Published_ 15 July 2022
နစကဥက္ကဋ္ဌ၊ ဗိုလ်ချုပ်မှူးကြီး မင်းအောင်လှိင်သည် ဇူလိုင် ၁၃ ရက်တွင် Republic of the Tatarsan၊ ကာဇန်မြိုရှိ Kazan Aircraft Production Association သို သွားရောက်လေ့လာ ကြည့်ရှုခဲ့တယ်လို သတင်းထုတ်ပြန်ထား ပါတယ်။
PJSC “Kazan Helicopters”ထုတ်လုပ်ရေးအလုပ်ရုံ၌ နစကဥက္ကဋ္ဌသည် Simulator ဖြင့် ရဟတ်ယာဉ် စမ်းသပ်မောင်းနှင်ခန်းသို ရောက်ရှိလေ့လာပြီး ကိုယ်တိုင်စမ်းသပ်မောင်းနှင်ခဲ့ပြီး PJSC “Kazan Helicopters” ထုတ်လုပ်ရေးအလုပ်ရုံ မန်နေဂျင်းဒါရိုက်တာနှင့် အမှတ်တရ လက်ဆောင်ပစ္စည်းများ အပြန်အလှန် လဲလှယ်ခဲ့ကြပါတယ်။
အဆိုပါ PJSC “Kazan Helicopters” ထုတ်လုပ်ရေးအလုပ်ရုံသည် ၁၉၄၀ ပြည့်နှစ်တွင် စတင်တည်ထောင်ခဲ့ခြင်းဖြစ်ပြီး Rostec Cooperation မှ ပိုင်ဆိုင်သည့် Russian Helicopters ကုမ္ပဏီ၏ အစိတ်အပိုင်း တစ်ခုဖြစ်ကြောင်း သိရပါတယ်။
ယနေ့ အချိန်ကာလအထိ Mi-4၊ Mi-8၊ Mi-14၊ Mi-17 နှင့် Ansat အမျိုးအစား ရဟတ်ယာဉ်ပေါင်း ၁၂၀၀၀ ကျော် ထုတ်လုပ်ခဲ့ပြီး နိုင်ငံပေါင်း ၁၀၀ သို တင်ပိုရောင်းချနိုင်ခဲ့ကာ ၁၉၄၅ ခုနှစ်မှစတင်ကာ ၂၀၂၀ ပြည့်နှစ်အထိ ဂုဏ်ပြုမှတ်တမ်း လွှာနှင့် ဆုတံဆိပ်ပေါင်း ၂၇ ခုကျော် ရရှိထားပြီးဖြစ်ကြောင်း သိရှိရပါတယ်။
ymg-mnn
#Yangon_Media_Group
#LocalNews
Published - 15 July 2022
ဂျပန်နိုင်ငံသို့ မြန်မာအလုပ်သမားများပေးပို့ရန် အလုပ်ကမ်းလှမ်းစာ ၁၇၁ ခု ရှိကြောင်း တိုကျိုမြို့ရှိ ဂျပန်နိုင်ငံဆိုင်ရာ မြန်မာသံရုံးမှ သိရသည်။
ဂျပန်နိုင်ငံဆိုင်ရာ မြန်မာသံရုံးအနေဖြင့် ဂျပန်နိုင်ငံရှိ လုပ်ငန်းအသီးသီးမှ ကမ်းလှမ်းလာသည့် အလုပ်ကမ်းလှမ်းစာများနှင့်ပတ်သက်ပြီး အမှန်တကယ် ခေါ်ယူခြင်းဟုတ်မဟုတ်စိစစ်ပြီး မြန်မာနိုင်ငံအလုပ်သမား ဝန်ကြီးဌာနသို့ ပြန်လည်ပေးပို့ထားကြောင်း သိရသည်။
ဂျပန်နိုင်ငံသို့ မြန်မာအလုပ်သမားများ ပေးပို့ရန် ၂၀၂၂ ခုနှစ် ၊ ဇူလိုင်လ ၁ ရက်မှ ဇူလိုင် ၁၅ ရက်အတွင်း အလုပ်ကမ်းလှမ်းစာ ၁၇၁ ခု ကမ်းလှမ်းလာခြင်းဖြစ်ပြီး ခေါ်ယူသည့်အလုပ်သမားအရေအတွက်မှာ ၁၀၀၀ ခန့်ရှိကာ ကမ်းလှမ်းလာသည့် စာများတွင် လုပ်ငန်းပေါင်းစုံမှ အလုပ်အကိုင်များပါဝင်ကာ သက်ကြီးရွယ်အို စောင့်ရှောက်ရေးလုပ်ငန်းမှ အလုပ်ခေါ်ယူမှု အများဆုံး ပါဝင်ကြောင်း သိရသည်။
