#Local_News
Published_ 5 June 2022

ရေဆင်းစိုက်ပျိုးရေးတက္ကသိုလ်နှင့် မွေးမြူရေးဆိုင်ရာဆေးတက္ကသိုလ်တို့တွင် ကျောင်းသား၊ ကျောင်းသူ စုစုပေါင်း ၇၁၃ ဦး တက်ရောက်ပညာသင်ယူလျက်ရှိသဖြင့် ရာနှုန်းပြည့် ကျောင်းအပ်လက်ခံ သင်ကြားပေးနိုင်ခြင်းဖြစ်ကြောင်း သိရပါတယ်။

၂၀၂၂-၂၀၂၃ ခုနှစ်၊ ပညာသင်နှစ်တွင် ရေဆင်းစိုက်ပျိုးရေးတက္ကသိုလ်၌ ပထမနှစ် ကျောင်းသား ၁၆၇ ဦး၊ ကျောင်းသူ ၂၅၁ ဦး၊ စိုက်ပျိုးရေးဒီပလိုမာလက်မှတ်ရ ဦးစီးဌာန အသီးသီးမှ လုပ်ငန်းခွင်ထူးချွန် ၃၀၊ ကျောင်းအလိုက်ထူးချွန် ဒီပလိုမာလက်မှတ်ရ ၈၃ ဦး စုစုပေါင်း ကျောင်းသား၊ ကျောင်းသူအသစ် ၅၃၁ ဦး ပညာသင်ယူလျက်ရှိပါတယ်။

အလားတူ မွေးမြူရေးဆိုင်ရာ ဆေးတက္ကသိုလ်၌ ပထမနှစ်ဆေးပညာသင်တန်း ကျောင်းသား ၃၈ ဦး၊ ကျောင်းသူ ၇၅ ဦး၊ ပထမနှစ်မွေးမြူရေးပညာသင်တန်း ကျောင်းသား ၂၆ ဦး၊ ကျောင်းသူ ၄၃ ဦး၊ စုစုပေါင်း ပထမနှစ် သင်တန်းသား ၁၈၂ ဦး ပညာ သင်ယူလျက်ရှိကြောင်းသိရပါတယ်။

တက္ကသိုလ်များအနေဖြင့် ရေဆင်းဒေသတွင် ဆည်တမံများ၊ စိုက်ကွင်းများ၊ သုတေသနဌာနများနှင့် နီးကပ်စွာအတူယှဉ်တွဲ တည်ရှိနေသည့်အတွက် စိုက်ပျိုးမွေးမြူ ရေး ပညာရပ်များ သင်ကြားသင်ယူရန် ပြည့်စုံသော ပညာရေးဝန်းကျင်ကောင်း တစ်ခုအဖြစ် တည်ရှိနေပါတယ်။

ရေဆင်းစိုက်ပျိုးရေးတက္ကသိုလ်နှင့် မွေးမြူရေးဆိုင်ရာဆေးတက္ကသိုလ်များ၏ မောင်မယ်သစ်လွင် ကြိုဆိုပွဲကို ဇွန် ၄ ရက်နံနက်ပိုင်းက နေပြည်တော် ဇေယျာသီရိမြို့နယ် ရေဆင်းတက္ကသိုလ်များနယ်မြေရှိ စိုက်ပျိုးရေးတက္ကသိုလ် ဘွဲ့နှင်းသဘင်ခန်းမ၌ ကျင်းပခဲ့ကြောင်း သတင်းရရှိပါတယ်။

ymg-mnn
#Yangon_Media_Group

Published 5 June 2022

လေယာဉ်ငယ်ကလေးတစ်စီးဟာ ဒီလာဝဲပြည်နယ် ရီဟိုဘုတ် ကမ်းခြေအပေါ်က ကန့်သတ်ထားတဲ့လေပိုင်နက်အတွင်း စနေနေ့က မှားယွင်းဝင်ရောက်လာတဲ့အတွက် အမေရိကန်သမ္မတ ဂျိုးဘိုင်ဒင်နှင့် သမ္မတကတော် ဂျေးလ်ဘိုင်ဒင်တို့နှစ်ဦးကို ခေတ္တ အပြင်သို့ ကယ်ထုတ်ခဲ့ရတယ်လို့ အိမ်ဖြူတော်က ပြောပါတယ်။

