#World_Health
Published 30 November 2022

နှာခေါင်းစည်းများတပ်ဆင်ခြင်းက အသက်ရှူလမ်းကြောင်းရောဂါကူးစက်မှုတွေကို ကာကွယ်ပေးနိုင်ပေမယ့် အခြားပြဿနာများလည်း ကြုံတွေ့နေရပါတယ်။

မျက်နှာမှတ်မိဖို့ခက်ခဲခြင်း၊ မျက်နှာအမူအရာ ခန့်မှန်းရခက်ခြင်း၊ စကားပြောရာမှာ မသဲကွဲခြင်းစတဲ့ ရုပ်ပိုင်းဆိုင်ရာပြဿနာများရှိသလို ခေါင်းကိုက်ခြင်း၊ အရေပြားပြဿနာဖြစ်ခြင်း၊ အာရုံစူးစိုက်မှုလျော့နည်းခြင်းတေွပါ ခံစားရတတ်ပါတယ်။

ဒါ့အပြင် သမားရိုးကျနှာခေါင်းစည်းတွေကြောင့် ပလတ်စတစ်အမှိုက်ပေါင်းတန်ချိန် သန်းနဲ့ချီပြီး စွန့်ပစ်နေရပါတယ်။

တက်ခ်နီယွန်အစ္စရေးလ်နည်းပညာတက္ကသိုလ်က ရောဂါကူးစက်မှုကို ကာကွယ်နိုင်ပြီး ပတ်ဝန်းကျင်ကိုလည်းထိန်းသိမ်းပေးနိုင်မယ့် မျက်စိနဲ့မမြင်နိုင်တဲ့ မျက်နှာအကာအကွယ်ကို ထုတ်လုပ်လိုက်ပါတယ်။

ပရော်ဖက်ဆာ'မိုရှီရှိုဟမ်'နဲ့ ပရော်ဖက်ဆာ'ဒေးဗစ်ဂရင်းဘလတ်'တို့ဦးဆောင်တဲ့ အဖွဲ့က တပ်ဆင်သူမျက်နှာရဲ့ရှေ့မှာ မမြင်နိုင်တဲ့လေကာတစ်ခုကို ဖန်တီးခဲ့ကြပါတယ်။

လေကာက ဦးထုပ်လျှာထိုးကနေ ပေါ့ပါးစွာကျရောက်နေတာဖြစ်ပါတယ်။

သူ့ရဲ့အားသာချက်တွေကာ မျက်လုံး၊ နှာခေါင်း၊ ပါးစပ်တို့ကို ကာကွယ်ပေးကာ မျက်နှာမမှတ်မိခြင်း၊ စကားပြောရခက်ခဲခြင်းတို့ကို လျော့ကျစေမှာဖြစ်ပါတယ်။

ဒါ့အပြင် လေကာက ထပ်မံအသုံးချနိုင်တာကြောင့် ပတ်ဝန်းကျင်ကိုလည်း မညစ်ညမ်းစေပါဘူး။

စမ်းသပ်ချက်များအရ လေကာဟာ စကားပြောခြင်း၊ နှာချေခြင်းတို့မှ ထွက်ရှိလာတဲ့ အမှုန်အမွှားတွေကို ထိရောက်စွာကာကွယ်ပေးပါတယ်။

စမ်းသပ်မှုမှာ ပါဝင်ခဲ့တဲ့လူတွေကတော့ ဒီနည်းပညာကို အရင်ဆုံးအသုံးပြုခွင့်ရသူတွေ ဖြစ်ကြပြီး မူလနှာခေါင်းစည်းတွေထက် ပိုမိုအားသာတာကို သိရှိသွားကြပါပြီ။

တက်ခ်နီယွန်က အဆိုပါနည်းပညာအတွက် Wisdome Wearables ကုမ္ပဏီမှာ လိုင်စင်တင်သွင်းထားပြီး ပစ္စည်းများတင်ပို့ရောင်းချရန် စီစဉ်လျက်ရှိကာ စီးပွားလက်တွဲဖော်များ ရှာဖွေနေပါတယ်။

Source: The Jerusalem Post
#Yangon_Media_Group

Published_ 29 November 2022

မြန်မာ-ရုရှား နှစ်နိုင်ငံတပ်မတော်နှစ်ရပ်အကြား ကာကွယ်ရေးဆိုင်ရာအပါအဝင် ပညာရေး၊ ကျန်းမာရေးနှင့် နည်းပညာပိုင်းဆိုင်ရာများ ပူးပေါင်းဆောင်ရွက်မှုများတိုးမြှင့်နိုင်ရေးကို နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချူပ်မှူးကြီး မင်းအောင်လှိုင်နှင့် ရုရှားတပ်မတော် ရုရှားတပ်မတော်၊ စစ်ဦးစီးချုပ်ရုံးအကြီးအကဲနှင့် ပထမ ဒုတိယ ကြည်းတပ်ဦးစီးချုပ် Colonel – General Kim Alexey Rostislavovich တို့ ဆွေးနွေးခဲ့ကြောင်းသိရပါတယ်။

ဗိုလ်ချုပ်မှူးကြီး မင်းအောင်လှိုင်ထံ မြန်မာနိုင်ငံ နေပြည်တော်သို့ရောက်ရှိနေတဲ့ ရုရှားတပ်မတော်မှ Colonel – General Kim Alexey Rostislavovich က နိုဝင်ဘာ ၂၉ ရက်တွင် လာရောက်ဂါရဝပြု တွေ့ဆုံစဉ်ဆွေးနွေးခဲ့တာ ဖြစ်တယ်လို့ နစကရဲ့ သတင်းထုတ်ပြန်ချက်မှာဖော်ပြထားပါတယ်။

