#WorldHealth
Published - 19 February 2022
ယခုဆောင်းရာသီကာလအတွင်း အမေရိကန်မှာ အိုမီခရွန်ကူးစက်မှုအများအပြားဖြစ်ခဲ့ပြီးနောက် အမေရိကန်ရှိလူတွေမှာ ကိုရိုနာဗိုင်းရပ်စ်ခုခံနိုင်စွမ်း မြင့်မားလာပြီဖြစ်ပြီဖြစ်ပါတယ်။

အမေရိကန်ရှိ သန်းပေါင်းများစွာသောလူတွေရဲ့ ခန္ဓာကိုယ်ဟာ အခုအခါကိုရိုနာဗိုင်းရပ်စ်ကို သိရှိမှတ်မိနေပြီဖြစ်ကာ အိုမီခရွန်မျိုးဗီဇကွဲ ဒါမှမဟုတ် အခြားမျိုးဗီဇကွဲတစ်ခုခု ဝင်ရောက်လာတဲ့အခါ တိုက်ထုတ်နိုင်မှာဖြစ်ပါတယ်။

အမေရိကန်လူမျိုးတဝက်ခန့်ဟာ booster ကိုဗစ်အားမြှင့်ကာကွယ်ဆေးထိုးပြီးသားဖြစ်ပြီး သန်း ၈၀ နီးပါး ကိုဗစ်ရောဂါကူးစက်ဖူးထားပြီဖြစ်ပါတယ်။လေ့လာတွက်ချက်မှုအရ အမေရိကန်ရှိလူပေါင်း ၇၃ ရာခိုင်နှုန်းဟာ အိုမီခရွန်ကိုခုခံနိုင်ပြီဖြစ်ကာ မတ်လလယ်လောက်ရောက်ရင် ၈၀ ရာခိုင်နှုန်းအထိ ရှိလာနိုင်ပါတယ်။

ထိုကြောင့် အဆိုပါခုခံအားရရှိသူတွေမှာ ရောဂါလက္ခဏာမဖြစ်စေဘဲ ခန္ဓာကိုယ်ထဲ ဗိုင်းရပ်စ်လှည့်လည်ရှင်သန်နိုင်ချိန် နည်းပါးသွားမှာဖြစ်ပြီး ဆေးရုံတွေရှိ အထူးကြပ်မတ်ကုသရမှုတွေ လျော့နည်းလာနိုင်ပါတယ်။

ကိုရိုနာဗိုင်းရပ်စ်တွေထဲက လက်ရှိမျိုးဗီဇကွဲနဲ့ နောင်ထွက်ပေါ်လာနိုင်မယ့်မျိုးဗီဇကွဲတွေက အန္တရာယ်ပေးနိုင်ဆဲဖြစ်ပါတယ်။အမေရိကန်မှာ နေ့စဉ် လူပေါင်း ၁၃၀,၀၀၀ ကျော်ကူးစက်လျက်ရှိပြီး ၂ ထောင်ကျော်သေဆုံးနေဆဲဖြစ်ပါတယ်။

ဗိုင်းရပ်စ်ကိုဟန့်တားနိုင်ဖို့ တစ်ကမ္ဘာလုံးမှာ ခုခံအားရရှိအောင်ဆောင်ရွက်ရာမှာ မျိုးဗီဇကွဲအသစ်များထွက်ပေါ်လာခြင်း၊ ကာကွယ်ဆေးခုခံအားစွမ်းရည်ကျဆင်းလာခြင်း၊ အချို့ လူတွေက ကာကွယ်ဆေးထိုးရန်ငြင်းဆန်ခြင်းတို့ကြောင့် အခက်အခဲတွေ ကြုံနေရပါသေးတယ်။

