ ငါးပြတိုက်ရန်ကုန်တွင်တည်ဆောက်နေ

‌‎၂။ ‌MSMEs ထုတ်ကုန်များ ခေတ်မီလက်လီဈေးကွက်သို့တိုက်ရိုက်ချိတ်ဆက်နိုင်ရေးဆောင်ရွက်မည်

‎၃။‌‌‎ ၂၀၂၆ခုနှစ် နှစ်ကုန်ပိုင်းတွင် အယ်လ်နီညိုအမြင့်ဆုံးအခြေအနေသို့ရောက်ရှိနိုင်ဟုခန့်မှန်း

၄။‎ ယူနက်စကိုအသိအမှတ်ပြုခံရကာ ပန်းခြံများကိုလေဟာပြင်စာကြည့်တိုက်များအဖြစ် မော်ရိုကိုမြို့တော်ပြောင်းလဲ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ကိုရီးယားဈေးကွက်အတွင်း မြန်မာထုတ်ကုန်တွေ မိတ်ဆက်ပြသနိုင်ခဲ့တဲ့ “2026 ASEAN Panorama” ၅ လတာပြပွဲ ကျင်းပပြီးစီးပြီဖြစ်တယ်လို့သိရပါတယ်။

#Local_News
Published 02 October 2026
#ကိုရီးယားဈေးကွက် #2026_ASEAN_Panorama
#YMG/SW #Yangon_Times

#Local_News
Published 02 October 2026

■ AI Model Version 1 ကို အသုံးပြု၍ ဥပဒေမေးခွန်းများ မေးမြန်းခြင်း၊ ဖြေကြားခြင်းများကို စမ်းသပ်ဆောင်ရွက်နေပြီဖြစ်ကြောင်း AI နည်းပညာဖြင့် ဥပဒေအသိပညာပြန့်ပွားရေး ကြီးကြပ်မှုကော်မတီဥက္ကဋ္ဌ ဥပဒေရေးရာဝန်ကြီးဌာန ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါက်တာသီတာဦးက ပြောကြားသည်။
 
■ စက်တင်ဘာ၃၀ ရက်နေ့က ဥပဒေရေးရာဝန်ကြီးဌာန အစည်းအဝေးခန်းမ၌ ကျင်းပသည့် ဥပဒေရေးရာဝန်ကြီးဌာနနှင့် ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန၊ အမျိုးသားဉာဏ်ရည်တု နည်းပညာဖွံ့ဖြိုးတိုးတက်ရေးဦးစီးဌာနတို့ ပူးပေါင်း၍ ရှေ့ဆက်ဆောင်ရွက်မည့် AI နည်းပညာဖြင့် ဥပဒေအသိပညာပြန့်ပွားရေး လုပ်ငန်းများဆိုင်ရာ အစည်းအဝေးတွင် ထိုသို့ပြောကြားခဲ့ခြင်းဖြစ်သည်။
 
■ ထို့ပြင် ပြည်ထောင်စုဝန်ကြီးက AI Model Version 1 တွင် ဥပဒေအမေးအဖြေပေါင်း ၁၃၀၀၀၀ ကျော်ကို ထည့်သွင်းလေ့ကျင့်နိုင်ခဲ့ပြီး ထပ်မံထည့်သွင်းလေ့ကျင့်ရန် ဥပဒေ Domain များ ရွေးချယ်ထားကြောင်း၊ AI Model Version 1 ကို မကြာမီကာလတွင် အများပြည်သူသို့ Launching ပြုလုပ်နိုင်ရေး ကြိုးပမ်းဆောင်ရွက်ပေးကြစေလိုကြောင်း ပြောကြားသည်။
 
■ ထို့အတူ အမျိုးသားဉာဏ်ရည်တု နည်းပညာဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူးချုပ် ဒေါက်တာတင်ဘုန်းကျော်က Myanmar Legal Assistant AI Model Version 1 တွင် ဥပဒေသတင်းအချက်အလက်များ ထည့်သွင်းဆောင်ရွက်မှု၊ တိုးတက်မှုနှင့် နည်းပညာပိုင်းဆိုင်ရာ ဖြည့်ဆည်းဆောင်ရွက်ရန် လိုအပ်သည့်အခြေအနေနှင့်စပ်လျဉ်း၍ ဆွေးနွေးခဲ့ပြီး တက်ရောက်လာကြသည့် ဥပဒေအသိပညာပြန့်ပွားရေး ကြီးကြပ်မှုကော်မတီအဖွဲ့ဝင်များက ဆက်လက်ဆောင်ရွက်မည့် လုပ်ငန်းစဉ်များကိုဆွေးနွေးခဲ့ကြကြောင်း သိရသည်။
 
