Published 23 May 2024

သိပ္ပံပညာရှင်တွေက မိုက်ခရိုပလတ်စတစ်အမှုန်များကို လူသားတွေရဲ့ ဝှေးစေ့တွေထဲမှာပါ အံ့အားသင့်ဖွယ် တွေ့ရှိလာပါတယ်။

နယူးမက္ကဆီကိုတက္ကသိုလ်မှ သုတေသီများက လူသားတွေနဲ့ ခွေးတွေရဲ့ ဝှေးစေ့တစ်ရှူးနမူနာများကို လေ့လာရာမှာ မိုက်ခရိုပလတ်စတစ်အမှုန်များ ပါဝင်နေတာကို တွေ့ရှိခဲ့ကြပြီး လူသားတွေမှာ ၃ ဆပိုမိုမြင့်မားနေပါတယ်။

လေ့လာစစ်ဆေးချက်များအရ လူသားတွေရဲ့ တစ်ရှူး ၁ ဂရမ်မှာ ပလတ်စတစ်အမှုန် ၃၂၉.၄၄ မိုက်ခရိုဂရမ် တွေ့ရှိပြီး ခွေးတွေမှာတော့ ၁၂၂.၆၃  မိုက်ခရိုဂရမ် တွေ့ရှိခဲ့ပါတယ်။

ပလတ်စတစ်အမှုန်တွေက လူသားတွေထဲ ဘယ်လောက်အထိ ဝင်ရောက်နေလဲဆိုတာအပြင် အမျိုးသားတွေရဲ့ မျိုးပွားမှုကိုပါ ဘယ်လောက် ထိခိုက်စေမလဲဆိုတာ စိုးရိမ်စရာ ဖြစ်လာပါတယ်။

လူသားတွေရဲ့ မျိုးပွားအင်္ဂါမှာ မိုက်ခရိုပလတ်စတစ်တွေ ဝင်ရောက်နေတာကို တွေ့လိုက်ရတော့ အံ့အားသင့်ခဲ့ရကြောင်း နယူးမက္ကဆီကိုတက္ကသိုလ်မှ သဘာဝပတ်ဝန်းကျင် သိပ္ပံပညာရှင် ရှောက်ကျုံယုက ပြောပြပါတယ်။

မိုက်ခရိုပလတ်စတစ် ၁၂မျိုးကို တွေ့ရှိခဲ့ကြပြီး ခွေးတွေနဲ့လူတွေမှာ အတွေ့အများဆုံးက ပိုလီအီသလင်း(PE) ဖြစ်နေပါတယ်။

ပလတ်စတစ်ဗူးတွေနဲ့ အိတ်များထုတ်လုပ်ရာမှာ ပိုလီအီသလင်းကို အသုံးပြုကြပါတယ်။

ပလတ်စတစ်တွေက သုတ်ပိုးအရေအတွက် ကျဆင်းခြင်းနဲ့ ဆက်စပ်နေနိုင်တယ်လို့ တွေ့ရှိလာကြပါတယ်။

ပလတ်စတစ်အမှုန်တွေနဲ့ ထိတွေ့မှုရှောင်ရှားဖို့၊ စားသောက်နေထိုင်မှုပုံစံ ပြောင်းလဲဖို့၊ အပြုအမူများ ပြောင်းလဲဖို့ ရှောက်ကျုံယုက ဆိုလိုက်ပါတယ်။
Source: WION.
#World_Research
#Published_ 22 May 2024
#Yangon_Times #YMG_News #Yangon_Media_Group