အဲဒီလေယာဉ်ငယ်ကို လေယာဉ်ပျံတွေနှင့် ကြပ်မတ်ပြီး သတ်မှတ်လေကြောင်းပိုင်နက် အပြင်ဘက်ကို ထုတ်ပစ်လိုက်ရတယ်လို့ အမေရိကန် လျှို့ဝှက်ထောက်လှမ်းရေး ပြောရေးဆိုခွင့်ရ အန်သိုနီ ဂူဂလီမီက ပြောပါတယ်။ အမည်နာမထုတ်ပြောဆိုခြင်းမပြုထားတဲ့ အဲဒီလေယာဉ်မှူးကို မေးမြန်းစရာတွေဆက်လုပ်မယ်လို့ သူကပြောပါတယ်။

ကနဦးစုံစမ်းစစ်ဆေးမှုအရ လေယာဉ်မှူးဟာ မှန်ကန်တဲ့ ရေဒီယိုချယ်နယ်လ်ကိုမသုံးခဲ့တဲ့အပြင် NOTAMS (Notice to Airmen ကိုမလိုက်နာခဲ့ကြောင်းတွေ့ရပါတယ်။ ထုတ်ပြန်ထားတဲ့ ပျံသန်းရေးလမ်းညွှန်ကိုလည်းသူမလိုက်နာခဲ့ဘူးလို့ သိရပါတယ်။

စနေနေ့ မွန်းလွဲ(၁)နာရီထိုးခါနီးမှာ ယခုဖြစ်ရပ် ပေါ်ပေါက်ခဲ့တာဖြစ်ပြီး သမ္မတရဲ့ ယာဉ်တန်းက မြို့ထဲကို စီတန်းထွက်သွားပြီးမှ ကမ်းခြေက အိမ်ကိုပြန်မောင်းလာကြောင့် ပိတ်ရက်လူစည်ကားနေတဲ့ ရိုဟိုဘုတ်ခ်ကမ်းခြေမှာ စိတ်ရှုပ်ထွေးမှုတွေဖြစ်စေခဲ့ပါတယ်။

ကြိုတင်ကာကွယ်မှုတွေကို‌ ဆောင်ရွက်ခဲ့တာဖြစ်တယ်လို့ ထောက်လှမ်းရေးက ပြောပါတယ်။ ဒါပေမယ့် သမ္မတကို သိသာတဲ့ အန္တရာယ်ဖြစ်ပေါ်ခဲ့ခြင်းမရှိပါဘူးလို့လည်း ထောက်လှမ်းရေးအရာရှိတစ်ဦးကပြောပါတယ်။

Source Reuters

#WorldNews
Published 5June 2022

မြေငလျင်ဒဏ်ကြောင့် ပိတ်မိနေသူများကို ကယ်ဆယ်နိုင်ရန်အတွက် သိပ္ပံပညာရှင်များက သူတို့လေ့ကျင့်ပေးထားတဲ့ ကြွက်များကို မိုက်ခရိုဖုန်းတပ်ဆင်ထားတဲ့ ကျောပိုးအိတ်သေးသေးလေးပတ်ပေးထားပါတယ်။

ဒါမှ ကယ်ဆယ်ရေးအဖွဲ့တွေက ပိတ်မိသူများနဲ့ မိုက်ခရိုဖုန်းကတဆင့် ဆက်သွယ်ပြောဆိုနိုင်မှာဖြစ်ပါတယ်။

အကျိုးအမြတ်မယူတဲ့အဖွဲ့အစည်း APOPO အတွက် တန်ဇန်နီယာ မော်ရိုဂိုရိုမှ ာအလုပ်လုပ်နေတဲ့ အသက် ၃၃ နှစ်ရှိ သုတေသနသိပ္ပံပညာရှင်ဒေါက်တာ'ဒွန်နာကင်း'က ကြွက်သူရဲကောင်းများဆိုတဲ့ အစီအစဉ်ကို လုပ်ဆောင်နေတာဖြစ်ပါတယ်။