အကြမ်းဖက်မှု တိုက်ဖျက်ရေးအတွက် ပူးပေါင်းဆောင်ရွက်သွားမည့် အခြေအနေ များ၊ ရုရှားနိုင်ငံသို မြန်မာ့တပ်မတော်သား ပညာတော်သင်များ စေလွှတ်လျက်ရှိသည့် အခြေအနေများ၊ တပ်မတော်နှစ်ရပ်အကြား ချစ်ကြည်ရင်းနှီးမှုများ တိုးမြှင့်ဆောင်ရွက်မည့် အခြေအနေများ၊ ရုရှားနိုင်ငံတွင်ကျင်းပပြုလုပ်သည့် ယဉ်ကျေးမှုပြိုင်ပွဲနှင့် တပ်မတော် အားကစား ပြိုင်ပွဲများတွင် မြန်မာ့တပ်မတော်မှ ပါဝင်ယှဉ်ပြိုင်ခဲ့မှုနှင့် အပြန်အလှန် ဖလှယ်ရေး ဆိုင်ရာကိစ္စရပ်များဆွေးနွေးကြပါတယ်။

ထို့ပြင် နှစ်နိုင်ငံအကြား စီးပွားရေးဆိုင်ရာနှင့် နည်းပညာပိုင်းဆိုင်ရာ ပူးပေါင်း ဆောင်ရွက်မှုများတွင် မဟာဗျူဟာမြောက် ပူးပေါင်းဆောင်ရွက်လျက်ရှိမှု အခြေအနေ များ၊ ယနေ့ကမ္ဘာပေါ်တွင် အကြမ်းဖက်မှုတိုက်ဖျက်ရေးအတွက် နိုင်ငံတိုင်းက အလေးထား ဆောင်ရွက်လျက်ရှိမှုနှင့် ယခုကဲ့သို မြန်မာ-ရုရှား နှစ်နိုင်ငံတပ်မတော် နှစ်ရပ်အကြား အကြမ်းဖက်မှု တိုက်ဖျက်ရေးအတွက် ပူးပေါင်းဆောင်ရွက်မှုသည် ဒေသတွင်းငြိမ်းချမ်းရေး နှင့် ကမ္ဘာ့ငြိမ်းချမ်းရေးတိုကိုပါ တစ်ဖက်တစ်လမ်းမှ အထောက်အကူပြုနိုင်သည့် အခြေအနေများကို ဆွေးနွေးခဲ့ကြောင်း သိရပါတယ်။

ygm_mnn

#Yangon_Media_Group

Published 29 Nov 2022

ကိုဗစ်-၁၉ ကပ်ဘေးကြောင့် (၂)နှစ်တာ မကျင်းပဖြစ်ခဲ့တဲ့ ရီယိုဒီဂျန်နေရီယို “ဂေး စီတန်းလှည့်လည်ပွဲတော်” ကိုပြန်လည်ကျင်းပခဲ့ပါတယ်။ ဘရာဇီးနိုင်ငံ ကာပါကာဘာနာ ကမ်းခြေမှာ အဲဒီပွဲတော်ကို ဆင်နွှဲခဲ့ကြခြင်းဖြစ်ပါတယ်။

ဘရာဇီး လက်ယာစွန်းသမားတွေရဲ့ အမျိုးသား သင်္ကေတကို ပြန်လည်ဖော်ထုတ်တဲ့အနေနှင့် ပွဲတော်စီစဉ်သူတွေက ဘရာဇီး ဘောလုံးအသင်းရဲ့ ဂျာစီပုံတူပွားကြီးတစ်ခုကို ဖန်တီးခဲ့ကြပါတယ်။

Source AFP

#Rio_Gay_Parade

#Brazil_Gay_Parade

#Copacabana_Beach

#Local_News
Published _ 29 November 2022

မွန်ပြည်နယ် သံဖြူဇရပ်မြို့နယ် ကျိုက္ခမီဆုတောင်းပြည့် ရေလယ်ဘုရားကိုသွားတဲ့ လမ်းမကြီးတစ်လျှောက်က ကျေးရွာတွေမှာ အပန်းဖြေကမ်းခြေတွေ အများကြီး ရှိပါတယ်။

#Yangon_Media_Group

#World_Pollution
Published 29 November 2022

ကော်စတာရီကာနိုင်ငံက တာကိုးလ်စ်မြစ်ရေပြင်နဲ့ ကမ်းနံဘေးတို့မှာ မိကျောင်းအများအပြားနေထိုင်ကြတာကို တွေ့မြင်နိုင်ပါတယ်။

#Yangon_Media_Group

#Local_News
Published_ 29 November 2022

မြန်မာတစ်နိုင်ငံလုံးအတိုင်းအတာအနေနဲ့ အခုနှစ်ဆယ်လတာကာလအတွင်းမီးလောင်ကျွမ်းမှု(၁၂၈၈) ကြိမ်ရှိခဲ့တယ်လို့ မြန်မာနိုင်ငံမီးသတ်ဌာနချုပ်မှ သိရပါတယ်၊၊

