#Health_Matters
Published_ 13 May 2023

- မျိုးဆက်ပွားကျန်းမာရေးအစီအစဉ်တွေကို ဘယ်သူတွေက လက်တွေ့လည်ပတ်ဆောင်ရွက်သင့်သလဲဆရာ ??

#Health_Matters #ရပ်ကွက်ထဲကမျိုးဆက်ပွားကျန်းမာရေး
#Dr.KML #YMG #Yangon_Media_Group

#World_Science
Published 14 May 2023

စထရက်တိုစဖီးယားလို့ခေါ်တဲ့ ကမ္ဘာအပေါ်ပိုင်းလေထုကနေ မူလဇာစ်မြစ်လုံးဝမသိရတဲ့ အသံထူးထူးဆန်းဆန်းတစ်ခုကို သိပ္ပံပညာရှင်တွေ တွေ့ရှိခဲ့ကြပါတယ်။

အမေရိကန် ဆန်ဒီယာအမျိုးသားဓာတ်ခွဲခန်းမှ သုတေသီအဖွဲ့လွှတ်တင်လိုက်တဲ့ မိုက်ခရိုဖုန်းပါဝင်တဲ့ ၆-၇ မီတာရှိ ဆိုလာပူဖောင်းကြီးဖြင့် ထိုအသံကိုမှတ်တမ်းတင်ရရှိခဲ့တာဖြစ်ပါတယ်။

ကမ္ဘာဂြိုဟ်မှအထက် ၃၁ မိုင်ခန့်ရှိ အဆိုပါစထရက်တိုစဖီးယားအလွှာမှာ အတော်လေးငြိမ်သက်နေပြီး မုန်တိုင်းများ၊ လှိုင်းထန်ခြင်းများ၊ လေကြောင်းသွားလာရေးများ ကင်းစင်နေပါတယ်။

ဒါပေမဲ့ တစ်နာရီကို အကြိမ်အနည်းငယ်ခန့်ဖြင့် ထပ်ခါထပ်ခါလွှင့်နေတဲ့ မိုက်ခရိုဖုန်းကနေ လျှို့ဝှက်ဆန်းကြယ်တဲ့အသံတွေကို ကြားလိုက်ရတဲ့အခါမှာတော့ သိပ္ပံပညာရှင်တွေ အံ့ဩခဲ့ရပါတယ်။

ဖမ်းယူရရှိခဲ့တဲ့အသံတွေဟာ ကြိမ်နှုန်းအကွာအဝေး ၂၀ ဟတ်ဇ်နဲ့အောက်မှာရှိပြီး လူတွေမကြားနိုင်တဲ့အသံမျိုးဖြစ်ကာ အရင်းအမြစ်ကို မထုတ်ဖော်နိုင်သေးပါဘူး။

"အချို့သောပျံသန်းမှုတွေမှာ တစ်နာရီကို အကြိမ်အနည်းငယ်ဖြစ်ပေါ်တဲ့ အသံလှိုင်းဆိုင်ရာအချက်ပြမှုများရှိနေပေမယ့် အရင်းအမြစ်ကိုလုံးဝမသိရသေးဘူး" လို့ ဒန်နီယယ်ဘိုးမန်းက ထုတ်ပြန်ခဲ့ပါတယ်။

သုတေသီအဖွဲ့က ကြိမ်နှုန်းနိမ့်အသံများကို ထောက်လှမ်းနိုင်တဲ့ မိုက်ခရိုဘာရိုမီတာလို့ခေါ်တဲ့ အသံစုစည်းကိရိယာကို အသုံးပြုခဲ့တာဖြစ်ပြီး အစပိုင်းက မီးတောင်များကိုစောင့်ကြည့်ရန် ထုတ်လုပ်ထားတာဖြစ်ပါတယ်။

ဒီအာရုံခံကိရိယာတွေကို ဈေးသက်သာပြီးသာမန်ကျတဲ့ပစ္စည်းများဖြင့်တည်ဆောက်ထားတဲ့ မိုးပျံပူဖောင်းများဖြင့် အမြင့်ကိုသယ်ဆောင်သွားတာဖြစ်ပါတယ်။

ထိုဆိုလာပူဖောင်းတွေကို နေရောင်ခြည်ဖြင့် စွမ်းအင်ပေးထားကာ ကမ္ဘာမြေပြင်အထက် ပေ ၇ သောင်းအမြင့်သို့ တက်ရောက်နိုင်စွမ်းရှိပါတယ်။

