Published 5 February 2024

မန္တလေးတိုင်းဒေသကြီး၊ ညောင်ဦးမြို့၊ အမှတ်(၅)ရပ်ကွက်၊ ရေဝင်ရပ်ရှိ နေအိမ်တွင် အိမ်သာကျင်းတူးရာ မှ အောက်စီဂျင် ပြတ်ပြီးအမျိုးသားတစ်ဦး​ေ-သဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့ သတင်း ထုတ်ပြန်ချက်အရ သိရသည်။

   ဖေဖေါ်ဝါရီလ ၅ရက်  နေ့လည် ၂နာရီ ၂၂မိနစ်ခန့်က ဖြစ်ပွားခဲ့ ခြင်း ဖြစ်ကြောင်း သိရသည်။

  ဖြစ်စဉ် မှာ  ရေဝင်ရပ်ရှိ နေအိမ်တွင် အမျိုးသား(၂)ဦး အိမ်သားကျင်းသစ်တူးဖော်နေစဉ် ကျင်းဟောင်းဘက်အောက်ခြေမှ မြေပေါက်မှုဖြစ်ပွားသောကြောင့် အပေါ်သို့မတတ်နိုင်ဘဲ အောက်စီဂျင်ပြတ်တောက်နေ၍ အပေါ်တွင်ရှိသော အမျိုးသား(၁)ဦးမှ ဆင်းကူဆယ်ရာ စုစုပေါင်း ကျား(၃)ဦး တွင်း အတွင်းနစ်ခဲ့ကြောင်း သိရသည်။

 ထိုသို့ ဖြစ်ပွားနေကြောင်း  သတင်းရရှိသဖြင့် ညောင်ဦးမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ အမှတ်(၅)အရန်မီးသတ်တပ်ဖွဲ့ဝင်များ၊ အထောက်အကူပြုယာဉ်(၁)စီး၊ လူမှုကူညီရေးယာဉ်(၁)စီးတို့ဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ရာ  အမျိုးသား(၂)ဦးအား အသက်ရှင်လျက်ကယ်ဆယ်နိုင်ခဲ့ပြီး အမျိုးသား(၁)ဦး မှာ​ေ-သဆုံးခဲ့ကြောင်း သိရသည်။
Yangon Times/LW
#Local_News
#Published_ 5 February 2024
#YMG #Yangon_Times #Yangon_Media_Group

Published 5 February 2024

အမေရိကန်ဒေါ်လာ ၁၁ သန်း နှင့် ထိုင်းဘတ် သန်း ၂၀၀ ဗဟိုဘဏ် ယနေ့ထုတ်ရောင်းပေးခဲ့ကြောင်းမြန်မာနိုင်ငံတော်ဗဟိုဘဏ်မှ သိရသည်။

မြန်မာနိုင်ငံတော်ဗဟိုဘဏ်သည် ဇန်နဝါရီ ၁ ရက်နေ့တွင် ဒေါ်လာ ၁၂.၉၃ သန်း၊ ၅ ရက်နေ့တွင် ဒေါ်လာ ၁၆ သန်း၊ ၁၅ ရက်နေ့တွင် ဒေါ်လာ ၁၅ သန်း၊ ၁၉ ရက်နေ့တွင် ဘတ်သန်း ၅၀၊ ၂၅ ရက်နေ့တွင်  ဒေါ်လာ ၉ သန်းနှင့် ဘတ်သန်း ၂၀၀၊ ၂၆ ရက်နေ့တွင်  ဒေါ်လာ ၅ သန်းနှင့် ဘတ်သန်း ၅၀ အသီးသီး ထုတ်ရောင်းပေးခဲ့ကြောင်းသိရသည်။

ဇန်နဝါရီ ၂၉ ရက်တွင်  နှစ်ကြိမ်တိုင် ထုတ်ရောင်းပေးခဲ့ပြီး မနက်ပိုင်းတွင်  ဒေါ်လာ ၉ သန်းနှင့် နေ့လည်ပိုင်းတွင်  ဒေါ်လာ ၁.၄ သန်း၊ တရုတ်ယွမ် ၄.၂ သန်းနှင့် ထိုင်းဘတ် ၁၃.၅ သန်းတို့ကို လူသုံးကုန်နှင့်  ဆေးဝါးကဏ္ဍ၊ လျှပ်စစ်ကဏ္ဍ၊ စိုက်ပျိုးရေးကဏ္ဍနှင့် ဆက်သွယ်ရေးပိုင်ဆိုင်ရာ ကဏ္ဍများ အတွက် ရောင်းချပေးခဲ့ကြောင်း  ဗဟိုဘဏ်မှ ထုတ်ပြန်ထားသည်။

