Published 30 May 2024

လန်ဒန်မှ စင်္ကာပူသို့ပျံသန်းတဲ့ စင်္ကာပူလေကြောင်းလိုင်း ခရီးစဥ် SQ321 ဟာ မေလ ၂၁ ရက်နေ့က လေပွေထန်ခြင်း ပြင်းထန်စွာ ကြုံတွေ့ခဲ့ရကာ တစ်ဦးသေဆုံးပြီး အများအပြား ဒဏ်ရာရရှိခဲ့ပါတယ်။

အမြင့်ပေ ရုတ်တရက်ကျသွားစဥ် လေယာဥ်ထဲမှာ ခရီးသည်များနဲ့ အရာဝတ္ထုများ ဗြောင်းဆန်သွားပြီး ဘန်ကောက်မှာ အရေးပေါ် ဆင်းသက်ခဲ့ရပါတယ်။

ဘိုးအင်း 777-300ER လေယာဥ်ဟာ မြန်မာနိုင်ငံ ဧရာဝတီမြစ်ဝှမ်းပေါ်မှ ပျံသန်းနေစဥ် ပြင်းထန်တဲ့ လေလှိုင်းထန်ခြင်း ကြုံတွေ့ခဲ့ရကာ ဖိအားရုတ်တရက် ကျဆင်းသွားခဲ့ပါတယ်။

ဒီလိုအခြေအနေမျိုးမှာ ခန္ဓာကိုယ်မှာ ဘာတွေဖြစ်သွားလဲ၊ ဘယ်လိုတုန့်ပြန်လဲ ဆိုတာကို သိထားဖို့လိုအပ်ပါတယ်။

မြစ်လေများ လျင်မြန်စွာစီးဆင်းခြင်း၊ ရာသီဥတု အခြေအနေများ၊ တောင်တန်းလေလှိုင်းများကြောင့် လေရွေ့လျားမှု ပုံမှန်မဟုတ်ဘဲ လေလှိုင်းထန်တာမျိုး ဖြစ်တတ်ပါတယ်။

ခေတ်မီလေယာဥ်တွေမှာ ဒီလိုလေထန်တာမျိုးကို ထိန်းချုပ်နိုင်ရန် ဆောက်လုပ်ထားပေမယ့် ခရီးသည်များအနေနဲ့ ထိုင်ခုံခါးပတ်များ တပ်ဆင်ထားသင့်ပြီး လေယာဥ်ဝန်ထမ်းများရဲ့ ညွှန်ကြားချက်များကို လိုက်နာရမှာ ဖြစ်ပါတယ်။

လေယာဥ်ရွေ့လျားမှု ရုတ်တရက် ပြောင်းလဲတဲ့အခါ ခန္ဓာကိုယ်ရဲ့ မျှခြေစနစ်ကို ထိခိုက်စေပါတယ်။

ရိုလာကိုစတာ စီးသလိုမျိုး ရုတ်တရက် မြင့်တက်ခြင်း၊ နိမ့်ဆင်းသွားခြင်း ဖြစ်ပေါ်ပါတယ်။

ထိုအခါ ခန္ဓာကိုယ်မျှခြေစနစ်ကို နှောင့်ယှက်ပြီး ဦးနှောက်ကနေ လက်ခံရရှိတဲ့ အချက်အလက်များ ရှုပ်ထွေးစေပါတယ်။

လှုပ်ခတ်မှုများကြောင့် နားထဲမှာလည်း အရည်များရွေ့လျားကာ ဦးနှောက်က သိရှိရန် ရုန်းကန်နေရပြီး ပုံမှန်အတိုင်း ပြန်ဖြစ်ဖို့ ၁၀ - ၂၀ စက္ကန့်လောက် ကြာတတ်ပါတယ်။

ဦးနှောက်ဟာ လေယာဥ်ရွေ့လျားမှုနဲ့ ခန္ဓာကိုယ်ရွေ့လျားမှုကို လွဲမှားမိကာ အမြင်အာရုံလျော့နည်းသွားပါတယ်။

မျှခြေတုန့်ပြန်မှုစနစ် အနှောင့်အယှက်ဖြစ်ကာ မူးဝေခြင်း၊ ချွေးပြန်ခြင်း၊ အော့အန်ခြင်းတို့ ဖြစ်တတ်ပါတယ်။