ယင်းတို့က ကီလိုမီတာရာနဲ့ချီ ပျံသန်းနိုင်ကာ တည်နေရာရှာဖွေရန်ခက်ခဲတဲ့နေရာများသို့ ကျရောက်နိုင်တာကြောင့် GPS များသုံးပြီး ခြေရာခံခဲ့ပါတယ်။

ပူဖောင်းတွေက အလွန်ကြီးမားတဲ့ပူဖောင်းအိတ်ကြီးတွေဖြစ်ပြီး မှောင်မည်းနေစေဖို့ အထဲမှာမီးသွေးမှုန့်များ ထည့်သွင်းထားကြောင်း ဘိုးမန်းရဲ့ထုတ်ပြန်ချက်ကို CNN ကဖော်ပြထားပါတယ်။

နေထွက်လာတဲ့အခါ အထဲကလေက ပူတက်လာကာ လွင့်မြောနေစေမှာဖြစ်ပါတယ်။

ဆိုလာပူဖောင်းတွေက ကြိမ်နှုန်းနိမ့်အသံများကို မှတ်တမ်းတင်နိုင်ပေမယ့် သုတေသီများအတွက် စိန်ခေါ်မှုတွေလည်း ရှိနေပါသေးတယ်။

စထရာတိုစဖီးယားဟာ အပူနဲ့အအေးကြား အပူချိန်အတက်အကျကြမ်းတမ်းတဲ့ အနေအထားမှာရှိပါတယ်။

ဆိုလာပူဖောင်းတွေက နည်းနည်းနှေးကွေးပြီးတော့ အဲဒါတွေကို လွှတ်တင်ဖို့ကြိုးစားတဲ့အခါ ချုံပုတ်တွေပေါ်မှာ ပျက်သွားခဲ့တယ်လို့ ပြောပြခဲ့ပါတယ်။

Source: WION #World_Science #လျှို့ဝှက်ဆန်းကြယ်သည့်အသံ #ကမ္ဘာ့လေထုအပေါ်လွှာ
#YMG #Yangon_Media_Group

#World_Politics
Published 13 May 2023

ယူကရိန်းအကျပ်အတည်းကို နိုင်ငံရေးအရအပြီးသတ်ဖြေရှင်းရန် ရည်ရွယ်ချက်ဖြင့် တရုတ်နိုင်ငံမှ အထူးသံတမန်တစ်ဦးကို ရုရှားနဲ့ ယူကရိန်းထံသို့ လာမယ့်သီတင်းပတ်အတွင်း စေလွှတ်ထားကြောင်း တရုတ်နိုင်ငံခြားရေးဝန်ကြီးဌာနက သောကြာနေ့မှာပြောကြားလိုက်ပါတယ်။

တရုတ်နိုင်ငံရဲ့ ဥရောပရေးရာ အထူးကိုယ်စားလှယ်နဲ့ မော်စကိုဆိုင်ရာသံအမတ်ဟောင်း 'လီဟွေ'ဟာ ပြင်သစ်၊ ဂျာမနီ၊ ပိုလန်နိုင်ငံတို့ထံလည်း သွားရောက်လည်ပတ်မှာဖြစ်ကြောင်း နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ'ဝမ်ဝမ်ဘင်'က ပြောကြားခဲ့ပါတယ်။

ယူကရိန်း-ရုရှားစစ်ပွဲမှာ တရုတ်အစိုးရက ကြားနေအဖြစ်ဆက်လက်တည်ရှိမယ်လို့ ဆိုထားသလို ရုရှားနဲ့လည်း ဆက်ဆံရေးအကန့်အသတ်မထားရှိကြောင်း ဆိုထားပါတယ်။

နေတိုး(NATO)နဲ့ အမေရိကန်တို့ကြောင့် ပဋိပက္ခဖြစ်ရတယ်ဆိုပြီး တရုတ်က ပြစ်တင်ဝေဖန်ထားပါတယ်။

ရုရှားဘက်က တိုက်ခိုက်မှုတွေရပ်တန့်ပြီး ယူကရိန်းနယ်မြေကနေ ဆုတ်ခွာတဲ့အခါမှသာ ဆုံးဖြတ်ချက်ချနိုင်မယ်လို့ ထောက်ခံနေတဲ့သူတွေကတော့ ယူကရိန်းအတွက် တရုတ်ကချမှတ်တဲ့ ငြိမ်းချမ်းရေးအစီအစဉ်ကို ပယ်ချလိုက်ကြပါတယ်။

