Published_ 15 January 2023

မန္တလေးတိုင်းဒေသကြီး၌ ငွေကျပ် ၄ ဒသမ ၉၄၅ ဘီလီယံတန်ဖိုးရှိ စိတ်ကြွ ရူးသွပ်ဆေးပြား ၁၆ သိန်းကျော်နှင့် ဘိန်းဖြူ ၁၀၀ ကီလိုကျော် ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့ရဲ့ ထုတ်ပြန်ချက်အရ သိရပါတယ်။

မူးယစ်ဆေးဝါး တားဆီးနှိမ်နင်းရေးရဲတပ်ဖွဲမှ တပ်ဖွဲဝင်များပါဝင်သော ပူးပေါင်းအဖွဲ့ သည် ဇန်နဝါရီ ၈ ရက် မွန်းလွဲ ၂ နာရီခွဲတွင် ပြည်ကြီးတံခွန်မြိုနယ်၊ (ဈ)ရပ်ကွက်၊ ၅၂ x ၅၃ လမ်းကြား၊ ၁၃၉(A)လမ်းရှိ ဂိုဒေါင်ကို သတင်းအရရှာဖွေရာ ဆာဦးနှင့် မိုင်းအိုက်ကျင်တို ၂ ဦးအား စိတ်ကြွရူးသွပ်ဆေးပြား ၁၁ ဒသမ ၁ သိန်း၊ ပလတ်စတစ်ဆပ်ပြာခွက် ၉၂၄၀ ခွက်ဖြင့်ထည့်လျက် ဘိန်းဖြူ ၉၂ ဒသမ ၄ ကီလိုနှင့်အတူ ဖမ်းဆီးရမိခဲ့ပါတယ်။

စစ်ဆေးဖော်ထုတ်ချက်အရ ဇန်နဝါရီ ၉ ရက် ည ၈ နာရီတွင် ချမ်းမြသာစည်မြိုနယ်၊ ကန်သာယာရပ်ကွက်၊ ၅၈ အေလမ်းနှင့် ၁၁၅ လမ်းထောင့်နေ လှသိန်းကို ဘိန်းဖြူ ၄ ဒသမ ၄ ကီလိုနှင့်လည်းကောင်း၊ ဇန်နဝါရီ ၁၀ ရက် နံနက် ၁၀ နာရီခွဲတွင် ပုသိမ်ကြီးမြိုနယ်၊ အုန်းချောကျေးရွာ၊ အမှတ်(၃)ရပ်ကွက်ရှိ ဟိန်းလတ်နှင့် မအေးအေးအောင်တို၏ စိုက်ပျိုးမွေးမြူရေးခြံမှ ဘိန်းဖြူ ၄ ဒသမ ၄ ကီလိုနှင့် စိတ်ကြွရူးသွပ်ဆေးပြား ၅ သိန်းကိုလည်းကောင်း ဆက်လက်ဖော်ထုတ် သိမ်းဆည်းရမိခဲ့သဖြင့် စုစုပေါင်း ဒေသကာလတန်ဖိုးငွေကျပ် ၄ ဒသမ ၉၄၅ ဘီလီယံတန်ဖိုးရှိ စိတ်ကြွရူးသွပ်ဆေးပြား ၁၆ ဒသမ ၁ သိန်း၊ ဘိန်းဖြူ ၁၀၁ ဒသမ ၂ ကီလို သိမ်းဆည်းရမိခဲ့ပါတယ်။

စစ်ဆေးဖော်ထုတ်ချက်အရ သိမ်းဆည်းရမိ ဘိန်းဖြူနှင့် စိတ်ကြွရူးသွပ် ဆေးပြားများကို ရှမ်းပြည်နယ်မှ မန္တလေးတိုင်းဒေသကြီးသို့ သယ်ဆောင်ပြီး ၎င်းမှတစ်ဆင့် ကချင်ပြည်နယ်သို့ ဆက်လက်သယ်ဆောင် ရောင်းဝယ်ခြင်းဖြစ်ကြောင်း သိရသဖြင့် ၎င်းတိုအား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများကို ဆက်လက် စစ်ဆေး ဖော်ထုတ်လျက်ရှိကြောင်း သတင်းရရှိပါတယ်။
Ymg_mnn
#Yangon_Media_Group
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

