#World_Discovery
Published 18 February 2024

နှစ်ပေါင်း ၁၇၀၀ သက်တမ်းရှိပြီလို့ ခန့်မှန်းရပြီး အတွင်းထဲမှာ အရည်ရှိနေသေးတဲ့ ကမ္ဘာ့ပထမဆုံးကြက်ဥကို သိပ္ပံပညာရှင်များက အကောင်းအတိုင်း တွေ့ရှိခဲ့ကြပါတယ်။

၂၀၀၇ ခုနှစ်မှ ၂၀၁၆ အတွင်း ဘက်ကင်ဂမ်ရှိုင်းယား အိုင်းစ်ဘူရီမှာ တူးဖော်မှုပြုလုပ်ခဲ့စဥ် ထိုကြက်ဥကို သိပ္ပံပညာရှင်များ တွေ့ခဲ့ကြတာဖြစ်ပြီး အလွန်ထူးခြားတဲ့ တွေ့ရှိမှုဖြစ်ခဲ့တယ်လို့ ဆိုပါတယ်။

တူးဖော်မှုပြုလုပ်စဥ် ရှေးဟောင်းတူးဖော်ရေး သုတေသီများကြောင့် ကြက်ဥ ၃ ဥကွဲသွားခဲ့ပြီး အနံ့ဆိုးတွေ ထွက်လာပေမယ့် စတုတ္ထမြောက်ဥကတော့ အကောင်းအတိုင်း ရရှိခဲ့ပါတယ်။

အဏုကြည့်ဓာတ်မှန်ဖြင့် ကြည့်ရှုခဲ့ရာမှာ ထိုကြက်ဥမှာ အနှစ် အကာတွေပြည့်နေသေးတယ်လို့ တွေ့ရှိခဲ့ပြီး ထိုအချိန်က အကောင်းအတိုင်း ရှင်ကျန်ခဲ့တဲ့ တစ်ခုတည်းသာဥ ဖြစ်နေပါတယ်။

ကြက်ဥတွေ ယိုစိမ့်နေမယ်လို့ ထင်ထားခဲ့ပေမယ့် အထဲမှာ အကောင်းအတိုင်း တွေ့လိုက်ရတာကြောင့် အလွန်အံ့အားသင့်ခဲ့ကြတယ်လို့ တူးဖော်ရေးကို ကြီးကြပ်တဲ့ အောက်စ်ဖို့ဒ် ရှေးဟောင်းသုတေသန စီမံကိန်းအကြီးတန်း မန်နေဂျာ အက်ဒ်ဝါ့ဒ်ဘစ်ဒဲ့လ်ပ်က ဆိုပါတယ်။

ကြက်ဥကို လန်ဒန်သဘာဝသမိုင်းပြတိုက်သို့ ယူဆောင်သွားကာ ငှက်တွေ ဥတွေစုဆောင်းတဲ့ ပြတိုက်မှပညာရှင်နဲ့ တိုင်ပင်ပြီး ကြက်ဥကို ထိန်းသိမ်းစောင့်ရှောက်နိုင်မယ့် အကောင်းဆုံးနည်းလမ်းများနဲ့ အထဲကအရည်တွေကို ဖယ်ရှားမယ့် နည်းလမ်းတွေကို တိုင်ပင်ခဲ့ကြပါတယ်။

အခုဆိုရင် အိုင်းစ်ဘူရီရှိ ဒစ္စကာဗာဘက်ခ်ပြတိုက်မှာ ထိန်းသိမ်းထားပြီး အခွံမကွဲစေဘဲ အထဲကအရည်ကို ထုတ်ယူနိုင်မယ့် အကောင်းဆုံးနည်းလမ်းကို ရှာဖွေနေကြပါတယ်။

#World_Discovery #အတွင်းအရည်အနှစ် #နှစ်(၁၇၀၀)သက်တမ်းရှည်ကြက်ဥ #Source: WION

သဘင်လောကသားများကို မျက်စိအခမဲ့ခွဲစိတ်ပေးမည်။ "မျက်စိမကောင်းတဲ့ မျက်စိတိမ်ရှိနေတဲ့နွမ်းပါးတဲ့ သဘင်လောကသားတွေအနေနဲ့ အခမဲ့ခွဲစိတ်ခွင့်ရမှာ ဖြစ်ပြီးမျက်စိခွဲစိတ်ကုသမှုခံယူလိုသူတွေ အနေနဲ့ဖေဖော်ဝါရီလ(၂၉)ရက် နောက်ဆုံးထားပြီး လသာမြိုနယ်ရှိ မြန်မာနိုင်ငံသဘင်အစည်းအရုံး (ဗဟို)သို လာရောက်လျှောက်ထားနိုင်တယ်"
#Local_News
Published_ 18 February 2024
#သဘင်လောက #မျက်စိအခမဲ့ခွဲစိတ်
#tthl #Yangon_Times