အက်ဒရီနယ်လင်နဲ့ ကော်တီဆောလ်လိုမျိုး ဖိစီးမှုဟော်မုန်းများ ထွက်လာကာ ခန္ဓာကိုယ်မှာ တုန့်ပြန်မှုတွေ ဖြစ်ပေါ်လာပြီး နှလုံးခုန်မြန်ခြင်း၊ အာရုံခံသိရှိမှု မြင့်မားခြင်း၊ စွမ်းအင်လျှံတက်ခြင်းတို့ ဖြစ်ပေါ်ပါတယ်။

ကြွက်သားတွေ တောင့်တင်းလာပြီး လက်မီရာကို တင်းကြပ်စွာ ဆုပ်ကိုင်ထားသဖြင့် လည်ပင်း၊ ကျော၊ ပခုံးတို့ မသက်မသာ ဖြစ်စေပါတယ်။

စိတ်ပိုင်းဆိုင်ရာအရဆိုရင် လေယာဥ်စီးရတာ ကြောက်တဲ့သူတွေမှာ လေလှိုင်းထန်ခြင်းမျိုး ကြုံတွေ့ရတဲ့အခါ ပိုမိုဆိုးရွားစေပါတယ်။

အသက်ရှူနှုန်းမြန်လာကာ ချွေးပြန်လာပြီး ဖိစီးမှုတိုးစေပါတယ်။

ဒါကို ခန္ဓာကိုယ်က လိုက်ပြီးတည်ငြိမ်အောင် ကြိုးစားပေးပြီး အသက်ရှူထိန်းသိမ်းခြင်း၊ သတိကပ်ခြင်းတို့ဖြင့် ပုံမှန်အတိုင်း ဖြစ်စေနိုင်ပါတယ်။

လေထန်ခြင်း ကြာရှည်နေရင် နားအတွင်းနဲ့ ဦးနှောက်တို့က လိုက်လျောညီလာပြီး မူးဝေအော့အန်ချင်တာတွေ သက်သာလာပါတယ်။

လှုပ်ခါနေချိန်မှာ ထိုင်ခုံမှာ တင်းရင်းစွာထိုင်ခြင်းဖြင့် ထိခိုက်ဒဏ်ရာရခြင်းမှ ကာကွယ်နိုင်ပါတယ်။

ခရီးသွားရင်း မူးဝေတာမျိုး ခံစားရတတ်သူတွေအနေနဲ့ ဆေးကြိုတင် သောက်သုံးထားရင် သက်သာစေနိုင်ပါတယ်။
Source: India Today
#World_Science
#Published_ 30 May 2024
#Yangon_Times #YMG_News #Yangon_Media_Group

Published 30 May 2024

ကြယ်အများစုဟာ ပေါက်ကွဲတဲ့အခါ စူးရှတောက်ပစွာဖြင့် ဖြည်းဖြည်းချင်း ပေါက်ကွဲလေ့ရှိကြပါတယ်။

အချို့သော ကြယ်ကြီးတွေကတော့ ညကောင်းကင်ယံမှာ ဘာအရိပ်အယောင်မှ မတွေ့ရဘဲ ပျောက်ကွယ်သွားကြတယ်လို့ သိပ္ပံပညာရှင်များ တွေ့ရှိထားပါတယ်။

ဂျာမနီနဲ့ ဒိန်းမတ်တက္ကသိုလ်တို့မှ နက္ခတ္တပညာရှင် အယ်လီယန်ဒရိုဗစ်နာဂိုမက်ဇ် ဦးဆောင်တဲ့အဖွဲ့က ဖော်ပြခဲ့တာဖြစ်ပြီး အချို့သော ကြယ်ကြီးတွေက ပေါက်ကွဲမှုကြီး မဖြစ်ဘဲနဲ့ တိတ်ဆိတ်စွာ ကြွေသွားကြတယ်လို့ လေ့လာတွေ့ရှိကြပါတယ်။

ကြယ်ကြွေတာကို အချိန်ကိုက် မြင်တွေ့ခဲ့ကြပြီး ရုတ်တရက် ပျောက်ကွယ်သွားတယ်လို့ ဗစ်နာဂိုမက်ဇ်က ဆိုပါတယ်။
နေထက် ၈ ဆကျော်ကြီးမားတဲ့ ကြယ်တစ်ခု ပေါက်ကွဲပြီဆိုရင် အလွန်ဗြောင်းဆန်တတ်ပြီး တွင်းနက်ကြီးတစ်ခု၊ နျူရွန်ကြယ်၊ အလွန်သိပ်သည်းဆများတဲ့ အရာများ ဖြစ်ပေါ်လာပါတယ်။

