#Local_News
Published _ 4 October 2022

လက်ရှိ ၂၀၂၂ခုနှစ်မှာ စတင်ဖွင့်လှစ်မည့် ငါးလုပ်ငန်းသိပ္ပံကျောင်း (တွံတေး)အတွက် လျှောက်လွှာများကို ယခုမှစတင်၍ နိုဝင်ဘာလ ၂၁ရက်ထိ နောက်ဆုံးထားလျှောက်ထားရန်နှင့် သင်တန်းသားများလည်း ခေါ်ယူနေကြောင်း စိုက်ပျိုးမွေးမြူရေးနှင့်ဆည်မြောင်းဝန်ကြီးဌာနမှ သိရသည်။

ငါးလုပ်ငန်းသိပ္ပံကျောင်းကို တက်ရောက်လိုသူများအနေနှင့် တက္ကသိုလ်ဝင်စာမေးပွဲကို သိပ္ပံဘာသာတွဲနှင့် အောင်မြင်ပြီး အသက်၂၂နှစ်ထက်မကြီးသူ ဖြစ်ရန် စသည့် သတ်မှတ်ချက်များရှိပြီး လျှောက်လွှာများကို ငါးလုပ်ငန်းဦးစီးဌာန ရုံးများ၊ ငါးလုပ်ငန်းစခန်းများ ငါးလုပ်ငန်းသိပ္ပံတွံတေးတို့ထံ ပေးပို့လျှောက်ထားနိုင်ကြောင်း ထုတ်ပြန်ကြေညာထားသည်။

ငါးလုပ်ငန်းသိပ္ပံ ဒီပလိုမာ သင်တန်းဟာ ၃နှစ်ကြာတက်ရောက်ရမှာဖြစ်ပြီး အဆိုပါ ငါးလုပ်ငန်းနှင့် ရေသတ္တဝါမွေးမြူရေးသင်တန်း အောင်မြင်ပါက အောင်လက်မှတ်ဖြစ်သည့် ( Diploma in Fisheries and Aquaculture)အား ပေးအပ်မည်ဟု သိရသည်။

မြန်မာနိုင်ငံတွင် ငါးပုစွန် ထုတ်လုပ်ခြင်း တိုးတက်မြင့်မားလာစေရန် အလယ်အလတ်အဆင့် ငါးပုစွန်ထုတ်လုပ်သူများကိုပျိုးထောင်ပေးပြီး ရေသတဝါမွေးမြူရေးကို စာတွေ့လက်တွေ့သင်ကြားကာ လုပ်ငန်းများတွင် လက်တွေ့အသုံးချစေနိုင်ရန် ရည်ရွယ်၍ ငါးလုပ်ငန်းသိပ္ပံအား ဖွင့်လှစ်ကြောင်း သိရှိရသည်။

ကျောင်းစတင်ဖွင့်လှစ်ချိန်တွင် ပထမနှစ်အတွက် သင်တန်းသား ၄၀ကို လက်ခံသင်ကြားပို့ချပေးမည်ဖြစ်ပြီး နောက်ပိုင်းတွင် ကျောင်းသားဦးရေတိုးမြှင့်လက်ခံခြင်းနှင့် ဒုတိယနှစ်နှင့် တတိယနှစ်သင်တန်းသားခေါ်ယူခြင်းများဆောင်ရွက်မည်ဖြစ်ကာ သင်တန်းဆင်းပါက အဆင့်မြင့်ပညာရပ်များကို ဆက်လက်လေ့လာဆည်းပူးနိုင်ရန် ပေါင်းကူးစာမေးပွဲများ ဖြေဆိုခွင့်ရရှိမည်ဖြစ်ကြောင်းသိရသည်။

#ymg/NN
#Yangon_Media_Group

#Local_News
Published _ 4 november 2022

လာမည့် တန်ဆောင်မုန်းလပြည့်နေ့မတိုင်မီ နိုဝင်ဘာလ ၅ရက်နေ့မှစ၍ ရန်ကုန်-ပြည် အထူးရထားအား ရိုးရိုးတွဲဆိုင်းများဖြင့် ပြေးဆွဲသွားမည်ဟု ရန်ကုန်ဘူတာကြီးရဲ့ရုံပိုင်ချုပ်ကြီးထံမှ သိရသည်။

အများပြည်သူများ ခရီးသွားလာရေးအဆင်ပြေစေရန် ပုံမှန်ခရီးစဉ်များအပြင် အထူးရထားများကို အခါကြီး ရက်ကြီးများ၌ အစဉ်အမြဲပြေးဆွဲပေးနေလျှက်ရှိကြောင်း ရုံပိုင်ချုပ်ကြီးဦးသောင်းထိုက်က YMG ကိုပြောခဲ့သည်။

