#WorldScience
Published 28 June 2022

အစ္စရေးလ်နိုင်ငံမှ သုတေသီများက ငယ်ရွယ်နုပျိုခြင်းရဲ့လျှို့ဝှက်ချက်ကို ဆယ်စုနှစ် ၂ ခုနီးပါးတိုင်အောင် ရှာဖွေလေ့လာခဲ့ကြပါတယ်။

ဓာတ်ခွဲခန်းထဲမှာ ကြွက်တွေနဲ့စမ်းသပ်ပြီးတဲ့အခါမှာတော့ လူသားတွေရဲ့အလိုဆန္ဒပြည့်မြောက်လာဖွယ်ရှိနေပြီး လူသားတွေရဲ့ကိုယ်တွင်းအင်္ဂါတွေကို ပြန်လည်နုပျိုစေမယ့် အကြောင်းအရာကို သုတေသီများ တွေ့ရှိခဲ့ကြပါတယ်။

အိုမင်းရင့်ရောက်နေတဲ့ အရေပြားကို ငယ်ရွယ်တဲ့ကြွက်တွေမှာ အစားထိုးစမ်းသပ်ခဲ့ရာ အရေပြားအလွှာအားလုံးက မော်လီကျူးဖွဲ့စည်းတည်ဆောက်ပုံတွေကို ပြောင်းလဲခြင်းဖြင့် အရေပြားနဲ့အခြားကိုယ်တွင်း အင်္ဂါများကို ပြန်လည်နုပျိုစေခြင်းဟာ အမှန်တကယ်ဖြစ်လာနိုင်ချေရှိနေကြောင်း သက်သေပြနိုင်ခဲ့ပါတယ်။

ထိုဖြစ်စဉ်တွေမှာ သက်ရှိဆဲလ်များ၊ တစ်ရှူးများ၊ အင်္ဂါများက အခြားသက်ရှိတစ်ကောင်သို့ အစားထိုးနိုင်ပြီး သွေးကြောအသစ်များဖြစ်ပေါ်ခြင်း၊ အရေပြားအပြင်ဘက်ဆုံးအလွှာ ပြန်လည်ကြည်လင်လာခြင်း၊ အသက်အရွယ်အရ အိုမင်းရင့်ရောက်လာတဲ့နေရာတွေမှာ သိသိသာသာတိုးတက်ခြင်းများ တွေ့ရှိခဲ့ကြပါတယ်။

အသက်အရွယ်ကြီးရင့်လာခြင်းက နောက်ဆုံးအသက်သေဆုံးသည်အထိ ဖြစ်စေတာကို လက်ခံနိုင်ပြီဆိုရင် ဒီဖြစ်စဉ်ကို နှောင့်နှေးသွားအောင်နဲ့ ပြောင်းပြန်လုပ်ဆောင်နိုင်သည်အထိ ပြုလုပ်ဖို့အတွက် အင်္ဂါများအိုမင်းလာခြင်းရဲ့အဓိကအကြောင်းအရာများကို ဟန့်တားပြီး မော်လီကျူးဖြစ်စဉ်များအရ ဟန့်တားဖို့နဲ့ ပြောင်းပြန်လုပ်ပစ်နိုင်လောက်တဲ့ စမ်းသပ်မှုမျိုးကို လေ့လာနေကြကြောင်း သုတေသီများက ဖော်ပြခဲ့ကြပါတယ်။

စမ်းသပ်မှုအောင်မြင်ဖို့အတွက် အိုမင်းရင့်ရောက်ခြင်း သုတေသနလုပ်ငန်းများ ဆောင်ရွက်နိုင်ရန်အရေးကြီးနေပြီး ဆဲလ်အဟောင်းတွေကို ဖယ်ရှားနိုင်တဲ့ဆေးတွေကိုလည်း လူသားတွေနဲ့ မစမ်းသပ်ခင် ဓာတ်ခွဲခန်းထဲမှာ တိရိစ္ဆာန်တွေနဲ့ စမ်းသပ်ဖို့ လိုအပ်နေပါတယ်။

လူသားတွေ အသက်ကြီးရင့်လာတဲ့အခါ မြင်သာတဲ့ပြောင်းလဲမှုတွေက အသားအရည်ပြောင်းလဲလာပြီး ဆံပင်ဖြူလာတာဖြစ်ပါတယ်။