ကြွက်လေးတွေ အံဝင်ခွင်ကျသယ်ဆောင်နိုင်တဲ့ ကျောပိုးအိတ်ထဲမှာ မိုက်ခရိုဖုန်း၊ ဗီဒီယိုပစ္စည်းကိရိယာနဲ့ တည်နေရာစောင့်ကြည့်ရေးပစ္စည်းများပါဝင်ပြီး လက်တွေ့ငလျင်လှုပ်ခတ်မှုတွေကျရင် ပိတ်မိနေသူတွေနဲ့ ဆက်သွယ်ပြောဆိုနိုင်အောင် ကြိုးပမ်းနေကြတာဖြစ်ပါတယ်။

လက်ရှိမှာတော့ တကယ့်ငလျင်အပျက်အစီးနဲ့တူအောင် ပုံတူခင်းကျင်းပြုလုပ်ပြီး ကြွက်များကိုကယ်ဆယ်ရေး လှုပ်ရှားမှုများဖြင့် လေ့ကျင့်ပေးနေပါတယ်။

"ကြွက်တွေက နေရာကြိုကြားတွေကနေဖြတ်ပြီး ပိတ်မိနေတဲ့သူတွေဆီသွားရောက်နိုင်ပါတယ်၊ တကယ့်လက်တွေ့တော့ မလုပ်ရသေးပေမယ့် ငလျင်အပျက်အစီးပုံစံတူတစ်ခုပြုလုပ်ထားပါတယ်၊ ကျောပိုးအိတ်အသစ်တွေရတဲ့အခါ ကျွန်မတို့တည်ရှိရာနေရာကနေ အပျက်အစီးတွေကြားထဲက ကြွက်ရောက်ရှိတဲ့နေရာကို ကြားသိရမှာပါ၊ ကြွက်ရဲ့မိုက်ခရိုဖုန်းကနေ ပိတ်မိနေသူတွေနဲ့ဆက်သွယ်နိုင်မှာပါ" လို့ 'ကင်း'ကပြောပြပါတယ်။

အခုလက်ရှိ ကြွက် ၇ ကောင်ကိုလေ့ကျင့်ထားပြီဖြစ်ပြီး မကြာခင်မှာ တကယ်လက်တွေ့ကယ်ဆယ်ရေးလုပ်ဆောင်ရနိုင်တဲ့ တူရကီကိုပို့ဆောင်သွားမှာဖြစ်ပါတယ်။

တူရကီနိုင်ငံဟာ မကြာခဏငလျင်လှုပ်ခတ်လေ့ရှိပြီး GAE ရှာဖွေကယ်ဆယ်ရေးအဖွဲ့က ကြွက်တွေနဲ့စမ်းသပ်လုပ်ဆောင်ဖို့ သဘောတူထားပါတယ်။

သူတို့ရဲ့လေ့ကျင့်မှုကိုတိုးချဲ့လျက်ရှိပြီး ဒီထက်ပိုမိုရှုပ်ထွေးခက်ခဲတဲ့အလုပ်များ လုပ်နိုင်အောင် လေ့ကျင့်ပေးနေပါတယ်။

ကြွက်တွေက မြေမြှုပ်မိုင်းရှာဖွေခြင်း၊ တီဘီရောဂါရှာဖွေခြင်း၊ တိရိစ္ဆာန်များတွင်ဖြစ်တတ်သည့် ဘရူဆယ်လိုဆစ်ကူးစက်ရောဂါရှာဖွေခြင်းတို့မှာလည်း ကူညီနိုင်မယ်လို့ သုတေသီများကယုံကြည်နေပါတယ်။

မြေမြှုပ်မိုင်းမပေါက်ကွဲနိုင်လောက်အောင် ကြွက်တွေကပေါ့ပါးသွက်လက်ကြပါတယ်။

ကြွက်တွေက မသန့်ရှင်းတဲ့သတ္တဝါတွေဖြစ်တယ်ဆိုတဲ့ ယူဆချက်အလွဲများရှိနေပြီး အသက်တွေကယ်ဆယ်ပေးနိုင်အောင် လျင်မြန်စွာလေ့ကျင့်ပေးနိုင်တယ်လို့ 'ကင်း'ကဆိုပါတယ်။

"သူတို့က အလွန်သွက်လက်လျင်မြန်ပါတယ်၊ ပတ်ဝန်းကျင်အခြေအနေအမျိုးမျိုးမှာ ကောင်းကောင်းမွန်မွန်သွားလာ လှုပ်ရှားနိုင်ပါတယ်၊ ရှာဖွေရေးနဲ့ ကယ်ဆယ်ရေးလုပ်ဖို့အတွက် ကြွက်တွေက သင့်တော်ပါတယ်" လို့ဆိုပါတယ်။