Published_22 May 2024

ကဆုန်လပြည့်(ဗုဒ္ဓနေ့) ကဆုန်ညောင်ရေသွန်းပွဲတော် အား တိုင်းဒေသကြီးနှင့်ပြည် နယ်အသီးသီးတို့၌ စည်ကားသိုက်မြိုက်စွာ ကျင်းပခဲ့ကြကြောင်း သိရသည်ယနေ့တွင်ကျရောက်သည့် ကဆုန်ညောင်ရေသွန်းပွဲတော်တွင် ပြည်ထောင်စုနယ်မြေ နေပြည်တော်၊ မာရဝိ ဇယ ဗုဒ္ဓဥယျာဉ် ပရိဝုဏ်တော်အတွင်းရှိ မဟာဗောဓိညောင်ပင်တော်အား ကဆုန်ညောင်ရေသွန်းလောင်း ပူဇော်ခြင်း မင်္ဂလာအခမ်းအနားကို ယနေ့ညနေပိုင်း၌ ကျင်းပပြုလုပ်ရာ နိုင်ငံတော်စီမံ အုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် နှင့်ဇနီး ဒေါ်ကြူကြူလှ တို့က မဟာဗောဓိညောင် ပင်တော်အား အမွှေးနံ့သာရည်များ ပက်ဖျန်း ပူဇော်ကာ ညောင်ရေသွန်းလောင်းပူ ဇော်ကြ ကာ မဟာဗောဓိ ညောင်ပင်တော်ရှိ ဗုဒ္ဓရုပ်ပွား တော်မြတ်များအား ရေသပ္ပါယ်တော်မူကြပြီး မဟာဗောဓိ ညောင်ပင်တော်အား လက်ယာရစ် လှည့်လည်ပူဇော်ကြကြောင်းလည်း သိရသည်။

ယင်းနောင် ယနေ့ မေလ ၂၂ ရက် ညပိုင်းတွင် ပြည်ထောင်စုနယ်မြေ၊ နေပြည်တော် မာရဝိဇယ ဗုဒ္ဓဥယျာဉ် တော်အတွင်းရှိ အဂ္ဂါဓိပတိသာသနာ့ ဗိမာန်တော်၌ ၁၃၈၆ ခုနှစ်၊ ကဆုန်လပြည့် ဗုဒ္ဓနေ့ ဓမ္မသဘင် မင်္ဂလာ အခမ်းအနားကို ဆင်ယင်ကျင်းပခဲ့ကြောင်း လည်း သိရသည်။

အခမ်းအနားသို့ နိုင်ငံတော်ဩဝါဒါစရိယ၊ ရွှေကျင်နိကာယဥက္ကဋ္ဌ သောဠသမ ရွှေကျင်သာသနာပိုင် သီတဂူ ကမ္ဘာ့ဗုဒ္ဓတက္ကသိုလ်များ၏ အဓိပတိ အဘိဓဇ မဟာရဋ္ဌ ဂုရု အဂ္ဂမဟာပဏ္ဍိတ မဟာဓမ္မကထိကဗဟုဇန ဟိတဓရ သီတဂူ ဆရာတော်ကြီး ဒေါက်တာဘဒ္ဒန္တဉာဏိဿရ ကြွရောက်ချီးမြှင့်တော်မူကြပြီး နိုင်ငံတော် စီမံအုပ်ချုပ်ရေး ကောင်စီ ဥက္ကဋ္ဌ နိုင်ငံတော်ဝန်ကြီးချုပ်၏ဇနီး ဒေါ်ကြူကြူလှ နှင့်အတူ နိုင်ငံတော်စီမံ အုပ်ချုပ် ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယ ဗိုလ်ချုပ်မှူးကြီးစိုးဝင်း နှင့်ဇနီးဒေါ်သန်းသန်းနွယ်၊ ကောင် စီအတွင်းရေးမှူးနှင့်ဇနီး၊ ကောင်စီဝင်များနှင့်ဇနီး များ၊ ပြည်ထောင်စုအဆင့်ပုဂ္ဂိုလ်များ၊ ပြည်ထောင်စု ဝန်ကြီး များနှင့်ဇနီးများ၊ နေပြည် တော်ကောင်စီဥက္ကဋ္ဌ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာ ကြီး များနှင့်ဇနီးများ၊ နေပြည်တော်တိုင်း စစ်ဌာနချုပ်တိုင်းမှူး၊ ဒုတိယဝန်ကြီးများ၊ တာဝန်ရှိသူများနှင့် ဝတ်အသင်း အဖွဲ့များ တက်ရောက်နာယူ ကြည်ညိုကြကြောင်း သိရသည်။