ဓာတ်ခွဲခန်းထဲ တိရိစ္ဆာန်တွေနဲ့ စမ်းသပ်မှုတွေရဲ့မော်လီကျူးဖြစ်စဉ်တွေက ပိုမိုပြီးတော့နားလည်သဘောပေါက်လာပြီဖြစ်ကြောင်း သုတေသီများ ဖော်ပြခဲ့ကြပါတယ်။

အိုမင်းရင့်ရော်နေတဲ့ လူသားအရေပြားကို ငယ်ရွယ်တဲ့ကြွက်တွေမှာ အစားထိုးကြည့်တဲ့အခါ လူ့အရေပြားအလွှာအားလုံး ပြန်လည်နုပျိုလာခဲ့ပြီး သွေးကြောအသစ်များလည်း ပေါ်ပေါက်လာခဲ့ပါတယ်။

Source: The Jerusalem Post
#Yangon_Media_Group

#World
Published 27 June 2022

ဘဂ္ဂဒက်မြို့ တာရီယာရင်ပြင်အလယ်မှာ ကားဗုံးပေါက်ကွဲမှုမဖြစ်ပွားခင်က ၇ နှစ်သားအရွယ် 'မိုဟာမက်အလီ'ဆိုတဲ့ကောင်လေးဟာ ဂိုးဖမ်းသမားဖြစ်ဖို့ စိတ်ကူးယဉ်ခဲ့ပါတယ်။

#Yangon_Media_Group

Published 27 June 2022

နှစ်စဉ်ကျင်းပတဲ့ ကမ္ဘာ့ရုပ်အဆိုးဆုံးခွေးပြိုင်ပွဲကို ကာလီဖိုနီးယားပြည်နယ် ပက်တာလူးမားမြို့မှာ  သောကြာနေ့က  ကျင်းပခဲ့ရာမှာ မစ္စတာဟတ်ပီးဖေ့စ် Mr Happy Face လို့အမည်ပေးထားတဲ့ ပန့်စတိုင်အမွေးစုတ်ဖွားနှင့် အမြဲလျှာတစ်လစ်ကလေးနှင့် ဖြစ်နေတဲ့ ခွေးကလေးက ကမ္ဘာ့ရုပ်အဆိုးဆုံးချန်ပီယံဖြစ်သွားပါတယ်။

ပြိုင်ပွဲဝင်ခွေးကလေးတွေ(၉)ကောင်ကို အနိုင်ယူပြီး ၁၇နှစ်သား တရုတ် crested ခွေးကလေးက ဆုရသွားတာဖြစ်ပါတယ်။

မစ္စတာဟတ်ပီးကလေးကို ပြီးခဲ့တဲ့နှစ်က အရီဇုန်းနား Arizona မှာနေတဲ့ အသက်၄၁နှစ်အရွယ် ဂီတသမား ဂျင်နီဒါ ဘင်နယ်လီက ကယ်တင်မွေးစားခဲ့တာပါ။

“ ကပ်ဘေးကာလအတွင်းမှာ ကျွန်မအနေနှင့် ကလေးတစ်ယောက် ဒါမှမဟုတ် ခွေးတစ်ကောင်လောက် မွေးစားရင်ကောင်းမလားဖြစ်မိတယ်။ ကလေးတစ်ယောက်ရဖို့ဆိုတာ ဘုရားပေးမှပဲလေ..အဲဒါကြောင့် ခွေးမွေးစားဖို့ ဆုံးဖြတ်လိုက်တယ်” လို့ ဘင်နယ်လီ က ပြောပါတယ်။

ခွေးစောင့်ရှောက်ရေးဂေဟာရောက်တော့ အသက်ကြီးပြီး ကျန်းမာရေးမကောင်းတဲ့ ခွေးတစ်ကောင်ရှိတယ်လို့ ဂေဟာက ပြောပါတယ်လို့ သူမကပြောပါတယ်။ သူက မွေးရာပါကို အလွန်ရုပ်ဆိုးတဲ့အကောင်လေးလည်းဖြစ်ပါတယ်လို့ သူမက ဆိုပါတယ်။

