မန္တလေးမြို့ရှိ မြေငလျင်ဒဏ်သင့် အဆောက်အအုံတွေရဲ့ ဘေးအန္တရာယ်ကင်းရှင်းမှုစစ်ဆေးဖို့အတွက် အင်ဂျင်နီယာ(မြို့ပြ) PE အဆင့်ရှိတဲ့သူတွေကို မန္တလေးမြို့တော်စည်ပင်သာယာရေးကော်မတီက ခေါ်ယူလျှက်ရှိပါတယ်။
#Local_News
Published 12 Apirl 2025
#PE အဆင့်ရှိသူများကိုခေါ်ယူ #ဘေးအန္တရာယ်ကင်းရှင်းမှုစစ်ဆေး
#YMG/SW #Yangon_Times

နှစ်သစ်ကူးသင်္ကြန်ကာလအတွင်း မြန်မာ့ယဉ်ကျေးမှုနှင့်မညီသည့် လုပ်ရပ်များ၊ ကြမ်းတမ်းစွာ ရေဆော့ကစားခြင်းများကို ရှောင်ကြဉ်ကြဖို့ သာသနာရေးနှင့်ယဉ်ကျေးမှုဝန်ကြီးဌာနမှ နှိုးဆော်ချက် ထုတ်ပြန်လိုက်ပါတယ်။
#Local_News
Published 12 Apirl 2025
#နှစ်သစ်ကူးသင်္ကြန်ကာလ #ယဉ်ကျေးမှုဝန်ကြီးဌာန
#YMG/SW #Yangon_Times

ဓာတ်ဆီဈေးတွေ သုံးပတ်ဆက်တိုက်တက်ပြီး တစ်လကျော်ကြာ ကျဆင်းခဲ့တဲ့ ဒီဇယ်ဈေးတွေလည်း အခုတစ်ပတ်မှာအနည်းငယ်ပြန်လည် မြင့်တက်လာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ် ရေးကော်မတီက သိရပါတယ်။
#Local_News
Published 12 Apirl 2025
#ဓာတ်ဆီဈေးတက် #ဒီဇယ်ဈေးပါတက်
#YMG/NN #Yangon_Times

#Local_News
Published 12 April  2025

▪️ မန္တလေးငလျင်ကြောင့် ထိခိုက်ခဲ့ရသည့် Great Wall Hotel အဆောက်အအုံအားရှင်းလင်းပြီးနောက် MAB Bank ATM စက်နှင့် ငွေသားများအား လွှဲပြောင်းပေးအပ်ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အင်အားပြင်းငလျင်လှုပ်ခတ်မှုကြောင့် မန္တလေးတိုင်းဒေသကြီး၊ မန္တလေးမြို့၊ Great Wall Hotel အဆောက်အအုံပြိုကျမှုတွင် မြန်မာနိုင်ငံမီးသတ်တပ်ဖွဲ့မှ ရှာဖွေကယ်ဆယ်ရေးလုပ်ငန်းများနှင့် ရှင်းလင်းရေးလုပ်ငန်းများ ဆောင်ရွက်လျက်ရှိရာမှ  ရှာဖွေတွေ့ရှိခဲ့ခြင်းဖြစ်သည်။

▪️ အဆိုပါ  ရှာဖွေတွေ့ရှိခဲ့သော MAB Bank ATM စက်နှင့် ငွေသားများအား MAB Bank မှ တာဝန်ရှိသူများထံသို့ လွှဲပြောင်းပေးအပ်ခဲ့ခြင်းဖြစ်‌ကြောင်းသိရသည်။

#YMG/NN #Yangon_Times

၁၁ ဧပြီ ၂၀၂၅

တရုတ်နိုင်ငံက မြန်မာနိုင်ငံသို့ ငလျင်ဘေး ပြန်လည်ထူထောင်ရေးအတွက် အရေးပေါ် လူသားးချင်း စာနာ ဖောက်ထားမှုဆိုင်ရာ ကယ်ဆယ်ရေးအကူအညီအဖြစ် တရုတ်ယွမ်ငွေ တစ်ဘီလျံ( အမေရိကန်ဒေါ်လာ ၁၃၆သန်းကျော်)ကို ထပ်မံပံ့ပိုးပေးမည်ဟု ကြေညာပါတယ်။

