#Local_News
Published_ 16 December 2022

ငါးရက်ကြာပျောက်ဆုံးခဲ့သည့် ကလေးငယ်ဇွဲဝေယံထွန်းကို ခေါ်ယူထားသည့် အိမ်နီးချင်းများကို သက်ဆိုင်ရာခေါ်ယူစစ်မေးနေသည်ဟု ကလေးငယ်၏ မိခင်ဖြစ်သူက YMG ကို ပြောသည်၊၊

ကလေးငယ်ကို ပျောက်သွားသည့်သူ့အဘွားအိမ်၏ ဘေးအိမ်မှပြန်လည်တွေ့ရှိခဲ့သည်ဟု ဆိုသည်၊၊

ကလေးမိခင်ဖြစ်သူက "ဘေးအိမ်ကနေပြန်တွေ့တာပါရှင်၊ အပေါ်ထပ်မှာ ပြန်တွေ့တာပါ၊ စောင်ခြုံထားတယ်ဆိုတာက ကလေးကအိပ်နေတာပါရှင်၊ အစ်မတို့က ပုံမှန်သက်ဆိုင်ရာကို ကလေးပျောက်တုန်းက အကြောင်းကြားထားတာရှိတဲ့အတွက် စခန်းက အဲ့ဒီအိမ်က သက်ဆိုင်တဲ့သူတွေကို ခေါ်သွားပါတယ်ရှင့်၊၊ အစ်မတို့ကလေးပျောက်နေတယ်ဆိုတာ သူတို့သိပါတယ်ရှင့် ဘာရည်ရွယ်ချက်ကြောင့် ဒီလိုလုပ်ရလဲဆိုတာတော့ အစ်မတို့လည်း ခန့်မှန်းရခက်နေပါတယ်၊၊ ဗေဒင်ဆရာတစ်ဦးက ဒီအိမ်မှာရှိနိုင်တယ်လို့ ပြောတယ်၊၊ ကလေးကိုကျတော့ သူတို့ကပဲ(ခေါ်ထားတဲ့ အိမ်နီးချင်း) ပြန်ဆက်သွယ်ပြီး လာပြောတာပါရှင့်၊၊ အဲ့အိမ်ဘက်က အမျိုးသားတစ်ယောက်က ဒီအိမ်ပေါ်မှာ ကလေးလေးတစ်ယောက် ရှိတယ်၊၊ သူ့ရဲ့အိမ်ထောင်ဖက်အမျိုးသမီးကို သင်္ကာမ ကင်းဖြစ်နေတယ်၊၊ အိမ်ပေါ်ထပ်မှာ ကလေးလေးတစ်ယောက်ရောက်နေတယ် ထင်တယ်ပေါ့နော်၊၊ သူတို့ကအဲလိုလာပြောပါတယ်ရှင့်၊၊ ဒီဘက်က ကလေးလေးဖြစ်ဖို့ များတယ်ပေါ့၊၊ အိမ်အပေါ်တက်ကြည့်လိုက်တော့ အိမ်ကကလေးလေးဖြစ်နေတာပါရှင့်"ဟု ပြောသည်၊၊

ဒီဇင်ဘာလ(၁၁)ရက်က ကလေးငယ်မောင်ဇွဲဝေယံထွန်းသည် ၇၁လမ်း၃၀×၃၁လမ်းရှိ အဘွားအိမ်တွင် ဆော့နေစဉ်နေ့လည် ၂:၄၅ အချိန်ခန့်တွင် ပျောက်ဆုံးခဲ့ကြောင်းနှင့် ဒီဇင်ဘာ (၁၆)ရက်မနက်တွင် ပျောက်ဆုံးခဲ့သည့် အိမ်၏ဘေးအိမ်အပေါ်ထပ်တွင် အိပ်ပျော်လျက်ပြန်လည်တွေ့ရှိခြင်းဖြစ်ကြောင်း သိရသည်၊၊

#ymg/tthl
#Yangon_Media_Group

#Local_News
Published_16 December 2022

မြန်မာနိုင်ငံရှိ ဆင်းမ်ကတ်သုံးစွဲသူများအနေနှင့် မိမိတို့ ဆင်းမ်ကတ် မှတ်ပုံတင်ထားသည့် အချက်အလက်များ မှန်ကန်မှု ရှိ/မရှိ စစ်ဆေးပြီး ပြင်ဆင်ရန် လိုအပ်ပါက ၂၀၂၃ ခုနှစ်၊ ဇန်နဝါရီလ ၃၁ ရက် နောက်ဆုံးထားပြီး ပြန်လည်ပြင်ဆင်ရန် လိုအပ်ကြောင်း မိုဘိုင်းဆက်သွယ်ရေးအော်ပရေတာများက ထပ်မံအသိပေး ထုတ်ပြန်ကြေညာထားသည်။

