#LocalNews
Pulished _ 6 June 2022

နွေရာသီအမီ လျှပ်စစ်ဓာတ်အားလိုအပ်ချက်ပြည့်မီအောင်ထုတ်လုပ်ပေးနိုင်ဖို့အတွက် ရေလှောင်တမံအတွင်း စီးဝင်လာသောရေများအား စနစ်တကျစီမံပြီး ဓာတ်အားထုတ်လုပ်နိုင်ရမည်ဖြစ်ကြောင်း လျှပ်စစ်စွမ်းအားဝန်ကြီးဌာနနှင့် စွမ်းအင်ဝန်ကြီးဌာန ပြည်ထောင်စုဝန်ကြီးဦးသောင်းဟန်က ဆိုသည်။

"နွေရာသီအမီ လျှပ်စစ်ဓာတ်အားလိုအပ်ချက်ပြည့်မီအောင် ထုတ်လုပ်ပေးဖို့အတွက် ရေလှောင်တမံအတွင်းကို စီးဝင်လာတဲ့ရေကို စနစ်တကျစီမံပြီး ဓာတ်အားထုတ်လုပ်နိုင်ရပါမယ်"ဟု ပြည်ထောင်စုဝန်ကြီးမှ ပြောကြားခဲ့သည်။

နေပြည်တော်၊ ဇေယျသီရိမြို့နယ်ရှိ ပေါင်းလောင်းရေ အားလျှပ်စစ်ဓာတ်အားပေးစက်ရုံသို့ ဇွန် ၄ ရက်က သွားရောက်ကြည့်ရှုစစ်ဆေးစဥ် ယင်းကဲ့သို့ ပြောကြားခဲ့ခြင်းဖြစ်သည်။

ထို့ပြင် ရေဂိတ်တံခါးပါရေပိုလွှဲပြင်ဆင်တည်ဆောက်၍ ဓာတ်အားပေးစက်များအား ကြံ့ခိုင်မှုရှိစေရန် စဉ်ဆက်မပြတ်စစ်ဆေးဆောင်ရွက်သွားရမည်ဖြစ်ကာ ပြည်သူများ၏ လျှပ်စစ်ဓာတ်အား လိုအပ်ချက်များအား ပြည့်မီစွာထုတ်လုပ်ပေးနိုင်ရေး စီမံဆောင်ရွက်ထားရန် လိုအပ်သည်ဟုလည်း သိရသည်။

"လျှပ်စစ်ဓာတ်အားကို တစ်နှစ်ပတ်လုံးစဉ်ဆက်မပြတ်ထုတ်လုပ်ပြီး လျှပ်စစ်ဓာတ်အားတည်ငြိမ်စွာဖြန့်ဖြူးပေးနိုင်ဖို့အတွက် ရေအားလျှပ်စစ်စက်ရုံတွေ နေရောင်ခြည်စွမ်းအင်သုံးစက်ရုံတွေ သဘာဝဓာတ်ငွေ့နဲ့ အပူစွမ်းအင်သုံးစက်ရုံတွေနဲ့လျှပ် စစ်ဓာတ်အားပေးစက်ရုံ စီမံကိန်းတွေကို Generation Mix မှာ အရင်းအမြစ်မျိုးစုံပါဝင်ထုတ်လုပ်နိုင်ဖို့ကို ဟန်ချက်ညီညီကြိုးပမ်းဆောင် ရွက်နေပါတယ်" ဟု ပြည်ထောင်စုဝန်ကြီး ဦးသောင်းဟန်ကပြောသည်။

ဓာတ်အားပေးစက်ရုံ သန့်ရှင်းသာယာလှပရေးနှင့် လုံခြုံရေးတို့ကိုလည်း အထူးဂရုစိုက်ရမည်ဖြစ်ပြီး ဝန်ကြီးဌာနအနေဖြင့်လည်း နှစ်စဉ်တိုးတက်သုံးစွဲလာသည့် လျှပ်စစ်ဓာတ်အား လိုအပ်ချက်အား တိုးတက်ဖြန့်ဖြူးပေးနိုင်ရန် ဆောင်ရွက်လျက်ရှိသည်ဟုလည်း သိရသည်။

ymg/NN
#Yangon_Media_Group

Published 5 June 2022

ဘောလီဝုဒ်ကြယ်ပွင့်တွေဟာ ယူအေအီးနိုင်ငံ အာဘူဒါဘီမြို့က ၂၂ကြိမ်မြောက် နိုင်ငံတကာ အိန္ဒိယရုပ်ရှင် အကယ်ဒမီဆုပေးပွဲကို ကော်ဇော်စိမ်းများပေါ်မှ ဖြတ်သန်းလျှောက်လှမ်းရင်း ရောက်ရှိလာကြပါတယ်။