ဂေဟာဝန်ထမ်းက ကျွန်မကိုပြတော့ သူက အတော်အိုနေပြီ။သူ့အနေနှင့် ဒုတိယအကြိမ်အခွင့်အရေးနှင့် အချစ်ခံဖို့ ထိုက်တန်တယ်လို့ ကျွန်မမြင်တယ်” လို့ သူမကဂုဏ်ယူစွာပြောပါတယ်။

မစ္စတာဟတ်ပီးဟာ သခင်ဆိုးဆိုးနှင့်အရင်ကနေခဲ့ရပြီး လျစ်လျူရှုခံ ညှင်းပန်းနှိပ်စက်ခံခဲ့ရတာပါ၊ တိရိစ္ဆာန်ဆရာဝန်က သူဟာရက်သတ္တပတ်အနည်းငယ်ပဲ အသက်ရှင်တော့မှာလို့တောင် သူမကိုပြောခဲ့ပါတယ်။

မေတ္တာတရားနှင့် မိခင်အနမ်းတွေက သူ့အသက်ကိုဆွဲဆန့်နိုင်ခဲ့တာဖြစ်တယ်လို့လည်း ဘင်နယ်လီက ထပ်ပြောပါတယ်။

သူ့ဝါသနာက အိပ်မယ် တခေါခေါနှင့်ဟောက်မယ် အိပ်ပျော်နေရင်းဟောင်မယ်..ပြီးတော့သူပျော်ရင် ထူးဆန်းတဲ့အသံပေးမယ် လို့ လည်း မစ္စတာဟတ်ပီးရဲ့ပိုင်ရှင်က ပြောပါတယ်။

အမျိုးအစားစုံ အရွယ်စုံခွေးတွေဟာ ကျွန်တော်တို့ရဲ့နှလုံးသားကိုနွေးထွေးစေတယ်။ကျွန်တော်တို့ရဲ့ ဘဝတွေကို အကြွင်းမဲ့ ချစ်ခြင်းမေတ္တာတွေနှင့် ဖြည့်ဆည်းပေးတယ်။ ကမ္ဘာသိဖြစ်တဲ့ ဒီပွဲဟာ ခွေးတွေအားလုံးကို အထူးသီးသန့်ဖြစ်စေတဲ့ မပြည့်စုံမှုကို အောင်ပွဲခံကြတာဖြစ်ပါတယ် လို့ ပြိုင်ပွဲကျင်းပသူတွေက ပြောကြားလိုက်ကြပါတယ်။

Source: AFP

Published 27 June 2022

ကိုလံဘီယာနိုင်ငံတွင် ဇွန်၂၆ ရက် တနင်္ဂနွေနေ့ကနွားသိုးသတ်ပွဲကွင်းတစ်ကွင်းတွင် ပွဲကျင်းပနေစဉ်အတွင်း အထူးတန်းပွဲကြည့်စင်ပြိုကျတဲ့အတွက် အနည်းဆုံး လူလေးဦး သေဆုံးပြီး ၃၀ ဦးဒဏ်ရာရရှိသွားခဲ့ပါတယ်။

“လက်ရှိတော့ အမျိုးသမီး(၂)ဦး၊အမျိုးသား(၁)ဦးနှင့်ကလေး(၁)ဦး သေဆုံးသွားပါတယ်” လို့ အခင်းဖြစ်ပွားတဲ့ ကိုလံဘီယာနိုင်ငံ အလယ်ပိုင်းက အယ်လ်အက်စ်ပီနယ်လ်မြို့ရဲ့ တိုလီမာပိုင်နက်အုပ်ချုပ်ရေးမှူး ဂျို့စ်ရီကာဒိုအိုရော့ဇ်ကိုက ဒေသတွင်းရေဒီယိုဌာနတစ်ခုကို ပြောပါတယ်။

သစ်သားနှင့်ပြုလုပ်ထားတဲ့ သုံးဆင့်ရှိ အထူးတန်းမှာ ပရိသတ်အပြည့်နှင့်ရှိနေတုန်း ပြိုကျသွားတဲ့အတွက် လူဒါဇင်ပေါင်းများစွာဟာ မြေပြင်ပေါ် လွင့်စင်ကျကုန်တာကို ဆိုရှယ်မီဒီယာမှာတင်ထားတဲ့ ရုပ်သံတွေ့မှာတွေ့မြင်ကြရပါတယ်။

