၂၄ ဧပြီ ၂၀၂၄

ထိုင်းနိုင်ငံ ချင်းမိုင်မြို့ ဆန်ကမ်ပအန်ခရိုင်က ငှားနေတဲ့အိမ်တစ်အိမ်မှာ ဧပြီ ၂၃ရက် အင်္ဂါနေ့က မြန်မာ အမျိုးသားတစ်ယောက် ဇနီးနှင့် သားငယ်ကို သတ်ပစ်ပြီး သူ့ကိုယ်သူလည်း သတ်သေသွားခဲ့တယ်လို့ ထိုင်း  ပြည်တွင်းမီဒီယာတွေမှာ သတင်းရေးသားကြပါတယ်။

အဲဒီမြန်မာအမျိုးသားဟာ ဇနီးဖြစ်သူကို ဓားနှင့်ထိုးသတ်ပြီးနောက် သားကို ကြိုးဆွဲချသတ်ကာ နောက်ဆုံး မိမိကိုယ်မိမိကြိုးဆွဲချ အဆုံးစီရင်ခဲ့တာလို့ သတင်းမှာဖော်ပြထားပါတယ်။

ချင်းမိုင်က အဆိုပါ တစ်ထပ်အိမ်အတွင်းမှာ သေဆုံးနေတဲ့ မိသားစုဝင်(၃)ဦးရဲ့ အလောင်းတွေကို ယမန် နေ့ ဧပြီ ၂၃ရက်က တွေ့ရှိခဲ့တာဖြစ်ပါတယ်။

အသက်၂၉နှစ်အရွယ်ရှိမြန်မာအမျိုးသမီး နန်းအုန်းရဲ့အလောင်းကို  လည်ပင်းပြတ်ရှဒဏ်ရာနှင့်အတူ သူမရဲ့အိပ်ရပေါ်မှာသေဆုံးနေတာတွေ့ကြရပါတယ်။ ခင်ပွန်းဖြစ်သူ အသက် ၃၈နှစ်အရွယ် စံသူအေး ကို တော့ အိပ်ခန်းတံခါးမှာ ကြိုးဆွဲချသေဆုံးနေတာတွေ့ရပြီး အသက် ၉နှစ်အရွယ် သားငယ် သန်နာပွန်ကို လည်း အခြားအိပ်ခန်းတစ်ခုက တံခါးမှာ ကြိုးဆွဲချသေဆုံးနေတာတွေ့ခဲ့ကြရပါတယ်။

အလောင်းတွေရှာမတွေ့ခင် (၈)နာရီနှင့် (၁၂)နာရီအကြားမှာ သူတို့သေဆုံးခဲ့တာဖြစ်မယ်လို့ ထိုင်းရဲက သတင်းပေးပို့ပါတယ်။မိသားစုဝင်တွေရဲ့ တန်ဖိုးရှိတဲ့အရာတွေဟာ မပျက်မယွင်းရှိနေပြီး တံခါးတွေကို လည်း အတွင်းက သော့ချထားတာကြောင့် စံသူအေးဟာ လူသတ်မှုနှင့်ကိုယ့်ကိုကိုယ်သတ်သေမှုတွေ ကျူးလွန်ခဲ့တာဖြစ်မယ်လို့ ရဲအရာရှိတွေက ယုံကြည်ထားကြပါတယ်။

နန်းအုန်းရဲ့ အလုပ်ရှင် အသက် ၃၈နှစ်အရွယ် ထိုင်းအမျိုးသမီး ပရင်ဒါ မန်နိုခမ်က သေဆုံးနေတဲ့သူတို့ကို ပထမဆုံးစတွေ့တာဖြစ်ပြီး သူမက ဆန်ကမ်ပအန်ရဲဌာနကို အကြောင်းကြားခဲ့တာဖြစ်ပါတယ်။

နန်းအုံးဟာ သူမရဲ့စားသောက်ဆိုင်မှာ အလုပ်လုပ်နေပြီး အခင်းဖြစ်တဲ့နေ့က အလုပ်မလာဘူးလို့ ဆိုင်ရှင် ပရင်ဒါကပြောပါတယ်။အဲဒါကြောင့် ပရင်ဒါက သူ့အလုပ်သမားတွေကို နန်းအုန်းအိမ်သွားကြည့်ခိုင်းခဲ့ပါ တယ်။

