#World_Health
Published 29 July 2022

ကိုဗစ်-၁၉ ရောဂါဖြစ်စေတဲ့ SARS-CoV-2 ဗိုင်းရပ်စ်ဟာ မျိုးဗီဇကွဲများထွက်ပေါ်လာပြီး ခန္ဓာကိုယ်ထဲက အင်တာဖရွန်လို့ခေါ်တဲ့ ရောဂါခုခံအားစနစ်ကို ရှောင်ရှားနိုင်တယ်လို့ ယူဆရကြောင်း လေ့လာတွေ့ရှိထားပါတယ်။

ဒါကြောင့် ကမ္ဘာတဝန်းရှိလူအများအပြားမှာ ရောဂါကူးစက်မြန်လာပြီး ရောဂါပြင်းထန်လာတဲ့ သဘောရှိပါတယ်။

ထိုတွေ့ရှိချက်ကို အမေရိကန်သိပ္ပံဂျာနယ်တစ်ခုမှာ ဖော်ပြခဲ့ကြပါတယ်။

အင်တာဖရွန်ဆိုတာက ခန္ဓာကိုယ်ထဲက မူလသဘာဝခုခံအားစနစ်ရဲ့ အရေးကြီး အစိတ်အပိုင်းဖြစ်ပြီး ဗိုင်းရပ်စ်ရောဂါတွေရန်မှ ကာကွယ်ပေးရာမှာ ကူညီထောက်ပံ့ပေးပါတယ်။

အင်တာဖရွန်က ပရိုတိန်းတစ်မျိုးဖြစ်ပြီး ဗိုင်းရပ်စ်ပိုးတွေ့ရှိတဲ့အခါ ဆဲလ်တွေကနေ ထုတ်လွှတ်ပေးလိုက်တာဖြစ်ပါတယ်။

အဲဒီအခါ ထိုပရိုတိန်းတွေက အချက်ပြလိုက်ပြီး ခုခံအားစနစ်ကိုအသိပေးလိုက်ပါတယ်။

ထိုအခါခုခံအားစနစ်အသက်ဝင်လာကာ ဗိုင်းရပ်စ်တွေကို တိုက်ခိုက်ပြီး ရောဂါပိုးဖြတ်သန်းမယ့်လမ်းကြောင်းမှန်သမျှကို နှောင့်ယှက်ပါတော့တယ်။

ထိုနည်းလမ်းနဲ့ ဗိုင်းရပ်စ်ပွားခြင်းကို ဟန့်တားတာကြောင့် အင်တာဖရွန် (interferons)လို့ ခေါ်ကြတာဖြစ်ပါတယ်။

ကိုယ်ခံအားစနစ် ၂ မျိုးထဲက ပထမတစ်မျိုးကတော့ မူလသဘာဝခုခံအားနစ် တစ်နည်းအားဖြင့် မွေးရာပါဖြစ်ပါတယ်။

ဒီစနစ်ထဲမှာ အင်တာဖရွန်တွေနဲ့ အရေပြား အချွဲတွေမှာပါတဲ့ ဆဲလ်တွေနဲ့ဖွဲစည်းထားပါတယ်။

ပြင်ပရောဂါပိုးမွှားတွေဝင်ရောက်တဲ့အခါ ထိုနေရာကို ဝိုင်းဝန်းတိုက်ခိုက်ကြပါတယ်။

ဒီလိုရောဂါပိုးကိုတိုက်ထုတ်တဲ့ဖြစ်စဉ်မှာ အင်တာဖရွန်က အလွန်အရေးပါတဲ့ကဏ္ဍမှ ပါဝင်နေပါတယ်။

မူလကိုယ်ခံအားက ရောဂါကိုမခုခံနိုင်တဲ့အခါ ရောဂါပိုးကိုမှတ်မိပြီးတိုက်ထုတ်ပေးတဲ့ ကိုယ်ခံအားစနစ်က အလုပ်လုပ်ရပါတယ်။