ဗဟိုဘဏ်အနေဖြင့် ငွေကြေးဈေးကွက်အတွင်း နိုင်ငံခြားငွေ ထုတ်ရောင်းပေးခြင်းကို ၂၀၂၃ နှစ်ကုန်ပိုင်းတွင်  ပြန်လည်ဆောင်ရွက်လာခြင်းဖြစ်ပြီး ဒီဇင်ဘာ ၁၈ ရက်မှာ ဒေါ်လာ ၉.၇၂ သန်းနှင့် ၂၁ ရက်နေ့တွင်  ဒေါ်လာ ၁၂.၄၃ သန်းတို့ကို စက်သုံးဆီတင်သွင်းသည့်  ကုမ္ပဏီများအတွက် ရောင်းချပေးခဲ့ကြောင်းသိရသည်။

ထို့အပြင် ဗဟိုဘဏ်အနေဖြင့်  နိုင်ငံခြားငွေကြေးဈေးကွက်အတွင်း အမေရိကန်ဒေါ်လာငွေလဲနှုန်း မြင့်တက်မှုကို ထိန်းချုပ်လိုခြင်းကြောင့် ကန်ဒေါ်လာအပါအဝင် နိုင်ငံခြားငွေများကို အလုံးအရင်းဖြင့်  ထုတ်ရောင်းပေးနေခြင်းဖြစ်ကြောင်း  ၊လက်ရှိ ဗဟိုဘဏ်ပြင်ပ နိုင်ငံခြားငွေကြေးဈေးကွက်အတွင်း အမေရိကန်တစ်ဒေါ်လာလျှင် ကျပ် ၃၄၈၀ - ၃၅၃၀ ကျပ် ဈေးရှိနေပြီး နိုင်ငံခြားငွေထုတ်ရောင်းသည့်အတွက်  ဒေါ်လာဈေး ကျဆင်းလာတာမျိုးမရှိသော်လည်းဈေးအတက်အကျ တည်ငြိမ်နေကြောင်း ငွေလဲကောင်တာများနှင့်လုပ်ငန်းရှင်အသိုင်းအဝိုင်းမှ သိရသည် ။
Yangon Times/NN
#Local_News
#Published_ 5 February 2024
#YMG #Yangon_Times #Yangon_Media_Group

၅ ဖေဖော်ဝါရီ ၂၀၂၃

ထိုင်းဝန်ကြီးချုပ်လောင်းလျာလို့ နာမည်ကြီးခဲ့တဲ့ ပီတလင်ဂျာရွန်ရတ်ကို ၂၀၁၉ခုနှစ်က တရားဥပဒေမဲ့ လူထုစီတန်းမှုတွေ လုပ်ခဲ့လို့ ထိုင်းတရားရုံးတစ်ခုက ဖေဖော်ဝါရီ (၅)ရက် တနင်္လာနေ့မှာ ထောင်ဒဏ်(၄)လချခဲ့ပြီး အဆိုပါထောင်ဒဏ်ကို ချက်ခြင်းမကျခံစေရဘဲ (၂)နှစ် ဆိုင်းငံ့ပေးလိုက်ပါတယ်။

ဒါဟာ ထိုင်းနိုင်ငံရဲ့ အခြေခံဥပဒေခုံရုံးက သူ့ရဲ့ အတိုက်အခံ ရှေ့သို့ချီပါတီ Move Forward Party(MFP) ကို  ဘုရင်စနစ်နှင့် အမျိုးသားလုံခြုံရေးကို အနှောက်အယှက်ပေးခဲ့တယ်လို့ ဆုံးဖြတ်ခဲ့ပြီးနောက်ပိုင်း ဥပဒေရေးရာ အခက်အခဲတွေနှင့် ထပ်မံ ရင်ဆိုင်လာရတာဖြစ်ပါတယ်။ MFP ဟာ ဘုရင်စနစ်ကို အကာအကွယ်ပေးတဲ့ ဥပဒေကို ပြင်ဆင်ဖို့ လူအုပ်နှင့်ကြိုးစားခဲ့တာ ဖြစ်ပါတယ်။