'မြန်မာနိုင်ငံအနှံ့အပြားမှာ မြန်မာ့ရိုးရာအတိုင်း မြင်းစီးပြီး ရှင်ပြုတဲ့ဓလေ့ဟာ ဒီနေ့ထိမပျောက်ပျက်ဘဲ ရှိနေကြသလို ပဲခူးတိုင်းအပါအဝင် တိုင်းနဲ့ပြည်နယ်အချို့မှာလည်း မြင်းပြိုင်ပွဲတွေ နှစ်စဉ်ကျင်းပတာတွေရှိပြီး မြင်းတွေကို ကြေးအလိုက် ဈေးခေါ်ပြီး အချင်းချင်းပြိုင်တာတွေလည်း ရှိတယ်၊ စီးပွားဖြစ်မွေးမြူပြီး မြင်းပြန်လည် ငှားစားသူတွေဟာ မိုးရာသီမှာ စီးပွားရေး ကျပ်တည်း‌လေ့ရှိပြီး ပွင့်လင်းရာသီဖြစ်တဲ့ အလှူပွဲတွေပေါများကာလဆိုရင်တော့ အလုပ်ဖြစ်တယ်
Yangon Times/NN
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

ပြည်ကျွန်းတော ဆင်စခန်းမှာတော့ ကျွန်းတောအတွင်း ၁၈၅၇ ခုနှစ်က ဂျာမန်သစ်တောပညာရှင် ဒေါက်တာဘရန်းစ် စိုက်ပျိုးခဲ့တဲ့ နှစ်ပေါင်း ၁၆၀ခန့် ကြာမြင့်ပြီဖြစ်တဲ့ သက်ကြီးကျွန်းပင်ကြီးတွေနဲ့ သဘာဝအလှတရားများကို ခြေလျင်လမ်းလျှောက်၍၎င်း ၊ ဆင်စီး၍၎င်း အပန်းဖြေ ကြည့်ရှု လေ့လာနိုင်တယ်လို့ ပြည်ဆင်စခန်းမှ တာဝန်ခံလက်ထောက်မန်နေဂျာဒေါ်ရတနာမြင့်အောင် ကအခုလိုပြောပါတယ်။
Yangon Times/LW
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

" ရွှေတိဂုံမှာ Pagoda Digital Directory အတွက် အချက်အလက်တွေထည့်ပြီးပြီဖြစ်ပြီး Touch Screen(၁၀)ခုတပ်ဆင်ဖို့ တင်ဒါခေါ်ထားတယ်။ နေပူခံကျောက်ပြားအရောင်တင်တာလည်း ဆောင်ရွက်နေတယ်။" ရွှေတိဂုံဂေါပကအဖွဲ့ဝင်ဦးဘိုးသင်း
Yangon Times/tthl
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

Published_ 15 January 2024

တစ်နိုင်ငံလုံး၌ ဆန်၊စပါးသိုလှောင်ရုံ ၁၇၄ ရုံထိ မှတ်ပုံတင်ထားကြောင်း မြန်မာနိုင်ငံဆန်စပါးအသင်းချုပ်မှသိရသည်။