ဒီစနစ်မှာတော့ ပဋိပစ္စည်း(antibody)တွေ၊ တီဆဲလ်တွေနဲ့ဖွဲစည်းထားကာ ရောဂါဖြစ်စေတဲ့အရာကို ရှာဖွေမှတ်သားထားလိုက်ပါတယ်။
ဒီလိုနည်းလမ်းနဲ့ တူညီတဲ့ရောဂါပိုး နောက်ထပ်မဝင်နိုင်အောင် ကာကွယ်ပေးပေမယ့် အမြဲတည်ရှိနေတာတော့ မဟုတ်ပါဘူး။

ကိုဗစ်ရောဂါပိုးတွေက မျိုးဗီဇကွဲများထွက်ပေါ်လာပြီးနောက် ကမ္ဘာအနှံက လူသန်းပေါင်းများစွာကို ကူးစက်စေခဲ့တဲ့အပြင် ကိုယ်ခံအားစနစ်ရဲ့ ပဋိပစ္စည်းတွေနဲ့ တီဆဲလ်တွေကိုပါ ရှောင်ရှားလာနိုင်တာကို သိပ္ပံပညာရှင်များတွေ့ရှိလာရပါတယ်။

အင်တာဖရွန်အမျိုးမျိုးရှိတဲ့ အထဲက ၁၇ မျိုးကို လေ့လာခဲ့ကြပြီး ကိုဗစ်မျိုးဗီဇကွဲတွေနဲ့ ဘယ်လိုတုံ့ပြန်ဆောင်ရွက်သလဲဆိုတာကို သိချင်ခဲ့ကြပါတယ်။

အချို့တွေက မူလ SARS-COV-2 ကို ထိရောက်စွာကာကွယ်နိုင်ခဲ့ပေမယ့် မျိုးဗီဇကွဲတွေကိုတော့ မကာကွယ်ပေးနိုင်ပါဘူး။

အထူးသဖြင့် ကိုရိုနာဗိုင်းရပ်စ်တွေထဲက ကူးစက်မှုအမြန်ဆုံး အိုမီခရွန်မျိုးဗီဇကွဲကို အင်တာဖရွန်တွေက တားဆီးနိုင်စွမ်းမရှိခဲ့ပါဘူး။

ဒါကြောင့် အင်တာဖရွန်များများရရှိအောင် ကုသနည်းတွေ လိုအပ်လာတာဖြစ်ပါတယ်။

ဗီဇဆင့်ကဲပြောင်းလဲလာတဲ့ ကိုရိုနာဗိုင်းရပ်စ်မျိုးဗီဇကွဲတွေနဲ့ နောက်ထပ်မျိုးဗီဇကွဲတွေကို လေ့လာဖို့ လိုအပ်လာပါတယ်။

Source: The Jerusalem Post
#Yangon_Media_Group

#Local_News
Published_29July 2022

၂၀၂၂ ခုနှစ် 'တရုတ်နိုင်ငံနိုင်ငံတကာ ခရီးသွားပြပွဲ'ကို ဇူလိုင်လ (၂၄) ရက်ကတရုတ်နိုင်ငံ၊ ကူမင်းမြို့တွင် ကျင်းပပြီးစီးခဲ့ကြောင်း မြန်မာနိုင်ငံဆိုင်ရာ တရုတ်သံရုံးမှထုတ်ပြန်လိုက်သည်၊၊

အဆိုပါပွဲတွင် မြန်မာ၊ ကမ္ဘောဒီးယား၊ ထိုင်း၊ မလေးရှား၊ တောင်ကိုရီးယားစသဖြင့် နိုင်ငံနှင့်ဒေသ(၇၁)ခုမှ အွန်လိုင်းနှင့်အော့ဖ်လိုင်းပုံစံဖြင့် ပြပွဲတွင် ပါဝင်ခဲ့ကြသည်။

