ခရီးစဉ်အကွာအဝေးပေါ်မူတည်ပြီးကုန်သေတ္တာတင် မော်တော်ယာဉ်ငှားရမ်းခများ တိုးမြှင့်ကောက်ခံသွားမယ်လို့ မြန်မာနိုင်ငံကုန်သေတ္တာတင် မော်တော်ယာဉ်များအသင်းက သိရပါတယ်။

#Local_News
Published 16 September 2025
#မြန်မာနိုင်ငံကုန်သေတ္တာတင် #မော်တော်ယာဉ်များအသင်း
#YMG/NN #Yangon_Times

#Daily_News
Published 16 September 2025

၁။‌ ကုန်သေတ္တာတင် မော်တော်ယာဉ်ငှားရမ်းခများ ခရီးစဉ်အကွာအဝေးအလိုက်တိုးမြှင့်ကောက်ခံ

၂။ ‌‌‌‌‎‎‎ဆောက်လုပ်ရေး“နည်းပညာနှင့်သမိုင်းမှတ်တမ်းမော်ကွန်းတိုက် ” ဖွင့်မည်
‎
၃။‌‎ ‎ဂန္ဓမာပန်းမျိုးစိတ်များမှ အမှုန့်ထုတ်လုပ်ခြင်းနှင့်တင်ပို့ခြင်းကိုဆောင်ရွက်ခွင့်ပြု
‎
‎၄။ ‎ ‎အစ္စရေးလ်-ပါလက်စတိုင်းပဋိပက္ခဖြေရှင်းရေးဆုံးဖြတ်ချက်မူကြမ်း ထောက်ခံမဲအပြတ်အသတ်နိုင် ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 16 September 2025

▪️ တရုတ်နိုင်ငံ နန်နင်းမြို့တွင် ကျင်းပမည့် CHINA - ASEAN Esports Competition: 2025 ပြိုင်ပွဲတွင်မြန်မာ Esports အသင်းနှစ်သင်းပါဝင်ယှဉ်ပြိုင်မည်ဖြစ်ကြောင်းမြန်မာနိုင်ငံအီလက်ထရောနစ် အားကစားအဖွဲ့ချုပ် (MESF) မှ သိရသည်။

▪️ ထိုသို့ ဝင်ရောက်ယှဥ်ရန်အတွက် မြန်မာကိုယ်စားပြု Esports အသင်းများသည် စက်တင်ဘာ လ၁၅ရက်က နန်နင်းမြို့သို့ ထွက်ခွာသွားခဲ့ပြီကြောင်း သိရသည်။

▪️ အဆိုပါ ပြိုင်ပွဲအား တရုတ်နိုင်ငံ နန်နင်းမြို့တွင် စက်တင်ဘာလ ၁၇ ရက်နေ့မှ ၁၉ ရက်နေ့ထိ သုံးရက်တိုင်တိုင် ကျင်းပပြုလုပ်သွားမည်ဖြစ်ပြီး မြန်မာနိုင်ငံမှ Mobile Legends နှင့် Valorant တို့တွင်ဝင်ရောက်ယှဉ်ပြိုင်သွားမည်ဖြစ်ကြောင်း၊ Mobile Legends ပြိုင်ပွဲတွင် မြန်မာနိုင်ငံကိုယ်စားပြု Ai Esports ကလည်းကောင်း၊ Valorant ပြိုင်ပွဲကို မြန်မာနိုင်ငံကိုယ်စားပြုTeam Ferox အသင်းကလည်းကောင်း ဝင်ရောက်ယှဥ်ပြိုင်မည်ဖြစ်ကြောင်းသိရသည်။

▪️ CHINA - ASEAN Esports Competition: 2025 (CAEC) ပြိုင်ပွဲတွင် တရုတ်၊ အင်ဒိုနီးရှား၊ တီမော၊ မလေးရှား၊ ဖိလစ်ပိုင်၊ ထိုင်း၊ ဗီယက်နမ်၊ လာအို၊ ကမ္ဘောဒီးယားနှင့် မြန်မာနိုင်ငံမှ အသင်းများဝင်ရောက်ယှဉ်ပြိုင်ကြမည် ဖြစ်ကြောင်းသိရသည်။

