#WorldNews
Published 16 June 2022

ဟောင်ကောင်မှ ဂျမ်ဘိုရေပေါ်စားသောက်ဆိုင်ဟာ ခရီးသွားဧည့်သည်တွေကို ဆွဲဆောင်နိုင်တဲ့ နာမည်ကျော်စားသောက်ဆိုင်ဖြစ်ပြီး ကန်တုံနဲ့ ဟောလိဝုဒ်ဇာတ်ကားတွေမှာ မကြာခဏပါဝင်ခဲ့တဲ့ စားသောက်ဆိုင်ဖြစ်ပါတယ်။

#Yangon_Media_Group

Published 16 June 2022

ကုလသမဂ္ဂကလေးများရန်ပုံငွေအဖွဲ့ (United Nations Children’s Fund- UNICEF) ၏ မြန်မာနိုင်ငံဆိုင်ရာ ကိုယ်စားလှယ်အဖြစ် တာဝန်ထမ်းဆောင်မည့် Mr. Marcoluigi Corsi က နေပြည်တော်ရှိ နိုင်ငံခြားရေးဝန်ကြီးဌာန၌ နစက နိုင်ငံခြားရေးဝန်ကြီး ဦးဝဏ္ဏမောင်လွင်ထံ ခန့်အပ်လွှာပေးအပ်ခဲ့ကြောင်း သတင်းထုတ်ပြန်ချက်အရ သိရပါတယ်။

မစ္စတာကော်ဆီဟာ ယူနီဆက်အဖွဲ့ကို ၁၉၉၇ခုနှစ်က လက်ထောက်ပရိုဂရမ်အရာရှိအဖြစ် စတင်ဝင်ရောက်ခဲ့ပါတယ်။ ၁၉၉၉ခုနှစ်မှာ သူဟာ ကင်ညာနိုင်ငံ နိုင်ရိုဘီမြို့တာ်အခြေစိုက်တဲ့ ဆိုမာလီယားအထောက်အပံ့ပေးရေးစင်တာကို ပြောင်းရွှေ့ အမှုထမ်းခဲ့ပါတယ်။ ၂၀၀၂ခုနှစ်မှ ၂၀၀၅ခုနှစ်အထိ ယူနီဆက်ရဲ့ Eritrea အီရီထရီးယားနိုင်ငံ ဒုတိယဌာနေကိုယ်စားလှယ်အဖြစ် လည်းကောင်း၊၂၀၀၅မှ ၂၀၀၈ခုနှစ်အထိ ယူနီဆက်ရဲ့ စီမံကိန်း၊စောင့်ကြည့်လေ့လာရေး၊အကဲဖြတ်ရေးနှင့် အရင်းအမြစ် ရွှေ့ပြောင်းရးဆိုင်ရာ  အကြီးတန်းပရိုဂရမ်ကျွမ်းကျင်သူအဖြစ် တာဝန်ထမ်းဆောင်ခဲ့ပါတယ်။၂၀၀၈မှ ၂၀၁၁ခုနှစ်အထိ အင်ဒိုနီးရှားနိုင်ငံရဲ့ ယူနီဆက်ဒုတိယဌာနေကိုယ်စားလှယ်နှင့် အဲဒီနောက် ဘိုလစ်ဗီးယားနိုင်ငံဆိုင်ရာ ဌာနေကိုယ်စားလှယ် အဖြစ် ပြောင်းရွေ့ခဲ့ပါတယ်။၂၀၁၅ခုနှစ်မှာ မိုဇမ်ဘစ်နိုင်ငံဆိုင်ရာ ဌာနေကိုယ်စားလှယ်အဖြစ်လည်းကောင်း၊ အဲဒီနောက် ယူနီဆက်   အရှေ့အာရှနှင့်ပစိဖိတ်ရုံး ဒေသဆိုင်ရာ ဒုတိယညွှန်ကြားရေးမှူးအဖြစ်လည်းကောင်း တာဝန်ထမ်းဆောင်ခဲ့  ကြောင်း ယူနီဆက်သတင်းအရင်အမြစ်အရသိရပါတယ်။သူဟာ နိုင်ငံတကာ နို်ငံရေးသိပ္ပံမဟာဘွဲ့ရရှိထားတဲ့ အီတလီ  လူမျိုးတစ်ဦးဖြစ်ပါတယ်။

