#Local_News
Published _ 7 September 2022

ရုရှားဖက်ဒရေးရှင်းနိုင်ငံအစိုးရ၊ အရှေ့ဖျားစီးပွားရေးဖိုရမ်(EEF)၏ ဖိတ်ကြားချက်အရ ရုရှားနိုင်ငံသို့ရောက်ရှိနေသော နစက ဥက္ကဌဗိုလ်ချုပ်မှုးကြီးမင်းအောင်လှိုင်နှင့် ရုရှားသမ္မတ ပူတင်တို့ ယနေ့ စက်တင်ဘာလ ၇ ရက်တွင်တွေ့ဆုံခဲ့ကြကြောင်းသိရသည်။

နစကဥက္ကဌသည် ရုရှားဖက်ဒရေးရှင်းနိုင်ငံ ဗလာဒီဘေ့စတော့မြို့တွင် စက်တင်ဘာလ ၅ ရက် မှ ၈ ရက်ထိ ပြုလုပ်‌နေသည့် ၇ ကြိမ်မြောက် အရှေ့ဖျား စီးပွားရေးဖိုရမ် ကို ပါဝင်တက်ရောက်နေခြင်းလည်းဖြစ်သည်။

#ymg/mt
#Yamgon_Media_Group

#World_Science
Published 7 September 2022

အသုံးပြုပြီးသား စွန့်ပစ်ပလတ်စတစ်ဗူးတွေကနေ စိန်ကျောက်ပြုလုပ်နိုင်မယ့်နည်းလမ်းကို သိပ္ပံပညာရှင်များ တွေ့ရှိခဲ့ကြပါပြီ။

ဒီနည်းပညာဖြင့် ပလတ်စတစ်စွန့်ပစ်ပစ္စည်းများကို လျှော့ချလာနိုင်ပြီး ပြန်လည်ထုတ်ယူမယ့် နာနိုစိန်(အလွန်သေးငယ်သော စိန်မှုန့်)များကို အကျိုးရှိတဲ့နေရာတွေမှာ အသုံးပြုနိုင်မှာပါ။

ကယ်လီဖိုးနီးယားရှိ SLAC National Accelerator ဓာတ်ခွဲခန်းမှသုတေသီများက နက်ပ်ကျွန်းဂြိုဟ်နဲ့ ယူရေးနပ်စ်ဂြိုဟ်တို့မှာ ဖြစ်ပေါ်တဲ့ စိန်မိုးရွာသွန်းတဲ့ဖြစ်စဉ်အတိုင်း ပုံဖော်သွားဖို့ ရည်မှန်းထားပါတယ်။

ဒီဂြိုဟ်တွေမှာ အပူချိန်ဒီဂရီဆဲလ်စ်းယပ်စ်ထောင်ပေါင်းများစွာ ရှိနေပြီး ကမ္ဘာမြေပေါ်မှ လေထုဖိအားထက် အဆသန်းပေါင်းများစွာပိုများပါတယ်။

ဒီအခြေအနေတွေကနေ ဟိုက်ဒရိုကာဗွန်ဒြပ်ပေါင်းပြိုကွဲစေပြီး ကာဗွန်အစိတ်အပိုင်းတွေကို စိန်များဖြစ်တဲ့အထိ ဖိအားပေးလိုက်ရပါတယ်။

သိပ္ပံပညာရှင်တွေက ဟိုက်ဒရိုကာဗွန်ဖြစ်တဲ့ ပိုလီအက်သလင်းတဲရပ်သာလိတ်(PET) ကို စွမ်းအားမြင့်လေဆာပစ်ကာ စိန်တည်ဆောက်ပုံများ ဖြစ်ပေါ်လာတာကို တွေ့ရှိခဲ့ကြပါတယ်။

စိန်ဖြစ်ပေါ်မှုအတွက် PET က ကာဗွန်၊ ဟိုက်ဒရိုဂျင်၊ အောက်ဆီဂျင်တိုကြား ဟန်ချက်ညီအောင် ပြုလုပ်ပေးကြောင်း ရော့စတော့ခ်တက္ကသိုလ်မှ ပရော်ဖက်ဆာ'ဒိုမီနစ်ခရော့စ်'က ပြောပြပါတယ်။