ဧပြီလ ၁၀ ရက်နေ့တွင် တရုတ်နိုင်ငံတကာဖွံ့ဖြိုးရေးပူးပေါင်းဆောင်ရွက်မှုအေဂျင်စီ (CIDCA) ၏ ပြောရေးဆိုခွင့်ရှိသူ Mr. Li Ming က ယခုအခါ မြန်မာနိုင်ငံ၏ ကယ်ဆယ်ရေးလုပ်ငန်းများသည် ကပ်ရောဂါကာကွယ်ထိန်းချုပ်ရေးနှင့် ပြန်လည်ထူထောင်ရေးအဆင့်သို့ ရောက်ရှိနေပြီဖြစ်ကြောင်း ထုတ် ပြန်ပြောဆိုခဲ့ခြင်းနှင့်အတူ နောက်ထပ်အကူအညီကိုလည်း ကြေညာပေးခဲ့ခြင်းဖြစ်ပါတယ်။၊

အဆိုပါ အကူအညီသည် မြန်မာအစိုးရ၏ တောင်းဆိုချက်အရ ပေးအပ်ခြင်းဖြစ်တယ်လို့လည်း ကြေညာ ချက်မှာဖော်ပြထားပါတယ်။ အဆိုပါငွေဖြင့် လောင်စာဆီ၊ Plank House၊ ခွဲစိတ်ခန်း၊ ဆေးဝါးနှင့် ကာကွယ်ဆေးများစသည့် အရေးတကြီး လိုအပ်သောပစ္စည်းများကို ဝယ်ယူမည်ဖြစ်ပြီး ကျန်းမာရေးနှင့် ရောဂါကာကွယ်ရေးဆိုင်ရာ ကျွမ်းကျင်အဖွဲ့များကိုလည်း ကုသရေးနှင့်ပိုးသတ်ရေးလုပ်ငန်းများဆောင်ရွက်ရန် စေလွှတ်မယ်လို့ သိရပါတယ်။

ယင်းအပြင် ဘေးအန္တရာယ်အကဲဖြတ်ရေးအဖွဲ့ကိုလည်း စေလွှတ်ကာ ငလျင်ဒဏ်ခံဒေသများသို့ ကွင်း ဆင်းစစ်ဆေးပြီး ပြနလည်ထူထောင်ရေးနှင့် ဘေးအန္တရာယ်ကာကွယ်လျှော့ချရေးလုပ်ငန်းစဉ်များ ရေး ဆွဲရာတွင်ပံ့ပိုးကူညီသွားမယ်လို့ သတင်းထုတ်ပြန်ချက်မှာဆိုပါတယ်။ တရုတ်နိုင်ငံက ယဉ်ကျေးမှုအမွေအနှစ်နှင့် အဆောက်အဦဆိုင်ရာ စစ်ဆေးရေးအဖွဲ့များလည်း စေလွှတ်ကာ ပျက်စီးနေသော ရှေးဟောင်း ယဉ်ကျေးမှုအမွေအနှစ်ပစ္စည်းများ၊ အဆောက်အဦများကို စစ်ဆေးအကဲဖြတ်ခြင်း၊ ခိုင်ခံ့မှုစမ်းသပ်ခြင်းနှင့် ပြုပြင်မွမ်းမံခြင်းလုပ်ငန်းများ ဆောင်ရွက်ပေးသွားမယ် လို့သိရပါတယ်။

မြန်မာနိုင်ငံ၏  ပြင်းထန်ငလျင်ကြီး (မန္တလေးငလျင်ကြီး) ဖြစ်ပွားချိန်မှစ၍ တရုတ်အစိုးရသည် ပထမဆုံးသော နိုင်ငံအဖြစ် ယွမ်ငွေ သန်း ၁၀၀ တန်ဖိုးရှိ အရေးပေါ်လူသားချင်းစာနာ ထောက်ထားမှုဆိုင်ရာ ငလျင်ကယ်ဆယ်ရေးအကူအညီများ ပေးအပ်ရန် ကြေညာခဲ့တာဖြစ်ပါတယ်။