Ymg/nl/

Published_ 16 June 2022

ငြိမ်းချမ်းရေးဆွေးနွေးဖို့နေပြည်တော်ကိုရောက်ရှိနေတဲ့ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO)မှ ဒုတိယဥက္ကဋ္ဌ (၁) ခွန်ထွန်းတင် ဦးဆောင်တဲ့ ငြိမ်းချမ်းရေးကိုယ်စားလှယ်အဖွဲ့ဟာ  ဒီကနေ့ဇွန် ၁၆ ရက်မှာ နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်နှင့်တွေ့ဆုံပြီး ငြိမ်းချမ်းရေးဆွေးနွေးမှုတွေ စတင်ခဲ့တယ်လို့ သတင်းထုတ်ပြန်ချက်အရသိရပါတယ်။

ငြိမ်းချမ်းရေးဆွေးနွေးပွဲများကို ယခုထက်ထိ ပအိုဝ်းအမျိုးသားလွတ်မြောက်ရေးအဖွဲ့ချုပ်အပါအဝင် တိုင်းရင်းသားလက်နက်ကိုင် အဖွဲ့အစည်း(၇)ဖွဲ့နှင့် တွေ့ဆုံဆွေးနွေးနေတာဖြစ်ပါတယ်။ ဆွေးနွေးပွဲတက်ရောက်ဖို့ အကြောင်းပြန်ထားတဲ့အဖွဲ့တွေထဲက ကျန်ရှိတဲ့ အဖွဲ့အစည်းတွေနှင့်လည်းဆွေးနွေးပွဲတွေ ဆက်လက်လုပ်ဆောင်သွားမှာဖြစ်ပြီး ကျန်အဖွဲ့တွေကိုလည်း တက်ရောက်ဖို့ထပ်မံဖိတ်ခေါ်ထားတယ်လို့ နစက,က သတင်းထုတ်ပြန်ထားပါတယ်။

ymg/nl/

Published 16 June 2022

နာမည်ကြီးအလှကုန်ကုမ္ပဏီကြီးဖြစ်တဲ့ ရက်ဗလွန်က ဒေဝါလီခံပြီးအကာအကွယ်ရယူဖို့အတွက် ဗုဒ္ဓဟူးနေ့က လျှောက်ထားလိုက်ပါတယ်။ အွန်လိုင်းကို အားယူထားတဲ့ ရုတ်ချည်းနာမည်ကြီးလာနေတဲ့ အလှကုန်တွေကို ဒီနှစ်ပိုင်းတွေ အတွင်း ခက်ခက်ခဲခဲ ယှဉ်ပြိုင်နေရပြီးနောက် ယခုလိုဒေဝါလီခံဖို့‌ လျှောက်ထားလိုက်တာဖြစ်ပါတယ်။

လက်သည်းအရောင်တင်ဆေးနှင့်နှုတ်ခမ်နီထုတ်လုပ်တဲ့ ရက်ဗလွန်ဟာ ဘီလျံနာရွန်ပီရီလ်မင်းရဲ့ မက်အင်ဒရူးအင်န်ဖော့်ဘ်စ် က ထိန်းချုပ်ထားတာဖြစ်ပြီး ပိုင်ဆိုင်မှုတွေနှင့်ပေးရန်တာဝန်တန်ဖိုး ဟာ ဒေါ်လ တစ် ဘီလျံနှင့် ၁၀ဘီလျံအကြားရှိပါတယ်လို့  နယူးယောက်တောင်ပိုင်းခရိုင်က အမေရိကန်ဒေဝါလီတရားရုံးကို လျှောက်ထားချက်အရ သိရပါတယ်။

