ဒီနှစ် တက္ကသိုလ်ဝင်စာမေးပွဲ ဖြေမယ့်သူ‌တွေ ဖေဖော်ဝါရီလ(၂၇)ရက်က စပြီး စာမေးပွဲဖြေဆိုခွင့် ကတ်ပြားတွေကျောင်းတွေမှာ ထုတ်လို့ရတယ်။ သက်ဆိုင်ရာကျောင်းအုပ်တွေဆီကနေ ထုတ်ယူရမှာဖြစ်သလို ပြင်ပဖြေသူတွေက မိမိတို့ ဖြေဆိုရမယ့် စာစစ်ဌာန ကြီးကြပ်ရေးမှူးတွေဆီကနေ ထုတ်ယူကြရမှာဖြစ်တယ်။ မြန်မာနိုင်ငံစာစစ်ဦးစီးဌာန
Yangon Times/tthl
#Local_News
#Published_ 23 February 2024
#YMG_News #Yangon_Times #Yangon_Media_Group

23 February 2024

တိုင်းရင်းသားမျိုးနွယ်စုများ၏ အမျိုးသားဝတ်စုံများသည် သမိုင်းကြောင်း၊ ယဉ်ကျေးမှု၊ အမျိုးသားရေးစရိုက်လက္ခဏာအရ အရေးပါ၍ မြန်မာတိုင်းရင်းသားလူမျိုးများ၏အမျိုးသားဝတ်စုံမှန် သတ်မှတ်ရေးဆောင်ရွက်သွားမည်ဖြစ်ကြောင်းသာသနာရေးနှင့် ယဉ်ကျေးမှုဝန်ကြီးဌာနမှသိရသည်။

ယင်းကဲ့သို့  သတ်မှတ်ဆောင်ရွက်နိုင်ရေးအတွက်မြန်မာနိုင်ငံအမျိုး သားယဉ်ကျေးမှုဗဟိုကော်မတီ၏ မြန်မာတိုင်းရင်းသားလူမျိုးများ၏အမျိုးသားဝတ်စုံမှန် သတ်မှတ်ရေးကော်မတီအစည်း အဝေးကျင်းပခဲ့သည်။

အစည်းအဝေးတွင် သာသနာရေးနှင့်ယဉ်ကျေးမှုဝန်ကြီးဌာန၊ ဒုတိယဝန်ကြီးဒေါ်နုမြဇံက "မြန်မာနိုင်ငံတွင်တိုင်းရင်းသားလူမျိုး (၁၃၅) မျိုး၊ အဓိကမျိုးနွယ်စု (၈)မျိုးရှိကြောင်း၊ တိုင်းရင်းသားမျိုးနွယ်စုများ၏အမျိုးသားဝတ်စုံများသည် သမိုင်းကြောင်း၊ ယဉ်ကျေးမှု၊ အမျိုးသားရေးစရိုက်လက္ခဏာအရ အရေးပါကြောင်း၊ တိုင်းရင်းသားဝတ်စုံများကို ဆန်းသစ်တီထွင်မှုများကြောင့် အရိုးပေါ်အရွက်ဖုံးမဖြစ်စေဘဲ အမျိုးသားဝတ်စုံအမှန်ကို သတ်သတ်မှတ်မှတ် ထားရှိရန်လိုအပ်ကြောင်း၊ တိုင်းရင်းသား မျိုးနွယ်စုအားလုံး၏ သီးခြားစီရှိနေသော ဝတ်စုံများကို တစ်ပြိုင်တည်းအသိအမှတ်ပြု သတ်မှတ်ရန် ခက်ခဲမည်ဖြစ်ကြောင်း၊ ထို့ကြောင့် ယခုပထမဆုံးအကြိမ်တွင် ပင်မတိုင်းရင်းသားလူမျိုး (၈)မျိုး၏ဝတ်စုံများကို ဦးစားပေးဆွေးနွေးပြီး ကျန်တိုင်းရင်းသား မျိုးနွယ်စုများကိုမူ သုတေသနပြုပြီး အသင့်ရှိလျှင်ရှိသလောက် ဆွေးနွေးတင်ပြစေလိုကြောင်း‌ "ပြောကြားသည်။

