#Local_News
Published _3 May 2023

မဲဆောက်တွင် မြန်မာနိုင်ငံသား၂ ဦး ကို သေနတ် ၂ လက်နှင့်အတူ မေလ ၁ ရက် ညနေပိုင်းက ဖမ်းဆီးရမိ‌ခဲ့ကြောင်း သိရသည်။

ထိုင်းနိုင်ငံ၊ မဲဆောက်မြို့၊ မဲဆောက်-အုံးဖျန် ကားလမ်းမပေါ် အရှိန်ပြင်းစွာမောင်းနှင်လာသည့်ဆိုင်ကယ်ကို ရဲတပ်ဖွဲ့က မသင်္ကာ၍ တားဆီးစစ်ဆေးစဉ် ဓါတ်မြေဩဇာအိပ်ဖြင့် ပတ်ထား‌သော AK-47 မောင်းပြန်ရိုင်ဖယ် ၁ လက်၊ အမျိုးအမည်စိစစ်ဆဲ သေနတ် အရှည် ၁ လက်တို့ကို တွေ့ရှိ ဖမ်းမိခဲ့ခြင်းဖြစ်ကြောင်း သိရသည်။

ယခုအခါအဆိုပါ ဖမ်းဆီးရမိသူ မြန်မာနိုင်ငံသား ၂ ဦးကို မဲဆောက်မြို့နယ်ရဲစခန်းတွင် တရားမဝင် လက်နက်ကိုင်ဆောင်မှုဖြင့် အမှုဖွင့်အရေးယူထားကြောင်း ထိုင်းဒေသတွင်း သတင်းများအရ သိရသည်။

#ymg/pl #Local_News #မဲဆောက် #သေနတ်များဖြင့်
ဖမ်းမိ‌ #YMG #Yangon_Media_Group

#World_Health
Published_ 3 May 2023

အမျိုးသမီးတွေအနေနဲ့ ကလေးရနိုင်တဲ့နှစ်ကာလအဆုံးသတ်က တဖြည်းဖြည်းနဲ့ ရောက်လာစမြဲဖြစ်ပြီး မီးယပ်သွေးဆုံးခြင်းအတွက် ပြင်ဆင်လို့ရသမျှအရာအားလုံးကို သိရှိထားဖို့လိုအပ်ပါတယ်။

ဆရာဝန်တွေကတော့ စောစောပိုပြီးပြင်ဆင်ထားနိုင်လေလေ ပိုကောင်းလေပဲလို့ ဆိုထားပါတယ်။

ရာသီသွေးဆုံးချိန်က အမျိုးသမီးတွေရဲ့ သက်လတ်ပိုင်းမှ နောက်ပိုင်းနှစ်များအထိ ကျန်းမာရေးနဲ့ညီညွတ်တဲ့ သက်တမ်းကိုပိုမိုကြာရှည်အောင် ချိန်ညှိနိုင်စေရန် လူနေမှုပုံစံနဲ့ ကျန်းမာရေးကို ထိခိုက်စေမယ့်အခြားအချက်များကို ချိန်ညှိပေးနိုင်တဲ့ ကာလတစ်ခုဖြစ်ကြောင်း ဂလင်အီးဂဲလ်စ်ဆေးရုံမှ ဒေါက်တာ'ဗီဗီယန်လင်မ်'က ပြောပြခဲ့ပါတယ်။

အမျိုးသမီးတွေက ရာသီလုံးဝရပ်တန့်မသွားခင် သွေးဆုံးလက္ခဏာများ စတင်ခံစားရတတ်ပြီး အသက် ၄၀ အရွယ်မှာ စဖြစ်တတ်ပါတယ်။

ဒီကာလမှာ ပူစပ်စပ်ဖြစ်ခြင်း၊ ညဘက်ချွေးပြန်ခြင်း၊ ကိုယ်အလေးချိန်တက်ခြင်းစတဲ့လက္ခဏာများ စတင်ပေါ်ပေါက်လာကြောင်း ချူဝမ်လင်အမျိုးသမီးဆေးရုံမှ သားဖွားမီးယပ်အကြံပေး ဒေါက်တာ'ချူဝမ်လင်'က ရှင်းပြခဲ့ပါတယ်။

အမျိုးသမီးတစ်ဦးက သွေးဆုံးခြင်းကာလနဲ့ပိုမိုနီးစပ်လာပြီး ကျော်လွန်သွားတဲ့အချိန်တွေမှာ အီစထရိုဂျင်၊ ပရိုဂျက်စတီရုန်းစတဲ့ ဟော်မုန်းများအပြောင်းအလဲဖြစ်ကြပါတယ်။