"လာမယ့်နွေရာသီမှာ ထပ်မံကူးစက်မှုတွေဖြစ်ပွားလာခဲ့ရင်တောင် ဆေးရုံတက်ကုသခံယူရမှုနဲ့ အသက်သေဆုံးမှုတွေ များလာတော့မှာမဟုတ်ပါဘူး" လို့ ကျန်းမာရေးမက်ထရစ်အဖွဲ့အစည်းမှ 'မော့ခ်ဒက်'က ပြောကြားလိုက်ပါတယ်။

အခုဆိုရင် အမေရိကန်လူမျိုးအများစုဟာ ကပ်ရောဂါမတိုင်ခင်အခြေအနေအတိုင်း သွားလာလှုပ်ရှားနေကြပြီဖြစ်ပါတယ်။နှာခေါင်းစည်းမဖြစ်မနေတပ်ဆင်ရခြင်းကို လျှော့ချလာကာ အလုပ်သမားဝန်ထမ်းတွေ အလုပ်ခွင်ပြန်ဝင်နေကြပြီး လေကြောင်းလိုင်းတွေမှာလည်း ခရီးသည်တွေ ပြန်လည်သွားလာနေကြပြီဖြစ်ပါတယ်။

ယခုလို ပုံမှန်အတိုင်းပြန်လည်လည်ပတ်ခြင်းက ဘယ်လောက်အထိ ကြာရှည်ခံမလဲဆိုတာနဲ့ နောက်ထပ်ကူးစက်မှု ထပ်ရောက်လာဦးမလားဆိုတာကို ကျွမ်းကျင်သူတွေက ကြိုးစားခန့်မှန်းနေကြပါတယ်။
Source: AP News

#WorldHealth
Published- 19 February 2022
ကိုဗစ်ကာကွယ်ဆေးထိုးနှံခြင်းမရှိဘဲ ကိုဗစ်ရောဂါအပျော့စားမှ အလယ်အလတ်အဆင့်ခံစားရတဲ့ လူလတ်ပိုင်းတွေကို အစာအိမ်အက်ဆစ်ဓာတ်ထိန်းညှိပေးတဲ့ အန်တဆစ်(Antacid)ဆေးဝါးအမျိုးအစား ဖာမိုတဒင်း(Famotidine)ဖြင့် ကုသကြည့်ရာမှာ ရောင်ရမ်းခြင်းနဲ့ ရောဂါလက္ခဏာတွေ အလျင်အမြန်သက်သာလာကြောင်း စမ်းသပ်ချက်တစ်ခုမှာ တွေ့ရှိရပါတယ်။

Pepcid အမှတ်တံဆိပ်ဖြင့် ဖာမိုတဒင်းဆေးတွေဟာ အစာအိမ်အချဉ်တက်ခြင်းဝေဒနာကို သက်သာစေဖို့ အသုံးပြုလေ့ရှိတဲ့ဆေးဖြစ်ပြီး တစ်နေ့သုံးကြိမ်ဖြင့် ၂ ပတ်တာ သောက်သုံးရလေ့ရှိပါတယ်။

ဖာမိုတဒင်းကို Johnson & Johnson ကိုဗစ်ကာကွယ်ဆေးမှာလည်း တွေ့ရှိရပြီး စမ်းသပ်လေ့လာမယ့် လူနာ ၅၅ ဦးရဲ့တဝက်နီးပါးခန့်ကို အသုံးပြုစေခဲ့ပါတယ်။
ကျန်တဲ့လူနာတွေကို အာနိသင်မပါဝင်တဲ့ဆေးများ အသုံးပြုစေခဲ့ပါတယ်။

ဖာမိုတဒင်းအသုံးပြုတဲ့လူနာတွေမှာ ရောဂါလက္ခဏာ ၁၆ မျိုးထဲက ၁၄ မျိုးလောက် အလျင်အမြန်သက်သာလာခဲ့ပြီး အနံ့အရသာပျောက်ခြင်း၊ အသက်ရှူရခက်ခဲခြင်း၊ ဝမ်းဗိုက်အောင့်ခြင်းတို့ ပါဝင်ပါတယ်။