အခြားဗွီဒီယိုတစ်ခုမှာတော့ နွားသိုးတွေဟာ ပွဲခင်းထဲမှာ ထင်ရာမြင်ရာ ပြေးလွှားနေတဲ့အချိန် လူတွေဟာ ပွဲကြည့်စင်တွေကနေ လွတ်‌အောင်ထွက်ပြေးကြနေကြတာ တွေ့ကြရပါတယ်။

ကနဦးသတင်းပေးပို့ချက်အရ လူ၃၀လောက် ဒဏ်ရာအပြင်းအထန်ရသွားကြပါတယ်” လို့ အိုရော့ဇ်ကိုက ပြောပါတယ်။

ဒေသဆိုင်ရာ မြို့ပြကာကွယ်ရေးအရာရှိတစ်ဦးဖြစ်တဲ့ လူးဝစ်ဖာနန်ဒိုဗီလက်ဖ်က အပျက်အစီးပုံတွေကြားထဲ လူဘယ်နှယောက်ပိမိနေသလဲဆိုတာ သူမသိဘူးလို့ပြောပါတယ်။

ဒီပွဲဟာ ဆန်ပီဒရိုပွဲတော်နှင့်အတူကျင်းပတဲ့ ပွဲတော်တွေထဲက တစ်ခုဖြစ်ပြီး ဒေသတွင်းမှာ အကျော်ကြားဆုံးဖြစ်ပါတယ်။ ဘာဖြစ်တယ်ဆိုတာ စုံစမ်းစစ်ဆေးဖို့ ကျွန်တော်တို့မေတ္တာရပ်ခံထားတယ်လို့ ရာထူးပြီးဆုံးတော့မယ် ကိုလံဘီယာသမ္မတ အိုင်ဗန်ဒူကေးက တွစ်တာကနေ ရေးသားလိုက်ပြီး သေဆုံးဒဏ်ရာရတဲ့မိသားစုနှင့်အတူ ထပ်တူကြေကွဲရတယ်လို့ပြောလိုက်ပါတယ်။

Source AFP

#Local_News
Published - 27 June 2022

ခေတ်လက်ရာဗုဒ္ဓဆင်းတုတော်များ၊ ရုပ်တုဆင်းခေတ်လက်ရာဗုဒ္ဓဆင်းတုတော်များ၊ ရုပ်တုဆင်း တုတော်များ အပါအဝင်မြန်မာမှုအနုပညာပစ္စည်းသစ်များကို သယ်ဆောင်လိုပါက ရှေးဟောင်းဝတ္ထုပစ္စည်းမဟုတ်ကြောင်း ထောက်ခံချက်လျှောက်ထားဖို့လိုတယ်လို့ ရှေးဟောင်းသုတေသနနှင့် အမျိုးသားပြတိုက်ဦးစီးဌာနကနေ သိရပါတယ်။

#Yangon_Media_Group

#Local_News
Published - 27 June 2022

မွန်ပြည်နယ်မှာ သွေးလွန်တုပ်ကွေးရောဂါဖြစ်ပွားသူ တစ်ထောင်နီးပါးခန့်ရှိပြီဖြစ်ပြီး သွေးလွန်တုပ်ကွေးကြောင့် လူနာတစ်ဦးသေဆုံးခဲ့တယ်လို့ မွန်ပြည်နယ်၊ ပြည်သူ့ကျန်းမာရေးနှင့်ကုသရေးဦးစီးဌာနမှ သိရပါတယ်၊၊

#Yangon_Media_Group

#LocalNews
Published_27 June 2022

MOU အလုပ်သမားများ ယနေ့ ဇွန်လ ၂၇ ရက်တွင် ထိုင်းနိုင်ငံသို့ ကော့သောင်း - ရနောင်း ရေလမ်းကြောင်းကတစ်ဆင့် အလုပ်သမားအရေအတွက် ၈၄ ဦး ထပ်မံသွားရောက်ကြကြောင်း သိရသည်။

ယင်းတို့မှာ ဘန်ကောက်မြို့မှာရှိတဲ့ ဆောက်လုပ်ရေးလုပ်ငန်းခွင်တွင် လုပ်ကိုင်ရန် ခေါ်ယူခြင်းခံထားရသူများဖြစ်ကြောင်း၊ မနက်ဖြန် ဇွန်လ ၂၈ ရက်တွင်လည်း အလုပ်သမား ၁၀၄ ဦး ထပ်မံစေလွှတ်ဖို့ရှိနေကြောင်း အလုပ်သမားဝန်ကြီးဌာနက သိရသည်။

