တနင်္သာရီတိုင်းဒေသကြီးအတွင်း သဘာဝဘေးအန္တရာယ်ဖြစ်ပွားနေချိန်မှာ အခြေအနေကို အခွင့်ကောင်းယူပြီး ကုန်ဈေးနှုန်းတွေမြင့်တက်အောင်ဆောင်ရွက်လာနိုင်တာကြောင့် ကြိုတင်ကာကွယ်စီမံထားဖို့ တိုင်းဒေသကြီးဝန်ကြီးချုပ် ဦးဇော်နိုင်ဦးက မှာကြားလိုက်ပါတယ်။

#Local_News
Published 08 October 2026
#သဘာဝဘေး #တနင်္သာရီတိုင်းဒေသကြီး
#YMG/SW #Yangon_Times

ဧရာဝတီတိုင်းဒေသကြီးအတွင်းရေကြီးနစ်မြုပ်တဲ့နေရာများမှာ ပြန်လည်စိုက်ပျိုးဖို့ မျိုးစပါးများ ဖြန့်ဝေပေးထားပြီး မတ်ပဲနဲ့ပဲတီစိမ်းမျိုးများကိုလည်း ဆက်လက်ဖြန့်ဝေပေးသွားမယ်လို့ တိုင်းဒေသကြီးစိုက်ပျိုးရေးဦးစီးဌာနက သိရပါတယ်။

#Local_News
Published 08 October 2026
#မတ်ပဲ #ပဲတီစိမ်းမျိုး
#YMG/NN #Yangon_Times

ဝါအခြေခံစက်မှုလုပ်ငန်းတွေ ဖွံ့ဖြိုးတိုးတက်ရေး၊ ပြည်တွင်းဝါကုန်ကြမ်းကို တန်ဖိုးမြှင့်ထုတ်ကုန်တွေအဖြစ် ပြောင်းလဲထုတ်လုပ်နိုင်ရေးနဲ့ MSME လုပ်ငန်းတွေရဲ့ ထုတ်လုပ်မှုစွမ်းရည် မြှင့်တင်နိုင်ရေးအတွက် ဝါအခြေခံစက်မှုလုပ်ငန်းများ ဖွံ့ဖြိုးတိုးတက်ရေးနဲ့ တန်ဖိုးကွင်းဆက်စရိတ် လေ့လာဆန်းစစ်ရေး အလုပ်ရုံဆွေးနွေးပွဲကို အောက်တိုဘာ ၇ ရက်က နေပြည်တော်မှာ စတင်ကျင်းပခဲ့ပါတယ်။

#Local_News
Published 08 October 2026
#ဝါ
#YMG/SW #Yangon_Times

#Daily_News
Published 08 October 2026

၁။‌ ပုဂံဒေသ ဟိုတယ်နှင့်တည်းခိုရိပ်သာများရှိ အခန်းပေါင်း ၄၀၀၀ ကျော်ကို တည်းခိုရန်ကြိုတင်စာရင်းပေးထားပြီးဖြစ်

‌‎၂။ ‌ သဘာဝဘေးကို အခွင့်ကောင်းယူပြီး ကုန်ဈေးနှုန်းမြှင့်တင်မှုမဖြစ်စေရေး ကြိုတင်စီမံရန် တနင်္သာရီဝန်ကြီးချုပ်မှာကြား

‎၃။‌‌‎ ရေကြီးနစ်မြုပ်သည့်နေရာများ၌ စိုက်ပျိုးရန် မတ်ပဲနှင့်ပဲတီစိမ်းမျိုးများဖြန့်ဝေပေးမည်

၄။‎ AIနည်းပညာကိုလက်တွေ့အသုံးချရေးကူးပြောင်းရန်ရည်ရွယ်သော (၂၀၂၆)ဘာစီလိုနာAIထိပ်သီးအစည်းအဝေးစတင်ကျင်းပ ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
ရန်ကုန်၊ အောက်တိုဘာ ၈

■ နိုင်ငံတော်သမ္မတ ဦးမင်းအောင်လှိုင် ဦးဆောင်သော မြန်မာအဆင့်မြင့်ကိုယ်စားလှယ် အဖွဲ့သည် မလေးရှားနိုင်ငံ ဝန်ကြီးချုပ် ဒါတို ဆရီ အန်နဝါ ဘင် အီဘရာဟင် ၏ ဖိတ်ကြားချက်အရ မလေးရှား နိုင်ငံသို့ တရားဝင်ခရီးစဉ် (Official Visit) ပြီးဆုံး၍ မလေးရှားနိုင်ငံ၊ ကွာလာလမ်ပူ အပြည်ပြည်ဆိုင်ရာ လေဆိပ်မှ မြန်မာနိုင်ငံ၊ နေပြည်တော်သို့ ပြန်လည်ထွက်ခွာခဲ့ကြောင်း သတင်းရရှိသည်။

