#Local_News
Published_ 2 November 2022

နောင်တက်လာတဲ့အစိုးရလည်း တက်လာချိန်မှာ ကျွန်တော်တို့အစိုးရကို ဝေဖန်လိမ့်မယ်၊ ကျွန်တော်တို့လည်း ပြီးခဲ့တဲ့အစိုးရတွေကို ဝေဖန်ခဲ့တယ်လို့ နစက ဥက္ကဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က နိုဝင်ဘာ (၁) ရက်က ကျင်းပခဲ့တဲ့ ပြည်ထောင်စုအစိုးရအဖွဲ့ အစည်းအဝေးမှာ ပြောကြားခဲ့ပါတယ်။

ဆက်လက်၍ နစကဥက္ကဌက သက်ဆိုင်ရာပြည်ထောင်စုဝန်ကြီးဌာန များရော၊ ဝန်ကြီးချုပ်များကနေ ပြီးတော့အမြဲတမ်း ထည့်သွင်းစဉ်းစားပြီးတော့မှ ဦးစားပေးအနေနဲ့ စားရေရိက္ခာပေါများရေး၊ ထွက်လာတဲ့ဟာများများရောင်းရလို့ရှိရင် တိုင်းပြည်ဝင်ငွေရရင် တိုင်းပြည်သာယာ ဝပြောမှုဖြစ်မှာပဲ။ တိုင်းပြည်သာယာဝပြောတယ်ဆိုတာ ငွေချမ်းသာဖို့လည်း ရှိလိမ့်မယ်။ စိတ်ချမ်းသာဖို့လည်းလိုတယ်။ ငွေချမ်းသာဖို့၊ စိတ်ချမ်းသာဖို့လိုတယ်။ တရား ဥပဒေစိုးမိုးရေးဖြစ်ဖို့လည်းလိုတယ်။ ဒါမှ တိုင်းပြည်သာယာဝပြောမှာပေါ့။ ဒါမှမဟုတ်ရင် ကျွန်တော်တို့က တပူပူနဲ့။ ငွေကတော့ ချမ်းသာပါတယ်၊ လုံခြုံမှုမရှိလို့ရှိရင် အထုပ်ပိုက်ပြီးတော့ ကင်းစောင့်ပြီး အိပ်နေရမှာပေါ့။ ငါ့ပစ္စည်း ဘယ်အချိန် ဘာလုမလဲဆိုပြီး ဖြစ်နေရမှာ။ ဒါတွေကလည်း ရှိသေးတာပေါ့။ ရည်မှန်းချက်က တကယ့်ကို တိုင်းပြည်အတွက်ဖြစ်သင့်တဲ့ ရည်မှန်းချက်ပါ။ တိုင်းပြည် သာယာဝ ပြောရေးနဲ့ စားရေရိက္ခာပေါများရေး။ ဒါကို ကျွန်တော်တို့ သွားရမှာဖြစ်ပါတယ်။ ဒါကြောင့် စားရေရိက္ခာပေါများရေးတော့ ပြည်နယ်နဲ့တိုင်း ဝန်ကြီးချုပ်များရော ပြည်ထောင်စု ဝန်ကြီးများရော သက်ဆိုင်ရာ ကဏ္ဍအလိုက် လုပ်ပေးကြဖို့ ပြောလိုတယ်လို့ ပြောပါတယ်။

ထို့ပြင် "တိုင်းပြည်သာယာဝပြောရေး ဆိုလို့ရှိရင်လည်း တရားဥပဒေ စိုးမိုးရေးနဲ့ ခုနကပြောတဲ့ ထွက်ကုန်ပစ္စည်းတွေ များများလုပ်ပြီး တော့မှ ပြည်သူလူထု ဝင်ငွေရရှိရေး၊ ပြည်သူလူထုချမ်းသာရေး လုပ်ပေးဖို့က ကျွန်တော်တို့ လုပ်ဖို့ လိုပါတယ်။ ဒါဆိုလို့ ရှိရင်တော့ ကျွန်တော်တို့ရဲ့ အစိုးရရဲ့တာဝန် ကျေတယ်လို့ ပြောချင်ပါတယ်။ အဲ့လိုမဟုတ်ရင်တော့ အစိုးရရဲ့ တာဝန်မကျေဘူး။ ကျွန်တော်တို့ လုပ်သွားတဲ့ဟာကို မှတ်ကျောက်တင်နေတာပဲ" လို့ ဆိုပါတယ်။