၂၀၁၇ ခုနှစ်တုန်းက SLAC အဖွဲ့က ပိုလီစတိုင်ရင်းကို လေဆာပစ်ပြီး စိန်မိုးရွာခြင်းဖြစ်စဉ်ကို ပထမဆုံးအောင်မြင်စွာ ပုံဖော်နိုင်ခဲ့ပါတယ်။

နက်ပ်ကျွန်းနဲ့ ယူရေးနပ်စ်ဂြိုဟ်တို့မှာ နာနိုစိန်ဖြစ်တည်မှုအပေါ် မည်သည့်အရာများက သက်ရောက်နေသလဲဆိုတာကို သိပ္ပံပညာရှင်များက သိချင်နေခဲ့ကြပါတယ်။

SLAC က စွမ်းအားမြင့်လေဆာဖြင့် အပူချိန် ၆ ထောင်ဒီဂရီဆဲလ်စီးယပ်စ်ရရှိအောင် အသုံးပြုခဲ့ကြပါတယ်။

အဲဒီကနေ ပလတ်စတစ်ပစ္စည်းအပေါ်ကို အလွန်တိုတောင်းတဲ့ စက္ကန့်ပိုင်းအတွင်း လေထုဖိအား အဆသန်းပေါင်းချီတဲ့ ဖိအားမျိုးပေးလိုက်ပါတယ်။

အိတ်စ်ရေးအလင်းယိုင်နည်းလမ်းဖြင့် အသုံးပြုကာ အက်တမ်တွေကနေ စိန်လေးတွေဖြစ်ပေါ်လာပုံနဲ့ အချိန်တိုအတွင်း ဘယ်လောက်ကြီးမားတဲ့အထိ ဖြစ်လာသလဲဆိုတာကို စောင့်ကြည့်ခဲ့ကြပါတယ်။

အောက်ဆီဂျင်ရဲ့သက်ရောက်မှုက ကာဗွန်နဲ့ဟိုက်ဒရိုဂျင်ပြိုကွဲမှုကို မြန်ဆန်စေပြီး နာနိုစိန်များဖြစ်ပေါ်လာပုံကို အားပေးပါတယ်။

ဓာတ်ခွဲခန်းထဲမှာထုတ်လုပ်တဲ့ စိန်တွေထက် နက်ပ်ကျွန်းဂြိုဟ်နဲ့ ယူရေးနပ်စ်ဂြိုဟ်တို့က စိန်တွေက ကာရက်သန်းနဲ့ချီရှိနိုင်ကြောင်း ခန့်မှန်းရပါတယ်။

စိန်ဖြစ်ပေါ်မှုအတွင်း အောက်ဆီဂျင်ပါဝင်တာကြောင့် အခြားဂြိုဟ်တွေမှာလည်း သူတို့အခြေအနေနဲ့သူတို့ စိန်တွေဖြစ်ပေါ်နေနိုင်ပါတယ်။

အခုအချိန်မှာတော့ နာနိုစိန်တွေရရှိဖို့ ကာဗွန်အများအပြားနဲ့ စိန်တွေကိုဖောက်ခွဲပစ်ရပြီး အရွယ်အစားမတူညီကြတဲ့ နာနိုစိန်တွေဖြစ်ပေါ်လာကာ ကိုင်တွယ်ရခက်ခဲပါတယ်။

အခုလေ့လာနေတဲ့ လေဆာနည်းပညာကတော့ အခြားနည်းလမ်းများထက် ပိုမိုမြန်ဆန်ပြီး ထိန်းချုပ်ရလွယ်ကူကာ ပိုမိုသန့်စင်တဲ့နာနိုစိန်တွေ ရရှိနိုင်မှာဖြစ်ပါတယ်။

Source: Daily Mail
#Yangon_Media_Group

#World_Health
Published 7 September 2022

အူထဲရှိ အဏုဇီဝပိုးတွေဟာ အိပ်စက်ပုံမမှန်ခြင်း၊ ခရီးပန်းခြင်း၊ အစားအစာမှတဆင့် ကူးစက်တဲ့ရောဂါဖြစ်ခြင်းတို့မှ ကာကွယ်ပေးနိုင်ဖွယ်ရှိပြီး ဓာတုကုထုံးရလာဒ်များကို တိုးတက်ကောင်းမွန်စေနိုင်ဖွယ်ရှိကြောင်း ဗာဂျီးနီးယားဆေးပညာတက္ကသိုလ်မှ သုတေသီများတွေ့ရှိခဲ့ကြပါတယ်။

