#Local_News
Published 17 December 2025

▪️ မြဝတီမြို့အတွင်း အွန်လိုင်းလိမ်လည်လောင်းကစားမှုကျူးလွန်သူများ ထပ်မံဖမ်းမိခဲ့ကြောင်း သိရသည်။

▪️ ယနေ့တွင် အဆောက်အအုံ ၄၃ လုံး ထပ်မံစစ်ဆေးနိုင်ခဲ့ပြီး အဆိုပါအဆောက်အအုံများ အနက်မှ မြဝတီမြို့၊ အမှတ်(၃) ရပ်ကွက်၊ အင်ကြင်းလမ်းရှိ အဆောက်အအုံ ၁ လုံးအတွင်း၌ တရားမဝင်တရုတ်နိုင်ငံသား အမျိုးသား ၃ ဦးတို့အား ဖော်ထုတ်ဖမ်းဆီးရမိခဲ့ပြီး စုံစမ်းစစ်ဆေးမှုများပြီးဆုံးပါက ဥပဒေ၊ လုပ်ထုံးလုပ်နည်းများနှင့်အညီ သက်ဆိုင်ရာ နိုင်ငံများသို့ လွှဲပြောင်းပေးနိုင်ရေး ဆက်လက်ဆောင်ရွက်သွားမည်ဖြစ်ကြောင်း သိရသည်။

▪️ မြဝတီ-မဲထော်သလေး (KK Park) နယ်မြေအတွင်းရှိ အွန်လိုင်း လိမ်လည်လောင်းကစားမှုများ ကျူးလွန်ရာတွင် အသုံးပြုခဲ့သည့် အပိုင်း(၃) နယ်မြေ အတွင်းရှိ တရားမဝင် ၃ ထပ်အဆောက်အအုံ ၁ လုံး၊ ၂ ထပ်အဆောက်အအုံ ၁၁ လုံး၊ စုစုပေါင်း တရားမဝင်အဆောက်အအုံ ၁၂ လုံးကို ထပ်မံဖြိုချဖျက်ဆီးခဲ့သဖြင့် KK Park နယ်မြေအတွင်းရှိ တရားမဝင်အဆောက်အအုံ စုစုပေါင်း ၆၃၅ လုံး အနက် ၄၅၆ လုံးကို စနစ်တကျ ဖြိုချဖျက်ဆီးပြီးဖြစ်ကြောင်း သိရသည်။

▪️ ထို့ပြင် ကရင်ပြည်နယ်၊ မြဝတီမြို့နှင့် ပတ်ဝန်းကျင်ဒေသတစ်ဝိုက်ရှိ အဆောက် အအုံများ၌ တရားမဝင်ပြည်ပနိုင်ငံသားများ ဝင်ရောက်နေထိုင်ခြင်းနှင့် အွန်လိုင်းလိမ်လည် လောင်းကစားမှုများ လုပ်ကိုင်ဆောင်ရွက်ခြင်း မရှိစေရေးအတွက် လုံခြုံရေးတပ်ဖွဲ့ဝင်များ၊ အုပ်ချုပ်ရေးအဖွဲ့အစည်းများနှင့် ဒေသတွင်းတာဝန်ရှိသူများအပါအဝင် အဖွဲ့စုံပါဝင်သည့် ပူးပေါင်းအဖွဲ့ဖြင့် ဒီဇင်ဘာ ၈ ရက်မှ စတင်၍ ရှာဖွေရှင်းလင်းဆောင်ရွက်နေကြောင်း သိရသည်။

▪️ မြဝတီမြို့နယ်အတွင်းရှိ KK Park နယ်မြေနှင့် ရွှေကုက္ကိုလ်နယ်မြေတို့၌ အွန်လိုင်းလိမ်လည်လောင်းကစားမှုကျူးလွန်ရာတွင် အသုံးပြုသည့်ပစ္စည်းများအား ထပ်မံ၍အသုံးပြုနိုင်ခြင်းမရှိစေရန်အတွက်ယနေ့တွင်လည်း စနစ်တကျ မီးရှို့ဖျက်ဆီးခဲ့ကြောင်းသိရသည်။