အလုပ်သမားတွေက သူတို့ရဲ့အလုပ်ဖော်ဖြစ်တဲ့နန်းအုန်းက အပြင်ကနေ အော်ပြီးဆက်သွယ်ပါတယ်။ ဒါပေမယ့် အတွင်းက ဘာမှမတုန့်ပြန်လို့ ပရင်ဒါက စိတ်ပူပူနှင့် အကြောင်းကြားခဲ့ပါတယ်။ အဲဒါကြောင့်ပရင်ဒါကိုယ်တိုင်လိုက်လာပြီး အိမ်နောက်ဖက်တံခါးပေါက်ကနေ အတင်းဝင်ကြည့်တဲ့အခါ ကြောက်မက်စရာမြင်ကွင်းတွေကိုတွေ့လိုက်ရခြင်းဖြစ်ပါတယ်လို့သတင်းကရေးသားပါတယ်။

နန်းအုန်းကို အိမ်ငှားပေးခဲ့တာဖြစ်တယ်လို့ ပရင်ဒါကပြောပါတယ်။ ဒါပေမယ့် စံသူအေးကတော့ သူမရဲ့ အလုပ်သမားမဟုတ်ဘဲ အခြားစားသောက်ဆိုင်မှာအလုပ်လုပ်နေတာလို့လည်းဆိုပါတယ်။

ယခုလိုကိုယ့်ကိုကိုယ်သတ်သေမှုနှင့်လူသတ်မှုတွေဖြစ်ရတဲ့အကြောင်းရင်းဟာ သဝန်တိုမှုကြောင့်ဖြစ်မယ် လို့ ရဲတွေက စုံစမ်းစစ်ဆေးမှုတွေအရ ယုံကြည်ထားကြပါတယ်။ နန်းအုန်းဟာ နေ့စဉ်နီးပါး လူတစ် ယောက်နှင့် ဖုန်းအကြာကြီးပြောလေ့ရှိတယ်လို့သိရပြီး အဲဒါကြောင့် သူ့ယောကျ်ားဟာ သူ့မိန်းမကို လင်ငယ်ထားနေတယ်လို့ သံသယဖြစ်လာတာဖြစ်ကြောင်း သတင်းကရေးသားပါတယ်။

အရာရှိတွေက မှုခင်းဖြစ်တဲ့နေရာကို စစ်ဆေးနေစဉ်မှာပဲ နန်းအုန်းရဲ့မိုဘိုင်းလ်ဖုန်းကို ဖုန်းတွေ အဆက်မပြတ်ခေါ်နေတာတွေ့ရတယ်လို့ရဲတွေကဖြည့်စွက်ပြောပါတယ်။

Source: Thai Local News outlets

#Local_News
Publicshed 24 April 2024

▪️ ဒလမြို့နယ်၌ ဇုန် (၁၀) ရေပေးဝေရေးစခန်း တည်ဆောက်ရေးစီမံကိန်းကိုဆောင်ရွက်လျှက်ရှိရာ ယင်းဇုန် (၁၀) ရေပေးဝေရေးစခန်းမှ ဒလမြို့နယ်သို့ နေ့စဉ်ရေဂါလန် ၁ ဒသမ ၂ သန်းပေးဝေနိုင်မည်ဖြစ်ကြောင်း ရန်ကုန်မြို့တော်စည်ပင်သာယာ‌ရေးကော်မတီမှ သိရသည်။

▪️ အဆိုပါ ဇုန် (၁၀) ရေပေးဝေရေးစခန်းသည် ဒလမြို့နယ်၊ တာကြီးကျေးရွာ၌ ရန်ကုန်မြို့တော်စည်ပင်သာယာ‌ရေးကော်မတီ၊ အင်ဂျင်နီယာဌာန(ရေနှင့်သန့်ရှင်းမှု)မှ ဆောင်ရွက်နေခြင်းဖြစ်သည်။

▪️ လတ်တလောတွင် ဇုန် (၁၀) ရေပေးဝေရေးစခန်း တည်ဆောက်ရေးစီမံကိန်းအတွင်း (ပထမအဆင့်)ရေလှောင်ပမာဏရေဂါလန် ၁ ဒသမ ၅ သန်းဆံ့ ရေစုကန်နှင့် အလျား ၁၇ ဒသမ ၅၇ မီတာ၊ အနံ ၃၀ မီတာ၊ အမြင့် ၁၂ မီတာ အရွယ်အစားရှိ  ရေတွန်းစက်တည်ဆောက်လျှက်ရှိကြောင်း သိရသည်။