နိုင်ငံတော်အနေဖြင့် နိုင်ငံခြားငွေရရှိရေးအတွက် ပြည်ပပို့ကုန်များ တိုးမြှင့်တင်ပို့ နိုင်ရန် သက်ဆိုင်ရာဝန်ကြီးဌာနများအနေဖြင့် ကြိုးပမ်းဆောင်ရွက်သွားရန် လိုအပ် ကြောင်း၊ ပြည်ပနိုင်ငံများ၏ လိုအပ်ချက်များကို သိရှိအောင်ကြိုးစားပြီး နိုင်ငံခြားဈေးကွက် ရရှိအောင် ဖော်ဆောင်၍ နိုင်ငံ၏စီးပွားရေးတိုးတက်အောင် ဆောင်ရွက်သွားကြရန် တိုက်တွန်းပြောကြားခဲ့ပါတယ်။

ygm_mnn
#Yangon_Media_Group

Published 1 Nov 2022

၁၇ ကြိမ်မြောက် ကမ္ဘာ့ဆဲလ်ဆာပွဲတော် World Salsa Festivalကို ကိုလံဘီယာနိုင်ငံ ကာလီမြို့မှာ ကျင်းပသွားခဲ့ပါတယ်။

ကချေသည်တွေပါတဲ့ နိုင်ငံတကာ ကိုယ်စားလှယ်အဖွဲ့(၂၀)ကျော်ဟာ ဆဲလ်ဆာပွဲတော်မှာ လာရောက်ဆင်နွှဲယှဉ်ပြိုင်ခဲ့ကြပါတယ်။

ပွဲတော်မှာ အမျိုးအစားများစွာပါဝင်ပြီး ပညာရှင်အဆင့်အစ၊ အပျော်တမ်းအဆင့်အလယ်၊ ကလေးသူငယ်အဆင့်အဆုံး များပြားလှပါတယ်။

အဲဒီများပြားလှတဲ့ အမျိုးအစားအလိုက် ကချေသည်ပေါင်း လေးထောင်ခန့် ယှဉ်ပိုင်ကြပါတယ်။ အိမ်ရှင်ဒေသတွေဖြစ်တဲ့ ကျူဘားနှင့် ကာဘရက်တို့က ကာလေနိုလို့ အကအမျိုးအစားတွေလည်း ပါဝင်ပါတယ်။

ပွဲတော်ကို အောက်တိုဘာ ၂၆ မှ အောက်တိုဘာ ၃၀ ရက်အထိ ငါးရက်ကြာ ကျင်းပခဲ့ကြပြီး  ယခုပွဲဟာ ကျင်းပခဲ့သမျှ  ထဲမှာ လူအများဆုံးတက်ရောက်ကြတဲ့ပွဲလို့ စီစဉ်သူတွေကပြောပါတယ်။

ပြိုင်ပွဲဝင်အများဆုံးနိုင်ငံတွေထဲမှာ ပေါ်တိုရီကိုကထိပ်ဆုံးက ဖြစ်ပြီး ကချေသည် ၁၀၀ ဦး ယှဉ်ပြိုင်ပါတယ်။ ဗင်နီဇွဲလားက ၆၂ ဦးနှင့် အီကွေဒေါက ၁၅ ဦးယှဉ်ပြိုင်ကြပါတယ်။

အကပြိုင်ပွဲကိုတော့ ကာလီမှာ (၂)ရက်ကြာ ကျင်းပခဲ့ရာမှာ ဆန်းကြယ်အံ့မခန်းစရာ အကတွေနှင့် စိတ်လှုပ်ရားစရာ တင်ဆက်သွားခဲ့ကြပါတယ်။

ဆဲလ်ဆာဟာ တောင်အမေရိကားနှင့် ကာရစ်ဘီယံတို့မှာ အလွန့်ကိုလူကြိုက်များပါတယ်။  ကျူဘား ဆဲလ်ဆာစတိုင်နှင့် ဆဲလ်ဆာ ရူအီဒါတို့ဟာ အဓိကစတိုင်(၆)မျိုးထဲက နှစ်မျိုးဖြစ်ပါတယ်။

Source: AFP

#World_Salsa_Festival

#Salsa_dances

#Cali_Colombia

#Local_News
Published _1 November 2022

တန်ဆောင်တိုင် ပွဲတော်ကာလအတွက် ကမ်းခြေတွေဖြစ်တဲ့ ငွေဆောင် ၊ ချောင်းသာနဲ့ ငပလီကမ်းခြေတွေက ဟိုတယ်တွေမှာ အခန်းလွတ်မရှိတော့လောက်အောင် ဘွတ်ကင်ပြည့်နေပြီလို့ သိရပါတယ်။