ထိုင်း-မြန်မာ နှစ်နိုင်ငံသဘောတူစာချုပ် MOU ဖြင့် ကော့သောင်းမြို့မ ဆိပ်ခံတံတားက ထိုင်းနိုင်ငံ ရနောင်းမြို့ဘက်ခြမ်းသို့ ပို့ဆောင်မှုမှာ ဇွန်လအတွင်း (၄)ကြိမ် ရှိပြီ ဖြစ်ကြောင်းနှင့် အလုပ်သမား ၃၀၀ ရှိပြီဖြစ်သည်။

ymg/mt
#Yangon_Media_Group

#LocalNews
Published _ 27 June 2022

ဗိုလ်ချုပ်အောင်ဆန်းပြတိုက်(ရန်ကုန်)တွင် ၇၅ နှစ်မြောက် အာဇာနည်နေ့အထိမ်းအမှတ်အဖြစ် အထူးပြပွဲအား ခင်းကျင်းပြသသွားမည်ဖြစ်သောကြောင့် ကြိုတင်ပြင်ဆင်မှုလုပ်ငန်းများအား ပြုလုပ်လျက်ရှိနေကြောင်း သိရသည်။

ယင်းပြင်ဆင်မှုများကြောင့် ပြတိုက်ကို ဇွန်လ ၂၅ ရက်မှ ဇူလိုင်လ ၁၈ ရက်အထိ ခေတ္တပိတ်ထားမည်ဖြစ်ကြောင်း ရှေးဟောင်း သုတေသနနှင့် အမျိုးသားပြတိုက်ဦးစီးဌာနမှ သိရသည်။

ကြိုတင်ပြင်ဆင်မှုများပြုလုပ်ပြီးနောက် အာဇာနည်နေ့တွင် ဗိုလ်ချုပ်အောင်ဆန်းပြတိုက် (ရန်ကုန်)နှင့် ဗိုလ်ချုပ်အောင်ဆန်းနေအိမ်ပြတိုက်(နတ်မောက်)တို့ကို ယခင်နှစ်တွေနှင့်နည်းတူ အခမဲ့ ဝင်ရောက်လေ့လာခွင့်ပြုသွားမည်ဖြစ်ကြောင်း ယင်းမှ အသိပေးကြေညာခဲ့သည်။

ymg/NN
#Yangon_Media_Group

Published 27 June 2022

မူးယစ်ဆေးဝါးတိုက်ဖျက်ရေးလုပ်ဆောင်ရာမှာ နစကနှင့်ပူးပေါင်းဆောင်ရွက်သွားမယ်လို့ “ဝ” အထူးဒေသ(၂)ရဲ့ စစ်ဒေသ(၁၇၁) ဒုတိယနိုင်ငံရေးမှူး ဦးညီကပ်ကပြောပါတယ်။မူးယစ်ဆေးဝါး တိုက်ဖျက်ရေးမလုပ်ရင် ပြည်သူတွေ ပျက်စီးမယ်၊တိုင်းပြည်ပျက်စီလိမ့်မယ်လို့လည်း သူကပြောပါတယ်။ တာချီလိတ် ဒေသခံမီဒီယာဖြစ်တဲ့ တာချီလိတ်သတင်းမဏ္ဍိုင်က မေးမြန်းရာမှာ “ဝ” တပ်ဖွဲ့ ဒုတိယနိုင်ငံရေးမှူးက အဲသလို ပြောကြားခဲ့တာဖြစ်ပါတယ်။

တာချီလိတ်သတင်းမဏ္ဍိုင်က YMG ကိုပေးပို့တဲ့ ဦးညီကပ်နှင့် အင်တာဗျူးအပြည့်အစုံကိုဖော်ပြပေးလိုက်ပါတယ်။

Source YMG/တာချီလိတ်သတင်းမဏ္ဍိုင်

#LocalNews
Published - 27 June 2022

ပြည်တွင်းကြက်သွန်နီစျေးကွက်မှာ လက်ရှိတွင် စျေးပြန်လည်ကျဆင်းနေပြီဖြစ်ကြောင်း ဘုရင့်နောင်ကုန်စည်ဒိုင်မှ သိရသည်။

