#Local_News
Published 7 July 2025

▪️ လေယာဥ်စီးနင်းသူများ၏ လက်ဆွဲအိတ်(Hand Carry Baggage)အတွင်း ပါဝါဘဏ် (Power Bank) များကို သယ်ဆောင်ခွင့်ပြုသော်လည်း လေယာဥ်ပေါ်တွင် အသုံးပြုခွင့်မပြုကြောင်း Myanmar Airways International(MAI) မှ ထုတ်ပြန်ထားသည်။

▪️ MAI အနေဖြင့် ခရီးသည်များ၏ ဘေးကင်းရေးအတွက် အကောင်းဆုံး ဦးစားပေး ဆောင်ရွက်လျှက်ရှိပြီး နိုင်ငံတကာလေကြောင်းဘေးကင်းရေးစည်းမျဉ်းများနှင့်အညီ အပြည့်အဝလိုက်နာမှုလျှက်ရှိရာ ပါဝါဘဏ်များသယ်ဆောင်ခြင်းနှင့်ပတ်သက်သော နောက်ဆုံးပေါ်မူဝါဒကို ထုတ်ပြန်ခဲ့ခြင်းဖြစ်ကြောင်း သိရသည်။

▪️ ယခုလ ၁ရက်မှ စတင်ကာ လေယာဉ်ပေါ်လိုက်ပါသူအားလုံးအတွက် ဘေးကင်း လုံခြုံသော ခရီးစဥ်ဖြစ်စေရေးအတွက် ခရီးသည်တစ်ဦးလျှင် 100Wh ပါဝါဘဏ် နှစ်လုံး သို့မဟုတ် 100Wh-160Wh ပါဝါဘဏ်တစ်လုံးကို လက်ဆွဲအိတ်(Hand Carry Baggage)အတွင်း သယ်ဆောင်ခွင့်ပြုပြီး လေယာဥ်ပေါ်တွင် မိမိထိုင်ခုံ၏အောက် သို့မဟုတ် ထိုင်ခုံအိတ်ကပ် အတွင်း၌သာ ထားရှိရမည်ဖြစ်ကြောင်း ထုတ်ပြန်ထားသည်။

▪️ သို့သော်လေယာဥ်ပေါ်သို့ ပါဝါဘဏ်သယ်ဆောင်ခွင့်ပြုသော်လည်း ပါဝါဘဏ်ကို အားသွင်းခြင်းနှင့် ပါဝါဘဏ်အသုံးပြုကာ အခြားDevice များသို့ အားသွင်းအသုံးပြုခြင်းကို ခွင့်ပြုမည်မဟုတ်ကြောင်း၊ ထို့ပြင်ပျက်စီးနေသည့် ပါဝါဘဏ်များကိုလည်း သယ်ဆောင်ခွင့်မပြုကြောင်း သိရသည်။

▪️ အဆိုပါ မူဝါဒအသေးစိတ်အချက်အလက်အပြည့်အစုံနှင့် ထုတ်ပြန်ထားသော တရားဝင်လမ်းညွှန်ချက်များကို ချက်အင်ကောင်တာများတွင် ဖတ်ရှုနိုင်ကြောင်း MAI က အသိပေးထုတ်ပြန်ထားသည်။

#YMG/SW #Yangon_Times

#Local_News
Published 7 July  2025

▪️ အိုမန်နိုင်ငံ၊ ဆိုဟာမြို့တွင်မြန်မာအမျိုးသမီးအချင်းချင်းသတ်ဖြတ်မှု တစ်ခု ယမန်နေ့က ဖြစ်ပွားခဲ့တယ်လို့ မြန်မာအလုပ်သမား အသိုင်းအဝိုင်းမှ သိရသည်။