#YMG/SW #Yangon_Times

#Local_News
Published 16 September 2025

▪️ ပို့ဆောင်ရေးနှင့်ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးမြထွန်းဦးသည် ဝန်ကြီးဌာနမှ တာဝန်ရှိသူများနှင့်အတူ ယမန်နေ့က ရှမ်းပြည်နယ်(မြောက်ပိုင်း)၊ နောင်ချိုမြို့ရှိ နောင်ချိုဘူတာဂုတ်ထိပ်ဘူတာနှင့် ဂုတ်ထိပ်တံတားများကို ကွင်းဆင်းကြည့်ရှုစစ်ဆေးခဲ့ပြီးသမိုင်းအမွေအနှစ်တံတားဖြစ်သဖြင့် မူလလက်ရာဒီဇိုင်းအတိုင်း ပြန်လည်တည်ဆောက်နိုင်ရေးမှာကြားခဲ့ကြောင်း သိရသည်။

▪️ ပြည်ထောင်စုဝန်ကြီးက ဂုတ်ထိပ်တံတားသမိုင်းအမွေအနှစ်တံတားဖြစ်သဖြင့် မူလလက်ရာဒီဇိုင်းအတိုင်း ပြန်လည်တည်ဆောက်နိုင်ရေး၊ စံချိန်စံညွှန်းပြည့်မီစွာဖြင့် သတ်မှတ်အချိန်ဇယားအတိုင်း အချိန်မီပြီးစီးရေး၊ လုပ်ငန်းခွင်ဘေးအန္တရာယ်ကင်းရှင်းရေး လိုအပ်ချက်များကိုမှာကြားခဲ့ပြီးတံတားကြီးနှင့် ကပ်လျက်ပေ ၃၅၀ အရှည်ရှိ ဥမင် လိုဏ်ခေါင်းအတွင်း အကြမ်းဖက်သောင်းကျန်းသူများ ဖျက်ဆီးထားသည့် ရထားသံလမ်းများ၊ ကွန်ကရစ်ဇလီဖားတုံးများ၊ မိုင်းဖောက်ခွဲရန်စီစဉ်ထားခဲ့သည့်နေရာများကို ကြည့်ရှုစစ်ဆေးခဲ့ကြောင်း သိရသည်။

▪️ အကြမ်းဖက်သောင်းကျန်းသူများ၏ ဖောက်ခွဲဖျက်ဆီးခံရမှုကြောင့် ထိခိုက်ပျက်စီးမှုများဖြစ်ပေါ်ခဲ့သည့် ဂုတ်ထိပ်တံတား လားရှိုးဘက်ခြမ်းကမ်းကပ်ခုံနှင့် တံတားတိုင်အမှတ် ၁၆ အကြား တံတားသံပေါင်များ အမြန်ဆုံးပြန်လည် ပြင်ဆင်နိုင်ရေးအတွက် လိုအပ်သည့် တံတားပစ္စည်းများ သယ်ယူစုဆောင်းပြီး ယာယီ ဒေါက်တိုင်ဖြင့် ယာယီသံပေါင် တပ်ဆင်နိုင်ရေး စီစဉ်ဆောင်ရွက်နေကြောင်း၊ပျက်စီးသွားသည့် တံတားအစိတ်အပိုင်းများဖယ်ရှားပြီး တံတားသံပေါင်အသစ်များ အစားထိုးတပ်ဆင်သွားမည်ဖြစ်ကြောင်း သိရသည်။

▪️ ဂုတ်ထိပ်တံတားသည် ရှမ်းပြည်နယ်(မြောက်ပိုင်း) နောင်ချိုမြို့နှင့် ကျောက်မဲမြို့အကြား မန္တလေး-လားရှိုးရထားလမ်းကြောင်းပေါ်၌ ပေ ၂၂၀၀ ကျော် ရှည်လျား၍ ပေ ၅၀၀ ခန့်နက်သည့် လျှိုချောက်ကြီး၏ တစ်ဖက်တစ်ချက်ရှိ တောင်နံရံနှစ်ခုကို ဖြတ်သန်းဆက်သွယ်ဖောက်လုပ်ထားခြင်းဖြစ်ပြီး တံတားကြီးကို လန်ဒန်မြို့ရှိ Sir A.M.R Rendel & Co., က ဒီဇိုင်းရေးဆွဲ၍ အမေရိကန်ပြည်ထောင်စုမှ Pennsylvania & Maryland Bridge and Construction Co., က ၁၈၉၉ ခုနှစ်တွင် စတင်တည်ဆောက်ခဲ့ရာ ၁၉၀၀ ပြည့်နှစ်တွင် ပြီးစီးခဲ့သဖြင့် ၁၉၀၃ ခုနှစ်တွင် စတင်အသုံးပြုခဲ့ရာ ယခုအခါ သက်တမ်းနှစ်ပေါင်း ၁၂၀ ကျော်ခဲ့ပြီဖြစ်သည်။