မိမိတို့သုံးစွဲနေသည့် ဆင်းမ်ကတ်များကို စစ်ဆေးပြီးပြန်လည်ပြင်ဆင် မှတ်ပုံတင်ခြင်းအားဖြင့် သုံးစွဲသူများအတွက် မိုဘိုင်းလ်ငွေကြေး ဝန်ဆောင်မှုများကိုလည်း လုံခြုံစိတ်ချစွာဖြင့် သုံးစွဲနိုင်မည့်အပြင် ဒီဂျစ်တယ်ပိုင်းဆိုင်ရာနှင့် ပြင်ပ လိမ်လည်မှုများ၏ အန္တရာယ်မှ ကာကွယ်ပေးမည် ဖြစ်သည်ဟု အဆိုပါအော်ပရေတာများက ပြောကြားထားသည်။

ဆင်းမ်ကတ်များကို လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၏ အချက်အလက်များနှင့် နှိင်းယှဉ်စစ်ဆေး၍ အချက်အလက်များ မှန်ကန်ပြည့်စုံစွာ ဖြည့်စွက်ထားခြင်းမရှိသည့် ဆင်းမ်ကတ်များကို ပိတ်သိမ်းသွားမည်ဖြစ်ကြောင်း ဆက်သွယ်ရေးညွှန်ကြားမှုဦးစီးဌာနမှ ထုတ်ပြန် ကြေညာထားပြီး ဆင်းမ်ကတ်သုံးစွဲသူများအနေနှင့် မိမိတ့ို၏ အမည်၊ နိုင်ငံသားစိစစ်ရေးကတ်အမှတ် နှင့် နိုင်ငံသား စိစစ်ရေးကတ်၏ ရှင်းလင်းထင်ရှားသည့် အရှေ့/အနောက် ရောင်စုံဓာတ်ပုံတိုဖြင့် ဆင်းမ်ကတ် စတင်သုံးစွဲချိန်တွင် မှတ်ပုံတင်ရန် လိုအပ်ကြောင်းသိရသည်။

အလားတူဆင်းမ်ကတ် ပြန်လည်ပြင်ဆင် မှတ်ပုံတင်ခြင်းကို သက်ဆိုင်ရာ အော်ပရေတာများ၏ တရားဝင်ဝက်ဘ်ဆိုက်၊ အက်ပလီကေးရှင်းနှင့် သက်ဆိုင်ရာ အရောင်းဆိုင်များတွင်လည်း ဆောင်ရွက်နိုင်ကြောင်း သိရသည်။

#ymg/sth
#Yangon_Media_Group

#Local_News
Published_ 16 December 2022

ငါးရက်ကြာပျောက်ဆုံးခဲ့တဲ့ ကလေးငယ်ဇွဲဝေယံထွန်းကို ပျောက်သည့်နေရာအနီးတစ်ဝိုက်မှာ ပြန်လည်တွေ့ရှိတယ်ဆိုပြီး လာရောက်ပို့ဆောင်သွားတယ်လို့ မိခင်ဖြစ်သူက YMG ကို ပြောပါတယ်၊၊

#Yangon_Media_Group

#Local_News
Published _ 16 December 2022

ပဲခူးတိုင်း၊ ပြည်မြို့၊ နဝဒေးလမ်းတွင် ကိုယ်ဝန်ဆောင်တစ်ဦးလိုက်ပါလာသည့် သုံးဘီးဆိုင်ကယ်အား ၆ ဘီးကားက ဒီဇင်ဘာလ ၁၅ ရက် နေ့လည်ပိုင်းက ဝင်တိုက်မိ၍ ကားမှာမောင်းနှင်ထွက်ပြေးသွားခဲ့ကြောင်း မြန်မာနိုင်ငံလူမှုကယ်ဆယ်ရေးအဖွဲ့ (ပြည်)မှ သိရသည်။

ဖြစ်စဉ်မှာ ယမန်နေ့ နေ့လည် ၃ နာရီကျော်ခန့်က ပြည်မြို့၊ နဝဒေးလမ်းရှိ PT Power စက်သုံးဆီအရောင်းဆိုင်တစ်ဆိုင်ရှေ့တွင် ၆ ဘီးကားက ကိုယ်ဝန်ဆောင်တစ်ဦးလိုက်ပါလာသည့် သုံးဘီးဆိုင်ကယ်အားဝင်တိုက်မိခဲ့သည်။

ထို့ကြောင့် သုံးဘီးဆိုင်ကယ်မောင်းသူနှင့်ကိုယ်ဝန်ဆောင်တို့တွင် ထိခိုက်ဒဏ်ရာများရရှိခဲ့၍ အသင်းထံဆက်သွယ်ရာ မြန်မာနိုင်ငံလူမှုကယ်ဆယ်ရေးအဖွဲ့(ပြည်)မှ ကူညီကယ်ဆယ်ရေးလုပ်ငန်းများ ပြုလုပ်ပေးခဲ့ကြသည်။