ဗာဂျီးနီးယားတက္ကသိုလ်မှ ဒေါက်တာ'ရှောင်မော'နဲ့ ဒေါက်တာ'ဂျေဆန်ပါပင်'တို့ဦးဆောင်တဲ့ သုတေသီအဖွဲ့က ကွန်ပျူတာစနစ်ဖြင့် ပုံဖော်ကာ အူထဲက ပိုးမွှားလေးတွေက အူလမ်းကြောင်းဆဲလ်များရဲ့ လည်ပတ်ပုံကို တိုက်ရိုက်သက်ရောက်နေခြင်းကို ကြည့်ရှုခဲ့ကြပြီး Gastroenterology ဂျာနယ်မှာ စနေနေ့က ဖော်ပြခဲ့ပါတယ်။

အူထဲက ဘက်တီးရီးယားများဖြစ်တဲ့ E. plexicaudatum ၊ Pseudoflavonifactor နဲ့ P. goldsteinii တို့က အက်ဆစ်များထုတ်လွှတ်ကာ အူနံရံတွေဆဲလ်တွေ အလုပ်လုပ်ဆောင်စေပြီး ဆဲလ်လည်ပတ်ပုံကို ပြန်လည်စတင်ပေးပါတယ်။

အက်ဆစ်တွေက ၂၄ နာရီကာလတလျှောက် ဇီဝလိုအပ်ချက်များအရ ဒီလုပ်ဆောင်ချက်တွေကို ဖွင့်ချည်ပိတ်ချည် ပြုလုပ်ပေးပါတယ်။

ဒီလုပ်ငန်းစဉ်တွေ အလုပ်ကောင်းကောင်းမလုပ်နိုင်တဲ့အခါ အူရောင်ခြင်း၊ ဝမ်းလျှောခြင်း၊ ပြည်တည်ခြင်း၊ အဝလွန်ခြင်းနဲ့ အခြားကျန်းမာရေးပြဿနာများ ဖြစ်ပေါ်နိုင်ပါတယ်။

အခုလေ့လာချက်အသစ်က ဆရာဝန်တွေအနေနဲ့ အူထဲရှိအဏုဇီဝပိုးမွှားများကို ပစ်မှတ်ထားပြီး ရောဂါဘယများနဲ့ ခရီးပန်းခြင်းဝေဒနာတို့ကို ကာကွယ်စေနိုင်ကာ ကျန်းမာရေးကောင်းမွန်လာစေရန် အထောက်အကူဖြစ်စေမှာဖြစ်ပါတယ်။

ကွန်ပျူတာစနစ်ကိုအသုံးချပြီး ဘယ်ဇီဝဖြစ်စဉ်ပစ္စည်းတွေက ခန္ဓာကိုယ်တစ်နေ့တာလည်ပတ်မှုအတွက် အရေးကြီးဆုံးဖြစ်မလဲဆိုတာကို သုတေသီများသိရှိနိုင်မှာဖြစ်ပါတယ်။

"ဇီဝဗေဒဆိုတာက အချက်အလက်အလွန်များပြားစွာလိုအပ်ပြီး ကွန်ပျူတာစနစ်ဖြင့် အဏုဇီဝနဲ့ လူသားတွေရဲ့ ဇီဝကမ္မစနစ်တွေကို နားလည်နိုင်ရန် အသုံးပြုဖို့လိုအပ်ပါတယ်၊ ဒီစနစ်တွေနဲ့ ရှုပ်ထွေးလှတဲ့ ဇီဝအချက်အလက်တွေကို သိရှိအောင်ပြုလုပ်ပေးပြီး လူတွေမသိနိုင်သေးတဲ့အရာတွေကိုတောင် ဖန်တီးပေးနိုင်မှာဖြစ်ပါတယ်" လို့ ဒေါက်တာ'ပါပင်'က ဆိုပါတယ်။

တိုးတက်လာတဲ့ ကွန်ပျူတာသိပ္ပံအချက်အလက်များကို အသုံးချနိုင်ရင် ဇီဝဆေးသုတေသနလောကက အလွန်အလားအလာရှိပါတယ်လို့ ပြောပြခဲ့ပါတယ်။