▪️ တံတားအရှည်ပေ ၂၂၆၀ ခန့်၊ တံတား သံမဏိတိုင်အမြင့်ပေ ၃၂၀ အပါအဝင် လျှိုကြမ်းပြင်မှ ရထားသံလမ်းမျက်နှာပြင်အထိ အမြင့် ၈၂၅ ပေခန့်မြင့်မားသောကြောင့် ၎င်းကာလက ကမ္ဘာ့အမြင့်ဆုံး သံမဏိတံတားအဖြစ် မှတ်တမ်းဝင်ခဲ့ကာ သံနှင့်သံမဏိတန်ချိန် ၄၃၁၁ တန်၊ သံမှိုတစ်သန်းခန့်သုံးစွဲထားပြီး မတ်စောက်သည့် တောင်စောင်းများအကြား ခက်ခဲစွာတည်ဆောက်ထားခြင်းဖြစ်သောကြောင့် မီးရထားဖြင့်လိုက်ပါစီးနင်းလျှင် တွေ့မြင်ရသည့် သံမဏိတံတားနှင့် ပတ်ဝန်းကျင်ရှုခင်းအလှအပမှာ လွန်စွာကျော်ကြားပြီး မြန်မာနိုင်ငံအနေဖြင့် ဂုဏ်ယူဖွယ်ရာအံ့မခန်းထင်ရှားသည့် တံတားတစ်စင်းဖြစ်သည်။

▪️ အဆိုပါတံတားကို ဩဂုတ် ၂၄ ရက်က အကြမ်းဖက်သောင်းကျန်းသူအဖွဲ့ (TNLA)က မိုက်မဲစွာ မိုင်းဖြင့် ဖောက်ခွဲဖျက်ဆီးခြင်းခံခဲ့ရ သည်ကို နိုင်ငံပိုင်သတင်းမီဒီယာများတွင် ဖော်ပြအသိပေးခဲ့ပြီး ယခုအခါ မြန်မာ့မီးရထားမှ အင်ဂျင်နီယာဝန်ထမ်းများက ပျက်စီးသွားသည့် အစိတ်အပိုင်းများကို ရှေးမူရင်းလက်ရာ ဒီဇိုင်းပုံစံအတိုင်း ပြန်လည်ပြင်ဆင်တည်ဆောက်လျက်ရှိကြောင်း သိရသည်။

#YMG/SW #Yangon_Times

#Local_News
Published 16 September 2025

▪️ ၂၀၂၅-၂၀၂၆ ဘဏ္ဍာနှစ်အတွက်ရန်ကုန်တိုင်းဒေသကြီးအတွင်းရှိ အသက် ၈၅ နှစ်နှင့်အထက်သက်ကြီးပုဂ္ဂိုလ်များအတွက် လူမှုရေးပင်စင်ထောက်ပံ့ခြင်းနှင့် စေတနာ့ဝန်ထမ်းအဖွဲ့အစည်းများနှင့် ယာယီနေရပ်စွန့်ခွာပြည်သူများအတွက် ထောက်ပံ့ကြေးကျပ်သန်း‌ပေါင်းထောင်ချီ၍ ယမာန်နေ့ကအခမ်းအနားပြုလုပ်ကာပေးအပ်ခဲ့ကြောင်းသိရသည်။

▪️ အဆိုပါ ထောက်ပံ့ကြေးပေးအပ်ပွဲအခမ်းအနားကိုယမာန်နေ့က ရန်ကုန်တိုင်းဒေသကြီးအစိုးရအဖွဲ့ရုံး မင်္ဂလာခန်းမ၌ကျင်းပခဲ့ကြောင်း သိရသည်။