▪️ ထို့အပြင် တွံတေးမြို့နယ်၊ တွံတေး-ဒလ ကားလမ်းပေါ်ရှိ ရန်ကုန်ပေါက်ကျေးရွာအနီး ဒလမြို့နယ်  ရန်ကုန်ပေါက်ရေပေးဝေရေးစခန်းရှိကြောင်းသိရသည်။

▪️ အဆိုပါ ရန်ကုန်ပေါက်ရေပေးဝေရေးစခန်းသည် အကျယ် ၁၀ ဒဿမ ၇ ဧကပေါ်၌ ၁၂ လက်မ အဝီစိတွင်း (၄) တွင်း၊ ၁၀ လက်မ အဝီစိတွင်း (၈) တွင်း၊ ၈ လက်မ အဝီစိတွင်း (၁) တွင်းနှင့် ၁၀ လက်မ မိုးရေစုတွင်း (၇) တွင်း၊  စုစုပေါင်းအဝီစိတွင်း(၂၀)တို့မှ ရေဂါလန် (၁) သိန်း ဆံ့ ရေစုကန်သို့ပေးပို့ပြီး ၎င်းမှတစ်ဆင့် ရေတွန်းစက် (၄) လုံးဖြင့် ဒလမြို့နယ်သို့ နေ့စဉ် ရေဂါလန် (၁) သန်းခွဲ ဖြန့်ဖြူးပေးလျက်ရှိကြောင်း သိရသည်။

#YMG/ NN #Yangon-Times

#World_News
Published 24 April 2024

▪️ ပါလက်စ်တိုင်းလိုလားတဲ့ ကျောင်းသားများက ဂါဇာသို့ အစ္စရေးလ်ကျူးကျော်တိုက်ခိုက်တာကို ဆန္ဒပြတဲ့အနေနဲ့ အမေရိကန်တဝှမ်းရှိ တက္ကသိုလ်ကျောင်းဝင်းတွေမှာ တဲထိုးစခန်းများဖြင့် ထပ်မံနေရာချလာကြပါတယ်။

▪️ ဒီမတိုင်ခင်ကလည်း အရှေ့ ကမ်းရိုးတန်းကောလိပ်တွေမှာ အလားတူ ဆန္ဒပြမှုမျိုးတွေ ပြုလုပ်ခဲ့တဲ့အတွက် အများအပြား ဖမ်းဆီးခံခဲ့ရပါသေးတယ်။

▪️ အစ္စရေးလ်လုပ်ရပ်တွေကို ဆန့်ကျင်တဲ့ ဂျူးလူမျိုးအဖွဲ့ဝင်တွေပါ ပူးပေါင်းပါဝင်လာတဲ့ သပိတ်ပွဲတွေဟာ အမေရိကန် အထက်လွှတ်တော် လူများစုခေါင်းဆောင် ချက်ခ်စခူမာနေထိုင်တဲ့ ဘရွတ်ကလင်းလမ်းကို ပိတ်ဆို့ထားတာ ဖြစ်ပါတယ်။

▪️ သောကြာနေ့ကတည်းက ကိုလံဘီယာ၊ ယေးလ်၊ နယူးယော့ခ်တက္ကသိုလ်နဲ့ အခြားကျောင်းများမှ ကျောင်းသားရာနဲ့ချီ ဖမ်းဆီးထိန်းသိမ်းခံခဲ့ရပါတယ်။

▪️ အမေရိကန်ကွန်ဂရက်မှ ရီပတ်ဘလစ်ကန် အထင်ကရအမတ်များ အပါအဝင် ဆန္ဒပြပွဲများကို ဝေဖန်တဲ့သူတွေက ဆန္ဒပြသူအချို့ပြုလုပ်တဲ့ နှောင့်ယှက်မှု၊ ဂျူးမုန်းတီးရေး အမြင်တို့ကို ကိုးကားစွပ်စွဲလိုက်ပါတယ်။

▪️ ACLU အပါအဝင် ပြည်သူ့အခွင့်အရေး ထောက်ခံသူများကတော့ ဖမ်းဆီးမှုတွေ ပြုလုပ်တာနဲ့ ပတ်သက်ပြီး လွတ်လပ်စွာ ပြောဆိုပိုင်ခွင့်အပေါ် စိုးရိမ်ပူပန်မိကြောင်း ပြောကြားလာပါတယ်။