ဆက်လက်၍ မျိုးနွယ်စုများ၏ တိုင်းရင်းသားဝတ်စုံမှန်သတ်မှတ်နိုင်ရေးအတွက် သမိုင်းမှတ်တမ်းမှတ်ရာ အထောက်အထားများ၊ မြေပြင်ကွင်းဆင်း လေ့လာမှတ်တမ်းပြုချက်များ၊ သက်ဆိုင်ရာတိုင်းရင်းသားစာပေနှင့် ယဉ်ကျေးမှုအဖွဲ့များနှင့် ညှိနှိုင်းဆောင်ရွက်မှုများ ပြုလုပ်ကာအတည်ပြုနိုင်ကြရန်လိုအပ်ကြောင်း၊ အတည်ပြုပြီးနောက်စာအုပ်စာတမ်း၊ ရုပ်သံဗီဒီယိုများဖြင့် ထိန်းသိမ်းမှတ်တမ်းတင်ရန် ဆောင်ရွက်ကြရမည်ဖြစ်ကြောင်း၊ မြန်မာတိုင်းရင်းသားလူမျိုးများ၏ အမျိုးသားဝတ်စုံမှန် သတ်မှတ်ရေးကိုအောင်မြင်အောင် ဆောင်ရွက်ကြစေလိုကြောင်း ထည့်သွင်းပြောကြားခဲ့သည်။

မြန်မာတိုင်းရင်းသားလူမျိုးများ၏ ဝတ်စုံမှန်သတ်မှတ်ရေးကော်မတီအတွင်းရေးမှူး အမျိုးသားယဉ်ကျေးမှုနှင့် အနုပညာတက္ကသိုလ် (ရန်ကုန်) ပါမောက္ခချုပ်ဒေါက်တာကေသီထွေးက အစည်းအဝေးကျင်းပ ရခြင်းနှင့်စပ်လျဉ်း၍ ရှင်းလင်းပြောကြားပြီး ကော်မတီအဖွဲ့ဝင်များဖြစ်ကြသော အမြဲတမ်းအတွင်းဝန်များက ဖြည့်စွက်ဆွေးနွေးကြောင်းနှင့်ကချင်၊ ကယား၊ ကရင်၊ ချင်း၊ ဗမာ၊ မွန်၊ ရခိုင်၊ ရှမ်းတိုင်းရင်းသား ကိုယ်စားလှယ်များက မြန်မာတိုင်းရင်းသားလူမျိုးများ၏ အမျိုးသားဝတ်စုံမှန် သတ်မှတ်ရေးအတွက် သက်ဆိုင်ရာအလိုက် ရှင်းလင်းဆွေးနွေးကြပြီး မြန်မာနိုင်ငံစာရေးဆရာအသင်း အတွင်းရေးမှူးဦးညွန့်တင်က လိုအပ်သည်များကို ဖြည့်စွက်ဆွေးနွေးခဲ့ကြောင်းသိရသည်။
Yangon Times/tthl
#Local_News
#Published_ 23 February 2024
#YMG_News #Yangon_Times #Yangon_Media_Group

ရန်ကုန်တိုင်းမှာ စိုက်ပျိုးတဲ့ပဲတီစိမ်း ခူးဆွပ်ချိန်ရောက်တဲ့အခါ ဈေးတဖြည်းဖြည်း ကျဆင်းလာတဲ့အတွက် အချို့တောင်သူတွေကတော့ မရောင်းချသေးဘဲ ဈေးမြင့်မယ့်အချိန်ကို စောင့်ကြည့်‌နေပါတယ်။ စားဝတ်နေရေးနဲ့ အခြား အခက်ခဲတွေကြောင့် မနေနိုင်တဲ့ တောင်သူတွေကတော့ ရတဲ့ဈေးနဲ့ပဲ ရောင်းချရတာပါဘဲ၊ ဈေး အတတ်ကျကလည်း မှန်းမရဘူး။
Yangon Times/LW
#Local_News
#Published_ 23 February 2024
#YMG_News #Yangon_Times #Yangon_Media_Group

စိုက်စရိတ်တက်ပြီး ရောင်းသူဈေးကွက်ဖြစ်နေ‌သောကြောင့် ဖရဲစိုက်တောင်သူများအမြတ်ရရှိမှုနည်းပါးနေ
 ' မနှစ်ကထက် ၁၀သိန်းလောက်အထိ စိုက်စရိတ်တက်သွားတယ်၊ ပလပ်စတစ်၊ လုပ်အားခတက်သွားတယ်၊ မြေဆီလည်း တက်သွားတယ်၊ မနှစ်ကတော့ လယ်ထဲကို အတင်းလိုက်ဝယ်ကြတယ်၊ ဒီနှစ်ကကျတော့ ပွဲစားကို မနည်းလိုက်ရှာရတယ်၊ 'ခရမ်းမြို့နယ်မှ ဖရဲစိုက်ပျိုးသူ စိုင်းကျော်မိုး
Yangon Times/NN
#Local_News
#Published_ 23 February 2024
#YMG_News #Yangon_Times #Yangon_Media_Group