▪️ ပြည်ထောင်စုဝန်ကြီးက အမှာစကားပြောကြားပြီး ၂၀၂၅-၂၀၂၆ ဘဏ္ဍာနှစ် ရန်ကုန်တိုင်းဒေသကြီးအတွင်းရှိ အသက် ၈၅ နှစ်နှင့်အထက် လူမှုရေးပင်စင်အကျိုးခံစားခွင့်ရှိသူ သက်ကြီးပုဂ္ဂိုလ် ၁၇၉၀၃ ဦးအတွက် လူမှုရေးပင်စင်ထောက်ပံ့ကြေးငွေကျပ် ၁၀၆၅ သန်း၊ စေတနာ့ဝန်ထမ်းအဖွဲ့အစည်းများဖြစ်သော လူငယ်ဖွံ့ဖြိုးရေးပရဟိတဂေဟာ ၄၂ ခု၊ မသန်စွမ်းပရဟိတဂေဟာတစ်ခု၊ အမျိုးသမီးဂေဟာတစ်ခုနှင့် ဘိုးဘွားရိပ်သာကိုးခု၊ စုစုပေါင်းဂေဟာ/ရိပ်သာ ၅၃ ခုနှင့် ကိုယ့်အားကိုယ်ကိုး မူလတန်းကြိုကျောင်း ၆၉ ကျောင်းတို့အတွက် ထောက်ပံ့ကြေးငွေကျပ် ၅၈၈ ဒသမ ၉၇၂ သန်းနှင့် တိုက်ပွဲရှောင်ပြည်သူ ၄၈၅၅၅ ဦးအတွက် နိုင်ငံတော်ကထောက်ပံ့ငွေကျပ် ၂၉၁၃ ဒသမ ၃၀၀ သန်းကို ရန်ကုန်တိုင်းဒေသကြီးဝန်ကြီးချုပ်ထံပေးအပ်ပြီး စေတနာ့ဝန်ထမ်းအဖွဲ့အစည်းများမှ ကိုယ်စားလှယ်တစ်ဦးက ကျေးဇူးတင်စကားပြောကြားသည်။

▪️ အဆိုပါ အခမ်းအနားတွင် ရန်ကုန်တိုင်းဒေသကြီးအတွင်းရှိ အသက် ၈၅ နှစ်နှင့်အထက် သက်ကြီးပုဂ္ဂိုလ်များအတွက် လူမှုရေးပင်စင်အကျိုးခံစားခွင့်ရှိသူ ၁၇၉၀၃ ဦး၊ စေတနာ့ဝန်ထမ်းအဖွဲ့အစည်းများက စောင့်ရှောက်ထားသူ ၄၅၄၈ ဦးနှင့် ယာယီနေရပ်စွန့်ခွာပြည်သူ ၄၈၅၅၅ ဦး စုစုပေါင်း ၇၁၀၀၆ ဦး အတွက် ထောက်ပံ့ငွေစုစုပေါင်းငွေကျပ် ၄၅၆၇ ဒသမ ၂၇၂ သန်း ထောက်ပံ့ပေးခဲ့သည်။

▪️ ဆက်လက်၍ ပြည်ထောင်စုဝန်ကြီး ဒေါက်တာစိုးဝင်းသည် ရန်ကုန်မြို့ ဗိုလ်အောင်ကျော် TMT ဆိပ်ကမ်းသို့ရောက်ရှိကာ တရုတ်ပြည်သူ့သမ္မတနိုင်ငံကလှူဒါန်းထားပြီး လိုအပ်သောနေရာများ၌ ထပ်မံဖြည့်စွက်ဆောက်လုပ်ရန် နေရာရှင်းလင်းရေး ဆောင်ရွက်နေစဉ်ကာလအတွင်း ခေတ္တထားရှိသော Container Office များကိုကြည့်ရှုစစ်ဆေးကာ လိုအပ်နေရာများသို့ ရွှေ့ပြောင်းသယ်ယူမည့်အခြေအနေနှင့် အစီအမံတို့အပေါ် လိုအပ်သည်များ ညှိနှိုင်းဖြည့်ဆည်းပေးသည်။