ကိုဗစ်ကပ်ဘေးစကတည်းက မကျင်းပဖြစ်ခဲ့တဲ့ ဘောလီဝုဒ်ကြယ်ပွင့်တွေရဲ့ ပွဲဟာ အခုဆို အဘူဒါလီကိုပြန်ရောက်ရှိလာပြီး အဆိုအကတွေနှင့်စတင်ခဲ့ပါတယ်။

ဒီနှစ်အကယ်ဒမီမှာ ခေတ်စားခဲ့တာကတော့ "Shershaah"ရုပ်ရှင်ဇာတ်ကားပဲဖြစ်ပါတယ်။ ပါကစ္စတန်နှင့် ဖြစ်ခဲ့တဲ့ ၁၉၉၉ ကာဂီလ်ပဋိပက္ခအတွင်း အသတ်ခံရတဲ့ သူရဲကောင်း ဗစ်ကရမ်ဘက်တရာ ရဲ့ ဘဝဇာတ်ကြောင်းကို ရိုက်ကူးထားတာဖြစ်ပါတယ်။

“ ဒီဇာတ်ကားကို ရိုက်ကူးခွင့်ပြုခဲ့တဲ့ ဗစ်ကရမ်ဘက်ထရာရဲ့ မိသားစုကိုကျေးဇူးတင်ပါတယ်” လို့ အဲဒီဇာတ်ကားရဲ့ ဒါရိုက်တာဗီရှနူးဗာဒန်က ပြောပါတယ်။

အိန္ဒိယရဲ့ ထိပ်တန်းသရုပ်ဆောင်တွေနှင့် ပွဲဟာ ပြည့်ကျပ်နေပါတယ်။ အကောင်းဆုံးအမျိုးသားသရုပ်ဆောင်ဆုကို ဆာဒါယူဒန်ဇာတ်ကားက မင်းသား ဗစ်ကီကာအူရှယ်လ်က ရရှိခဲ့ပါတယ်။ အဲဒီကားက ၁၉၁၉ အမ်ရစ်စတာ အစုလိုက် အပြုံလိုက်သတ်မှုရဲ့နောက်ကွယ်က ဗြိတိသျှအရာရှိတစ်ဦးကို ကလဲ့စားချေတဲ့ အိန္ဒိယတော်လှန်ရေးကားဖြစ်ပါတယ်။

ကရစ်တီဆာနွန်ကတော့ မီမီ ဇာတ်ကားနှင့် အကောင်းဆုံး အမျိုးသမီးသရုပ်ဆောင်ဆုရရှိသွားပါတယ်။ အဲဒီဇာတ်ကားက တစ်ခုလပ်မိခင်တွေနှင့်ပတ်သက်တဲ့ အငှားကိုယ်ဝန်ဆောင်လုပ်ငန်းနှင့် သူတို့ရဲ့သဘောထားတွေကို ရယ်မောစရာ ရိုက်ကူးထားတာဖြစ်ပါတယ်။

Source AFP

TV Yangon Times Matters အစီအစဉ်
Published -5 June 2022

အစီစဉ်တင်ဆင်သူ ဆရာဟိန်းလတ်က ဂုဏ်ထူးဦးအောင်ခိုင်နှင့်အတူ

-ကျူရှင်ဆိုတာ အရင်တုန်းက ညံ့တဲ့လူတွေတက်ကြပြီး အခုဆိုရင် ပိုတော်ချင်၊ပိုထူးချွန်သူတွေတက်တဲ့အရာဖြစ်နေပါပြီ" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published 5 June 2022