ချွေးပြန်ခြင်းနဲ့ စိတ်အပြောင်းအလဲဖြစ်ခြင်းတို့က အမျိုးသမီးအများစုမှာ မပြင်းထန်ပေမယ့် အချို့မှာတော့ ပြင်းထန်နိုင်ပါတယ်။

အရေပြားကစလို့ အမျိုးသမီးအင်္ဂါအထိ ခြောက်သွေ့ခြင်းကို ခံစားရနိုင်ကာ သာမန်လက္ခဏာသာဖြစ်ပေမယ့် မကုသဘဲထားလိုက်ရင် လိင်ဆက်ဆံစဉ်နာကျင်ခြင်း၊ စိတ်မပါခြင်းတို့ ဖြစ်နိုင်ကြောင်း ဒေါက်တာ'ရန်ဒါဝါ'က ပြောပြခဲ့ပါတယ်။

ဒါ့အပြင် အမျိုးသမီးအင်္ဂါမှာ မှိုကူးစက်ခြင်းမျိုးလည်း မကြာခဏခံစားရနိုင်တယ်လို့ ဖော်ပြထားပါတယ်။

ဘဝမှာ ရာသီမမှန်တာမျိုးခံစားရတဲ့ အမျိုးသမီးတွေမှာ သွေးဆုံးကာလအတွင်း ဓမ္မတာစက်ဝန်းနှောင့်နှေးတာမျိုး တွေ့ဖို့မလွယ်ကူကြောင်း ဒေါက်တာ'ချူ'ကဆိုပါတယ်။

ငယ်ရွယ်စဉ်ကတည်းက အစားအသောက်မမှန်ဘူးဆိုရင် သွေးဆုံးလက္ခဏာများပိုမိုဆိုးရွားစေပြီး ကိုယ်အလေးချိန်ထိန်းသိမ်းရတာ ပိုမိုခက်ခဲစေပါတယ်။

သွေးဆုံးလက္ခဏာများ လျှော့ချနိုင်ရန် သွေးဆုံးကာလနီးကပ်လာတဲ့ အမျိုးသမီးတွေအနေနဲ့ ကဖင်းဓာတ်နဲ့ အယ်လ်ကိုဟောသောက်သုံးမှု၊ အချိုနဲ့ အစပ်အစားအစာများ လျှော့ချစားသုံးရန် ဂလင်အီးဂဲလ်စ်ဆေးရုံမှ ဒေါက်တာ'အာသာဆန်'က အကြံပြုထားပါတယ်။

ပဲပိစပ်နဲ့ ထုတ်ကုန်များ၊ တို့ဟူး၊ တန်ပေ၊ နှမ်းစေ့၊ ပဲများ ပိုမိုစားသုံးပေးသင့်ပါတယ်။

တစ်နှစ်ကျော်ကာလအတွင်း ကျန်းမာရေးညီညွတ်တဲ့အစားအစာများ လေ့ကျင့်ခန်းလုပ်ခြင်းတို့ဖြင့် ၁၀ ရာခိုင်နှုန်းခန့် ကိုယ်အလေးချိန်ကျအောင် ပြုလုပ်ပေးနိုင်ရင် ပူစပ်စပ်ဖြစ်ခြင်းနဲ့ ညဘက်ချွေးပြန်ခြင်းတို့ သက်သာစေနိုင်ပါတယ်။

အသက်ကြီးလာတာနဲ့အမျှ အရိုးကျန်းမာရေးကို ဂရုစိုက်သင့်ပြီး သွေးဆုံးချိန်နီးလာရင် ကယ်လ်စီယမ်နဲ့ ဗိုက်တာမင်ဒီကြွယ်ဝတဲ့ အစားအစာများ စားပေးသင့်ပါတယ်။
Source: CNA.
#World_Health #ဓမ္မတာ #ပြင်ဆင်စရာနည်းပေးလမ်းညွှန်များ
#YMG #Yangon_Media_Group

Published 3 May 2023

ရာဇသတ်ကြီးပုဒ်မ ၅၀၅-က အရပြစ်ဒဏ်ကျခံလျက်ရှိသော အကျဉ်းသား/သူ ၂၁၅၃ ဦးတို့ကို ပြစ်ဒဏ်လွတ်ငြိမ်းခွင့်ပြုလိုက်တယ်လို့ နစက,က အမိန့်ထုတ်ပြန်ကြေညာပါတယ်။