မြန်မာနိုင်ငံဆန်စပါးအသင်းချုပ်သည် ပြည်တွင်းဆန်ဈေးနှုန်း တည်ငြိမ်စေရေး၊ ပြည်ပသို့ ဆန်တင်ပို့မှု စနစ်တကျ သတ်မှတ်ဆောင်ရွက်နိုင်ရန်အတွက် ဆန်တန်ချိန် ၅၀ (သို့) စပါးတင်း ၅၀၀၀ နှင့်အထက် သိုလှောင်ပါက မှတ်ပုံတင်ပြုလုပ်ရန် ပြီးခဲ့သည့် နိုဝင်ဘာလ ၄ ရက်မှ စတင်ကာ အသိပေးထုတ်ပြန်ခဲ့ပြီးနောက် ရန်ကုန်တိုင်းမှ သိုလှောင်ရုံ ၈၇ လုံး၊ ဧရာဝတီတိုင်းမှ သိုလှောင်ရုံ ၅၂ လုံး၊ ပဲခူးတိုင်းမှ သိုလှောင်ရုံ ၁၀ လုံး၊ မန္တလေးတိုင်းမှ သိုလှောင်ရုံ ၄ လုံး၊ စစ်ကိုင်းတိုင်းမှ သိုလှောင်ရုံ ၁ လုံး၊ နေပြည်တော်မှ သိုလှောင်ရုံ ၁၉ လုံးနှင့် ရခိုင်ပြည်နယ်မှ သိုလှောင်ရုံ ၁ လုံး စုစုပေါင်းသိုလှောင်ရုံ ၁၇၄ လုံးတို့ မှတ်ပုံတင်ထားပြီး ကျန်ရှိနေသည့် သိုလှောင်ရုံများလည်း မှတ်ပုံတင်ပြုလုပ်ရမည်ဖြစ် ကြောင်း သိရသည်။

မြန်မာနိုင်ငံဆန်စပါးအသင်းချုပ်နှင့် ညီနောင်ဆန်စပါးအသင်းအဖွဲ့များ၏ တိုင်း၊ ပြည်နယ်၊ ခရိုင်၊ မြို့နယ်အဆင့် အသင်းခွဲများ၊ ဒေသကော်မတီများ အနေဖြင့် မိမိတို့အသင်းဝင်များ၏ ဆန်၊ စပါး သိုလှောင်မှု မှတ်ပုံတင်ခြင်းလုပ်ငန်းကို အချိန်မီ ဆောင်ရွက်ပေးရန်လည်းကောင်း၊ ကုမ္ပဏီများ၊ တသီးပုဂ္ဂလများ အနေဖြင့်လည်း သတ်မှတ်ချက်များနှင့်အညီ မှတ်ပုံတင်ရမည်ဖြစ်ကြောင်းနှင့် ဈေးဝယ်စင်တာများ၌ ဆန်များရောင်းချနေသူများသည်လည်း မြန်မာ့ဆန်စပါးအွန်လိုင်း MyRO ၌ မှတ်ပုံတင်ပြုလုပ်ခြင်းကို အထူးအလေးပေး ကြပ်မတ်ဆောင်ရွက်ရမည်ဖြစ်ကြောင်း သိရသည်။
Yangon-Times/NN
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

Published_ 15 January 2023

ရွှေစက်တော်ဘုရားပွဲတော်ကို တပိုတွဲလဆန်း ၅ ရက်၊ ဖေဖော်ဝါရီ ၁၄ ရက်တွင် စတင်ဖွင့်လှစ်မည်ဖြစ်ပြီး တည်းခိုဆောင်အလုံး ၈၅၀ ခန့်နှင့် ဈေးဆိုင်ခန်း ၄၅၀ ခန့် ဆောက်လုပ်နေကြောင်း သိရပါတယ်။

ပွဲတော်ကာလအတွင်း လာရောက်ဖူးမြော်တဲ့ ဘုရားဖူးများ အဆင်ပြေပြေ ဖူးမြော်နိုင်ရန် တည်ဆောက်နေတဲ့ တည်းခိုဆောင်များ၌ ညအိပ်တည်းခိုခွင့်ပြုသွားမှာ ဖြစ်ပြီး မင်းဘူး(စကု) မြိုနယ်ရှိ သမိုင်းဝင်ရွှေစက်တော်ဘုရားကြီး တည်းကျောင်းများနှင့် ဈေးဆိုင်တန်းများဆောက်လုပ်ရန် မြေနေရာသတ်မှတ်ခြင်းနှင့် အဆင့်မြှင့်တင်ခြင်း လုပ်ငန်းများကိုလည်း ဆောင်ရွက်နေပါတယ်။