ထောက်ပံ့မှုအဟန့်အတားတွေနှင့် ဝယ်လိုအားရှိတဲ့ အရေပြားစောင့်ရှောက်မှုထုတ်ကုန်တွေကို ခပ်မြန်မြန် မပြောင်းလဲနိုင်တောတွေကြောင့်  ရက်ဗလွန်ရဲ ရောင်းအားဟာ ကျဆင်းနေခဲ့ရပါတယ်။ ဆယ်လီ ကီလီဂျင်နာရဲ ကီလီအလှကုန်နှင့် ရီဟန်နားရဲ့ ဖန်တီဗျူတီတို့လို့ အလှကုန်တွေကြောင့် ရက်ဗလွန်ဟာ အမေရိကန်စတိုးဆိုင်တွေမှာ အရောင်းစင်ပေါ်က သူ့ရဲ့နေရာကို ဖယ်ပေးခဲ့ရတာဖြစ်ပါတယ်။

ရက်ဗလွန်ရဲ့ပြိုင်ဘက် ကိုတီအင်န်ကတော့  ကိုဗစ်အလွန်မှာ ပြန်ခေတ်စားလာတဲ့ မျက်တောင်ခြယ်ဆေးနှင့်နှုတ်ခမ်းနီတွေ အလှကုန်တွေအတွက် ထောက်ပို့ဖြည့်တင်းမှုတိုးတက်ဖို့ အကြီးအကျယ်ရင်းနှီးမြှပ်နှံလိုက်တာကြောင့် ဈေးကွက်နေရာ ပြန်ရလာပါတယ်။

ပီရီမင်းရဲ့ သမီး ဒီဘရာပီရီမင်းန်က ၂၀၁၈ခုနှစ် နှစ်လည်ကစပြီး  ကိုင်တွယ်ထိန်းကျောင်းထားတဲ့ ရက်ဗလွန်ဟာ  ယခုနှစ် မတ်၃၁ ရက်အထိ ကာလရှည် အကြွေး ၃.၃၁ ဘီလျံတင်ခဲ့ပါတယ်။

ချားလ်နှင့် ဂျိုးဇက်ရီဗဆန်ညီအစ်ကိုနှင့် ချားလ်စ် လက်ချ်မင်းတို့ ၁၉၃၂ ခုနှစ်က တည်ထောင်ခဲ့တဲ့ ရက်ဗလွန်ဟာ ၁၉၈၅ ခုနှစ်မှာ မက်အင်ဒရူးအင်န်ဖော့ဘ်စ်ကို ရောင်းချခဲ့ပါတယ်။ ၁၁နှစ်အကြာမှာ အများပိုင်အဖြစ်ပြောင်းလဲခဲ့ပါတယ်။ ကုမ္ပဏီဟာ ယင်းရဲ့ အရည်ပြားပြုပြင်ထိန်းသိမ်းရေးလုပ်ငန်းတွေ တိုးချဲ့ဖို့ အဲလစ်ဇဘက်အာဒင်ကို ဒေါ်လာ သန်း၈၇၀နှင့် ၂၀၁၆မှာ ဝယ်ယူခဲ့ပါတယ်။

ဒါပေမယ့်ရက်ဗလွန်ရဲ့ အသာတင်အရောင်းဟာ ယှဉ်ပြိုင်မှုတွေကြောင့် ၂၀၂၁မှာ ၂၂ရာခိုင်နှုန်းကျဆင်းသွားပါတယ်။

လွန်ခဲ့တဲ့ နှစ်၉၀ကစပြီး လက်သည်းကြွေဆေးတွေ ရောင်းချမှုနှင့် စတင်ခဲ့တဲ့ ရက်ဗလွန်ဟာ ဘရစ်တနေးစပီးယား ရေမွှေး၊ ခရစ်စတီးနားအာဂီလယ်ရာ ရေမွှေးစတဲ့ နမည်ကြီး တံဆိပ်များစွာကိုလည်း ကိုယ်ပိုင်ထုတ်ခဲ့တာဖြစ်ပါတယ်။

 Source Reuters

#LocalNews
Published _ 16 June 2022

ဒလမြို့နယ် ရန်ကုန်-ဒလ တံတားစီမံကိန်းနယ်မြေအနီးမှာရှိတဲ့ အိမ်၊ခြံ၊မြေတွေ ဈေးဆက်လက်မြင့်တက်သွားတယ်လို့ သိရပါတယ်။