တရုတ်နိုင်ငံဟာ တနင်္ဂနွေနေ့ကယာဉ်မှူးတွေလိုက်ပါသွားတဲ့ အာကာသယာဉ် ဆိန်းကျိုး-၁၄ ကို ‌အောင်မြင်စွာ လွှတ်တင်ခဲ့ပါတယ်။ အာကာသယာဉ်မှူး(၃)ဦးဟာ ကမ္ဘာပတ်လမ်းကြောင်းက အာကာသစခန်းရှိ ထျင်းဟဲမော်ဂျူးထဲမှာ ခြောက်လကြာနေထိုင်ကြမှာဖြစ်ပါတယ်။

တနင်္ဂနွေနေ့ မနက် ဒေသစံတော်ချိန် ၁၀နာရီ၄၄မိနစ်မှာ တရုတ်နိုင်ငံအနောက်မြောက်ပိုင်း ဂိုဘီသဲကန္တာရက ကျိုးချွမ်းဂြိုဟ်တုလွှတင်ရေးစင်တာကနေ ဆိန်းကျိုး-၁၄ကိုသယ်ဆာင်တဲ့ 2F သယ်ဆောင်ရေးဒုံကျည်နှစ်စင်းကို လွှတ်တင်ခဲ့ပါတယ်။

Source CCTV+

TV Yangon Times Matters အစီအစဉ်
Published -5 June 2022

အစီစဉ်တင်ဆင်သူ ဆရာဟိန်းလတ်က ဂုဏ်ထူးဦးအောင်ခိုင်နှင့်အတူ

-စာသင်တယ်ဆိုတာ အနုပညာ တစ်မျိုးပါ၊ ဆရာဟာ ဘုရင်မဟုတ်ပါဘူး ဘုရင်တွေကို မွေးဖွားပေးနေတဲ့သူတွေပါ။

#Yangon_Media_Group

TV Yangon Times Matters အစီအစဉ်
Published -5 June 2022

အစီစဉ်တင်ဆင်သူ ဆရာဟိန်းလတ်က ဂုဏ်ထူးဦးအောင်ခိုင်နှင့်အတူ

-ဝှိုက်ဘုတ်ကို မြန်မာကျောင်းသားများနှင့် စတင်ထိတွေ့ပေးခဲ့သော ဆရာကြီးဂုဏ်ထူးဦးအောင်ခိုင်

#Yangon_Media_Group

Published 5 June 2022

ဘင်္ဂလားဒေ့ရှ်နိုင်ငံ အရှေ့တောင်ပိုင်းရှိ ဆိပ်ကမ်းမြို့တစ်မြို့က ကွန်တိန်နာဝင်းမှာ မီးအကြီးအကျယ်လောင်ကျွမ်းခဲ့တဲ့ အတွက် အနည်းဆုံး လူ၂၈ဦးသေဆုံးပြီး လူတစ်ရာကျော် ဒဏ်ရာရရှိခဲ့ကြတယ်လို့ အရာရှိတွေနှင့် ဒေသမီဒီယာတွေက တနင်္ဂနွေနေ့က ပြောပါတယ်။

စနေနေ့ည သန်းခေါင်ယံမှာ  ဒတ်ချ်နှင့် ဘင်္ဂလားဒေ့ရှ်ဖက်စပ်တည်ထောင်ထားတဲ့ ဘီအမ်ကွန်တိန်နာဝင်းမှာ  မီးလောင်ကျွမ်းခဲ့ရာမှာည ကွန်တိနာတွေဟာ ဓာတုပစ္စည်းတွေ အပြည့်ထည့်သွင်းထားလို့ ပေါက်ကွဲမှုကြီးတွေဖြစ်ခဲ့ရပါတယ်။ ဘာကြောင့်လောင်ကျွမ်းရတယ်ဆိုတာ မသိရသေးပါဘူး။ အဲဒီကွန်တိန်နာဝင်းဟာ  ဒါကာမြို့တော် အရှေ့တောင်ဘက် ၁၃၄ မိုင်အကွာက စစ်တကောင်းမြို့မှာတည်ရှိပါတယ်။