ကြွက်တွေကခွေးတွေထက် အရွယ်အစားသေးပြီး အလိုက်သင့်သွားလာနိုင်တဲ့ အားသာချက်ရှိနေပါတယ်။

"လူ့အသက်တွေကို ကယ်ဆယ်နိုင်ဖို့မျှော်လင့်ပါတယ်၊ စမ်းသပ်ချက်ရလာဒ်တွေက တကယ်ကိုကျေနပ်စရာကောင်းပါတယ်" လို့ ပြောပြသွားပါတယ်။

Source: DailyMail
#Yangon_Media_Group

#WorldHealth
Published 5 June 2022

ဖိုင်ဇာကုမ္ပဏီမှထုတ်လုပ်တဲ့ ပက်ဇ်လိုဗစ်(Paxlovid) ကိုဗစ်ကုသဆေးဟာ အသက် ၆၅ နှစ်နဲ့အထက် ကာကွယ်ဆေးထိုးထားတဲ့သူတွေရော ကာကွယ်ဆေးမထိုးထားတဲ့သူတွေမှာပါ ဆေးရုံတက်ကုသခံယူရမှုနဲ့ အသက်ဆုံးရှုံးမှုတို့ကို လျှော့ချပေးနိုင်ကြောင်း အိုမီခရွန်မျိုးဗီဇကွဲ ကူးစက်မှု မြင့်မားနေတဲ့ကာလအတွင်း ပြုလုပ်ခဲ့တဲ့ အစ္စရေးလ်ရဲ့လေ့လာမှုတစ်ခုမှာဖော်ပြခဲ့ပါတယ်။

ဒါပေမဲ့အဆိုပါဆေးဟာ လူလတ်ပိုင်းတွေမှာတော့ ရောဂါပြင်းထန်စွာဖြစ်ပွားခြင်းမျိုးကို မကာကွယ်နိုင်ဘူးလို့ အစ္စရေးလ်မှကလဲလစ်ကျန်းမာရေးဝန်ဆောင်မှုရဲ့ သုတေသနမှတ်တမ်းမှာ ဖော်ပြထားပါတယ်။

ဖိုင်ဇာရဲ့ပက်ဇ်လိုဗစ်ဆေးကို ရောဂါအန္တရာယ်ဆိုးရွားနိုင်တဲ့လူတွေမှာ ရောဂါပြင်းထန်ခြင်းကိုကာကွယ်နိုင်ဖို့ ကူးစက်ပြီးခါစအချိန်မှာအသုံးပြုရတာဖြစ်ပြီး အမေရိကန်မှာ အသုံးများနေပြီဖြစ်ပါတယ်။

အစိုးရအဖွဲ့က ပက်ဇ်လိုဗစ်ဆေးတွေကိုအသုံးပြုဖို့ တိုက်တွန်းထားပြီး ဆေးတွေဝယ်ယူကာ အခမဲ့ထောက်ပံ့ပေးနေပါတယ်။

ဖိုင်ဇာက ဒယ်လ်တာကူးစက်မှုကာလအတွင်း ရောဂါဆိုးရွားနိုင်ပြီးကာကွယ်ဆေးမထိုးထားတဲ့သူတွေမှာ ပက်ဇ်လိုဗစ်နဲ့စမ်းသပ်မှုပြုလုပ်ခဲ့ရာ ဆေးရုံတက်ကုသခံယူရမှုနဲ့ အသက်သေဆုံးမှုနှုန်းတို့ကို ၉၀ ရာခိုင်နှုန်းလျှော့ချပေးနိုင်ခဲ့ပါတယ်။

ပက်ဇ်လိုဗစ်ဆေးသောက်သုံးပြီး ရောဂါသက်သာလာတဲ့လူနာတွေမှာ ကိုဗစ်လက္ခဏာပြန်ပေါ်တာမျိုးတွေဖြစ်ပေါ်ကြောင်း အကြောင်းကြားမှုများရှိလာတာကြောင့် စိုးရိမ်စရာအနည်းငယ်ဖြစ်လာရပြီး ကာကွယ်ဆေးထိုးထားတဲ့သူတွေမှာ ထိရောက်မှုနည်းပါးနေနိုင်ပါတယ်။