ခရိုင်စီမံအုပ်ချုပ်ရေးအဖွဲ တာဝန်ရှိသူများသည် ဇန်နဝါရီ ၁၄ ရက်က သုံးမိုင်အဝင် လမ်း မြေထိန်းနံရံများတွင် ကျောက်ကွက်အလှဖော်ခြင်း၊ ပန်းအိုးနှင့် ပန်းအလှပင်များ စိုက်ပျိုးခြင်း၊ အထက်စက်တော်ရာအတက်မုခ်ဦးရှိ လှေကားထစ်များ ပြုပြင်တည်ဆောက် ခြင်းနှင့် မိုးတွင်းကာလ မန်းချောင်းရေတိုက်စားခြင်းမှ ကာကွယ်ရန် မြေထိန်းနံရံများ၏ အောက်ခြေရှိ ကျောက်တုံးများ၊ Bedrock များကို သံခြင်းများဖြင့် ပြုပြင်တည်ဆောက် နေမှုများကို သွားရောက်စစ်ဆေးခဲ့ကြောင်း သိရပါတယ်။

ထို့ပြင် အောက်စက်တော်ရာ နဂါးရေအိုင်ပြုပြင်ခြင်း၊ ဘုံခုနစ်ဆင့် ရွှေချခြင်းနှင့် နံရံနှင့်မျက်နှာကြက်များကို ယွန်းအတတ်ပညာရှင်များ၏ လက်ရာဖြင့် ရုပ်လုံး၊ ရုပ်ကြွ ပေါ်လွင်အောင် ထုဆစ်စေခြင်း၊ တည်းကျောင်းများနှင့် ဈေးဆိုင်တန်းမြေနေရာ သတ်မှတ်၍ စနစ်တကျတည်ဆောက်နေကာ လုပ်ငန်းများအားလုံး အချိန်မီပြီးစီးနိုင်ရေး ဆောင်ရွက်လျက်ရှိကြောင်း သတင်းရရှိပါတယ်။
Ymg_mnn
#Yangon_Media_Group
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

Published_ 15 January 2024

တောင်အာဖရိကနိုင်ငံဆိုင်ရာ တောင်ကိုရီးယားနိုင်ငံ သံအမတ်ကြီး H.E. Mr. Yang Dong-Han သည် တောင်အာဖရိကနိုင်ငံ အာရှဒေသသံတမန်များအဖွဲ့၏ နာယကအဖြစ် တာဝန်ယူ ဆောင်ရွက်လျက်ရှိတဲ့ မြန်မာသံအမတ်ကြီး ဦးမြင့်ဆွေအား ဇန်နဝါရီ ၁၂ ရက်တွင် မြန်မာသံရုံး၌ လာရောက်တွေ့ဆုံခဲ့ပါတယ်။

တွေ့ဆုံရာ၌ မြန်မာသံအမတ်ကြီးက အာရှဒေသသံတမန်များအဖွဲ့၏ ဆက်လက် ဆောင်ရွက်သွားမည့် လုပ်ငန်းစဉ်များ၊ မြန်မာနိုင်ငံ၏ နိုင်ငံခြားရေးမူဝါဒ၊ နစက၏ ရှေ့လုပ်ငန်းစဉ် (၅)ရပ်နှင့်အညီ ငြိမ်းချမ်းရေး၊ တည်ငြိမ်ရေးနှင့် တိုးတက်မှုများ ဖြစ်ထွန်းလာစေရေး ကြိုးပမ်းဆောင်ရွက်နေမှုများကို ဆွေးနွေးပြောကြားခဲ့ပါတယ်။

ထို့အပြင် နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှုများနှင့် စပ်လျဉ်း၍ ခင်မင်ရင်းနှီးစွာ ဆွေးနွေးခဲ့ကြကြောင်း သတင်းရရှိပါတယ်။
Ymg_mnn
#Yangon_Media_Group
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

Published 15 January 2024

မြောက်ကိုရီးယားနိုင်ငံဟာ အစိုင်အခဲလောင်စာသုံး အသံထက်မြန် တာလတ်ပစ်ဒုံးကျည်အသစ်တစ်မျိုးကို တနင်္ဂနွေနေ့က စမ်းသပ်ပစ်လွှတ်ခဲ့ကြောင်း KCNA သတင်းဌာနက တနင်္လာနေ့မှာ ဖော်ပြခဲ့ပါတယ်။