 
#Yangon_Media_Group

#FIFA_WorldCup
Published 1 Nov 2022

လာမယ့် ၃ ပတ်အတွင်းကျင်းပတော့မယ့် ဖီဖာကမ္ဘာ့ဖလားဘောလုံးပြိုင်ပွဲအတွက် အခြေခံအဆောက်အအုံနေရာများ ထားရှိထားပြီဖြစ်ကြောင်း ကာတာနိုင်ငံက ပြောကြားလိုက်ပါတယ်။

 
#Yangon_Media_Group

#Local_News
Published_1 November 2022

ယခုဘဏ္ဍာနှစ်ရဲ့ ဧပြီလ ၁ ရက်ကနေ အောက်တိုဘာ ၂၁ ရက်အထိ ပြည်ပကို ရေထွက်ကုန်ပစ္စည်းတင်ပို့မှုမှ အမေရိကန်ဒေါ်လာ ၃၉၀ ဒသမ ၆၈ သန်းရရှိထားတယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနရဲ့ ဖော်ပြထားတဲ့ စာရင်းတွေအရ သိရပါတယ်။

 
#Yangon_Media_Group

#Local_News
Published _ 1 November 2022

ပြင်ပတွင်ဝယ်ယူရတဲ့ စားအုန်းဆီတစ်ပိဿာဈေးနှုန်းက လက်ရှိမှာ ၆၈၀၀ ကျပ်ကို ပြန်လည်ကျဆင်းနေပြီလို့ ကုန်စုံဆိုင်တွေကနေတစ်ဆင့် သိရပါတယ်။

 
#Yangon_Media_Group

#Local_News
Published_1 November 2022

တရုတ်နိုင်ငံကဆိပ်ကမ်းတွေနဲ့ မြန်မာနိုင်ငံက ရန်ကုန်ဆိပ်ကမ်းကို တိုက်ရိုက်သွားလာနိုင်မယ့် ရေလမ်းကြောင်းသစ်တစ်ခု တရားဝင်ဖွင့်လှစ်လိုက်ပြီဖြစ်တယ်လို့ မြန်မာနိုင်ငံဆိုင်ရာတရုတ်သံရုံးမှ သိရပါတယ်၊၊

 
#Yangon_Media_Group

#DailyNews
Published _ 1 November 2022

၁။ တရုတ်-မြန်မာ တိုက်ရိုက်ရေလမ်းကြောင်းသစ် တရားဝင်ဖွင့်လှစ်၊ ချင်းကျိုးမှ ရန်ကုန်မြို့သို့(၁၂)ရက်အတွင်း ရောက်မည်

၂။ စားအုံးဆီဈေးနှုန်း ပြင်ပဈေးကွက်တွင် ၇၀၀၀ ကျပ်ဝန်းကျင်အထိ ပြန်လည်ကျဆင်းလာ

၃။ ပြည်ပသို့ရေထွက်ကုန်ပစ္စည်းတင်ပို့မှု ကန်ဒေါ်လာ ၃၉၀ ဒသမ ၆၈ သန်းရရှိထား

၄။ ကမ္ဘာ့ဖလားပြိုင်ပွဲကျင်းပရန် လိုအပ်သည့်ပြင်ဆင်မှု အားလုံးနီးပါး ကာတာတွင် ဆောက်လုပ်ပြီးစီး... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published _1 November 2022

သွင်းကုန်လုပ်ငန်းရှင်တွေအနေနဲ့ ဒီကနေ့ နိုဝင်ဘာလတစ်ရက်နေ့ကစပြီးတော့ ဘဏ်ထဲမှာ ငွေပြနိုင်မှ တင်သွင်းလို့ရတော့မယ်လို့ သိရပါတယ်။

 
#Yangon_Media_Group

#Local_News
Published _1 November 2022

အောက်တိုဘာ ၁ ရက်မှ ၃၁ ရက်အတွင်း တောင်ကိုရီးယားနိုင်ငံသို့အစိုးရပြည်ပအလုပ်အကိုင် အေဂျင်စီမှ တစ်ဆင့် EPS စနစ်ဖြင့် အလုပ်သမား စုစုပေါင်း ၁၂၇၉ ဦး တရားဝင် ပို့ဆောင်ထားကြောင်း ဆိုးလ်မြို့ မြန်မာသံရုံးမှထုတ်ပြန်ထားသည်။