#Yangon_Media_Group

#LocalNews
Published_16 June 2022

မြန်မာ-တရုတ်နယ်စပ်ဒေသတစ်လျှောက်တွင် ငှက်ဖျားရောဂါတိုက်ဖျက်ရေးလုပ်ငန်းကို တစ်ဆင့်တိုးဖော်ဆောင်ရန်လိုနေကြောင်း ကျန်းမာရေးဝန်ကြီးဌာန ညွှန်ကြားရေးမှူးချုပ် ဒေါက်တာမြင့်မြင့်သန်းက ပြောသည်။

ဇွန်လ ၁၅ ရက်တွင် ပြုလုပ်ခဲ့သည့် ဆဋ္ဌမအကြိမ်မြောက် တရုတ်-မြန်မာနယ်စပ်ဒေသ ငှက်ဖျားရောဂါတိုက်ဖျက်ရေးအစည်းအဝေးတွင် ယင်းက အထက်ပါအတိုင်းပြောကြားခဲ့ခြင်း ဖြစ်သည်။

မြန်မာနိုင်ငံတွင် ငှက်ဖျားရောဂါကူးစက်ခံရသူဦးရေ သိသိသာသာ ကျဆင်းလာပြီဖြစ်သော်လည်း မြန်မာနိုင်ငံ မြောက်ပိုင်းဒေသ အထူးသဖြင့် မြန်မာ-တရုတ်နယ်စပ်ဒေသတစ်လျှောက်တွင် ငှက်ဖျားရောဂါတိုက်ဖျက်ရေးလုပ်ငန်းကို တစ်ဆင့်တိုးဖော်ဆောင်ရန်လိုအပ်ကြောင်း၊ လတ်တလောနှစ်ပိုင်းတွင် မြန်မာ-တရုတ်နှစ်နိုင်ငံက ငှက်ဖျားရောဂါတိုက်ဖျက်ရေးကဏ္ဍတွင် ကြိမ်ဖန်များစွာ ထိရောက်သည့် ကူးလူးဖလှယ်မှု လုပ်ဆောင်ခဲ့ကြောင်းနှင့် တရုတ်နိုင်ငံနှင့်အတူ နယ်စပ်ဒေသ ငှက်ဖျားရောဂါကာကွယ်ကုသရေးဆိုင်ရာ ပူးပေါင်းဆောင်ရွက်မှုမြှင့်တင်၍ နှစ်နိုင်ငံပြည်သူများ ကျန်းမာရေးအကျိုးစီးပွားကို အတူတကွကာကွယ်ထိန်းသိမ်းရန် မျှော်လင့်ကြောင်း ယင်းက ပြောသည်။

အဆိုပါအစည်းအဝေးသို့ မြန်မာနိုင်ငံ ကျန်းမာရေးဝန်ကြီးဌာန ပြည်သူ့ကျန်းမာရေးဦးစီးဌာန ညွှန်ကြားရေးမှူးချုပ် ဒေါက်တာမြင့်မြင့်သန်း၊ တရုတ်နိုင်ငံ အမျိုးသားကျန်းမာရေးကော်မရှင် ရောဂါကာကွယ်ရေးနှင့် ထိန်းချုပ်ရေးဦးစီးဌာန၊ ယူနန်ပြည်နယ် ကျန်းမာရေးကော်မရှင် ရောဂါကာကွယ်ရေးနှင့်ထိန်းချုပ်ရေးဦးစီးဌာန၊ တရုတ်နိုင်ငံ ကူးစက်ရောဂါထိန်းချုပ်ရေးစင်တာ ကပ်ပါးရောဂါကာကွယ်ထိန်းချုပ်ရေးဌာန တာဝန်ခံတို့ တက်ရောက်ခဲ့ကြကြောင်းလည်း သိရသည်။