#World_Health
Published 18 February 2024

ဂျင်းပြုတ်ရည်က ပူစပ်ပြီး လန်းဆန်းစေတဲ့အရသာ ပေးစွမ်းကာ ကျန်းမာရေးအကျိုးကျေးဇူးရချင်တဲ့အတွက် သောက်သုံးလေ့ရှိကြပါတယ်။

ဂျင်းပြုတ်ရည်မှာ ဂျင်ဂျရောလ်၊ ရှိုဂိုးလ်၊ ဇင်ဂျရုန်းစသဖြင့် ဇီဝလှုပ်ရှားဒြပ်ပေါင်းများ ပါဝင်ကာ ရောင်ရမ်းခြင်းဆန့်ကျင်ခြင်းနဲ့ ဓာတ်တိုးဆန့်ကျင်ခြင်း အစွမ်းသတ္တိများ ပါဝင်တာကြောင့် ကျန်းမာရေးအတွက် အကျိုးရှိတာ ဖြစ်ပါတယ်။

ဂျင်းပြုတ်ရည် သောက်သုံးခြင်းရဲ့ ကျန်းမာရေးအကျိုးကျေးဇူးတွေကတော့..

(၁) ရောင်ရမ်းဆန့်ကျင်သတ္တိ

ဂျင်းပြုတ်ရည်မှာ ပါဝင်တဲ့ ဂျင်ဂျရောလ်က ရောင်ရမ်းခြင်းကို ဆန့်ကျင်ပေးပြီး ခန္ဓာကိုယ်မှ ရောင်ရမ်းခြင်းအမျိုးမျိုးကို လျှော့ချပေးပါတယ်။

(၂) အစာချေခြင်းကို ကူညီခြင်း

အစာမကြေခြင်း၊ မူးဝေအော့အန်ခြင်းတို့ကို သက်သာစေပြီး အစာခြေအင်ဇိုင်းထုတ်လုပ်ပေးပါတယ်။

(၃) ကိုယ်ခံအားမြှင့်တင်ပေးခြင်း

ဓာတ်တိုးဆန့်ကျင်ခြင်း ပါဝင်တာကြောင့် ရောဂါကူးစက်မှုများကို တိုက်ထုတ်ပေးပါတယ်။

(၄) ဓမ္မတာမသက်မသာဖြစ်ခြင်းကိုသက်သာခြင်း

ဓမ္မတာလာခြင်းကြောင့် နာကျင်ခြင်းများကို သက်သာစေပြီး လက္ခဏာဝေဒနာများကို ပြေလျော့စေပါတယ်။

(၅) မူးဝေအော့အန်ခြင်းကို သက်သာစေခြင်း

ခရီးမူးခြင်း၊ ကိုယ်ဝန်ဆောင်စဥ်မူးခြင်းတို့ သက်သာစေပြီး အစာအိမ်ကို ငြိမ်သက်စေပါတယ်။

(၆) ကိုယ်အလေးချိန်ထိန်းသိမ်းခြင်း

ကိုယ်တွင်းဇီဝကမ္မဖြစ်စဥ်ကို လှုံ့ဆော်ပေးတာကြောင့် စားချင်စိတ်ကို လျှော့ချပေးကာ ကိုယ်အလေးချိန် ထိန်းသိမ်းပေးပါတယ်။

(၇) သွေးလှည့်ပတ်မှုကောင်းမွန်ခြင်း

သွေးစီးဆင်းမှုကို ကောင်းစေတဲ့ ဒြပ်ပေါင်းများ ပါဝင်ပြီး သွေးခဲခြင်းကို ကာကွယ်ပေးပါတယ်။