#YMG/PP #Yangon_Times

#Local_News
Published 17 December 2025

▪️ စစ်ကိုင်းမြို့တွင် ငွေကျပ် ၁၅ ဘီလျံကျော်တန်ဖိုးရှိ ဘိန်းဖြူ ၅၇ ကီလိုကျော်နှင့် စိတ်ကြွရူးသွပ်ဆေးပြား ၅ သန်းကျော် ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က ထုတ်ပြန်လိုက်သည်။

▪️ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့က ဒီဇင်ဘာလ ၆ ရက်ညနေ ၄ နာရီတွင် စစ်ကိုင်းမြို့၊ ရွာထောင်(မီးရထား)ရပ်ကွက်၊ ဈေးလမ်းရှိ စိုးလွင်၏ နေအိမ်ကို သတင်းအရ ဝင်ရောက် ရှာဖွေရာ နေအိမ်မှ စိုးလွင်နှင့် ခင်ဆွေမြင့်တို့ ၂ ဦးအား ဘိန်းဖြူ ၁၈ ဒသမ ၃၁၅ ကီလိုနှင့်အတူ ဖမ်းဆီးရမိခဲ့ပြီး အဆိုပါနေအိမ်ခြံဝင်းအတွင်း ရပ်တန့်ထားသည့် HYUNDAI PORTER II ယာဉ်နှင့် အတူ မိုးမင်းစံနှင့် မျိုးသူရတို့ ၂ ဦးကို ဘိန်းဖြူ ၂၅ ဒသမ ၇၄ ကီလိုနှင့် စိတ်ကြွရူးသွပ်ဆေးပြား ၁၃ ဒသမ ၆၅ သိန်းအားလည်းကောင်း၊ အလားတူ TOWNACE LIGHT TRUCK ယာဉ်နှင့်အတူ ချစ်ကိုကိုနိုင်နှင့် ခင်မောင်ဇော်တို့ ၂ ဦးအား ဘိန်းဖြူ ၁၃ ဒသမ ၈၆ ကီလိုနှင့် စိတ်ကြွရူးသွပ် ဆေးပြား ၃၇ ဒသမ ၀၅ သိန်းအားလည်းကောင်း ဖမ်းဆီးရမိခဲ့ကြောင်း သိရသည်။

▪️ ယင်းဖြစ်စဉ်မှ စုစုပေါင်းဘိန်းဖြူ ၅၇ ဒသမ ၉၁၅ ကီလို (၎င်းဒေသတန်ဖိုးငွေကျပ် ၂ ဒသမ ၈၉၅၇၅ ဘီလျံ)နှင့် စိတ်ကြွရူးသွပ်ဆေးပြား ၅ ဒသမ ၇ သန်း(၎င်းဒေသတန်ဖိုးငွေကျပ် ၁၂ ဒသမ ၆၇၅၁ ဘီလျံ) တို့အား သိမ်းဆည်းရမိခဲ့သဖြင့် စုစုပေါင်း ၁၅ ဒသမ ၅၇ ဘီလျံတန်ဖိုးရှိ မူးယစ်ဆေးဝါးများကို ဖမ်းဆီးရမိခဲ့ခြင်းဖြစ်ကြောင်း သိရသည်။

