#Health_Matters
Published - 10 Sep 2022

-ခရုအဖျားဆိုတာ ဘာလဲ???

#Yangon_Media_Group

#Local_News
Published _ 10 September 2022

လာမည့် သီတင်းကျွတ်မီးထွန်းပွဲတော်အတွက် မြန်မာ့ရိုးရာလက်မှုပညာတစ်ခုဖြစ်သည့် လက်လုပ်မီးပုံးများကို မန္တလေးဈေးကွက်တွင် စတင်ရောင်းချနေပြီး ယခင်နှစ်များထက် ဈေးအနည်းငယ်မြင့်တက်လာမှုရှိနိုင်ကြောင်း နှစ်စဉ်ရောင်းချနေသူအချို့မှ သုံးသပ်ထားသည်။

သီတင်းကျွတ်လပြည့်နေ့ကို အဓိကထားရောင်းချခြင်းဖြစ်ကာ ဘိုးစဉ်ဘောင်ဆက် မိရိုးဖလာ အလေ့အထတစ်ခုဖြစ်သောကြောင့် ပွဲတော်နေ့တွင် ဝယ်ယူမည့်သူများအဆင်ပြေစေရန် အတတ်နိုင်ဆုံးဈေးသက်သာစွာဖြင့် ရောင်းချပေးမည်ဟု မန္တလေးဈေးကွက်ရှိ မီးပုံးပြုလုပ်ရောင်းချသူတစ်ဦးက ဆိုသည်။

"ကြာဖူးပုံတွေနဲ့ ကလေးတွေကြိုက်တတ်တဲ့ လေယာဉ်ပျံပုံတွေ၊ ကားပုံတွေ၊ တိရစ္ဆာန်ပုံလေးတွေနဲ့ သင်္ဘောပုံတွေနဲ့ အခြားသောပုံတွေကို ကြိုတင်ပြုလုပ်ထားပါတယ်။ အဓိကကတော့ လပြည့်နေ့ကို ရည်ရွယ်ပေမယ့် အခုထဲက လာမှာကြတာတွေလည်းရှိပါတယ်။ တစ်နှစ်တခါ ဈေးကွက်ကတော့ပုံမှန်ပါပဲ၊ အခုက ကုန်ကြမ်းဈေးတက်တော့ ပစ္စည်းဈေးပါ အနည်းငယ်လိုက်တတ်တဲ့သဘောမျိုးပါ" ဟု ၎င်းက ပြောသည်။

အရုပ်အမျိုးအစား ၁၂မျိုးလောက် ရှိပြီး တရုတ်နိုင်ငံမှတင်သွင်းသည့် မှန်ရောင်စက္ကူ၊ ဆီစိမ်စက္ကူများဖြင့် ပြုလုပ်ကာ အရွယ်အစားဒီဇိုင်းတွေပေါ်မူတည်၍ အနည်းဆုံး ငွေကျပ် ၅၀၀မှ အများဆုံး ငွေကျပ် သောင်းဂဏန်းအထိရှိသည်။

သီတင်းကျွတ်မီးထွန်းပွဲတော်ရာသီ ထုတ်ကုန်များကို မြန်မာနိုင်ငံ အနှံအပြားသို့ တင်ပို့ရောင်းချနေလျှက်ရှိပြီး မှန်ရောင်စက္ကူ၊ ဆီစိမ်စက္ကူများအသုံးပြုကာ တင်းဝါးများဖြင့် ပုံစံမျိုးစုံ ပုံဖော်ပြုလုပ်သည့် မြန်မာ့လက်မှုပညာဖြစ်ပြီး သီတင်းကျွတ်လ၏ မြန်မာ့ဓလေ့တစ်ခုလည်း ဖြစ်ကြောင်း သိရသည်။