နှာခေါင်းပေါက်၊ ခြေ၊ လက်၊ မျက်နှာတို့တွင် ပွန်းပဲ့ဒဏ်ရာများရရှိခဲ့သည့် သုံးဘီးမောင်းသူအမျိုးသားအား အခင်းဖြစ်နေရာ၌ အရေးပေါ်ပြုစုကုသပေးပြီး ကိုယ်ဝန်ဆောင်မှာသွေးလန့်သည့်အနေအထားဖြစ်နေသည့်အတွက် ပြည်မြို့ပြည်ဆေးရုံကြီးသို့ ပို့ဆောင်ပေးခဲ့ကြကြောင်း သိရသည်။

မောင်းနှင်ထွက်ပြေးသွားသည့် ၆ ဘီးကားအား ဖမ်းဆီးရမိရေးအတွက် တာဝန်ရှိသူများမှ လိုက် လံစုံစမ်းဖမ်းဆီးမှုများပြုလုပ်လျက်ရှိကြောင်းလည်း သိရသည်။

#ymg/NN
#Yangon_Media_Group

#World_Military
Published 16 December 2022

အမေရိကန်က ယူကရိန်းထံ လေကြောင်းကာကွယ်ရေးစနစ်တွေ ပေးပို့နေတယ်ဆိုပါက အဲဒါတွေနှင့် အသုံးပြုတဲ့သူတွေကိုပါ ရုရှားက တရားဝင်ပစ်မှတ်ထားတိုက်ခိုက်သွားမှာဖြစ်ကြောင်း ရုရှားနိုင်ငံခြားရေးဝန်ကြီးဌာနကကြာသပတေးနေ့က သတိပေးလိုက်ပါတယ်။

ယူကရိန်းစစ်ပွဲနဲ့ပတ်သက်ပြီး အမေရိကန်နဲ့ ရုရှားတို့ အပြန်အလှန်ထုတ်ပြန်ခဲ့ကြပြီး တင်းမာမှုများ မြင့်တက်လာနေပါတယ်။

ရုရှားနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ'မာရီယာဇာခါရိုဗာ'က ပြောကြားရာမှာ "အမေရိကန်က ယူကရိန်းကို လက်နက်များထောက်ပံ့ပြီး စစ်ရေးလေ့ကျင့်ပေးနေတာကြောင့် စစ်ပွဲမှာပါဝင်တဲ့သဘော ဖြစ်လာပါပြီ၊ ယူကရိန်းကို ပက်ထရီယော့ဒုံးကျည်တွေ ထောက်ပံ့နေတာသေချာတယ်ဆိုရင် ဒါဟာ ရန်စတဲ့လုပ်ရပ်ဖြစ်ပြီး နောက်ဆက်တွဲသက်ရောက်မှုတွေ ရှိလာမှာပါ၊ အဲဒီလက်နက်တွေနဲ့ အသုံးပြုသူတွေဟာ ရုရှားရဲ့ပစ်မှတ်တွေဖြစ်လာမှာပါ"လို့ 'ဇာခါရိုဗာ'က ကြေညာခဲ့ပါတယ်။

ရုရှားမှသတိပေးချက်ကို တုန့်ပြန်ရာမှာ အမေရိကန်က ယူကရိန်းအတွက်ပေးတဲ့ လုံခြုံရေးအထောက်အပံ့တွေနဲ့ ပတ်သက်ပြီး ရုရှားအနေနဲ့ ဘာမှဝင်‌ပြောစရာမရှိကြောင်း ပင်တဂွန်မှ ပြောရေးဆိုခွင့်ရှိသူ လေတပ်ဗိုလ်ချုပ်'ပက်ရိုင်ဒါ'က ဆိုလိုက်ပါတယ်။

"ရုရှားက အိမ်နီးချင်းနိုင်ငံကို အကြောင်းမဲ့ကျူးကျော်တိုက်ခိုက်တယ်၊ အပြစ်မဲ့ပြည်သူတွေကို ပစ်မှတ်ထားသတ်ဖြတ်တယ်၊ အရပ်သားအဆောက်အအုံတွေကို ဖျက်ဆီးတယ်၊ ဒီလိုလူမျိုးတွေက အရပ်သားတွေကို ကာကွယ်ပေးမယ့် ကာကွယ်ရေးလက်နက်တွေ ထောက်ပံ့ပေးတာကို ရန်စတဲ့လုပ်ရပ်လို့ ခေါ်တယ်ဆိုတော့ အတော်ကိုယုတ္တိမရှိတာပါပဲ" လို့ 'ရိုင်ဒါ'ကဆိုပါတယ်။

အမေရိကန်က ယူကရိန်းအတွက် ပက်ထရီယော့ဒုံးကျည်ပို့ပေးဖို့ကို လက်ခံဖို့တုန့်ဆိုင်းနေခဲ့ပေမယ့် ရုရှားဒုံးကျည်တွေက ယူကရိန်းရဲ့ အရေးကြီးအဆောက်အအုံတွေကို ဖျက်ဆီးပစ်နေတာကြောင့် ယူကရိန်းခေါင်းဆောင်များက ပိုမိုအားကောင်းတဲ့ ကာကွယ်ရေးလက်နက်များ အရေးတကြီးတောင်းဆိုခဲ့ကြရာ နောက်ဆုံးမှာတော့ ပေးပို့ရန် သဘောတူလိုက်ပါပြီ။