ဘန်ကောက်မှာရှိတဲ့ ပက်သမ်ဝန် ခရိုင်တရားရုံးက သူ့ MFP ပါတီရဲ့ ဦးဆောင်ခေါင်းဆောင် (၆)ဦး၊ ယခင်တာဝန်ယူသူနှင့် လှုပ်ရှားတက်ကြွသူ (၂)ဦးတို့ကို လေးလထောင်ဒဏ်နှင့်  ၁၁၂၀၀ ဘတ်ငွေ ဒဏ်ငွေရိုက်ခဲ့ပါတယ်။ ထောင်ဒဏ်တွေကိုတော့ (၂)နှစ်ဆိုင်းငံ့ထားလိုက်တာပါ။ အားလုံးကတော့ အယူခံဝင်ဖို့စီစဉ်နေတယ်လို့ သူတို့ရဲ့ရှေ့နေ ပီယာဘတ်က ပြောပါတယ်။

တကယ်လို့များ သူ့ရဲ့အယူခံ ရှုံးသွားပြီး တရားရုံးတွေက စီရင်ချက်အပေါ် အတည်ပြုခဲ့တယ်ဆိုရင် ပီတဟာ ပါလီမန်အမတ် အဖြစ်ကနေ ပျက်ယွင်းပြီး ပါလီမန်က ထွက်ခွာရမှာဖြစ်ပါတယ်။  ထိုင်းဥပဒေအရ ပြင်းထန်တဲ့ ပြစ်မှုကျခံရသူတွေကို ပါလီမန်မှာ ထိုင်ခွင့်မပေးပါဘူး။

အခြေခံဥပဒေခုံရုံးရဲ့ ဆုံးဖြတ်ချက်အပြီးမှာ ရှေ့နေတွေနှင့် သူ့အတိုက်အခံတွေက ဥပဒေပိုင်းဆိုင်ရာ စွဲချက်တွေထပ်တင်ဖို့ ကြိုးစားနေကြပါတယ်။ အဲဒါကြောင့် သူ့ရဲ့ MFP ပါတီဟာ ဖျက်သိမ်းခံရပြီး ပါတီအရာရှိကြီးတွေကိုလည်း နိုင်ငံရေးလုပ်တာကို တားမြစ်ခံရနိုင်ချေတွေနှင့် ရင်ဆိုင်နေရပါတယ်။

MFP ပါတီဟာ မနှစ်ကရွေးကောက်ပွဲမှာ မမျှော်လင့်ဘဲ အနိုင်ရရှိခဲ့ပြီး ပါလီမန်မှာ အမတ်အများဆုံးရခဲ့ပါတယ်။  ဒါပေမယ့် ပါတီရဲ့ လစ်ဘရယ်သိပ်ကျမှုနှင့် လူငယ်မဲဆန္ဒရှင်တွေကို ဆွဲဆောင်နိုင်မှုတွေက ပိုနေမြဲကျားနေမြဲ နေလိုတဲ့ ထိုင်းနိုင်ငံရေး အတွက် ခြိမ်းခြောက်မှုတစ်ခုဖြစ်ခဲ့တယ်လို့ ရိုက်တာသတင်းဌာနက ဝေဖန်ရေးသားပါတယ်။

Ref: Reuters

@ymg/knl

#Daily_News
Published_ 5 February 2024

၁။ နွေစပါးစိုက်ဧက ၆၀,၀၀၀ ခန့်အတွက် ကာလတိုချေးငွေများ  ယခုရက်ပိုင်းအတွင်း ချထားပေးမည်

၂။ ရွှေတိဂုံစေတီတွင် မြန်မာ့ရိုးရာထမနဲထိုးပြိုင်ပွဲကျင်းပပြီး ဘုရားဖူးများကို ထမနဲလှူဒါန်းမည်ဟုဆို

၃။ ပဲတီစိမ်းဈေးမြင့်ရရှိပေမယ့် အဘက်ဘက်က ကုန်ကျစရိတ် မြင့်လာခြင်းကြောင့် တောင်သူများအတွက် အကျိုးမြတ်ရရှိမှု ယခင်နှစ်ထက် ကွာဟမှု မရှိနိုင်ဟုဆို

၄။ အမေရိကန်ပြည်ထောင်စုတွင် လူဝင်မှုကြီးကြပ်ရေးအမှု များပြားလွန်း၍ သန်းနှင့်ချီအလုပ် အကြွေးတင်နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published 5 February 2024