လာမယ့်နွေမှာ ရန်ကုန်ရေပြတ်နိုင်လို့ ရေလှူဒါန်းရန် အသင့်ပြင်ထားတယ်။ "ပုံမှန်တစ်ရက်ကို ရေဂါလံ(၁)သောင်းခန့်သာ လှူဒါန်းပေးရလေ့ ရှိပေမယ့် လာမယ့်နွေရာသီမှာတော့  ရေဘောက်ဆာကားတွေ ထပ်ဖြည့်ပြီး တစ်ရက်ကို ရေဂါလံ(၃)သောင်းမှ (၅)သောင်းအထိ လှူဒါန်းပေးနိုင်ဖို့ ပြင်ဆင်ထားတယ်" ရှင်သန်ရေးကူညီမှုအသင်း ဥက္ကဌ ဦးထွန်းထွန်းဦး
Yangon Times/tthl
#Local_News
#Published_ 23 February 2024
#YMG_News #Yangon_Times #Yangon_Media_Group

Published 23 February 2024

ရန်ကုန်မြို့၊ ပုဇွန်တောင်မြို့နယ် ရေကျော်နားတွင် ယနေ့ နံနက်ပိုင်းကရထားနှစ်စီး တိုက်မိမှုဖြစ်ပွားခဲ့ကာ လူကူးခုံးကျော်တံတား တစ်စင်းကျိုးကျပျက်စီးခဲ့ကြောင်း ဒေသခံပြည်သူများထံ က သိရသည်။

 အဆိုပါရထားနှစ်စီး တိုက်မိသဖြင့်ရေကျော်ဝတ်ကျောင်းလမ်းနှင့်ဘင်္ဂါလီစု ကို ကူးသော လမ်းကူးခုံးကျော်တံတားတစ်စင်း ကျိုးခဲ့ကြောင်းသိရသည်။

 "'ဒီကနေ့ မနက် (၄) နာရီခွဲလောက်က ဖြစ်တာ  ကုန်တင်ရထားတစ်စီး ကမီးနီကိုစောင့်နေတဲ့ အချိန် အနောက်က လာတဲ့ ရထားကအရှိန်မထိန်းနိုင်ဘဲ တိုက် မိ တယ်လို့ ကြားတယ် သေချာတော့ မသိရဘူး ထိခိုက်ဘာညာရတယ်လို တော့ မကြားမိဘူး ခုံးကျော်တံတားက တော​့ ကျိုးကျသွားတယ်""ဟု ပုဇွန်တောင်မြို့နယ် နေသူတစ်ဦးက ပြောသည်။

   ယခုရထားတိုက်မိခဲ့သည့် ဖြစ်စဉ်နှင့် ပက်သက်၍  သက်ဆိုင်ရာ မှ  ဖြစ်စဉ်အသေးစိတ်ကို ထုတ်ပြန်ခြင်းမရှိသေးကြောင်း သိရသည်။
Yangon Times/LW
#Local_News
#Published_ 23 February 2024
#YMG_News #Yangon_Times #Yangon_Media_Group

Published 23 February 2024

တက္ကဆပ်အခြေစိုက်ကုမ္ပဏီ Intuitive Machines မှ တည်ဆောက်ကာ လွှတ်တင်လိုက်တဲ့ အာကာသယာဥ်ဟာ ကြာသပတေးနေ့က လကမ္ဘာ တောင်ဝင်ရိုးစွန်းအနီးမှာ ဆင်းသက်ခဲ့ပါတယ်။

ဒါဟာ ရာစုနှစ်ဝက်ကျော်အတွင်း လကမ္ဘာမျက်နှာပြင်ပေါ်ကို အမေရိကန်မှ ပထမဆုံးဆင်းသက်နိုင်ခဲ့တာ ဖြစ်ပြီး ပုဂ္ဂလိကကုမ္ပဏီမှ ပထမဆုံးဆင်းသက်ခဲ့တာလည်း ဖြစ်ပါတယ်။