အချက်အလက်များအရ ဧရာမကြယ်ကြီးတွေဟာ တွင်းနက်များထဲသို့ တိုက်ရိုက်ဝင်ရောက်သွားပြီး စူးရှတောက်ပစွာ ပေါက်ကွဲခြင်းမျိုး မဖြစ်ပါဘူး။

ဒါကြောင့် တွင်းနက်များ ဖြစ်ပေါ်ခြင်းက တောက်ပစွာပေါက်ကွဲခြင်းမျိုး မဖြစ်စေဘဲ လေ့လာယူဆချက်များကလည်း ညွှန်ပြနေတယ်လို့ သိပ္ပံပညာရှင်များ ပြောပြသွားပါတယ်။
Source: WION
#World_Science
#Published_ 30 May 2024
#Yangon_Times #YMG_News #Yangon_Media_Group

Published_ 29 May 2024

ပြင်ဦးလွင်မြို့ရှိ တပ်မတော်ဆေးရုံ၌ ကျန်းမာရေးစောင့်ရှောက်မှု ခံယူနေသော သက်တော် ၉၆ နှစ်၊ ဝါတော် ၇၆ ဝါရှိ သက်တော်ရှည် မဟာဝိဇိတာရုံ ကျောင်းတိုက်ပဓာနနာယက နိုင်ငံတော် ဩဝါဒါစရိယ အဘိဓဇမဟာရဋ္ဌ ဂုရု အဘိဓဇ အဂ္ဂမဟာသဒ္ဓမ္မဇောတိ က အဂ္ဂမဟာပဏ္ဍိတ ဘဒ္ဒန္တ ဝိစာရိန္ဒာ ဘိဝံသ ၊ ဆရာတော်ကြီး နှင့်နိုင်ငံ တော် ကာကွယ်ရေးနှင့် လုံခြုံရေးတာဝန်များ ထမ်းဆောင်စဉ် ထိခိုက်ဒဏ်ရာရရှိခဲ့သော အရာရှိ၊ စစ်သည်များ၊ မြန်မာနိုင်ငံရဲတပ်ဖွဲ့ဝင်များနှင့် ပြည်သူ့စစ်ဌာနေတပ်ဖွဲ့ဝင်များ အား နစက ဥက္ကဌ က ယနေ့ မေလ ၂၉ ရက် တွင် သွား ရောက်ကြည့်ရှုခဲ့ကြောင်း သိရသည်။

ဆရာတော်ကြီး၏ ကျန်းမာ ရေးအခြေအနေများကို မပြတ်စောင့်ကြည့်၍ လို အပ်သည်များကိုဖြည့်ဆည်းဆောင် ရွက် ပေးရန်၊ ကိုယ်ခံစွမ်း အား ရှိစေရေး၊ တစ်ကိုယ်ရည် သန့်ရှင်းရေးနှင့် လုပ်ဆောင်နိုင်သည့် ကိုယ်လက်လှုပ် ရှားမှု လေ့ကျင့်ခန်း များလုပ်ဆောင်နိုင်ရေး တို့အတွက်ဆောင်ရွက်ပေးရန်၊ ဆရာတော်ကြီး၏ ကျန်း မာရေးအ ခြေအနေ သက်သာလာကာ ကျောင်းတိုက်၌ ပြန်လည်သီတင်းသုံးရာ တွင် အဆင်ပြေချောမွေ့စေရေး ကျန်းမာ ရေးဆိုင်ရာ အထောက် အကူပြုပစ္စည်းများ ဖြည့်ဆည်းဆောင်ရွက်ပေးသွားရန်နှင့် တို့ကို နိုင်ငံတော်စီမံအုပ်ချုပ် ရေးကောင်စီဥက္ကဋ္ဌ တပ်မတော်ကာကွယ်ရေး ဦးစီးချုပ်က မှာကြားခဲ့ကြောင်း သိရသည်။

အလားတူ နိုင်ငံတော် ကာကွယ်ရေးနှင့် လုံခြုံရေးတာဝန်များ ထမ်းဆောင်စဉ် ထိခိုက်ဒဏ်ရာရရှိခဲ့သော အရာရှိ၊ စစ်သည်များ၊ မြန်မာနိုင်ငံရဲတပ်ဖွဲ့ဝင်များနှင့် ပြည်သူ့စစ်ဌာနေတပ်ဖွဲ့ဝင်များအား အားပေးစကား ပြောကြား၍ အရာရှိ၊ စစ်သည်များ၊ မြန်မာနိုင်ငံရဲတပ်ဖွဲ့ဝင်များနှင့် ပြည်သူ့စစ်ဌာနေတပ် ဖွဲ့ဝင်များအား ဂုဏ်ပြုချီးမြှင့်ငွေနှင့် လက်ဆောင်ပစ္စည်းများပေးအပ်ခဲ့ကြောင်း သိရသည်။