▪️ အဆိုပါ နိုင်ငံသို့ အိမ်အကူလုပ်ငန်း လုပ်ကိုင်ရန်  မြန်မာအမျိုးသမီးက အိုမန်တွင် ရုံးထိုင်ပြီး အလုပ်သမားနှင့် အိမ်ရှင်များအကြား ညှိနှိုင်းပေးသည့် ကြားခံအကျိုးဆောင် မြန်မာအမျိုးသမီးကို ဓားဖြင့်ထိုး၍  သ- တ်ဖြတ်ခဲ့ခြင်းဖြစ်ကြောင်း သိရသည်။

▪️ 'ရုံးထိုင်ကလည်း နည်း နည်းမောက်မာတဲ့အပိုင်းမှရှိတယ် ပြောတယ်၊ သတင်းတွေကတော့ အမျိုးမျိုးပြောနေကြပါတယ်၊ အခုဖြစ်သွားတာက ခံလိုက်ရတဲ့သူအတွက်လည်း မကောင်းပါဘူး၊ ဒီနိုင်ငံဖြစ်ဖြစ် ဘယ်နိုင်ငံပဲဖြစ်ဖြစ်သည်းမခံနိုင်ရင်မလာကြတာပဲ ကောင်းပါတယ်၊ ညီမတို့ဆို အားလုံးကို ဒီလိုပဲအရမ်းသည်းခံရတာ'ဟု အိုမန်နိုင်ငံ မြန်မာအလုပ်သမားတစ်ဦးက ပြောသည်။

▪️ အဆိုပါဖြစ်စဉ်ကြောင့်ဧရာဝတီတိုင်း၊ မြန်အောင်မြို့ဇာတိဖြစ်သည့်
အသက် ၂၃ နှစ်အရွယ်ရှိ မယုနန္ဒာ ‌ေ-သဆုံးခဲ့ရကြောင်း သိရသည်။

▪️ ထို့အပြင် ပြစ်မှုကျူးလွန်သူဟု ယူဆခံထားရသူသည် ရန်ကုန်မြို့၊ သန်လျင်ဇာတိဖြစ်သည့် အသက် ၄ဝ အရွယ်အမျိုးသမီးဖြစ်ပြီး အိုမန်သို့ ရောက်ရှိသည်မှာ ရက်ပိုင်းပဲရှိသေးကြောင်း သိရသည်။

▪️ ကနဦးသတင်းများအရ အိမ်ရှင်နှင့်ပတ်သက်သည့် မကျေနပ်ချက်အချို့ကို ရုံးထိုင်အကျိုးဆောင်သို့ ဆက်သွယ်အကြောင်းကြား ညှိနှိုင်းဖြေရှင်းကြရာ  အဆင်မပြေဖြစ်ဖြစ်ပြီး လူသတ်မှုအထိဖြစ်ခဲ့ခြင်းဖြစ်ကြောင်း၊ ယင်းဖြစ်စဉ်ကိုဆော်ဒီအာရေဗျရှိ မြန်မာသံရုံးမှလည်း ဆက်သွယ်မေးမြန်းမှုများ လုပ်နေသည့်အပြင်ကျူးလွန်သူဟုယူဆရသူကို သက်ဆိုင်ရာနိုင်ငံရှိ ရဲတပ်ဖွဲ့မှ ဖမ်းဆီးရမိထားပြီး တိုက်ရိုက်ကိုင်တွယ်နေကြောင်း သိရသည်။

#YMG/NN #Yangon_Times

#Local_News
၇ ဇူလိုင် ၂၀၂၅

▪️ မြန်မာ့တပ်မတော်က မိုးဗြဲမြို့ကို ဇူလိုင်လ ၆ ရက်နေ့တွင် ပြန်လည်သိမ်းပိုက်လိုက်နိုင်ပြီဟု နစက သတင်းထုတ်ပြန်ရေးအဖွဲ့က အတည်ပြုပြောကြားပါတယ်။

▪️ ဇူလိုင်လ ၆ ရက်နေ့က နစက သတင်းထုတ်ပြန်ရေးအဖွဲ့က အဆိုပါသတင်းကို အထောက်အထား ဓာတ်ပုံများ ဖြင့် ထုတ်ပြန်ခဲ့ခြင်းဖြစ်ပါတယ်။