မြန်မာအလုပ်သမားအများစုသည် ပြည်ပနိုင်ငံတွေအနက် ထိုင်းနိုင်ငံနှင့်ဂျပန်နိုင်ငံကို အများဆုံးသွားရောက်လုပ်ကိုင်နေကြောင်း သိရသည်။
မြန်မာနိုင်ငံတွင်း စီးပွားရေးအကျပ်အတည်းတွေကြောင့် ယခုနှစ်ပိုင်း ဂျပန်ကိုသွားရောက် အလုပ်လုပ်ချင်သည့်လူငယ်တွေသည် ကိုဗစ်ကာလမတိုင်မီထက် အရေအတွက် ထောင်ဂဏန်းသိသိသာသာတိုးလာကြောင်း သိရသည်။
ယခင်က ဂျပန်နိုင်ငံသို့ တစ်နှစ်လျှင် မြန်မာလုပ်သား ၅၀၀ ဝန်းကျင်ပို့ရန် အတော်ကြိုးစားခဲ့ရပြီး လက်ရှိဂျပန်တွင် အလုပ်လုပ်ချင်သူများလာသည့်အတွက် အေဂျင်စီတစ်ခုစီလျှင် လုပ်သား ၅၀၀ ဝန်းကျင် ပို့နေနိုင်သလို လက်ရှိ ဂျပန်နိုင်ငံသို့ လုပ်သား ၆၀၀၀ နီးပါး သွားရောက်နေပြီဖြစ်ကြောင်းလည်း သိရသည်။
ymg/sth
#Yangon_Media_Group
#Local_News
Published - 15 July 2022
လတ်တလောမှာ နိုင်ငံတကာမှာ ကိုဗစ်ရောဂါတွေ ပြန်လည်ဖြစ်ပွားနေပြီး မြန်မာနိုင်ငံမှာလည်း ကိုဗစ်ရောဂါတစ်ကျော့ပြန် ပြန်လည်ဖြစ်ပွားမှာကို သတိပြုဖို့လိုတယ်လို့ မြန်မာနိုင်ငံပုဂ္ဂလိက ဆေးရုံများအသင်း ဥက္ကဌဒေါက်တာထင်ပေါ်ကပြောပါတယ်၊၊
#Yangon_Media_Group
#Local_News
Published - 15 July 2022
ပဲမျိုးစုံ၊ ပြောင်း၊ နှမ်းအမျိုးမျိုးနဲ့ မြေပဲဆန် ပြည်ပတင်ပို့မှုတွေမှာ ပို့ကုန်ရငွေမတင်ပြဘဲ တိမ်းရှောင်မှုများရှိနေတဲ့အတွက် ပြန်လည်စီစစ်ရန် ထောက်ခံချက်လုပ်ခိုင်းတာဖြစ်တယ်လို့ မြန်မာနိုင်ငံပဲမျိုးစုံ၊ ပြောင်းနဲ့ နှမ်းကုန်သည်များအသင်း ကနေသိရပါတယ်။
#Yangon_Media_Group
#Local_News
Published _ 15 July 2022
မြန်မာနိုင်ငံမှ အိန္ဒိယသို့ မတ်ပဲတင်ပို့မှုကျဆင်းလာနိုင်ကြောင်း ခန့်မှန်းရပြီး ဇွန်လအတွင်း မြန်မာမတ်ပဲတင်သွင်းမှု တန်ချိန်ဟာ ၁၅၀၀၀ တန်ဖြစ်ကြောင်း ဧရာကုန် သွယ်မှုဗဟိုဌာနမှ သိရသည်။
ဇူလိုင်လတွင် တန်ချိန် ၁၅၀၀၀-၂၀၀၀၀ ခန့်နှင့်ဩဂုတ်လတွင် တန်ချိန် ၃၀၀၀၀- ၃၅၀၀၀ ခန့်တင်သွင်းရန် ခန့်မှန်းထားပြီး မြန်မာမတ်ပဲလက်ကျန် တန်ချိန် ၃ သိန်းခန့်ရှိမည်ဖြစ်ကာ အခြားနိုင်ငံများသို့ တန်ချိန် ၅၀၀၀၀ ခန့်တင်ပို့လျင် ဇူလိုင်လမှ ဖေဖော်ဝါရီလအထိ ၈ လတာအတွင်း အိန္ဒိယသို့တင်ပို့ရန် မြန်မာမတ်ပဲလက်ကျန် တန်ချိန် ၂- ၂.၂၅ သိန်းရှိမည်ဟုခန့်မှန်းထားကြောင်း ယင်းမှ သိရသည်။