■ ထိုသို့ ပြန်လည်ထွက်ခွာရာတွင် မလေးရှားနိုင်ငံ ရင်းနှီးမြှုပ်နှံမှု၊ ကုန်သွယ်ရေးနှင့် စက်မှုဝန်ကြီး မစ္စတာ ဒါတွတ်ဆရီ ဂျိုဟာရီ အဗ္ဗဒူလ် ဂါနီ ဦးဆောင်သည့် မလေးရှားနိုင်ငံအစိုးရအဖွဲ့မှ တာဝန်ရှိသူများ၊ မလေးရှားနိုင်ငံဆိုင်ရာ မြန်မာနိုင်ငံသံအမတ်ကြီး ဦးအောင်ကျော်မိုးနှင့် ဇနီး၊ မြန်မာစစ်သံ (ကြည်း၊ ရေ၊ လေ) ဗိုလ်မှူးချုပ် ညီညီဦးနှင့် တာဝန်ရှိသူများက လေဆိပ်၌ ပို့ဆောင်နှုတ်ဆက်ခဲ့ကြကြောင်းသိရသည်။

■ နိုင်ငံတော်သမ္မတ ဦးမင်းအောင်လှိုင်သည် မလေးရှားနိုင်ငံသို တရားဝင်ခရီးစဉ်အဖြစ် အောက်တိုဘာ ၇ ရက်က ရောက်ရှိခဲ့ခြင်းဖြစ်ပြီး နိုင်ငံတော်သမ္မတနှင့်အတူ ပြည်ထောင်စုဝန်ကြီးများ၊ အဆင့်မြင့်အစိုးရ တာဝန်ရှိသူများနှင့် သက်ဆိုင်ရာတာဝန်ရှိပုဂ္ဂိုလ်များ လိုက်ပါသွားခဲ့ကြသည်။

#YMG/SW #Yangon_Times

#Local_News
Published 08 October 2026

■ မဟာဓာတ်အားလိုင်း၆၆ ကေဗွီလိုင်းအား ကလေးမြို့မှ တီးတိန်မြို့သို့ သွယ်တန်းပေးခြင်းကို
နယ်မြေအခြေအနေအရ လုပ်ငန်းဆောင်ရွက်နိုင်သည့်အခါ ကျန်ရှိပစ္စည်းများ အပြီးသတ်ဝယ်ယူခြင်းနှင့် တည်ဆောက်ရေးလုပ်ငန်းများ ဆောင်ရွက်ခြင်းအား ပြည်ထောင်စုရန်ပုံငွေဖြင့် ဆက်လက် လျာထားဆောင်ရွက်သွားမည်ဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး ဦးအေးကျော်ကပြောသည်။

■ ယမန် နေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်သူ့လွှတ်တော် အစည်းအဝေးခန်းမ၌ကျင်းပသည့် တတိယအကြိမ် ပြည်သူ့လွှတ်တော် တတိယပုံမှန်အစည်းအဝေး ၁၃ ရက်မြောက်နေ့၌ တီးတိန်မဲဆန္ဒနယ်မှ ဦးဆလိုင်းအောင်ပြည့်၏ မဟာဓာတ်အားလိုင်း ၆၆ ကေဗွီလိုင်းအား ကလေးမြို့မှ တီးတိန်မြို့သို့ သွယ်တန်းပေးနိုင်ရန် အစီအစဉ် ရှိ မရှိ မေးခွန်းနှင့်စပ်လျဉ်း၍ လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး ဦးအေးကျော်က အထက် ပါအတိုင်းထည့်သွင်းပြောကြားခဲ့ခြင်းဖြစ်သည်။

■ ထိုသို့ ပြောကြားရာတွင်လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး ဦးအေးကျော်က လျှပ်စစ်နှင့်စွမ်းအင်ဝန်ကြီးဌာနအနေဖြင့် တီးတိန်မြို့အား မဟာဓာတ်အားလိုင်းစနစ်ဖြင့် ဓာတ်အားဖြန့်ဖြူးပေးနိုင်ရေးအတွက် ၆၆ ကေဗွီကလေး-တီးတိန်-သိုင်းငင်း ဓာတ်အားလိုင်း မိုင် ၄၀ နှင့် ၆၆ ကေဗွီ ဓာတ်အားခွဲရုံ တည်ဆောက်ခြင်းလုပ်ငန်းအား ၂၀၂၀ ပြည့်နှစ် ဇန်နဝါရီ ၂၁ ရက်တွင် ဂျပန်နိုင်ငံ JICA (MY-P30) ချေးငွေစီမံကိန်းအသစ်တွင် ထည့်သွင်းလျာထားခဲ့သော်လည်း ချေးငွေစီမံကိန်းအသစ်မှာ အကောင်အထည်မဖော်နိုင်ဘဲ ဆိုင်းငံ့လျက်ရှိပါသဖြင့် ချင်းပြည်နယ်အစိုးရအဖွဲ့၏ ညှိနှိုင်းတောင်းဆိုမှုအရ တီးတိန်မြို့သို့ မဟာဓာတ်အားလိုင်းစနစ် အမြန်ဆုံးရောက်ရှိနိုင်စေရေးအတွက် ၆၆ ကေဗွီ ကလေး-သိုင်းငင်း-တီးတိန် ဓာတ်အားလိုင်း မိုင် ၄၀ တည်ဆောက်ခြင်းအစား လျှပ်စစ်ဓာတ်အားရောက်ရှိပြီးဖြစ်သည့် ၆၆ ကေဗွီ ဂန့်ဂေါ-ဟားခါး-ဖလမ်း-သိုင်းငင်း ဓာတ်အားလိုင်းမှ ဆက်လက်ချိတ်ဆက်၍ ၆၆ ကေဗွီ သိုင်းငင်း-တီးတိန် ဓာတ်အားလိုင်း ၁၆ ဒသမ ၃ မိုင်နှင့် ၆၆ ကေဗွီ တီးတိန်ဓာတ်အားခွဲရုံ တည်ဆောက်ခြင်းလုပ်ငန်းအား ၂၀၂၂-၂ဝ၂၃ ဘဏ္ဍာရေးနှစ်မှစတင်၍ လျာထားဆောင်ရွက်ခဲ့ပါကြောင်း ၎င်းက ဆိုသည်။
 