ပြီးခဲ့တဲ့လက တရုတ်ခေါင်းဆောင်'ရှီကျင့်ဖင်'ဟာ ယူကရိန်းသမ္မတ'ဗိုလိုဒီမီယာဇယ်လန်စကီ'နဲ့ ဖုန်းပြောဆိုခဲ့ပြီး သံတမန်ရေးရာတွန်းအားပေးဖို့အကြောင်း ဆွေးနွေးခဲ့ပါတယ်။

"သက်ဆိုင်ရာနိုင်ငံတွေဆီ တရုတ်ကိုယ်စားလှယ်ခရီးသွားရောက်ခြင်းဟာ ငြိမ်းချမ်းရေးနဲ့ စေ့စပ်ညှိနှိုင်းရေးမြှင့်တင်ဆောင်ရွက်မယ့် တရုတ်ရဲ့ကတိကဝတ်ကို ဖော်ပြနေပါတယ်
" လို့ ဝမ်ဝမ်ဘင်က သောကြာနေ့ကပြုလုပ်တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။

ယခင်က တရုတ်ဟာ အခြားနိုင်ငံများရဲ့ ပဋိပက္ခများမှာ ပါဝင်ပတ်သက်ခြင်းမှ ရှောင်နေခဲ့ပေမယ့် အီရန်နဲ့ ဆော်ဒီအာရေဗျတို့ကြား ဆွေးနွေးပွဲအတွက် ကြားဝင်ဖျန်ဖြေပေးခဲ့ကာ ၇ နှစ်ကြာပြိုကွဲနေခဲ့တဲ့ သံတမန်ဆက်ဆံရေးကို ပြန်လည်ထူထောင်နိုင်ခဲ့ပါတယ်။

တရုတ်နိုင်ငံဟာ ရုရှားနဲ့ဆက်ဆံရေးရင်းနှီးကာ အမေရိကန်နဲ့ မဟာမိတ်များက ရုရှားဓာတ်ငွေ့နဲ့ရေနံတွေကို မဝယ်တော့တဲ့နောက် တရုတ်က အများဆုံးဝယ်ယူထားပါတယ်။

ကမ္ဘာလုံးဆိုင်ရာအရေးမှာ အမေရိကန်ရဲ့လွှမ်းမိုးချုပ်ကိုင်မှုကို ဆန့်ကျင်ရာမှာ တရုတ်က ရုရှားကို မိတ်ဖက်နိုင်ငံအဖြစ်သတ်မှတ်ထားပြီး ယူကရိန်းကိုကျူးကျော်တဲ့ရုရှားကို ဝေဖန်ရှုတ်ချခြင်းမပြုလုပ်ထားပါဘူး။

ဝမ်ဝမ်ဘင်က နှစ်နိုင်ငံဆက်ဆံရေးတိုးတက်တည်ငြိမ်ရေးအတွက် ပွင့်လင်းမြင်သာစွာ ဆက်ဆံရေးမြှင့်တင်ထားကြောင်း ပြောကြားသွားပါတယ်။

Source: WION #World_Politics #ရုရှားနှင့်ယူကရိန်း #တရုတ်အထူးကိုယ်စားလှယ်စေလွှတ်
#YMG #Yangon_Media_Group

#Local_News
Published_ 13 May 2023

မုန်တိုင်းဘေးအန္တရာယ်ရှိသည့် ရခိုင်ပြည်နယ်၊ ရသေ့တောင်မြို့နယ်ရှိ မြေနိမ့်ပိုင်းကျေးရွာများမှ ပြည်သူ(၄၈၀၀၀)ကျော်အား ဘေးလွတ်ရာသို့ ပြောင်းရွေ့ပေးမည်ဖြစ်ကြောင်း ရသေ့တောင်မြို့နယ်သဘာဝဘေးအန္တရာယ်ဆိုင်ရာ စီမံခန့်ခွဲမှုအဖွဲ့မှ သိရသည်၊၊