တရုတ်နိုင်ငံ၏ ကယ်ဆယ်ရေးအဖွဲ့များသည် မြန်မာနိုင်ငံတွင်ရောက်ရှိတာဝန်ထမ်းဆောင်နေစဉ်အတွင်း ကိုယ်ဝန်ဆောင်အမျိုးသမီး ၁ ဦး အပါအဝင် အသက်ရှင်သူ ၉ ဦးကို အောင်မြင်စွာ ကယ်တင်နိုင်ခဲ့ကာ သေဆုံးသူ ၅၉ ဦး၏ သက်မဲ့ခန္ဓာများကို ရှာဖွေတွေ့ရှိခဲ့ကြပါတယ်။ ထို့အပြင် အိမ်ခြေနှင့် အရေးပါသော အခြေခံအဆောက်အအုံများ ၂၈၇၀၀၀ စတုရန်းမီတာ ဧရိယာကို စစ်ဆေးပေးခဲ့ပြီး ဘေးဒဏ်သင့်ပြည်သူပေါင်း ၂၀၀၀ ကျော်အား ကျန်းမာရေးစစ်ဆေးကုသမှုများ ဆောင်ရွက်ပေးခဲ့ပါတယ်။

ငလျင်ဘေးသင့်ပြည်သူများ၏ အရေးပေါ်လိုအပ်ချက်များကို ဖြည့်ဆည်းရန် ရွက်ဖျင်တဲ အလုံး ၄၀၀၀၊ စောင် အထည် ၁၀၀၀၀၊ အရေးပေါ်ဆေးအိတ်များ ၅၅၀၀၀ ကျော်၊ ခြင်ထောင် အလုံး ၄၀၀၀၀၊ တာပေါ်လင်စ အချပ် ၁၈၀၀၀၊ အိပ်အိတ် အလုံး ၄၀၀၀၊ နေရောင်ခြည်စွမ်းအင်သုံးမီးအိမ် အလုံး ၁၀၀၀၀၊ ချက်ပြုတ်ရေးပစ္စည်းများ ၂၀၀၀ စုံ၊ ကျန်းမာရေးဆေးအိတ်များ ၃၈၈၀၀ ကျော်၊ ခေါက်ဆွဲခြောက် အဖာ ၂၀၀၀ စသည့် ပစ္စည်းများကို တရုတ်နိုင်ငံအတွင်းမှ အမြန်ဆုံးဝယ်ယူပြီး အထူးလေယာဉ်ဖြင့် မြန်မာနိုင်ငံသို့ အရေးပေါ်ပို့ဆောင်ပေးခဲ့တယ်လို့သတင်းထုတ်ပြန်ချက်မှာဖော်ပြထားပါတယ်။

#ymg/knl

#Local_News
Published 12 April 2025

DENKO နှင့်မြန်မာ့ရှေ့ဆောင်ဘဏ်MAB ဥက္ကဌ ဦးချစ်ခိုင်နှင့် ဇေကမ္ဘာဦးခင်ရွှေ၏သား ကိုဇေသီဟ အပါအဝင် စားအုန်းဆီကုန်သည်များ ယနေ့မနက်ပိုင်းက ပြန်လည်လွတ်လာမြောက်လာကြောင်း သတင်းများ ထွက်ပေါ်နေသည်။

ယင်းတို့နှင့် နီးစပ်သူများက လွတ်မြောက်လာကြောင်း သိရသောကြောင့် ဝမ်းသာကြောင်းလည်း ဖော်ပြနေကြသည်။

DENKO နှင့် MAB ဘဏ်ဥက္ကဋ္ဌ ဦးချစ်ခိုင်သည် မန္တလေးအိုးဘိုထောင်ကနေ လွတ်ငြိမ်းချမ်းသာခွင့်ဖြင့် ယနေ့ (ဧပြီ ၁၂ ရက်) နံနက်ပိုင်းက ပြန်လွတ်လာခြင်းဖြစ်ပြီးဇေကမ္ဘာဦးခင်ရွှေ၏ သားဖြစ်သူ ကိုဇေသီဟမှာလည်း ရန်ကုန် အင်းစိန်ထောင်မှ လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာကြောင်း လူမှုကွန်ရက်တွင် ဖော်ပြနေကြသည်။

ထို့အပြင် စားအုန်းဆီကို မတရားဈေး ရောင်းချခြင်းနှင့် မသမာမှုများ ပြုလုပ်၍ ဖမ်းဆီးခံထားရသော စားအုန်းဆီကုန်သည်များလည်း ပြန်လည်လွတ်မြောက်လာကြောင်း သိရသည်။