#Yangon_Media_Group

#Local_News
Published _ 29 November 2022

လျှပ်စစ်မီးပြတ်တောက်မှုတွေအပြင် အချိန်ပိုင်းလျှပ်စစ်မီးပေးဝေတဲ့စနစ်တွေကြောင့် လတ်တလောကာလမှာ ချက်ရေးပြုတ်ရေးအတွက် Gas မီးဖိုတွေ အသုံးပြုမှုများလာကြပါတယ်။

#Yangon_Media_Group

နိုဝင်ဘာ ၁၅ ရက်နေ့တွင်  G-20 ခေါင်းဆောင်များရဲ့ (၁၇) ကြိမ်မြောက် ထိပ်သီးဆွေးနွေးပွဲ ကို အင်ဒိုနီးရှားနိုင်ငံ၊ ဘာလီကျွန်း၌ ကျင်းပခဲ့ရာ တရုတ်သမ္မတရှီကျင့်ဖျင် တက်ရောက်ပြီး အရေးပါ သည့် အမှာစကားကို ပြောကြားခဲ့ပါတယ်။ ဒါဟာ တရုတ်ကွန်မြူနစ်ပါတီ(၂၀) ကြိမ်မြောက် ပြည်လုံးကျွတ် ကွန်ကရက် အောင်မြင်စွာ ကျင်းပခဲ့ပြီးနောက် တရုတ်နိုင်ငံထိပ်သီးခေါင်းဆောင်အနေနဲ့ ပထမဦးဆုံး အကြိမ် ကမ္ဘာ့ထိပ်သီးနိုင်ငံများ ဆွေးနွေးပွဲကို တက်ရောက်ခဲ့ခြင်းလည်း ဖြစ်ပါတယ်။ တရုတ်နိုင်ငံရဲ့ ဉာဏ်အမျှော်အမြင်နဲ့ လက်ရှိကမ္ဘာ့အခြေအနေများကို ဘက်စုံသုံးသပ်ကာ တစ်ကမ္ဘောလုံးရင်ဆိုင် နေရတဲ့ စိန်ခေါ်မှုများကို ကျော်လွှားနိုင်ဘို့ “အတူတကွအားကောင်းပြီး၊ ပြန်လည်ဦးမော့လာရေး” ဆိုတဲ့ ခေါင်းစဉ်အောက်မှာ ကျင်းပတဲ့ G-20 ခေါင်းဆောင်များရဲ့ ထိပ်သီးဆွေးနွေးပွဲကို တက်ရောက် လာခြင်းလည်း ဖြစ်ပါတယ်။ ဒီထိပ်သီးဆွေးနွေးပွဲကို ကမ္ဘာ့နိုင်ငံအသီးသီးက မျှော်လင့်မှုများ ရှိနေ ပါတယ်။ အားလုံးရဲ့စိတ်ဝင်တစား စောင့်ကြည့်မှုများကြားမှာ တရုတ်သမ္မတရှီကျင့်ဖျင်ဟာ အရေးပါ တဲ့ အမှာစကားပြောကြားခဲ့ကာ  တရုတ်နိုင်ငံရှုထောင့်ကနေ လက်ရှိနိုင်ငံတကာအခြေအနေများကို သုံးသပ်တင်ပြခဲ့သလို လက်ရှိအခြေအနေကို “ဘယ်လို သုံးသပ်မလဲ။” ၊ “ဘယ်လိုလုပ်ကိုင်ကြမလဲ” ဆိုတဲ့ အရေးကြီးပြဿနာများကို ရှင်းလင်းတိကျစွာ တင်ပြဆွေးနွေးခဲ့ပါတယ်။ ဒါ့အပြင် “ ခေတ်ရဲ့ စိန်ခေါ်မှုများကို အတူတကွ ရင်ဆိုင်၊ လှပတဲ့အနာဂတ်ကို အတူတကွ တည်ဆောက်” ဆိုတဲ့ တရုတ် နိုင်ငံရဲ့ဆော်ဩချက်ကိုလည်း ကမ္ဘာက သိအောင် အတိအလင်း ထုတ်ဖော်ပြောကြားခဲ့ပါတယ်။

         ကမ္ဘာ့ကြီးမှာ ရာစုနှစ်ပေါင်းများစွာ မကြုံစဖူးတဲ့ အပြောင်းအလဲများနှင့် ရင်ဆိုင်နေချိန်မှာ         “ဘယ်လို လက္ခဏာတွေ ဖော်ပြနေသလဲ” ဆိုတဲ့ မေးခွန်အပေါ် တရုတ်သမ္မတရှီကျင့်ဖျင်အနေနဲ့ ကမ္ဘာ့အပြောင်းအလဲ ခေတ်စနစ်အပြောင်းအလဲ သမိုင်းကြောင်း အပြောင်းအလဲတို့ကို အတွင်းကျ ကျ သုံးသပ်တင်ပြခဲ့ပါတယ်။ ကိုဗစ်(၁၉) ကပ်ရောဂါတစ်ငွေ့ငွေ့ ဆက်လက်ဖြစ်ပွားနေချိန် ကမ္ဘာ့ စီးပွား​ရေး အထိမခံနိုင် ပိုမိုဖြစ်လာနေချိန် ပထဝီနိုင်ငံရေးပိုမိုတင်းမာလာချိန် ကမ္ဘာ့အုပ်ချုပ်မှုစနစ် လိုအပ်ချက် ပိုမိုသိသာလာချိန် ကမ္ဘာ့အုပ်ချုပ်မှုစနစ်လိုအပ်ချက် ပိုမိုသိသာလာချိန် စားနပ်ရိက္ခာနဲ့ လောင်စာပြဿနာကြီးထွားလာချိန်မှာ အန္တရာယ်ရန်စွယ်တွေ ရှုပ်ထွေးပွေလီနေသလို လူသားများရဲ့ တိုးတက်မှုဟာလည်း ကြီးမားတဲ့ စိန်ခေါ်မှုတွေနဲ့ ရင်ဆိုင်နေရပါတယ်။