#ymg/NN
#Yangon_Media_Group

#Local_News
Published - 10 September 2022

၂၀၂၂ခုနှစ် တက္ကသိုလ်ဝင်တန်းအောင်မြင်ပြီး ဆေးတက္ကသိုလ်များနှင့်သွားဘက်ဆိုင်ရာ ဆေးတက္ကသိုလ်များသို့ ဝင်ခွင့်လျှောက်ထားသူများအနက် ဝင်ခွင့်လူတွေ့နှုတ်မေးစာမေးပွဲသို့ ဝင်ရောက်ဖြေဆိုခွင့်ရရှိသူများစာရင်းကို ကျန်းမာရေးဝန်ကြီးဌာနကစက်တင် ဘာလ(၉)ရက်က ထုတ်ပြန်ကြေညာထားကြောင်း သိရသည်၊၊

အဆိုပါ ထုတ်ပြန်ကြေညာထားသည့် စာရင်းများအရဆေးတက္ကသိုလ်များနှင့်သွားဘက်ဆိုင်ရာဆေးတက္ကသိုလ်များတွင် ဝင်ခွင့်လူတွေ့နှုတ်မေးစာမေးပွဲသို့ ဝင်ရောက်ဖြေဆိုခွင့်ရရှိသူ ကျောင်းသား၊ ကျောင်းသူစုစုပေါင်း(၁၃၃၅)ဦးရှိကြောင်း သိရသည်၊၊

လူတွေ့နှုတ်ဖြေစာမေးပွဲများကို စက်တင်ဘာလ(၁၂) ရက်မှ(၂၂)ရက်အထိ နေပြည်တော်သားဖွားသင်တန်းကျောင်းတွင် ကျင်းပသွားမည်ဖြစ်ပြီး ခုံအမှတ်များအလိုက် တစ်ရက်ကိုလူဦးရေ(၁၅၀)ဦးခန့် ဖြေဆိုကြရမည်ဖြစ်ကြောင်း ဖော်ပြပါရှိသည်၊၊

ဆေးဘက်ဆိုင်ရာတက္ကသိုလ်များသို့ ဝင်ခွင့်ရသူများ၏ အမည်စာရင်းနှင့် ခုံနံပါတ်များကို ကျန်းမာရေးဝန်ကြီးဌာန၏ Facebook page၊Website၊ ကျန်းမာရေးလူ့စွမ်းအားအရင်းအမြစ်ဦးစီးဌာန၏ website၊ ဆေးတက္ကသိုလ်များနှင့် သွားဘက်ဆိုင်ရာဆေးတက္ကသိုလ်များ၊အဆင့်မြင့်ပညာဦးစီးဌာန Website၊ လျှောက်လွှာလက်ခံသော တက္ကသိုလ်(၂၆) ခုတွင် ကြေငြာထားပြီးဖြစ်ပြီး ဝင်ခွင့်လူတွေ့နှုတ်မေး စာမေးပွဲကိုလာရောက်ဖြေဆိုကြရန် ကျန်းမာရေးဝန်ကြီးဌာနက နှိုးဆော်ထားကြောင်း သိရသည်၊၊

#ymg/tthl
#Yangon_Media_Group

#Local_News
Published - 10 September 2022

တရုတ်နိုင်ငံက အာဆီယံအားထောက်ပံ့၍ မြန်မာနိုင်ငံအတွက်ကိုဗစ်ကာကွယ်ဆေးအကြိမ်ရေ(၂)သန်းနှင့် ဆေးထိုးအပ်များ ထပ်မံလှူဒါန်းခဲ့ကြောင်း မြန်မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်အရ သိရသည်၊၊

အဆိုပါ လှူဒါန်းသည့် ကိုဗစ်ကာကွယ်ဆေးများကို လက်ခံရယူခြင်းအခမ်းအနားကို စက်တင်ဘာလ ၉ ရက်တွင် ရန်ကုန်အပြည်ပြည်ဆိုင်ရာလေဆိပ်၌ ကျင်းပခဲ့သည်၊၊