နစကရဲ့ အမိန့်အမှတ် ၃၁/၂၀၂၃ အရ အကျဉ်းထောင်/အချုပ်ထောင်/စခန်း အသီးသီးတွင် ရာဇသတ်ကြီးပုဒ်မ ၅၀၅-က အရပြစ်ဒဏ်ကျခံလျက်ရှိသော အကျဉ်းသား/သူ ၂၁၅၃ ဦးတို့ကို ရာဇဝတ်ကျင့်ထုံးဥပဒေ ပုဒ်မ ၄၀၁၊ပုဒ်မခွဲ (၁) အရ “ နောက်တစ်ကြိမ် ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန်ကျန်ရှိသော ပြစ်ဒဏ်များကိုပါ ဆက်လက်ကျခံပါမည် ” ဟူသော စည်းကမ်းသတ်မှတ်ချက်ဖြင့်ယင်းတို့ကျခံရန်ကျန်ရှိသော ပြစ်ဒဏ်များအပေါ်လျှော့ပေါ့၍ ပြစ်ဒဏ်လွတ်ငြိမ်းခွင့်ပြုလိုက်တာဖြစ်တယ်လို့ အဆိုပါအမိန့်မှာဖော်ပြထားပါတယ်။

နစက ဥက္ကဋ္ဌသည် မြန်မာသက္ကရာဇ် ၁၃၈၅ ခုနှစ်၊ ကဆုန်လပြည့်နေ့တွင် ကျရောက်သည့် ကဆုန်လပြည့်ဗုဒ္ဓနေ့ အထိမ်းအမှတ်အားဖြင့်လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနှင့် လူသားချင်းစာနာထောက်ထားမှုကို အလေးထားသောအားဖြင့်လည်းကောင်း ယခုလို ပြစ်ဒဏ်လွတ်ငြိမ်းခွင့်ပြုလိုက်တာလို့လည်းသိရှိရပါတယ်။

ymg/knl

#နစကပြစ်ဒဏ်လွတ်ငြိမ်းခွင့်

#၅၀၅-ကများပြစ်ဒဏ်လွတ်ငြိမ်း

#YangonMediaGroup

#Local_News
Published_ 2 May 2023

ပြည်တွင်းကရွှေတွေကို အိမ်နီးချင်းနိုင်ငံတွေကို တရားမဝင်ရောင်းချတာတွေ ရှိနေတာကိုလည်းစုံစမ်းစစ်ဆေး ဖော်ထုတ်သွားမယ်လို့ ရန်ကုန် ရွှေအသင်းက ဥက္ကဌဦးမျိုးမြင့်က ပြောပါတယ်။
#Local_News #အရေးယူမယ် #ပြင်ပရွှေဈေး #ဆက်တိုက်ကျဆင်း
#YMG #Yangon_Media_Group

#Asia_Tour
Published_ 2 May 2023

ဂျပန်ဟာ ကိုဗစ်ကပ်ရောဂါကြောင့် ခရီးသွားလုပ်ငန်းများကို ၃ နှစ်ကြာပိတ်ပင်ထားရာမှ ပြန်လည်အသက်ဝင်လာစေရန် မျှော်မှန်းထားပြီး တောင်တက်လမ်းသစ်များ၊ သက်ဆိုင်ရာအခြေခံအဆောက်အအုံများ၊ နေရာများ မြှင့်တင်ရန် စီစဉ်နေပါတယ်။

#Asia_Tour #ခရီးသွားဧည့်သည်များ #ဂျပန်ခရီးသွားလုပ်ငန်း
#YMG #Yangon_Media_Group

Published 2May 2023

တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီး၏ ယခုကဲ့သို့ ခရီးစဉ်လာရောက်မှုမှာ နှစ်နိုင်ငံချစ်ကြည်ရင်းနှီးမှုကို ဖော်ပြနေသည်သာမကတရုတ်နိုင်ငံအနေဖြင့် နိုင်ငံတကာမျက်နှာစာတွင် မြန်မာနိုင်ငံဘက်မှ ရပ်တည်နေမှုကိုပြသခြင်းပင်ဖြစ်တယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်ကို နေပြည်တော်သို့ရောက်ရှိနေတဲ့ တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး H. E. Mr. Qin Gang မစ္စတာချင်ကန်ကမေလ (၂)ရက် အင်္ဂါနေ့က တွေ့ဆုံစဉ်ပြောကြားခဲ့တယ်လို့သိရပါတယ်။

နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်သည် တရုတ် နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး H. E. Mr. Qin Gang အား မေလ(၂)ရက်မွန်းလွဲပိုင်းတွင် နေပြည်တော်ရှိနစက  ဥက္ကဋ္ဌရုံး၊ သံတမန်ဆောင်ဧည့်ခန်းမ၌ လက်ခံတွေ့ဆုံခဲ့ရာမှာ တရုတ်နိုင်ငံခြားရေးဝန်ကြီးက ယင်းကဲ့သို့ပြောဆိုခဲ့တာဖြစ်တယ်လို့ နစက သတင်းထုတ်ပြန်ချက်မှာဖော်ပြထားပါတယ်။