နစက ဥက္ကဌ၏ အဆိုပါ ခရီးစဉ်အတွင်း တပ်မတော်နည်းပညာ တက္ကသိုလ်မှ နည်းပြအရာရှိကြီးများ၊ ကထိက အရာ ရှိကြီးများ၊ ဆရာကြီး၊ ဆရာမကြီးများ၊ သန္ဓေအရာရှိများနှင့် ဗိုလ်လောင်းများအား တပ်မတော်နည်းပညာ တက္ကသိုလ်၊ ဘွဲ့နှင်း သဘင်ခန်းမ၌ တွေ့ဆုံအမှာစကားပြောကြားခဲ့သေးကြောင်းလည်း သိရသည်။
Yangon_Times/PP
#Local_News
#Published_ 30 May 2024
#Yangon_Times #YMG_News #Yangon_Media_Group

တရုတ်အလယ်ပိုင်း ဟူနန်ဒေသမှာ ဒရုန်းများဖြင့် ပစ္စည်းပို့လုပ်ငန်း လုပ်ဆောင်နေပြီဖြစ်ပြီး အနိမ့်ပျံသန်းစီးပွားရေး စတင်လည်ပတ်ပြီဖြစ်ကာ ဝယ်ယူသုံးစွဲသူများအနေဖြင့် ပစ္စည်းပို့လုပ်ငန်းကဏ္ဍနဲ့ ပတ်သက်ပြီး ရွေးချယ်စရာ ပိုများလာပါတယ်။
#Asia_Development
#Published_ 29 May 2024
#Yangon_Times #YMG_News #Yangon_Media_Group

#Daily_News
Published_ 29 May 2024

၁။ မနှစ်ကထက် ဈေးတက်ပေမည့်လည်း ဂျပန်ထီးများ ရောင်းအားတက်နေ၊ မစောတံတားဖြတ်ရန် ထီးကုန်တင်ယာဉ်များ စောင့်ဆိုင်းနေရ

၂။ သယ်ယူပို့ဆောင်ရန်အခက်အခဲနှင့် အရည်အသွေးကြောင့် ကြက်သွန်နီဈေးနှုန်းကျဆင်း

၃။ ဆိတ်မွေးမြူသူ နည်းလာသည့်အတွက် မွေးမြူရေးဆိတ်မဈေးကွက် တစ်ကောင်လျှင် ကျပ်သုံးသောင်းခန့် ဈေးကျဆင်း

၄။ တရုတ်ပြည်အလယ်ပိုင်းဟူနန်ဒေသတွင် ဒရုန်းဖြင့် ပစ္စည်းပို့လုပ်ငန်း စတင်လည်ပတ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

အချို့ စစ်ဘေးရှောင်ပြည်သူတွေဟာ နေရပ်ကို ပြန်သွားကျတာရှိပေမယ့် နေရပ်ပြန်ရန် အဆင်မပြေသေးသူများနဲ့ ထပ်တိုးရောက်ရှိလာသူတွေအပါအ၀င် တောင်ငူမြို့နယ်အတွင်းက စစ်ဘေးရှောင်စခန်း ၆၅ ခုမှာ နေထိုင်ရတဲ့ နေရပ်စွန့်ခွာ ပြည်သူတစ်သောင်းဝန်းကျင်ခန့် ရှိသေးတယ်၊ စားနပ်ရိက္ခာနှင့် ဆေးဝါးလိုအပ်ချက်များ ရှိနေတယ်လို့ သိရပါတယ်။
Yangon_Times/LW
#Local_News
#Published_ 29 May 2024
#Yangon_Times #YMG_News #Yangon_Media_Group

၂၉ မေ ၂၀၂၄

မြန်မာနိုင်ငံမှာ အငယ်စား နျူကလီးယားစွမ်းအင်သုံး ဓာတ်အားပေးစက်ရုံ တည်ဆောက်ဖို့  ပူးပေါင်းဆောင်  ရွက်ရေး အခြေခံမူဆိုင်ရာ သဘောတူညီချက်မူကြမ်းကို ရုရှားဖက်ဒရေးရှင်း အစိုးရက အတည်ပြုပေးလိုက်   ပြီလို့ သိရပါတယ်။