         လမ်းဆုံလမ်းခွရောက်နေတဲ့ ကျွန်တော်တို့ကမ္ဘာ့ကြီး “ဘယ်လမ်းရွေးမလဲ” ဆိုတဲ့ မေးခွန်အပေါ် တရုတ်သမ္မတရှီကျင့်ဖျင်အနေနဲ့ ကမ္ဘာ့နိုင်ငံအသီးသီးအတွက် လမ်းမှန်တစ်ခုကို ညွှန်ပြခဲ့ပါတယ်။ သူက “လူသားများရဲ့တူညီတဲ့ အနာဂတ်အတွက်ဆိုတဲ့အသိစိတ်နဲ့ ငြိမ်းချမ်းရေး၊ တိုးတက်ရေး၊ ပူးပေါင်းဆောင်ရွက်ရေး အတူတကွ အောင်မြင်ဖြစ်ထွန်းရေးဆိုတဲ့ လမ်းကြောင်းကို လျှောက်လှမ်းကြဘို့ သွေးကွဲမှုကို စည်းလုံးခြင်းနဲ့အစားထိုး အပြန်အလှန်ထိုးနှက်မှုကို ပူးပေါင်းဆောင် ရွက်မှုနဲ့အစားထိုး တစ်ကိုယ်ကောင်းဆန် အတ္တကြီးတဲ့စိတ်ဓာတ်ကို ထွေးပိုက်မှုနဲ့ အစားထိုးဖို့။” “ တို့ ကမ္ဘာ့ကြီးဘာလဲ၊ ဘယ်လဲ။” ဆိုတဲ့ ကျွန်တော်တို့ ပုခုံးပေါ်ကျရောက်လာတဲ့ သမိုင်းပေးမေးခွန်းပုဒ် စာကို အတူတကွ အဖြေရှာကြဖို့၊ အတူတကွ အခက်အခဲများကို ဖြတ်ကျော်ပြီး အနာဂတ်ကို လက်တွဲတည်ဆောက်ကြဖို့လိုကြောင်း ပြောကြားသွားပါတယ်။

         “G-20နိုင်ငံများ ဘယ်လိုလုပ်ဆောင်ကြမလဲ” ဆိုတဲ့ မေးခွန်းအပေါ် တရုတ်သမ္မတရှီကျင့်ဖျင် က တာဝန်ယူမှု၊ တာဝန်ခံမှု ရှိကြရန် ဆော်ဩခဲ့ပါတယ်။ သူက “G-20နိုင်ငံများဟာ ကမ္ဘာ့ အင်အားကြီးနိုင်ငံနဲ့ ဒေသတွင်း အင်အားကြီးနိုင်ငံများ ဖြစ်ကြသလို နိုင်ငံကြီးများဟာ တာဝန်ယူမှု၊ တာဝန်ခံမှု စိတ်ဓာတ်အပြည့်နဲ့ စံပြ လုပ်ကိုင်ဘို့လိုကြောင်း နိုင်ငံတိုင်း တိုးတက်ဘို့၊ လူသားများ သုခချမ်းသာနဲ့ နေထိုင်နိုင်ဘို့၊ ကျွန်တော်တို့ ကမ္ဘာ့ကြီး ရှေ့သို့လျှောက်လှမ်းနိုင်ဘို့ ကြိုးစား ဆောင်ရွက်သွားရန်” ဆော်ဩခဲ့ပါတယ်။

         တရုတ်ဝိသေသလက္ခဏာဆောင်တဲ့ လုပ်ထုံးလုပ်နည်းနဲ့ တိုးတက်ရေးလမ်းကြောင်းမှာ ကြုံ တွေ့နေရတဲ့ အခက်အခဲပြဿနာများကို ကျော်လွှားကာ “ဘာကြောင့် တိုးတက်ဖို့လိုသလဲ။”၊ ကျွန်တော်တို့အနေနဲ့ “ဘယ်လို တိုးတက်မှုကို လိုအပ်သလဲ” ဆိုတဲ့ မေးခွန်းကို တင်ပြဆွေးနွေးခဲ့ပါ တယ်။

