#Local_News
Published 19 September 2026
■ ဘယ်လာရုစ်နိုင်ငံ၏ နို့စားနွားမျိုးထုတ်လုပ်မှု၊ သန္ဓေကူးပြောင်းဓာတ်ခွဲခန်း၊ တိရစ္ဆာန်အစာနှင့် အမိုင်နိုအက်ဆစ်ထုတ်လုပ်မှု၊ စိုက်ပျိုးရေးစက်ယန္တရား ထုတ်လုပ်မှုနည်းပညာများကို မြန်မာကိုယ်စားလှယ်အဖွဲ့က သွားရောက်လေ့လာခဲ့ကြောင်း သိရသည်။
■ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာရဲထွန်းဝင်း ဦးဆောင်သော မြန်မာကိုယ်စားလှယ်အဖွဲ့သည် မြန်မာ-ဘယ်လာရုစ် စိုက်ပျိုးမွေးမြူရေးဆိုင်ရာ ပူးပေါင်းဆောင်ရွက်မှုနှင့် နည်းပညာများ လေ့လာနိုင်ရန် ဘယ်လာရုစ်နိုင်ငံ မင့်စ်မြို့တွင် ရောက်ရှိနေခြင်းဖြစ်သည်။
■ စက်တင်ဘာ ၁၅ ရက်တွင် ဘယ်လာရုစ်နိုင်ငံ စိုက်ပျိုးရေးနှင့် စားနပ်ရိက္ခာဝန်ကြီးဌာန ဒုတိယဝန်ကြီး H.E. Mr. Ivan Smilgin နှင့် တွေ့ဆုံ၍ စိုက်ပျိုးမွေးမြူရေးနည်းပညာ ပူးပေါင်းဆောင်ရွက်မှု၊ ကုန်သွယ်မှုနှင့် စီးပွားရေးပူးပေါင်းဆောင်ရွက်မှုများ တိုးမြှင့်ရေးဆွေးနွေးခဲ့ကြသည်။
■ ထို့ပြင် နို့စားနွားမျိုးထုတ်လုပ်ရေးနှင့် တိရစ္ဆာန်အစာထုတ်လုပ်ရေးလုပ်ငန်းများ၊ နွားမျိုးရည်ထုတ် ဓာတ်ခွဲခန်းနှင့် Minsk Tractor Plant ၏ ထွန်စက်ထုတ်လုပ်မှုလုပ်ငန်းများကို လေ့လာခဲ့ကြသည်။
■ စက်တင်ဘာ ၁၆ ရက်တွင် Belarus National Academy of Sciences ၏ စိုက်ပျိုးရေးဆိုင်ရာ သိပ္ပံနှင့် ထုတ်လုပ်မှုဗဟိုဌာန၌ မျိုးစေ့ထုတ်လုပ်မှု၊ တိရစ္ဆာန်မျိုးထုတ်လုပ်မှု၊ သန္ဓေကူးပြောင်းနှင့် အာဟာရဗေဒဓာတ်ခွဲခန်းများကို လေ့လာခဲ့ပြီး Zhodino-AgroPlemElita မွေးမြူရေးလုပ်ငန်း၌ နို့စားနွားမွေးမြူရေး၊ တိရစ္ဆာန်အစာထုတ်လုပ်မှုနှင့် နို့ညှစ်လုပ်ငန်းများကို ကြည့်ရှုခဲ့သည်။
■ စက်တင်ဘာ ၁၇ ရက်တွင် Belarusian National Biotechnology Corporation ၌ တိရစ္ဆာန်အစာ၊ အစာရောစပ်ဖြည့်စွက်အားဆေးနှင့် အမိုင်နိုအက်ဆစ်ထုတ်လုပ်မှုလုပ်ငန်းများ၊ JSC Agroko-mbinat Dzerzhinsky ၌ ကြက်မွေးမြူရေးနှင့် အသားထုတ်ကုန်ထုတ်လုပ်မှုလုပ်ငန်းများကို ဆက်လက်လေ့လာခဲ့ကြောင်း သိရသည်။
#YMG/SW #Yangon_Times
#Daily_News
Published 18 September 2026
၁။ မိတ္ထီလာဖောင်တော်ဦးစေတီတော် ဗုဒ္ဓပူဇနိယပွဲတော်၌ မြန်မာ့ရိုးရာလောင်းလှေပြိုင်ပွဲကိုထည့်သွင်းကျင်းပမည်
၂။ လှိုင်သာယာ(အရှေ့ပိုင်း)နှင့်ရွှေပြည်သာတွင် အားကစားကွင်းများတည်ဆောက်မည်
၃။ အဝေးသင်တက္ကသိုလ်စာမေးပွဲများ အောက်တိုဘာ(၁)ရက်မှစတင်၍ဖြေဆိုရမည်
၄။ အီရန်၏အသံထက်မြန်ဒုံးကျည်များနှင့်ဖျက်ဒုံးကျည်များကြောင့် အမေရိကန်စစ်သင်္ဘောများဟော်မုဇ်ရေလက်ကြားပြင်ပ၌နေရာယူ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
အဝေးသင်တက္ကသိုလ်တက်ရောက်နေတဲ့ ကျောင်းသား/သူများအနေနဲ့ အောက်တိုဘာ (၁) ရက်နေ့ကနေစတင်ပြီး စာမေးပွဲဖြေဆိုရမယ်လို့ ပညာရေးဝန်ကြီးဌာန၊ အဆင့်မြင့်ပညာဦးစီးဌာနက ယမန်နေ့ကအသိပေးကြေညာထားပါတယ်။
#Local_News