▪️ ယခုနောက်ထပ် စခန်းချကြရာမှာ ဘာ့ခ်ကလီ ကယ်လီဖိုးနီးယားတက္ကသိုလ်မှ ကျောင်းသားများက အခြားကျောင်းများမှ ဆန္ဒပြသူများနဲ့အတူ စည်းစည်းလုံးလုံး တဲထိုးစခန်းချနေကြပါတယ်။

▪️ ကယ်လီဖိုးနီးယားရှိ ကယ်လ်ပိုလီဟမ်းဘော့တ်ကျောင်းဝင်းကတော့ ဆန္ဒပြသူများ ဝင်ရောက်လာကြပြီးနောက် ပိတ်ပစ်လိုက်ပါတယ်။

▪️ မင်နီဆိုတာတက္ကသိုလ်ကတော့ ဆန္ဒပြသူများဟာ တက္ကသိုလ်မူဝါဒနဲ့ နယ်မြေကျူးကျော်မှု ဥပဒေတို့ကို ချိုးဖောက်တယ်ဆိုပြီး ရဲတွေကို အကူအညီတောင်းကာ စခန်းချခြင်းကို ရှင်းလင်းခဲ့ပါတယ်။

▪️ တနင်္လာနေ့နှောင်းပိုင်းမှာ နယူးယော့ခ်တက္ကသိုလ်ကျောင်းဝင်းရှိ ကျောင်းသား ၁၂၀ ကျော်ကို ဖမ်းဆီးခဲ့ပြီးနောက် ယခုနောက်ထပ် ဆန္ဒပြမှုတွေ ပေါ်ပေါက်လာတာ ဖြစ်ပါတယ်။

▪️ တက္ကသိုလ်အာဏာပိုင်တွေက နောက်ဆုံးအချိန်သတ်မှတ်ထားတဲ့အတိုင်း ဆန္ဒပြသူတွေက ဖယ်မပေးတဲ့အတွက် ရဲတွေကို အကူအညီတောင်းရတာ ဖြစ်ကြောင်း ရဲတပ်ဖွဲ့က ဆိုပါတယ်။

▪️ ဂျူးလူမျိုးကျောင်းသားတွေကို ဆန္ဒပြသူအချို့က နှောင့်ယှက်နေကြတယ်လို့ ကွန်ဂရက်လွှတ်တော် အဖွဲ့ဝင်များ၊ အိမ်ဖြူတော်အရာရှိများက စွပ်စွဲထားပါတယ်။

▪️ တက္ကသိုလ်တွေနဲ့ ဆက်စပ်မှုမရှိဘဲ ဆန္ဒပြပွဲတွေမှာ ပြဿနာဖြစ်စေတဲ့ လူတွေကို အာဏာပိုင်များ ရှာတွေ့ထားတယ်လို့ နယူးယော့ခ်မြို့တော်ဝန် အဲရစ်အဒမ်စ်က ပြောပြပါတယ်။

▪️ ဂါဇာမှာ စစ်ပွဲဆင်နွှဲနေတဲ့ အစ္စရေးလ်ကို အမေရိကန်မှ လက်နက်ထောက်ပံ့နေတာတွေ ရပ်တန့်ဖို့ ဂျူးအမေရိကန်လူမျိုးဖြစ်တဲ့ အထက်လွှတ်တော် ရွေးချယ်ခံခေါင်းဆောင် စခူမာကို ဆန္ဒပြသူများက တိုက်တွန်းနေကြပါတယ်။

#Source: Reuters

#World_Science
Published 24 April 2024

▪️ စကြဝဠာအတွင်း အခြားဂြိုဟ်တွေမှာ သက်ရှိတွေကို ရှာဖွေခြင်းက နှစ်ပေါင်းများစွာ ကြာပြီဖြစ်သလို အယူအဆမျိုးစုံလည်း ပေါ်ထွက်ထားပါတယ်။

▪️ ယခုထက်ထိတော့ ဂြိုဟ်သားတွေကို မတွေ့ရှိသေးပေမယ့် တစ်စုံတစ်ခု ရှိနေမလားဆိုတဲ့ အတွေးကတော့ ရှိနေကြဆဲ ဖြစ်ပါတယ်။