အောက်တိုဘာ ၄ ရက်တွင် လုပ်သားသစ် ၁၂၈ ဦး ၊ ၆ ရက်တွင် လုပ်သားသစ် ၁၂၄ ဦး ၊ ၁၁ ရက်တွင် လုပ်သားသစ် ၁၂၀ ဦး ၊ ၁၃ ရက်တွင် လုပ်သားသစ် ၁၄၈ ဦး ၊ ၁၈ ရက်တွင် လုပ်သားသစ် ၁၅၀ ဦး ၊ ၂၀ ရက်တွင် လုပ်သားသစ် ၁၇၈ ဦး နှင့် ၂၅ ရက်တွင် လုပ်သားသစ် ၁၄၈ ဦး ၊ အောက်တိုဘာ ၂၇ ရက်တွင် လုပ်သားသစ် ၁၇၃ ဦးနှင့် အောက်တိုဘာ ၃၁ ရက်တွင် လုပ်သားသစ် ၁၀၉ ဦးကို ပို့ဆောင်ပေးထားခြင်းဖြစ်ကြောင်း သိရသည်။

ယင်းအပြင် မြန်မာလုပ်သားဟောင်းများအပါအဝင် လုပ်သားဟောင်း ၅၀ ကျော် နှင့် ကုန်ထုတ်လုပ်သားသစ် ၈၀ ကျော် စုစုပေါင်း လုပ်သား ၁၄၀ နီးပါးကို နိုဝင်ဘာလဆန်းတွင် စေလွှတ်သွားမည်ဟု အလုပ်သမားညွှန်ကြားရေးဦးစီးဌာနအောက်ရှိ အစိုးရပြည်ပအလုပ်အကိုင်အေဂျင်စီ (POEA) က ထုတ်ပြန်ကြေညာထားသည်။

တောင်ကိုရီးယားနိုင်ငံသို သွားရောက်အလုပ်လုပ်ကိုင်သည့် အလုပ်သမားအများစုသည် ကုန်ထုတ်လုပ်သား ၊ ကုန်ထုတ် Re-entry လုပ်သား၊ စိုက်ပျိုးရေးနှင့် မွေးမြူရေး Re-entry လုပ်သားများအဖြစ် ဝင်ရောက်လုပ်ကိုင်နေကြခြင်းဖြစ်သည်။

#ymg/sth
#Yangon_Media_Group

#Local_News
Published _ 1 November 2022

ဂျပန်နိုင်ငံရှိ ကုမ္ပဏီများ၌အလုပ်လုပ်ကိုင်ရန် မြန်မာလုပ်သား အမျိုးသား ၃၀၇ ဦးနဲ့ အမျိုးသမီး ၃၈၉ ဦး စုစုပေါင်း ၆၉၆ ဦးခေါ်သွားရန် အလုပ်ကမ်းလှမ်းစာ ၁၈၀ စောင်ရရှိထားကြောင်း ဂျပန်နိုင်ငံဆိုင်ရာ မြန်မာသံရုံး၊ တိုကျိုမြို့က အောက်တိုဘာလ ၃၁ ရက် ရက်စွဲဖြင့် ထုတ်ပြန်ခဲ့သည်။

အဆိုပါ အလုပ်ကမ်းလှမ်းစာ ၁၈၀ စောင်အား မြန်မာသံရုံး၊ တိုကျိုမြို့က အောက်တိုဘာလ ၁၇ ရက်မှ ၃၁ ရက်အတွင်းစိစစ်ပြီးနောက် ယင်းကမ်းလှမ်းစာများနှင့်ပတ်သက်သည့် အချက်အလက်များအား နိုင်ငံခြား ရေးဝန်ကြီးဌာနသို့ ပေးပို့ပြန်ကြားခဲ့ခြင်းဖြစ် သည်။

ထိုအလုပ်ကမ်းလှမ်းစာများသည် အလုပ်သမားဝန်ကြီးဌာနက နိုင်ငံခြားရေးဝန်ကြီး ဌာနမှတဆင့် ပေးပို့လာခြင်းဖြစ်၍ အလုပ်ကမ်းလှမ်းစာ (Demand Letter)များကို အချိန်နှင့်တစ်ပြေးညီ စိစစ်ဆောင်ရွက်ပေးခဲ့သည်။

ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူသည့် စက်ရုံ၊ ကုမ္ပဏီများသည် ဂျပန်နိုင်ငံ၌ တရားဝင်တည်ထောင်ထားခြင်း ရှိ၊ မရှိနှင့်စာရွက်စာတမ်းအထောက်အထားများအားစိစစ်၍ တွေ့ရှိချက်များ၊ သဘောထားမှတ်ချက်များကို နိုင်ငံခြားရေးဝန်ကြီးဌာနမှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့ခဲ့ခြင်းဖြစ်သည်။

အဆိုပါ အလုပ်ကမ်းလှမ်းစာ ၁၈၀ စောင်အတွက် မြန်မာနိုင်ငံရှိ ပြည်ပအလုပ်အကိုင်ရှာဖွေရေး တရားဝင်လိုင်စင်ရ ကုမ္ပဏီများက မြန်မာအလုပ်သမားများအား စေလွှတ်သွားမည်ဖြစ်ကြောင်းလည်း သိရှိရသည်။

#ymg/NN
#Yangon_Media_Group

#Local_News
Published_1 Nov 2022

စင်ကာပူနိုင်ငံ၊ Resorts World Sentosa Convention Centre ၌ အောက်တိုဘာ (၂၈) ရက်တွင် ကျင်းပသည့် အာရှနှင့် သမုဒ္ဒရာဒေသရှိ သတင်းအချက်အလက် နည်းပညာဆိုင်ရာအသင်းချုပ်ရဲ့ Digital Summit 2022 သို့ လူမှုဝန်ထမ်း ဦးစီးဌာန ညွှန်ကြားရေးမှူးချုပ် ဒေါက်တာ စန်းစန်းအေးနှင့် ဘာသာရပ်ဆိုင်ရာ ကိုယ်စားလှယ်တစ်ဦး တက်ရောက်ခဲ့ပါတယ်။

အစည်းအဝေးတွင် Digital Trust Forum ကို ကျင်းပရာ ဒေသတွင်းနှင့် နိုင်ငံတကာမှ IT ပညာရှင်များ၊ တက္ကသိုလ်များမှ ပညာရှင်များ၊ နည်းပညာအသုံးပြုသည့် ကုမ္ပဏီတို့မှ CEO, CFO နှင့် တာဝန်ရှိသူများက နည်းပညာဆိုင်ရာ ယုံကြည်မှုအပေါ် ခေါင်းစဉ် (၁၄) ခုဖြင့် ဆွေးနွေးခဲ့ကြပါတယ်။

အဆိုပါ Summit ၏ ညပိုင်း Gala Dinner တွင် ASOCIO Digital Government Award 2022 ကို ပေးအပ်ချီးမြှင့်ရာ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာနက ဆောင်ရွက်လျက်ရှိတဲ့ လူမှုရေး သတင်းအချက်အလက် စီမံခန့်ခွဲမှုစနစ်၏ ကဏ္ဍတစ်ခုဖြစ်သော လူမှုဖြစ်ရပ်စီမံခန့်ခွဲမှု သတင်းစနစ်ကို ကာကွယ်ရေး ဝန်ကြီးဌာန၊ မြန်မာနိုင်ငံကွန်ပျူတာ အသင်းချုပ်တို့၏ ပံ့ပိုးကူညီမှုဖြင့် ဝင်ရောက်ယှဉ်ပြိုင် ခဲ့တာ ဖြစ်ပါတယ်။

ဝန်ကြီးဌာနအနေဖြင့် ASOCIO Digital Government Award 2022 ကိုရရှိခဲ့ရာ လူမှုဝန်ထမ်းဦးစီးဌာန ညွှန်ကြားရေးမှူးချုပ် ဒေါက်တာစန်းစန်းအေးက ဆုလက်ခံရယူ ခဲ့ကာ ဆုလက်ခံအပြီးတွင် ASOCIO အသင်းချုပ်၏ ဥက္ကဋ္ဌနှင့် တာဝန်ရှိသူများကို အမှတ်တရ လက်ဆောင်များပေးအပ်ခဲ့ပါတယ်။

၂၀၂၂ ခုနှစ်တွင် ကျင်းပသည့် ASOCIO Digital Summit တွင် နိုင်ငံပေါင်း (၁၄) နိုင်ငံက Digital Government Award အပါအဝင် ဆုပေါင်း(၅၄)ခု ပေးအပ်ခဲ့ကြောင်း သတင်းရရှိပါတယ်။

ygm_mnn
#Yangon_Media_Group