ဒါ့အပြင် လူနာရဲ့ခန္ဓာကိုယ်ခုခံအားစနစ်အပေါ် ဆိုးကျိုးသက်ရောက်ခြင်းမရှိဘဲ ရောင်ရမ်းခြင်းလက္ခဏာတွေကို လျင်မြန်စွာသက်သာလာစေကြောင်း Gut ဂျာနယ်မှာ ဖော်ပြထားပါတယ်။

လေ့လာခဲ့တဲ့လူနာတွေရဲ့ ၃ ပုံ ၁ ပုံက လူမည်းလူမျိုးတွေဖြစ်ပြီး ၄ ပုံ ၁ ပုံက အမေရိကအလယ်ပိုင်းနဲ့တောင်ပိုင်းမှ လူမျိုးများဖြစ်ပါတယ်။

"ကျွန်တော်တို့ မျှဝေခဲ့တဲ့ လေ့လာမှုအချက်အလက်များဖြင့် ကိုဗစ်ရောဂါလူနာတွေမှာ ဖာမိုတဒင်းဆေးဝါးများ အသုံးပြုနိုင်ကြောင်း အနာဂတ်မှာစမ်းသပ်ချက်တွေ ပြုလုပ်နိုင်မှာဖြစ်ပါတယ်" လို့ နော့သ်ဝဲလ်ကျန်းမာရေးနှင့် Cold Spring Harbor ဓာတ်ခွဲခန်းမှ ဦးဆောင်လေ့လာသူ ဒေါက်တာ'တိုဘီယပ်စ်ဂျန်နိုဝစ်ဇ်'က သတင်းစာရှင်းလင်းပွဲမှာ ပြောကြားခဲ့ပါတယ်။
Source: Reuters.

#LocalNews
Published - 18 Feb 2022

မြန်မာနိုင်ငံမှာ ကိုဗစ်မျိုးကွဲသစ် အိုမီခရွန် ကူးစက်ခံရသူ စတင်တွေ့ရှိခဲ့တယ်လို့ ၂၀၂၁ ခုနှစ်၊ ဒီဇင်ဘာ ၂၈ ရက်မှာ ကျန်းမာ ရေးဝန်ကြီးဌာနက ကြေညာခဲ့ပြီး ငါးလအတွင်း ကိုဗစ်ကူးစက်ခံရမှုဟာ အမြင့်ဆုံးသို့ ပြန်ရောက်လာတယ်လို့ ISP Myanmar ၏ သုတေသနစစ်တမ်းတစ်ရပ်မှာ ဖော်ပြခဲ့ပါတယ်။

ကျန်းမာရေးဝန်ကြီးဌာနက အိုမီခရွန်တွေ့ရှိမှုနဲ့ပတ်သက်ပြီး (၁၅)ကြိမ် သတင်းထုတ်ပြန်ထားပြီး ၂၀၂၂ ခုနှစ်၊ ဖေဖော်ဝါရီ ၃ ရက်အထိ နောက်ဆုံးထုတ်ပြန်ချက်အရ ပိုးတွေ့လူနာ ၃၄၈ ဦးရှိခဲ့တယ်လို့ သိရပါတယ်။

သို့သော်လည်း ဖေဖော်ဝါရီ ပထမပတ်နဲ့ ဒုတိယပတ်အတွင်းမှာပဲ အိုမီခရွန် ကူးစက်ခံရတဲ့ လက္ခဏာရှိသူ လူအများစုမှာ ဖြစ်လာတာကြောင့် အိုမီခရွန်ကူးစက်ခံရမှုဟာ နစကရဲ့ ကျန်းမာရေးဝန်ကြီးဌာန၏ ထုတ်ပြန်တဲ့ပမာဏထက် အဆမတန်များပြားပြီး အလျင်အမြန် ကူးစက်ပြန့်နှံ့နေတယ်လို့ ယူဆနိုင်ကြောင်းကိုလည်း ISP Myanmar က ဆိုပါတယ်။