အဆိုပါသဘောတူညီချက်မူကြမ်းကို ရုရှားအစိုးရက ၂၀၂၄ခုနှစ် မေလ ၂၃ရက်နေ့တွင် အမိန့်အမှတ် 1225-r ဖြင့် အတည်ပြုလိုက်တာဖြစ်တယ်လို့ ရုရှားနိုင်ငံရဲ့ နျူကလီးယားစွမ်းအင်ဆိုင်ရာ မီဒီယာများက သတင်း ရေးသားဖော်ပြကြပါတယ်။

“ ၂၀၂၄ ခုနှစ်၊ မေလ ၂၃ ရက် နေ့စွဲပါ အစိုးရအမိန့်အမှတ် 1255-R အရ မြန်မာနိုင်ငံတွင် water reactor ကို   အခြေခံ၍ နျူကလီးယားဓာတ်အားပေးစက်ရုံတည်ဆောက်ရန်ပံ့ပိုးပေးသည့် Rosatom နိုင်ငံပိုင်ကော်ပိုရေး  ရှင်း မှတစ်ဆင့် စာရွက်စာတမ်းတစ်ခု လက်မှတ်ရေးထိုးနိုင်မည် ဟု မျှော်လင့်ပါသည်” လို့ မြန်မာနိုင်ငံဆိုင်ရာ ရုရှားနိုင်ငံရဲ့ကုန်သွယ်ရေးကိုယ်စားလှယ် တယ်လီဂရမ်စာမျက်နှာမှာလည်း အဆိုပါသတင်းကို ဖော်ပြထား   ပါတယ်။

အဆိုပါသဘောတူညီချက်မူကြမ်းကို Rosatom ကော်ပိုရေးရှင်းက တင်ပြခဲ့တာဖြစ်ပြီး ရုရှားနိုင်ငံခြားရေး ဝန်ကြီးဌာနနှင့် အခြားသောဖက်ဒရယ်အဆင့်သက်ဆိုင်ရာအာဏာပိုင်အဖွဲ့အစည်းတွေက သဘောတူခဲ့ကြ  တယ်လို့လည်း သတင်းထုတ်ပြန်ချက်အရသိရပါတယ်။ ဒီစီမံကိန်းကို မြန်မာဘက်က တွက်ချက်မှုတွေ‌ ဆောင်   ရွက်ပြီးစီးပြီဖြစ်တယ်လို့ဆိုပါတယ်။

မူကြမ်းမှာ မြန်မာနိုင်ငံ၌ ရုရှားရဲ့ ဖိအားသိပ်ရေဓာတ်ပေါင်းဖို pressurized water reactors တွေအပေါ် အခြေခံပြီး အနည်းဆုံး ၁၁၀ မဂ္ဂါဝပ်ထွက်ရှိမယ့် နျူကလီးယားဓာတ်အားပေးစက်ရုံတစ်ရုံ တည်ဆောက်မှာ  ဖြစ်ပါတယ်။

မူကြမ်းရဲ့အခန်း(၂)မှာ ပူးပေါင်းဆောင်ရွက်ရေးနယ်ပယ်တွေကိုဖော်ပြထားပါတယ်။ အဲဒါတွေကတော့ အင်ဂျင်နီယာလုပ်ငန်းဆိုင်ရာ တိုင်းတာတွက်ချက်မှု engineering surveys ၊ ပတ်ဝန်းကျင်အကျိုးသက်  ရောက်မှုဆိုင်ရာ လေ့လာဆန်းစစ်မှု EIA၊ နျူကလီးယားဓာတ်အားပေးက်ရုံ ဒီဇိုင်းနှင့်ဆောက်လုပ်ရေး၊  စက်ကိရိယာများနှင့်ပစ္စည်းများ ထောက်ပံ့ခြင်း၊ လောင်စာဆီထောက်ပံ့ခြင်း၊စက်တပ်ဆင်ခြင်းနှင့် လုပ်ငန်း    အပ်နှံခြင်း၊ အာမခံဝန်ဆောင်မှု၊အသုံးပြုလောင်စာဆီစီမံခန့်ခွဲမှု၊ လေ့ကျင့်သင်တန်းများနှင့် အခြားသော နယ်ပယ်တွေပါဝင်တယ်လို့ အဆိုပါသတင်းမှာရေးသားထားပါတယ်။