         ကိုဗစ်(၁၉)ကပ်ရောဂါဟာ နှစ်များစွာ တိုးတက်ခဲ့တဲ့ ကမ္ဘာ့အောင်သီးအောင်ပွင့်တွေကို ဝါးမျို ခဲ့ပြီဖြစ်ပါတယ်။ ကမ္ဘာ့ကုလသမဂ္ဂရဲ့ ၂၀၃၀ ခုနှစ် အစဉ်မပြတ်တိုးတက်ရေး အဆိုပြုချက်ဟာလည်း အဟန့်အတားတွေနဲ့ ရင်ဆိုင်နေသလို မြောက်ပိုင်းနိုင်ငံများဖြစ်ကြသော ဖွံ့ဖြိုးတိုးတက်ပြီး နိုင်ငံများနဲ့ တောင်ပိုင်းနိုင်ငံများဖြစ်ကြသော ဖွံ့ဖြိုးတိုးတက်မှု နောက်ကျသော နိုင်ငံများအကြားရှိ ကွာဟချက် ချောက်ကမ်းပါးဟာလည်း နက်သထက်နက်လာနေပြီး စားနပ်ရိက္ခာနဲ့လောင်စာ လုံခြုံရေးအန္တရာယ် တို့ကြောင့် “ပိုမိုထွေးပိုက်နိုင်တဲ့ ကမ္ဘာ့တစ်ဝှမ်းတိုးတက်မှု”၊ “ပိုမိုကျယ်ပြန့်တဲ့ ကမ္ဘာ့တစ်ဝှမ်းတိုးတက်မှု”၊ “ပိုမိုတန်ပြန်နိုင်စွမ်းကောင်းတဲ့ ကမ္ဘာ့တစ်ဝှမ်းတိုးတက်မှု” ဆိုတဲ့ ကိစ္စရပ်များကို လူအများ ပိုမိုအလေးထား  တွေးခေါ်လာနေကြတာတွေ့ရပါတယ်။ ဒီအတွက် တရုတ်သမ္မတရှီကျင့်ဖျင်အနေနဲ့ ရှင်းရှင်းလင်းလင်း ရှိလှတဲ့ အကြံပြုချက် (၃) ချက်ကို တင်ပြခဲ့ပါတယ်။ သူက “တရုတ်နိုင်ငံဟာ တရုတ်ဝိသေသ လက္ခဏာဆောင်တဲ့ လုပ်ထုံးလုပ်နည်းနဲ့ လက်ရှိတစ်ကမ္ဘာ့လုံးကြုံတွေ့နေရတဲ့ စိန်ခေါ်မှုကို ကျော် လွှားသွားမှာ ဖြစ်သလို၊ ရေရှည်အတွက် ကမ္ဘာ့ဖွဲ့စည်းပုံပြဿနာကို ရင်ဆိုင်သွားမှာဖြစ်ပြီး၊ ကမ္ဘာ့ တစ်ဝှမ်း စီးပွားရေးအရှိန်အဟုန်နဲ့ တိုးတက်ရေး၊ စဉ်ဆက်မပြတ် တိုးတက်ရေး၊ စဉ်ဆက်မပြတ် တိုးတက်ရေး အရာရာကို ထွေးပိုက်ပြီး တန်းတူတိုးတက်ရေးတို့အတွက် ဉာဏစွမ်းအင်အားများ ထည့်သွင်းသွားမှာဖြစ်ကြောင်း ပြောကြားခဲ့ပါတယ်။

         ပိုမိုထွေးပိုက်နိုင်တဲ့ ကမ္ဘာ့တိုးတက်မှုအတွက် နိုင်ငံများအကြား အပြန်အလှန်လေးစားဖို့လိုမှာ ဖြစ်သလို မတူတာထား၊ တူတာလက်တွဲလို့ ငြိမ်းချမ်းစွာ အတူယှဉ်တွဲနေထိုင်ကြရမှာ ဖြစ်ပါတယ်။ ထို့အတူ တံခါးဖွင့်တဲ့ ကမ္ဘာ့စီးပွားရေးစနစ်တည်ဆောက်ရမှာဖြစ်ပြီး အိမ်နီးချင်းအကြား ချောက် ကမ်းပါးမခြား၊ ခြံစည်းရိုးအမြင့်ကာပြီးဝန်းထဲ မနေဘို့၊ ကိုယ့်အသိုင်းအဝိုင်းထဲမှာ လှောင်ပိတ် ပြီး တစ်ပါးသူကိုငြင်းဆန်နေတာ မလုပ်ဘို့လိုပါတယ်၊ တရုတ်သမ္မတရှီကျင့်ဖျင်ဟာ အင်ဒိုနီးရှားရဲ့ “ကြံဟာအုံလိုက်ကျင်းလိုက် ပေါက်ရောက်တဲ့ ဓလေ့ရှိသလို၊ စပါးလင်ဟာလည်း အစုအပြုံလိုက် ပေါက်တဲ့ အမျိုးဖြစ်တယ်။” ဆိုတဲ့ ဆိုရိုးစကားနဲ့ “သွေးကွဲမှု၊ ထိုးနှက်မှုတွေဟာ ဘယ်သူ့အတွက်မှ မကောင်းဘူး။ စည်းလုံးညီညာ အောင်ကြောင်းဖြာ”ဆိုတဲ့ ရိုးရှင်းလှတဲ့ အမှန်တရားကို မီးမောင်းထိုးပြ ခဲ့ပါတယ်။

         “ပိုမိုကျယ်ပြန့်တဲ့ကမ္ဘာတစ်ဝန်းတိုးတက်မှု” ကို တည်ဆောက်ရေးဆိုရာမှာ နိုင်ငံတိုင်းအတူ တကွ တိုးတက်ရေးဖြစ်ပြီး၊ ရှေ့ရောက်နေတဲ့နိုင်ငံများက စိတ်ထားဖြူစင်စွာ အခြားနိုင်ငံများ တိုးတက်ရေးအတွက် လုပ်ကိုင်ဆောင်ရွက်ရမှာဖြစ်သလို အများအတွက် ကဏ္ဍသစ်များ ပိုမိုလမ်း ဖွင့်ပေးရာမှာ ဖြစ်ပါတယ်။ နိုင်ငံကြီးတွေအနေနဲ့ တာဝန်ယူမှု၊ တာဝန်ခံမှုရှိရမှာ ဖြစ်သလို၊ ကမ္ဘာ့ တိုးတက်ရေးအတွက် ကိုယ်ဖိရင်ဖိကြိုးစားလုပ်ကိုင်ကြရမှာ ဖြစ်ပါတယ်။