Published 18 September 2026
#အဝေးသင်တက္ကသိုလ်စာမေးပွဲ
#YMG/SW #Yangon_Times
လှိုင်သာယာ(အရှေ့ပိုင်း)မြို့နယ်နဲ့ ရွှေပြည်သာမြို့နယ်တို့မှာ အားကစားကွင်းတွေ တည်ဆောက်ဆောင်ရွက်သွားဖို့ စီစဉ်ထားပြီး တည်ဆောက်မယ့်နေရာတွေကို ရန်ကုန်မြို့တော်စည်ပင်သာယာရေးကော်မတီ တာဝန်ရှိသူတွေက သွားရောက်ကြည့်ရှုစစ်ဆေးခဲ့တယ်လို့သိရပါတယ်။
#Local_News
Published 18 September 2026
#လှိုင်သာယာ #ရွှေပြည်သာ
#YMG/NN #Yangon_Times
မန္တလေးတိုင်းဒေသကြီး မိတ္ထီလာမြို့ရှိ သမိုင်းဝင်ဖောင်တော်ဦးစေတီတော်ရဲ့(၁၄၃)ကြိမ်မြောက် ဗုဒ္ဓပူဇနိယပွဲတော်ကို စက်တင်ဘာလအတွင်းမှာ ကျင်းပသွားမှာဖြစ်ရာ မြန်မာ့ရိုးရာလောင်းလှေပြိုင်ပွဲကိုလည်းထည့်သွင်းကျင်းပသွားမယ်လို့ ဂေါပကအဖွဲ့ကနေ သိရပါတယ်။
#Local_News
Published 18 September 2026
#မိတ္ထီလာဖောင်တော်ဦးစေတီတော်
#YMG/NN #Yangon_Times
ရန်ကုန်လျှပ်စစ်ဓာတ်အားပေးရေးကော်ပိုရေးရှင်း YESC ဥက္ကဋ္ဌက ရန်ကုန်တိုင်းအတွင်းရှိ ခရိုင်နဲ့မြို့နယ်လျှပ်စစ်မန်နေဂျာရုံးတွေကို ကွင်းဆင်းစစ်ဆေးရာမှာ ရပ်၊ ပျက်၊ နှေး ဖြစ်ပေါ်နေတဲ့ လျှပ်စစ်မီတာတွေကို အမြန်ဆုံး အစားထိုးလဲလှယ်ပေးဖို့ မှာကြားခဲ့တယ်လို့ သိရပါတယ်။
#Local_News
Published 18 September 2026
#YESC
#YMG/SW #Yangon_Times
#Local_News
Published 18 September 2026
■ ၂၃၀ ကေဗွီ လှော်ကားပင်မဓာတ်အားခွဲရုံတွင် ချို့ယွင်းနေသည့် ဗို့အားတိုင်းတာရေးပစ္စည်းများနှင့် အပူချိန်မြင့်တက်နေသည့် ဓာတ်အားလွှတ်ကြားခံပစ္စည်းများ အစားထိုးလဲလှယ်ခြင်းလုပ်ငန်းများ ဆောင်ရွက်ရန်အတွက် စက်တင်ဘာ ၂၀ ရက်တွင် ဓာတ်အား ယာယီပိတ်ထားမည်ဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာနမှ သိရသည်။
■ အဆိုပါလုပ်ငန်းများကို စက်တင်ဘာ ၂၀ ရက် မွန်းလွဲ ၁၂ နာရီမှ ညနေ ၄ နာရီအထိ ဆောင်ရွက်မည်ဖြစ်ပြီး ခွဲရုံအတွင်းရှိ ၃၃ ကေဗွီ ပင်မဖြန့်ဖြူးရေးလိုင်း (၁) ကို ဓာတ်အားပိတ်ထားမည်ဖြစ်သည်။
■ ထိုသို့ ဓာတ်အားပိတ်ထားစဉ် ရန်ကုန်တိုင်းဒေသကြီးအတွင်းရှိ မင်္ဂလာဒုံ၊ မြောက်ဥက္ကလာပ၊ ရွှေပြည်သာနှင့် လှည်းကူးမြို့နယ်တို့မှ အချို့ရပ်ကွက်နှင့် ကျေးရွာများ၊ စက်ရုံ၊ အလုပ်ရုံများနှင့် စက်မှုဇုန်များတွင် ယာယီဓာတ်အားပြတ်တောက်မှု ဖြစ်ပေါ်မည်ဖြစ်ကြောင်း သိရသည်။
■ ဓာတ်အားပြတ်တောက်မည့် ဧရိယာများမှ ဓာတ်အားသုံးစွဲသူများကို သက်ဆိုင်ရာ မြို့နယ်လျှပ်စစ်မန်နေဂျာရုံးများမှတစ်ဆင့် ကြိုတင်အသိပေးထားပြီးဖြစ်ကြောင်း ဝန်ကြီးဌာနက အသိပေးထားသည်။
■ လျှပ်စစ်နှင့်စွမ်းအင်ဝန်ကြီးဌာနအနေဖြင့် နိုင်ငံတော်ဓာတ်အားစနစ်အတွင်း ဓာတ်အားပို့လွှတ်ဖြန့်ဖြူးမှု တည်ငြိမ်စေရန်အတွက် ပင်မဓာတ်အားခွဲရုံများနှင့် ဓာတ်အားလိုင်းများကို ထိန်းသိမ်းပြုပြင်ခြင်းလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။
#YMG/SW #Yangon_Times
Page 29 of 2526