ကဆုန်လပြည့်နေ့၏ ထူးခြားချက်မှာ ဂေါတမမြတ်စွာ ဘုရားသာလျှင်မကဘဲ သဗ္ဗညု မြတ်စွာဘုရားရှင်တို့၏ ဖွားမြင်တော်မူသောနေ့၊ ဘုရားဖြစ်တော်မူသောနေ့၊ ပရိနိဗ္ဗာန် ပြုသောနေ့များမှာလည်း ကဆုန်လပြည့်နေ့ ပင်ဖြစ် ၍ ကဆုန်လပြည့်နေ့ကို “ဗုဒ္ဓနေ့”ဟု သတ်မှတ်ခြင်းဖြစ်ကြောင်း၊ ကဆုန်ညောင်ရေသွန်းပွဲတော်သည် ကုသိုလ်ယူဖွယ်ရာ၊ ဝမ်းသာ ကြည်နူးဖွယ်ရာ ဘာသာရေးဆိုင်ရာပွဲတော် တစ်ခုဖြစ်သည့်အပြင် မြန်မာ့ယဉ်ကျေး မှု အမွေ အနှစ် တစ်ရပ်အဖြစ်ကျင်းပပြုလုပ်သည့် ပွဲတော်ဖြစ်ကြောင်းနှင့် ကဆုန်လပြည့်နေ့မတိုင်မီ တစ်ရက်အ လိုတွင် ညောင်ရေသွန်းလောင်းကြမည့် ညောင်ပင်များကို အမွှေးနံ့သာရေများ ပက်ဖျန်းပေးခြင်း၊ မဟာဗောဓိ ပင်ပလ္လင်တော်အား ကြည်ညိုစဖွယ်ဖြစ်အောင်ပြင်ဆင်ခြင်း စသည့်ကုသိုလ်ယူဖွယ်များကို ပြုလုပ်လေ့ရှိကြ ကြောင်း လည်း သိရသည်။
Yangon_Times/PP
#Local_News
#Published_ 22 May 2024
#Yangon_Times #YMG_News #Yangon_Media_Group

ဘီးတပ်ကုလားထိုင် လမ်းညွှန်ပြသွားလာခြင်း ဝန်ဆောင်မှုကို တရုတ်ပြည်ရှိ လမ်းညွှန်ပြသွားလာခြင်းအက်ပ်တွေမှာ စတင်အသုံးပြုပြီဖြစ်ပြီး မသန်မစွမ်းလူများအတွက် သွားလာရေး ပိုမိုလွယ်ကူချောမွေ့စေမှာ ဖြစ်ပါတယ်။
ထိုဝန်ဆောင်မှုဟာ အပြင်ဘက် အတားအဆီးမဲ့ လမ်းကြောင်းများသာမက ဈေးဝယ်စင်တာကြီးတွေထဲက လမ်းကြောင်းတွေအထိပါ တိုးချဲ့လာပြီး အသုံးပြုသူများအနေဖြင့် အတားအဆီးမရှိတဲ့ တံခါးများ၊ ဓာတ်လှေကားများ၊ သန့်စင်ခန်းတွေကို လက်ကိုင်ဖုန်းကနေ ရှာဖွေနိုင်မှာ ဖြစ်ပါတယ်။
#World_Technology
#Published_ 22 May 2024
#Yangon_Times #YMG_News #Yangon_Media_Group

#Daily_News
Published_ 22 May 2024

၁။ CI ဖြင့်ပြန်မည့် မလေးရောက်မြန်မာနိုင်ငံသားများ မလေးအစိုးရမှ ဒဏ်ကြေးငွေလျော့ပေါ့ပေးသည့်ကာလအတွင်း Exit pass မဖြစ်မနေလျှောက်ထားကျရန် မြန်မာသံရုံးအသိပေးတိုက်တွန်း

၂။ မိုးကာလရောက်ရှိပြီဖြစ်သောကြောင့် မွန်ဒေသမှ ဆားကွင်းများ ပိတ်သိမ်း

၃။ ရွှေတိဂုံစေတီတော်၏ ကဆုန်ညောင်ရေသွန်းလောင်းလှူပွဲသို့ အနယ်နယ်အရပ်ရပ်မှဘုရားဖူးများ လာရောက်‌ ပါဝင်ဆင်နွဲ

၄။ ဘီးတပ်ကုလားထိုင် အသုံးပြုသူများအတွက် လမ်းညွှန်ပြသွားလာနိုင်သည့် အက်ပလိကေးရှင်း တရုတ်တွင်စတင်အသုံးပြု ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