တရုတ်-မြန်မာနှစ်နိုင်ငံ နယ်စပ်မှာ ကီလိုမီတာ၂၀၀၀ ကျော် ရှည်လျားကြောင်း၊ တရုတ်နိုင်ငံအနေဖြင့် မြန်မာနိုင်ငံ ကူးစက်ရောဂါထိန်းချုပ်ရေးဗဟိုဌာန (CDC) နှင့် ကျန်းမာရေးဝန်ထမ်းများ လေ့ကျင့်ရေးစီမံကိန်းကိုလည်း နေပြည်တော်၌ တည်ဆောက်ပေးခဲ့ကြောင်း၊ ယခုအကြိမ်တွင် တရုတ်-မြန်မာနှစ်နိုင်ငံမှပညာရှင်များက တရုတ်-မြန်မာနယ်စပ်ဒေသ ငှက်ဖျားရောဂါ ကာကွယ်ကုသရေးကူညီမှုစီမံကိန်းများ ဖြစ်နိုင်ခြေလေ့လာမှု ပြုလုပ်ခဲ့ကြကြောင်းလည်း သိရသည်။

ymg/mt
#Yangon_Media_Group

#LocalNews
Published - 16 June 2022

လာမည့်ရွေးကောက်ပွဲတွင် ဝင်ရောက်ယှဉ်ပြိုင်မည့် ရွေးကောက်ပွဲကိုယ်စားလှယ်လောင်းများ၏ ပညာအရည်အချင်းကို သတ်မှတ်ရန်ရှိကြောင်း ပြည်ထောင်စုရွေးကောက်ပွဲကော်မရှင်၏ ပြောခွင့်ရှိသူ ဦးခင်မောင်ဦးကပြောသည်။

ပြီးခဲ့သည့် လွှတ်တော်သက်တမ်းများတွင် ပညာအရည်အချင်းသတ်မှတ်ချက်မရှိသော်လည်း လာမည့်ရွေးကောက်ပွဲအတွက် လွှတ်တော်ကိုယ်စားလှယ်လောင်းများ၏ ပညာအရည်အချင်းကိုသတ်မှတ်ရန် ဥပေဒထဲတွင် လျာထားကြောင်း ပြည်ထောင်စုရွေးကောက်ပွဲကော်မရှင်ပြောခွင့်ရ ဦးခင်မောင်ဦးက ဇွန်လ ၁၆ ရက် (ယနေ့)သတင်းစာရှင်းလင်းပွဲတွင် ပြောကြားခဲ့သည်။

''လွှတ်တော်ကိုယ်စားလှယ်တွေဟာ တိုင်းပြည်ရဲ့အုပ်ချုပ်ရေးနဲ့ တရားစီရင်ရေးအပါအဝင် တိုင်းပြည်ရဲ့အရေးကြီးတဲ့ကဏ္ဍမှာ ပါဝင်လို့ သူတို့အရည်အချင်းနဲ့ စွမ်းဆောင်ရည်မြင့်မားဖို့လိုတယ်။ ဒါကြောင့် လွှတ်တော်ကိုယ်စားလှယ်တွေရဲ့အရည်အချင်း သတ်မှတ်ချက် အတည်ပြုပြီးရင် ထုတ်ပြန်ဖို့ရှိပါတယ်။ လွှတ်တော်ကိုယ်စားလှယ်တွေရဲ့ ပိုင်ဆိုင်မှု စီးပွားရေး ဥစ္စာ ဘယ်လောက်ရှိရမယ်ဆိုတာ သတ်မှတ်ဖို့မရှိပေမဲ့ ပါတီတစ်ခုချင်းဟာ ရှိသင့်တဲ့ဘဏ္ဍာရေးအခြေအနေရှိဖို့ လိုတာတွေပါတယ်''ဟု ယင်းက ပြောသည်။

လက်ရှိဖွဲ့စည်းပုံအခြေခံဥပဒေပါ ပြဋ္ဌာန်းချက်အရ လွှတ်တော်ကိုယ်စားလှယ် အရည်အချင်းသတ်မှတ်ချက်တွင် ပညာအရည်အချင်းကို ကန့်သတ်ထားခြင်းမရှိဘဲ ပြည်သူ့လွှတ်တော်ကိုယ်စားလှယ်နေရာအတွက် အသက် ၂၅ နှစ်ပြည့်ပြီးသူ၊ အမျိုးသားလွှတ်တော်ကိုယ်စားလှယ်နေရာအတွက် အသက် ၃၀ ပြည့်ပြီးသူ၊ နိုင်ငံသားမိသားနှစ်ပါးမှ မွေးဖွားသူနှင့် နိုင်ငံအတွင်းအနည်းဆုံး ဆယ်စုနှစ်ချီနေထိုင်ပြီးသူဖြစ်ရမည်ဖြစ်ကြောင်း သိရသည်။