ရုရှားဘက်မှာ Rosatom နှင့် RTN တို့ပါဝင်ပြီး မြန်မာဘက်အခြမ်းမှာ အမျိုးသား နျူကလီးယားအစီအစဉ် အကောင်အထည်ဖော်ရေးကော်မတီနှင့် သိပ္ပံနှင့်နည်းပညာဝန်ကြီးဌာနတို့ပါဝင်တယ်လို့လည်းသိရပါတယ်။

ရုရှားနိုင်ငံမှာတည်ဆောက်သကဲ့သို့ ရုရှားမှာကျင့်သုံးနေတဲ့ နျူကလီးယားစွမ်းအင်ဆိုင်ရာ လုပ်ထုံးလုပ်နည်း   တွေနှင့်အညီ စီမံကိန်းကိုအကောင်အထည်ဖော်သွားမှာလည်းဖြစ်ပါတယ်။

ရုပ်ဝတ္ထုဆိုင်ရာ အကာအကွယ်ပေးရေးစနစ်ကိုတော့ နိုင်ငံတကာနျူကလီးယားစွမ်းအင်အေဂျင်စီရဲ့ စာရွက်   စာတမ်းတွေထဲမှာ‌ ထောက်ခံထားပြီးဖြစ်တဲ့ ဒီဇိုင်းတွေအတိုင်းဆောင်ရွက်သွားမယ်လို့လည်း သတင်းမှာ      ဖော်ပြထားပါတယ်။

Source: Atomic Energy မီဒီယာ

Photo: Rosatomက ပြသထားသည့် အသေးစားနျူကလီးယားဓာတ်အားပေးစက်ရုံပုံစံငယ်

ပုပ္ပါးတောင်တစ်ဝှိက်မှရရှိတဲ့ နိုတိုက်သတ္တဝါနှင့် အင်ကြင်းပင်ကျောက် ဖြစ်ရုပ်ကြွင်း (၁၄၀)ခုကို လင်းဟိုတယ်ကိုကိုယ်ပိုင်ထိန်းသိမ်းပြသခွင့်အဖြစ် ရှေးဟောင်းဝတ္ထုပစ္စည်းထိန်းသိမ်းခွင့်လက်မှတ် ပုံစံ(၄)ထုတ်ပေးခဲ့တယ်။
Yangon_Times/tthl
#Local_News
#Published_ 29 May 2024
#Yangon_Times #YMG_News #Yangon_Media_Group

Published_ 29 May 2024

ချင်းတွင်းမြစ်ရေသည် မေလ(၂၉)ရက်မှ နောက်(၁)ရက် ဟုမ္မလင်းမြို့၏စိုးရိမ်ရေအမှတ်သို့ ရောက်နိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသတိပေးထားသည်။

လက်ရှိ မေလ(၂၉)ရက်တိုင်းတာချက်များအရ ချင်းတွင်းမြစ်ရေသည် ဟုမ္မလင်းမြို့၏ စိုးရိမ်ရေအမှတ်အောက် (၉)ပေခန့်တွင်ရောက်ရှိနေပြီး နောက်(၁)ရက် မေလ(၃၀)ရက်တွင် ဟုမ္မလင်းမြို့၏စိုးရိမ်ရေအမှတ်သို့ ရောက်နိုင်သည်ဟုဆိုသည်။

သို့ဖြစ်၍ ဟုမ္မလင်းမြို့နယ်အတွင်းရှိ မြစ်ကမ်းအနီးနှင့်မြေနိမ့်ပိုင်းနေထိုင်သူများအနေဖြင့် အထူးသတိပြု နေထိုင်ကြရန် သတိပေးထားကြောင်းသိရသည်။

ဇွန်လထဲတွင် ဧရာဝတီမြစ်ရေရောချင်းတွင်းမြစ်ရေပါ လက်ရှိရေအမှတ်များမှ (၆)ပေမှ(၁၃)ပေခွဲအထိ မြင့်တက်လာနိုင်သဖြင့်အထူးသတိထားရန်လည်း သတိပေးချက်ထုတ်ပြန်ထားကြောင်း သိရသည်။
Yangon_Times/tthl
#Local_News
#Published_ 29 May 2024
#Yangon_Times #YMG_News #Yangon_Media_Group

Published_ 29 May 2024

အခြေခံပညာစနစ်သစ် Grade - 9 အောင်မြင်ပြီးသူများ အနေဖြင့် သမဝါယမစာရင်းကိုင် သက်မွေးပညာသင်တန်းကျောင်းသို့ တက်ရောက်နိုင် မည်ဖြစ်ကြောင်းသိရသည်။