         “ပိုမိုတန်ပြန်နိုင်စွမ်းကောင်းတဲ့ ကမ္ဘာ့တစ်ဝန်းတိုးတက်မှုကို တည်ဆောက်နိုင်ရေးဆိုတာကို ခါတိုင်းအချိန်များထက် တိုးတက်ရေးပြဿနာကို ပိုမိုအလေးထားဘို့လိုပါတယ်။ ကမ္ဘာ့စီးပွားရေး ပြန်လည် နိုးထလာရေးတည်ဆောက်မှုမှာ မိတ်ဖက်ဆက်ဆံရေးရရှိမှာဖြစ်သလို၊ တိုးတက်ရေးကို ဦးစားပေးတဲ့၊ ပြည်သူသာပဓာနဆိုတဲ့ခံယူချက်နှင့် တိုးတက်ဆဲနိုင်ငံများရဲ့ အခက်အခဲကို အစဉ် အလေးထားကာ တိုးတက်ဆဲနိုင်ငံများက ဦးစားပေးအလေးထားတဲ့ မူဆိုင်ရာကိစ္စရပ်များကိုလည်း လေးစားဘို့ လိုပါတယ်။ တရုတ်နိုင်ငံအနေနှင့် လူသားများရဲ့တိုးတက်ရေးမှာ တာဝန်ယူမှု/ တာဝန်ခံမှုအပြည့်နဲ့လုပ်ကိုင်သွားမှာဖြစ်ပြီး၊ ခေတ်မီနိုင်ငံလမ်းကြောင်းပေါ်သို့ စဉ်ဆက်မပြတ်  လျှောက်လှမ်းနေတဲ့ တရုတ်နိုင်ငံဟာ ကမ္ဘာကြီးအတွက် အခွင့်အလမ်းတွေ ပိုမိုပေးစွမ်းနိုင်မှာ ဖြစ်သလို၊ နိုင်ငံတကာ ပူးပေါင်းဆောင်ရွက်မှုအတွက် အားသစ်ပိုမိုလောင်းပေးနိုင်မှာ ဖြစ်ကာ၊ လူသားအားလုံး တိုးတက်ရေးအတွက် ဆထက်ထမ်းပိုး စွမ်းဆောင်နိုင်မှာဖြစ်ပါတယ်။

         ဒီလို အားရှိစေတဲ့ စကားတွေပြောကြားသွားတဲ့ တရုတ်သမ္မတရှီကျင့်ဖျင်က “တရုတ်နိုင်ငံ အနေနဲ့ မိမိတို့ နိုင်ငံတိုးတက်မှုကြောင့် ကမ္ဘာတစ်ဝှမ်းအခွင့်အလှမ်းများရရှိလာစေမှာ ဖြစ်ကြောင်း၊ လူသားအားလုံး တိုးတက်ရေးအတွက် တရုတ်နိုင်ငံအနေနဲ့ တာဝန်ယူမှု၊ တာဝန်ခံမှုအပြည့်နဲ့ လုပ်ကိုင် သွားဘို့ စိတ်သဘောထားရှိကြောင်း အတိအလင်းပြောကြားခဲ့ပါတယ်။

         ခေါင်းဆောင်များရဲ့ ထိပ်သီးဆွေးနွေးပွဲမှာ တရုတ်သမ္မတရှီကျင့်ဖျင်ဟာ နိုင်ငံခြားရေးဆွေးနွေး ပွဲများဖြစ်တဲ့ နှစ်နိုင်ငံဆွေးနွေးပွဲများ၊ နိုင်ငံအများတွေ့ဆုံပွဲများကို ခပ်စိတ်စိတ် တက်ရောက်သလို တရုတ်ကွန်မြူနစ်ပါတီာ ၂၀ ကြိမ်မြောက်ပြည်လုံးကျွတ်ကွန်ကရက်က ချမှတ်ထားသည့် တရုတ်နိုင်ငံ အနာဂတ်တိုးတက်ရေး ရည်မှန်းချက်နှင့် ပေါ်လစီလမ်းညွှန်ချက်များကို နိုင်ငံအများ သိရှိနားလည်အောင် မိတ်ဆက်ပေးခဲ့ပါတယ်။ ခေါင်းဆောင်များအကြား ကျယ်ပြန့်နက်နဲစွာ ဆွေးနွေးမှုများကြောင့် ခေတ်သစ်တရုတ်နိုင်ငံရဲ့ အနာဂတ်တိုးတက်ရေး လမ်းကြောင်းများကို နိုင်ငံအများပိုမိုသိရှိနားလည် ထားသလို တရုတ်နိုင်ငံကိုယ်တိုင်တိုးတက်မှုကနေ ကမ္ဘာကြီးကို တိုးတက်ရေးဆိုတဲ့ ရည်မှန်းချက် အပေါ် ပိုမိုမျှော်လင့်ချက်ထား ယုံကြည်အားကိုးလာခဲ့ပါတယ်။