လတ်တလောနှစ်များတွင် ယူနန်သည် အာဆီယံ (၁၀)နိုင်ငံကို ချိတ်ဆက်ပေးသော အရေးပါအချက်အချာနေရာနှင့် လမ်းကြောင်း အားသာချက်ကို ဖော်ထုတ်၍ ခရီးသွားဧည့်သည်များ အပြန်အလှန်သွားလာမှုကို မြှင့်တင်ပြီး နိုင်ငံအသီးသီး၏ ခရီးသွားလုပ်ငန်း ဖွံ့ဖြိုးတိုးတက်ရေးနှင့် စီးပွားရေး စည်ပင်ဝပြောရေးကို အားဖြည့်ကူညီပေးခဲ့ပါသည်ဟုဆိုသည်၊၊

ယူနန်သည် ကူမင်း-ဘန်ကောက်၊ ကူမင်း-ဟနွိုင်း၊ ကူမင်း-ရန်ကုန်၊ လန်ချန်း-မဲခေါင်၊ ဘင်္ဂလားဒေ့ရှ်-တရုတ်-အိန္ဒိယ-မြန်မာ စသည့် နိုင်ငံတကာခရီးသွားစင်္ကြံ (၅)ခုကို ကြိုးပမ်းတည်ဆောက်ကာ လေ့လာရေးခရီး၊ ကျန်းမာရေးနှင့်ညီညွတ်စွာ အပန်းဖြေအနားယူနိုင်ရေး၊ အားလပ်ရက် အပန်းဖြေရေး၊ လက်တွေ့အတွေ့အကြုံများ ခံစားနိုင်ရေး စသည့်ခရီးသွားထုတ်ကုန်များကို ဖော်ထုတ်ဒီဇိုင်းဆွဲပြီး အရှေ့တောင်အာရှဒေသ ဖွံ့ဖြိုးတိုးတက် စည်ပင်ဝပြောရေးကို မြှင့်တင်ရင်း အာရှ-ပစိဖိတ် အေးအတူပူအမျှအသိုက်အဝန်းမှ ပုံဖော်ထားသော သာယာလှပသည့်ရုပ်ပုံလွှာများကိုအကောင် အထည်ဖော်ဆောင်သွားမည်ဖြစ်ကြောင်းသိရသည်၊၊

ymg/tthl
#Yangon_Media_Group

#Local_News
Published - 28 July 2022

လက်ရှိအခြေအနေမှာတော့တရုတ်-မြန်မာနယ်စပ်ကုန်သွယ်ရေးက ပုံမှန်နီးပါးအတိုင်း ပြန်လည် လည်ပတ်နေပြီဖြစ်တယ်လို မူဆယ်ကုန်စည်ဒိုင်၊ ဆန်ကုန်သည်များအသင်းကနေ သိရပါတယ်။

#Yangon_Media_Group

#World_Culture
Published 28 July 2022

ကိုလံဘတ်စ်မတိုင်ခင်ခေတ်က ရှေးဟောင်းပစ္စည်း ၂,၅၀၀ ခန့်ကို စပိန်စုဆောင်းရှာဖွေရေးမိသားစုထံမှ လက်ခံရရှိခဲ့ကြောင်း မက္ကဆီကိုက အင်္ဂါနေ့မှာ ပြောကြားလိုက်ပါတယ်။

#Yangon_Media_Group

#World_Technology
Published 28 July 2022

အိုဟိုင်ယိုပြည်နယ်တက္ကသိုလ်မှ သုတေသီများက စမတ်ဆွဲကြိုးအသစ်တစ်မျိုးကို တီထွင်ထုတ်လုပ်လိုက်ကြပြီး ထိုဆွဲကြိုးဝတ်ဆင်ထားသူရဲ့ချွေးထဲမှာပါလာတဲ့ ဓာတုဓာတ်ပစ္စည်းတွေနဲ့ ပါဝင်မှုပမာဏတို့ကို တိုင်းတာပေးနိုင်မှာ ဖြစ်ပါတယ်။

#Yangon_Media_Group

#Local_News
Published _ 28 July 2022

ပြည်တွင်း ဆန်စပါးဈေးကွက်မှာ ရွှေဘိုပေါ်ဆန်းတစ်အိတ်ကို ၇၀၀၀၀ ကျပ်ကနေ ၇၆၀၀၀၀ ကြား မြင့်တက်နေရတာဟာ စစ်ကိုင်းတိုင်းဒေသကြီးအတွင်း နယ်မြေမတည်ငြိမ်မှုတွေနဲ့ ဆက်စပ်နေတယ်လို မြန်မာနိုင်ငံ ဆန်စပါးအသင်းချုပ်ရဲ့ တာဝန်ရှိသူက ပြောပါတယ်။