အိုဒီဆီယပ်စ်လို့ အမည်ပေးထားတဲ့ စက်ရုပ်ယာဥ်ဟာ ထောက်တံ  ၆ ချောင်းပါဝင်ပြီး အာကာသယာဥ်မှူးများ မပါဝင်ဘဲ ဒေသစံတော်ချိန် ညနေ ၆ နာရီ ၂၃ မိနစ်ခန့်မှာ ဆင်းသက်ခဲ့တာဖြစ်ကြောင်း ကုမ္ပဏီနဲ့ နာဆာ(NASA)မှ သတင်းကြေညာသူများက ပြောကြားခဲ့ကြပါတယ်။

ဆင်းသက်မှုက စိုးထိတ်စရာဖြစ်ခဲ့ပြီး အာကာသယာဥ်ရဲ့ အလိုအလျောက် ထိန်းချုပ်မှုအပိုင်းမှာ ပြဿနာရှိခဲ့ပါတယ်။

ရေဒီယိုပြတ်တောက်မှု ဖြစ်ပေါ်ပြီးနောက် ယာဥ်နဲ့ပြန်လည်ချိတ်ဆက်မိရန် အချိန်ခဏတာ ကြာမြင့်ခဲ့ပါတယ်။

နောက်ဆုံးပြန်လည် ချိတ်ဆက်မိတဲ့အခါ ချိတ်ဆက်မှုအားက နည်းပါးနေပြီး လမျက်နှာပြင်ကို ထိနေပြီဆိုတာ သေချာပေမယ့် အခြေအနေ အတိအကျနဲ့ တည်နေရာကို ချက်ချင်းအတည်မပြုနိုင်ခဲ့ပါဘူး။

အာကာသယာဥ်က လမျက်နှာပြင်ပေါ် ရောက်ရှိပြီဖြစ်ကြောင်း၊ ချိတ်ဆက်လို့ရနေပြီး အဖွဲ့သားတွေကို ဂုဏ်ပြုကြောင်း Intuitive Machines မစ်ရှင်ညွှန်ကြားရေးမှူး တင်မ်ကရိန်းက ပြောပြလိုက်ပါတယ်။

စီစဥ်ထားတဲ့အတိုင်း Malapert A လို့ခေါ်တဲ့ ပေါက်ကွဲထိပ်ဝအနီးမှာ ဆင်းသက်နိုင်ခဲ့တယ်လို့ ယူဆရပါတယ်။

၁၉၇၂ ခုနှစ်က နာဆာမှ အာကာသယာဥ်မှူးများဖြင့် လွှတ်တင်တဲ့ Apollo 17 ဟာ လကမ္ဘာပေါ်ရောက်ရှိပြီးနောက် ယခုတစ်ကြိမ်က ပထမဆုံးဆင်းသက်မှု ဖြစ်ခဲ့ပါတယ်။

ယနေ့အချိန်အထိ လကမ္ဘာသို့ အာကာသယာဥ် လွှတ်တင်နိုင်တဲ့ အခြားနိုင်ငံတွေထဲမှာ ယခင်ဆိုဗီယက်ပြည်ထောင်စု၊ တရုတ်၊ အိန္ဒိယ၊ ဂျပန်တို့သာ ရှိထားပြီး လူသားပါရောက်ရှိတာကတော့ အမေရိကန် တစ်နိုင်ငံတည်းသာ ရှိပါသေးတယ်။

အိုဒီဆီယပ်စ်ယာဥ်ပေါ်မှာ သိပ္ပံနည်းကျ ကိရိယာများနဲ့ နာဆာအတွက် နည်းပညာပုံဖော်မှုများ ပါဝင်ပြီး ယာဥ်ဆင်းသက်ရာ ဝင်ရိုးစွန်းဘက်သို့ နေမထွက်ခင်အထိ ဆိုလာစွမ်းအင်ဖြင့် ၇ ရက်မောင်းနှင်နိုင်ရန် ဖန်တီးထားပါတယ်။