         ကမ္ဘာဘဏ်ရဲ့ နောက်ဆုံးစာရင်းထုတ်ပြန်ချက်အရ ၂၀၁၃ ခုနှစ်ကနေ ၂၀၂၁ ခုနှစ်အတွင်း တရုတ်နိုင်ငံရဲ့ ပျှမ်းမျှတိုးတက်မှုဟာ ကမ္ဘာတစ်ဝှမ်းစီးပွားရေးတိုးတက်မှုအတွက် (၃၈၆) စွမ်းဆောင် နိုင်ခဲ့ပြီး နိုင်ငံရဲ့ ဒေသပေါင်း ၁၄၀ ရဲ့ အဓိက ကုန်သွယ်ဖက်နိုင်ငံဖြစ်ခဲ့သလို ကုန်သွယ်မှုပမာဏမှာ လည်း ကမ္ဘာမှာဗိုလ်စွဲနေပါတယ်။ မကြာသေးခင်ကဘဲ တရုတ်နိုင်ငံဟာ (၅) ကြိမ်မြောက်သွင်း ကုန်ပြပွဲကို အောင်မြင်စွာကျင်းပခဲ့ပြီး နိုင်ငံဒေသနှင့် နိုင်ငံတကာအဖွဲ့အစည်းပေါင်း ၁၄၅ နိုင်ငံ တက်ရောက်ပါဝင်ခင်းကျင်းပြသခဲ့ကာ တစ်နှစ်လုံးရဲ့ ရည်မှန်းကုန်သွယ်မှုပမာဏ အမေရိကန်ဒေါ်လာ သန်း၉၇၃၅၂၀) ရှိခဲ့ပါတယ်။

         လက်ရှိ “BRI”စီမံကိန်းသတင်းကောင်းများစွာ ကြားနေရပြီးဖြစ်ပါတယ်။ အင်ဒိုနီးရှား ဂျာကာတာ- ဗန်တောင်း အမြန်ရထားလမ်းတစ်စိတ်တစ်ပိုင်း စမ်းသပ်ပြေးဆွဲမှုစတင်ခြင်း၊ ကမ္ဘောဒီးယား ဖနွမ်ပင်-သီဟာနုပြည်နယ်ဆိပ်ကမ်း အမြန်လမ်းဖွင့်လှစ်ခြင်း၊ တရုတ်-လာအိုရထားလမ်း၊ ကုန်တင်ပြေးဆွဲ ခြင်းစတဲ့ “BRI”စီမံကိန်းလက်တွဲအကောင်အထည်ဖော်မှုများဟာ လူအများ ဝမ်းပန်းတသာ ကြိုဆိုကြတဲ့ အပြည်ပြည်ဆိုင်ရာအများအကျိုးပြုစီမံကိန်းတွေဖြစ်လာနေသလို အပြည်ပြည်ဆိုင်ရာပူးပေါင်းရွက် အတွက် စင်မြင့်တစ်ခုလည်းဖြစ်လာနေသော သန်းပေါင်းများစွာ ပြည်သူလူထုများလည်း ဒီအောင် သီးအောင်ပွင့်တွေကို ခံစားကြမှာဖြစ်ပါတယ်။ တရုတ်ဝိသေသလက္ခဏာဆောင်တဲ့ ခေတ်မီတိုးတက်မှု အောင်သီးအောင်ပွင့်များဟာ တစ်ကမ္ဘာလုံးခံစားခွင့်ရခဲ့သလို ကမ္ဘာကြီး ငြိမ်းချမ်းနိုင်ဘို့ ဒီထက် ကောင်းတဲ့၊ ဒီထက်တန်းတူညီမျှတဲ့ တိုးတက်မှုများရရှိဘို့ အရေးကြီးစွမ်းဆောင်မှုများ ပြုနိုင်ခဲ့ပါ တယ်။ ပြင်သစ်သမ္မတ အီဗန်နျူယက်မက်ခွန်းက ဘာလီကျွန်းတွင် တရုတ်သမ္မတရှီကျင့်ဖျင်နဲ့ တွေ့ဆုံရာမှ တရုတ်ဝိသေသလက္ခဏာဆောင်တဲ့ ခေတ်မီ တိုးတက်မှုပုံစံဟာ အားကျဖွယ်ကောင်း ကြောင်း အတိအလင်း ထုတ်ဖော်ပြောကြားခဲ့ပါတယ်။

         နိုင်ငံခြားပညာရှင်တစ်ယောက်ပြောသွားခဲ့သလိုပါပဲ..၊ ကမ္ဘာ့လူသားတွေဟာ စိန်ခေါ်မှုတွေ ပြည့်နှက်နေတဲ့ ခေတ်ကြီးထဲ ရောက်နေသလို အဲဒီခေတ်ကြီးဟာလည်း မျှော်လင့်ချက်အပေါင်းနဲ့ ပြည့်နှက်နေတဲ့ ခေတ်ကြီးလည်း ဖြစ်နေပါတယ်။ ဒါကြောင့်  တရုတ်နိုင်ငံတိုးတက်မှုက ကမ္ဘာကြီးအတွက် အခွင့် အလမ်းတွေ ပိုမိုရရှိအောင် နိုင်ငံတိုင်းနှင့်  လက်တွဲပြီး အောင်သီး အောင်ပွင့်များမျှဝေခံစားနိုင်ဘို့၊ စိန်ခေါ်မှုများကို ကျော်ဖြတ်ရင်း လူသားအားလုံးရဲ့ တူညီသော လှပတဲ့အနာဂတ်အတွက် တရုတ်နိုင်ငံက နိုင်ငံအားလုံးနှင့်အတူ လက်တွဲရင်ဆိုင်လျှောက်လှမ်း သွားဖို့ အချိန်ဖြစ်ကြောင်းတင်ပြရပါတယ်။