ymg/sth
#Yangon_Media_Group

#LocalNews
Published - 16 June 2022

တက္ကသိုလ်ဝင်တန်းအောင်စာရင်းကိုဇွန်လ(၁၇)ရက်မှာ ထုတ်ပြန်မှာဖြစ်ပါတယ်၊၊

#Yangon_Media_Group

#LocalNews
Published - 16 June 2022

ပြည်တွင်းသို့သွင်းကုန်တင်သွင်းခြင်းနှင့် ပတ်သက်၍ တစ်ဦးချင်းကားတင်သွင်းမှု အပါအဝင်ဇိမ်ခံပစ္စည်းများ တင်သွင်းခြင်းကို ကန့်သတ်ထားဆဲဖြစ်ကြောင်း စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနမှ တာဝန်ရှိသူတစ်ဦးက ဇွန်လ ၁၆ ရက်တွင်ပြုလုပ်သည့် သတင်းစာရှင်းပွဲအတွင်း ပြောကြားခဲ့သည်။

"ဇိမ်ခံပစ္စည်းတွေပေါ့ တစ်ဦးချင်းကားပါမစ်တွေ အဲဒါမျိုးတွေစသဖြင့် တင်သွင်းခွင့်မပြုတဲ့ အမယ်တွေရှိပါတယ်။ ဒါပေမဲ့ ခုချိန်မှာ မြန်မာနိုင်ငံအတွက်လည်း ကားတော်တော်များများရှိပြီ။ လုံလောက်မှုရှိပြီ။ အဲဒီအတွက်ကို လောလောဆယ်ယာယီအဖြစ် တစ်ဦးချင်းကားတင်သွင်းတာ ကန့်သတ်ထားတာရှိပါတယ်။ ဇိမ်ခံပစ္စည်းတွေ လိုအပ်တဲ့ပစ္စည်းအမယ်တွေကို စီစစ်ကန့်သတ်ပြီး တေ့ာ ပြည်တွင်းအတွက်လိုအပ်တဲ့ စက်မှုကုန်ကြမ်းပစ္စည်းတွေ၊ စားသောက်ကုန်ကြမ်း၊ စက်ရုံ အလုပ်ရုံအတွက် လိုအပ်တဲ့ကုန်ကြမ်းပစ္စည်းတွေတင်သွင်းတယ်။ လယ်ယာစိုက်ပျိုးရေးနိုင်ငံဖြစ်တဲ့အတွက် လယ်ယာထွက်ကုန်ပစ္စည်း၊ မွေးမြူရေးပစ္စည်းနဲ့ဆိုင်တဲ့ သွင်းကုန်တွေကို ဦးစားပေးတင်သွင်းတယ်။ ဇိမ်ခံပစ္စည်းတွေကတော့ ဦးစားပေးအနေနဲ့နောက်ဆုံးအဆင့်မှာရှိပါတယ်" ဟု ယင်းကဆိုသည်။

ပြီးခဲ့သည့် ဧပြီလမှစ၍ ဗဟိုဘဏ်မှအမိန့်ညွှန်ကြားချက်နှင့်ပတ်သက်၍ နိုင်ငံခြားငွေကြီးကြပ်မှုကော်မတီဖွဲ့စည်းကာ ပြည်ပသွင်းကုန်ပစ္စည်းများအတွက် ကော်မတီသို့တင်ပြ၍ စီစစ်ခွင့်ပြုပေးနေကြောင်း သိရသည်။

ymg/sth
#Yangon_Media_Group

#LocalNews
Published_16 June 2022

ရန်ကုန်မြို့သစ်စီမံကိန်း ပြန်လည်စတင်နိုင်ရန် ကော်မတီဖွဲ့စည်း၍ လေ့လာသုံးသပ်နေကြောင်း နစက-ပြောရေးဆိုခွင့်ရှိသူ ပြန်ကြားရေးဒုဝန်ကြီး ဗိုလ်ချုပ်ဇော်မင်းထွန်းက ယနေ့ဇွန်လ ၁၆ ရက်တွင် ပြုလုပ်သည့် သတင်းစာရှင်းလင်းပွဲတွင် ပြောကြားလိုက်သည်။