Source: The Jerusalem Post
#Yangon_Media_Group

#Local_News
Published- 6 September 2022

ထိုင်းနိုင်ငံကို ပြီးခဲ့တဲ့ သြဂုတ်လ ၃၁ ရက်နေ့မှာ အခွန်ကင်းလွတ်ခွင့်နဲ့ ပြောင်းတင်ပို့ခွင့်ဟာ သက်တမ်းကုန်ဆုံးသွားတာပဲ ဖြစ်ပါတယ်။

#Yangon_Media_Group

#World_Rights
Published 6 September 2022

ချီလီနိုင်ငံမှ အာဏာရှင်ဟောင်း'အော်ဂတ်စ်တိုပီနိုချက်'လက်ထက်က ချမှတ်ခဲ့တဲ့ လက်ရှိအခြေခံဥပဒေဖွဲ့စည်းပုံအရ ရေဖြန့်ဖြူးခြင်းကို ပုဂ္ဂလိကပိုင်လုပ်ငန်းအဖြစ် ထာဝရခွင့်ပြုခဲ့ပါတယ်။

#Yangon_Media_Group

#Local_News
Published - 6 September 2022

တနင်္သာရီမြို့နယ်၊ တနင်္သာရီမြို့ဟောင်းထဲက တနင်္သာရီအမျိုးသားပြတိုက်မှာ တနင်္သာရီဒင်္ဂါးတွေ၊ ကျောက်လက်နက်တွေ၊ နဂါးလှေနှင့်အသုံးအဆောင်ပစ္စည်းတွေ၊ စပါးကြိတ်ဆုံ၊ သစ်သားထွင်းဆုံနဲ့မြေ ထည်၊ ကြွေထည်တွေကို အခမဲ့ပြသထားပါတယ်၊၊

#Yangon_Media_Group

Published 6 Sept 2022
တရုတ်နိုင်ငံ အနောက်တောင်ပိုင်း စီချွမ်းပြည်နယ်မှာ ၆.၈ပြင်းအားအဆင့်ရှိတဲ့ ငလျင်ကြီး စက်တင်ဘာ ၅ ရက် မနက်က လှုပ်ရှားသွားတဲ့အတွက် ကယ်ဆယ်ရေးလုပ်ငန်းတွေလုပ်ဖို့ ဝန်ထမ်း ၆၅၀၀ကျော်ကို ငလျင်ဒဏ်ခံရတဲ့ဒေသတွေကို စေလွှတ်ထားတယ်လို့ တရုတ်နိုင်ငံ အရေးပေါ်စီမံခန့်ခွဲရေးဝန်ကြီးဌာနက ပြောပါတယ်။

တနင်္လာနေ့ မနက်အကူး  ဘေဂျင်းစံတော်ချိန် ည၁၂နာရီ ၅၂ မိနစ်မှာ အဲဒီငလျင်ကြီးဟာ လူဒင်းခရိုင်မှာ လှုပ်ရှားခဲ့တာဖြစ်တယ်လို့  တရုတ်ငလျင်ကွန်ယက်စင်တာကသိရပါတယ်။

ငလျင်ကြောင့် ယခုထက်ထိ သေဆုံးသူပေါင်း ၆၅ ဦးရှိပြီဖြစ်ပါတယ်လို့ ဒေသအာဏာပိုင်တွေက ပြောပါတယ်။ သေဆုံးသူတွေထဲမှာ ၃၇ ဦးဟာ ဂန်ဇီတိဘက်ကိုယ်ပိုင်အုပ်ချုပ်ခွင့်ရဒေသက ဖြစ်ပြီး ကျန် ၂၈ ဦးက ရှီမီယန်ခရိုင် ယန်းအန်မြို့က ဖြစ်ကြပါတယ်။

စီချွမ်းက ငလျင်ကယ်ဆယ်ရေးဌာနချုပ် က အထွေထွေလေကြောင်းသုံး ရဟတ်ယာဉ်လေးစီးနှင့် ဒရုန်းကြီးနှစ်စီးကို လူဒင်းနှင့် ရှီမီယမ်ဒေသတွေကို ကယ်ဆယ်ရေးလုပ်ငန်းတွေဆောင်ရွက်ဖို့ ပေးပို့ခဲ့ပါတယ်။