ထိုစမ်းသပ်ပစ်ခတ်မှုကို အမေရိကန်၊ ဂျပန်၊ တောင်ကိုရီးယားတို့က ဝေဖန်ရှုတ်ချလိုက်ကြပါတယ်။

အဆိုပါ ဒုံးကျည်ပစ်လွှတ်မှုရဲ့ ရည်ရွယ်ချက်က အဆင့်များစွာပါဝင်သော တွန်းအားမြင့် အစိုင်အခဲလောင်စာသုံးအင်ဂျင်များနဲ့ ပဲ့ထိန်းနိုင်တဲ့ တာလတ်ပစ် အသံထက်မြန် ဒုံးကျည်ထိပ်ဖူးတို့ရဲ့ ယုံကြည်စိတ်ချရမှုကို စမ်းသပ်ရန် ဖြစ်ပြီး စမ်းသပ်ချက်ကြောင့် အိမ်နီးချင်းနိုင်ငံတွေရဲ့ လုံခြုံရေးကို ခြိမ်းခြောက်ခဲ့ခြင်း မရှိဘူးလို့ KCNA က ဆိုပါတယ်။

ဒုံးကျည်ပစ်လွှတ်ခြင်းဟာ ကုလသမဂ္ဂ လုံခြုံရေးကောင်စီရဲ့ ပဋိဉာဥ်စည်းမျဥ်းတွေကို ဖောက်ဖျက်ရာကျပြီး မြောက်ကိုရီးယားရဲ့ တိုက်ရိုက်ရန်စမှုကို အပြင်းအထန် တုန့်ပြန်သွားမယ်လို့ တောင်ကိုရီးယားစစ်တပ်က ထုတ်ပြန်လိုက်ပါတယ်။

ထိုပစ်ခတ်မှုဟာ ယခုနှစ်အတွင်း မြောက်ကိုရီးယားရဲ့ ပထမဆုံး စမ်းသပ်မှုဖြစ်ခဲ့ပြီး နောက်နေ့မှာပဲ နိုင်ငံခြားရေးဝန်ကြီး ချိုဆွန်ဟွေဦးဆောင်တဲ့ ကိုယ်စားလှယ်အဖွဲ့ဟာ ပြုံယမ်းကနေ ရုရှားသို့ ထွက်ခွာသွားတယ်လို့လည်း ဖော်ပြထားပါတယ်။

မြောက်နဲ့ တောင်ကိုရီးယားတို့ နှစ်နိုင်ငံကြား တင်းမာမှုမြင့်တက်နေချိန်မှ မြောက်ကိုရီးယားဘက်မှ ယခုလို ဒုံးကျည်စမ်းသပ်ခြင်းနဲ့ ရုရှားသို့ သွားရောက်လည်ပတ်ခြင်းတွေ ပြုလုပ်လာတာ ဖြစ်ပါတယ်။

ဒေသတွင်း တင်းမာမှုမြင့်တက်ရခြင်းဟာ တောင်ကိုရီးယားက စစ်ရေးလေ့ကျင့်မှုများ ပြုလုပ်ခြင်းနဲ့ လက်နက်တပ်ဆင်ရေးများ တောင်းဆိုခြင်းတို့ကြောင့် ဖြစ်တယ်လို့ မြောက်ကိုရီးယားဘက်က စွပ်စွဲလိုက်ပါတယ်။

တောင်ကိုရီးယားစစ်တပ်ရဲ့ ပြောကြားချက်အရ ဒုံးကျည်ပစ်လွှတ်ခြင်းဟာ မွန်းလွဲ ၂ နာရီ ၅၅ မိနစ်ခန့်မှာ ပြုံယမ်းတဝိုက်ကနေ ၁ ထောင်ကီလိုမီတာအထိ ပျံသန်းခဲ့ပြီး တောင်ကိုရီးယား အရှေ့ဘက် ကမ်းရိုးတန်းနား ကျရောက်ခဲ့ကာ အများဆုံးအမြင့်ပေ ၅၀ ကီလိုမီတာခန့်အထိ ရောက်ရှိခဲ့ပါတယ်။