#Yangon_Media_Group

#Local_News
Published_28 July 2022

ဈေးကွက်အတွင်း ဘေးမကင်းတဲ့ စားသုံးဆီတွေ ရောင်းချနေတာတွေရှိနေတဲ့အတွက် မြန်မာနိုင်ငံအစားအသောက်နှင့်ဆေးဝါးများကွပ်ကဲရေးဦးစီးဌာန FDA မှ ကြပ်မတ်ဆောင်ရွက်တော့မှာ ဖြစ်ပါတယ်၊၊

#Yangon_Media_Group

#DailyNews
Published - 28 July 2022

၁။ ဗူးသွင်းထုတ်လုပ်သည့် စားသုံးဆီတိုင်းဘေးကင်းကြောင်း FDA ထောက်ခံချက်ရမှ ရောင်းချခွင့်ပြုမည်

၂။ ရွှေဘိုပေါ်ဆန်း လာမည့်ရက်ပိုင်းအတွင်း ဈေးအနည်းငယ်ပြန်ကျမည်

၃။ ချွေးကနေတဆင့် ကျန်းမာရေးအခြေအနေကိုစောင့်ကြည့်တင်ပြနိုင်မယ့် စမတ်ဆွဲကြိုးအား သိပ္ပံပညာရှင်များတီထွင်ထုတ်လုပ်

၄။ စပိန်မိသားစုထံမှ ရှေးဟောင်းပစ္စည်း(၂,၅၀၀)ခန့်အား မက္ကဆီကိုလက်ခံရယူ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_28 July 2022

ဆေးနဲ့ ဆေးပစ္စည်းတွေကို ကိုယ့်ရဲ့နိုင်ငံခြားငွေအစီအစဉ်နဲ့ တင်သွင်းလိုတယ်ဆိုရင်လည်း ကျန်းမာရေးဝန်ကြီးဌာန၊ မြန်မာနိုင်ငံ အစားအသောက်နှင့် ဆေးဝါးကွပ်ကဲရေး ဦးစီးဌာနက ခွင့်ပြုမှ စီးပွားကူးသန်းအနေနဲ့ လိုင်စင်ပေးတာဖြစ်တယ်လို့ သိရပါတယ်။

#Yangon_Media_Group

Published 28 July 2022

ယူကရိန်းစစ်တပ်က ပိုလန်နိုင်ငံလုပ် ခရက်ဘ် ဟောင်ဝစ်ဇာ အမြောက်တွေကို ရုရှားနှင့်စစ်ဖြစ်နေတဲ့ နိုင်ငံအရှေ့ပိုင်း ရှေ့တန်းကို ပေးပို့လိုက်ပါတယ်။

ပိုလန်နိုင်ငံက အဲဒီဟောင်ဝစ်ဇာ အမြောက် ၁၈ လက်ကို လှုဒါန်းခဲ့တာဖြစ်ပြီး တစ်လအကြာမှာ နောက်ထပ် ဟောင်ဝစ်ဇာ အမြောက် အလက်(၆၀)ကို ယူရိုသန်း ၆၅၀နှင့်ရောင်းချမယ်လို့ကြေညာခဲ့ပါတယ်။

ခရက်ဘ်ဟာ self-propelled tracked gun အမျိုးအစား ဟောင်ဝစ်ဇာဖြစ်ပြီး ၁၅၅ မီလီမီတာရှိတဲ့ အမြောက်တပ်ဆင်ထားပါတယ်။