လက်ရှိအခြေအနေမှာ ဒေသဆိုင်ရာအစိုးရတွေဟာ ဗဟိုအစိုးရ အရေးပေါ်စီမံခန့်ခွဲရေးဝန်ကြီးဌာနနှင့် ပူးပေါင်းကာ ရဟတ်ယာဉ်ကြီးတွေနှင့် အကြီးစားယန္တယားတွေကို လူဒင်းမှာရှိတဲ့ ငလျင်ကြောင့်ဖြစ်လာတဲ့ အတားအဆီးကန်တွေ ဆီစေလွှတ်ဖို့ ဆောင်ရွက်နေကြပါတယ်။

လူဒင်းက ဒီတာအိုမြို့မှာ ငလျင်ကြောင့် မြေပြိုကျမှုတွေဖြစ်ပြီး လမ်းတွေပျက်စီးခဲ့ရတဲ့အတွက် သွားလာမှုတွေ ရပ်တန့်ခဲ့ကြရပါတယ်။ အဲဒါကြောင့် ဒေသခံတွေလည်း ပိတ်မိနေပါတယ်။

ဒေသခံ မီးသတ်ဌာနဟာ ငလျင်ဒဏ်ခံခဲ့ရတဲ့နေရာတွေဆီချက်ခြင်းသွားရောက်ပြီး ပိတ်မိနေတဲ့သူတွေကို ကယ်ဆယ်နေကြပါတယ်။

ယခုအင်္ဂါနေ့ မနက်၁၁နာရီ ၅၀ အထိ စီချွမ်းပြည်နယ် သစ်တောမီးသတ်ဌာနဟာ ဒဏ်ရာရသူ (၆)ဦးအပါအဝင် လူ ၁၉ ဦးကို ကယ်တင်နိုင်ခဲ့တယ်လို့ သိရပါတယ်။

Source: CCTV+

#Sichuan_Province

#China_Earthquake

#China

#Local_News
Published _ 6 September 2022

ရန်ကုန်-မန္တလေး အမြန်လမ်းမကြီးပေါ်က နေရာ ၅ ခုမှာ လျှပ်စစ်ကားတွေ ဘက်ထရီ Charging သွင်းနိုင်မယ့် နေရာ ၅ နေရာကို မကြာခင် စတင် တည်ဆောက်ဖို့လုပ်နေတယ်လို့ လျှပ်စစ်နှင့်စွမ်းအားဝန်ကြီးဌာနက သိရပါတယ်။

#Yangon_Media_Group

#Local_News
Published - 6 September 2022

ပြီးခဲ့တဲ့ သြဂုတ်လအတွင်းမှာ ပြည်ပကို ဆန်နဲ့ ဆန်ကွဲတင်ပို့မှုဟာ မက်ထရစ်တန်ချိန် ၁၅၀၀၀၀ ကျော်တင်ပို့နိုင်ခဲ့တယ်လို့ မြန်မာနိုင်ငံဆန်စပါးအဖွဲ့ချုပ်ကနေ သိရပါတယ်။

#Yangon_Media_Group

Published 6 Sept 2022

အမေရိကန်နိုင်ငံမှာ ငွေကြေးဖောင်းပွမှုဟာ ဆယ်စုနှစ်လေးခုအတွင်း အမြင့်မားဆုံးအခြေအနေသို့ ရောက်ရှိနေပါတယ်။ အဲဒီအခြေအနေကို လျော့ပါးစေဖို့ အမေရိကန် သမ္မတ ဂျိုး ဘိုင်ဒန်က ငွေကြေးဖောင်းပွမှုလျှော့ချရေး အက်ဥပဒေကို ဩဂုတ်လ ၁၆ ရက်နေ့တွင် လက်မှတ်ရေးထိုးခဲ့ပါတယ်။

အမေရိကန်ရဲ့ ၂၀၂၂ ခုနှစ် ငွေကြေးဖောင်းပွမှုလျှော့ချရေးအက်ဥပဒေဟာ

ပြည်တွင်းစွမ်းအင်ထုတ်လုပ်မှုတွင် ရင်းနှီးမြုပ်နှံပြီး ကျန်းမာရေးစောင့်ရှောက်မှု ဆေးဝါးကုန်ကျစရိတ်များကိုလျှော့ချနေစဉ်လိုငွေပြမှုနှင့် ငွေကြေး ဖောင်းပွမှု ကို လျှော့ချနိုင်ဖို့ ပုံစံချရေးဆွဲထားတာ ဖြစ်ပါတယ်။