ဇန်နဝါရီ ၉ ရက်မှ မတ်လ ၁၀ ရက်နေ့အတွင်း အစ္စရေးလ်မှာအိုမီခရွန်ကူးစက်ပျံ့ပွားနေချိန်မှာ လူနာ ၁၁၀,၀၀၀ ခန့်ရဲ့အချက်အလက်တွေကို လေ့လာခဲ့ပါတယ်။

ကာကွယ်ဆေးမထိုးထားဘဲ ကိုဗစ်ရောဂါခုခံအားမရရှိသေးတဲ့လူကြီးတွေမှာ ပက်ဇ်လိုဗစ်သောက်သုံးခြင်းဖြင့် ဆေးရုံတက်ကုသခံယူရမှုကို ၈၆ ရာခိုင်နှုန်းလျှော့ချပေးနိုင်ခဲ့ပြီး ရောဂါခုခံအားရှိပြီးသားသူတွေမှာတော့ ၆၀ ရာခိုင်နှုန်းသာကာကွယ်ပေးနိုင်ပါတယ်။

ပက်ဇ်လိုဗစ်နဲ့စမ်းသပ်တဲ့ အသက် ၆၅ နှစ်နဲ့အထက်လူကြီးတွေထဲက ဝ.၆ ရာခိုင်နှုန်းသာ ဆေးရုံတက်ကုသခံယူခဲ့ရပါတယ်။

အသက် ၄၀ နဲ့ ၆၄ နှစ်ကြားလူလတ်ပိုင်းတွေမှာ ရောဂါခုခံအားရှိသည်ဖြစ်စေ/မရှိသည်ဖြစ်စေ ဆေးရုံတက်ကုသခံယူရခြင်းကို သိသိသာသာမလျှော့ချပေးနိုင်ကြောင်း ကလဲလစ်မှသုတေသီ'ရိုနန်အာဘယ်လ်'က ဆိုပါတယ်။

အသက်အန္တရာယ်သေဆုံးမှုကို လျှော့ချရာမှာလည်း အသက် ၆၅ နှစ်နဲ့အထက်လူကြီးတွေမှာ ၈၁ ရာခိုင်နှုန်းအထိ လျှော့ချပေးနိုင်ပြီး လူလတ်ပိုင်းတွေမှာသိသိသာသာ ထိရောက်မှုမရှိလှပါဘူး။

လူနာတွေခံစားရတဲ့ လက္ခဏာများကို တင်ပြမှုအချက်အလက်မရှိခြင်းကနေ ရောဂါကုသမှုကိုထိခိုက်စေနိုင်ပြီး အရင်က ရောဂါခုခံအားရရှိထားတဲ့အတိုင်းအတာကြောင့် သူတိုရဲ့လေ့လာချက်တွေ မမျှမတဖော်ထုတ်မိတာမျိုးလည်းဖြစ်နိုင်တယ်လို့ သုတေသီတို့ကသတိပြုမိထားပါတယ်။

Source: Reuters.
#Yangon_Media_Group

#WorldEntertainment
Published 4 June 2022

ဂန်နမ်စတိုင်လ်သီချင်းဖြင့် ကမ္ဘာကျော်ခဲ့ပြီး ၁၀ နှစ်အကြာမှာ တောင်ကိုရီးယားရက်ပါအဆိုတော် PSY ဟာ သူ့ရဲ့အောင်မြင်မှုဆုလာဒ်ကို ဂုဏ်ယူစွာဖြင့် အပျော်ရွှင်ရဆုံးဘဝကိုခံစားလျက်ရှိပြီး နောက်ထပ်နာမည်ကြီးသီချင်းများ ဖန်တီးဖို့ဖိအားတွေအောက်ကနေ လွတ်မြောက်ခဲ့ပြီလို့ ဖွင့်ဟလာပါတယ်။

#Yangon_Media_Group

#LocalNews
Published_4 June 2022

အမျိုးသားဒီမိုကရေစီမဟာမိတ်တပ်မတော်(NDAA-မိုင်းလားအဖွဲ့)က ယင်းတို့အနေဖြင့် နိုင်ငံတော်မှခွဲမထွက်ကြောင်း ယနေ့ မေလ ၄ ရက်တွင် နေပြည်တော်၌ နစကဥက္ကဌ နှင့် တွေ့ဆုံစဉ် ပြောကြားလိုက်သည်။