လေဖိအားနည်းရပ်ဝန်းအရှိန်ကြောင့် ရန်ကုန်အပါအဝင်ဒေသ(၁၂)ခုမှာ မိုးကြီးပြီးလေပြင်း တိုက်နိုင်တယ်။
(မိုးလေ၀သနှင့်ဇလဗေဒညွှန်ကြားမှုဦးစီးဌာန)

ရန်ကုန်မှာ မိုးသည်းနိုင်လို့ မြေနိမ့်ပိုင်းရပ်ကွက်‌တွေ၊ နေရာ‌တွေမှာ ရေမဝင်အောင်ကြိုတင်ဆောင် ရွက်ထားဖို့နဲ့ လျှပ်စစ်ပစ္စည်းတွေကဲ့သို့ရေစိုမခံတဲ့ ပစ္စည်းတွေ၊ အရေးကြီးစာရွက်စာတမ်းတွေ ကြိုတင်ရွေ့ပြောင်းထားဖို့ လိုအပ်တယ်။
(Civilian Helper Team (TAMWE )တည်ထောင်သူဦးဝင်းနိုင်)
Yangon_Times/tthl
#Local_News
#Published_ 22 May 2024
#Yangon_Times #YMG_News #Yangon_Media_Group

ကဆုန်လပြည့်နေ့၊ ဗုဒ္ဓ‌နေ့မှာ ရွှေတိဂုံစေတီ‌တော်ကြီးသို့ အနယ်နယ်အရပ်ရပ်မှ ဘုရားဖူးတွေလာ ရောက်ကြတယ်။စနေထောင့်၊ ဗုဒ္ဓဟူးထောင့်စတဲ့ နေရာ(၅)နေရာမှာ ညောင်ရေသွန်းလောင်းလှူပူဇော်နိုင်အောင် စီစဉ်ပေးထားတယ်။
စတုဒိသာအလှူအဖြစ်  ကြာဇံ‌ကြော်၊ ခြောက်ဆွဲကြော်၊ အအေးကို အဆိုတော်၊သရုပ်ဆောင် ဟိန်းသစ်၊ အဆိုတော်ပိုပိုနဲ့ Royal-D မှလည်း Royal-D တွေလှူဒါန်းခဲ့ကြပါတယ်။
Yangon_Times/tthl
#Local_News
#Published_ 22 May 2024
#Yangon_Times #YMG_News #Yangon_Media_Group

မိုးရာသီကာလရောက်ရှိပြီဖြစ်တာကြောင့် မွန်ဒေသက ဆားကွင်းတွေ အားလုံးကို ပိတ်သိမ်းလိုက်ပြီဖြစ်ပြီး ၂၀၂၃ -၂၀၂၄ ဆားထုတ်ရာသီ ပြီးဆုံးသွားပြီလို့  မွန်ပြည်နယ်ဆားလုပ်ငန်းဌာနခွဲက သိရပါတယ်။
Yangon_Times/NN
#Local_News
#Published_ 22 May 2024
#Yangon_Times #YMG_News #Yangon_Media_Group

မလေးရှားရှိ အထောက်အထား မပြည့်စုံတဲ့ မြန်မာ အလုပ်သမားတွေကို မြန်မာသံရုံးက ထုတ်ပေးတဲ့ မည်သူမည်ဝါဖြစ်ကြောင်း သက်သေခံလက်မှတ် C of l ဖြင့် မြန်မာနိုင်ငံကို ပြန်ကျမယ့် နိုင်ငံသားတွေအနေနဲ့ မလေးရှားအစိုးရ က ဒဏ်ကြေးငွေ လျော့ပေါ့ပေးနေတဲ့ကာလအတွင်း မလေးရှားလူဝင်မှုကြီးကြပ်ရေး ရုံးတွေမှာ Exit passကို မဖြစ်မနေ လျှောက်ထားဖို့ မြန်မာသံရုံး ကွာလာလမ်ပူမြို့က မေလ ၂၁ရက်မှာ အသိပေးကြေညာလိုက်ပါတယ်။
Yangon_Times/LW
#Local_News
#Published_ 22 May 2024
#Yangon_Times #YMG_News #Yangon_Media_Group