မတ်ပဲလက်ကျန်နည်းပါးနေသဖြင့် အရောင်းပမာဏကျဆင်းလာပြီး မတ်ပဲ၊ ပဲစဥ်းငုံ တန်ချိန် ၅၀၀၀ တင်ဆောင်ထားသောသင်္ဘောတစ်စီးဟာ ဇူလိုင်လ ၁၄ ရက်နေ့က ချနိုင်းသို့ထွက်ခွာသွားပြီဖြစ်ပြီး လာမည့် ဇူလိုင်လ ၁၇ ရက်တွင် ကွန်တိန်နာ ၁၈၀(တန်ချိန် ၄၃၂၀)နှင့် ဇူလိုင်လ ၂၃ ရက်တွင် ကွန်တိန်နာ ၃၈၀ ( တန်ချိန် ၉၁၂၀) သင်္ဘောတင်များရှိမည်ဖြစ်ကြောင်းလည်း သိရသည်။
ymg/NN
#Yangon_Media_Group
#Local_News
Published _ 15 July 2022
ဖိလစ်ပိုင်နိုင်ငံသို့ ရောက်ရှိနေသည့် မြန်မာနိုင်ငံသားကလေးများ အနေဖြင့် ယခုပညာသင်နှစ်တွင် အခြေခံပညာအတန်းတက်ရောက်လိုပါက ဇူလိုင် ၂၀ ရက်နောက်ဆုံးလျှောက်ထားနိုင်ကြောင်း မနီလာမြို့ရှိ မြန်မာသံရုံးမှ ထုတ်ပြန် ကြေညာထားပါတယ်။
နိုင်ငံခြားရောက် မြန်မာကလေးများအတွက် အခြေခံပညာအတန်းတွေကို သက်ဆိုင်ရာ သံရုံးများ၏ အစီအစဉ်ဖြင့် နှစ်စဉ်ဖွင့်လှစ်နေခြင်းဖြစ်ပြီး ယခုပညာသင်နှစ်အတွက် အတန်းတက်ရောက်ခွင့်လျှောက်လွှာတွေကို ဇူလိုင် ၂၀ရက်နောက်ဆုံးထားခေါ်ယူခြင်း ဖြစ်သည်။
၂၀၂၂ - ၂၀၂၃ ပညာသင်နှစ်အတွက် အခြေခံပညာသင်ယူခြင်း အစီအစဉ် (သူငယ်တန်းမှ ဒသမတန်းအထိ)တက်ရောက်လိုသည့် မြန်မာနိုင်ငံသား ကလေးများ အနေနှင့် အမြင့်ဆုံးအောင်မြင်ခဲ့သည့် အတန်းအထောက် အထားအတွက် အောင်လက်မှတ် (သို့မဟုတ်) ကျောင်းထွက် လက်မှတ်မူရင်းကို တင်ပြရမည်ဖြစ်ကြောင်း သိရသည်။
နိုင်ငံခြားရောက် မြန်မာနိုင်ငံသားကလေးများ အခြေခံပညာသင်ယူခြင်းအစီအစဉ်မှ သင်ယူပြီးမြောက်သည့် သူတွေအနေဖြင့် အဆိုပါ လက်မှတ်များကို တင်ပြရန်မလိုကြောင်း ဖော်ပြထားသည်။
သူငယ်တန်းအပ်နှံမည့် ကလေးများအနေဖြင့် ၂၀၂၂ ခုနှစ် မေလ ၃၁ ရက်တွင် အသက်ငါးနှစ်ပြည့်ပြီးသူ ဖြစ်ရမည့်အပြင် မွေးစာရင်းမူရင်း/မိတ္ထူတင်ပြရမည်ဖြစ်ကြောင်း သံရုံးမှ အသိပေးထားသည်။
ယင်းအပြင် အတန်းတက်ရောက်ရန်အတွက် ကျောင်းဝင်ခွင့်လျှောက်လွှာနှင့် အတူ မိဘနှင့် ကျောင်းသား၊ ကျောင်းသူ၏ သက်တမ်းရှိသည့် မြန်မာနိုင်ငံကူးလက်မှတ်မိတ္ထူ၊ ဗီဇာအမျိုးအစား၊ ဗီဇာတံဆိပ်တုံးရှိသည့် စာမျက်နှာမိတ္ထူ၊ ဖိလစ်ပိုင်နိုင်ငံအစိုးရမှ ထုတ်ပေးထားသည့် နေထိုင်ခွင့်အသိအမှတ်ပြု မှတ်ပုံတင်ကတ်ပြားမိတ္ထူတွေကို တင်ပြရမည်ဖြစ်ကြောင်း သိရသည်။