  ထိုင်းနိုင်ငံသို့ တရားမဝင် ဝင်ရောက်လာသည့် မြန်မာ အလုပ်သမား ၁၃ ဦး နှင့်ယာဉ်မောင်းသူ ထိုင်းအမျိုးသား ကို ထိုင်းအာဏာပိုင်များက ဖမ်းဆီးခဲ့ကြောင်း ထိုင်းသတင်းဌာန များ၏ ဖေါ်ပြချက်အရ သိရသည်။

ဖေဖော်ဝါရီလ ၂ ရက်နေ့ ညက ထိုင်းနိုင်ငံ နခေါ(န်)စဝမ်ခရိုင် သာခလီမြို့ စွယ့်ထော(င်)ကျေးရွာအနီး တွင် ထိုင်းလုံခြုံရေးတပ်ဖွဲ့က ဖမ်းဆီးခဲ့ခြင်း ဖြစ်ကြောင်း သိရသည်။

 အဆိုပါ အလုပ်သမားများ ကို ချင်ရိုင်ခရိုင် မယ့်ဆိုင်မြို့ မှ တင်ဆောင်လာပြီး ပို့ဆောင်ခ ၂၀၀၀ ဘတ်ရရှိကြောင်းယာဉ်မောင်း ဖြစ်သူ၏ ထွက်ဆိုချက်အရသိရသည်။

   ထို့ပြင် မြန်မာ အလုပ်သမား များက ပွဲစားခ အဖြစ် ထိုင်း ဘတ်ငွေ တစ်ဦး ကိုဘတ် ၁၀၀၀၀ ပေးရ​ေကြာင်း ထွက်ဆိုခဲ့တယ်လို့ သိရသည်။

ဖမ်းဆီးရမိသူများ အားလုံးကို ဥပဒေအတိုင်းဆက်လက်ဆောင်ရွက်ရန် သာခလီရဲစခန်းကို ပို့ဆောင်ထားကြောင်း သိရသည်။
Yangon Times/LW
#Local_News
#Published_ 5 February 2024
#YMG #Yangon_Times #Yangon_Media_Group

Published_ 5 February 2024

'တရုတ်ပညာတော်သင် မြန်မာကျောင်းသားများ၏ နှစ်သစ်ကူးစကားဝိုင်း'ကို ဖေဖော်ဝါရီလ ၃ ရက်နေ့တွင် ရန်ကုန်တရုတ်ယဉ်ကျေးမှုစင်တာ၌ ကျင်းပခဲ့ကြောင်း သိရသည်။

အဆိုပါစကားဝိုင်းကို တရုတ်ပညာတော်သင် မြန်မာကျောင်းသားများ၊ တရုတ်ပညာတော်သင်ကျောင်းသားများ၊ ရန်ကုန် အထက်တန်းကျောင်း၊ အခြေခံပညာရေးကျောင်း၊ တရုတ်ဘာသာပညာရေး အဖွဲ့အစည်းများမှ ဆရာကျောင်းသားကိုယ်စားလှယ်များ လူအယောက် ၁၅၀ နီးပါးတက်ရောက်ခဲ့ကြသည်ဟုဆိုသည်။

'တရုတ်ပညာတော်သင် မြန်မာကျောင်းသားများ၏ နှစ်သစ်ကူးစကားဝိုင်း'ကိုမြန်မာနိုင်ငံဆိုင်ရာတရုတ်သံရုံးမှ ကြီးမှူး ကျင်းပခဲ့ခြင်းဖြစ်ပြီး  သံမှူး Mr. Pan Feng မှတက်ရောက်ကာ အမှာစကားပြောကြားခဲ့သည်။ 