သေဆုံးတဲ့သူတွေထဲမှာ မီးသတ်သမား အနည်းဆုံးငါးဦးပါဝင်ခဲ့ပါတယ်လို့ ဘင်္ဂလားဒေ့ရှ် မီးသတ်နှင့်ပြည်သူ့ကာကွယ်ရေးဌာန ညွှန်ကြားရေးမှူးချုပ်  ဗိုလ်ချုပ် မိန်းအူဒင်က ပြောပါတယ်။ ထိခိုက်ဒဏ်ရာရသူတွေထဲမှာ မီးသတ်သမား ၁၅ဦးပါဝင်ပြီး မီးလောင်ဒဏ်ရာတွေကို ကုသနေရတယ်လို့ သူကဆက်ပြောပါတယ်။

မီးကပျံ့နှံကူးစက်သွားတဲ့အတွက် ကနဦးပေါက်ကွဲမှုဖြစ်ပြီးနောက် ပေါက်ကွဲမှုတွေ ဆက်တိုက်အများကြီးဖြစ်ခဲ့တယ်လို့ သူကပြောပါတယ်။  မီးသတ်သမားတွေကို အကူအညီပေးဖို့ ဘင်္ဂလားဒေ့ရှ်စစ်တပ်က ပေါက်ကွဲပစ္စည်းကျွမ်းကျင်သူတွေကို ‌ခေါ်ယူခဲ့ရပါတယ်။ ပေါက်ကွဲမှုတွေကြောင့် အနီးနားက အဆောက်အဦတွေရဲ့ ပြတင်း အစိတ်စိတ်အမွှာမွှာဖြစ်ကုန်ပါတယ်။ လေးကီလိုမီတာအကွာအဝေးရှိခံစားကြရတယ်လို့ ဒေသမီဒီယာတွေက ရေးပါတယ်။

တနင်္ဂနွေအထိ မီးသတ်သမားတွေက မီးကိုထိန်းနိုင်အောင်ကြိုးစားငြှိမ်းသတ်နေရဆဲဖြစ်ပါတယ်။

တနင်္ဂနွေမနက်အထိ သေဆုံးသူဦးရေ ၂၈ ဦးရှိကြောင်း အက်ကတာ ရုပ်သံလိုင်းကသတင်းကြေညာပါတယ်။ သေဆုံးသူ အရေအတွက် ထပ်တိုးနိုင်တယ်လို့ အဲဒီဒေသက ခွဲစိတ်ဆရာဝန်တစ်ဦးကပြောပါတယ်။  သေဆုံးသူတော်တော်များများဟာ ချန်တိုဂရမ်ကောလိပ်ဆေးရုံမှာဖြစ်ကြပြီး ကျန်သူတွေက မီးလောင်တဲ့နေရာကနေ ရရှိတဲ့ အလောင်းတွေဖြစ်ပါတယ်။

ကွန်တိနာတော်တော်များများဟာ ဓာတုပစ္စည်းကွန်တိန်နာတွေဖြစ်လိမ့်မယ်လို့ ယုံကြည်ရပါတယ်။ ဘင်္ဂလားဒေ့ရှ်ရဲ့ အဓိက ပင်လယ်ဆိပ်ကမ်း စစ်တကောင်းမြို့ရဲ့ ၂၀ကီလိုမီတာအကွာမှာ အဲဒီကွန်တိန်နာဝင်းတည်ရှိတာဖြစ်ပါတယ်။

Source NPR

#MyannarNews
Published 5 June 2022

မြေပေါ်မြေအောက်သယံဇာတ ထုတ်ကုန်တွေအပေါ်မှီခိုတဲ့ စီးပွားရေးလုပ်ငန်းတွေကို လျှော့ချသွားရမယ်လို့ နစကဥက္ကဋ္ဌက ပြောကြားလိုက်ပါတယ်။

နေပြည်တော်မှာ ယနေ့ ဇွန်လ(၅)ရက်နေ့က ကျင်းပတဲ့ ၂၀၂၂ခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့အခမ်းအနားမှာ နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောကြားခဲ့တာပါ။