ရခိုင်ပြည်နယ်၊ စစ်တွေခရိုင်၊ ရသေ့တောင် မြို့နယ်တွင် မြို့နယ်သဘာဝဘေးအန္တရာယ်ဆိုင်ရာ စီမံခန့်ခွဲမှုအဖွဲ့ဥက္ကဋ္ဌ၏ ဦးဆောင်ကြီးကြပ်မှုဖြင့် မုန်တိုင်းဘေးအန္တရာယ် ကျရောက်နိုင်သည့် ကျေးရွာများအား ကြိုတင်ရွေ့ပြောင်းရေးလုပ်ငန်းများ၊ ကူညီကယ်ဆယ်ရေးလုပ်ငန်းများကို အချိန်နှင့်တပြေးညီ စနစ်တကျ စီစဥ်ဆောင်ရွက်လျက်ရှိရာ ရသေ့တောင်မြို့နယ်တွင် မြေနိမ့်ပိုင်းတွင် ကျရောက်သော ကျေးရွာအုပ်စု(၂၈)အုပ်စုနှင့် ကျေးရွာပေါင်း(၅၈)ရွာ၊ အိမ်ထောင်စု(၁၀၁၀၆)စုမှ လူဦးရေ (၄၈၉၂၅)ဦးကို ဘေးလွတ်ရာ ကုန်းမြင့်ပိုင်းကျေးရွာများရှိ စာသင်ကျောင်းဘုန်းကြီးကျောင်းများသို့ ပြောင်းရွေ့နိုင်ရန် စီစဥ်ဆောင်ရွက်လျက်ရှိသည်ဟုဆိုသည်၊၊

မြေနိမ့်ပိုင်းကျေးရွာများတွင်နေထိုင်ကြသည့်ပြည်သူအချို့ပြောင်းရွေ့နေကြပြီဖြစ်ပြီ ကျန်လူများမှာလည်း ဆက်လက် ပြောင်းရွေ့နေကြကာ ကားများ၊ စက်လှေများဖြင့် အိမ်ထောင်စုအလိုက် ပြောင်းရွေ့ ဆောင် ရွက်လျက်ရှိသည်၊၊

ယင်းသို့ရွှေ့ပြောင်းရာတွင် ကျေးရွာအုပ်ချုပ်ရေးမှူးများနှင့် ဒေသခံပြည်သူများ၊ ကျေးရွာလူမှုရေး အသင်းအဖွဲ့များက ကူညီဆောင်ရွက်ပေးလျက်ရှိကြောင်း သိရသည်၊၊

#ymg/tthl #Local_News #ရသေ့တောင် #မြေနိမ့်ပိုင်းကျေးရွာ #မုန်တိုင်းဘေးလွတ်ရာသို့ ပြောင်းရွေ့ပေး #YMG #Yangon_Media_Group

#Local_News
Published_ 13 May 2023

မုန်တိုင်းအရှိန်သက်ရောက်မှုကြောင့် ရန်ကုန်၊ မန္တလေးနှင့်ဧရာဝတီတိုင်းတို့မှာ မေလ (၁၃) ရက်ကစပြီးမိုးသည်းထန်တာ၊ လေပြင်းတိုက်ခတ်တာနဲ့ ချောင်းရေကျော်တာတွေ စတင်ဖြစ်ပေါ်နေတယ်လို့ မြန်မာနိုင်ငံမီးသတ်တပ်ဖွဲ့မှ သိရပါတယ်၊၊

#Local_News #ရန်ကုန်၊ မန္တလေးနှင့် ဧရာဝတီတိုင်း #မိုးသက်လေပြင်းကျပြီး သဘာဝဘေးစတင်ဖြစ်ပေါ် #YMG #Yangon_Media_Group

#Local_News
Published_ 13 May 2023

မုန်တိုင်းအန္တရာယ်ရှိပြီး အနီရောင်အဆင့်သတ်မှတ်ထားတဲ့ရခိုင်ပြည်နယ် မြောက်ဦးမြို့နယ်ထဲက ကျေးရွာတချို့ကို ဘေးလွတ်ရာကို စတင်ပြောင်းရွှေ့​ပေးနေ့ပြီဖြစ်ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

မြောက်ဦးမြို့နယ်ထဲက ဘာညိုကျေးရွာအုပ်စု၊ မညင်းချောင်းကျေးရွာ၊ တာဘွေကျေးရွာ၊၀က်ခမောက်ကျေးရွာစတဲ့ကျေးရွာများက အိမ်ထောင်စုများကိုမေလ ၁၃ ရက်နေ့မနက် ၈ နာရီအချိန့်ခန့်က ပြောင်းရွှေ့ပေးနေကြောင်း မြန်မာနိုင်ငံမီးသတ်တပ်ဖွဲ့ကထုတ်ပြန်ထားသည်။

အဆိုပါမုန်းတိုင်းဘေးရှောင်ရွှေ့ပြောင်းအိမ်ထောင်စုတွေကို ဘေးလွတ်တဲ့နေရာဖြစ်တဲ့ သျှစ်သောင်းဘုန်းတော်ကြီးကျောင်း၌ခေတ္တပြောင်းရွှေ့နေတာဖြစ်သည်။