(၈) ဦးနှောက်ကျန်းမာရေး

ဦးနှောက်ဆဲလ်တွေ ဓာတ်တိုးခြင်းမှ ကာကွယ်ပေးကာ ဦးနှောက်ရောဂါများ ဖြစ်နိုင်ခြေကို လျှော့ချပေးပါတယ်။

(၉) အသက်ရှူစနစ်ထောက်ပံ့ပေးခြင်း

ချောင်းဆိုးခြင်း၊ လည်ချောင်းနာခြင်း စတဲ့အသက်ရှူလမ်းကြောင်း ဝေဒနာများကို သက်သာစေပါတယ်။

(၁၀) ကင်ဆာဆန့်ကျင်ပေးခြင်း

ဂျင်းမှာပါဝင်တဲ့ ဒြပ်ပေါင်းတွေက ကင်ဆာဆဲလ်ကြီးထွားမှုကို တားဆီးပေးကာ ကင်ဆာရောဂါများ ဖြစ်နိုင်ခြေကို လျှော့ချပေးပါတယ်။

#World_Health #ဂျင်းပြုတ်ရည်မကြာခဏသောက်သုံးသင့် #Source: DoctorNDTV

၁၇ ဖေဖော်ဝါရီ ၂၀၂၄

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က လူငယ်၊ လူရွယ်များအပေါ် မျှော်မှန်းချက်၊ ရည်မှန်းချက်များနှင့် ပတ်သက်ပြီး ပြောကြားခဲ့မှုနှင့်

ပြည်သူ့စစ်မှုထမ်းစနစ်ကိစ္စများကို သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်းက ယနေ့ ဖေဖော်ဝါရီ ၁၇ ရက်နေ့တွင်  ထပ်မံရှင်းလင်းပြောကြားခဲ့ပါတယ်။

ပြောကြားချက်အပြည့်အစုံကိုဖော်ပြပေးပါတယ်။

@ymg/knl

ဆူဒန်ပြည်တွင်းစစ်ကြောင့် အင်တာနက်နှင့်ဆက်သွယ်ရေးကဏ္ဍ ပြတ်တောက်နေကာစီးပွားရေးကပ်ဘေးစိုးရိမ်နေရ

ဆူဒန်နိုင်ငံမှာ တိုက်ခိုက်မှုများ ဆက်လက်ဖြစ်ပွားနေပြီး အင်တာနက်နဲ့ ဆက်သွယ်ရေး ပြတ်တောက်မှုများ ဆိုးဆိုးရွားရွား ခံစားနေရပါတယ်။
#World_Crisis
Published 17 February 2024
#စီးပွားရေးကပ်ဘေးစိုးရိမ်နေရ #ဆူဒန်ပြည်တွင်းစစ်
#YMG_News #Yangon_Times #Yangon_Media_Group

#Daily_News
Published_ 17 February 2024

၁။ တောင်သူများ ဓာတ်မြေဩဇာအတွက် ကုန်ကျ စရိတ်(၄)ဆလျှော့ချနိုင်မည့်နည်းလမ်းရှိ

၂။ စိုက်ပျိုးထားသည့်သီးနှံများကြောင့် ဇရပ်ကြီးစစ်ရှောင်ပြည်သူအချို့ နေရပ်ကိုပြန်သွားဟုဆို

၃။ ဆူဒန်ပြည်တွင်းစစ်ကြောင့် အင်တာနက်နှင့်ဆက်သွယ်ရေးကဏ္ဍ ပြတ်တောက်နေကာ စီးပွားရေးကပ်ဘေးစိုးရိမ်နေရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ဒီဒေသတွေမှာ စပါးပဲ အဓိကစိုက်ပျိုးကျတာ အခုရာသီကရိတ်သိမ်းချိန်ဖြစ်တော့ အချို့တောင်သူတွေက ဧကအများကြီးနဲ့  ရင်းထားရတော့ သူတို့သီးနှံတွေ ပျက်စီးဆုံးရှုံးမှာစိတ်ပူပြီး နေရပ်ကိုအရဲစွန့်ပြန်သွားကျတာ သီးနှံတွေ ရောင်းချမယ်ဆိုရင် သူတို့အတွက် သိန်းရာချီပြန်ရမှာဆိုတော့ သူတို့ဘဝရပ်တည်ရေးအတွက် အရေးကြီးတယ်လေ။
#Local_News
Published_ 17 February 2024
#ဆေးဝါးနှင့်အိုးခွက်ပန်းကန် #သီးနှံတွေပျက်စီးဆုံးရှုံး
#YMG/LW #Yangon_Times