▪️ ထိုမှတစ်ဆင့် ရန်ကုန်တိုင်းဒေသကြီး မရမ်းကုန်းမြို့နယ် ကျိုက်ဝိုင်းဘုရားလမ်းရှိ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန ဗဟိုသိုလှောင်ရုံ (ရန်ကုန်မြို့)သို့ ဆက်လက်သွားရောက်ကာ ကယ်ဆယ်ထောက်ပံ့ရေးပစ္စည်းများ သိုလှောင်ထားရှိမှုအခြေအနေနှင့် တရုတ်ပြည်သူ့သမ္မတနိုင်ငံက ထပ်မံထောက်ပံ့လှူဒါန်းမည့် ရာဂီမုန်တိုင်းနှင့် ဆက်စပ်ဖြစ်ပွားခဲ့သော ရေဘေးသင့်ဒေသများအတွက် ရေသန့်စင်စက်တင်ယာဉ်၊ အသက်ကယ်ရော်ဘာလှေ၊ အသက်ကယ်ရော်ဘာဘောကွင်း အစရှိသည့် ရေဘေးအန္တရာယ်တုံ့ပြန်ရေးဆိုင်ရာ ပစ္စည်းများရောက်ရှိလာပါက ခေတ္တထားရှိနိုင်ရေး သိုလှောင်ရုံများ ကြိုတင်ဆောင်ရွက်ထားရှိမှု အခြေအနေများ၊ ဗဟိုသိုလှောင်ရုံဘေးရှိ အောင်သိဒ္ဓိချောင်း မြေထိန်းနံရံကာရံထားရှိမှုအခြေအနေများကို ကြည့်ရှုစစ်ဆေးကာ လိုအပ်သည်များမှာကြားခဲ့ကြောင်း သိရသည်။

▪️ အဆိုပါ အခမ်းအနားသို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီးဒေါက်တာစိုးဝင်း၊ ရန်ကုန်တိုင်းဒေသကြီးဝန်ကြီးချုပ်၊ ရန်ကုန်တိုင်းဒေသကြီးဝန်ကြီးများနှင့် တာဝန်ရှိသူများ၊ ဌာနဆိုင်ရာတာဝန်ရှိသူများနှင့် စေတနာ့ဝန်ထမ်းအဖွဲ့အစည်းများမှ ကိုယ်စားလှယ်များ တက်ရောက်ကြကြောင်းသိရသည်။

#YMG/NN #Yangon_Times

#Local_News
Published 16 September 2025

▪️ မြန်မာနှင့်တရုတ် နှစ်နိုင်ငံအကြား စီးပွားရေးလုပ်ငန်းများ ပိုမိုဖွံ့ဖြိုး တိုးတက် လာစေရန်ရည်ရွယ်၍ ဖွဲ့စည်းထားသည့် မြန်မာ-တရုတ်နှစ်နိုင်ငံ ကုန်သွယ်မှုနှင့် ရင်းနှီးမြှုပ်နှံမှုမြှင့်တင်ရေးအသင်း၌ အသင်းဝင်ရောက်လိုသူများကို ဖိတ်ခေါ်နေကြောင်း သိရသည်။

▪️ ထို့အပြင် ယင်းအသင်းသည် နှစ်နိုင်ငံကုန်သွယ်မှုနှင့်ကုန်စည်စီးဆင်းမှု ပိုမိုတိုးတက်အဆင်ပြေချောမွေ့လာစေရန် နှင့် မြန်မာနိုင်ငံအတွင်း ရင်းနှီးမြှုပ်နှံမှုများ ပိုမိုတိုးပွားလာစေရန် ရည်ရွယ်၍လည်း “မြန်မာ-တရုတ် ကုန်သွယ်မှုနှင့် ရင်းနှီးမြှုပ်နှံမှုမြှင့်တင်ရေးအသင်း (Myanmar-China Trade and Investment Promotion Association - MCTIP)"ကို မြန်မာနိုင်ငံမှ ကုမ္ပဏီများ(အကြီး၊ အလတ်၊ အငယ်) နှင့် တရုတ်နိုင်ငံမှ State-own ကုမ္ပဏီများနှင့် ပုဂ္ဂလိကကုမ္ပဏီများ (အကြီး၊ အလတ် ၊ အငယ်)တို့ဖြင့် ဖွဲ့စည်းနိုင်ရေးကို ဆောင်ရွက်လျက်ရှိခြင်းဖြစ်သည်။

▪️ ထို့ကြောင့် အသင်းဝင်ရောက်လိုသည့် လူပုဂ္ဂိုလ်/ကုမ္ပဏီ များအား MCTIP အသင်းတွင် အသင်းဝင်အဖြစ် ပါဝင်ရန်ဖိတ်ခေါ်ထားပြီး အသင်းဝင်နိုင်ရေးအတွက် ပူးတွဲပါအချက်အလက်များကို ဖော်ပြပါ phone, Email, Viber များသို့ ဆက်သွယ်၍ ပြန်လည်ပေးပို့ ပေးရန်လိုအပ်ကြောင်းသိရသည်။

#YMG/NN #Yangon_Times