ISP Myanmar ၏ ထုတ်ပြန်ချက်အရ ကျန်းမာရေးဝန်ကြီးဌာန၏ တရားဝင်ကိန်းဂဏန်းတွေကို ဆန်းစစ်ကြည့်ပါက ကိုဗစ်ကူးစက်မှုဟာ ငါးလအတွင်း အမြင့်ဆုံးပြန်ရောက်လာတဲ့အပြင် နောက်ထပ် လှိုင်းတခုဖြစ်မယ့် အသွင်ဆောင်လာတာကို တွေ့ရကြောင်း၊ ဒါ့အပြင် ဒီကူးစက်မှုတွေထဲမှာလည်း ရန်ကုန်တိုင်းအတွင်း ကူးစက်မှုက အများဆုံးဖြစ်လာပြီး ဖေဖော်ဝါရီလ ၁၅ ရက်တာကာလ အတွင်း လူပေါင်း ၆,၉၀၀ နီးပါး ကူးစက်ခံခဲ့ရတယ်လို့ သိရပါတယ်။

တစ်နိုင်ငံလုံးကို ခြုံကြည့်ရင်တော့ ဖေဖော်ဝါရီလ ၁၄ ရက်တာ ကာလအတွင်း ကိုးဗစ်ကူးစက်မှုအားလုံးရဲ့ ၅၄ ရာခိုင်နှုန်းဟာ လူနေထူထပ်တဲ့ ရန်ကုန်တိုင်းအတွင်းမှာဖြစ်တယ်လို့လည်း ISP Myanmar က ဖော်ပြပါတယ်။

ထို့အပြင် ကမ္ဘာ့ကျန်းမာရေးအဖွဲ့ချုပ် (WHO) ကတော့ ကိုဗစ်မျိုးကွဲသစ် အိုမီခရွန်ဟာ မျိုးကွဲတွေထက် ကူးစက်နိုင်ခြေမြင့်မားပြီး ရောဂါလက္ခဏာမပြဘဲ (မပြင်းထန်တဲ့)ကူးစက်ခံရမှု အခြေအနေကတဆင့် အပြင်းအထန် ဖျားနာမှု၊ သေဆုံးမှုအခြေအနေ ကြုံရနိုင်ခြေလည်းရှိကြောင်း သတိပေးထားပါတယ်။

ဒါကြောင့်လည်း အထူးသဖြင့် သက်ကြီးရွယ်အိုတွေ၊ နာတာရှည်ရောဂါအခံရှိသူတွေနဲ့ ကာကွယ်ဆေး မထိုးထားသူတွေ သတိပြုဖို့ အထူးလိုအပ်နေတယ်လို့လည်း ကျန်းမာရေးပညာရှင်တွေက အသိပေးနှိုးဆော်ထားတယ်လို့ ISP Myanmar က ဆိုပါတယ်။

ဒါ့အပြင် ယခုလက်ရှိကာလမှာ ကိုဗစ်အတည်ပြုလူနာသစ်တွေလည်း နေ့စဉ်တိုးမြင့်လာနေတာပါ။ ဖေဖော်ဝါရီ ၁၆ ရက်နေ့နဲ့ ၁၇ ရက်နေ့ နှစ်ရက်ဆက်တိုက် တစ်နေ့ကို လူဦးရေ နှစ်ထောင်ကျော်နှုန်းနဲ့ တွေ့ရှိခဲ့ပြီး လွန်ခဲ့တဲ့ တစ်ပတ်တိတိမှာလည်း တစ်နေ့ကို လူဦးရေ တစ်ထောင်ကျော်နှုန်းနဲ့ လူနာသစ်တွေ့ရှိမှုတွေ တိုးမြင့်လာတာ ဖြစ်ပါတယ်။