ပြီးခဲ့သည့်ကြက်သွန်နီဈေးနှုန်းမှာ အမြင့်ပိုင်းသို့ ရောက်ရှိနေပြီး ရန်ကုန်ဈေးကွက်အတွင်း၌ တရုတ်ကြက်သွန်များ ပြန်လည်ဝင်ရောက်လာသည့်အတွက် ပြည်တွင်းကြက်သွန်နီဈေး အနည်းငယ် ပြန်လည်ကျဆင်းခြင်းဖြစ်ကြောင်း သိရသည်။

ရန်ကုန်ကြက်သွန်စျေးကွက်မှာ ပြီးခဲ့သည့် မေလနှောင်းပိုင်းတွင် တပိဿာ ကျပ် ၅၀၀ မှ ကျပ် ၈၀၀ ကြားသာရှိခဲ့ပြီး ဇွန်လဆန်းပိုင်းမှစတင်ပြီး တရိပ်ရိပ် မြင့်တက်လာခဲ့ရာ အရည်အသွေးအလိုက် တပိဿာ ကျပ် ၁,၃၀၀ မှ ကျပ် ၂,၀၀၀ ကျော်ထိ ရောက်ရှိခဲ့ကြောင်း သိရသည်။

လက်ရှိတွင် ရန်ကုန်ဘုရင့်နောင်ကုန်စည်ဒိုင်သို့ နယ်ဒေသအသီးသီးမှ ကြက်သွန်များ အဝင်ပြန်များလာသည့်အပြင် တရုတ်ကြက်သွန်များသည်လည်း ဝင်ရောက်လာမှုကြောင့် တပိဿာလျှင် အရည်အသွေးပေါ် မူတည်ပြီး ကျပ် ၁,၁၀၀ မှ ကျပ် ၁,၈၀၀ ကြား ပြန်လည်ကျဆင်းသွားကြောင်း သိရသည်။

ပြည်ပဝယ်လိုအား ပြန်လည်အားကောင်းလာပါက ပြည်တွင်းကြက်သွန်နီဈေး စံချိန်တင် မြင့်တက်နိုင်သော်လည်း ယခုနှစ် ကြက်သွန်တင်ပို့မှုမှာ ပြီးခဲ့သည့် နှစ်တွေထက် သိသိသာသာ လျော့နည်းကျဆင်းနေကြောင်း သိရသည်။

မြန်မာ့ကြက်သွန်ကို တရုတ်အပါအဝင် ထိုင်းနဲ့ ဘင်္ဂလားဒေ့်ရှ်နိုင်ငံတို့မှ အဓိက ဝယ်ယူလေ့ ရှိကြောင်း သိရသည်။

ymg/sth
#Yangon_Media_Group

#Local_News
Published - 27 June 2022

စင်ကာပူ တိရစ္ဆာန်ဥယျာဥ် (Singapore Zoo) မှ တိရစ္ဆာန်ဥယျာဉ်(ရန်ကုန်)သို့ ၂၀၀၆ ခုနှစ်၊ ဇွန်လ (၅) ရက်နေ့တွင် စတင်ရောက်ရှိခဲ့သည့် အမေရိကန်ကျားသစ်မ မေရီကို Ultrasound ရိုက်ကူးပြီး ရောဂါရှာဖွေစစ်ဆေးရာ Tumor အလုံးများနှင့် အရည်များစွာရှိနေသည်ကို စစ်ဆေးတွေ့ရှိခဲ့ရပြီး Tumor အလုံးများ လျော့ကျအောင်ဆောင်ရွက်နေကြောင်း တိရစ္ဆာန်ဥယျာဉ်(ရန်ကုန်)ရဲ့ ထုတ်ပြန်ချက်အရ သိရသည်၊၊