#YMG/NN #Yangon_Times

#Local_News
Published 02 October 2026

■ နှစ်စဉ် အောက်တိုဘာလမှ ဖေဖော်ဝါရီလအထိ ရန်ကုန်-မန္တလေး အမြန်လမ်းတစ်လျှောက်ရှိ အချို့လမ်းပိုင်းများတွင် ညပိုင်းနှင့် နံနက်အစောပိုင်းအချိန်များ၌ အပူချိန်ကျဆင်းခြင်းနှင့် လေထုအတွင်း စိုထိုင်းဆများပြားခြင်းတို့ကြောင့် မြူထူ/မြူ (Fog/Mist) ဖြစ်ပေါ်နိုင်သဖြင့် ယာဉ်မောင်းများအနေဖြင့် သတိပြုမောင်းနှင်ကြရန် အမြန်လမ်းမကြီးထိန်းသိမ်း ပြုပြင်ရေးနှင့် ကြီးကြပ်ရေးအဖွဲ့က အသိပေးထားသည်။

■ မြူထူ/မြူ ဖြစ်ပေါ်နိုင်သည့် လမ်းပိုင်းများတွင် လမ်းပေါ်နှင့် လမ်းဘေးဝဲယာရှိ မြေသားများပေါ်၌ ရေငွေ့များ စုဖွဲ့မှုကြောင့် မြင်ကွင်းအကန့်အသတ် ဖြစ်ပေါ်နိုင်ကြောင်း သိရသည်။
အဆိုပါ မြူထူနိုင်သည့် လမ်းပိုင်းများသို့မရောက်မီ အဝါရောင်နောက်ခံပေါ်တွင် အနက်ရောင်ဆေးသားဖြင့် “မြူထူထဲသို့ ဝင်နေသောကားပုံ” ပါဝင်သည့် လမ်းညွှန်သတိပေးဆိုင်းဘုတ်များကို စိုက်ထူထားကြောင်း သိရသည်။

■ ယာဉ်မောင်းများအနေဖြင့် အဆိုပါသတိပေးဆိုင်းဘုတ်များကို တွေ့ရှိပါက ရှေ့တွင် မြူကျနိုင်သည့် လမ်းပိုင်းရှိကြောင်း သိရှိပြီး အထူးဂရုပြုမောင်းနှင်ရန် လိုအပ်ကြောင်း အသိပေးထားသည်။

■ မြူထူနေချိန်တွင် လမ်းမြင်ကွင်းအကန့်အသတ် ဖြစ်နိုင်သဖြင့် ယာဉ်များအနေဖြင့် Fog Light များ အသုံးပြုခြင်း၊ သတ်မှတ်ထားသည့်အခြေအနေအရ ရှေ့မီးများကို သင့်လျော်စွာအသုံးပြုခြင်းနှင့် ယာဉ်အရှိန်လျှော့၍ မောင်းနှင်ခြင်းတို့ကိုပြုလုပ်ရန်လိုအပ်ကြောင်း အမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့ကအသိပေးထားသည်။

■ ထို့အပြင် မြူထူသည့်လမ်းပိုင်းများတွင် ရှေ့ယာဉ်နှင့်လုံလောက်သောအကွာအဝေး ထားရှိကာ လမ်းအခြေအနေကို အာရုံစိုက်၍မောင်းနှင်ကြရန်လည်း တိုက်တွန်းထားသည်။

#YMG/SW #Yangon_Times

#Local_News
Published 02 October 2026

■ India Myanmar Chamber of Commerce (IMCC) နှင့် Myanmar Women Entrepreneurs Network (MYANWEN) တို့အကြား အိန္ဒိယ-မြန်မာ စီးပွားရေးပူးပေါင်းဆောင်ရွက်မှုများနှင့် မြန်မာအမျိုးသမီး စီးပွားရေးလုပ်ငန်းရှင်များအကြား ဆက်သွယ်ပူးပေါင်းမှုများ ပိုမိုတိုးမြှင့်ဖော်ဆောင်နိုင်ရန် ရည်ရွယ်သည့် နားလည်မှုစာချွန်လွှာ (MOU) လက်မှတ်ရေးထိုးပွဲကို အောက်တိုဘာ ၁ ရက်တွင် ရန်ကုန်မြို့ရှိ MYANWEN ရုံးချုပ်၌ ကျင်းပခဲ့သည်။