▪️ မိုးဗြဲမြို့ကို မြန်မာ့တပ်မတော်မှ ပြန်လည်သိမ်းပိုက်ရရှိရေး စစ်ဆင်ရေးဆင်နွှဲခဲ့ရာတွင် တိုက်ပွဲများ အတွင်း ကိုယ်တိုင်ကိုယ်ကျပါဝင်ခဲ့တဲ့ Free Burma Rangerလို့ခေါ်တဲ့ နိုင်ငံခြားသား အဖွဲ့များနှင့် လူသားချင်းစာနာထောက်ထားခြင်းခေါင်းစဉ်ဖြင့် ကိုယ်တိုင်ပါဝင်ဆောင်ရွက်ခဲ့ကြသည့် ဆေးကုသရေး အဖွဲ့များအား အပြီးတိုင်ချေမှုန်းသုတ်သင်ခဲ့တယ်လို့လည်း သတင်းမှာဖော်ပြထားပါတယ်။

▪️ ခြောက်လကြာမြင့်ခဲ့တဲ့ အဆိုပါ အတွင်း မြန်မာ့တပ်မတော်သည် တိုက်ပွဲကြီးပေါင်း ၂၁၅ ကြိမ်၊ ထိတွေ့မှုပေါင်းကြိမ် ၄၀၀ ဖြစ်ပွားခဲ့ပြီး မိုးဗြဲမြို့၏ တောင်ဘက်အစွန်ဆုံးမွေတော်ဘုရားရှိရာ မြို့မ ရပ်ကွက်အား ဇူလိုင်လ ၅ ရက်နေ့တွင်လည်းကောင်း၊ အရှေ့ဘက်အစွန်ဆုံးရပ်ကွက်ဖြစ်သည့် ညောင်ဝိုင်းရပ်ကွက်အား ဇူလိုင်လ ၆ ရက်နေ့၊နေ့လယ်ပိုင်းတွင်လည်းကောင်းပြန်လည်သိမ်းပိုက်ရရှိ ထိန်းချုပ်နိုင်ခဲ့ကြောင်း သိရပါတယ်။

▪️ စစ်ဆင်ရေးတစ်ခုလုံးတွင် တိုက်ပွဲကြီးငယ် ၆၁၅ ကြိမ်၊ ရန်သူအလောင်း ၂၄ လောင်း၊ လက်နက်မျိုးစုံ ၆၃ လက်အပါအဝင် အခြားအရေးကြီး စာရွက်စာတမ်းများနှင့် Video File များ သိမ်းဆည်းရမိခဲ့ပါတယ်။

▪️ KNPP ၊ KNDF နှင့် ၎င်းတို့၏ မဟာမိတ် အကြမ်းဖက်အဖွဲ့ တပ်ပေါင်းစုများသည် မိုးဗြဲမြို့အတွင်းသို့ ရောက်ရှိနေစဉ်အတွင်း ဘာသာရေးဆိုင်ရာ အဆောက်အအုံများ၊ စာသင်ကျောင်းများ၊ ဌာနဆိုင်ရာအဆောက်အအုံများ၊ ဆေးရုံများနှင့် လူနေအိမ်များတွင် ဘန်ကာများ ဆောက်လုပ်ပြီး တပ်မတော်စစ်ကြောင်းများအား ပစ်ခတ်တိုက်ခိုက်ခြင်း၊ ဘုန်းတော်ကြီးကျောင်းများ၊ လူနေအိမ်အဆောက်အအုံများအကြားနှင့် အများပြည်သူသွားလာအသုံးပြုသည့် ဆက်သွယ်ရေး လမ်းကြောင်းများပေါ်၌ မိုင်းထောင်ခြင်းများ၊ ဒေသခံပြည်သူများ၏ အိုးအိမ်များကို ခံစစ်တံတိုင်းအဖြစ် အကာအကွယ်ရယူ၍ ပစ်ခတ်တိုက်ခိုက်ခြင်းများကို လုပ်ဆောင်ခဲ့သဖြင့် လုံခြုံရေးတပ်ဖွဲ့ဝင်များက ထုတ်ပြန်ထားသည့် ထိတွေ့တိုက်ခိုက်မှုစည်းမျဉ်း (Rules of Engagement-ROE) နှင့် အညီဆောင်ရွက်ခဲ့ရပါတယ်လို့ တပ်မတော်သတင်းမှန်ပြန်ကြားရေးအဖွဲ့က သတင်းထုတ်ပြန် ထားပါတယ်။