တောင်သူများ ဓာတ်မြေဩဇာအတွက်ကုန်ကျ စရိတ်(၄)ဆလျှော့ချနိုင်တော့မည် " ဓာတုမြေဩဇာ‌တွေဟာပါဝင်အချိုးအစားပေါ်မူတည်ပြီး ကျပ်(၆)သောင်းမှ (၁)သိန်းခွဲပေါက်ဈေးရှိနေပြီး သဘာဝမြေဩဇာ ကတော့နှစ်သောင်းကျော် သုံးသောင်းကျော်ခန့်သာ ပေါက်ဈေးရှိလို အချို့(၄) အိတ်(၁)အိတ်ကွာတယ်"
စိတ်ကြိုက်မြေဩဇာ ဖြန့်ချိရောင်းချနေသည့်ကိုယ်စားလှယ်တစ်ဦး
#Local_News
Published_ 17 February 2024
#ဓာတ်မြေဩဇာ #ဖြန့်ချိရောင်းချနေသည့်ကိုယ်စားလှယ်
#tthl #Yangon_Times

#Local_News
Published_ 17 February 2024

နာမည်ကြီး တေးရေးဆရာဒီနေ့ပုဏ္ဏက(ခေါ်)ဦးကိုလေးသည် ယနေ့ဖေဖော်ဝါရီလ ၁၇ ရက် မွန်းတည့် ၁၂ နာရီခန့်အချိန်က ကွယ်လွန်သွားကြောင်း ဂီတအသိုင်းအဝိုင်းနှင့်သူ၏ မိတ်ဆွေများထံမှ သိရသည်။

"ညီတစ်ယောက်ကဲ့သို့ကျွန်တော်တို့ကိုချစ်ခင်သော တေးဂီတစာဆိုကြီး ဆရာဒီနေ့ပုဏ္ဏက ခံစားနေရသောရောဂါများအမြန်ဆုံးသက်သာ ပျောက်ကင်းသက်ရှည်ကျန်းမာပါစေ။ (ဆုတောင်းမပြည့်ပါ။ ဆရာပုဏ္ဏက ယနေ့နေ့လည် ၁၂နာရီက ကျွန်တော်တို့ကိုစွန့်ခွါသွားရှာခဲ့ပြီ)"ဟု စာရေးဆရာဟိန်းလတ်မှသူ၏ လူမှုကွန်ရက်စာမျက်နှာပေါ်၌ဖော်ပြထားသည်။

"တေးရေး ဒီနေ့ပုဏ္ဏက(ခ)ဦးကိုလေး ကွယ်လွန်ကြောင်းကြားသိရတဲ့အတွက် မြန်မာနိုင်ငံဂီအစည်းအရုံး(ဗဟို)အနေနဲ့အထူးစိတ်မကောင်းခြင်းများစွာဖြစ်ရပါတယ်။ ထင်ရှားကျော်ကြားတဲ့ခေတ်ပေါ်  မြန်မာသံတေးသီချင်းများနဲ့အောင်မြင်တဲ့တေးသံရှင်များ မွေးထုတ်ပေးခဲ့တဲ့တေးရေးပညာရှင်ကြီးဖြစ်တဲ့အတွက်လဲ အထူးပဲနှမျောတသစိတ်မကောင်းခြင်းများစွာဖြစ်ရပါတယ်။ တေးရေး ဒီနေ့ပုဏ္ဏကခေါ် ဦးကိုလေး အေးချမ်းရာမှာအနားယူနိုင်ပါစေ "ဟု မြန်မာနိုင်ငံဂီတအစည်းအရုံး(ဗဟို)မှလည်း ဝမ်းနည်းမှတ်တမ်း ထုတ်ပြန်ထားသည်။