▪️ ယခုအခါမှာ သုတေသနပြုလုပ်ပုံ ပြောင်းလဲလာပြီး ဂြိုဟ်သားသက်ရှိတွေက ဂြိုဟ်တစ်ခုကနေ အခြားဂြိုဟ်သို့ ဥက္ကာခဲတွေကနေတဆင့် သွားလာနိုင်တယ်ဆိုတဲ့ အယူအဆကို အဲရစ်ဆန်စမစ်နဲ့ လာနာဆီနာပိုင်ယန်ဆိုတဲ့ နက္ခတ္တပညာရှင်တွေက တင်ပြလာပါတယ်။

▪️ ထိုကဲ့သို့ ဂြိုဟ်ကူးပြောင်းသွားလာခြင်း သီအိုရီက ဂြိုဟ်သားရှာဖွေရေးကို အထောက်အကူ ဖြစ်လာနိုင်ပါတယ်။

နာဆာမှ ယနေ့ထက်ထိ တွေ့ရှိထားတဲ့ ပြင်ပဂြိုဟ်ပေါင်း ၅၀၀၀ ကျော်မှာ သက်ရှိတွေ ရှိနေနိုင်တာနဲ့ ပတ်သက်ပြီး အဆိုပါသီအိုရီက အရေးကြီးနေပါတယ်။

▪️ အခုထက်ထိတော့ ကမ္ဘာဂြိုဟ်အပြင် စကြဝဠာကြီးထဲမှာ အခြားသက်ရှိတွေ ရှိနေလား၊ ကမ္ဘာကြီးကပဲ သက်ရှိတွေနေထိုင်နိုင်တဲ့ တစ်ခုတည်းသော ဂြိုဟ်လားဆိုတာကို သိပ္ပံပညာရှင်တွေ သေချာမသိသေးပါဘူး။

▪️ ကမ္ဘာပေါ်က သက်ရှိတွေကြောင့် ပတ်ဝန်းကျင်အနေအထား ပြောင်းလဲသွားသလိုမျိုး ဂြိုဟ်သားတွေဟာလည်း ပြင်ပဂြိုဟ်ရဲ့ အနေအထားကို ပြောင်းလဲနိုင်ဖွယ် ရှိနေပါတယ်။

▪️ သုတေသီတွေရဲ့ ယူဆချက်အရ ဂြိုဟ်သားတွေသာ ထိုကဲ့သို့ ဂြိုဟ်ကူးပြောင်းသွားနိုင်ပါက ယင်းတို့သွားတဲ့ ဂြိုဟ်တိုင်းမှာ ပြောင်းလဲမှုတွေ လုပ်နိုင်ဖွယ်ရှိပါတယ်။

▪️ ဒီလိုသာဆိုရင် ပုံစံဆင်တူနိုင်တဲ့ ဂြိုဟ်တွေကို နီးစပ်စွာတွေ့နိုင်ပြီး ဂြိုဟ်သားသက်ရှိ တွေ့နိုင်တဲ့ လက္ခဏာ ဖြစ်နေနိုင်ပါတယ်။

#Source: WION

#World_Science
Published 24 April 2024

လေကြောင်းလုပ်ငန်းကဏ္ဍဟာ ကာဗွန်ဒိုင်အောက်ဆိုဒ် အဓိကထုတ်လွှတ်ရာ နေရာတစ်ခု ဖြစ်နေပါတယ်။

အမေရိကန်ရဲ့ လေကြောင်းကဏ္ဍဟာ လေယာဥ်ဆီပေါင်း ၂၂ ဘီလီယံဂါလံခန့် အသုံးပြုထားပြီး ကာဗွန်ဒိုင်အောက်ဆိုဒ် ၁ ဘီလီယံတန်ချိန် ထုတ်လွှတ်ထားပါတယ်။

ဒါဟာ တစ်ကမ္ဘာလုံးမှာ ကာဗွန်ဒိုင်အောက်ဆိုဒ် ထုတ်လွှတ်ခြင်းရဲ့ ၃ ရာခိုင်နှုန်းမျှ ရှိနေပါတယ်။

စွန့်ပစ်ပစ္စည်းကနေ လောင်စာအဖြစ် သန့်စင်ထုတ်လုပ်ပေးမယ့် စက်ရုံတွေကိုသာ အဓိကသွားလာရေး နေရာများအနီး ဆောက်လုပ်နိုင်ပါက အမေရိကန်ဟာ စွန့်ပစ်ပစ္စည်းကနေ ရေရှည်တည်တံ့မြဲ လေယာဥ်လောင်စာများကို နှစ်စဥ် ၃ - ၅ ဘီလီယံဂါလံခန့် ထုတ်လုပ်နိုင်ဖွယ်ရှိတယ်လို့ စွမ်းအင်ဝန်ကြီးဌာနမှ သုတေသီများက တွေ့ရှိခဲ့ပါတယ်။