▪️ ကွင်းဆက်စစ်ဆေးဖော်ထုတ်ချက်များအရ ဥတ္တရသီရိမြို့နယ်၊ ကျွဲရှင်းကျေးရွာနေ ဘုန်းမြတ်စံ (ခ)သားငယ်(ဖမ်းဆီးရန်ကျန်)နှင့် ချမ်းမြသာစည်မြို့နယ်နေ အောင်နိုင်(ခ)ဖက်တီး (ဖမ်းဆီးရန်ကျန်) တို့၏ အစီအမံဖြင့် ဥတ္တရသီရိမြို့နယ်၊ ဇဝနသိဒ္ဓိရပ်ကွက်နေ တာဝန်ခံသယ်ဆောင်သူ ထွန်းထွန်းနိုင် (ဖမ်းဆီးရန်ကျန်)သည် ဖမ်းဆီးရမိ မူးယစ်ဆေးဝါးများအား ရှမ်းပြည်နယ်မှ စစ်ကိုင်းတိုင်းဒေသကြီးသို့ တစ်ဆင့်သယ်ဆောင်ပြီး မန္တလေးမြို့သို့ ဆက်လက်သယ်ဆောင်ခြင်းဖြစ်ကြောင်း သိရှိရသဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားရှိကြောင်း သိရသည်။

▪️ လက်ရှိတွင် ကွင်းဆက်ပြစ်မှုကျူးလွန်သူများအား ဆက်လက်ဖော်ထုတ်လျက်ရှိကြောင်းနှင့် ၎င်းတို့၏ မူးယစ် ဆေးဝါးသယ်ဆောင်ရောင်းဝယ်ရာမှရရှိသည့် ငွေကြေးအကျိုးအမြတ်များ၊ ပိုင်ဆိုင်မှုများကို ပြည်သူ့ဘဏ္ဍာအဖြစ် သိမ်းဆည်းနိုင်ရေးအတွက် ငွေကြေးခဝါချမှု တိုက်ဖျက်ရေးဥပဒေဖြင့် ဆက်လက်အရေးယူဆောင်ရွက်လျက်ရှိကြောင်း သိရသည်။

#YMG/PP #Yangon_Times

#World_Health
Published 17 December 2025

■ ဝက်ပေါင်ခြောက်၊ ဝက်အူချောင်းတို့လို အဆင့်ဆင့်ထုတ်လုပ်ထားတဲ့ အသားကြီးတွေ များများစားခြင်းဖြင့် ဦးနှောက်အသိဉာဏ် ကျဆင်းခြင်း၊ ဒီမန်ရှာရောဂါတို့ ဖြစ်နိုင်ခြေများစေနိုင်တယ်လို့ Neurology ဂျာနယ်မှာ ဖော်ပြထားပါတယ်။

■ အဆင့်ဆင့်ထုတ်လုပ်ထားတဲ့ အသားကြီးတွေက ဦးနှောက်အိုမင်းခြင်းနဲ့ အာရုံကြောချို့တဲ့ခြင်းတို့ ဖြစ်ပေါ်စေနိုင်ပုံတွေကို လေ့လာထားတာ ဖြစ်ပါတယ်။

■ တစ်နေ့တစ်နေ့ အသားကြီး အစားအများဆုံး စမ်းသပ်ခံအဖွဲ့က အနည်းဆုံးစားသူတွေထက်စာရင် ဒီမန်ရှာဖြစ်နိုင်ခြေ ၁၃ ရာခိုင်နှုန်း ပိုများတာ တွေ့ရပါတယ်။

■ နေ့စဉ်တစ်နပ်စာ ပိုမိုစားသုံးသူတွေမှာ ဦးနှောက်အိုမင်းခြင်းနဲ့ ဦးနှောက်အသိဉာဏ် ကျဆင်းခြင်းက ၁.၆ နှစ်လောက် စောပြီးအိုမင်းတယ်လို့ တွေ့ရှိလာပါတယ်။

■ အသားကြီးတွေထဲမှာ များစွာပါဝင်တဲ့ ပြည့်ဝဆီတွေက ကိုလက်စထရောဖြစ်စဉ်ကို နှောင့်ယှက်ပြီး ရောင်ရမ်းခြင်းနဲ့ အင်ဆူလင်ယဉ်ပါးခြင်းတို့ ဖြစ်စေကာ ဦးနှောက်ကျဆင်းမှု ဖြစ်လာစေတယ်လို့ ယူဆနေပါတယ်။