ယင်းတို့ကနိုင်ငံတော်မှခွဲမထွက်ဘဲ ပြည်ထောင်စုမပြိုကွဲရေး၊တိုင်းရင်းသားစည်းလုံးညီညွတ်ရေးနှင့် နိုင်ငံတော်အချုပ်အခြာအာဏာတည်တံ့ခိုင်မြဲရေးကို စွဲမြဲစွာထိန်းသိမ်းလိုက်နာလျက်ရှိသည့်အခြေအနေများနှင့် ပါတီစုံဒီမိုကရေစီစနစ်ကျင့်သုံးရေး၊ဒီမိုကရေစီနှင့်ဖက်ဒရယ်ကိုအခြေခံသည့် ပြည်ထောင်စုစနစ် တည်ဆောက်ရေးနှင့်ပတ်သက်၍ နစက နှင့် သဘောထားတူညီကြောင်းပြောကြားခဲ့ကြခြင်းလည်း ဖြစ်သည်။

နစက ဥက္ကဌက လက်နက်ကိုင် ပဋိပက္ခများကို ငြိမ်းချမ်းစွာအဖြေရှာနိုင်မှသာ ပြည်ထောင်စုဖွံ့ဖြိုးတိုးတက်ရေးကို ပိုမိုဆောင်ရွက်နိုင်မည့်အကြောင်း၊ငြိမ်းချမ်းရေးဆွေးနွေးပွဲများ ဆောင်ရွက်နေချိန် ပညာရေး၊ကျန်းမာရေး၊စီးပွားရေးတို့တွင် ရပ်တန့်နေ၍မရဘဲ စဉ်ဆက်မပြတ် တိုးတက်မှုရှိစေရန် ၊တိုင်းပြည်၏အနာဂတ်မျိုးဆက်သစ်များအား တည်ငြိမ်အေးချမ်းဖွံ့ဖြိုးတိုးတက်သည့် ပြည်ထောင်စုနိုင်ငံတော်ကြီးကိုလက်ဆင့်ကမ်းနိုင်ရေးရရှိစေရန် ဆောင်ရွက်မည့်အခြေအနေများ၊ပြည်သူလူထုဆန္ဒနှင့်ကိုက်ညီသည့် ပါတီစုံဒီမိုကရေစီကျင့်သုံးဆောင်ရွက်ရေးဆိုင်ရာကိစ္စများနှင့် ဖက်ဒရယ်ကို အခြေခံသည့်ပြည်ထောင်စုစနစ် တည်ဆောက်ရေးကိစ္စတိုကို ပြောကြားခဲ့ခြင်းအပေါ် NDAA က အထက်ပါအတိုင်း သဘောတူကြောင်း ပြောကြားခဲ့ခြင်းလည်း ဖြစ်သည်။

အမျိုးသားဒီမိုကရက်တစ်မဟာမိတ်အဖွဲ့-NDAA(မိုင်းလား)က နစက ဥက္ကဌအနေဖြင့် သဘောထားကြီးစွာဖြင့် နိုင်ငံရေးဆွေးနွေးမှုမှတစ်ဆင့် ပြည်တွင်းငြိမ်းချမ်းရေးနှင့် ဖွံ့ဖြိုးတိုးတက်ရေးဖော်ဆောင်နိုင်ရန် အမြော်အမြင်ကြီးစွာကမ်းလှမ်းခဲ့မှုအပေါ် ကြိုဆိုကြောင်းလည်းပြောကြားခဲ့ကြောင်း နစက၏ သတင်းထုတ်ပြန်ချက်တွင် ဖော်ပြထားသည်။

ယင်းအပြင် NDAA က ယင်းတို့၏ ဒေသခံတိုင်းရင်းသားများအတွက် စီးပွားရေး၊ကျန်းမာရေး၊ပညာရေးနှင့်ဒေသဖွံ့ဖြိုးတိုးတက်ရေးဆိုင်ရာ ကိစ္စများကိုလည်း တင်ပြခဲ့ကြကြောင်း သိရသည်။