မုန်တိုင်း “မိုခါ” ရခိုင်ကမ်းရိုးတန်းကို စစ်တွေမြို့အနီးမှ အားအလွန်ကောင်းသောအဆင့်ဖြင့် ဖြတ်ကျော်နိုင်ပြီး အနီရောင်အဆင့် သတ်မှတ်လိုက်ပြီဖြစ်ကြောင်း မိုးလေဝသနှင့် ဇလဗေဒ ညွှန်ကြားမှု ဦးစီးဌာနမှ ထုတ်ပြန်ထားပါသည်။

အနီရောင်အဆင့်ကို မုန်တိုင်း မြန်မာ့ကမ်းရိုးတန်းဆီ မဖြတ်ကျော်မီ (၁၂)နာရီအလိုအချိန်ဟု သတ်မှတ်ထားပေမယ့်လည်းအခုဖြစ်ပေါ်နေတဲ့ အလွန့်အလွန်အားကောင်းသောဆိုင်ကလုန်းမုန်တိုင်း(Extremely Severe Cyclonic Storm) “မိုခါ”ဟာ မြန်မာနိုင်ငံ၊ ရခိုင်ကမ်းရိုးတန်းကို စစ်တွေမြို့(Sittwe)အနီးကနေ အားအလွန်ကောင်းသည့်အဆင့်ဖြင့် ဖြတ်ကျော် နိုင်တဲ့အတွက် အနီရောင်အဆင့်ဟု သတ်မှတ်ခြင်းဖြစ်​ကြောင်းလည်း သိရသည်။

#ymg/ynzw #Local_News #မြောက်ဦးမြို့နယ် #ကျေးရွာတချို့ဘေးလွတ်ရာပြောင်းရွေ့
#YMG #Yangon_Media_Group

#Local_News
Published_ 13 May 2023

မိုခါမုန်တိုင်းအရှိန်ကြောင့် ဓာတ်ကြိုးများပြတ်ကျပါကထိတွေ့ကိုင်တွယ်ခြင်းမပြုဘဲ လျှပ်စစ်ရုံးကိုအကြောင်းကြားရန် ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှသတိပေးချက်ထုတ်ပြန်လိုက်သည်၊၊

ထုတ်ပြန်ချက်တွင် Cyclone (MOCHA) မိုခါ မုန်တိုင်းတိုက်ခတ်နေစဉ်ကာလနှင့် မုန်တိုင်းတိုက် ခတ် ပြီးစဉ်ကာလအတွင်း မုန်တိုင်းအရှိန်ကြောင့် သစ်ပင်ပြိုလဲမှု၊ သစ်ကိုင်းကျိုးကျမှုနှင့် ဓာတ်အားလိုင်းကြိုးပြတ်ကျမှုများ ဖြစ်ပွားနိုင်ကြောင်း၊

ဓာတ်အားလိုင်းကြိုးပြတ်ကျမှုများတွေ့ရှိပါက ထိတွေ့ကိုင်တွယ်ခြင်းမပြုလုပ်ကြပါရန်နှင့် မိမိသက်ဆိုင်ရာ မြို့နယ်လျှပ်စစ်မန်နေဂျာရုံးများ၊YESC Call Center Hot Line No(1717)သို့ အမြန်ဆုံးဆက်သွယ်အကြောင်းကြားပေးပါရန် လေးစားစွာ အသိပေးပန်ကြားကြောင်းထုတ်ပြန်ချက်တွင်ဖော်ပြပါရှိသည်၊၊

#ymg/tthl #Local_News #ဓာတ်ကြိုးပြတ်ကျပါကမကိုင်တွယ်ဘဲလျှပ်စစ်ရုံးကိုအကြောင်းကြားရန် #အသိပေးချက်ထုတ်ပြန်
#YMG #Yangon_Media_Group

#Local_News
Published_ 13 May 2023

မန္တလေးတိုင်းဒေသကြီး၊ ညောင်ဦးမြို့နယ်၊ ပုဂံနယ်မြေ၊ မင်းနန်သူကျေးရွာတွင် မင်းနန်သူချောင်းရေကျော်၍ MARK (II)ကား(၁)စီး ရေနစ်၍ ကယ်ဆယ်ခဲ့ရကြောင်း မြန်မာနိုင်ငံ မီးသတ်တပ်ဖွဲ့က သိရသည်။