 သံမှူး Mr. Pan Feng က" တရုတ်နှစ်သစ်ကူးပွဲတော်သည် တရုတ်နိုင်ငံ၏ အရေးကြီးသော ရိုးရာပွဲတော်ဖြစ်ပြီး တရုတ်ရိုးရာယဉ်ကျေးမှု၏ အနှစ်သာရကို စုစည်းထားကြောင်း၊ တရုတ်နှစ်သစ်ကူး ရိုးရာပွဲသည် နိုင်ငံနှင့် ဒေသပေါင်း ၂၀၀ နီးပါး၌ ပြုလုပ်လျက်ရှိကြောင်း၊ ကမ္ဘာလုံးဆိုင်ရာ ယဉ်ကျေးမှုပွဲကြီးတစ်ခု ဖြစ်လာပါကြောင်း၊ တရုတ်ပညာတော်သင် မြန်မာကျောင်းသားများ ကိုယ်ပိုင်အားသာချက်ကို အသုံးချရန် တိုက်တွန်းကြောင်း၊ နှစ်နိုင်ငံပြည်သူများ ကြားသိမြင်လိုတဲ့ နည်းလမ်းကို ပိုမိုအသုံးပြုပြီး ပညာတော်သင်အတွေ့အကြုံနှင့် တရုတ်-မြန်မာချစ်ကြည်ရေး ဇာတ်လမ်းများကို ရှင်းလင်းပြောပြကြပါရန်" ပြောကြားခဲ့သည်။ 

 
စင်ကာပူနိုင်ငံဆိုင်ရာ မြန်မာသံရုံးယာယီတာဝန်ခံ ဦးဇော်ဇော်စိုးသည် ဗီဒီယိုမှတစ်ဆင့် အမှာစကားပြောကြားရတွင် "တရုတ်ပြည်တွင်ပညာသင်ခဲ့ရသောအတွေ့အကြုံများကို သတိရတမ်းတ မိပါကြောင်း၊ ဘာသာစကားသင်ယူခြင်းသည် အမြင်ကျယ်စေပြီး တွေးခေါ်ဆုံးဖြတ်နိုင်စွမ်းကို မြှင့်တင် နိုင်ကာ ဘဝအတွက်ထာဝရအကျိုးပြုနိုင်ပါကြောင်း၊  ပညာတော်သင်လူငယ်များအနေဖြင့်   မြင့်မားသောရည်မှန်းချက်ထားရှိပြီး တရုတ်-မြန်မာနှစ်နိုင်ငံ ဆက်ဆံရေးတံတားကို တည်ဆောက်ကာ တရုတ်-မြန်မာ ချစ်ကြည်ရေးနှင့်ပူးပေါင်းဆောင်ရွက်မှုကို အတူတကွ မြှင့်တင်ကြရန် မျှော်လင့်မိကြောင်း" ပြောကြားခဲ့သည်။  

 တရုတ်ပညာတော်သင်ကိုယ်စားလှယ်မှ တရုတ်ပြည်၌ ပညာသင်ကြားခဲ့သောအတွေ့အကြုံ များ၊ ပညာတော်သင်ကျောင်းသားများလိုက်နာရသောစည်းကမ်းများ၊ အလုပ်အကိုင်အခွင့်အလမ်းများ စသည့်ခေါင်းစဉ်ဖြင့် စည်းကားစွာ ကူးလူးဖလှယ်ခဲ့ကြပြီး တရုတ်ပြည်၌ ပညာသင်ကြားရခြင်းသည် အကျိုးများစွာရရှိစေကာ အလုပ်ခွင်နယ်ပယ်တွင် များစွာအထောက်အကူဖြစ်စေကြောင်း၊ တရုတ်နိုင်ငံသို့ ပညာတော်သင်ရန် ရောက်ရှိပြီးဖြစ်သောကျောင်းသားများနှင့် ပညာတော်သင်သွားရန် စိတ်အားထက်သန်နေသော ကျောင်းသားများအနေဖြင့် အခွင့်အရေးကို မြတ်နိုးတန်ဖိုးထားကြရန်၊ အထူးပြုဘာသာရပ်ကို ကောင်းစွာသင်ယူရင်း အခြားသော သင်ရိုးပြင်ပ လှုပ်ရှားမှုများ၌လည်း ပါဝင်ဆင်နွှဲကြရန်၊ တရုတ်နိုင်ငံ၏ ရောင်စုံအလှတရားကို နွေးထွေးစွာခံစားကြရန် အကြံပေးလို ပါကြောင်း ပြောကြားခဲ့သည်။   