လမ္ဘာမျက်နှာပြင်ပေါ်မှာ အာကာသယာဥ်ရဲ့ ရာသီဥတု တုန့်ပြန်ခြင်း အချက်အလက်များ၊ ရေဒီယိုနက္ခတ္တ၊ အနာဂတ်ဆင်းသက်မှုများအတွက် လကမ္ဘာပတ်ဝန်းကျင် အနေအထားများ စုဆောင်းခြင်းတို့ကို အလေးပေးလေ့လာသွားမှာ ဖြစ်ပါတယ်။
Source: Reuters.
#World_News
#Published_ 23 February 2024
#YMG_News #Yangon_Times #Yangon_Media_Group

Published 23 February 2024

တစ်ကိုယ်ရည် သန့်ရှင်းရေးနဲ့ ပတ်သက်ပြီး လူတွေမေ့လျော့နေတဲ့ အချက်တစ်ချက်က ညအိပ်ရာမဝင်ခင်မှာ ခြေထောက်ဆေးကြောဖို့ပါပဲ။

တစ်နေကုန် သွားလာလှုပ်ရှားနေရတဲ့ ခြေထောက်ကို ဒီထက်ပိုပြီး အာရုံစိုက်သင့်ပါတယ်။

လူတွေက မျက်နှာ၊ ခန္ဓာကိုယ်တို့ကို သန့်ရှင်းရေးလုပ်ကြပေမယ့် ခြေထောက်ကို လစ်လျူရှုထားကြတယ်လို့ နယူးဒေလီမှ ဒေါက်တာ ဂိုဗင်ဆင်ဘစ်ရှ်က ပြောပြလိုက်ပါတယ်။

ခြေထောက်တွေက မြေကြီးနဲ့ အနီးစပ်ဆုံး အစိတ်အပိုင်းတွေဖြစ်ပြီး အညစ်အကြေးမှုန်တွေ အလွယ်တကူ ဝင်ရောက်နိုင်တယ် စီကေဘာလာဆေးရုံမှ ဒေါက်တာ ဆီမာအိုဘီရွိုင်လောက ဆိုပါတယ်။

ခြေထောက်ဆေးကြောခြင်းဖြင့် အမှုန်တွေ ဘက်တီးရီးယားတွေ ပိုးမွှားတွေ အိပ်ရာထဲမရောက်လာအောင် လျှော့ချပေးပါတယ်။

ခြေထောက်မှာ အရေပြားပြဿနာရှိသူများအနေနဲ့ ရောဂါပိုးမွှားမပျံ့နှံ့စေရန် ပိုမိုဂရုစိုက်သန့်ရှင်းသင့်ပါတယ်။  

ခြေထောက်သန့်ရှင်းခြင်းဖြင့် ရောဂါကူးစက်မှုများမှ ကာကွယ်နိုင်ရုံမက အနံ့အသက် ကင်းစေပြီး ကောင်းစွာအိပ်ပျော်စေနိုင်ပါတယ်။

ခြေထောက်ဆေးကြောပြီး ရေနွေးထဲစိမ်ထားမယ်ဆိုရင် ကြွက်သားတွေ အဆစ်တွေကို ပြေလျော့စေပါတယ်။

ဆီးချိုသမားတွေဆိုရင် ကိုယ်ခံအားကျဆင်းနေတာကြောင့် ရောဂါပိုး ပိုမိုဝင်ရောက်တတ်ပါတယ်။

ဆီးချိုလူနာတွေ ခြေထောက်မှာ ရောဂါပိုးဝင်ရောက်ပြီး ခြေထောက်ဖြတ်ပစ်ရတဲ့အထိ ဖြစ်တတ်ပါတယ်။

ခြေအိတ်ဖြင့် ဖိနပ်စီးနေသူတွေဟာလည်း တစ်နေ့ကုန် ခြေထောက်မှာ ချွေးထွက်ပြီး ဘက်တီးရီးယားများ ပုန်းခိုနေနိုင်တာကြောင့် ပုံမှန်သန့်ရှင်းပေးဖို့ လိုပါတယ်။

ဆေးကြောပြီးတဲ့အခါမှာ ခြေချောင်းကြားအပါအဝင် တစ်ပြင်လုံးကို ခြောက်သွေ့အောင် သုတ်သင်ရပါမယ်။

ခြေသည်းရှည်ထားခြင်းက ရောဂါပိုးဝင်ရောက်လာအောင် ဖိတ်ခေါ်သလို ဖြစ်နေပါတယ်။
Source: New York Post.
#World_Health
#Published_ 23 February 2024
#YMG_News #Yangon_Times #Yangon_Media_Group