သမဝါယမစာရင်းရေး စာရင်းကိုင်သက်မွေးပညာသင်တန်းကျောင်းများမှာ  မကွေး၊ မန္တလေး၊ တောင်ကြီး၊ မော်လမြိုင်၊ ပုသိမ် တို့တွင်   (၃) နှစ်တာသင်တန်းများအဖြစ် တက်ရောက်ရမည် ဖြစ်သည်။ အဆိုပါ သင်တန်းကျောင်းများ၌ အထက်တန်းပညာရေးနှင့် စာရင်းကိုင်သက်မွေးပညာကို တွဲဖက်သင်ကြားပေးမည့်သင်တန်းအား  လာမည့် ဇွန်လ (၁၇) ရက်နေ့မှာ စတင် ဖွင့်လှစ်သွားမည်ဖြစ်ကြောင်းသိရသည်။

ယင်း သင်တန်းပြီးဆုံးအောင်မြင်ပါက Certificate in Business Accounting (စီးပွားရေးစာရင်းကိုင်ပညာ) အောင်လက်မှတ်ကို ရရှိမည့်အပြင် သတ်မှတ်ထားသော အရည်အချင်းများ ပြည့်မီပါက သမဝါယမကောလိပ်များသို့ ပေါင်းကူး၍ ဆက်လက်ပညာသင်ကြားနိုင်မည်ဖြစ်ကြောင်းသိရသည်။

သင်တန်းကာလမှာ (၃) နှစ်ဖြစ်ပြီး Grade-10, Grade-11, Grade-12 တို့၏ မြန်မာစာ၊ အင်္ဂလိပ်စာ၊ သင်္ချာ၊ ဘောဂဗေဒတို့ကို သင်ကြားပေးမည့်အပြင် ကျောင်း၏ အဓိကဘာသာရပ်များဖြစ်သော ကွန်ပျူတာ၊ ICT ဘာသာရပ်များ၊ Cost Accounting၊ Financial Accounting၊ Computerized Accounting နှင့် သမဝါယမစာရင်းကိုင်စာရင်းစစ် ဘာသာရပ်များကို လေ့လာရမည်ဖြစ်သည့် အပြင် လက်တွေ့လုပ်ငန်းခွင်များတွင် သွားရောက်လေ့လာလုပ်ကိုင်ရမည့် လက်တွေ့သင်ခန်းစာများလည်း ပါဝင် ကြောင်းသိရသည်။

သင်တန်းပြီးဆုံးအောင်မြင်ပါက Certificate in Business Accounting အောင်လက်မှတ်ကို ရရှိမည်ဖြစ်ပြီး ဂုဏ်ထူးဖြင့် ထူးချွန်အောင်မြင်သူများသည် သမဝါယမကောလိပ် (မန္တလေး၊ ဖောင်ကြီး) နှင့် သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်၊ စစ်ကိုင်း) တို့တွင် ဆက်လက်ပညာသင်ကြားနိုင်ပြီး  ရိုးရိုးအဆင့်ဖြင့်အောင်မြင်သူများသည် ဘဏ်များ၊ ကုမ္ပဏီများ၊ စီးပွားရေးအဖွဲ့အစည်းများနှင့် သမဝါယမအသင်းများနှင့် ချိတ်ဆက်၍ အလုပ်အကိုင်အခွင့်အလမ်းများ ရရှိနိုင်မည်ဖြစ်ကြောင်းသိရသည်။
Yangon_Times/NN
#Local_News
#Published_ 29 May 2024
#Yangon_Times #YMG_News #Yangon_Media_Group

Published_ 29 May 2024

မုတ်သုန်မိုးနှင့် မိုးတိမ်တောင်များကြောင့် ကချင်၊မွန်၊စစ်ကိုင်းအပါအဝင်ဒေသတော်တော်များများ ၌မိုးရွာသွန်းခြင်း၊မိုးသည်းခြင်းနှင့်‌လေပြင်းတိုက်ခြင်းဖြစ်နိုင်ကြောင်း မိုးလေဝသနှင့်ဇလ‌ဗေဒညွှန်ကြားမှုဦးစီးဌာနမှသိရသည်။

 မနက်ဖြန် မေလ(၃၀)ရက်နံနက်အထိခန့်မှန်းချက်အဖြစ် မန္တလေးတိုင်း‌ဒေသကြီး၊ မကွေးတိုင်းဒေသကြီး၊ ရှမ်းပြည်နယ် (အရှေ့ပိုင်း)နှင့် ကယားပြည်နယ်တို့တွင် နေရာကျဲကျဲ၊ စစ်ကိုင်းတိုင်းဒေသကြီး အောက်ပိုင်းနှင့် ရှမ်းပြည်နယ်(မြောက်ပိုင်းနှင့် တောင်ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်သည်ဟုဆိုသည်။