အသံထက်မြန်ဒုံးကျည်တွေကနေ ပစ်လွှတ်လိုက်တဲ့ ထိပ်ဖူးတွေဟာ အသံထက် ၅ ဆမြန်ကြပြီး အမြင့်ပေအနိမ့်ပိုင်းမှာ ပဲ့ထိန်းလေ့ရှိပါတယ်။

ဆန်းစစ်သူတွေရဲ့ ပြောကြားချက်အရ အသံထက်မြန်ဒုံးကျည်တွေရဲ့ အဓိကအင်္ဂါရပ်က အမြန်နှုန်းမဟုတ်ဘဲ ဒုံးကျည်ဖျက်စနစ်တွေကို ရှောင်ရှားနိုင်အောင် ထိပ်ဖူးကို ပဲ့ကိုင်ထိန်းချုပ်နိုင်စွမ်းပဲ ဖြစ်ပါတယ်။

တာလတ်ပစ် ပဲ့ထိန်းဒုံးကျည်တွေအတွက် အစိုင်အခဲလောင်စာသုံး အင်ဂျင်သစ်တွေကို နိုဝင်ဘာ၁ ၁ ရက်နေ့မှ ၁၄ ရက်အတွင်းက စမ်းသပ်ခဲ့တယ်လို့ မြောက်ကိုရီးယားက ပြောပြခဲ့ဖူးပါတယ်။
Source: Reuters
#World_News
#Published_ 15 January 2024
#YMG #Yangon_Times #Yangon_Media_Group #YMG_News

Published 15 January 2024

ဆိုရှယ်မီဒီယာတွေပေါ်မှာ မဂ္ဂနီဆီယမ် သတ္တုဓာတ်အကြောင်း ဖော်ပြနေကြတာကို တွေ့မြင်ရမှာပါ။

မဂ္ဂနီဆီယမ်က လူ့ခန္ဓာကိုယ်အတွက် မရှိမဖြစ်သတ္တုဓာတ်ဖြစ်ပြီး ကြွက်သားလုပ်ဆောင်ချက်ကစလို့ နှလုံးကျန်းမာရေးအထိ သက်ရောက်နေပါတယ်။

သူ့ရဲ့ ကျန်းမာရေးအကျိုးပြုပုံတွေက ကျယ်ပြန့်ပြီး အာရုံကြောနဲ့ ကြွက်သားလုပ်ဆောင်ချက် ပုံမှန်ထိန်းပေးခြင်း၊ ကိုယ်ခံအားစနစ် ထောက်ပံ့ပေးခြင်း၊ နှလုံးခုန်နှုန်း မှန်စေခြင်း၊ အရိုးသန်မာနေစေခြင်းတို့မှာ ကူညီပေးပါတယ်။

သွေးတွင်းဂလူးကို့စ်ကိုလည်း ထိန်းညှိပေးကာ စွမ်းအင်ဇီဝကမ္မဖြစ်စဥ်နဲ့ ပရိုတိန်းထုတ်လုပ်ခြင်းတို့မှာ ပါဝင်နေပါတယ်။

မဂ္ဂနီဆီယမ်ကြွယ်ဝတဲ့ အစားအစာတွေကတော့ ဖရုံစေ့၊ ချီယာစေ့၊ ဟင်းနုနွယ်၊ ဗာဒံ၊ ထောပတ်သီးတို့ ဖြစ်ပါတယ်။

အစားအစာတစ်ခုတည်းနဲ့ မဂ္ဂနီဆီယမ် မလုံလောက်သူများအနေနဲ့ ဆရာဝန်နဲ့တိုင်ပင်ပြီး ဖြည့်စွက်စာ သုံးစွဲသင့်ပါတယ်။

မဂ္ဂနီဆီယမ်ဓာတ် ချို့တဲ့ပါက ဆီးချို၊ သွေးတိုး၊ ခေါင်းတစ်ခြမ်းကိုက်ခြင်း၊ စိတ်ဓာတ်ကျခြင်းစတဲ့ ရောဂါများ ဖြစ်လာနိုင်ပါတယ်။