Published_ 23 February 2024

ဟိန္ဒူဘာသာတွင် သိုက် အယူအဆမရှိသည့်အတွက် ဟိန္ဒူဘုရားများ အမည်နာမဖြင့် ပူးကပ်သယောင် လုပ်သူများသည် လူလိမ်များသာဖြစ်ကြောင်းဟိန္ဒူဘာသာရေးအသိပညာအဖွဲ့မှ သတိပေးထုတ်ပြန်လိုက်သည်။

ပြီးခဲ့သည့်ရက်ပိုင်းက အနုပညာရှင်အသိုင်းအဝိုင်းမှ အမျိုးသမီးတစ်ဦးမှ  သိုက်ချော့သည်ဟုဆိုကာ ဟိန္ဒူရိုးရာ အမျိုးသမီးအဝတ်အစားအား ဝတ်ဆင်ကာ ပူးနေသည်ဆိုသည့် ရုပ်သံဖိုင်တစ်ခု လူမှုကွန်ရက်တွင် ပျံ့နှံ့နေပြီးနောက် ဝေဖန်မှုများမြင့်တက်ခဲ့ပြီး ဟိန္ဒူသာသနာပုံရိပ်ကို ညှိုးနွမ်းစေသည့် အချင်းအရာများအား ရှုံချ‌ကြောင်းဟိန္ဒူဘာသာရေးအသိပညာအဖွဲ့မှ ထပ်မံအသိပေးကြေညာ တားမြစ်ချက်ထုတ်ပြန်လာခြင်းဖြစ်သည်။

အဆိုပါထုတ်ပြန်ချက်တွင် ဟိန္ဒူဘာသာတွင် သိုက်ဟူသော အယူအဆလည်း အလျဉ်းမရှိပါ၊ ထို့အတွက် ဟိန္ဒူဘုရားများ အမည်နာမဖြင့် ပူးသယောင် ကပ်သယောင်လုပ်သူများဟာ လူလိမ်စစ်စစ်များသာဖြစ်ပါကြောင်း အမှန်တကယ်သာ ပူးကပ်လျှင်လည်း ဘုရားမဟုတ်ဘဲ မကျွတ်မလွတ် သရဲတစ္ဆေ၊ လမိုင်းများသာ ဖြစ်ကြောင်းဖော်ပြထားသည်။

ထို့အပြင်  ဟိန္ဒူဘုရားများအား မေတ္တာပို့ခြင်းကို လုံး၀လက်မခံသလို ဟိန္ဒူသာသနာအကြောင်းပြု၍ ပူးကပ်ခြင်းဖြစ်စဉ်များကိုလည်း အပြင်းအထန်ဆုံး ရှုတ်ချကြောင်း၊ထိုအပြုအမူပြုသူတစ်ဦးတစ်ယောက်ချင်းဆီကို မှတ်တမ်းယူထား၍ အမည်ပျက်စာရင်းသွင်းသွားမည်လည်းဖြစ်ကြောင်းဖော်ပြပါရှိသည်။
Yangon Times/NN
#Local_News
#Published_ 23 February 2024
#YMG_News #Yangon_Times #Yangon_Media_Group

Published 23 February 2024

ဆောင်းရာသီလို အချိန်မျိုးမှာ လေထဲမှာ စိုစွတ်မှုလျော့နည်းသွားပြီး အရေပြားခြောက်သွေ့ခြင်း ဖြစ်တတ်ပါတယ်။

နေရောင်ခြည် ထိတွေ့ပေးခြင်းဖြင့် အရေပြားစွတ်စိုမှုကို ထိန်းသိမ်းပေးတဲ့ ဗိုက်တာမင်ဒီ ထုတ်လုပ်ပေးပါတယ်။

အရေပြားခြောက်သွေ့တဲ့အခါ ယားယံခြင်း၊ ရောင်ရမ်းခြင်းတို့ဖြစ်ပေါ်ပြီး အဖုအပိမ့်များ ရဲလာတတ်ပါတယ်။

ဒါကြောင့် အရေပြားခြောက်သွေ့ပြီး အင်ပျဥ်ထခြင်းမှ ကာကွယ်ကုသနိုင်မယ့် နည်းလမ်းများ ဖော်ပြလိုက်ပါတယ်။
 
(၁) မျက်နှာ၊ လက်တို့ကို ဆေးကြောပြီးတဲ့အခါ အရေပြားပေါ်က သဘာဝအဆီတွေ ကွာကျသွားတာကြောင့် အစိုဓာတ်ထိန်းသိမ်းတဲ့ အလှကုန်ပစ္စည်း အသုံးပြုသင့်ပါတယ်။
 