" အခုလာမယ့် နိုဝင်ဘာလ ၅ရက်နေ့မှာ ရန်ကုန်-ပြည်အထူးရထားကို ပြေးဆွဲပေးသွားမှာပါ။ အမြဲတမ်း အခါကြီးရက်ကြီးတွေမှာ အခုလိုအထူးရထားတွေကို ပြေးဆွဲပေးနေပါတယ်" လို့ ရုံပိုင်ချုပ်ကြီးဦးသောင်းထိုက်က ဆိုသည်။

ပြီးခဲ့သည့် အောက်တိုဘာလ ၂၄ရက် ဒီပါဝလီနေ့တွင်လည်း ရန်ကုန်-မန္တလေး အထူးရထားများကို ပြေးဆွဲပေးခဲ့ကြောင်း ယင်းမှသိရသည်။

ရန်ကုန်-ပြည် ရထားလက်မှတ်နှုန်းထားများမှာ အထက်တန်း (၆၄၅၀)ကျပ်နှင့် ရိုးရိုးတန်း (၃၂၅၀) ကျပ်တို့ဖြစ်ပြီး ရန်ကုန်-မန္တလေး ရထားလက်မှတ်နှုန်းထားများမှာ (၁၅၄၅၀) ကျပ်များ ဖြစ်ကြသည်။

မြန်မာ့မီးရထားမှ ရန်ကုန်-ပြည် လေအိတ်အမြန်ရထား(နေ့စဉ်)၊ ကြည့်မြင်တိုင်-ပြည် စာပို့ရထား (နေ့စဉ်)၊ ရန်ကုန်-မော်လမြိုင် လေအိတ် အမြန်ရထား(နေ့စဉ်)၊ ရန်ကုန်-ပဲခူး(နေ့စဉ်)၊ ပျဉ်းမနား- တောင်တွင်းကြီး စာပို့ရထား(နေ့စဉ်)၊ ပုသိမ်-ကြံခင်း စာပို့ရထား(နေ့စဉ်)၊ မန္တလေး-ပြင်ဦးလွင် (စနေ)၊ ပြင်ဦးလွင်-ဂုတ်ထိပ်(တနင်္ဂနွေ)၊ သာစည်- ရွှေညောင်(တနင်္လာ)၊ ပြည်တော်သာ-ရေချမ်းပြင် (နေ့စဉ်)၊ တောင်ကြီး-ဘန်းယဉ်(နေ့စဉ်)ရထားလမ်းပိုင်းများကိုလည်း ပြေးဆွဲပေးလျက်ရှိသည်။

#ymg/NN
#Yangon_Media_Group

#Local_News
Published_ 4 November 2022

ချက်သမ္မတနိုင်ငံဆိုင်ရာ မြန်မာသံရုံးယာယီတာဝန်ခံ ဒေါက်တာဘုန်းလင်းကြိုင်နှင့် ဇနီးတို့သည် အောက်တိုဘာ ၂၈ ရက်နေ့တွင်ကျင်းပပြုလုပ်ခဲ့တဲ့ ချက်သမ္မတနိုင်ရဲ့ (၁၀၄) နှစ်မြောက် လွတ်လပ်ရေးနေ့ ဧည့်ခံပွဲအခမ်းအနား တက်ရောက်ခဲ့ကြောင်း သိရပါတယ်။

ထို့ပြင် ပရာ့ဂ်မြို့၊ ပရာ့ဂ်ရဲတိုက်၌ ကျင်းပပြုလုပ်တဲ့ ချက်သမ္မတနှင့် သံတမန်များ တွေ့ဆုံပွဲအခမ်းအနားသို့ တက်ရောက်ခဲ့ကာ ချက်သမ္မတ H.E. Mr. Milos Zeman နှင့် ဇနီးတို့အား ဂါရဝပြုတွေ့ဆုံနှုတ်ဆက်ခဲ့ကြောင်း သိရပါတယ်။