“ သဘာဝသယံဇာတ တူးဖော်ထုတ်လုပ်ခြင်းဟာ နိုင်ငံတော်အတွက်သာမက နိုင်ငံသားများအတွက်ပါ အလုပ်အကိုင်အခွင့်အလမ်းနှင့် ဝင်ငွေတိုးတက်ရရှိရေး အထောက်အကူဖြစ်ပေမယ့် သဘာဝပတ်ဝန်းကျင်ထိန်းသိမ်းရေးကို ထည့်သွင်းပေါင်းစပ်ဆောင်ရွက်နိုင်ခြင်းမရှိရင် သဘာဝပတ်ဝန်းကျင်ကို ဆိုးရွားစွာထိခိုက်နိုင်စေလိမ့်မယ်လို့ သူက သတိပေးပြောကြားခဲ့တာဖြစ်ပါတယ်။

မြန်မာနိုင်ငံဟာ ပြည်ပသို့ သစ်အလုံးလိုက်တင်ပို့ခြင်းကို ရပ်ဆိုင်းခဲ့ပြီး ၂၀၂၁-၂၀၂၂ ဘဏ္ဍာရေးနှစ်(မီနီဘတ်ဂျက်)နှင့် ၂၀၂၂-၂၀၂၃ ဘဏ္ဍာရေးနှစ်များတွင်လည်း သစ်ထုတ်လုပ်မှုကို ရပ်ဆိုင်းထားသည့်အပြင် ကျောက်စိမ်းတူးဖော်ခြင်းများကို လုံးခင်း၊ ဖားကန့်နှင့် မိုးညှင်းဒေသများတွင် ရပ်ဆိုင်းထားပြီးဖြစ်ကြောင်းသိရပါတယ်။

အဲဒီလိုသဘာဝပတ်ဝန်းကျင်ထိန်းသိမ်းကာကွယ်ပေးပြီး ကာဗွန်ထုတ်လုပ်မှုလျော့နည်းတဲ့ အစိမ်းရောင်စီးပွားရေး ရင်းနှီးမြှပ်နှံမှုတွေကို အားပေးမြှင့်တင်မယ်လို့လည်း နစက ဥက္ကဋ္ဌက ဆက်လက်ပြောကြားခဲ့ပါတယ်။ လျှပ်စစ်ဓာတ်အားထုတ်လုပ်ရာမှာ နိုင်ငံမှာရှိပြီးဖြစ်တဲ့ ရေ၊နေနှင့်လေစတဲ့ သန့်ရှင်းတဲ့ စွမ်းအင်အရင်းအမြစ်တွေကို အခြေခံတဲ့ ရင်းနှီးမြှပ်နှံမှုတွေ တိုးမြှင့်လုပ်ဆောင်သွားဖို့လိုအပ်ကြောင်းလည်း သူကပြောပါတယ်။

ယေးတက္ကသိုလ်ရဲ့ ၂၀၂၂ ခုနှစ် နိုင်ငံအလိုက်ပတ်ဝန်းကျင်ထိန်းသိမ်းမှုစွမ်းဆောင်ရည် အညွှန်းကိန်းမှာ environmental performance index အရ မြန်မာနိုင်ငံဟာ အဆင့် ၁၇၉ မှာရှိနေပါတယ်။ ဗီယက်နမ်က ၁၇၈ နှင့် အိန္ဒ်ိယက ၁၈၀ မှာရှိနေကြောင်းသိရှိရပါတယ်။

Ymg/knl
#Yangon_Media_Group

Published 5 June 2022

မြန်မာနိုင်ငံတွင် ယနေ့တနင်္ဂနွေနေ့(မနေ့ညသန်းခေါင်ကျော်အချိန်)တွေမှာ တစ်နာရီခန့်ခြားပြီး  ညောင်တုန်းမြို့နှင့်မိုင်းပြင်းမြို့အနီး နေရာနှစ်နေရာ၌ ငလျင်(၂)ခုလှုပ်ရှားသွားခဲ့တယ်လို့ သိရပါတယ်။