ထိုလက်နက်စနစ်တွေကို ထိန်းချုပ်ဖို့ တပ်သား ၉၀ လောက်လိုအပ်ပါတယ်။

ယူကရိန်းသို့ အမေရိကန်တပ်သားများစေလွှတ်ဖို့ရာ သမ္မတနဲ့အဖွဲ့က ဆန္ဒမရှိတာကြောင့် တုန့်ဆိုင်းနေခဲ့တာဖြစ်ပါတယ်။

ဒီမတိုင်ခင်အထိတော့ အမေရိကန်နဲ့ နေတိုး(NATO)မဟာမိတ်များက ယူကရိန်းအတွက် တာတိုနဲ့ တာလတ်ပစ်ကာကွယ်ရေး လက်နက်များကိုသာ ထောက်ပံ့ခဲ့ပြီး ပဲ့ထိန်းဒုံးကျည်တွေတေည့ မပါဝင်ခဲ့ပါဘူး။

Source: AP News
#Yangon_Media_Group

#World_Health
Published 16 December 2022

ကမ္ဘာပေါ်က အဆိုးဆုံးရောဂါတွေထဲမှာပါတဲ့ စိတ်ဓာတ်ကျဝေဒနာနဲ့ မှတ်ဉာဏ်ချို့ယွင်းခြင်းဝေဒနာသည်တို့အတွက် ဘဝပြောင်းလဲစေတဲ့အခြေအနေများကို ဟောင်ကောင်တက္ကသိုလ်နဲ့ ဟောင်ကောင်မြို့ပြတက္ကသိုလ်တို့မှ သိပ္ပံပညာရှင်အဖွဲ့က လေ့လာထုတ်ဖော်ခဲ့ပါတယ်။

မျက်လုံးမျက်နှာပြင်ဖြစ်တဲ့ မျက်ကြည်လွှာလှုံ့ဆော်မှု(TES)သိပ္ပံပညာအကြောင်း ဟောင်ကောင်တက္ကသိုလ် ဇီဝဆေးပညာသိပ္ပံကျောင်းမှ တွဲဖက်ပရော်ဖက်ဆာဒေါက်တာ'လင်မ်လီဝေ'က ရှင်းပြခဲ့ပါတယ်။

TES နည်းပညာက မျက်လုံးပြဿနာတွေကို ကုသရာမှာ ကောင်းကျိုးသက်ရောက်မှုများရှိပြီး လူတွေမှာ အလွယ်တကူအသုံးပြုနိုင်ပါတယ်။

အီလက်ထရုတ်လိုမျိုး မျက်ကပ်မှန်တွေကို လူနာရဲ့မျက်ကြည်လွှာပေါ်မှာထားပြီး လှုံ့ဆော်မှုပစ္စည်းတစ်ခုနဲ့ ချိတ်ဆက်လိုက်ပါတယ်။

အဲဒီကနေ အမြင်အာရုံကြောအပေါ် သက်ရောက်ပြီး မြင်ကွင်းကိုတိုးတက်စေပါတယ်။

TES က စိတ်ဖိစီးမှုဟော်မုန်းထုတ်လွှတ်မှုကို လျှော့ချပေးနိုင်တဲ့ ဦးနှောက်လမ်းကြောင်းများကို လှုံ့ဆော်ပေးကာ စိတ်ကျရောဂါပျောက်ဆေးကဲ့သို့ သက်ရောက်မှုမျိုးထုတ်လုပ်ပေးတယ်လို့ တွေ့ရှိခဲ့ပါတယ်။

ဦးနှောက်အတွင်းပိုင်းလှုံ့ဆော်ခြင်း(DBS)က စိတ်ကျရောဂါကို ထိရောက်စွာကုသနိုင်ကြောင်းသိရှိထားပေမယ့် ခန္ဓာကိုယ်တွင်းထိ ခွဲစိတ်ရတာကြောင့် ဘေးထွက်ဆိုးကျိုးများရှိပြီး ခွဲစိတ်ရန်အတွက်လည်း ကျွမ်းကျင်ပညာရှင်များလိုအပ်ပါတယ်။

TES ကို ကြွက်တွေနဲ့စမ်းသပ်ရာမှာ သူတို့ရဲ့မျက်လုံးမျက်နှာပြင်မှာ အီလက်ထရုတ်များတပ်ဆင်ပြီး လျှပ်စစ်လှိုင်းပို့လွှတ်ပေးပါတယ်။

စိတ်ဓာတ်ကျဝေဒနာသည်တွေမှာ စိတ်ဖိစီးမှုကြောင့် ဦးနှောက်ရဲ့တုန့်ပြန်လုပ်ဆောင်မှုစွမ်းရည်ကို ဟန့်တားစေပါတယ်။

စိတ်ကျဝေဒနာသည်တွေမှာ ကော်တီဆောလ်ဟော်မုန်းပမာဏက မြင့်တက်လေ့ရှိရာ TES ကုသနည်းက အဆိုပါကော်တီဆောလ်ဟော်မုန်းကို လျှော့ချပေးနိုင်ကြောင်း တွေ့ရှိရပါတယ်။