ဒါဟာ တိုင်းပြည်ရဲ့ နှစ်စဥ်လောင်စာဆီ ထုတ်လုပ်မှုရဲ့ ၁၅ - ၂၅ ရာခိုင်နှုန်းလောက် အစားထိုးနိုင်လိမ့်မယ်လို့ သုတေသီများက ဆိုပါတယ်။

ရေရှည်တည်တံ့မြဲ လေယာဥ်လောင်စာများ ထုတ်လုပ်မယ့် စက်ရုံတွေကို လေဆိပ်ကြီးတွေနားမှာ ဆောက်လုပ်နိုင်လောက်မယ့် နေရာတွေ တွေ့ရှိထားတယ်လို့ သိပ္ပံပညာရှင် တင်မိုသီဆစ်ပယ်လ်က ပြောပြသွားပါတယ်။

နည်းပညာပိုင်းကို ဘယ်လိုကျယ်ပြန့်စွာ အသုံးချမလဲဆိုတာနဲ့ စရိတ်သက်သာအောင် ဘယ်လိုလုပ်ရမလဲဆိုတာကိုတော့ သုတေသီတွေ လေ့လာနေဆဲ ဖြစ်ပါတယ်။

ထုတ်လုပ်ဖို့အတွက် အဓိကပြဿနာကြီးတစ်ခုက ရရှိနိုင်မယ့် စွန့်ပစ်ပစ္စည်း ပမာဏပဲ ဖြစ်ပါတယ်။

နောက်တစ်ချက်ကတော့ ရေရှည်တည်တံ့မြဲ လေယာဥ်လောင်စာဆီသာ အသုံးပြုနေပါက အနာဂတ်မှာ ထိုလောင်စာအမျိုးအစား ထုတ်လုပ်ဖို့ ကာဗွန်မရရှိမှာကို စိုးရိမ်ရပါတယ်။

အဓိကလေဆိပ်ကြီးတွေနားမှာ စွန့်ပစ်ပစ္စည်းကနေ လောင်စာထုတ်လုပ်မယ့် စက်ရုံတွေကို ဆောက်လုပ်နိုင်ပါက တည်တံ့မြဲလောင်စာတွေ လေဆိပ်ကို ရောက်ရှိဖို့အတွက် နောက်ထပ် အခြေခံအဆောက်အအုံတွေ လိုအပ်ဖွယ်မရှိဘူးလို့ ဓာတုအင်ဂျင်နီယာချုပ် ကာသစ်ခ်ယန်ရာမာဆာမီက ပြောပြသွားပါတယ်။

#World_Science #လေယာဥ်လောင်စာထုတ်လုပ်နိုင်မည့်နည်းလမ်း #Source: WION

ဗြိတိန်ဆိုင်ခန်းငှားရမ်းခများမြင့်တက်လာကာ ဇိမ်ခံပစ္စည်းဝယ်လိုအား ကျဆင်းလာသဖြင့် ဖက်ရှင်ဆိုင်များပိတ်သိမ်းလာရ

ဗြိတိန်မှ ဇိမ်ခံအသုံးအဆောင်ပစ္စည်း ဝယ်သူများဟာ ယခင်ကလောက် မသုံးစွဲကြတော့ဘဲ ဝယ်လိုအားကျဆင်းသွားကာ ဗြိတိန်ပြည်ထောင်စုမှ ဇိမ်ခံပစ္စည်းဆိုင်တွေ ရုန်းကန်နေရပြီး တိုင်းပြည်မှာ လတ်တလော နည်းပညာပိုင်း ဆုတ်ယုတ်လာသဖြင့် အခြေအနေ ပိုဆိုးရွားလာပါတယ်။
#World_Economy
Published 23 April 2024
#ဗြိတိန်ဆိုင်ခန်းငှားရမ်းခများမြင့်တက် #ဇိမ်ခံပစ္စည်းဝယ်လိုအားကျဆင်း
#YMG_News #Yangon_Times #Yangon_Media_Group

#Daily_News
Published_ 23 April 2024

၁။ အခုနှစ်တွင် အယ်နီညိုရှိနေပေမယ့်လည်း မေလထဲမုတ်သုန်ပုံမှန်ဝင်နိုင်ဟုဆို

၂။ အောင်မြင့်မိုရ်အိမ်ရာရှိ အခန်းရာကျော်အား အိမ်ရာချေးငွေစနစ်ဖြင့်‌ ရောင်းချပေးမည်