မြန်မာနိုင်ငံ မိုးလေဝသနှင့်ဇလဗေဒဦးစီးဌာနရဲ့ထုတ်ပြန်ချက်အရ ဇွန်လ(၅)ရက်  မြန်မာစံတော်ချိန် (၀၀)နာရီ၊ (၀၂)မိနစ်၊ (၄၃)စက္ကန့် အချိန်တွင် ကမ္ဘာအေးမြေငလျင်စခန်းမှ အနောက်မြောက်ဘက် (၂၉)မိုင်ခန့်ကွာဝေးသော မြန်မာနိုင်ငံပြည်တွင်း (ညောင်တုန်းမြို့၏ အရှေ့-အရှေ့မြောက်ဘက် (၉)မိုင်ခန့်အကွာ)၊ မြောက်လတ္တီတွဒ် (၁၇.၀၈) ဒီဂရီ၊ အရှေ့လောင်ဂျီတွဒ် (၉၅.၇၇)ဒီဂရီ၊ အနက် (၈၃)ကီလိုမီတာကို ဗဟိုပြု၍ အင်အား ရစ်(ခ်)တာစကေး (၄.၂)အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားခဲ့ပါတယ်။

အဲဒီနောက် ဆက်လက်ပြီး မြန်မာစံတော်ချိန် (၀၁)နာရီ၊ (၂၃)မိနစ်၊ (၃၄)စက္ကန့် အချိန်တွင် ကျိုင်းတုံမြေငလျင်စခန်းမှ အနောက်မြောက်ဘက် (၃၇)မိုင်ခန့်ကွာဝေးသော မြန်မာနိုင်ငံပြည်တွင်း (မိုင်းပြင်းမြို့၏ အရှေ့မြောက်ဘက် မိုင်(၂၀)ခန့်အကွာ)၊ မြောက်လတ္တီတွဒ် (၂၁.၆၁)ဒီဂရီ၊ အရှေ့လောင်ဂျီတွဒ် (၉၉.၁၄)ဒီဂရီ၊ အနက် (၁၀)ကီလိုမီတာကို ဗဟိုပြု၍ အင်အား ရစ်(ခ်)တာစကေး (၃.၈)အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားခဲ့တာ ဖြစ်ပါတယ်။

ငလျင်လှုပ်ရှားမှုတွေကြောင့် ထိခိုက်ဒဏ်ရာရမှုတွေနှင့်ပျက်စီးဆုံးရှုံးမှုတွေကိုတော့ သတင်းတွေမရရှိပါဘူး။

Published 5 June 2022

အဖြူရောင်အခွံ..မျက်လုံးနီနီနှင့် လိပ်ကလေးတစ်ကောင်ကို ဆွစ်ဇာလန်နိုင်ငံ အနောက်ပိုင်း ဆာဗီယွန်က အပူပိုင်း တိရိစ္ဆာန် ဥယျာဉ်ကလေးအတွင်း မေလက မွေးဖွားခဲ့ပါတယ်။ ဒီလိပ်ကလေးဟာ လှောင်မွေးတာ ဒါမှမဟုတ် သဘာဝတောရိုင်းထဲမှာ မွေးတဲ့အထဲမှာ  ပထမဆုံးသော ဂါလာပါဂိုးစ် ထူးခြား ပန်းနုရောင်လိပ် ဖြစ်ပါတယ်လို့ ဆာဗီယွန်အပူပိုင်းငါးပြတိုက် ညွှန်ကြားရေးမှူး ဖိလစ် မိုရယ်လ်ကပြောပါတယ်။

Source AFP

Published 5 June 2022

ယူကရိန်းမြို့တော် ကိဗ်မှာ ဇွန်၅ ရက် တနင်္ဂနွေနေ့(ဒီကနေ့)မနက်စောစောပိုင်းမှာ ပေါက်ကွဲမှုတွေ အများအပြားဖြစ်ခဲ့တယ်လို့ မြို့တော်ဝန် ဗစ်တာလီကလစ်ရှ်ကိုက ပြောပါတယ်။ မြို့တော်ကိဗ်နှင့်ဆင်ခြေဖုံးအရပ်တွေမှာ လူတွေက ပုံမှန်လိုလှုပ်ရှားသွားလာနေကြတဲ့ ရက်သတ္တပေါင်းများစွာ အကြာမှာ ဒါဟာ ပထမဆုံသဲကြီးမဲကြီး တိုက်ခိုက်မှုဖြစ်ပါတယ်။