 ကူးလူးဖလှယ်ဆက်ဆံမှုအပိုင်း ပြီးဆုံးပြီးနောက် ပညာတော်သင်ကျောင်းသားများက  လက်ဖက်အနုပညာ၊   ဖက်ထုပ်ထုပ်ခြင်း၊ နှစ်သစ်ကူးစာလုံး လက်ရေးလှရေးသားခြင်း၊ နှစ်သစ်ကူးဗဟုသုတအမေးအဖြေ၊    ဒြပ်မဲ့ယဉ်ကျေးမှုအမွေအနှစ်အတွေ့အကြုံ စသည့် ရိုးရာယဉ်ကျေးမှုပွဲများတွင် ပါဝင်ဆင်နွှဲခဲ့ကြပြီး အဆိုပါနေရာ၌ စည်ကားသိုက်မြိုက်ကာ နှစ်သစ်ကူးအငွေ့အသက်များ ပြည့်နှပ်နေခဲ့ကြောင်း သိရသည်။
Yangon Times/tthl
#Local_News
#Published_ 5 February 2024
#YMG #Yangon_Times #Yangon_Media_Group

ရခိုင်ဒေသ ဆန်ဈေးနှုန်း အတက်အကျများအား နယ်မြေအခြေအနေများကြောင့် ဖြေရှင်းရန်ခက်ခဲ
' လက်လီဈေးနှုန်းတွေတော့ စစ်တွေမြို့ပေါ် ကျောက်တော်မြို့ပေါ် အစရှိသဖြင့် လက်လီဈေတွေတော့ ဒီလောက်သိပ်မကျဘူး၊ လက်ကားဈေးတွေတော့ စက်ပိုင်၊ ကုန်သည်တွေ ရောင်းချင်တဲ့ဈေးက များတယ်၊ ဒါလည်း ရခိုင်မှာရှိတဲ့ ရခိုင်ဆန်စက်အသင်းတို့ ရခိုင်ဆန်စပါးကုန်သည်များ အသင်းတို့နဲ့ ဆွေးနွေးနေပါတယ်၊ ဒါပေမယ့် ခုနကပြောသလိုနယ်မြေအခြေအနေတွေက တည်ငြိမ်မှုအားနည်းတာဖြစ်တဲ့အတွက် ဒီအခက်အခဲက တော့ဖြေရှင်းဖို့ခက်ခဲပါတယ်  '
Yangon Times/NN
#Local_News
#Published_ 5 February 2024
#YMG #Yangon_Times #Yangon_Media_Group

ဗိုလ်တထောင်စေတီတွင် နှမ်းမနဲလှူဒါန်းပွဲကျင်းပမည်
"နှမ်းမနဲထိုးပွဲကျင်းပပြီး မြတ်စွာဘုရားရှင်၊ ဗိုလ်ထောင်မြိုနယ်အတွင်းရှိ သံဃာတော်နဲ့ဌာနဆိုင်ရာ တွေ ၊ ဘုရားဖူးရဟန်းရှင်လူပြည်သူတွေကိုနှမ်းမနဲ စတုဒီသာတွေ ကျွေးမွေးလှူဒါန်းသွားမှာဖြစ်တယ်"
Yangon Times/tthl
#Local_News
#Published_ 5 February 2024
#YMG #Yangon_Times #Yangon_Media_Group

တရုတ်နိုင်ငံအပါအ၀င် ဥရောပနိုင်ငံ အချို့ရဲ့ ၀ယ်လိုအားရှိလာတဲ့ အတွက် ယခုနှစ် ပဲတီစိမ်း ဈေးမြင့် ရရှိလာပေမယ့် အဘက်ဘက်က ကုန်ကျစရိတ်တွေလည်း မြင့်လာတဲ့ ပဲစိုက် တောင်သူတွေ အနေနဲ့ အကျိုးမြတ်ရရှိမှု ဟာ ယခင်နှစ် နဲ့ ကွာဟမှု မရှိနိုင်ဘူးလို့ ပဲစိုက်တောင်သူတွေကပြောပါတယ်။
Yangon Times/LW
#Local_News
#Published_ 5 February 2024
#YMG #Yangon_Times #Yangon_Media_Group

Published  5 February 2024

   ၂၀၂၄-၂၀၂၅ ဘဏ္ဍာနှစ်တွင်  အလုပ်အကိုင် ၄၈ မျိုးအတွက် ဖြေဆိုသူဦးရေ ၅,၀၀၀ ကို စစ်ဆေးအကဲဖြတ်ရန်လျာထားကြောင်း  အလုပ်သမားဝန်ကြီးဌာနမှသိရသည်။