Source: AFP

#Polish-made_howitzers

#Ukraine_war

#Russia_Ukraine_Conflict

#Local_News
Published - 28 July 2022

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်မှုကော်မတီမှ ဇူလိုင်လ ၃၁ ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးကို တစ်ပိဿာ ကျပ် ၃၆၆၅ အဖြစ် ထပ်မံ သတ်မှတ်လိုက်ပြီး မြေပြင်လက်လီစျေးကွက်အတွင်း ကျပ် ၈၀၀၀ အထက်ရှိနေကြောင်း ရောင်းသူဝယ်သူများထံမှ သိရသည်။

ယခင်က တစ်ပိဿာ ၄၆၅၀ ကျပ် သတ်မှတ်ခဲ့သော်လည်း လက်ရှိတွင် ကျပ် ၁၀၀၀ နီးပါး ကျဆင်းသွားခဲ့ခြင်း ဖြစ်သည်။

ယင်းအပြင် မြန်မာနိုင်ငံဆီလုပ်ငန်းရှင်များအသင်းမှ ဦးစီး၍ စားသုံးသူများအနေဖြင့် ဈေးကြီးပေးဝယ်နေရခြင်းကို ထိန်းချုပ်ရန်အတွက် စားအုန်းဆီတင်သွင်းသူအချို့ကို တစ်ပိဿာ ၃၈၀၀ ကျပ်နှင့် နေရာအချို့တွင် ရောင်းချမှုများ ပြုလုပ်နေကြောင်း သိရသည်။

"စားအုန်းဆီကအခု တစ်ပိသာကို ၈၃၀၀ ပေးဝယ်နေရတယ်။ အရင်က ၉၀၀၀ ကျော်တောင်ရှိတာ။ ပြန်ကျသွားတယ်လို့ ပြောလို့ရမယ်။ ဘာပဲပြောပြေ ာအဆင်မပြေဘူးလေ။ သူတို့က စျေးဘယ်လောက်ပဲသတ်မှတ်သတ်မှတ် မြေပြင်မှာတော့ ပြောင်းလဲသွားတာမရှိဘူး"ဟု စားအုန်းဆီဝယ်ယူသူ တစ်ဦးက ပြောသည်။

လက်ရှိတွင်လည်း စားအုန်းဆီများနှင့် ပတ်သက်၍ ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းများ ပြုလုပ်ပါက ဥပဒေအရ အရေးယူသွားမည်ဟု နစကဘက်မှ ထုတ်ပြန်ပြောဆိုထားသော်လည်း ပြည်သူများမှာ စားအုန်းဆီကို ဈေးနှုန်းမြင့်မားစွာဖြင့် ဝယ်ယူစားသုံးနေရခြင်းဖြစ်သည်။

ymg/sth
#Yangon_Media_Group

#Local_News
Published_28 July 2022

ရန်ကုန်တိုင်းဒေသကြီးအတွင်း ညမထွက်ရ အမိန့် ထပ်မံထုတ်ပြန်ထားခြင်း မရှိကြောင်း မီဒီယာများအား နစက ပြန်ကြားရေးအဖွဲ့ကတရားဝင် ပြောကြားလိုက်သည်။

ရန်ကုန်တိုင်းဒေသကြီးအတွင်းရှိ မြို့နယ်များတွင် ညမထွက်ရအမိန့်ကို ည (၈) နာရီသို့ ပြန်လည်ပြောင်းလဲလိုက်ကြောင်း ပြောဆိုနေကြကြောင်း သတင်းမီဒီယာများ၏ မေးမြန်းမှုအပေါ် အထက်ပါအတိုင်း ပြောကြားခြင်း ဖြစ်သည်။

ပြီးခဲ့သည့် မတ်လ ၂၂ ရက်က စ၍ ရန်ကုန်တိုင်းဒေသကြီးအတွင်း သတ်မှတ်ထားသည့် ယခင်ညမထွက်ရ အမိန့်ဖြစ်သော ည ၁၀ နာရီမှ နံနက် ၄ နာရီ ကို ည ၁၂ နာရီမှ နံနက် ၄ နာရီထိ ပြင်ဆင်သတ်မှတ်ထားပြီးနောက် မည်သည့် အမိန့်မျှ ထပ်မံ ထုတ်ပြန်ခြင်း မရှိသေးပေ။

ymg/mt
#Yangon_Media_Group