■ အဆိုပါအခမ်းအနားကို M Tower (Office Tower)၊ အခန်း ၆၀၇၊ ဆဋ္ဌမထပ်ရှိ MYANWEN ရုံးချုပ်၌ ကျင်းပခဲ့ခြင်းဖြစ်ပြီး IMCC နှင့် MYANWEN တို့မှ တာဝန်ရှိသူများ၊ အဖွဲ့ဝင်များနှင့် ဧည့်သည်တော်များ တက်ရောက်ခဲ့ကြသည်။

■ အခမ်းအနားတွင် MYANWEN ဥက္ကဋ္ဌ ဒေါက်တာ စုလှဟန်က ကြိုဆိုနှုတ်ခွန်းဆက်စကား ပြောကြားခဲ့ပြီးနောက် MYANWEN နှင့် IMCC တို့မှ တာဝန်ရှိသူများက အသီးသီး မိတ်ဆက်နှုတ်ဆက်စကားများ ပြောကြားခဲ့ကြသည်။ ထို့နောက် MYANWEN ၏ လှုပ်ရှားဆောင်ရွက်မှုများကို မိတ်ဆက်ပေးသည့် Activity Video ကိုပြသခဲ့သည်။

■ ဆက်လက်၍ IMCC ဥက္ကဋ္ဌ Mr. Naresh Kumar Dinodiya က အမှာစကားပြောကြားရာတွင် IMCC ၏ လှုပ်ရှားဆောင်ရွက်မှုများနှင့် နှစ်ဖက်အဖွဲ့အစည်းများအကြား ပူးပေါင်းဆောင်ရွက်မှုများ ဖော်ဆောင်နိုင်ရေး၏ အရေးပါမှုများကို ရှင်းလင်းပြောကြားခဲ့သည်။

■ ထို့နောက် အခမ်းအနား၏ အဓိကအစီအစဉ်ဖြစ်သည့် IMCC နှင့် MYANWEN တို့အကြား MOU လက်မှတ်ရေးထိုးခြင်းကိုဆောင်ရွက်ခဲ့ပြီး နှစ်ဖက်အဖွဲ့အစည်းများ၏ ဥက္ကဋ္ဌများက ကိုယ်တိုင် လက်မှတ်ရေးထိုးခဲ့ကြသည်။

■ အဆိုပါ MOU လက်မှတ်ရေးထိုးမှုသည် အိန္ဒိယ-မြန်မာ စီးပွားရေးဆက်ဆံရေး ပိုမိုတိုးမြှင့်ရေးနှင့် မြန်မာအမျိုးသမီး စီးပွားရေးလုပ်ငန်းရှင်များအတွက် နိုင်ငံတကာစီးပွားရေးကဏ္ဍနှင့် ချိတ်ဆက်ပူးပေါင်းဆောင်ရွက်နိုင်မည့် အခွင့်အလမ်းများ ဖော်ဆောင်ရေးအတွက် နှစ်ဖက်အဖွဲ့အစည်းများ၏ ပူးပေါင်းဆောင်ရွက်မှုကို ပိုမိုခိုင်မာစေမည့် အစီအစဉ်တစ်ရပ်ဖြစ်‌ေကြာင်း သိရသည်။

#YMG/SW #Yangon_Times

လာမယ့်သီတင်းကျွတ်တွင် ပုဂံ၌ မီးပုံပျံ(၃၀၀၀)လွတ်တင်ရာတွင် ဘေးကင်းလုံခြုံရေးအတွက် နိုင်ငံခြားသား balloons ပိုင်းလော့များကို
ဖိတ်ခေါ်ဆောင်ရွက်သွားမယ်လို့ Bagan lover ကအသိပေးထားပါတယ်။

#Local_News
Published 01 October 2026
#ပုဂံ #သီတင်းကျွတ်
#YMG/NN #Yangon_Times