ဒါပေမယ့် အဲဒီအက်ဥပဒေဟာ အမေရိကန်ရှိ အိမ်ထောင်စုတွေအပေါ် အခက်အခဲများဖြစ်ပေါ်စေလျက်ရှိတဲ့ ဈေးနှုန်းမြင့်တက်မှုကို အမှန်တကယ်ထိန်းညှိပေးနိုင်မလားဆိုတာကတော့ မေးခွန်းထုတ်စရာဖြစ်နေပါတယ်။

သမ္မတ ဂျော့ဂ်ျ ဒဗလျူ. ဘုရှ်ရဲ့ အကြံပေးအဖြစ် တာဝန်ထမ်းဆောင်ခဲ့ပြီး၊ နောက်ပိုင်းမှာ CBO ရဲ့ ဒါရိုက်တာဖြစ်လာခဲ့သူ ဒေါဂလက်စ် ဟို့ဇ်-အီကင်က ‘ကျန်းမာရေးစောင့်ရှောက်မှုရဲ့ ထောက်ပံ့ပေးမှုဟာ ဆေးဝါးအချို့ရဲ့ ကုန်ကျစရိတ်ကို လျှော့ချပေးနိုင်မှာဖြစ်ပေမယ့်လည်း ဆေးဝါးအသစ်များရဲ့ ဖွံ့ဖြိုးတိုးတက်မှုများကိုတော့ နှောင့်နှေးစေဖွယ်ရှိနေပြီး၊ ဆေးဝါးကုမ္ပဏီများမှာ ရင်းနှီးမြှုပ်နှံမှုအသစ်များကို လျော့ကျစေနိုင်တယ်’ လို့ စောဒကတက်ထားပါတယ်။

ဥပဒေမှာ အားနည်းချက်တွေလည်းရှိနေပြီး ဓာတ်ငွေ့နဲ့ အစားအစာဈေးနှုန်းများ မြင့်တက်မှု၊ ငှားရမ်းခနဲ့ စားသောက်ဆိုင် အစားအစာဈေးနှုန်းများ မြင့်တက်မှုတို့ကိုတော့ တိုက်ရိုက်ကိုင်တွယ်ဖြေရှင်း နိုင်ဖွယ်မရှိသေးပါဘူး။ထို့အတွက် ကဏ္ဍစုံမှာ ငွေကြေးဖောင်းပွမှုတိုက်ဖျက်‌ရေးအတွက်တော့ ထိရောက်ဖွယ်ရှိမလာနိုင်သေးပါဘူး။

ဆန်းစစ်သုံးသပ်မှုများအရတော့ ဥပဒေဟာ အမေရိကန်အိမ်ထောင်စု သန်းပေါင်းများစွာအတွက် ဆေးဝါးနဲ့ စွမ်းအင်ကုန်ကျစရိတ်များကို လျှော့ချပေးနိုင်မှာဖြစ်ပြီး၊ စုဆောင်းငွေများကို တိုးမြှင့်ပေးနိုင်မှာဖြစ်ပါတယ်။ဒါပေမဲ့ အဆိုပါပစ္စည်းတွေဟာ အိမ်ထောင်စုတွေရဲ့ ဘတ်ဂျက်မှာ အနည်းငယ်မျှသာနေရာယူထားတာဖြစ်ပါတယ်။ အမေရိကန် စားသုံးသူဈေးနှုန်း အညွှန်းကိန်းမှာတော့ ဆေးဝါးများဟာ အသုံးစရိတ်ရဲ့ ၁ ရာခိုင်နှုန်းသာရှိနေပြီး၊ လျှပ်စစ်နဲ့ သဘာဝဓာတ်ငွေ့အသုံးပြုမှုများကတော့ ၃ ဒဿမ ၆ ရာခိုင်နှုန်းအထိ ရှိနေတာဖြစ်ပါတယ်။

ထောက်ပံ့မှုများကိုရရှိမယ့် အိမ်ထောင်စုများဟာ ငွေတွေကို အခြားနေရာများဖြစ်ကြတဲ့ ငှားရမ်းခများပေးဆောင်မှု၊ ဓာတ်ငွေ့နဲ့ အစားအစာများ ဝယ်ယူမှုတို့မှာ အသုံးပြုလာဖွယ်ရှိတဲ့အတွက်လည်း ဈေးနှုန်းများမကျဆင်းသရွေ့ ငွေကြေးဖောင်းပွမှုဟာ ဆက်လက်ဖြစ်ပေါ်ဖွယ်ရှိနေပါတယ်လို့ဆိုပါတယ်။