‘‘ရန်ကုန်မြို့သစ်စီမံကိန်းကိုတော့ ရန်ကုန်တိုင်းအစိုးရက အဖွဲ့ဖွဲ့စည်းပြီး လေ့လာသုံးသပ်နေဆဲ အခြေအနေပဲ ရှိပါသေးတယ်’’ဟု ယင်းကပြောသည်။

ရန်ကုန်မြို့သစ်စီမံကိန်းမှာ ကြီးမားသော စီမံကိန်း ဖြစ်သောကြောင့် ၂၀၂၁ ခုနှစ် ဖေဖော်ဝါရီလ တစ်ရက်နောက်ပိုင်းကစ၍ ဆက်လက်ဖော်ဆောင်မှုကို မပြုလုပ်တော့ဘဲ ရပ်ထားခဲ့ခြင်း ဖြစ်ကြောင်းလည်း သိရသည်။

သို့သော်လည်း ပြီးခဲ့သည့် ၂၀၂၀ ပြည့်နှစ်ကပင် အဆိုပါ စီမံကိန်းအတွင်း အရောင်းအဝယ်ပြုလုပ်ထားပြီးဖြစ်သည့် မြေကွက်များကို ဆလစ်စာရွက်များ ထုတ်ပေးထားပြီး ဖြစ်သောကြောင့် ဒေသခံများအပါအဝင် အခြား ရင်းနှီးမြှုပ်နှံမှု ပြုလုပ်သူများက မြို့သစ်စီမံကိန်းကို အကောင်အထည်ဖော်လိုနေကြကြောင်းလည်း သိရသည်။

လက်ရှိတွင် မပြီးပြတ်သေးသော ရန်ကုန်မြို့သစ်စီမံကိန်း၊ မြေယာပြန်လည်ပေးအပ်ရေး ကိစ္စများကို ရန်ကုန်တိုင်းဒေသကြီးအစိုးရအဖွဲ့နှင့် သက်ဆိုင်ရာ အဖွဲ့အစည်း၊ ဌာနများက လုပ်ဆောင်နေကြောင်းလည်း သိရသည်။

ymg/mt
#Yangon_Media_group

#LocalNews
Published_16 June 2022

ရခိုင်ပြည်နယ်ကျောက်ဖြူမြို့၊ ကန့်ကော်တောဘုရားအနီးတွင် ၂၀၂၀ ပြည့်နှစ်က စတင်တည်ဆောက်နေသည့် သဘာဝဓာတ်ငွေ့နှင့် စွန့်ပစ်အပူသုံးစက်ရုံ ၈၀ ရာခိုင်နှုန်းကျော်ပြီးစီးပြီ ဖြစ်ကြောင်း သိရသည်။

အဆိုပါ စီမံကိန်းကို တင်တည်ဆောက်ခဲ့ခြင်းဖြစ်ပြီး စက်ရုံလည်ပတ်ပါက ၁၃၅ MW ဓာတ်အားထွက်ရှိမည်ဖြစ်ကာ ၁ ယူနစ်လျှင် ၈ ဒသမ ၅၉ ဆင့် နှုန်းဖြင့် ဖြန့်ချိနိုင်မည်ဖြစ်ကြောင်း၊ စက်ရုံလည်ပတ်စဉ်ကာလ ၂၅ နှစ်အတွင်း လျှပ်စစ်ဓာတ်အား ထုတ်လုပ်နိုင်ရေး လုပ်ငန်း(EPGE)မှ အင်ဂျင်နီယာများအား စက်ရုံတွင် ခေါ်ယူတာဝန်ပေး၍ စက်ရုံလည်ပတ်မှု ပြုပြင်ထိန်းသိမ်းမှုဆိုင်ရာ နည်းပညာများအား လွှဲပြောင်းဆောင်ရွက်ပေးသွားမည် ဖြစ်ကြောင်းလည်း သိရသည်။