အခုလက်ရှိ ရောဂါပိုးတွေ့ရှိမှု ရာခိုင်နှုန်းမှာလည်း မူလ ၁ ရာခိုင်နှုန်းကနေ ၈ ဒသမ ၉၈ ရာခိုင်နှုန်းအထိ မြင့်တက်လာတာတွေ့ရပါတယ်။

ဒါ့အပြင့် ကျန်းမာရေးဝန်ကြီးဌာန၏ နောက်ဆုံးထုတ်ပြန်ထားသော အချက်အလက်များအရ ပြည်တွင်းမှာ
ကိုဗစ်ရောဂါပိုးကူးစက်ခံသူ ၅၅၆, ၂၅၆ ဦးအထိ ရှိနေပြီးဖြစ်တယ်လို့လည်း သိရပါတယ်။

Photo - CJ

ymg/kg
#Yangon_Media_Group

#WorldTech
Published 18 February 2022

ကိုရိုနာဗိုင်းရပ်စ်ကို ကာကွယ်တဲ့နေရာမှာ ပထမဦးဆုံး mRNA အမျိုးအစားကိုဗစ်ကာကွယ်ဆေးကို 'ဖိုင်ဇာ'ကုမ္ပဏီနဲ့ပူးပေါင်းကာ ထုတ်လုပ်နိုင်ခဲ့တဲ့ ဂျာမနီကုမ္ပဏီ'ဘိုင်အိုတက်ခ်'ဟာ အာဖရိကတိုက်မှာ သွားရောက်ပြီး ကာကွယ်ဆေးထုတ်လုပ်နိုင်ရေးရည်ရွယ်ချက်ဖြင့် သင်္ဘောကွန်တိန်နာများထဲတွင် ကာကွယ်ဆေးထုတ်လုပ်ရေး ရွှေ့ပြောင်းဓာတ်ခွဲခန်းတွေကို ပြင်ဆင်လျက်ရှိကြောင်း ဗုဒ္ဓဟူးနေ့က ထုတ်ဖော်ပြသလိုက်ပါတယ်။

#Yangon_Media_Group

Published 18 February 2022

ဒူဘိုင်းရဲ့ မိုးမျှော်တိုက်တွေနှင့် နာမည်ကျော် ကုလားအုတ်အပြေးပြိုင်ပွဲတို့နှင့် အတော့်ကိုကွာခြားတဲ့ မြင်ကွင်းကလေးတစ်ခုပါ။ အဲဒါကတော့ အာရပ်စော်ဘွားများသမ္မတနိုင်ငံ(ယူအေအီး)ရဲ့ နွားသိုးသတ်ပြိုင်ပွဲပဲဖြစ်ပါတယ်။

အဲဒီပွဲဟာ နှစ်ရှည်လများပြုလုပ်လာခဲ့တဲ့ ဒေသရိုးရာပြိုင်ပွဲတစ်ခုဖြစ်ပြီး ဖူဂျေယာ့အရပ်မှာကျင်းပလေ့ရှိတာဖြစ်ပါတယ်။

အဲဒီပြိုင်ပွဲကို လူတွေလည်းသိပ်မသိကြပါဘူး။ နွားရိုင်းသတ်သူတွေက နောက်ဆုံးမှာ နွားရိုင်းကို အသေသတ်အနိုင်ယူပြတဲ့ စပိန်တို့မက္ကဆီကိုတို့မှာတွေ့မြင်ဖူးကြတဲ့ နွားရိုင်းသတ်ပွဲတွေနှင့်လည်း အဲဒီပွဲက မတူပါဘူး။