TES နဲ့စမ်းသပ်တဲ့ကြွက်တွေမှာ သင်ယူလေ့လာနိုင်စွမ်းနဲ့ မှတ်ဉာဏ်စွမ်းရည်တို့က ကုသမှုမခံယူတဲ့ကြွက်တွေထက် ပိုမိုကောင်းမွန်ခဲ့ပါတယ်။

အယ်လ်ဇိုင်းမားနဲ့ မှတ်ဉာဏ်ချို့ယွင်းခြင်းဝေဒနာတွေမှာ အာရုံကြောရောင်ရမ်းခြင်းနဲ့ ကလာပ်စည်းဆုံရာနေရာတို့ ချို့ယွင်းကြပါတယ်။

TES နည်းလမ်းက အဆိုပါအာရုံကြောကလာပ်စည်းများ ဖြစ်ပေါ်ခြင်း၊ လုပ်ဆောင်ခြင်း၊ တည်ငြိမ်နိုင်စွမ်းတို့အတွက် လိုအပ်တဲ့ပရိုတိန်းတွေကို ပြန်လည်ထိန်းသိမ်းပေးခြင်းဖြင့် မှတ်ဉာဏ်ချို့ယွင်းမှုကို ကာကွယ်ပေးပါတယ်။

တိရိစ္ဆာန်တွေနဲ့ စမ်းသပ်မှုမှာ TES က မှတ်ဉာဏ်ပိုင်းစွမ်းရည်ကို တိုးတက်စေပြီး စိတ်ဓာတ်ကျခြင်းကို သက်သာစေကြောင်း အခိုင်အမာတွေ့ရှိခဲ့ပါတယ်။

Source: SCMP
#Yangon_Media_Group

#Local_News
Published_ 16 December 2022

ငါးရက်ကြာပျောက်ဆုံးခဲ့သည့် ကလေးငယ်ဇွဲဝေယံထွန်းကို ပျောက်သည့်နေရာအနီးတစ်ဝိုက်တွင် ပြန်လည်တွေ့ရှိသည်ဟုဆိုပြီး လာရောက်ပို့ဆောင်သွားကြောင်း မိခင်ဖြစ်သူက YMG ကို ပြောသည်၊၊

ဒီဇင်ဘာ (၁၁)ရက်က ပျောက်ဆုံးသွားတဲ့ အသက် ငါးနှစ်အရွယ် ကလေးငယ်မောင်ဇွဲဝေယံထွန်းကို ဒီဇင်ဘာ (၁၆)ရက် မနက်တွင်ပြန်လည်တွေ့ရှိခြင်းဖြစ်သည်၊၊

ကလေးမိခင်ဖြစ်သူက "မောင်ဇွဲဝေယံထွန်း ဒီမနက်ပဲ ပြန်တွေ့ပါတယ်၊၊ ကျန်းကျန်းမာမာလေး ကောင်းကောင်းမွန်မွန်လေးပြန်တွေ့ပါတယ်၊၊ ဒီနားဝန်းကျင်က တွေ့လို့ဆိုပြီး လာပို့ပေးတာပါ၊၊ ပျောက်တဲ့နေရာကနေနည်းနည်းနီးတဲ့နေရာအပိုင်းကနေ တွေ့လို့ဆိုပြီး လာပို့ပေးထားတာပါ၊၊ အချို့ကလည်း လိုင်းမသုံးတဲ့သူတွေရှိရင်ရှိမယ် အစ်မတို့ကလည်း မနေ့ကစက်တွေနဲ့လည်း အော်တယ်လေ၊၊ အခုပြန်တွေ့ပါပြီ၊၊ကလေးပျောက်လို့ တိုင်ထားတာမျိုးရှိပါတယ်၊၊ မနက်ဖြန်ကျရင်ပြည့်ပြည့်စုံစုံဖြေပေးပါမယ်၊၊ ကလေးကိုတော့လောလောဆယ် စခန်းကို ခဏခေါ်သွားပါတယ်"ဟု ပြောသည်၊၊

ကလေးငယ်သည် ဒီဇင်ဘာလ(၁၁)ရက်က ၇၁လမ်း၃၀×၃၁လမ်းရှိအဘွားအိမ်တွင် ဆော့နေစဉ်နေ့လည် ၂:၄၅ အချိန်ခန့်တွင် ပျောက်ဆုံးခဲ့ခြင်းဖြစ်ကြောင်းနှင့် အဆိုပါကလေးငယ်အပြင် အခုရက်ပိုင်းအတွင်း ကလေးငယ်ပျောက်ဆုံးမှုများ လူမှုကွန်ရက်ပေါ်တွင်(၄)(၅) ဦး တွေ့ရှိရပြီးတွေ့ရှိပါက ဆက်သွယ်ပေးကြရန်လည်းရေးသားဖော်ပြထားကြကြောင်း သိရသည်၊၊