ပြီးခဲ့သည့် ဇွန်လ ၁၄ ရက်က စစ်ကောင်စီဒုဥက္ကဌ ဒုတိယဗိုလ်ချုပ်မှူးကြီး စိုးဝင်းတို့အဖွဲ့ လာရောက် လေ့လာခဲ့စဉ် စက်ရုံစီမံကိန်း အကောင်အထည်ဖော်မှုနှင့် စက်ရုံလည်ပတ်ချိန်တွင် သဘာဝပတ်ဝန်းကျင် ထိခိုက်မှုမရှိစေရေးအတွက် လုပ်ဆောင်ရန်လည်း ပြောကြားခဲ့ကြောင်း သိရသည်။

ymg/mt
#Yangon_Media_Group

#LocalNews
Published -16 June 2022

နစက၏ ဖိတ်ခေါ်မှုအရ ယနေ့ ဇွန်လ ၁၆ ရက်အထိ တာဝန်ပြန်လည်ထမ်းဆောင်ရန် သတင်းပေးပို့သူ ဆရာ၊ ဆရာမ ဦးရေဟာ ၃၁၅၆ ဦး ရှိနေပြီဖြစ်ကြောင်း နစက သတင်းပြန်ကြားရေးခေါင်းဆောင် ဗိုလ်ချုပ်ဇော်မင်းထွန်းက ယနေ့ကျင်းပသည့် ၁၆ ကြိမ်မြောက်သတင်းစာရှင်းလင်းပွဲတွင် ပြောသည်။

ပြီးခဲ့သည့် ဇွန်လ ၇ ရက်မှစ၍ သတ်မှတ်ရက်အတွင်း သတင်းမပို့နိုင်သေးသော ဆရာ၊ ဆရာမများအတွက် သတင်းပို့ဆက်သွယ်ရမည့်ရက်ကို ဇွန်လ ၁၄ ရက်အထိ ထပ်မံ၍တိုးမြှင့်သတ်မှတ်ပေးထားခဲ့ကြောင်းလည်း နစကမှ အသိပေးကြေညာထားသည်။

ယခင်က စတင်ဖိတ်ခေါ်ခဲ့သည့်မေလအတွင်း မေလ ၃၁ ရက်ထိ သတင်းပေးပို့သူ ဦးရေ ၂၄၈၂ ဦးရှိခဲ့ကာ ထပ်တိုးကာလ ဇွန်လ ၇ ရက်ထိ ၂၉၆၀ ဦး ဖြစ်လာကာ ဇွန်လ ၁၅ ရက်ထိ ၁၉၆ ဦး ထပ်မံတိုးလာသည့်အတွက် ၃၁၅၆ ဦးထိရှိလာကြောင်း သိရသည်။

ခြိမ်းခြောက်အကျပ်ကိုင်ခံရမှုများကြောင့်လည်းကောင်း၊ ငြိမ်းချမ်းစွာဆန္ဒပြမှုများတွင် ပါဝင်ခဲ့မိသောကြောင့်လည်းကောင်း၊ သွားလာမှုခက်ခဲခြင်းကြောင့်လည်းကောင်း စိုးရိမ်ကြောင့်ကြမှုများကြောင့် တာဝန်မှကင်းကွာခဲ့သည့် ဆရာ၊ ဆရာမများနှင့် ဝန်ထမ်းစည်းကမ်းဖြင့် အရေးယူခံထားရသည့် ဆရာ၊ ဆရာမများအနေဖြင့် နိုင်ငံသားမျိုးဆက်သစ်လူငယ်များအတွက် သင်ကြားရေးတာဝန်ကို ပြန်လည်ထမ်းဆောင်နိုင်ရန် နောက်ဆုံး မိမိတာဝန်ထမ်းဆောင်ခဲ့သော ကျောင်းတည်ရှိသည့် မြို့နယ်ပညာရေးမှူးရုံးသို့ဖြစ်စေ၊ နေထိုင်နေသည့် နီးစပ်ရာမြို့နယ်ပညာရေးမှူးရုံး သို့ဖြစ်စေ သတင်းပို့ကြရန် နိုင်ငံတော်စီမံအုပ်ချုပ်ရေးကောင်စီ၊ သတင်းထုတ်ပြန်ရေးအဖွဲ့မှ ထုတ်ပြန်ထားသည်။

ymg/NN
#Yangon_Media_Group