■ ဒီဆက်စပ်မှုတွေကို သိရှိနားလည်ခြင်းဖြင့် ဒီမန်ရှာဖြစ်နိုင်ခြေ များလာစေတဲ့အကြောင်းအရင်းတွေကို သဘောပေါက်စေမှာဖြစ်တယ်လို့ ဘရစ်ဂန်နဲ့ ဘော့စ်တွန်အမျိုးသမီးဆေးရုံမှ ဦးဆောင်သုတေသီ ယူဟန်လီက ပြောပါတယ်။

■ အဆင့်ဆင့်ထုတ်လုပ်တဲ့ အသားကြီးတွေအစား ငါး၊ အခွံမာသီး၊ ပဲအမျိုးမျိုးတို့ ဖြည့်တင်းစားသောက်ခြင်းဖြင့် ဒီမန်ရှာဖြစ်နိုင်ခြေနဲ့ ဦးနှောက်အိုမင်းခြင်းတို့ကို လျော့ကျစေနိုင်မှာ ဖြစ်ပါတယ်။

■ ရေရှည်ဦးနှောက်ကျန်းမာရေးနဲ့ ပတ်သက်လာရင် မျိုးဗီဇအကြောင်းအရာများအပြင် နေထိုင်စားသောက်မှုပုံစံတွေကလည်း များစွာ သက်ရောက်နေပါတယ်။

Source: Daily Galaxy.

#World_Science
Published 17 December 2025

■ ရေခဲခေတ်တုန်းက ဆက်လက်ပြီး အသက်ရှင်ကျန်ခဲ့တဲ့ ဝါးလုံးတစ်ခုကို အိန္ဒိယသိပ္ပံပညာရှင်များ တွေ့ရှိခဲ့ကာ အခြားဝါးတွေကတော့ အအေးဒဏ်ကို မခံနိုင်ဘဲ ပျက်စီးခဲ့ရပါတယ်။

■ မဏိပူရ အင်ဖယ်တောင်ကြားရှိ ချီရန်မြစ်ထဲမှာ အချွန်အမှတ်အသားတွေ ရှိနေတဲ့ ဝါးလုံးကို BSIP တက္ကသိုလ်မှ သုတေသီများ တွေ့ရှိခဲ့ကြပါတယ်။

■ နှစ်ပေါင်း ၃၇,၀၀၀ သက်တမ်းရှိတဲ့ ဝါးလုံးဟာ အာရှမှာတွေ့ရတဲ့ အစောဆုံး ဆူးချွန်ပါဝါးလုံးဖြစ်ပြီး ပြောင်းလဲသွားခဲ့ဟန် ရှိပါတယ်။

■ ဝါးလုံးအခေါင်းတွေနဲ့ အမျှင်တစ်ရှူးတွေက အလွန်လျင်မြန်စွာ ဆွေးမြည့်သွားတာကြောင့် ဝါးလုံးရုပ်ကြွင်းကို တွေ့ရဖို့ဆိုတာ ရှားပါးပါတယ်။

■ ဒါပေမဲ့ သုတေသီတွေက ဒဏ်ရာခြစ်ရာတွေပြည့်နေတဲ့ အဆိုပါဝါးလုံးကို ကွင်းဆင်းစစ်တမ်းပြုလုပ်ရာမှာ တစ်ခုခုထူးဆန်းရှားပါးတာကို သိခဲ့ကြပါတယ်။

■ ဝါးမျိုးစိတ်တွေနဲ့ အဆိုပါ အမှတ်အသားများအကြောင်း နားလည်ဖို့ ဆန်းစစ်မှုတစ်ခု ပြုလုပ်ခဲ့ပါတယ်။