ဒီနေ့ပုဏ္ဏကသည်မြန်မာ‌ တေးရေး၊ ဂီတစာဆို တစ်ဦးဖြစ်ပြီးကံ့ကော်တော မျိုးအောင်၊ ချိုပြုံး၊ ဘိုဘိုဟန် စသူတို့၏ နာမည်ကျော် တေးသီချင်းများကို ရေးစပ်ပေးခဲ့သူဖြစ်ကာ အဆိုတော် ချိုပြုံး သီဆိုသော "တိမ်ပလီနွေနှောင်း" သီချင်း သည် တေးရေးဆရာ ဒီနေ့ပုဏ္ဏက၏ လက်ရာ နာမည်ကျော် တေးတစ်ပုဒ်ဖြစ်သလို "ခပ်မိုက်မိုက်ချစ်ကြစို့"သီချင်းဖြင့်လည်း စတူဒီယိုခေတ်ဦးမှာရော ယနေ့ခေတ်၌ပါ တစ်ကျော့ပြန်နာမည်ကျော်ကြားလာသူဖြစ်ကြောင်းနှင့်ကွယ်လွန်ချိန်၌ အသက်(၈၀)ရှိပြီဖြစ်ကြောင်း သိရသည်။

#Local_News #နိုင်ငံကျော်တေးရေးဆရာ #ဒီနေ့ပုဏ္ဏကကွယ်လွန် #tthl #Yangon_Times

#Local_News
Published 17 February 2024

ချင်းပြည်နယ် ဖလမ်းမြို့အနီး အင်အား ၄ ဒသမ ၆ အဆင့်ရှိ ငလျင် လှုပ်ခတ်သွားကြောင်း မိုးလေဝသနှင့်ဇလဗေဒ ညွန်ကြားမှုဦးစီးဌာန၏ ထုတ်ပြန်ချက်အရ သိရသည်။

၂၀၂၄ ခုနှစ်၊ ဖေဖော်ဝါရီလ ၁၇ ရက်နေ့၊ မြန်မာစံတော်ချိန် (၁၀) နာရီ၊ (၂၅) မိနစ်၊ (၂၂) စက္ကန့် အချိန်တွင် လှုပ်ခတ်ခြင်းဖြစ်ကြောင်း သိရသည်။

မြေငလျင်စခန်းမှ တိုင်းတာချက်အရ ဟားခါးမြေငလျင်စခန်းမှ မြောက်ဘက် (၂၇) မိုင်ခန့်အကွာ၊ မြန်မာနိုင်ငံပြည်တွင်း (ဖလမ်းမြို့၏ မြောက်-အနောက်မြောက်ဘက် (၈) မိုင်ခန့်အကွာ)၊ မြောက်လတ္တီတွဒ် (၂၃.၀၂) ဒီဂရီ၊ အရှေ့လောင်ဂျီတွဒ် (၉၃.၆၅) ဒီဂရီ၊ အနက် (၉၄) ကီလိုမီတာကို ဗဟိုပြု၍ အင်အား ရစ်(ခ်)တာစကေး (၄.၆) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွား ​သည်ဟု တိုင်းထွာရရှိကြောင်း ထုတ်ပြန်ထားသည်။

#Local_News #အင်အား၄ဒသမ၆အဆင့် #မြေငလျင်လှုပ်ခတ် #YMG/LW #Yangon_Times

#Local_News
Published-17 February 2024

မန္တလေးနှင့် မကွေးတိုင်းဒေသကြီးရှိ လူဦးရေ ၁၂၀၀၀ ကျော်အတွက် သောက်သုံးရေသိုလှောင်ပမာဏ ဂါလံ(၆၂) သန်းကျော် သိုလှောင်ထားကြောင်း ဆည်မြောင်းနှင့်ရေအသုံးချမှုစီမံခန့်ခွဲမှုဦးစီးဌာန၊ ရေအရင်းအမြစ်ဌာနမှ သိရသည်။

အဆိုပါဒေသများသည် မိုးနည်းရေရှားဒေသကြီးများဖြစ်သောကြောင့် လာမည့်နွေရာသီတွင်အယ်လ်နီညိုဖြစ်စဉ် ကြိုတင်ကာကွယ်ရေးအတွက် သိုလှောင်ထားခြင်းဖြစ်ကြောင်း သိရသည်။

ထိုသို့သိုလှောင်ထားရာတွင် မန္တလေးတိုင်းဒေသကြီးတွင် ရေကန် (၇) ကန် ရေသိုလှောင်ထားနိုင်သည့်ပမာဏ ဂါလံ ၄၆ ဒသမ ၆၃ သန်း၊ မကွေးတိုင်းဒေသကြီးတွင် ရေကန် (၁၁) ကန် ရေသိုလှောင်ထားနိုင်သည့်ပမာဏ ဂါလံ ၁၅ ဒသမ ၅၆ သန်းကို  ဖော်ဆောင်ထားရှိပြီးဖြစ်ကြောင်း သိရသည်။