လျှောက်ထားသူသည် မိဘအုပ်ထိန်းသူမရှိဘဲ ကိုယ်တိုင်အလုပ်လုပ်ကိုင်နေခြင်း၊ ကျောင်းတက်ရန် ဖိလစ်ပိုင်သို့ရောက်ရှိနေပါက ဖိလစ်ပိုင်နိုင်ငံကို ဘာကြောင့်ရောက်ရှိနေသလဲဆိုသည့် အကြောင်းပြချက်အထောက်အထားကို တင်ပြရမည်ဖြစ်ကြောင်းကြေညာချက်တွင် ဖော်ပြထားသည်။
ယင်းအပြင် ခြောက်လအတွင်း ရိုက်ကူးထားသည့် ပတ်စ်ပို့အရွယ် ဓာတ်ပုံသုံးပုံကိုလည်း တင်ပြရမည်ဖြစ်ပြီး အတန်းဝင်ခွင့်ရသွားသူအနေဖြင့် ပထမနှစ်ဝက်၊ နှစ်ဆုံးစာမေးပွဲတွေကို ဖြေဆိုအောင်မြင်မှသာလျင် အောင်စာရင်းထုတ်ပြန်ပေးမည် ဖြစ်ကြောင်း သံရုံးမှ အသိပေးထားပါတယ်။
ymg/NN
#Yangon_Media_Group
#Local_News
Published - 15 July 2022
အဝေးသင်တက္ကသိုလ် တက်မည့်ကျောင်းသားကျောင်းသူများအနေဖြင့် ယခုလကုန်တွင်နောက်ဆုံးထား၍ ကျောင်းအပ်ရမည်ဖြစ်ကြောင်း အဆင့်မြင့်အခြေခံပညာဦးစီးဌာနမှ ထုတ်ပြန်ကြေညာထားသည်။
တက္ကသိုလ်၊ ဒီဂရီကောလိပ်၊ ကောလိပ်များတွင် ဖွင့်ရန်ကျန်နေသည့် ၂၀၂၂ ပညာသင်နှစ် အဝေးသင် ပထမနှစ်(၂၀၁၉ တက္ကသိုလ်ဝင်စာမေးပွဲအောင်)၊ ဒုတိယနှစ်၊ တတိယနှစ်နဲ့ ပထမနှစ်(၂၀၂၀ တက္ကသိုလ်ဝင်စာမေးပွဲအောင်) အဝေးသင် သင်တန်းတွေကို ပြီးခဲ့သည့် ဇွန်လ ၁၁ ရက်တွင် စတင်ဖွင့်လှစ်ခဲ့ခြင်းဖြစ်ကြောင်း သိရသည်။
ယခင်စာသင်နှစ်များတွင် ကျောင်းအပ်မှတ်ပုံတင်ရန် ကျန်ရှိနေသည့် နှစ်ချို့ကျောင်းသား ကျောင်းသူများနှင့် ၂၀၂၀ ပြည့်နှစ် တက္ကသိုလ်ဝင်စာမေးပွဲ အောင်မြင်လာပြီး ၂၀၂၂ ပညာသင်နှစ် အဝေးသင်ပထမနှစ်သင်တန်းများကို တက်ရောက်ခွင့် ရရှိထားကြသူများ အားလုံးကိုလည်း ၃၁-၇-၂၀၂၂ ရက်အထိ သက်ဆိုင်ရာ ကျောင်းများတွင် ကျောင်းဝင်မှတ်ပုံတင်ရန်နှင့် စာစဉ်များ တင်သွင်းနိုင်မည်ဖြစ်ကြောင်း၊ အကြောင်းအမျိုးမျိုးကြောင့် နယ်စပ်ဒေသများ၊ ပြည်တွင်းက မလုံခြုံသည့် နေရာများ၌ ရောက်ရှိနေပြီး ရိုးသားစွာ ကျောင်းပြန်တက်လိုသည့် ကျောင်းသား ကျောင်းသူများကိုလည်း ပညာရေးကို ဆက်လက်လုပ်ဆောင်နိုင်ရေး အတွက်လည်း ဖိတ်ခေါ်ထားပြီး ကြေညာချက်များလည်း ထုတ်ပြန်ထားကြောင်း သိရသည်။
ymg/sth
#Yangon_Media_Group
Page 1547 of 1875