■ တစ်ချိန်က ဝါးလုံးမှာရှိတဲ့ ဆူးချွန်တွေကြောင့် အမှတ်အသားကျန်ခဲ့တာ ဖြစ်တယ်လို့ သိပ္ပံနဲ့ နည်းပညာဌာနမှ သိပ္ပံပညာရှင်များ တွေ့ရှိခဲ့ကြပါတယ်။

■ Chimonobambusa မျိုးနွယ်ဝင် ဝါးလုံးဖြစ်ပြီး ဝါးလုံးရုပ်ကြွင်းသာမက ရုပ်ကြွင်းဆူးအမှတ်အသားတွေလည်း ရှိပါတယ်။

■ ဒီနောက် Bambusa bambos တို့လို ဆူးချွန်ပါ ဝါးတွေနဲ့ နှိုင်းယှဉ်ကြည့်ရာမှာ ဆူးချွန်တွေက အရွက်စားသတ္တဝါတွေ ရန်ကနေ ကာကွယ်ဖို့အတွက် လုပ်ဆောင်ပါတယ်။

■ တွေ့ရှိချက်အရ အိန္ဒိယလို ပူနွေးစိုစွတ်တဲ့ ရာသီဥတုက ဝါးတွေအတွက် ရှင်သန်ရာဖြစ်နေပါတယ်။

■ အခြားနေရာတွေကတော့ အေးလွန်းတဲ့အတွက် ဝါးတွေပျက်သုဉ်းကုန်ကြရပါတယ်။

Source: WION

၁၆ ဒီဇင်ဘာ၊၂၀၂၅ (နေပြည်တော်)-

ပြည်ထောင်စုသမ္မတမြန်မာနိုင်ငံတော် ယာယီသမ္မတနိုင်ငံတော်လုံခြုံရေးနှင့်အေးချမ်းသာယာရေး ကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ထံမြန်မာနိုင်ငံ ဆိုင်ရာ ဘရူနိုင်းဒါရူဆလမ် နိုင်ငံ သံအမတ်ကြီး H.E, Haji Mohamad Sarif Pudin bin Matserudin နှင့် မြန်မာနိုင်ငံဆိုင်ရာ ပါကစ္စတန် နိုင်ငံသံအမတ်ကြီး H.E. Mr. Tariq Karim တို့သည် သီးခြားစီခွဲ၍ ဒီဇင်ဘာ ၁၆ ရက် နံနက် က နေပြည် တော်ရှိအမျိုးသားကာကွယ်ရေးနှင့် လုံခြုံရေးကောင်စီရုံး၊ သံတမန်ဆောင်ဧည့်ခန်းမ၌ ယင်းတို့၏ သံအမတ်ခန့်အပ်လွှာများကို ပေးအပ်ခဲ့သည်။

ဘရူနိုင်းသံအမတ်ကြီး၏သံအမတ်ခန့်အပ်လွှာကိုလက်ခံခဲ့စဉ် ဗိုလ်ချုပ်မှူးကြီးနှင့် ဘရူးနိုင်းသံအမတ် အသစ်တို့သည်  မြန်မာနှင့်ဘရူနိုင်းအကြားပညာရေးကဏ္ဍ၊ ကာကွယ်ရေးကဏ္ဍ၊ ခရီးသွားကဏ္ဍနှင့် လေကြောင်းပျံသန်းမှုကဏ္ဍများတွင် ပူးပေါင်း ဆောင်ရွက်မှုများ မြှင့်တင်ဆောင်ရွက်နိုင်မည့် အခြေအနေများ၊ လူသားချင်းစာနာ ထောက်ထားမှုဆိုင်ရာအကူအညီပေးရေးကိစ္စရပ်များ၊ မြန်မာနိုင်ငံအနေဖြင့် အာဆီယံအဖွဲ့အတွင်းအာဆီယံပဋိဉာဉ်အတိုင်းလိုက်ပါဆောင်ရွက်လျက်ရှိမှုနှင့် အခြားနိုင်ငံများ၏ ပြည်တွင်းရေးများတွင် ဝင်ရောက်စွက်ဖက်မှုမရှိသည့်အခြေအနေများကိုဆွေးနွေး  ခဲ့ကြကြောင်းသိရှိရသည်။

