#World_Science
Published 29 July 2025
▪️ လက်ချောင်းအတိုအရှည်ပေါ် မူတည်ပြီး လိင်စိတ်ဆန္ဒ၊ အပြုအမူ၊ ကြိုက်နှစ်သက်ပုံတွေ ကွဲပြားနိုင်တယ်လို့ သိပ္ပံပညာရှင်တွေ ပြောလာပါတယ်။
▪️ လူတစ်ဦးရဲ့ လိင်အပြုအမူပုံစံတွေက မိခင်ဝမ်းတွင်းထဲရှိစဉ်ထဲက ပုံဖော်သွားတယ်လို့ ဆိုထားပါတယ်။
▪️ ကျားဟော်မုန်းတစ်မျိုးဖြစ်တဲ့ အန်ဒရိုဂျင်နဲ့ ပတ်သက်ပြီး ဦးနှောက်တုံ့ပြန်ပုံကလည်း သက်ဆိုင်နေပါတယ်။
▪️ ဒီအတွက် ဂျပန်နိုင်ငံ အိုကာယာမာတက္ကသိုလ်မှ သုတေသီတွေက ကြွက်တွေနဲ့ စမ်းသပ်ခဲ့ရာမှာ သူတို့ရဲ့ လက်ချောင်းအတိုအရှည်က လိင်စိတ်ဆန္ဒနဲ့ ပြုမူပုံတွေကို ညွှန်ပြနေတယ်လို့ ကောက်ချက်ချခဲ့ပါတယ်။
▪️ ဒုတိယမြောက်လက်ချောင်းနဲ့ စတုတ္ထမြောက်လက်ချောင်းတို့ရဲ့ အချိုး 2D:4D က ကြွက်တွေရဲ့ လိင်ပိုင်းဆိုင်ရာ အပြုအမူနဲ့ အကြိုက်တွေကို ခန့်မှန်းနိုင်ကြောင်း တွေ့ရှိလာပါတယ်။
▪️ လက်ညှိုးက လက်သူကြွယ်ထက် ပိုတိုခြင်း၊ တစ်နည်းအားဖြင့် 2D:4D အချိုးနည်းခြင်းက လိင်စိတ်ဆန္ဒပြင်းပြတယ်လို့ မှတ်ချက်ပြုခဲ့ပါတယ်။
▪️ လက်ညှိုးပိုတိုတဲ့ကြွက်တွေက တခြားကြွက်တွေထက် လိင်စိတ်ဆန္ဒပိုမြင့်မားသလို ထောင်မတ်နိုင်စွမ်း ပိုအားကောင်းတာ တွေ့ရပါတယ်။
▪️ ဒါ့အပြင် လှောင်အိမ်ထဲထည့်ကာ ကြွက်မအနံ့ရှိတဲ့ နေရာနဲ့ ကြွက်ထီးအနံ့ရှိတဲ့ နေရာဆိုပြီး ထည့်ပေးထားပါတယ်။
▪️ ထိုအခါမှာ ကြွက်မအနံ့ရှိတဲ့နေရာဆီကို ပိုပြီးစူးစမ်းလေ့လာနေတာ တွေ့ရပါတယ်။
▪️ ဟော်မုန်းသက်ရောက်မှုက ဦးနှောက်အပေါ်မှာ ဝမ်းဗိုက်ထဲမှာတည်းက သက်ရောက်နေပြီး နောက်ပိုင်းမှာ 2D:4D အချိုးအတိုင်း ဖြစ်လာပါတယ်။
▪️ စမ်းသပ်ချက်တွေက ကြွက်ထီးတွေမှာပဲ တစ်ဖက်သတ် စမ်းသပ်ထားတာ ဖြစ်ပါတယ်။
#Source: WION