တရုတ်နိုင်ငံအနေဖြင့်ယခင်က နှစ်ဦးနှစ်ဖက်လမ်းကြောင်းမှ တစ်ဆင့် ကူညီလှူဒါန်းသည့် Vaccine များ အပါအဝင် မြန်မာနိုင်ငံအတွက် Vaccine အကြိမ်ရေပေါင်း ၅၃ သန်း ထောက်ပံ့ပေးပြီးဖြစ်သည်ဟု
မြန်မာနိုင်ငံဆိုင်ရာ တရုတ်သံရုံးသံမှူးကြီး Mr. Zheng Zhihong က လှူဒါန်းသည့် အခမ်းအနားတွင် ပြောကြားသည်၊၊

မြန်မာနိုင်ငံဆိုင်ရာ တရုတ်သံရုံးသံမှူးကြီး Mr. Zheng Zhihong က "တရုတ်-မြန်မာနှစ်နိုင်ငံသည် တောတောင်ရေမြေချင်းဆက်စပ်လျက်ရှိပြီး ဆွေမျိုးပေါက်ဖော်သံယောဇဉ် သမိုင်းကြောင်းကြာရှည်ပါကြောင်း၊ ယနေ့တွင် တရုတ်နိုင်ငံက အာဆီယံအားထောက်ပံ့၍ မြန်မာနိုင်ငံအတွက်လှူဒါန်းသည့် ကိုဗစ်-၁၉ Vaccine အကြိမ်ရေ (Doses) ၂ သန်းနှင့် တွဲဖက်ဆေးထိုးအပ်များ ရန်ကုန်မြို့သို့ ပို့ဆောင်ရောက်ရှိခဲ့ကြောင်း၊ ယခင်က နှစ်ဦးနှစ်ဖက်လမ်းကြောင်းမှတစ်ဆင့် ကူညီလှူဒါန်းသည့် Vaccine များအပါအဝင် တရုတ်နိုင်ငံသည် မြန်မာနိုင်ငံအတွက် Vaccine အကြိမ်ရေပေါင်း ၅၃ သန်း ထောက်ပံ့ပေးပြီးဖြစ်ကာ မြန်မာပြည်သူများကျန်းမာရေးအတွက် ခိုင်ခံ့သည့်အာမခံပေးလိုက်ပြီး တရုတ်-မြန်မာအေးအတူ ပူအမျှအသိုက်အဝန်းစိတ်ဓာတ်ကို ထင်ဟပ်စေကြောင်း၊ တရုတ်နိုင်ငံသည် မြန်မာနိုင်ငံအပါအဝင် အာဆီယံနိုင်ငံများနှင့်အတူ စည်းလုံးစွာ ကပ်ရောဂါတိုက်ဖျက်ရေးအား စွဲမြဲစွာဖော်ဆောင်ပြီး “China-ASEAN Health Shield” ကိုလက်တွဲတည်ဆောက်ကာ အာဆီယံနိုင်ငံပြည်သူများ ကျန်းမာရေးနှင့် စီးပွားရေးပြန်လည်ဦးမော့မှုအတွက်အကျိုးထမ်းဆောင်ကာ တစ်ကမ္ဘာလုံး ကပ်ရောဂါတိုက်ဖျက်ရေး ပူးပေါင်းဆောင်ရွက်မှုစံနမူနာဖြစ်လာကြောင်း" ပြောကြားခဲ့သည်။