Source AFP

Published 18 Feb 2022

သောကြာနေ့ကတိုက်ခတ်တဲ့ ယူနိစ်မုန်တိုင်းကုန်းတွင်းဝင်ရောက်လာမှုကြောင့် ဗြိတိန်နိုင်ငံ လန်ဒန်မြို့တော်မှာ  အသက်အန္တရာယ်စိုးရိမ်ရတဲ့အဆင့် ရာသီဥတုသတိပေးချက်ကို မိုးလေဝသဌာနကထုတ်ပြန်ခဲ့ပါတယ်။

တစ်နာရီလျှင် မိုင်(၉၀)နှုန်းနှင့် ညဖက်မှာတိုက်ခိုက်တဲ့ ယူနိစ်မုန်တိုင်းကြောင့် အင်္ဂလန်အနောက်တောင်ပိုင်း ကွန်ဝေါမြို့က အိမ်ရာပေါင်းများစွာဟာ လျှပ်စစ်မီးတွေပြတ်တောက်ကုန်ပါတယ် ။

ဒီမုန်တိုင်းဟာ ဆယ်စုနှစ်(၃)စုနှစ်အတွင်း ဗြိတိန်ရဲ့ အဆိုးရွားဆုံးမုန်တိုင်းတွေထဲက တစ်ခုဖြစ်တယ်လို့ ဘီဘီစီမိုးလေဝသက ပြောပါတယ်။

Source AFP

Published 18 February 2022

အမေရိကန်ပြည်ထောင်စုနှင့် ရုရှားတို့ဟာ ကြာသပတေးနေ့က ကုလသမဂ္ဂလုံခြုံရေးကောင်စီ အစည်းအဝေးမှာ ယူကရိန်း အရေးကိစ္စနှင့်ပတ်သက်လို့ တစ်နိုင်ငံနှင့် တစ်နိုင်ငံ အပြန်အလှန် အပြစ်တင်လက်ညှိုးထိုးခဲ့ကြပါတယ်။  အမေရိကန်က ရုရှားကို ယူကရိန်းနယ်စပ်မှာ တပ်အမြောက်အများချထားတယ်လို့ စွပ်စွဲပြီး  အနောက်ဟာ မင့်စ်သဘောတူညီချက်ကို မလိုက်နာဘူးလို့ ရုရှားကပြန်ပြီးအပြစ်တင်ခဲ့ပါတယ်။

Source CMG

#PhotoNews

#သတင်းဓါတ်ပုံ

Published 18 Feb 2022

နာမည်ကြီးအမှတ်တံဆိပ်ဇိမ်ခံကား Porsches အစီးရေ၁၁၀၀ အပါအဝင် အခြားဇိမ်ခံကားတွေ ထောင်ချီတင်ဆောင်လာတဲ့ Felicity Ace အမည်ရ ကားတင်သင်္ဘောကြီးတစ်စင်းဟာ ကြာသပတေးနေ့က ပေါ်တူဂီနိုင်ငံ အေဇော့ ကမ်းလွန်မှာ မီးလောင်မှုဖြစ်ပွားပြီး ပင်လယ်ထဲမျောပါနေခဲ့ပါတယ်။ မီးဟာ ဗုဒ္ဓဟူးနေ့ မနက်မှာစတင်လောင်ကျွမ်းတာဖြစ်ပြီး သင်္ဘောသား(၂၂)ဦးကို ကယ်တင်လိုက်နိုင်ကြပါတယ်။ သင်္ဘောဟာ ဖေဖော်ဝါရီ၁၀ရက်က ဂျာမနီနိုင်င့ အမ်ဒင်ဆိပ်ကမ်းကထွက်ခွာလာပြီး ဒါဗစ်ဗီလီကို ဗုဒ္ဓဟူးနေ့ဆိုက်ကပ်ဖို့ခရီးစဉ်ရှိခဲ့တာဖြစ်ပါတယ်။