မေလ ၃ ရက်က နေပြည်တော်သို့ရောက်ရှိခဲ့သည့် အမျိုးသားဒီမိုကရေစီမဟာမိတ်တပ်မတော်(NDAA-မိုင်းလားအဖွဲ)ဒုဥက္ကဋ္ဌ ဦးစံပေ့နှင့် နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်တို့ ယနေ့ မေလ ၄ ရက်တွင် နေပြည်တော်၌ တွေ့ဆုံခဲ့ကြရာ NDAA ဘက်မှ ဒုဥက္ကဋ္ဌ ဦးစံပေ့၊ အထွေထွေအတွင်းရေးမှူး ဦးကြည်မြင့်၊ နစကဘက်မှ ဗိုလ်ချုပ်မှူးကြီးမင်းအောင်လှိုင်၊ ဒုဗိုလ်ချုပ်မှူးကြီး စိုးဝင်း၊ ဒုဗိုလ်ချုပ်ကြီး မိုးမြင့်ထွန်း၊ ဒုဗိုလ်ချုပ်ကြီး မြထွန်းဦး၊ ဒုဗိုလ်ချုပ်ကြီး ရာပြည့်တို့ တက်ရောက်ခဲ့ကြကြောင်း သိရသည်။

ymg/mt
#Yangon_Media_Group

#Health_Matters
Published - 4 June 2022

-သွေးလွန်တုပ်ကွေးဟာ လူကြီးကလေးအကုန်ဖြစ်နိုင်တော့ မိသားစုအလိုက် အိမ်ထောင်စုအလိုက် ဘာတွေလိုက်နာသင့်သလဲ ဘယ်လိုကာကွယ်သင့်ပါသလဲ??

#Yangon_Media_Group

Published 4 June 2022

တရုတ်နိုင်ငံအနောက်ပိုင်း ကွေးကျိုး ပြည်နယ် ရုံးကျန်းစီရင်စုက ရထားဘူတာရုံမှာ ကျည်ဆံအမြန်ရထားတစ်စီး လမ်းချော်ရာ ရထားမောင်းသေဆုံးသွားပြီး အခြား(၈)ဦး ဒဏ်ရာရရှိသွားခဲ့ပါတယ်။

စနေနေ့ ဒေသစံတော်ချိန် မနက်၁၀နာရီခွဲမှာ ရထားလမ်းချော်မှုဖြစ်ခဲ့တာဖြစ်တယ်လို့ တရုတ်နိုင်ငံတော်ရထားအုပ်စုကုမ္ပဏီက သတင်းထုတ်ပြန်ပါတယ်။

ပြည်နယ်မြို့တော်ကွေးရန်းကနေထွက်ခွာပြီး  တောင်ပိုင်း ကွမ်ဒေါင်းပြည်နယ် ကွမ်ကျိုးမြို့ကို ဦးတည်မောင်းနှင်နေတဲ့ အဆိုပါ ကျည်ဆံရထား D2809ရဲ့ တွဲနှစ်တွဲဟာ  ရုံးကျန်းဘူတာရုံကို ရောက်ခါနီးမှာ ရွှံစေးတွေနှင့် ကျောက်ခဲတွေထိမှန်ပြီးနောက်  လမ်းချော်ခဲ့ရတာဖြစ်ပါတယ်။

ဒဏ်ရာရသူတွေထဲမှာ ရထားတွဲစောင့်တစ်ဦးနှင့် ခရီးသည်(၇)ဦးတို့ပါဝင်ပြီး သူတို့ကို ဒေသဆေးရုံမှာ ဆေးဝါးကုသမှုပေးနေပါတယ်။ ခရီးသည် ၁၃၆ ဦးကိုတော့ ကယ်ထုတ်လိုက်နိုင်တယ်လို့ ကုမ္ပဏီကပြောပါတယ်။

ပြီးခဲ့တဲ့ရက်တွေက အဲဒီဒေသမှာ မိုးသည်းထန်ခဲ့တာဖြစ်ပါတယ်။ ရထားလမ်းချော်မှုကိစ္စ စတင်စုံစမ်းစစ်ဆေးနေပြီလို့ ကုမ္ပဏီက ပြောပါတယ်။

Source CCTV+

#Health_Matters
Published - 4 June 2022

-အခုကျောင်းတွေဖွင့်လိုက်တော့ ကျောင်းတက်နေတဲ့ကလေးတွေ သွေးလွန်တုပ်ကွေး ရောဂါ ကျောင်းတွေကနေကူးစက်မလာအောင် ဘာတွေကာကွယ်သင့် ပြင်ဆင်သင့်ပါသလဲ??