“မြို့တော်ရဲ့ ဒန်ညတ်စကီးနှင့် နီပရောစကီး ခရိုင်တွေမှာ ပေါက်ကွဲမှုတော်တော်များများဖြစ်ခဲ့ပါတယ်” လို့ ကလစ်ရှ်ကိုက တယ်လီဂရမ်မှာရေးပါတယ်။ အဲဒီဒေသတွေမှာ ကယ်ဆယ်ရေးတွေစလုပ်နေပါပြီ လို့လည်း သူကပြောပါတယ်။

ပေါက်ကွဲမှုဖြစ်ပြီးနောက် မီးခိုးလုံကြီးတွေ အကြာကြီးပဲတက်နေခဲ့တာကို  ရိုက်တာရဲ့ မျက်မြင်သက်သေတစ်ဦးကလည်း မြင်ခဲ့ပါတယ်။

အနည်းဆုံးလူ(၁)ဦးကို ဆေးရုံပို့လိုက်ရပြီး တနင်္ဂနွေမနက်အထိ အသေအပျောက်သတင်းပို့မှု  မရှိသေးဘူးလို့ မြို့တော်ဝန်က ဆက်ပြောပါတယ်။

ကိဗ်မြို့လယ်ကနေ ၁၂မိုင်ခန့်အကွာက သမိုင်းဝင်မြို့ ဘရိုဗရီမြို့တော်ဝန်က မီးခိုးကနေလာတဲ့ ကျပ်ခိုးတွေရဲ့ အနံတွေရနေတဲ့အတွက် ပြည်သူတွေကို အိမ်ထဲမှာနေကြဖို့ တိုက်တွန်း ထားပါတယ်။

မော်စကိုက အရှေ့နှင့်တောင်ဘက်ကို စစ်ရေးအာရုံစိုက်လုပ်ဆောင်နေပြီးနောက် ယူကရိန်းမှာ ရုရှားရဲ့တိုက်ခိုက်မှုတွေနှင့် အပျက်အစီးတွေ များပြားနေပေမယ့် ကိဗ်ကပြည်သူတွေဟာ ရက်သတ္တပတ်ပေါင်းမျာစွာ တိုက်ခိုက်မှုသိသိသာသာ မရှိဘဲနေခဲ့ကြရတာ ရက်သတ္တပတ်များစွာရှိခဲ့ပါတယ်။

လေကြောင်းအချက်ပေးသံတွေက ပုံမှန်ကြားခဲ့ကြရပေမယ့် မြိုတော်မှာ အကြီးအကျယ်တိုက်ခိုက်မှုမရှိခဲ့တာဖြစ်ပါတယ်။

Source Reuters

#Local_News
Published_ 5 June 2022

ဝေါမြို့နယ်တွင် ငွေကျပ်သိန်း ၅၉၀၀ ကျော်တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားပါတယ်။

ဖြစ်စဉ်မှာ ဇွန် ၃ ရက် နံနက် ၁၀ နာရီခွဲတွင် မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သောပူးပေါင်းအဖွဲ့သည် ဝေါမြို့နယ်၊ ညောင်ခါးရှည် ကျေးရွာအုပ်စု၊ ညောင်ခါးရှည်ကျေးရွာအနီး ဗျူဟာလမ်းဆုံပူးပေါင်း စစ်ဆေးရေးဂိတ်တွင် မနန်းမြတ်ထွေး မောင်းနှင်ပြီး ရန်နိုင်ကျော် လိုက်ပါလာသည့် TOYOTA AVANZA အမျိုးအစားမော်တော်ယာဉ်ကို ရပ်တန့်စစ်ဆေးရှာဖွေခဲ့ပါတယ်။

ထိုသို့ရှာဖွေခဲ့ရာ ငွေကျပ်သိန်း ၅၉၁၀ တန်ဖိုးရှိ စိတ်ကြွရူးသွပ်ဆေးပြား ၃၉၄၀၀၀ ပြား သိမ်းဆည်းရမိခဲ့ပါတည်။

ထို့ကြောင့် မနန်းမြတ်ထွေး (၄၅) နှစ်နှင့် ရန်နိုင်ကျော် (၃၀) နှစ်တို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရအရေးယူထားကြောင်းသတင်းရရှိပါတယ်။

ymg-mnn
#Yangon_Media_Group