ယနေ့ မေလ ၁၃ ရက် နံနက် ၈ နာရီခွဲခန့်က MARK (II)ကား(၁)စီး ရေနစ်နေကြောင်း သတင်းရရှိသဖြင့် ပုဂံနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်ကူညီဆောင်ရွက်ခဲ့ရခြင်းဖြစ်ကြောင်း သိရသည်။

#ymg/pl #Local_News #MARK (II)ကား(၁)စီးရေနစ်
#YMG #Yangon_Media_Group

#Local_News
Published_ 13 May 2023

မေလ ၁၃ ရက်နေ့ နံနက်ပိုင်းက မန္တလေးတိုင်းရှိ မြို့နယ်အချို့မှာ လေပြင်းတိုက်လို့ သစ်ပင်တွေ ပြိုလဲ အိမ်တွေပေါ် ပိ လမ်းတွေပိတ်ကုန်တယ်လို့ မြိုခံတွေက တစ်ဆင့်သိရသည်။

ယနေ့ နံနက် ၈ နာရီကျော်က မန္တလေးတိုင်း ညောင်ဦးမြို့၊ အမှတ်(၄)ရပ်ကွက်၊ မှန်ချိုရပ်တွင် သက်တမ်း(၁၅၀)ခန့်ရှိ မန်ကျည်းပင်သည် နေအိမ်နှင့်ဘေးရှိ ဂိုဒေါင်ပေါ်သို့ လဲကျမှုဖြစ်ပွါးခဲ့ပြီး တံတားဦးမြို့နယ်တွင် မိုးရွာသွန်းပြီး လေပြင်းတိုက်ခတ်မှုကြောင့် အမှတ်(၂)ရပ်ကွက်၊ အိမ်သစ်တန်းရပ်တွင် သစ်ပင်လဲကျ၍ လမ်းပိတ်ဆို့မှု ဖြစ်ခဲ့ခြင်းဖြစ်သည်။

အလားတူ ပြင်ဦးလွင်မြို့နယ်တွင် မိုးရွာသွန်းပြီး လေပြင်းတိုက်ခတ်မှုကြောင့် ရပ်ကွက်ကြီး(၆)၊ စိုက်ပျိုးရေးလမ်းရှိ သစ်ပင်လဲကျခဲ့သလို ကျောက်ပန်းတောင်းမြို၊ ဘူတာရပ်ကွက်၊ စက်မှုလယ်ယာဝန်ထမ်းအိမ်ရာဝန်းအတွင်းတွင် ဧကရစ်ပင်သည် ပင်စည်လုံးအက်ကွဲနေ၍ အန္တရာယ်ရှိလို ဒေသခံ မီးသတ်တပ်ဖွဲ့ဝင်များမှ သွားရောက်ကူညီဆောင်ရွက်ခဲ့ကြောင်း သိရသည်။

#ymg/ppk #Local_News #ယနေ့နံနက်ပိုင်းလေပြင်းတိုက်
#YMG #Yangon-Media-Group

#Local_News
Published_ 13 May 2023

ရန်ကုန် - စစ်တွေပြေးဆွဲနေတဲ့ ယာဉ်လိုင်းတချို့ မုန်တိုင်းစတင်ဝင်ရောက်မယ့် တနင်္ဂနွေနေ့ မေလ ၁၄ ရက် နဲ့ တနင်္လာနေ့ ၁၅ ရက်တွေမှာ ရပ်နားထားမယ်လို့ ဂိတ်ပိုင်ရှင်တချို့ကပြောသည်။

ရန်ကုန် - စစ်တွေ ပြေးဆွဲနေတဲ့ ယာဉ်လိုင်းတခုရဲ့ပိုင်ရှင်က "တခြားသူတွေ ပြေးမလားတော့ မသိဘူး၊ သဘာဝဘေးအန္တရာယ်က ဘာမှန်းကြိုတင်တွက်ဆလို့မရဘူး၊ ကျွန်တော်တို့ယာဉ်လိုင်းက ၁၄ ရက်နဲ့ ၁၅ ရက်နေ့ နားမယ်၊ မုန်တိုင်းပြန်ထွက်မှ ကားတွေလည်း ပြန်ထွက်မယ်” လို့ YMG ကို ပြောသည်။