#ymg/tthl
#Yangon_Media_Group

#World_Technology
Published 16 December 2022

အမေရိကန်သိပ္ပံပညာရှင်များက ပေါင်းစပ်စွမ်းအင်ထုတ်လုပ်နိုင်ခဲ့ကာ လာမယ့်ဆယ်စုနှစ်များအတွင်း အဆိုပါနည်းပညာကို ကုမ္ပဏီတွေအနေနဲ့ ချဲ့ထွင်ထုတ်လုပ်နိုင်ပါက ရာသီဥတုဖောက်ပြန်မှုကို ထိန်းချုပ်နိုင်မှာဖြစ်တယ်လို့ အင်္ဂါနေ့မှာ ထုတ်ဖော်ပြသလိုက်ပါတယ်။

ကယ်လီဖိုးနီးယားရှိ လောရန့်စ်လစ်ဗာမိုးအမျိုးသားဓာတ်ခွဲခန်းမှ သိပ္ပံပညာရှင်များက လေဆာများကိုအသုံးပြုပြီး ပေါင်းစပ်စမ်းသပ်မှုပြုလုပ်ရာမှာ အသားတင်စွမ်းအင် ပထမဆုံးအဖြစ်ရရှိခဲ့ကြောင်း အမေရိကန်စွမ်းအင်ဌာနက ဆိုလိုက်ပါတယ်။

အလင်းအက်တမ် ၂ ခုကနေ ပိုမိုသိပ်သည်းတဲ့အက်တမ်ဖြစ်လာကာ စွမ်းအင်ထုတ်ပေးနိုင်မယ့် လေဆာပစ်မှတ်ကို အာရုံစူးစိုက်လေ့လာခဲ့ကြတာဖြစ်ပါတယ်။

သိပ္ပံနဲ့နည်းပညာဆိုင်ရာ အတားအဆီးတွေရှိပေမယ့် ထုတ်လုပ်ချဲ့ထွင်ဖို့အတွက်ကတော့ ဆယ်စုနှစ် ၅ ခု ၆ ခုလောက်မဝေးတော့ကြောင်း လောရန့်စ်လစ်ဗာမိုးမှ ညွှန်ကြားရေးမှူး'ကင်ဘာလီဘူဒီလ်'က သတင်းထောက်များကို ပြောကြားခဲ့ပါတယ်။

ဆယ်စုနှစ်အနည်းငယ်လောက် ရင်းနှီးမြှုပ်နှံလေ့လာလိုက်မယ်ဆိုရင် ဓာတ်အားပေးစက်ရုံတည်ဆောက်နိုင်မယ့် အခြေအနေရှိကြောင်း 'ဘူဒီလ်'က ပြောကြားလိုက်ပါတယ်။

လေဆာကနေ ပစ်မှတ်ဆီကို ၂.၀၅ မက်ဂါဂျိုးလ်ပို့ဆောင်ပြီးနောက် ပေါင်းစပ်လောင်ကျွမ်းမှုကနေ စွမ်းအင် ၃.၁၅ မက်ဂါဂျိုးလ်ထွက်ခဲ့ကြောင်း စမ်းသပ်ရရှိခဲ့တယ်လို့ စွမ်းအင်ဌာနက ဆိုပါတယ်။

ပြင်ပမှ နျူကလီးယားသိပ္ပံပညာရှင်တွေကလည်း ဒီအောင်မြင်မှုဟာ တကယ်ကိုအရေးကြီးတဲ့ခြေလှမ်းဖြစ်ပေမယ့် ပေါင်းစပ်စွမ်းအင်ကို ထုတ်လုပ်အသုံးမချနိုင်ခင်အထိတော့ သိပ္ပံနည်းပညာများစွာ လိုအပ်သေးကြောင်း ဆိုလိုက်ပါတယ်။

စမ်းသပ်မှုကရရှိတဲ့ စွမ်းအင်ထွက်ရှိမှုဟာ လေဆာလောင်ကျွမ်းဖို့လိုအပ်တဲ့စွမ်းအင်ရဲ့ ၀.၅ ရာခိုင်နှုန်းသာရှိတယ်လို့ ခန့်မှန်းရကြောင်း ကိမ်းဘရစ်ဂျ်တက္ကသိုလ်မှ နျူကလီးယားစွမ်းအင်ပညာရှင်'တိုနီရူးလ်စတုန်း'က ပြောပြပါတယ်။

ဒီရလဒ်က သိပ္ပံပညာအောင်မြင်မှုဖြစ်ပေမယ့် အသုံးဝင်တဲ့သန့်ရှင်းစွမ်းအင်အများအပြားရရှိဖို့ကတော့ အလှမ်းဝေးနေသေးကာ စွမ်းအင်ထုတ်လုပ်ရေးစက်ရုံကနေ လေဆာကိုအားပေးဖို့ စွမ်းအင်အလုံအလောက်ထုတ်လုပ်နိုင်ဖို့လိုအပ်ကြောင်း 'ရူလ်စတုန်း'က ပြောကြားခဲ့ပါတယ်။