လူအများအပြားဟာ မဂ္ဂနီဆီယမ် လုံလောက်စွာ မစားကြဘူးလို့ တွေ့ရှိထားပါတယ်။

လက်ရှိခေတ် စားသောက်ပုံစံအရ မဂ္ဂနီဆီယမ် ချို့တဲ့လာတာလည်း ဖြစ်ပါတယ်။

ချို့တဲ့တဲ့ လက္ခဏာတွေကတော့ စားချင်စိတ်မရှိခြင်း၊ မူးဝေအော့အန်ခြင်း၊ နွမ်းနယ်ခြင်း၊ ကြွက်တက်ခြင်း၊ နှလုံးခုန်မမှန်ခြင်း၊ အကြောစွဲခြင်းတို့ပင် ဖြစ်နိုင်ပါတယ်။

အစားအစာများကို အဆင့်ဆင့်ထုတ်လုပ်လာခြင်းက မဂ္ဂနီဆီယမ်ဓာတ် ၈၅ ရာခိုင်နှုန်းလောက် ချို့ယွင်းစေပြီး ပြည့်ဝဆီများက မဂ္ဂနီဆီယမ်စုပ်ယူမှုကို လျော့နည်းစေပါတယ်။
Source: India Today.
#World_Health
#Published_ 15 January 2024
#YMG #Yangon_Times #Yangon_Media_Group #YMG_News

Published 15 January 2024

  ရန်ကုန်တိုင်းဒေသကြီး၊ မရမ်းကုန်းမြို့နယ်၊ ကမ္ဘာအေးဘုရားလမ်းတွင် ယာဉ်(၁)စီး တိမ်းမှောက်မှုဖြစ်ပွားကြောင်း မြန်မာနိုင်ငံမီးသတ်တပ်ဖွဲ့ဌာနချုပ် မှ သိရသည်။

ဇန်နဝါရီ လ ၁၅ရက်  နံနက် ၈နာရီ ၁၉မိနစ် ကဖြစ်ပွားခဲ့ ခြင်း ဖြစ်ကာ ယာဉ်တိမ်းမှောက်မှုသတင်းရရှိသဖြင့်မြန်မာနိုင်ငံမီးသတ်တပ်ဖွဲ့ဌာနချုပ်မှ ရှာဖွေကယ်ဆယ်ရေးယာဉ်(၁)စီး၊ သူနာတင်ယာဉ်(၁)စီး၊ မရမ်းကုန်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီးတို့ဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ကြောင်း သိရသည်။

    အဆိုပါ ယာဉ်တိမ်းမှောက်မှုကြောင့် ယာဉ်ပါ ပါလာသည့် အမျိုးသားတစ်ဦး ထိခိုက် ဒဏ်ရာ ရရှိခဲ့ကြောင်း သိရသည်။
Yangon Times/LW
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

Published 15 January 2024

ဖန်ပြွန်သန္ဓေနည်းလမ်းဖြင့် ဖန်တီးလိုက်တဲ့ သန္ဓေသားတွေရဲ့ အရည်အသွေးကို ခန့်မှန်းနိုင်မယ့် နည်းလမ်းတစ်မျိုးကို သုတေသီများ ထုတ်လုပ်နိုင်ပြီလို့ ဆိုလိုက်ကာ ကိုယ်ဝန်ရရန် ပိုမိုလွယ်ကူစေမယ်လို့ မျှော်လင့်နေကြပါတယ်။

ကယ်လီဖိုးနီးယား ဆန်ဒီယေဂိုတက္ကသိုလ် ကြိုးပမ်းတဲ့နည်းလမ်းက သန္ဓေသားများ ကြီးထွားတဲ့ အရည်ထဲက exRNA တွေဆိုတဲ့ မျိုးဗီဇအမှုန်လေးတွေကို ရှာဖွေတာပါပဲ။