အခုဆိုင်ကလုန်းမုန်တိုင်း မိုခါဟာ မေလ ၁၄ ရက်မှာ ကုန်းတွင်းကို ဖြတ်ကျော်ဝင်ရောက်နိင်ပြီး ၊ ရခိုင် ပြည်နယ်မြောက်ပိုင်း ၊ စစ်တွေခရိုင် နဲ့ ဘင်္ဂလားဒေ့ရှ်နိုင်ငံ ၊ ကော့ဘဇား နယ်မြေတွေမှာ အန္တရာယ် အလွန်ကြီးနိုင်တယ်လို့ မိုးလေဝသပညာရှင်တွေက ခန့်မှန်းထားကြောင်းသိရသည်။

#ymg/ppk #Local_News #ရန်ကုန်-စစ်တွေ
#YMG #Yangon_Media_Group

#Local_News
Published_ 13 May 2023

ပြည်တွင်းမှာသုံးဆွဲနေသည့် ဆင်းကဒ်များကို နိုင်ငံသားစိစစ်ရေးကဒ်ပြားများဖြင့် တိုက်ဆိုင်စစ်ဆေးပြီး ရက်ပေါင်း၃၀ အတွင်း မှန်ကန်စွာပြန်လည်မှတ်ပုံတင်ရန် အသိပေးစာတို (SMS) များ ပေးပို့သွားမည်ဖြစ်ပြီး ရက်ပေါင်း ၉၀ အတွင်း နိုင်ငံသားစိစစ်ရေးကဒ်အချက်အလတ်အမှန်ဖြင့် ပြန်လည်ပြင်ဆင်ခြင်းမရှိသည့် ဆင်းကဒ်များကိုအပြီးပိတ်သိမ်းသွားမည်ဖြစ်ကြောင်း ဆက်သွယ်ရေးညွှန်ကြားမှုဦးစီးဌာနမှ ထုတ်ပြန်ထားသည်။

အသိပေးစာတို(SMS)ရရှိပြီး ရက်ပေါင်း ၃၀ အတွင်း နိုင်ငံသားစိစစ်ရေးကဒ်ဖြင့် ပြန်လည်မှတ်ပုံတင်ခြင်းမရှိသေး ဆင်းကဒ်များအား On Way Block (အဝင်ခေါ်ဆိုမှု၊အထွက်ခေါ်ဆိုမှု၊ဒေတာအသုံးပြုမှုများ)ကို ကနဦးပိတ်ထားဖြစ်ကြောင်း ထုတ်ပြန်ထားသည်။

ဆင်းကဒ်သုံးစွဲသူ ပြည်သူများအနေဖြင့် အသုံးပြုနေသည့် ဆင်းကဒ်များပိတ်သိမ်းခံရမှုမဖြစ်ဖို့ ပြန်လည်မှတ်ပုံတင်ဖို့ အသိပေးစာတိုရရှိပါက သက်ဆိုင်ရာအော်ပရေတာများ၏ အရောင်းဆိုင်များ၊ App များနှင့် Website တို့တွင် အချက်အလက်အမှန် အမြန်မှတ်ပုံတင်ဖို့ ဆက်သွယ်ရေးညွှန်ကြားမှုဦးစီးဌာနမှ ထုတ်ပြန်ထားသည်။

#ymg/ynzw #Local_News #SIM #မှတ်ပုံမတင်ရင်အပြီးပိတ်သိမ်းမည်
#YMG #Yangon-Media-Group

#Local_News
Published_ 13 May 2023

မုန်တိုင်း “မိုခါ” ရခိုင်ကမ်းရိုးတန်းကို စစ်တွေမြို့အနီးမှ အားအလွန်ကောင်းသောအဆင့်ဖြင့် ဖြတ်ကျော်နိုင်၍ အနီရောင်အဆင့်ဟု သတ်မှတ်လိုက်ပြီဖြစ်ကြောင်း မိုးလေဝသနှင့် ဇလဗေဒ ညွှန်ကြားမှု ဦးစီးဌာနက ထုတ်ပြန်လိုက်သည်။

အနီရောင်အဆင့်ကို မုန်တိုင်း မြန်မာ့ကမ်းရိုးတန်းဆီ မဖြတ်ကျော်မီ (၁၂)နာရီအလိုအချိန်ဟု သတ်မှတ်ထားသော်လည်း ယခုဖြစ်ပေါ်နေသော အလွန့်အလွန်အားကောင်းသောဆိုင်ကလုန်းမုန်တိုင်း(Extremely Severe Cyclonic Storm) “မိုခါ”(MOCHA)သည် မြန်မာနိုင်ငံ၊ ရခိုင်ကမ်းရိုးတန်းကို စစ်တွေမြို့(Sittwe)အနီးမှ အားအလွန်ကောင်းသောအဆင့်ဖြင့် ဖြတ်ကျော် နိုင်သည့်အတွက် အနီရောင်အဆင့်ဟု သတ်မှတ်ခြင်းဖြစ်ကြောင်းလည်း သိရသည်။