မိုးတိမ်တောင်ဖြစ်‌ပေါ်မှုအခြေအနေအဖြစ် စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်(မြောက်ပိုင်း)၊ ချင်းပြည်နယ်၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် မိုးတိမ်တောင်များ ဖြစ်ထွန်းမှု အားကောင်းလျက်ရှိပြီး 

အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်း စသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုထားသည်။

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းအသင့်အတင့်မှ လှိုင်းကြီးနိုင်‌သည်။

နောက်(၂)ရက် မေလလ(၃၀)ရက်နှင့်(၃၁)ရက်အတွက်ခန့်မှန်းချက်က‌‌တော့အနောက်တောင်မုတ်သုံလေသည် ကချင်၊ချင်း၊စစ်ကိုင်းအထက်ပိုင်း စသည့်မြန်မာနိုင်ငံမြောက်ပိုင်းဒေသများသို့ ဝင်ရောက်နိုင်ကြောင်း သိရသည်။
Yangon_Times/tthl
#Local_News
#Published_ 29 May 2024
#Yangon_Times #YMG_News #Yangon_Media_Group

Published 29 May 2024

မလေးရှားနိုင်ငံရှိ မြန်မာနိုင်ငံသားများကို နိုင်ငံကူးလက်မှတ်လျှောက်ထားခြင်းနှင့် CI‌ လျှောက်ထားခြင်း ဆိုင်ရာ ကိစ္စရပ်များနှင့် ပက်သက်ပြီး လူမှုကွန်ယက်စာမျက်နှာများမှတစ်ဆင့် လ်ိမ်လည်လှည့်ဖျားခြင်းများ ရှိနေသောကြောင့် ထိုသို့ လုပ်ဆောင်သူများကို ဥပဒေနှင်အညီ အရေးယူဆောင်ရွက်သွားမည်ဖြစ်ကြောင်း မလေးရှားနိုင်ငံဆိုင်ရာ မြန်မာသံရုံးက ကြေညာလိုက်သည်။

နိုင်ငံကူးလက်မှတ် သက်တမ်းတိုးခြင်း၊ အသစ်လျှောက်ထားခြင်းနှင့်C of I လျှောက်ထားခြင်းကိစ္စရပ်များနှင့် ပက်သက်၍ အခြေနေမှန်ကို မသိနားမလည်သည် မြန်မာနိုင်ငံသားများကို လိမ်လည်လှည့်ဖျားလိုသူများက Facebook နှင့် Tik Tok များ အသုံးပြု၍ သတင်းအမှား ၊ မမှန်ကန်သည့် ရေးသား ဖြန့်ဝေနေသည်ကို တွေ့ရှိရကြောင်း သံရုံး၏ ကြေညာချက်တွင် ဖေါ်ပြထားသည်။

အဆိုပါလူမှုကွန်ယက်စာမျက်နှာများတွင် သံရုံး၏ အမည်များကိုပါ ထင်ရောင်ထင်မှား ဖြစ်စေရန် ရေးသားခြင်းများ ရှိနေသဖြင့် ယင်းလူမှုကွန်ယက်စာမျက်နှာများ မြန်မာသံရုံးနှင့်လုံဝ သက်ဆိုင်ခြင်းမရှိကြောင်း နှင့်မြန်မာနိုင်ငံသားများအား လိမ်လည်လှည့်ဖြားနေသူများကို မြန်မာသံရုံးမှ ဥပဒေနှင့်အညီ အရေးယူဆောင်ရွက်သွားမည် ဖြစ်ကြောင်း အသိပေးထားသည်။

မလေးရှားရောက် မြန်မာနိုင်ငံ သားများ ၏ နိုင်ငံကူးလက်မှတ်နှင့်CI ထုတ်ပေးသည့် ကိစ္စရပ်များ ကို ကွာလာလမ်ပူမြို့ မြန်မာသံရုံး အနေဖြင့် ညွန်ကြားချက်များနှင့်အညီ www.mekl.org တွင်ရက်ချိန်းရယူပြီး ဆောင်ရွက်ပေးလျက်ရှိကြောင်း သိရသည်။
Yangon_Times/LW
#Local_News
#Published_ 29 May 2024
#Yangon_Times #YMG_News #Yangon_Media_Group