ရီပတ်ဘလစ်ကန်များဘက်ကတော့ သမ္မတ ဂျိုး ဘိုင်ဒန်ရဲ့ ဆောင်ရွက်မှုများကို သက်တမ်းဝက် ရွေးကောက်ပွဲအတွက် မဲဆွယ်ဖို့ ကြိုးပမ်းမှုများလို့ ရှုမြင်ပြီး၊ အမှန်တကယ်လည်း သမ္မတ ဘိုင်ဒန်အပေါ် ကျဆင်းနေတဲ့ ထောက်ခံမှုများဟာ ယခုဥပဒေကြောင့် ပြန်လည်မြင့်တက်လာနိုင်ချေရှိနေပါတယ်။

အမေရိကန် သမ္မတ ဂျိုး ဘိုင်ဒန် လက်မှတ်ရေးထိုးခဲ့တဲ့ ငွေကြေးဖောင်းပွမှုလျှော့ချရေး ဥပဒေအပေါ် အလုံးစုံသုံးသပ်ရမယ်ဆိုရင်တော့ အမေရိကန်နိုင်ငံမှာ ဆယ်စုနှစ်လေးခုအတွင်း အမြင့်မားဆုံးဖြစ်လာခဲ့တဲ့ ငွေကြေးဖောင်းပွမှုကို တိုက်ဖျက်ရေးအတွက် ကဏ္ဍစုံမှာ ကြီးမားတဲ့ အကျိုးသက်ရောက်မှု မရှိနိုင်သေးဘဲ ကဏ္ဍအနည်းအကျဉ်းမှာသာ အနည်းငယ် အကျိုးသက်ရောက်နိုင်တဲ့အတွက် ဒါဟာ  သက်တမ်းဝက် ရွေးကောက်ပွဲအတွက် ထောက်ခံမှုရရှိရန် ကြိုးပမ်းမှုတစ်ခုသာ ဖြစ်ဖွယ်ရှိနေပါတယ်။

Source: VOA

#Inflation_Reduction _Act

#US_Inflation

#US_Mid_term_Elections

#DailyNews
Published _ 6 September 2022

၁။ သြဂုတ်လအတွင်း ပြည်ပသို့ ဆန်၊ ဆန်ကွဲ မက်ထရစ်တန်ချိန် ၁၅၀၀၀၀ ကျော်တင်ပို့ခဲ့

၂။ အမြန်လမ်း နေရာ ၅ ခုတွင် လျှပ်စစ်ယာဉ်သုံး Charging Station များ လပိုင်းအတွင်း တည်ဆောက်မည်

၃။ တနင်္သာရီပြတိုက်တွင် အဖိုးတန်ပစ္စည်းများ ပြသနိုင်အောင် ဆောင်ရွက်ပေးရန်လိုဟုဆို

၄။ ရေရပိုင်ခွင့်ကို ပုဂ္ဂလိကလုပ်ငန်းများလက်ကနေ လူ့အခွင့်အရေးထံ ရောက်ရှိစေမည့် အခြေခံဥပဒေမူကြမ်းအသစ်အား ချီလီတွင်တင်သွင်းထား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

Published 6 Sept 2022

မြန်မာနိုင်ငံနှင့် ရုရှားနိုင်ငံတို့အကြား နျူကလီးယားစွမ်းအင်နည်းပညာ ပူးပေါင်းဆောင်ရွက်ရေး လုပ်ငန်းစဉ်ဆိုင်ရာ စာချွန်လွှာတစ်ခုကို စက်တင်ဘာ (၆)ရက် အင်္ဂါနေ့က လက်မှတ်ရေးထိုးခဲ့ကြတယ်လို့ နစကရဲ့ သတင်းထုတ်ပြန်ချက်အရ သိရပါတယ်။

မြန်မာနိုင်ငံ သိပ္ပံနှင့်နည်းပညာဝန်ကြီးဌာန၊ လျှပ်စစ်စွမ်းအားဝန်ကြီးဌာနနှင့် ရုရှားနိုင်ငံပိုင် အဏုမြူကော်ပိုရေးရှင်း Rosatom State Corporationတို့အကြား ရှေ့ဆက်လက်ဆောင်ရွက်သွားမည့် လုပ်ငန်းစဉ်ဆိုင်ရာ သဘောတူညီမှု စာချွန်လွှာတစ်ရပ်ကို လက်မှတ်ရေးထိုးခဲ့ကြတာဖြစ်တယ်လို့ သတင်းမှာဖော်ပြထားပါတယ်။