#Yangon_Media_Group

Published 4 June 2022

စာရေးဆရာမ မာဂရက် အက်ဝုဒ်က သူမရဲ့ မကြာခဏအပိတ်ခံရတဲ့ ရှေ့ဖြစ်ဟော "The Handmaid's Tale” ဝတ္ထုစာအုပ်ကို မီးမလောင်စာအုပ်အဖြစ် ထုတ်ဝေခဲ့ပါတယ်။ အဲဒီစာအုပ်ကို နယူးယောက်စီးတီးရဲ့ ဆောက်သဗီး အကျိုးဆောင်လုပ်ငန်းမှာ ခင်းကျင်းပြသထားပါတယ်။ အဲဒီစာအုပ်ကို ဇွန်(၇)ရက်နေ့ကစပြီး ဒေါ်လာ ငါးသောင်းနှင့် တစ်သိန်းအကြား ကြမ်းခင်းဈေးနှင့် လေလံပွဲဖွင့်လှစ် ရောင်းချသွားမှာဖြစ်ပါတယ်။

Source AFP

#LocalNews
Published_4 June 2022

နာမည်ကြီး Air Asia လေကြောင်းလိုင်း မြန်မာနိုင်ငံတွင် ပြန်လည်ပြေးဆွဲမည်ဖြစ်ကြောင်း အဆိုပါလေကြောင်းလိုင်း၏ ထုတ်ပြန်ချက်အရ သိရသည်။

ဇွန်လ ၁ ရက်မှ စတင်၍ ရန်ကုန် - ဘန်ကောက်ခရီးစဉ်ကို ပြေးဆွဲပေးနေပြီး ရန်ကုန်- ဘန်ကောက်ခရီးစဉ် အသွားအပြန်အတွက် အနိမ့်ဆုံးဈေးနှုန်း အမေရိကန်ဒေါ်လာ ၁၂၀ မှစတင်ဝယ်ယူနိုင်ကြောင်း ၊ရန်ကုန်- ဘန်ကောက်ခရီးစဉ်ကို အပတ်စဉ် တနင်္လာ၊ ဗုဒ္ဓဟူး၊ သောကြာ၊ တနင်္ဂနွေနေ့များတွင် ပြေးဆွဲပေးမည်ဖြစ်ကြောင်း သိရသည်။

Air Asia လေကြောင်းလိုင်းအနေဖြင့် နိုင်ငံတကာခရီးစဉ်များကို ပြီးခဲ့သည့် ၂၀၂၀ ပြည့်နှစ် မတ်လအတွင်းက ရပ်နားထားခဲ့ခြင်းဖြစ်ကြောင်း၊ယခုအခါ အာရှ နှင့် အရှေ့တောင်အာရှ နိုင်ငံအချို့ကို ပြန်လည်ပြေးဆွဲဖို့ ပြင်ဆင်နေခြင်းဖြစ်ကာ အင်ဒိုနီးရှားနိုင်ငံ ဘာလီကျွန်းခရီးစဉ်များ၊ ဖိလစ်ပိုင်နိုင်ငံ မနီလာမြို့ခရီးစဉ်များကိုလည်း ပြေးဆွဲရန်ပြင်ဆင်နေကြောင်း သိရသည်။

ymg/mt
#Yangon_Media_Group

#Health_Matters
Published - 4 June 2022

-နှစ်စဉ်ရောဂါဖြစ်ပွားမှု သုံးသပ်ချက်များအရ မြန်မာနိုင်ငံမှာ ယခုနှစ်ဟာ သွေးလွန်တုပ်ကွေးရောဂါဖြစ်ပွားမှု ထူးကဲစွာများပြားသည့် Outbreak အသွင် ဖြစ်ပွားနိုင်ခြေ များပြားတယ်လို့ ပညာရှင်တွေက ပြောထားကြတဲ့အပေါ် ဆရာ့အမြင်

#Yangon_Media_Group