၂၂ မေ ၂၀၂၄

နီပေါနိုင်ငံရဲ့ အကြီးဆုံး သတင်းမီဒီယာအုပ်စုရဲ့ပိုင်ရှင်ကို နိုင်ငံရဲ့ နိုင်ငံသားဖြစ်မှုဥပဒေကို ချိုးဖောက်တယ်ဆိုတဲ့ စွပ်စွဲချက်နှင့်  အင်္ဂါနေ့က ဖမ်းဆီးလိုက်တယ်လို့ အေပီသတင်းကဖော်ပြထားပါတယ်။

ကန်တီပါမီဒီယာအုပ်စုရဲ့ ပိုင်ရှင် ကိုင်လက်ရှ်ဆီရိုဟီယာဟာ သူ့ကိုတရားစွဲဆိုထားတဲ့ နီပေါနိုင်ငံ တောင်ပိုင်းက ခရိုင်တရားရုံး  တစ်ခုမှာ ဗုဒ္ဓဟူးနေ့ အမှုရင်ဆိုင်ရမှာဖြစ်ပါတယ်။

သူဟာ နီပေါနိုင်ငံ မြို့တော်ကတ္တမန်ဒူမှာရှိတဲ့ သူ့ရဲ့ ကန်တီပါရုံးမှာ အဖမ်းခံရတာဖြစ်ပါတယ်။ ကန်တီပါမီဒီယာအုပ်စုဟာ  သတင်းစာတွေ၊ရုပ်မြင်သံကြားနှင့်ရေဒီယိုအသံလွှင့်ဌာနတွေ၊ မဂ္ဂဇင်းတွေနှင့် အွန်လိုင်းသတင်းဌာနတွေ တည်ထောင်ထားပါ တယ်။

သူဘာမှအမှားမလုပ်ခဲ့ဘူးလို့ ဆီရိုဟီယာက ငြင်းဆိုလိုက်ပြီး ဒါဟာ ပြည်ထဲရေးဝန်ကြီး ရာဘီလမ်မီချိန်းရဲ့ သူ့အပေါ် ကလဲ့စား ချေမှု တစ်ခုဖြစ်တယ်လို့ ပြန်ပြီးစွပ်စွဲလိုက်ပါတယ်။ငွေကြေး မလျော်မကန်ဆောင်ရွက်မှုတွေမှာ ပြည်ထဲရေးဝန်ကြီး ပါဝင်  ပတ် သက်နေတယ်ဆိုတဲ့ သတင်းတွေကို သူ့မီဒီယာအုပ်စုုက ထုတ်ဝေခဲ့တာဖြစ်ပါတယ်။

အတိုက်အခံနိုင်ငံရေးပါတီတွေက လမ်မီချိန်းကို ငွေကြေးမလျော်မကန်ဆောင်ရွက်မှုတွေကြောင့် ရာထူးမှဆင်းပေးဖို့ ကန့်ကွက် ဆန္ဒပြခဲ့ကြပါတယ်။

ဆီရိုဟီရာရဲ့ နိုင်ငံသားမှတ်ပုံတင်ကတ်ပြားနံပါတ်ဟာ တစ်ခြားသူတစ်ဦးရဲ့နံပါတ်နှင့်တူနေပြီး ဒါဟာ နိုင်ငံသားဖြစ်မှုဥပဒေနှင့် ညိစွန်း နေတယ်လို့ရဲကပြောပါတယ်။

နီပေါနိုင်ငံမှာ အထူးသဖြင့် အိန္ဒိယနယ်စပ်ဖြစ်တဲ့ နီပေါတောင်ပိုင်းမှာ လူတော်တော်များများဟာ နိုင်ငံသားမှတ်ပုံတင်အတု ပြုလုပ်လေ့ရှိတယ်လို့ သိရပါတယ်။၏

Source AP

Published_ 22 May 2024

ဘင်္ဂလားပင်လယ်အော် အနောက်တောင်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော် အနောက် အလယ်ပိုင်း၊ အိန္ဒိယနိုင်ငံ၊ တမီးလ်နာဒူး မြောက်ပိုင်းကမ်းလွန်-အင်ဒရာပရာဒေ့ရှ်တောင်ပိုင်း ကမ်းခြေတို့တွင် ဖြစ်ပေါ်နေသော လေဖိအားနည်းရပ်ဝန်း(Low Pressure Area)မှာ ပိုမိုအားကောင်းလာ နိုင်ကာ မုန်းတိုင်းငယ် ဖြစ်နိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက မေလ ၂၂ ရက် ညနေ ၄ နာရီအချိန်တွင် ထုတ်ပြန်လိုက်သည်။