မြန်မာနိုင်ငံ ရန်ကုန်တိုင်းဒေသကြီး ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာထွန်းမင်းက "ကပ်ရောဂါဖြစ်ပွားပြီးနောက် တရုတ်နိုင်ငံက မြန်မာနိုင်ငံသို့ ကိုဗစ်-၁၉ စစ်ဆေးရေးပစ္စည်း၊ အကာအကွယ်ဝတ်စုံ၊ Vaccine၊ ဆေးထိုးအပ်နှင့် Mobile Laboratory Vehicles စသည့် ပစ္စည်းအများအပြား ကူညီပေးအပ်ခဲ့ပြီး ဆေးကုသရေးပညာရှင်အဖွဲ့ကို မြန်မာနိုင်ငံတွင်လာရောက်ကူညီရန် စေလွှတ်ခဲ့ကာ တရုတ်-မြန်မာနှစ်နိုင်ငံက လူမှုစီးပွားကဏ္ဍတွင် ရင်းနှီးစွာပူးပေါင်းဆောင်ရွက်သော ဆက်ဆံရေးကို ထင်ဟပ်နေကြောင်း၊ သြဂုတ်လ ၂၉ ရက်နေ့အထိ မိမိတို့သည် ၁၈ နှစ်အထက်လူဦးရေပေါင်း သန်း ၃၀ အတွက် Vaccine ထိုးနှံပေးပြီးဖြစ်ကာ ထိုးနှံမှုနှုန်းသည် ၉၆% ရှိကြောင်း "ပြောကြားခဲ့သည်။

ထို့နောက် သံမှူးကြီး Mr. Zheng Zhihong၊ ဒုတိယညွှန်ကြား ရေးမှူးချုပ် ဒေါက်တာထွန်းမင်းတို့က Vaccine လှူဒါန်းသည့်စီမံကိန်း လက်ခံရယူမှု သက်သေခံလက်မှတ်ကို အတူတကွ လက်မှတ်ရေးထိုးခဲ့ပြီး အာဆီယံကိုယ်စားလှယ်၊ မြန်မာနိုင်ငံဆိုင်ရာ ကမ္ဘောဒီးယားသံရုံး ဒုတိယတာဝန်ခံ Soth Vanna နှင့် မှတ်တမ်းတင်ဓာတ်ပုံရိုက်ကူးခဲ့ကြောင်း သိရသည်၊၊

#ymg/tthl
#Yangon_Media_Group

#Local_News
Published - 10 September 2022

မော်တော်ယာဉ် အာမခံတွေကို တွက်ချက်ရာတွင် ဈေးကွက်ပေါက်ဈေးတွေအတိုင်း စိစစ်တွက်ချက်ရန် မြန်မာ့အာမခံလုပ်ငန်းက ထုတ်ပြန် ကြေညာထားသည်။

မော်တော်ယာဉ်တွေ၏ တန်ဖိုးတွေသည် မြင့်တက်နေသော်လည်း မော်တော်ယာဉ်အာမခံ ထားရှိရာတွင် လက်ရှိကာလပေါက်ဈေးထက် လျော့နည်းတွက်ချက်နေတာကြောင့် ယခုလိုအသိပေးထုတ်ပြန်ရခြင်းဖြစ်ကြောင်း အသိပေးထုတ်ပြန်ထားသည်။

အဆိုပါ မော်တော်ယာဉ်ဈေးနှုန်းများမြင့်တက်နေပြီး အာမခံတန်ဖိုးတွေကတော့ ကာလပေါက်ဈေးတွေထက် လျော့နည်းနေခြင်းကြောင့် ယာဉ်မတော်တဆမှုများတွင် လျော်ကြေးစိစစ်တွက်ချက်မှုတွေမှာ အငြင်းပွားဖွယ် အခြေအနေတွေရှိနေကြောင်း သိရသည်။

အလားတူအာမခံထားသူတွေအနေဖြင့် အာမခံတန်ဖိုးတွေကို အဆိုပြုရာတွင် ကာလပေါက်ဈေးမြင့်တက်မှုကို တိုးပြီး ပြောင်းလဲ အဆိုပြုရမှာဖြစ်ကြောင်း ဖော်ပြထားသည်။