အဲဒီစာချွန်လွှာလက်မှတ်ရေးထိုးပွဲမှာ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်ရဲ့ရှေ့မှောက်တွင် မြန်မာနိုင်ငံ သိပ္ပံနှင့် နည်းပညာဝန်ကြီးဌာန ပြည်ထောင်စုဝန်ကြီး ဦးမျိုးသိန်းကျော်၊ လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးသောင်းဟန်တို့နှင့် Rosatom State Corporation ရဲ့အမှုဆောင်အရာရှိချုပ် မစ္စတာ အဲလက်ဇီအက်ဗ်ဂျင်နီဗစ်လီခါရှက်ဖ် ( Mr. Alexey Evgenievich Likhachevi) တို့က လက်မှတ်ရေးထိုးခဲ့ကြတာဖြစ်ပါတယ်။

လက်မှတ်မရေးထိုးခင် နစက ဥက္ကဋ္ဌနှင့် အဖွဲ့ဝင်တွေဟာ Rosatom State Corporation အမှုဆောင်အရာရှိချုပ်နှင့်အဖွဲ့ဝင်တွေနှင့် နျူကလီးယားစွမ်းအင်နည်းပညာ ပူးပေါင်းဆောင်ရွက်မှု နယ်ပယ်တွေမှာ  အတွေ့အကြုံနှင့် နည်းပညာတွေ လေ့လာခွင့်ရရှိနိုင်မည့် အခြေအနေတွေနှင့် နှစ်နိုင်ငံပြည်သူလူထုအကျိုးရှိစေမည့်  ကဏ္ဍတွေမှာ ပူးပေါင်းဆောင်ရွက်နိုင်မည့်အခြေအနေတွေ၊ နျူကလီးယားစွမ်းအင်ကို နိုင်ငံသူ နိုင်ငံသားများရဲ့ လူမှုဘဝ စီးပွားဖွံ့ဖြိုးတိုးတက်ရေအတွက် ငြိမ်းချမ်းစွာ အသုံးပြုနိုင်ရေး ပူးပေါင်းဆောင်ရွက်မှုတွေအတွက် လုပ်ငန်းစဉ်တွေ ချမှတ်ဆောင်ရွက်မည့် အစီအစဉ်တွေ၊ နျူကလီးယားစွမ်းအင်ကို လျှပ်စစ်ဓာတ်အားထုတ်လုပ်ရေးကဲ့သို့သော လုပ်ငန်းအပါအဝင် သိပ္ပံနှင့် သုတေသနစမ်းသပ်ခြင်း၊ ဆေးဝါးထုတ်လုပ်ခြင်း၊စက်မှုကဏ္ဍနှင့် ကဏ္ဍပေါင်းစုံတွင် အကျိုးရှိရှိ အသုံးပြုနိုင်ရေးတွေကို ကျယ်ကျယ်ပြန့်ပြန့်ဆွေးနွေးခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

နစကဥက္ကဋ္ဌနှင့်အဖွဲ့ဝင်တွေဟာ အင်္ဂါနေ့မနက်ပိုင်းမှာ အရှေ့ဖျားစီးပွားရေးဖိုရမ်မှာ ခင်းကျင်းပြသထားတဲ့ပြခန်းတွေကိုလည်း ကြည့်ရှုလေ့လာခဲ့ကြတယ်လို့သိရပါတယ်။ အဲဒီပြခန်းတွေထဲမှာ RZD Russian Railways ကုမ္ပဏီရဲ့ ရထားလုပ်ငန်းဆိုင်ရာပြခန်း၊ Rus Hydroelectric Power Generationကုမ္ပဏီပြခန်း၊VEB.RF Investment ကုမ္ပဏီပြခန်း၊Aeroflot Airline ပြခန်းတွေပါဝင်တယ်လို့ သတင်းထုတ်ပြန်ထားပါတယ်။

Source: SAC’s Information

#Russia_Myanmar

#Rosatom_State_Corporation

#EEF_Russia