အဆိုပါ လေဖိအားနည်းရပ်ဝန်း(Low Pressure Area)သည် အရှေ့မြောက်ဘက် သို့ ရွေ့လျားနိုင်ပြီး၊ ပိုမိုအားကောင်းလာနိုင်ကာ မေလ ၂၄ ရက် တွင် မုန်တိုင်းငယ် (Depression)အဖြစ်သို့ ရောက်ရှိနိုင်ခြင်း ဖြစ်ကြောင်း ထုတ်ပြန်ချက်က ဆိုသည်။

ထို့နောက် အရှေ့မြောက်ဘက်သို့ ဆက်လက်ရွေ့လျားနိုင်ပြီး၊ ပိုမိုအားကောင်း လာနိုင်ကာ မေလ ၂၅ ရက် ညနေပိုင်းတွင် ဘင်္ဂလားပင်လယ်အော်အရှေ့မြောက်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ် အော်အနောက်မြောက်ပိုင်းသို့ ရောက်ရှိနိုင်ကြောင်းလည်း ခန့်မှန်းထားသည်။

လက်ရှိတွင် ဘင်္ဂလားပင်လယ်အော်မြောက်ပိုင်း ၌ တိမ်အနည်းငယ် ဖြစ်ထွန်းနေပြီး၊ ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်ထူထပ်နေကြောင်း၊ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်(တောင်ပိုင်းနှင့် အရှေ့ပိုင်း)၊ ကရင်ပြည် နယ်နှင့် မွန်ပြည်နယ်တို့တွင် နေရာအနှံ့အပြား၊ နေပြည်တော်နှင့် ကယား ပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာကျဲကျဲ မိုးထစ်ချုန်းရွာပြီး၊ ရန်ကုန်တိုင်းဒေသ ကြီး၊ ဧရာဝတီတိုင်း ဒေသကြီးနှင့် မွန်ပြည်နယ်တို့တွင် ဒေသအလိုက်နှင့် ပဲခူးတိုင်းဒေသကြီး၊ တနင်္သာရီတိုင်းဒေသကြီးနှင့် ကရင် ပြည်နယ်တို့တွင် နေရာကွက်၍ မိုးကြီးနိုင်ကြောင်းလည်း သိရသည်။

ယင်းအပြင် နေပြည်တော်၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီ တိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့ တွင် မိုးတိမ်တောင် များ ဖြစ်ထွန်းလျက်ရှိပြီး အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်း နှင့်အတူ လေပြင်း တိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ် နိုင်ကြောင်း သိရသည်။
Yangon_Times/PP
#Local_News
#Published_ 22 May 2024
#Yangon_Times #YMG_News #Yangon_Media_Group

Published 22 May 2024

ရန်ကုန်ယူနိုက်တက် ယူ-၂၀ အသင်း၏ ရာသီကြိုခြေစမ်းပွဲအဖြစ်  သစ္စာအားမာန်အား ၂ဂိုး-ဂိုးပြတ်ဖြင့်အနိုင်ရခဲ့ကြောင်းYangon Unitedအသင်းမှ သိရသည်။

ယနေ့ မနက်ပိုင်းက Yangon United Sports Complex တွင်ရန်ကုန်ယူနိုက်တက် ယူ-၂၀ အသင်း၏ ရာသီကြိုခြေစမ်းပွဲအဖြစ်  သစ္စာအားမာန် ယူ-၂၀ နှင့် ယှဉ်ပြိုင်ကစားခဲ့ရာ ရန်ကုန် ယူ-၂၀ အသင်းက (၂-၁) ဂိုးဖြင့်အနိုင်ရခဲ့ခြင်းဖြစ်သည်။

ပထမပိုင်း၌ ခြေစမ်းပွဲများပိုကစားထားသည့်  သစ္စာအားမာန်အသင်းက ဖိဖိစီးစီးကစားနိုင်ခဲ့သော်လည်း ရန်ကုန်အသင်းက ဦးဆောင်ဂိုးစတင်ရရှိခဲ့ကြောင်း၊ ရန်ကုန်အသင်း၏ ဦးဆောင်ဂိုးကို (၄၁) မိနစ်တွင်  ရဲထွန်းနိုင် ကသွင်းယူပေးခဲ့ပြီး ရန်ကုန်အသင်းကပထမပိုင်းကို ဦးဆောင်နိုင်ခဲ့ ကြောင်းသိရသည်။