ပြီးခဲ့သည့်  ၂၀၁၄ ခုနှစ်မှ  ၂၀၂၄ ခုနှစ် ဇန်နဝါရီလအထိအလုပ်အကိုင် ၄၀ မျိုး၌  ဖြေဆိုသူ ၂၇,၄၂၈ ဦး ရှိခဲ့ပြီး ၂၅,၁၁၄ ဦးကို ကျွမ်းကျင်အလုပ်သမားများအဖြစ် အသိအမှတ်ပြုခဲ့ကြောင်း၊၂၀၂၂-၂၀၂၃ ဘဏ္ဍာနှစ်၌မူ  လျာထားချက်ကျော်လွန်ပြီး အလုပ်အကိုင် ၂၈ မျိုးအတွက် လုပ်သား ၅,၇၇၄ ယောက် ကို စစ်ဆေး အကဲဖြတ်နိုင်ခဲ့ကြောင်းသိရသည်။

         ထို့ အပြင် ၂၀၂၃-၂၀၂၄ ဘဏ္ဍာနှစ်အတွင်း၌လည်း လုပ်သားဦးရေ ၃,၅၀၀ ကို စစ်ဆေးအကဲဖြတ်ရန်လျာထားခဲ့ရာ လက်ရှိအချိန်အထိ အလုပ်အကိုင် ၂၉ မျိုးအတွက် ဖြေဆိုသူ ၂,၇၃၅ ဦးရှိခဲ့ပြီး အရည်အသွေး ပြည့်မီသူ ၂,၅၃၄ ဦးကို ကျွမ်းကျင်အလုပ်သမားများအဖြစ် အသိအမှတ်ပြုနိုင်ခဲ့ပြီးဖြစ်ကြောင်းသိရသည်။

အလုပ်သမားဝန်ကြီးဌာနအနေဖြင့် နိုင်ငံတော်၏ စက်မှုလုပ်ငန်းများ ဖွံ့ဖြိုး တိုးတက်ရေးကို အထောက်အကူဖြစ်စေရန်၊ နိုင်ငံအတွင်း လိုအပ်လျက်ရှိသော ကျွမ်းကျင်လုပ်သား များမွေးထုတ်ပေးနိုင်ရန်နှင့် အလုပ်အကိုင်အခွင့်အလမ်းများ ဖန်တီးပေးနိုင်ရန် ရည်ရွယ်၍ ဦးစီးဌာန အသိအမှတ်ပြု ပုဂ္ဂလိကသင်တန်းကျောင်းများတွင် ကျွမ်းကျင်မှုသင်တန်းများ စဉ်ဆက်မပြတ် ပို့ချနိုင်ရေး ကြီးကြပ်ဆောင်ရွက်လျက်ရှိကြောင်းသိရသည်။
Yangon Times/NN
#Local_News
#Published_ 5 February 2024
#YMG #Yangon_Times #Yangon_Media_Group

၅ ဖေဖော်ဝါရီ ၂၀၂၄

မြန်မာအလုပ်သမား အထောက်အထားအတုနှင့် နေထိုင်ခွင့်သက်တမ်းတိုးဖို့ ကြိုးစားခဲ့တဲ့ အိန္ဒိယနိုင်ငံသားတစ်ဦးကို ထိုင်းနိုင်ငံ မှာ ပြီးခဲ့တဲ့ သောကြာနေ့(ဖေဖော်ဝါရီ ၂ရက်)က ဖမ်းဆီးခဲ့တယ်လို့ ထိုင်းရဲတွေက ပြောကြောင်း ဘန်ကောက်ပို့စ်သတင်းအရ သိရပါတယ်။

ထိုသို့ မြန်မာအလုပ်သမားဟန်ဆောင်ကာ အထောက်အထားစာရွက်စာတမ်းအတုတွေနှင့် လိမ်လည်လျှောက်ထားခဲ့သူမှာ အသက်(၄၀)အရွယ်ရှိ အိန္ဒိယနိုင်ငံသား ဆန်ဂျေးဆင်းဆိုသူဖြစ်ကြောင်း သတင်းမှာဖော်ပြထားပါတယ်။

သူဟာ သောကြာနေ့က ဆူရတ်သနီ လူဝင်မှုကြီးကြပ်ရေးရုံးကို လာရောက်ပြီး နေထိုင်ခွင့်နှင့် အောက်တိုဘာ၃ရက် ထိုင်းအစိုးရ ဆုံးဖြတ်ချက်အရ အလုပ်ဆက်လုပ်ခွင့် သက်တမ်းတိုး လာလျှောက်ခဲ့တာဖြစ်ပါတယ်။