ဖြန့်ချိထုတ်လုပ်နိုင်ဖို့ဆိုရင် တစ်မိနစ်အတွင်း ပေါင်းစပ်လောင်ကျွမ်းခြင်းမျိုး အများအပြားထုတ်လုပ်နိုင်ဖို့ လိုပါတယ်။

စွမ်းအင်ကူးပြောင်းမှုကို အကောင်အထည်ဖော်ရန်အတွက် နေရောင်ခြည်၊ လေစွမ်းအင်၊ ဘက်ထရီသိုလှောင်မှု၊ နျူကလီးယားဓာတ်ခွဲမှုလိုမျိုး အခြားနည်းလမ်းများတည်ဆောက်ခြင်းတွေကို မနှောင့်နှေးစေသင့်ကြောင်း လျှပ်စစ်ဓာတ်အားလုပ်ငန်းက ဆိုပါတယ်။

ဓာတ်ခွဲခန်းရလဒ်များအရ လေဆာတွေကို ကုမ္ပဏီတွေအနေနဲ့ ပိုမိုထိရောက်အောင် ပြုလုပ်နိုင်မှာဖြစ်ပြီး အားလုံးကလည်း အနာဂတ်မှာရလာနိုင်တဲ့အောင်မြင်မှုအတွက် စိတ်လှုပ်ရှားနေကြတယ်လို့ ဖိုးကပ်စ်အင်နာဂျီမှ အကြီးတန်းသိပ္ပံပညာရှင်'ဒီဘရာကယ်လာဟန်'က ပြောကြားလိုက်ပါတယ်။

Source: Reuters
#Yangon_Media_Group

Published 15 Dec 2022

တပ်မတော်(လေ)သည် မဟာဗျူဟာမြောက်အလှမ်းမီစစ်ဆင်နိုင်မှုအပြင် ရေငုပ်သင်္ဘော တန်ပြန်စစ်ဆင်နိုင်မှုတွေပါ ဆောင်ရွက်နိုင်မည်ဖြစ်တဲ့အတွက် ဝေဟင်၊မြေပြင်၊ရေပြင်နှင့် ရေအောက် Dimension လေးခုလုံးတွင် စွမ်းအားပြည့် စစ်ဆင်နိုင်တော့မှာဖြစ်တယ်လို့ နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ် ဗိုလ်ချူပ်မှူးကြီး မင်းအောင်လှိုင်က ပြောကြားပါတယ်။

ဒီဇင်ဘာ ၁၅ ရက်က မိတ္ထီလာတပ်နယ်ရှိ လေကြောင်းအတတ်သင်လေတပ်စခန်းဌာနချုပ်မှာ ကျင်းပပြုလုပ်တဲ့ တပ်တော်(လေ)ဖွဲ့စည်းတည်ထောင်မှု(၇၅)နှစ်မြောက်၊ စိန်ရတုနှစ်ပတ်လည်နေ့အခမ်းအနားတွင် တပ်မတော် ကာကွယ်ရေးဦးစီးချုပ်က ပြောဆိုခဲ့တာဖြစ်တယ်လို့ နစက, က  သတင်းထုတ်ပြန်ပါတယ်။

ဒီကနေ့အခမ်းအနားမှာ လေယာဉ်နှင့်ရဟတ်ယာဉ်အသစ်တွေရဲ့ တပ်တော်ဝင်အခမ်းအနားကိုပါ ပူးတွဲကျင်းပခဲ့တာ ဖြစ်ပါတယ်။ အခမ်းအနားကို လက်ရှိတာဝန်ထမ်းဆောင်နေတဲ့ တပ်မတော်ထိပ်တန်းအရာရှိကြီးတွေအပြင် အငြိမ်းစားယူသွားခဲ့ကြပြီးဖြစ်သည့် ကာကွယ်ရေးဦးစီးချုပ်(လေ)များနှင့် ကာကွယ်ရေးဦးစီးချုပ်(ရေ)များပါ တက်ရောက်လာကြတာတွေ့ရပါတယ်။

၁၉၄၇ခုနှစ် ဇူလိုင် ၁၃ရက်နေ့တွင် ဗိုလ်ချုပ်အောင်ဆန်းက လေတပ်သည် နိုင်ငံတော်၏ အချုပ်အခြာအာဏာကို ကာကွယ်ရန်အတွက် မရှိမဖြစ်လိုအပ်သည့် တပ်ဖွဲ့တစ်ခုဖြစ်ကြောင်းပြောကြားခဲ့တာကြောင့် အဲဒီပြောကြားချက်ဟာ  လေတပ်ဖွဲ့စည်းရေးအတွက် ခြေလှမ်းတစ်ရပ်ဖြစ်ပေါ်စေခဲ့တယ်လို့ ဗိုလ်ချူပ်မှူးကြီးကပြောပါတယ်။