ဒုတိယပိုင်းတွင် နှစ်သင်းစလုံးအပြောင်းလဲများစွာနှင့်ယှဉ်ပြိုင်ကစားခဲ့ပြီး သစ္စာအားမာန်အသင်းအတွက် ချေပဂိုးကို (၇၃) မိနစ်တွင် သန့်ဇင်အောင် ကသွင်းယူခဲ့ပြီး ပွဲပြီးဆုံးခါနီးတွင် ရန်ကုန်အသင်းဦးဆောင်ဂိုးထပ်မံရရှိခဲ့ပြီး လူစားဝင်ကစားသမား နိုင်းလားက (၉၀) မိနစ်တွင်သွင်းယူပေးခဲ့ခြင်းဖြစ်ကြောင်းသိရသည်။
Yangon_Times/NN
#Local_News
#Published_ 22 May 2024
#Yangon_Times #YMG_News #Yangon_Media_Group

Published_ 22 May 2024

မြန်မာနိုင်ငံဘောလုံးအဖွဲ့ချုပ် (MFF)နှင့်ဂျပန် ဘောလုံးအဖွဲ့ချုပ် (JFA)တို့ ပူးပေါင်းဆောင်ရွက်သွားရန် နှစ်ဖက်နားလည်မှုစာချွန်လွှာ (MOU) လက်မှတ်ရေးထိုးခဲ့ကြောင်း သိရသည်။

လူငယ်ဘောလုံး ဖွံ့ဖြိုးရေးလုပ်ငန်းများ၊ အကယ်ဒမီကျောင်းများဖွံ့ဖြိုးရေးနှင့် လူငယ်အသင်းပြိုင်ပွဲများ ယှဉ်ပြိုင်ကစားရေးအတွက်  နားလည်မှုစာချွန်လွှာ (MOU) လက်မှတ်ရေးထိုးခဲ့ ခြင်းဖြစ်သည်ဟုဆိုသည်။

MOU ကာလ (၃)နှစ် ကနဦး ထားရှိရန် သဘောတူခဲ့ကြပြီး MOU အရဆောင်ရွက်မည့် အခန်းကဏ္ဌများ 
အနေဖြင့်
  1.   Technical Development နည်းပညာဖွံ့ဖြိုးရေး
  2.   Referee Development ဒိုင်လူကြီးဖွံ့ဖြိုးရေး
  3.   Women's Football အမျိုးသမီးကစားသမား
  4.   Youth Developmentလူငယ်ကစားသမား ဖွံ့ဖြိုးရေးများပါဝင်သည်ဟုဆိုသည်။

ဧရာဝတီဖောင်ဒေးရှင်း၏ ပံ့ပိုးမှုဖြင့် မြန်မာ လူငယ် ယူ၁၂ အသင်းအား ဘာစီလိုနာ၊ ဂျူဗီတပ်စ်၊ ဂျပန်၊ J League လူငယ်ကလပ်များ ပါဝင်ယှဉ်ပြိုင်မည့် ယူ၁၂  နိုင်ငံတကာ ဖိတ်ခေါ် လူငယ်ပြိုင်ပွဲသို့ စေလွှတ် ယှဉ်ပြိုင်မည်ဖြစ်သည်ဟုဆိုသည်။

မေလ(၂၂)ရက်က JFA ရုံးချုပ်တွင် ပြုလုပ်ခဲ့သည့် MOU ရေးထိုးခြင်း အခမ်းအနားသို့ အာရှဘောလုံးအဖွဲ့ချုပ် AFC Senior Vice President ဦးဇော်ဇော် (ဥက္ကဌ၊ MFF) နှင့် ဂျပန် ဘောလုံးအဖွဲ့ချုပ် JFA ဥက္ကဌ Tsuneyasu Miyamoto တို့တက်ရောက် လက်မှတ် ရေးထိုးခဲ့ကြကြောင်းသိရသည်။
Yangon_Times/tthl
#Local_News
#Published_ 22 May 2024
#Yangon_Times #YMG_News #Yangon_Media_Group