KZ -ရေးသားသည်

#Local_News
Published_29 November 2022

၂၀၂၂-၂၀၂၃ ဘဏ္ဍာနှစ်ရဲ့ ဧပြီလ ၁ ရက်ကနေ ၁၈ ရက်အထိ ခုနှစ်လကျော်ကာလအတွင်း ပြည်ပကို ပို့ကုန်တင်ပို့မှုမှ အမေရိကန်ဒေါ်လာ ၁၀ ဒသမ ၄၃ ဘီလီယံရရှိထားတယ်လို စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနက ဖော်ပြထားတဲ့ စာရင်းတွေအရ သိရပါတယ်။

#Yangon_Media_Group

#DailyNews
Published _ 29 November 2022

၁။ ဘဏ္ဍာနှစ်အတွင်း ပြည်ပသို့ပို့ကုန်တင်ပို့မှုမှ အမေရိကန်ဒေါ်လာ ၁၀ ဒသမ ၄၃ ဘီလီယံရရှိထား

၂။ အိမ်သုံး ဂတ်စ်ဈေး အတက်အကျ မငြိမ်သက်ဘဲရှိနေ

၃။ ဆယ်လတာအတွင်း မီးလောင်ကျွမ်းမှု(၁၂၈၈)ကြိမ်ရှိ၊ လျှပ်စစ်ကြောင့်နှင့်ပေါ့ဆမှုကြောင့် လောင်ကျွမ်းမှုအများဆုံးဖြစ်

၄။ ကော်စတာရီကာရှိ အညစ်ညမ်းဆုံးမြစ်တွင် မိကျောင်းများအခက်အခဲမရှိ နေထိုင်ရှင်သန်လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_29 November 2022

စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက ထုတ်ပြန်ပေးနေတဲ့ စားအုန်းဆီဈေးနှုန်းမှာ မြင့်တက်နေပေမယ့် ဈေးကွက်အတွင်းမှာတော့ စားအုန်းဆီတစ်ပိဿာဈေးနှုန်းဟာ ၅၀၀၀ ကျော်အထိ ပြန်လည်ကျဆင်းလာတာ ဖြစ်ပါတယ်။

#Yangon_Media_Group

#Local_News
Published_29 November 2022

ဒေါ်အောင်ဆန်းစုကြည်ရင်ဆိုင်နေရသော ရဟတ်ယာဉ်အမှု ၅ ခုလုံးကို နေပြည်တော်အကျဉ်းထောင်အထူးတရားရုံး၌ နိုဝင်ဘာလ ၂၈ ရက်တွင် စစ်ဆေးပြီး ဖြစ်ကြောင်း တရားရုံးနှင့် နီးစပ်သည့် အသိုင်းအဝိုင်းက သိရသည်။

ပြီးခဲ့သည့် နိုဝင်ဘာလ ၂၂ ရက်တွင် အမှုအမှတ် ၄၆ ကို စတင်စစ်ဆေးခဲ့ကာ နိုဝင်ဘာလ ၂၈ ရက်တွင် ကျန်ရှိနေသော အမှု အမှတ် ၄၇ ၊ ၄၈ ၊ ၄၉ နှင့် ၅၀ တို့ကို စစ်ဆေးခဲ့ခြင်း ဖြစ်သည်။

"လာမယ့် ဒီဇင်ဘာလ ၅ ရက်နေ့မှာ သက်သေစစ်မယ်၊ ဘယ်သူ့ကို စစ်မယ်၊ ဘယ်ဘက်က သက်သေကို စစ်မယ်ဆိုတာတွေ ဘာမှမသိရသေးဘူး"ဟု အဆိုပါ တရားရုံးနှင့် နီးစပ်သူက ပြောသည်။

ပြီးခဲ့သည့် အောက်တိုဘာလ ၁၈ ရက်က ရဟတ်ယာဉ်နှင့် ပတ်သက်သော အမှုငါးမှုလုံးအတွက် စွဲချက်တင် အမိန့်ချကာ အောက်တိုဘာလ ၂၅ ရက်ကစ၍ ပြန်ခေါ်သက်သေများကို စစ်ဆေးခဲ့ပြီးနောက် ဦးဝင်းမြင့်ကို စတင်စစ်ဆေးခဲ့ပြီးနောက် ဒေါ်အောင်ဆန်းစုကြည်ကို စစ်ဆေးခြင်းလည်း ဖြစ်သည်။

ရဟတ်ယာဉ်နှင့်ပတ်သက်သောအမှုများမှာ အမှတ် ၄၆ ၊ ၄၇ ၊ ၄၈ ၊ ၄၉ နှင့် ၅၀ တို့ဖြစ်ကြပြီး ဦးဝင်းမြင့် ၊ ဒေါ်အောင်ဆန်းစုကြည်တို့ကို အဂတိလိုက်စားမှု တိုက်ဖျက်ရေးဥပဒေ ပုဒ်မ ၅၅ အရ နေပြည်တော်၊ ဘုရားကုန်း မြို့မရဲစခန်းတွင် ၂၀၂၁ ခုနှစ် နိုဝင်ဘာလ ၃၀ ရက် ရက်စွဲဖြင့် ပထမသတင်းပေး တိုင်ကြားချက်ဖွင့်လှစ်ခဲ့ကာ တရားစွဲဆိုထားသော အမှုများ ဖြစ်ကြောင်းလည်း သိရသည်။

#ymg/mt
#Yangon_Media_Group