Source:NYTimes

#LocalNews
Published - 18 Feb 2022

ပြည်တွင်းမှာ ကိုဗစ်ရောဂါပိုးကူစက်မှုဟာ ရက်တ္တပတ်အတွင်း လူဦးရေ တစ်သောင်းလေးထောင်ကျော် ကူးစက်ခံနေရပြီး ကိုဗစ်ကူးစက်မှုတွေ ပြန်လည်မြင့်တက်လာပါတယ်။

#Yangon_Media_Group

#LocalNews
Published - 18 Feb 2022

ဒေါ်အောင်ဆန်းစုကြည်ရဲ့ သက်တော်စောင့်ချယ်ရီထက် က သူ့ကို စွဲဆိုထားတဲ့ ဆူပူစေရန်လှုဆော်မှု ရာဇသတ်ကြီးဥပဒေပုဒ်မ ၅၀၅-က နဲ့ ပတ်သက်ပြီး ငြင်းဆိုခဲ့တယ်လို သူ့ရဲ့ ရှေ့နေက YMG ကို ပြောပြပါတယ်။

#Yangon_Media_Group

#LocalNews
Published -18 Feb 2022

၇၅ နှစ်မြောက် ပြည်ထောင်စုနေ့အခမ်းအနားနဲ့ ငြိမ်းချမ်းရေးဆွေးနွေးမှုများတက်ရောက်ခဲ့တဲ့အပေါ် ထုတ်ပြန်ချက်တွေထွက်ပေါ်လာတာဟာ ပုဂ္ဂိုလ်ရေး အာဃာတနဲ့ နိုင်ငံရေးလုပ်ကြံမှုသာဖြစ်တယ်လို့ ဒေါ်စောမြရာဇာလင်းကပြောဆိုလိုက်ပါတယ်။

#Yangon_Media_Group

#LocalNews
Published - 18 Feb 2022
ဒီကနေ့ (ဖေဖော်ဝါရီလ ၁၈ ရက်)၊ မွန်းလွဲပိုင်းအချိန်က မြဝတီ- ကော့ကရိတ် အာရှလမ်းမကြီးတွင် တွဲကားတစ်စီး တိမ်း မှောက်မှု ဖြစ်ပွားခဲ့တယ်လို့ သိရပါတယ်။

အဆိုပါ တွဲကားကုန်တင်ယာဉ် အာရှလမ်းမကြီး၊ ကွမ်းခြံကုန်အဆင်းတွင် လမ်းချော်တိမ်း မှောက်ခဲ့တာ ဖြစ်ပြီး ယင်းဖြစ်စဉ်ကြောင့် လူ ၂ ဦး ထိခိုက်ဒဏ်ရာရခဲ့တယ်လို့ ဆိုပါတယ်။

တွဲကားတိမ်း မှောက်မှု ဖြစ်ပွားရာသို့ ဒေသခံ လူမှုကူညီရေးအဖွဲ့ ဖြစ်တဲ့ သဃ်န်းညီနောင်(မြို့သစ်)၊ လူမှုကယ်ဆယ်ရေးအဖွဲ့ နှင့် ညီနောင် လူမှုကယ်ဆယ်ရေး အဖွဲ့မှ သွား ရောက်၍ ကယ်ဆယ်ရေးလုပ်ငန်းများကို ဆောင်ရွက်ပေးခဲ့ရတာပါ။

ဒါ့အပြင် ယာဉ်တိမ်းမှောက်မှုကြောင့် ထိခိုက် ဒဏ်ရာရရှိသူ(၂)ဦးကိုလည်း မြဝတီဆေးရုံကြီးသို့ ကူညီ ပို့ဆောင်ပေးခဲ့ ကြောင်း အဆိုပါ လူမှုကူညီ ရေးအဖွဲ့က သတင်းထုတ်ပြန်ထားပါတယ်။

ဓါတ်ပုံ - သဃ်န်းညီနောင်
(မြို့သစ်) လူမှုကယ်ဆယ်ရေးအဖွဲ့ ။

ymg/kg
#Yangon_Media_Group