၃။ တရုတ်ပြည်နယ်စပ်သို့ သွားရောက်အလုပ်လုပ်ရန် မူဆယ်တွင် UID စမတ်ကတ်လျှောက်ထားဖို့ စာရင်းပေးထားသူ ဦးရေ ၇၀၀၀ ရှိဟုဆို

၄။ ဗြိတိန်ဆိုင်ခန်းငှားရမ်းခများ မြင့်တက်လာကာ ဇိမ်ခံပစ္စည်းဝယ်လိုအားကျဆင်းလာသဖြင့် ဖက်ရှင်ဆိုင်များပိတ်သိမ်းလာရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

မကွေးတိုင်းဒေသကြီး ပွင့်ဖြူ စလင်းနဲ့ စကုတို့မှာ ကုလားပဲ စုပေါင်းရောင်းချပွဲကို တစ်လကြာပြုလုပ်ပေးခဲ့ ပေမယ့် အကြောင်းအမျိုးမျိုးကြောင့် တောင်သူတွေ လက်ဝယ်မှာ ရောင်းချဖို့အတွက် တင်းပေါင်း၂သောင်းကျော် ကျန်နေသေးတဲ့အတွက် စုပေါင်းရောင်းချပွဲကို ရက်ထပ်တိုးပြီး ဝယ်ယူပေးဖို့ တောင်သူတွေက တောင်းဆိုထားတယ်လို့ မကွေးတိုင်းတောင်သူဖွံ့ဖြိုးရေး အဖွဲ့ထံက သိရပါတယ်။
#Local_News
Published_ 23 April 2024
#ကုလားပဲစုပေါင်းရောင်းချပွဲ #မကွေးတိုင်းတောင်သူဖွံ့ဖြိုးရေး
#YMG/LW #Yangon_Times

#Local_News
Published 23 April 2024

▪️ ရှမ်းပြည်နယ်၊ နောင်ချိုမြို့နယ်တွင် ၆ဘီးယာဉ်နှင့်ထော်လာဂျီတိုက်မိသဖြင့် ယာဉ်ပေါ်ပါ ၁၄ ဦး ထိခိုက်ဒဏ်ရာရရှိခဲ့ကြောင်း ဒေသခံလူမှုကူညီရေးအသင်းထံက သိရသည်။

▪️ ဧပြီ ၂၃ ရက် နံနက် ၈နာရီ ၃၀မိနစ် ခန့်ကနောင်ချိုမြို့နယ်၊ နောင်ချို - ရပ်စောက်လမ်းမကြီး ရွှေမုဌောအုပ်စု ရေဖြူရွာအနီးတွင် ရပ်စောက်မှနောင်ချိုဘက်သို့အသွား (၆) ဘီးယာဉ်နှင့် သရက်ကုန်းရွာမှ ရွှေမုဌောသို့ ကြံခုတ်သွားသည့် ထော်လာဂျီတို့ တိုက်မိ ခဲ့ကြောင်း သိရသည်။

▪️ အဆိုပါ ယာဉ် တိုက်မှုကြောင့် အမျိုးသား ၃ဦးနှင့် အမျိုးသမီး ၁၁ဦး ထိခိုက် ဒဏ်ရာရရှိခဲ့ကြောင်း သိရသည်။ ထိခိုက်ဒဏ်ရာရရှိသူများကို မေတ္တာရောင်ခြည်လူမှုကူညီရေးအသင်းကံကြီးမှ အခင်းဖြစ်ပွားရာနေရာမှ နောင်ချိုပြည်သူ့ဆေးရုံကြီးသို့ ကူညီပို့ဆောင်ပေးခဲ့ကြောင်း သိရသည်။