တပ်မတော်(လေ)သည် မျိုးဆက်သစ်လေသူရဲများဖြင့် စတုတ္ထမျိုးဆက်လွန် ဘက်စုံသုံးတိုက်လေယာဉ်တွေ၊နည်းဗျူဟာမြောက် သယ်ယူပို့ဆောင်ရေးလေယာ်တွေဖြင့် အဆင့်မြင့် တိုက်လေယာဉ်/ရဟတ်ယာဉ်တွေကို မောင်းနှင်ပျံသန်းနိုင်ကြပြီး နည်းပညာသုတေသနပြု စမ်းသပ်ထုတ်လုပ်မှု အပိုင်းတွင်လည်း  MTX-!A လေယာဉ်နှင့်  SR-1 UAVများကို ကိုယ်တိုင်စမ်းသပ်ထုတ်လုပ်နိုင်ခဲ့ပြီလို့လည်း သတင်းထုတ်ပြန်ချက်မှာ ဖော်ပြထားပါတယ်။

အခမ်းအနားအတွင်း လေယာဉ်၊ရဟတ်ယာဉ်များ သရုပ်ပြအုပ်ဖွဲ့ ပျံသန်းအလေးပြုခြင်းနှင့် ကျွမ်းထိုးသရုပ်ပြခြင်းတွေ ပြသခဲ့ကြရာမှာ စတုတ္ထမျိုးဆက်လွန် ဘက်စုံသုံး အကြီးစားတိုက်လေယာဉ်  Su-30 SMEတိုက်လေယာဉ်(၁)စီးက အဆင့်မြင့် လှုပ်ရှားစစ်ကစားမှုတွေကို စွမ်းရည်ပြပျံသန်းခြင်းပြုလုပ်ခဲ့တာကို နိုင်ငံပိုင်ရုပ်သံတွေကနေ ထုတ်လွှင့်ပြသ ခဲ့ပါတယ်။

ဒီကနေ့ တပ်တော်ဝင်တဲ့လေယာဉ်တွေထဲမှာ  Su-30 SMEအပြင်  FTC 2000 G ဘက်စုံသုံး အပေါ့စားတိုက်ခိုက်ရေးလေယာဉ်၊ Ka-28 ရေငုတ်သင်္ဘော တိုက်ဖျက်ရေး ရဟတ်ယာဉ်၊ FT-7ကြားဖြတ်တိုက်လေယာဉ်နှင့်  K-8W  အမောင်းသင် ဂျက်တိုက်လေယာဉ်/အပေါ့စားတိုက်ခိုက်ရေးလေယာဉ်တွေ ပါဝင်တယ်လို့ သတင်းထုတ်ပြန်ချက်မှာ ဖော်ပြထားပါတယ်။

၁၉၄၇ ခုနှစ် ဒီဇင်ဘာ (၁၅)ရက်နေ့တွင် တပ်မတော်(လေ) အက်ဥပဒေကို ပြဋ္ဌာန်းပေးခဲ့တဲ့အတွက် အဆိုပါနေ့ကို တပ်မတော်(လေ) တည်ထောင်ခြင်းနေ့အဖြစ်သတ်မှတ်ခဲ့တာဖြစ်ပါတယ်။

-ymg/knl

#Myanmar_Air_Force

#Myanmar_Defense

#Myanmar_politics

#Local_News
Published_15 December 2022

ရွှေလီ- ကျယ်ဂေါင် တံတားကူးသန်းသွားလာခွင့်ပြုလိုက်တာကြောင့် မူဆယ်နယ်စပ်မှာရှိတဲ့ သစ်သီးဝလံဈေးကွက်ဟာ ပိုမိုကောင်းမွန်လာတယ်လို မူဆယ်နယ်စပ်ကုန်သည်တွေဆီကနေ သိရပါတယ်။

#Yangon_Media_Group

#World_Archaeology
Published 15 December 2022

ဂါဇာကမ်းမြောင်မြောက်ပိုင်းရှိ သုတေသီတွေဟာ ယခုနှစ်အစောပိုင်းတုန်းက ဆောက်လုပ်ရေးလုပ်ငန်းခွင်အတွင်း ရောမခေတ်အုတ်ဂူဒါဇင်ခန့်ကို တူးဖော်တွေ့ရှိခဲ့ကြောင်း ပါလက်စ်တိုင်းအစ္စလာမ်အုပ်ချုပ်ရေးအဖွဲ ဟားမတ်စ်က တနင်္လာနေ့က ပြောကြားလိုက်ပါတယ်။

#Yangon_Media_Group

#Local_News
Published_15 December 2022

၂၀၂၂-၂၀၂၃ ဘဏ္ဍာနှစ် ဧပြီလ ၁ ရက်ကနေ ဒီဇင်ဘာ ၂ ရက်အထိ ပြည်ပကို ပို့ကုန်တင်ပို့မှုကနေ အမေရိကန်ဒေါ်လာ ၁၁.၁၇ ဘီလီယံကျော် ရရှိထားပြီး ပြီးခဲ့တဲ့နှစ်ကာလတူထက် ၁၅ ရာခိုင်နှုန်းမြင့်တက်လာခဲ့တယ်လို့ စီးပွားရေးနဲ့ကူးသန်းရောင်းဝယ်ရေးဝန်ကြီးဌာနက နေ သိရပါတယ်။

#Yangon_Media_Group