(၂) တစ်ညတာ မအိပ်စက်ခင် ရေဓာတ်ထိန်းသိမ်းပေးတဲ့ ခရင်မ်လိမ်းပေးသင့်ပါတယ်။
 
(၃) ရေငွေ့ဖျန်းစက် အသုံးပြုခြင်းဖြင့် လေထဲက  စိုထိုင်းဆကို ထိန်းသိမ်းပေးပါတယ်။
 
(၄) ချမ်းအေးတဲ့အချိန်မှာ ရေနွေးဖြင့်ရေချိုးခြင်းက သက်တောင့်သက်သာ ရှိစေပေမယ့် ပူလွန်းရင်တော့ အရေပြားစိုထိုင်းဆကို ပျက်စီးစေပါတယ်။
 
(၅) ချမ်းအေးတဲ့လေက အရေပြားခြောက်သွေ့မှုကို ဖြစ်စေတာကြောင့် အဝတ်ထူထူ၊ လက်အိတ်၊ ဦးထုပ်စတာတွေကို ဝတ်ဆင်သင့်ပါတယ်။
 
(၆) ပုံမှန်ချေးချွတ်ခြင်းဖြင့် ဆဲလ်သေတွေ ဖယ်ရှားပေးကာ စိုစွတ်မှုကို အားပေးပေမယ့် အလွန်အမင်း တိုက်ချွတ်လိုက်ရင်တော့ သဘာဝအဆီတွေ အလွှာတွေကို ပျက်စီးစေနိုင်ပါတယ်။
 
(၇) အုန်းဆီ၊ သံလွင်ဆီတို့လို သဘာဝအဆီများက အရေပြားကို စိုစွတ်ထိန်းသိမ်းပေးပါတယ်။
Source: DoctorNDTV.
#World_Health
#Published_ 23 February 2024
#YMG_News #Yangon_Times #Yangon_Media_Group

မော်ရိုကိုမှ ဝါရင့်စွန့်စားခရီးသည်ဟာ စက်ဘီးတစ်စီးဖြင့် ၄ လအတွင်း တိုက်ကြီး ၃ တိုက်ကို ဖြတ်သန်းသွားလာရန် ထွက်ခွာနေပြီ ဖြစ်ပါတယ်။
ကာဆာဘလန်ကာကနေ ပေကျင်းသို့ စက်ဘီးစီးနင်းသွားမှာ ဖြစ်ကာ ကီလိုမီတာ ၁ သောင်းခွဲဝေးကွာတဲ့ ခရီးစဥ်ကနေ ရှေးဟောင်းပိုးသားလမ်းမကြီး တလျှောက် ငြိမ်းချမ်းရေးနဲ့ ယဥ်ကျေးမှု ဆက်ဆံရေး ပိုမိုအားကောင်းအောင် မြှင့်တင်နိုင်ရန် မျှော်မှန်းထားတာ ဖြစ်ပါတယ်။
#World_Adventure
#Published_ 22 February 2024
#YMG_News #Yangon_Times #Yangon_Media_Group

#Daily_News
Published_ 22 February 2024

၁။ ဂျပန်ရောက်မြန်မာများ သံရုံးသို့ ငွေပိုသွင်းနေ၍ ပမာဏအတိအကျသာ လွှဲကြရန် အသိပေး

၂။ ရှမ်းတောင်ရှိ အရှူးပေါ်နေသည့် မုန်ညှင်းနှင့် အခြားဟင်းသီးဟင်းရွက်များအား နောက်ဆုံးဈေးကွက်ဖြင့် ချိတ်ဆက်ပေးနေ

၃။ အခုရက်ပိုင်းတွင် တစ်ရက်တည်းကို မီး(၁၀)ကြိမ်လောင်ကျွမ်းသည့်အထိကြုံလာ၊ မနှစ်ကထက်တော့ မီးလောင်ကျွမ်းမှုနည်းပါး

၄။ မော်ရိုကိုမှ တရုတ်ပေကျင်းအထိ ကီလိုမီတာတစ်သောင်းခွဲကွာဝေးသည့်ခရီးစဥ်ကို စက်ဘီးစီးလည်ပတ်မည့် မော်ရိုကိုစွန့်စားခရီးသည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group