ပါကစ္စတန်သံအမတ်အသစ်နှင့်တွေ့ဆုံရာတွင်လည်း ဗိုလ်ချုပ်မှူးကြီးနှင့် သံအမတ်အသစ်တို့သည် နှစ်နိုင်ငံအကြား ကုန်သွယ်ရေးကဏ္ဍ၊ စီးပွားရေး ကဏ္ဍ၊ ကာကွယ်ရေးကဏ္ဍ၊ ကျန်းမာရေးကဏ္ဍ၊ နိုင်ငံရေးဆိုင်ရာကဏ္ဍများတွင် ပူးပေါင်းဆောင်ရွက်မှုများ မြှင့်တင်ရေးဆိုင်ရာကိစ္စရပ်များ၊ ဘာသာရေး

ဆိုင်ရာနှင့် ခရီးသွားကဏ္ဍများတွင် ပူးပေါင်းဆောင်ရွက်မှုများ မြှင့်တင်ရေးဆိုင်ရာကိစ္စရပ်များ၊ နိုင်ငံခြားရေးဝန်ကြီး ဌာနအချင်းချင်း ပူးပေါင်းဆောင်ရွက်မှုများ မြှင့်တင်ဆောင်ရွက်သွားမည့်  အခြေ  အနေများကိုဆွေးနွေးခဲ့ကြသည်။

ဗိုလ်ချုပ်မှူးကြီးက သံအမတ်နှစ်ဦးစလုံးကို  မြန်မာနိုင်ငံတွင်လွတ်လပ်ပြီးတရားမျှတသည့် ပါတီစုံ ဒီမိုကရေစီအထွေထွေ ရွေးကောက်ပွဲကျင်းပပြုလုပ်သွားမည့် အခြေအနေများနှင့် နိုင်ငံတကာမှ ရွေးကောက်ပွဲ စောင့်ကြည့်လေ့လာရေးအဖွဲ့များ ဖိတ်ခေါ်ထားရှိမှုအခြေအနေများနှင့်ပတ်သက်၍ ရင်းရင်းနှီးနှီးဆွေးနွေးခဲ့ကြောင်းသိရှိရသည်။

အဆိုပါသံအမတ်ခန့်အပ်လွှာပေးအပ်ပွဲများသို့ ကော်မရှင်အတွင်းရေးမှူးဗိုလ်ချုပ်ကြီး ရဲဝင်းဦး၊ ကော်မရှင်အဖွဲ့ဝင်နိုင်ငံခြားရေးဝန်ကြီးဌာနပြည်ထောင်စုဝန်ကြီးဦးသန်းဆွေနှင့်သံတမန်ရေးရာဦးစီးဌာန ညွှန်ကြားရေးမှူးချုပ် ဦးသန်းထွေးတို့တက်ရောက်ခဲ့ကြကြောင်းသတင်းရရှိသည်။

#yng/knl

ကမ္ဘောဒီးယားနဲ့ ထိုင်းနယ်စပ်တိုက်ခိုက်မှုတွေကြား မိသားစုတွေဟာ နေအိမ်တွေကနေ ထွက်ပြေးစွန့်ခွာကြရပြီး ဘာလုပ်ရမှန်းမသိ စောင့်ဆိုင်းနေကြရပါတယ်။

#Asia_News
Published 16 December 2025
#ကမ္ဘောဒီးယား # ထိုင်း
#YMG #Yangon_Times #Yangon_Media_Group

မကွေးတိုင်းဒေသကြီး ၊မကွေးမြို့နယ်မှာ ဥစားကြက်မွေးမြူရေးဇုန် အကောင်အထည်ဖော်ဆောင်ရွက်နေတယ်လို့ သိရပါတယ်။