■ ၆၆ ကေဗွီဓာတ်အားလိုင်း ၁၆ ဒသမ ၃ မိုင် တည်ဆောက်ခြင်းအတွက် ပြည်ထောင်စုရန်ပုံငွေဖြင့် ၂၀၂၃-၂၀၂၄ ဘဏ္ဍာရေးနှစ်တွင် ပထမအသုတ် တာဝါတိုင်များအား ငွေကျပ်သန်း ၁၂၉၂ ဒသမ ၉၂၀ ဖြင့်လည်းကောင်း၊ ၂၀၂၄-၂ဝ၂၅ ဘဏ္ဍာရေးနှစ်တွင် ဒုတိယအသုတ် တာဝါတိုင်များ၊ ၆၆/၁၁ ကေဗွီ ၁၀ အမ်ဗွီအေထရန်စဖော်မာနှင့် ဓာတ်အားခွဲရုံပစ္စည်းများအား ငွေကျပ် ၄၆၇၅ ဒသမ ၀၇၉ သန်းဖြင့်လည်းကောင်း စုစုပေါင်းငွေကျပ် ၅၉၆၇ ဒသမ ၉၉၉ သန်းဖြင့် တင်ဒါခေါ်ဝယ်ယူခဲ့သော်လည်း နယ်မြေအခြေအနေအရလုပ်ငန်းခွင်သို့ ပစ္စည်းပေးပို့နိုင်မှု မရှိသေးသဖြင့် နေပြည်တော်၊ ဌာနစတိုတွင်ပစ္စည်းများအား စုဆောင်းသိမ်းဆည်းထားရှိပြီး တည်ဆောက်ရေးလုပ်ငန်းများ လျာထားဆောင်ရွက်ခြင်းအား ရပ်နားထားခဲ့ပါကြောင်း ‌ဆက်လက်ပြောကြားသည်။
 
■ ကျန်ရှိသည့် တတိယအသုတ်တာဝါတိုင်နှင့် ဆက်စပ်ပစ္စည်းများ၊ ဓာတ်အားခွဲရုံ ဆက်စပ်ပစ္စည်းများနှင့် ဓာတ်အားလိုင်းနှင့် ဓာတ်အားခွဲရုံ မြို့ပြနှင့်လျှပ်စစ်ပိုင်းဆိုင်ရာ တည်ဆောက်စရိတ်များအတွက် ငွေကျပ် ၆၂၆၆ ဒသမ ၀၂၃ သန်းအား ထပ်မံလျာထားဆောင်ရွက်ရန် လိုအပ်မည်ဖြစ်ပြီး လတ်တလော နယ်မြေအခြေအနေအရ ပစ္စည်းများပို့ဆောင်ခြင်းနှင့် တည်ဆောက်ရေးလုပ်ငန်းများ ဆောင်ရွက်ခြင်းအား ဆက်လက်လျာထားဆောင်ရွက်နိုင်ခြင်း မရှိပါသဖြင့် နယ်မြေအခြေအနေအရ လုပ်ငန်းဆောင်ရွက်နိုင်သည့်အခါ ကျန်ရှိပစ္စည်းများ အပြီးသတ်ဝယ်ယူခြင်းနှင့် တည်ဆောက်ရေးလုပ်ငန်းများ ဆောင်ရွက်ခြင်းအား ပြည်ထောင်စုရန်ပုံငွေဖြင့် ဆက်လက်လျာထားဆောင်ရွက်သွားမည်ဖြစ်ပါကြောင်း ပြန်လည်ဖြေကြားခဲ့ကြောင်းသိရသည်။

#YMG/NN #Yangon_Times