အဆိုပါ ပြောင်းလဲအဆိုပြုထား ခြင်းမရှိသည့် မော်တော်ယာဉ်တွေကို ပျှမ်းမျှပေါက်ဈေးတွေဖြင့်သာ ပေးလျော်မှာဖြသ်သည်ဟု မြန်မာ့အာမခံလုပ်ငန်းက ထုတ်ပြန်ထားသည်။

#ymg/sth
#Yangon_Media_Group

#Local_News
Published _ 10 September 2022

ထိုင်းနိုင်ငံတွင် အလုပ်လုပ်ကိုင်ခဲ့ပြီး မြန်မာနိုင်ငံမှာ ဆုံးပါးသွားသည့် မြန်မာလုပ်သားအတွက် ထိုင်းနိုင်ငံလူမှုဖူလုံရေးအသင်းမှ ကျန်ရစ်ခဲ့သော မိသားစုကို လူမှုဖူလုံရေးသွင်းငွေခံစားခွင့် ဘတ်တစ်သိန်းကျော် ပေးအပ်ခဲ့ကြောင်း LPN Myanmar မှ သတင်းထုတ်ပြန်ထားရှိသည်။

ထိုင်းနိုင်ငံတွင် အလုပ်လုပ်ကိုင်သည့် မြန်မာလုပ်သား ဦးစောကျော်လင်းဟာ ကျန်းမာရေးချို့ယွင်းမှုကြောင့် မြန်မာနိုင်ငံ၊ ကော့ကရိတ်မြို့၌ ပြန်လည်နေထိုင်နေစဉ် ဆုံးပါးသွားခဲ့ပြီး ယင်းမြန်မာလုပ်သားဟာ ထိုင်းနိုင်ငံတွင် အလုပ်လုပ်ကိုင်နေစဉ် ပကန်ဆမ်ခွန် ( လူမှုဖူလုံရေး) သွင်းငွေ ပုံမှန်သွင်းခဲ့သောကြောင့် သူဆုံးပါးသွားသည့်အခါ ၎င်း၏မိသားစုဟာ လူမှုဖူလုံရေးသွင်းငွေကို ခံစားခွင့်ရခဲ့ခြင်းဖြစ်သည်။

ယင်းမှထည့်သွင်းခဲ့သည့် ပကန်ဆမ်ခွန်းငွေအား မိသားစုမှ ပြန်လည်ခံစားခွင့်အတွက် မြန်မာအလုပ်သမားအသံအရာရှိရုံး ထောက်ခံချက်အပါအဝင် လိုအပ်သည့်စာရွက်စာတမ်းတွေရရှိရန် LPN Myanmar က ကူညီဆောင်ရွက်ပေးခဲ့ကြောင်း သတင်းထုတ်ပြန်ချက်၌ ဖော်ပြထားသည်။

အဆိုပါ မြန်မာလုပ်သားဆုံးပါးအပြီး ရှစ်လကျော်အကြာ၌ ဈာပနအခမ်းအနားသုံးငွေ ဘတ် ၅၀,၀၀၀ နှင့် ပကန်ဆမ်ခွန်စုဆောင်းငွေ ပြန်လည်ထောက်ပံ့ကြေး ဘတ် ၅၀,၀၀၀ ကျော်ကို ညီမဖြစ်သူ ဒေါ်ဝင်းဝင်းခိုင်ထံ ထိုင်းနိုင်ငံလူမှုဖူလုံရေးအသင်းက ပေးအပ်ခဲ့ကြောင်း သိရသည်။

ပကန်ဆမ်ခွန် ( လူမှုဖူလုံရေး)ငွေသွင်းရာမှာ ၆လ ဆက်တိုက်ငွေမသွင်းလျှင် ပြန်လည်ထောက်ပံ့ကြေးခံစားခွင့် မရရှိနိုင်ကြောင်းလည်း LPN Myanmar မှ အသိပေးထားသည်။

#ymg/NN
#Yangon_Media_Group