#YMG/LW #Yangon Times

ကျိုက်ထီးရိုးကို မနှစ်ကဒီလိုအချိန်မှာ ဘုရားဖူး(၄)သိန်းကျော်ခန့် ဝင်ရောက်ခဲ့တာဖြစ်ပြီး ဒီနှစ်မှာတော့ ထူးထူးခြားခြား ဘုရားဖူးဝင်ရောက်သူ(၅)သိန်းကျော်ဝင်ရောက်ပြီး ဘုရားဖူးဝင်ရောက်မှုတစ်သိန်းကျော် ပိုခဲ့တယ်။ သင်္ကြန်တွင်းမှာ တစ်ရက်ကို (၄)ထောင်ကျော်၊(၅)ထောင်ကျော်အထိ ဝင်ရောက်ခဲ့တယ်။
(ကျိုက်ထီးရိုးစေတီတော်ဂေါပကအဖွဲ့၊တာဝန်ရှိသူတစ်ဦး)
#Local_News
Published_ 23 April 2024
#ကျိုက်ထီးရိုး #ဘုရားဖူး(၅)သိန်းကျော်ဝင်
#tthl #Yangon_Times

#Local_News
Published_ 23 April 2024

▪️ မြန်မာနိုင်ငံတော်ဗဟိုဘဏ်အနေဖြင့်  ပို့ကုန်သွင်းကုန်လုပ်ငန်းရှင်များအား ယနေ့တွင် Online Trading Platform မှ ထိုင်းဘတ် ၁၄ သန်း ရောင်းချပေးမည်ဖြစ်ကြောင်း သိရသည်။

▪️ ထိုသို့ရောင်းချရာတွင်မြန်မာနိုင်ငံတော်ဗဟိုဘဏ်အနေဖြင့် ဧပြီ ၂၃ ရက်နေ့၊ ယနေ့၌ နိုင်ငံခြားငွေကြေးဈေးကွက်တွင် ပို့ကုန်သွင်းကုန်လုပ်ငန်းရှင်များအား Online Trading Platform မှတစ်ဆင့် ထိုင်းဘတ် ၁၄ သန်း ရောင်းချပေးခဲ့ကြောင်း သိရပါသည်။

▪️ ထို့အပြင် မတ်လ၁၅ရက်ကလည်း နိုင်ငံခြားငွေကြေးဈေးကွက်အတွင်း ပို့ကုန်သွင်းကုန်လုပ်ငန်းရှင်များကို  Online Trading Platform မှ  အမေရိကန်ဒေါ်လာ ၅ သန်း ရောင်းချပေးခဲ့ကြောင်း သိရသည်။

▪️ မြန်မာနိုင်ငံတော်ဗဟိုဘဏ်သည်ပို့ကုန်သွင်းကုန်လုပ်ငန်းရှင်များအား အဆင်ပြေစေရန် အမေရိကန်ဒေါ်လာနှင့်ထိုင်းဘတ်များအား ဆက်တိုက်ရောင်းချပေးနေခြင်းဖြစ်ကြောင်း သိရသည်။

#YMG/ NN #Yangon-Times

#Local_News
Published_ 23 April 2024

▪️ စာကြည့်တိုက်များကိုလှူဒါန်းမည့် စာအုပ်များကို မြန်မာ့စာတိုက်လုပ်ငန်းမှ အခမဲ့ပေးပို့လှူဒါန်းနိုင်ကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ သိရသည်။

▪️ ပြန်ကြားရေးဝန်ကြီးဌာနမှဖွင့်လှစ်ထားသော လူထုအခြေပြုဗဟိုဌာန(စာကြည့်တိုက်)များအတွက် စာအုပ်များပေးပို့လှူဒါန်းခြင်းကို မြန်မာ့စာတိုက်လုပ်ငန်းများတွင် အခမဲ့ပေးပို့လှူဒါန်းနိုင်အောင်ဆောင်ရွက်ပေးခြင်းဖြစ်သည်။

▪️ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းအနေဖြင့် မြန်မာနိုင်ငံတစ်ဝှမ်းလုံးရှိ စာကြည့်တိုက်များ ဖွံ့ဖြိုးတိုးတက်ရေးနှင့်ပြည်သူများစာဖတ်နှုန်းမြှင့်တက်စေရန်ရည်ရွယ်၍ တစ်ဘက်တစ်လမ်းမှ ပါဝင်ဆောင်ရွက်ပေးမှုအဖြစ် ပြန်ကြားရေးဝန်ကြီးဌာနမှ ဖွင့်လှစ်ထားသော လူထုအခြေပြုဗဟိုဌာန(စာကြည့် တိုက်)များအတွက် စာအုပ်များ ပေးပို့လှူဒါန်းခြင်းကို မြန်မာ့စာတိုက်လုပ်ငန်းများတွင် အခမဲ့ပေးပို့ လှူဒါန်းနိုင်ကြောင်း ကြေညာထားခြင်းဖြစ်ကြောင်း သိရသည်။

#tthl #Yangon_Times