ygm_mnn
#Yangon_Media_Group

#Local_News
Published_ 4 November 2022

နေပြည်တော်၊ ဒက္ခိဏသီရိမြို့နယ်ရှိ မာရဝိဇယ ဗုဒ္ဓဥယျာဉ်တော်အတွင်း မာရဝိဇယဗုဒ္ဓရုပ်ပွားတော်မြတ်ကြီးအား ထုဆစ်ခြင်း၊ ဥယျာဉ်တော်တည်ဆောက်ခြင်းနှင့် ကျောက်စာရုံစေတီများ တည်ထားကိုးကွယ်ခြင်း လုပ်ငန်းများကို ဆောင်ရွက်လျက်ရှိရာ ပြီးစီးပါက မြန်မာတွင်သာမက ကမ္ဘာ့နိုင်ငံများ၌ပါ စကျင်ကျောက်တော်ကြီးဖြင့် ထုဆစ်သည့် ဆင်းတုတော်ကြီးများအနက် အကြီးဆုံးနှင့် ဉာဏ်တော်အမြင့်မားဆုံး ဆင်းတုတော်ကြီး ဖြစ်လာမည်ဖြစ်ကြောင်း သိရပါတယ်။
တည်ထားကိုးကွယ်ခြင်းလုပ်ငန်း တိုးတက်မှုအခြေအနေများကို ဦးဆောင်ဘုရား ဒါယကာ နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က နိုဝင်ဘာ ၃ ရက် မွန်းလွဲပိုင်းတွင် သွားရောက်ကြည့်ရှု စစ်ဆေးခဲ့ပါတယ်။

ယင်းနောက် နစကဥက္ကဌသည် မာရဝိဇယဗုဒ္ဓရုပ်ပွားတော်မြတ်ကြီး တည်ဆောက် လျက်ရှိမှု၊ ပိဋကတ် ကျမ်းစာတော်များ ရေးထိုးပူဇော်နေမှုနှင့် ကျောက်စာရုံများ တည်ဆောက်နေမှု မှတ်တမ်းဗီဒီယိုကို ကြည့်ရှုကြပြီး ခင်းကျင်းပြသထားသော အဆောက် အဦပုံစံငယ်များနှင့် ကမ္ဘာပေါ်ရှိ ဘုန်းတော်ကြီးကျောင်းများသို့ ဖြန့်ဝေရန်အတွက် ပါဠိအက္ခရာနှင့် Romanize Language တို့ဖြင့် ရိုက်နှိပ်ထားသော ပိဋကတ်ကျမ်းစာအုပ် နမူနာများအား ကြည့်ရှုကြပါတယ်။

အဆိုပါ “မာရဝိဇယ” ဗုဒ္ဓရုပ်ပွားတော်မြတ်ကြီးကို မြန်မာနိုင်ငံတွင် ထေရဝါဒဗုဒ္ဓ သာသနာတော်ကြီး ခိုင်မာစွာ ထွန်းလင်းတောက်ပလျက်ရှိမှုအား ကမ္ဘာကိုပြသရန်၊ တိုင်းပြည်အေးချမ်း သာယာမှုရှိစေရန်၊ ရုပ်ပွားတော်မြတ်ကြီးအား ပြည်တွင်းပြည်ပ ဘုရားဖူးများ လာရောက်ခြင်းဖြင့် ဒေသတိုးတက်စည်ကားမှုဖြစ်စေရန်၊ နိုင်ငံတော် ဖွံ့ဖြိုးတိုးတက်မှု အထောက်အကူဖြစ်စေရန်စတဲ့ ရည်ရွယ်ချက် ၄ ရပ်ဖြင့် တည်ထား ကိုးကွယ်ရန် လုပ်ဆောင်ခဲ့ခြင်းဖြစ်ကြောင်း သတင်းရရှိပါတယ်။

ygm_mnn
#Yangon_Media_Group

#Local_News
Published_ 3 November 2022

မေရီချက်(ပ်)မင်းနားမကြားသော ကလေးငယ်များ ကျောင်းကိုတည်ထောင်ခဲ့တာဟာ အခုဆိုရင်နှစ်ပေါင်း(၁၀၂)နှစ်ရှိပြီပဲ ဖြစ်ပါတယ်၊၊

 
#Yangon_Media_Group

#Local_News
Published_3 November 2022

ယခုဘဏ္ဍာနှစ်ရဲ့ ဧပြီလ ၁ ရက်ကနေ အောက်တိုဘာလ ၂၁ ရက်အထိ ခုနှစ်လတာနီးပါး ပြည်ပကို ပဲတန်ချိန် ၈ သိန်း ၇ သောင်းကျော်တင်ပို့ထားပြီး အမေရိကန်ဒေါ်လာ ၆၈၉ ဒသမ ၃၈ သန်းရရှိထားတယ်လို့ စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနရဲ့ စာရင်းတွေအရ သိရပါတယ်။
 
#Yangon_Media_Group