၂၀၂၃  အောက်တိုဘာ ၃ရက် ထိုင်းအစိုးရအဖွဲ့ဆုံးဖြတ်ချက်အရ မြန်မာ၊လာအိုနှင့် ကမ္ဘောဒီးယား (၃)နိုင်ငံမှ အလုပ်သမား တွေဟာ ထိုင်းနိုင်ငံမှာရောက်ရှိပြီးသားဆို၌ါက ထိုင်းနိုင်ငံတွင် တရားဝင်အလုပ်လုပ်ခွင့်ပေးလိုက်တာပါ။

အဲဒီဆုံးဖြတ်ချက်အပေါ် အချို့သော အိန္ဒိယနိုင်ငံသားတွေက အခွင့်အရေးယူပြီး စာရွက်စာတမ်းအတုတွေလုပ်ကာ သူတို့ကိုယ် သူတို့ မြန်မာ၊လာအိုနှင့် ကမ္ဘောဒီးယားအလုပ်သမားယောင်ဆောင်ပြီး လိမ်လည်မှုတွေရှိနေတဲ့အတွက် ထိုင်းလူဝင်မှု ရဲတပ်ဖွဲ့က အထူးကြပ်မတ်စစ်ဆေးနေတာဖြစ်ပါတယ်။

ထိုင်းနိုင်ငံရဲ့ နာမည်ကျော် နိုင်ငံတကာခရီးသွားကျွန်း(၃)ကျွန်းဖြစ်တဲ့ Koh Samui ၊Koh Phangan နှင့် Koh Taoတို့မှ ရက်လွန် နေထိုင်နေကြတဲ့ နိုင်ငံခြားသားတွေကို အထူးစစ်ဆေးဖို့ ရဲမှူးကြီးနာယူဝက်ဖုသက်ဝီယိုက ညွှန်ကြားထားတာလို့ဆိုပါတယ်။

အသက် ၃၆နှစ်အရွယ် မြန်မာနိုင်ငံသား ဂျေကာ မာလို့ လိမ်လည်လျှောက်ထားခဲ့တဲ့သူ့ရဲ့ လက်ဗွေရာကို စစ်ဆေးကြည့်တဲ့အခါ သူဟာ အိန္ဒိယနိုင်ငံသာား အသက် ၄၀ အရွယ်ဆူရတ်ဆင်းဆိုသူဖြစ်ကြောင်း ပေါ်ပေါက်ခဲ့ပါတယ်။

သူဟာ ၂၀၂၉ခုနှစ်  ဒီဇင်ဘာ ၁၁ရက်နေ့မှာ စီးပွားရေးလုပ်ငန်းဗီဇာနှင့် ထိုင်းကိုဝင်ရောက်ခဲ့ပြီး ၂၀၂၂ခုနှစ် ဒီဇင်ဘာ (၆)ရက်အထိ ဗီဇာသက်တမ်းရှိခဲ့ပါတယ်။ အဲဒါကြောင့်သူဟာ ထိုင်းနိုင်ငံမှာ ရက်ပေါင်း ၄၂၃ ရက် ရက်လွန်နေထိုင်ခဲ့ကြောင်း တွေ့ရှိရလို့ ဖမ်းဆီးထိန်းသိမ်းခံခဲ့ရတာဖြစ်ပါတယ်။ သူကလည်း စာရွက်စာတမ်းအတုသုံးပြီး နေထိုင်ခွင့်သက်တမ်းတိုးဖို့ ကြိုးစားခဲ့ပါတယ်လို့ ရဲကို ဝန်ခံခဲ့ပါတယ်။

@ymg/knl

ရွှေတိဂုံတွင် ထမနဲထိုးပြိုင်ပွဲနှင့်ထမနဲလှူမည်
"ထမနဲ (၄)ပြည်တစ်ဒယ်ကိုကျပ်၆ သောင်းခွဲနဲ့ ပါဝင်လှူဒါန်းနိုင်ပြီး ရရှိလာတဲ့ ထမနဲ လေးပုံတစ်ပုံကို အလှူရှင်ထံ ပြန်လည်ပေးအပ်သွားဖို့ ရှိပါတယ်"ရွှေတိဂုံဂေါပကအဖွဲ့ဝင် ဦးဘိုးသင်း
Yangon Times/tthl
#Local_News
#Published_ 5 February 2024
#YMG #Yangon_Times #Yangon_Media_Group