▪️ ဆက်လက်၍ တပ်မတော်စစ်ကြောင်းများက မိုးဗြဲမြို့နှင့် လွိုင်ကော်မြို့တို့အား ဆက်သွယ်ထားသည့် လမ်းကြောင်းပေါ်ရှိ ရှင်းလင်းရန်ကျန်ရှိနေသည့် ၄ ဒသမ ၅ ကီလိုမီတာအကွာအဝေးအား အပြီးတိုင် ဆက်လက်ရှင်းလင်းပေးခြင်းဖြင့် လွိုင်ကော်၊ မိုးဗြဲ၊ ဖယ်ခုံ၊ ပင်လောင်းဆက်သွယ်ရေးလမ်းမကြီးအား မကြာမီအချိန်တွင် ပြန်လည်ဖွင့်လှစ်နိုင်ရန် စီမံဆောင်ရွက်လျက်ရှိကြောင်း သိရှိရပါတယ်။

#ymg/knl

#Local_News
#Published 7 July  2025

▪️ Server Maintenance လုပ်ငန်းဆောင်ရွက်ရန် ယာယီ ရပ်နားထားသည့် စမတ်ကတ်ပြုလုပ်ခြင်းများ ကိုယနေ့မှ စတင်၍ ပြန်လည်ဆောင်ရွက်ပေးနေပြီ ဖြစ်ကြောင်း လူဝင်မှုကြီးကြပ်ရေးနှင့်  ပြည်သူ့အင်အားဌာနက အသိပေးထုတ်ပြန်ထားသည်။

▪️ e-ID စနစ်ဆိုင်ရာလုပ်ငန်းများ အဆင့်မြှင့်တင်ရန်နှင့် ဝန်ဆောင်မှုအရည်အသွေးများ ပိုမိုတိုးတက်ကောင်းမွန်စေရန်တို့အတွက် Server Maintenance လုပ်ငန်းအား  ဇူလိုင် ၄ ရက်နေ့မှစတင်၍ ဆောင်ရွက်ခဲ့ရာ
ယင်း ကာလအတွင်း မြို့နယ်ရုံးများတွင် UID နံပါတ်ရယူခြင်း (အရပ်အခေါ် စမတ်ကတ်ပြုလုပ်ခြင်း)၊ အွန်လိုင်းမှကိုယ်ရေး အချက်အလက်တိုက်ဆိုင်စစ်ဆေးခြင်းလုပ်ငန်းများအား ယာယီရပ်ဆိုင်းထားခဲ့ခြင်း ဖြစ်သည်။

▪️ အဆိုပါ e-ID စနစ်ဆိုင်ရာအဆင့်မြှင့်တင်ခြင်းလုပ်ငန်းများ  ဆောင်ရွက်ပြီးစီးသည့်အတွက် UID နံပါတ်လျှောက်ထားရယူခြင်းများအား ယနေ့ ဇူလိုင် ၇ရက်နေ့ မှစတင်၍  ပုံမှန်အတိုင်းဆောင်ရွက်နိုင်ပြီဖြစ်ကြောင်း သိရသည်။