ယနေ့ မေလ ၁၃ ရက် နံနက် ၅ နာရီခွဲအချိန်က တိုင်းထွာချက်များအရဘင်္ဂလား ပင်လယ်အော်အရှေ့အလယ်ပိုင်းတွင် ဖြစ်ပေါ်နေသော အလွန့်အလွန်အား ကောင်းသောဆိုင်ကလုန်းမုန်တိုင်း(Extremely Severe Cyclonic Storm) “မိုခါ”(MOCHA)သည် မြောက်-အရှေ့မြောက်ဘက်သို ရွေ့လျားခဲ့ပြီး၊ မြန်မာနိုင်ငံ၊ ကိုကိုးကျွန်းမြို့(Coco Island)၏ အနောက်-အနောက်မြောက်ဘက် ရေမိုင်(၂၆၀)မိုင်ခန့်၊ ဟိုင်းကြီးကျွန်းမြို့(Hainggyigyun)၏ အနောက်-အနောက် တောင်ဘက် ရေမိုင်(၃၀၅)မိုင်ခန့်၊ စစ်တွေမြို့(Sittwe)၏ အနောက်တောင် ဘက် ရေမိုင်(၃၅၀)မိုင်ခန့်၊ အိန္ဒိယနိုင်ငံ၊ ပိုပလဲယား(Port Blair)၏ မြောက်- အနောက်မြောက်ဘက် ရေမိုင်(၃၁၅)မိုင်ခန့်နှင့် ဘင်္ဂလားဒေ့ရှ်နိုင်ငံ၊ ကော့ဘဇားမြို့(Cox’s Bazar)၏ တောင်-အနောက်တောင်ဘက် ရေမိုင်(၃၈၅)မိုင်ခန့် အကွာ ပင်လယ်ပြင်ကို ဗဟိုပြုနေကြောင်း သိရသည်။

အဆိုပါ အလွန့်အလွန်အားကောင်းသောဆိုင်ကလုန်းမုန်တိုင်း(Extremely Severe Cyclonic Storm) “မိုခါ” (MOCHA)သည် မြောက်လတ္တီကျု (၁၅.၅)ဒီဂရီနှင့် အရှေ့လောင်ဂျီကျု (၈၉.၁)ဒီဂရီတွင်ရှိပြီး၊ ဗဟို ချက်လေဖိအား (၉၆၄)ဟက်တိုပါစကယ်နှင့် အမြင့်ဆုံးလေတိုက်နှုန်းမှာ တစ်နာရီ လျှင် မိုင်(၁၀၅)မှ (၁၁၅)မိုင်နှုန်းခန့် ဖြစ်ကြောင်း၊ နောက်(၄၈)နာရီအတွင်းမြောက်-အရှေ့မြောက်ဘက်သို ဆက်လက်ရွေ့လျားနိုင်ပြီး ဘင်္ဂလားဒေ့ရှ်နိုင်ငံ၊ ကော့ဘဇားမြို့(Cox’s Bazar)နှင့် မြန်မာနိုင်ငံကျောက်ဖြူမြို့(Kyaukpyu)တိုကြား စစ်တွေမြို့(Sittwe)အနီးမှ မေလ ၁၄ ရက် နေ့လယ်ပိုင်းတွင် အားအလွန်ကောင်းသော ဆိုင်ကလုန်းမုန်တိုင်း (Very Severe Cyclonic Storm) “မိုခါ” (MOCHA)အနေဖြင့် ဖြတ်ကျော်ဝင်ရောက်နိုင်ကြောင်း သိရသည်။

ယင်းနောက် မြောက်-အရှေ့မြောက်ဘက်သို့ ဆက်လက်ရွေ့လျားပြီး ချင်းပြည်နယ်၊ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးဆီသို့ အားကောင်းသောဆိုင်ကလုန်း မုန်တိုင်း(Severe Cyclonic Storm) “မိုခါ”(MOCHA)အနေဖြင့် ဆက်လက်ရွေ့လျားနိုင်ကြောင်း မိုးဇလက ခန့်မှန်းထားသည်။

#ymg/pl #Local_News #မုန်တိုင်း “မိုခါ” #အနီရောင်အဆင့်ဟုသတ်မှတ်
#YMG #Yangon_Media_Group