မေရီ၏ ခန္ဓာကိုယ်ဝမ်းဗိုက်ပိုင်း အဆီပြင်မှာ ဖောင်းကားလာပြီး အမြောင်းသဏ္ဍန် ဖြစ်ပေါ်လာ၍ သက်ဆိုင်ရာ ရောဂါရှာဖွေရေးဌာနမှ တာဝန်ရှိဆရာဝန်များ၏ ဦးဆောင်မှုနှင့် တိရစ္ဆာန် ဥယျာဉ်(ရန်ကုန်)ရှိ တိရစ္ဆာန်ထိန်းသိမ်းမွေးမြူရေးနှင့် ဆေးကုသရေးဌာနမှ တာဝန်ရှိဆရာဝန်များမှ ပူးပေါင်း၍ Ultrasound ရိုက်ကူးပြီး ရောဂါရှာဖွေ စစ်ဆေးခဲ့ကြခြင်းဖြစ်သည်၊၊

အသက်အရွယ်ကြီးရင့်လာသည်နှင့်အမျှ ကျားသစ်မကြီးရဲ့ အူမကြီး (Large Intestine) နံရံများမှာ မစင်အညစ်အကြေးများစွာ ကပ်ငြိလာခြင်းကြောင့် နံရံများမှာ ပိုမိုထူထဲလာပြီး Tumor အလုံးများနှင့် အရည်များစွာ ရှိနေသည်ကို စစ်ဆေးတွေ့ရှိခဲ့ရကြောင်း ဖော်ပြထားသည်၊၊

ကျားသစ်မကြီးရဲ့ အသက်အရွယ်အရ ခွဲစိတ်ရန်မသင့်လျော်တော့သည့်အတွက် အစားအသောက်ပုံစံပြောင်းလဲခြင်း၊ ကိုယ်လက်လှုပ်ရှား ပိုမိုရရှိအောင် ဆောင်ရွက်ခြင်း၊ Laxative အမျိုးအစားဆေးဝါးများသုံးစွဲပြီး အူမကြီးနံရံရှိ အညစ်အကြေးများနဲ့ အလုံး (Tumor) များကို ပမာဏတစ်ခုထိ လျှော့ကျသွားအောင် စီစဉ်ဆောင်ရွက်လျှက်ရှိကြောင်းသိရသည်၊၊

ယခုအခါမှာ အမေရိကန်ကျားသစ်မကြီး မေရီမှာ ကျန်းမာသွက်လက်လျှက်ရှိပြီး သူမအား Vitamin & Mineral ဓါတ်များ ပိုမိုရရှိစေရန် စီစဉ်ဆောင်ရွက်လျှက်ရှိပြီး အစာအာဟာရအနေဖြင့် အမဲသားနှင့် ပင်လယ်ငါးများကို ကျွေးမွေးထားရှိပြီး နေ့စဉ် ဆီး၊ ဝမ်းနှင့် လှုပ်ရှားမှု၊ စားသောက်မှုပုံစံများကို အနီးကပ်စစ်ဆေးပြီး ပြုစုစောင့်ရှောက်လျှက်ရှိကြောင်း ဖော်ပြပါရှိသည်၊၊

အမေရိကန်ကျားသစ် (Jaguar) များဟာ သဘာဝထဲတွင် သက်တမ်း (၁၁−၁၂) နှစ်ခန့်နေထိုင်နိုင်ပြီး မွေးမြူထိန်းသိမ်းထားသည့် နေရာများတွင် သက်တမ်း (၂၀−၂၈) နှစ် ခန့်ထိသာ နေထိုင်နိုင်သောကြောင့် အသက်(၁၈)နှစ်ရှိသည့် မေရီဟာ သက်ကြီးတိရစ္ဆာန် စာရင်းဝင်နေပြီဖြစ်ကြောင်းသိရသည်၊၊

ymg/tthl
#Yangon_Media_Group

#DailyNews
Published - 28 June 2022

၁။ မွန်ပြည်နယ်တွင် ပြင်းထန်သွေးလွန်တုပ်ကွေးရောဂါ ဖြစ်ပွားသူများပြား

၂။ ဗုဒ္ဓဆင်းတုတော်များအပါအဝင် မြန်မာမှုအနုပညာပစ္စည်းများ သယ်ဆောင်လိုပါက ထောက်ခံချက်လျှောက်ထားရမည်

၃။ နေ့စဉ်မိုးလေဝသသတင်း။

၄။ ခြေလက်မရှိသည့် ဘောလုံးသမားများဖြင့် ဖွဲ့စည်းထားသည့် အီရတ်ဘောလုံးအသင်း... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group