အမေရိကန်မှာ အခြားသန္ဓေနည်းလမ်းများ အသုံးမဝင်တဲ့အခါ ဖန်ပြွန်သန္ဓေကို မျက်စိကျလာကြပါတယ်။

ပြုလုပ်ပုံကတော့ အမျိုးသမီးဆီမှ မျိုးဥများရယူကာ ဓာတ်ခွဲခန်းထဲမှာ သုတ်ပိုးဖြင့် သန္ဓေပြုစေတာ ဖြစ်ပါတယ်။

ရလာတဲ့သန္ဓေသားကို သားအိမ်ထဲသို့ ထည့်သွင်းကာ မွေးဖွားစေတာ ဖြစ်ပါတယ်။

အမေရိကန်မှာ ဖန်ပြွန်သန္ဓေကနေ အရှင်မွေးဖွားတဲ့နှုန်းက အသက် ၄၀ အောက် အမျိုးသမီးတွေမှာ ၂၀ ကနေ ၄၀ ရာခိုင်နှုန်းသာ ရှိပါတယ်။

အရည်အသွေးမြင့် သန္ဓေသားတွေက သန္ဓေတွယ်နိုင်ခြေ မြင့်မားပေမယ့် တိုင်းတာဖို့ ခက်ခဲပါတယ်။

ဒါကြောင့် ခန္ဓာကိုယ်အရည်တွေထဲမှာ တွေ့ရတဲ့ exRNA မော်လီကျူးများကို UCSD သုတေသီများက ပြောင်းလဲလေ့လာကြတာ ဖြစ်ပါတယ်။

ဒီနည်းလမ်းက ဆဲလ်ပြင်ပမှ နမူနာကို ခွဲခြားစိတ်ဖြာနိုင်ပြီး အထဲမှာဖြစ်ပျက်တာတွေကို သိရှိစေတာ ဖြစ်ပါတယ်။

exRNA ထုတ်လုပ်တဲ့အပေါ် မူတည်ပြီး သန္ဓေသားရဲ့ ဖွဲ့စည်းပုံကို ခန့်မှန်းနိုင်မယ့် မှတ်သားယန္တရားစနစ်ကို သုတေသီများ ဖန်တီးခဲ့ကြပါတယ်။

ဖန်ပြွန်သန္ဓေရလဒ်ကောင်းရရှိရန် ဖွဲ့စည်းပုံအချက်အလက်များ ရှိထားပေမယ့် အဓိကစမ်းသပ်ချက် အဆင်သင့်မဖြစ်ခင် နောက်ဆုံးကောက်နုတ်ချက်ချရန် လိုအပ်ပါသေးတယ်။

စမ်းသပ်ချက်ပြီးဆုံးတဲ့အခါ ဖန်ပြွန်သန္ဓေသားနည်းလမ်း တစ်ခုလုံးကို ပိုမိုရိုးရှင်းလွယ်ကူစေမှာ ဖြစ်တယ်လို့ ပြောပြသွားပါတယ်။
Source: New York Post.
#World_Health
#Published 15 January 2024
#YMG #Yangon_Times #Yangon_Media_Group

၁၄ ဇန်နဝါရီ၊၂၀၂၄

ဘိုအင်း 737-9 MAX လေယာဉ်တွေကို အမေရိကန်ခရီးသွားတွေရဲ့ ဘေးအန္တရာယ်ကင်းရှင်းရေးအတွက် ပျံသန်းခွင့် ဆက်ပေးဦးမှာမဟုတ်ဘူးလို့  အမေရိကန်ပြည်ထောင်စု ဖက်ဒရယ်လေကြောင်းအုပ်ချုပ်ရေး(အက်ဖ်အေအေ)က ကြေညာ   ပါတယ်။ အဲဒီလေယာဉ်တွေကို အသေအချာစစ်ဆေးမှုတွေပြုလုပ်မပြီးမချင်း၊ အချက်အလက်တွေစစ်ဆေးသုံးသပ်မှု မပြီး  မချင်း ဘိုအင်း 737-9 MAX တွေကို ဆက်ပြီးမြေချထားဦးမှာဖြစ်တယ်လို့ဆိုပါတယ်။

Source CCTV+