#Local_News
Published 16 December 2025
#ဥစားကြက် #မကွေးမြို့နယ်
#YMG/NN #Yangon_Times

လူငယ်ငြိမ်းချမ်းရေးဖိုရမ် (၂၀၂၆)ကို ဇန်နဝါရီလ(၁၃)ရက်မှ(၁၅)ရက်အထိ နေပြည်တော်မှာ ကျင်းပသွားမယ်လို့သိရပါတယ်။

#Local_News
Published 16 December 2025
#လူငယ်ငြိမ်းချမ်းရေးဖိုရမ် #နေပြည်တော်
#YMG/SW #Yangon_Times

လူငယ်ငြိမ်းချမ်းရေးဖိုရမ် (၂၀၂၆)ကို ဇန်နဝါရီလ(၁၃)ရက်မှ(၁၅)ရက်အထိ နေပြည်တော်မှာ ကျင်းပသွားမယ်လို့သိရပါတယ်။

#Local_News
Published 16 December 2025
#လူငယ်ငြိမ်းချမ်းရေးဖိုရမ် #နေပြည်တော်
#YMG/SW #Yangon_Times

အဆိပ်ရှိပစ္စည်းနှစ်မျိုးဖြစ်တဲ့ Thiamethoxam နဲ့ Clothianidin ပိုးသတ်ဆေးတွေကို နေပြည်တော်အပါအဝင် တိုင်းဒေသကြီးနဲ့ ပြည်နယ် (၇) ခုမှာ သုံစွဲခြင်းမပြုကြဖို့ တားမြစ်ထားပြီးမလိုက်နာပါက ပိုးသတ်ဆေးဥပဒေအရအရေးယူသွားမယ်လို့ မြန်မာနိုင်ငံပိုးသတ်ဆေးမှတ်ပုံတင်အဖွဲ့က ထုတ်ပြန်ထားပါတယ်။

#Local_News
Published 16 December 2025
#ပိုးသတ်ဆေး
#YMG/NN #Yangon_Times

မြန်မာ့ရွှေပြင်ပပေါက်ဈေး ဆက်တိုက်မြင့်တက်လျှက်ရှိရာ ယနေ့ဒီဇင်ဘာလ ၁၆ရက်နေ့မှာတော့ တစ်ကျပ်သားကို ကျပ်သိန်းကိုးဆယ်နှစ်သောင်းနဲ့ စတင်ဈေးဖွင့်လာခဲ့ပါတယ်။

#Local_News
Published 16 December 2025
#အခေါက်ရွှေ #ရွှေ
#YMG/SW #Yangon_Times

#Daily_News
Published 16 December 2025

၁။‌ ‎အဆိပ်ရှိ ပိုးသတ်ဆေး (၂) မျိုးကို မသုံးစွဲရန်တားမြစ်ထားပြီး မလိုက်နာပါကပိုးသတ်ဆေးဥပဒေအရအရေးယူမည်
‎
‎‎‎၂။ ‎‎လူငယ်ငြိမ်းချမ်းရေးဖိုရမ် (၂၀၂၆)ကို ဇန်နဝါရီလ(၁၃)ရက်မှ(၁၅)ရက်အထိ ကျင်းပမည်
‎
‎၃။‌‌‎ ‎‎‎‎‎‎မကွေး၌ ဥစားကြက် မွေးမြူရေးဇုန်အကောင်အထည်ဖော်ဆောင်ရွက်နေ
‎
‎၄။‎ ‌‌‌‌‌‌‌‌‌‎‎‎‎စစ်ဘေးရှောင်ကမ္ဘောဒီးယားပြည်သူများ နေရပ်စွန့်ခွာပြီးနောက်ဘာဆက်လုပ်ရမှန်းမသိဖြစ်နေကြပြီ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group