ထို့ပြင်မိုးနည်းရေရှားဒေသကြီးများဖြစ်သည့် မန္တ‌လေးနှင့်မကွေးတိုင်းများ၌ လာမည့် ၂၀၂၅ ခုနှစ်တွင်လည်း လူဦးရေ ၆၀၀ နီးပါးအတွက် ရေကန်များဖော်ဆောင်နိုင်ရန် စီစဉ်ထားကြောင်း သိရသည်။

#Local_News #သောက်သုံးရေသိုလှောင် #YMG/NN #Yangon-Times

#Local_News
Published_ 17 February 2024

မြန်မာနိုင်ငံသဘင်အစည်းအရုံး (ဗဟို)နာယကကြီးဖြစ်သော ရုပ်သေး၊ ရုပ်စုံပညာရှင်ကြီး ဦးစိန်ထွန်းကြည်ဖေဖော်ဝါရီလ(၁၆)ရက်တွင် ကွယ်လွန်သွားကြောင်း မြန်မာနိုင်ငံသဘင်အစည်းအရုံးမှ သိရသည်။

ဆရာကြီးသည်ကွယ်လွန်ချိန်တွင်  အသက် (၈၆) နှစ်ရှိပြီဖြစ်ပြီး မြန်မာနိုင်ငံ၏ ရုပ်သေးပညာရှင်ကြီး ဦးစိန်ထွန်းကြည်ဘဝတပါးသို့ ပြောင်းသွားကွယ်လွန်ကြောင်း ကြားသိရပါ၍ အစားထိုးမရသည့် ဆုံးရှုံးမှုအဖြစ်အထူးဝမ်းနည်းကြေကွဲရကြောင်း မြန်မာနိုင်ငံသဘင်အစည်းအရုံး (ဗဟို)မှ ထုတ်ပြန်ထားသည်။

"ရုပ်သေးဆရာကြီး ဦးစိန်ထွန်းကြည်ကွယ်လွန် သွားတယ်ဆိုတာ ဟုတ်ပါတယ်။ ဆရာကြီးဟာမြန်မာနိုင်ငံသဘင်အစည်းအရုံး (ဗဟို)ရဲ့နာယက တစ်ဦးဖြစ်သလို ဆရာကြီးက  ဆိုကရေးတီးပြိုင်ပွဲကြီးမှာ အကဲဖြတ်အဖြစ်ဆောင်ရွက်ပေးခဲ့တယ်။

နေပြည်တော်မှာ ဆိုကရေးတီးအတွက်ဆောင်ရွက်ပေးစဉ်က ဆရာကြီးအတွက် အစည်းအရုံးကရော နိုင်ငံတော်ကပါ ကျန်းမာရေးစောင့်ရှောက်မှုတွေ ပေးခဲ့တယ်။ သူနာမကျန်းဖြစ်ချိန်မှာရော ကွယ်လွန်ချိန်မှာပါ အစည်းအရုံးက ထောက်ပံ့မှုတွေပေးခဲ့ပါတယ်။ ဆရာကြီးဟာ မြန်မာနိုင်ငံသဘင်အစည်း အရုံး (ဗဟို)ရဲ့နာယက တစ်ဦးဖြစ်လို့ အစည်းအရုံးအနေနဲ့ သူ့အတွက်နောက်ဆုံး အခမ်းအနားလေးဆောင်ရွက်ပြီး စောင့်ရှောက်ပေးသွားမှာဖြစ်တယ်"ဟု YMG ကို ပြောသည်။

မြန်မာနိုင်ငံသဘင်အစည်းအရုံး (ဗဟို)နာယကကြီး ရုပ်စုံပညာရှင်ဦးစိန်ထွန်းကြည်၏ နာရေးအတွက် အလှူငွေ (၅၀၀,၀၀၀)ကျပ်တိတိကို ကျန်ရစ်သူမိသားစုထံထောက်ပံ့လှူဒါန်းခဲ့ကြောင်း သိရသည်။

#Local_News #မြန်မာ့ရုပ်သေး #ဦးစိန်ထွန်းကြည်ကွယ်လွန် #tthl #Yangon_Times