▪️ ဌာနအနေဖြင့် UID နံပါတ်ထုတ်ပေးခြင်းလုပ်ငန်းများ ရပ်တန့်မှုမရှိစေရေးအတွက် အထူးအလေးထားကာ e-ID စနစ်ဆိုင်ရာအဆင့်မြှင့်တင်ခြင်းလုပ်ငန်းများအား ရုံးပိတ်ရက်များတွင်သာ ဆောင်ရွက်ခဲ့သည့်အတွက်   UID နံပါတ် လျှောက်ထားရယူလိုသူ ပြည်သူများအနေဖြင့် သက်ဆိုင်ရာမြို့နယ်ရုံးများတွင် ပုံမှန်အတိုင်းဆောင်ရွက်နိုင်ပြီဖြစ်ကြောင်း အသိပေးထားသည်။

#YMG/NN #Yangon_Times

#Local_News
Published_7 July 2025

▪️ ၂၀၂၅ ခုနှစ်၊ ကာကွယ်ရေးဦးစီးချုပ်ရုံး (ကြည်း၊ ရေ၊ လေ) မိသားစုများ ဝါဆိုသင်္ကန်းဆက်ကပ်လှူဒါန်းပွဲ မင်္ဂလာ အခမ်းအနားကို ယနေ့နံနက်ပိုင်းတွင် ကာကွယ်ရေးဦးစီးချုပ်ရုံး (ကြည်း)၊ အနော်ရထာခန်းမ၌ ယနေ့ ဇူလိုင်လ ၆ ရက်တွင် ကျင်းပပြုလုပ်ခဲ့ကြောင်း သိရသည်။

▪️ အဆိုပါအခမ်းအနားသို့ နိုင်ငံတော်သံဃမဟာနာယကအဖွဲ့ဥက္ကဋ္ဌ ရန်ကုန်တိုင်းဒေသကြီး၊ သန်လျင်မြို့၊ မင်း ကျောင်း ပထမပြန်စာသင်တိုက် ပဓာနနာယက၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ ဒေါက်တာ ဘဒ္ဒန္တစန္ဒိမာဘိဝံသနှင့် နိုင်ငံတော်သံဃမဟာနာယကအဖွဲ့အကျိုးတော်ဆောင်၊ မန္တလေးမြို့၊ မစိုးရိမ်တိုက်သစ် မဟာနာယက၊ ဓမ္မသမိဒ္ဓိကျောင်းဆရာတော် အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မ ဇောတိကဓဇ၊ မဟာဓမ္မက ထိကဗဟုဇနဟိတဓရ ဘဒ္ဒန္တဝါသေဋ္ဌာဘိဝံသတို့အမှူးပြုသောဥပ္ပါတသန္တိစေတီတော် ဂေါပကအဖွဲ့၏ ဩဝါဒါ စရိယဆရာတော်ကြီးများအပါအဝင် ပင့်ဖိတ်ထားသည့် ဆရာတော်ကြီး ၂၇ ပါး ကြွရောက်ချီးမြှင့်တော်မူကြပြီး နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ်နှင့် ဇနီးတို့နှင့်အတူ နိုင်ငံတော်စီမံ အုပ်ချုပ်ရေးကောင်စီ ဒုတိယဥက္ကဋ္ဌ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းနှင့် ဇနီး ဒေါ်သန်းသန်းနွယ်၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး ကျော်စွာလင်းနှင့် ဇနီး၊ ကာကွယ်ရေးဦးစီးချုပ် (ရေ) နှင့် ဇနီး၊ ကာကွယ်ရေးဦးစီးချုပ် (လေ) နှင့် ဇနီး၊ ပြည် ထောင် စုအဆင့် ပုဂ္ဂိုလ်များနှင့် ဇနီးများ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော် အရာရှိကြီးများနှင့် ဇနီးများ၊ တာဝန်ရှိသူများ တက်ရောက်ကြကြောင်း သိရသည်။

▪️ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေး ဦးစီးချုပ်က အနော်ရထာခန်းမအတွင်းရှိ ဗုဒ္ဓရုပ်ပွားတော်မြတ်အား ဖူးမြော်ကြည်ညို၍ မြသပိတ်ဆွမ်းတော်၊ သစ်သီး၊ ပန်းမန်၊ သောက်တော်ရေချမ်းနှင့် ဆီမီးတို့ကို ကပ်လှူပူဇော်ပြီးနောက် အခမ်းအနားကို နမောတဿသုံးကြိမ်ရွတ်ဆိုဘုရားကန်တော့ ဖွင့်လှစ်၍ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ်နှင့် ဇနီး၊ အခမ်းအနားတက် ရောက် လာကြသူများက နိုင်ငံတော်သံဃမဟာနာယကအဖွဲ့ဥက္ကဋ္ဌ သန်လျင်မင်းကျောင်းဆရာတော်ကြီးထံမှ ကိုးပါး သီလခံယူဆောက်တည်ကြပြီး ဆရာတော်ကြီးများ ရွတ်ပွားချီးမြှင့်တော်မူသည့် မေတ္တသုတ်ပရိတ်တရား တော်များကို နာယူကြည်ညိုကြကြောင်း သိရသည်။

▪️ ထို့နောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ်နှင့် ဇနီးတို့က နိုင်ငံ တော်သံဃမဟာနာယကအဖွဲ့ဥက္ကဋ္ဌ သန်လျင်မင်းကျောင်း ဆရာတော်ကြီးထံ ဝါဆိုသင်္ကန်းနှင့် လှူဖွယ် ပစ္စည်းများကို ဆက်ကပ်လှူဒါန်းပြီးနိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယတပ်မတော်ကာ ကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) နှင့် ဇနီးက နိုင်ငံတော်သံဃမဟာနာယကအဖွဲ့ အကျိုးတော်ဆောင် မစိုးရိမ်တိုက်သစ်ဆရာတော်ကြီးထံ ဝါဆိုသင်္ကန်းနှင့် လှူဖွယ်ပစ္စည်းများကို ဆက်ကပ် လှူဒါန်းခဲ့ကြောင်း သိရသည်။

▪️ အခမ်းအနားသို့ တက်ရောက်လာကြသူများနှင့် ဇနီးများက ဆရာတော်၊ သံဃာတော်များထံ ဝါဆိုသင်္ကန်းနှင့် လှူဖွယ်ပစ္စည်းများကို အသီးသီးဆက်ကပ်လှူဒါန်းကြကာနိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော် ကာကွယ်ရေးဦးစီးချုပ်နှင့် ဇနီး၊ တက်ရောက်လာကြသူများက နိုင်ငံတော်သံဃမဟာနာယကအဖွဲ့အ ကျိုးတော်ဆောင် မစိုးရိမ်တိုက်သစ်ဆရာတော်ကြီးထံမှ အနုမောဒနာတရားနာယူကြပြီး လှူဒါန်းမှုအစုစုတို့အတွက် ရေ စက် သွန်းချအမျှပေးဝေကြကာ ဗုဒ္ဓသာသနံစိရံတိဋ္ဌတု သုံးကြိမ်ရွတ်ဆိုဆုတောင်းခဲ့ကြကြောင်း သိရသည်။

#Yangon_Times/PP

#Daily_News

Published 5 July 2025

၁။ ‌‎Myanmar_Cyber_Security_Challenge_2025 (အလွတ်တန်းအဆင့်) ပြိုင်ပွဲပြုလုပ်မည်
‎
၂။ ‌‎‎‎‎ရွှေဆိုင်အားလုံး ရွှေတစ်ကျပ်သားအလေးချိန်သစ်ကို တပြေးညီပြောင်းလဲကျင့်သုံးရမည်

၃။ ‎ငလျင်‌ဘေးသင့် အာမခံ အလုပ်သမားတစ်သောင်းကျော်အား ငွေကျပ် သန်းပေါင်း ၁၀၀၀ကျော်ထုတ်ပေး

၄။ ‎‎‎‎‎BRICS ဖွံ့ဖြိုးရေးဘဏ်သစ်၏ထောက်ပံ့မှုဖြင့် မွမ်ဘိုင်းမြေအောက်ရထားလမ်းသစ်တိုးချဲ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group