တရုတ်ပြည်သူ့သမ္မတနိုင်ငံ၊နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးက ယခုကဲ့သို့မိမိအနေဖြင့် မြန်မာနိုင်ငံသို့ခရီးစဉ်လာရောက်ခြင်းမှာ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးအဖြစ်တာဝန်ထမ်းဆောင်ချိန်တွင် ပထမဆုံးအကြိမ်အဖြစ်လာရောက်ခြင်းဖြစ်ကြောင်း၊ ယခုကဲ့သို့ ခရီးစဉ်လာရောက်မှုမှာ နှစ်နိုင်ငံချစ်ကြည်ရင်းနှီးမှုကို ဖော်ပြနေသည်သာမကတရုတ်နိုင်ငံအနေဖြင့် နိုင်ငံတကာမျက်နှာစာတွင် မြန်မာနိုင်ငံဘက်မှ ရပ်တည်နေမှုကိုပြသခြင်းပင်ဖြစ်ကြောင်း ဗိုလ်ချူပ်မှူးကြီးကို ပြောကြားခဲ့တယ်လို့ သတင်းထုတ်ပြန်ခဲ့တာဖြစ်ပါတယ်။

အဲဒီနောက် နှစ်နိုင်ငံသံတမန်ဆက်ဆံမှုနှင့် ချစ်ကြည်ရင်းနှီးမှု၊ ပူပေါင်းဆောင်ရွက်မှုများပိုမိုမြှင့်တင်ဆောင်ရွက်ရေး၊ မြန်မာနိုင်ငံ၏ နိုင်ငံရေးအခြေအနေများနှင့် နိုင်ငံတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးအတွက် ဆောင်ရွက်လျက်ရှိမှုအခြေအနေများ၊ နယ်စပ်ဒေသတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး၊ နယ်စပ်ကုန်သွယ်မှုများ မြှင့်တင်ရေးတို့အတွက် ဆောင်ရွက်လျက်ရှိမှုအခြေအနေများ၊ စွမ်းအင်နှင့်လျှပ်စစ်ကဏ္ဍဖွံ့ဖြိုးတိုးတက်ရေးအတွက် ပူးပေါင်းဆောင်ရွက်သွားမည့်အခြေအနေများ၊ ရင်းနှီးမြှုပ်နှံမှုများတိုးမြှင့်ဆောင်ရွက်နိုင်ရေး ဆက်လက်ဆောင်ရွက်သွားမည့်အခြေအနေများနှင့် နိုင်ငံရေးကဏ္ဍ၊ နိုင်ငံခြားရေးကဏ္ဍနှင့်ဖွံ့ဖြိုးတိုးတက်ရေးကဏ္ဍများတွင် ပူးပေါင်းဆောင်ရွက်သွားမည့် အခြေအနေများကို ရင်းနှီးပွင့်လင်းစွာအမြင်ချင်းဖလှယ်ဆွေးနွေးခဲ့ကြတယ်လို့ သတင်းမှာ ဖော်ပြထားပါတယ်။

တွေ့ဆုံပွဲအပြီးတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးတို့သည် အမှတ်တရလက်ဆောင်ပစ္စည်းများ အပြန်အလှန်ပေးအပ်ခဲ့ကြပါတယ်။

အဆိုပါတွေ့ဆုံပွဲသို့ နစက ဥက္ကဋ္ဌနိုင်ငံတော်ဝန်ကြီးချုပ်နှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ နိုင်ငံခြားရေးဝန်ကြီးဌာနပြည်ထောင်စုဝန်ကြီး ဦးသန်းဆွေ၊ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင် နှင့်တာဝန်ရှိသူများ တက်ရောက်ကြပြီး တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးနှင့်အတူ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး H.E. Mr. Chen Hai နှင့်တာဝန်ရှိသူများ တက်ရောက်ခဲ့ကြပါတယ်။

#ymg/knl

✅Website>>>>

✅Telegram>>>

#တရုတ်နိုင်ငံခြားရေးဝန်ကြီး

#ဗိုလ်ချူပ်မှူးကြီးမင်းအောင်လှိုင်

#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gan

#Local_News
Published_ 2 May 2023

မေလ(၂)ရက်မှစပြီးနောက်နှစ်ရက်အတွင်း ရန်ကုန်အပါအဝင်ဒေသအချို့မှာ နေရာကွက်ပြီးမိုးထစ်ချုန်းရွာနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊

#Local_News #ရန်ကုန်အပါအဝင် #နေရာကွက်၍မိုးထစ်ချုန်းရွာနိုင်
#YMG #Yangon_Media_Group

#Local_News
Published_ 2 May 2023

ကဆုလပြည့်ဗုဒ္ဓနေ့ကိုရည်မှတ်ပြီး ရွှေတိဂုံစေတီတော်မြတ်ကြီးမှာ သံဃာတော် (၁၁၁၁၁)ပါးနဲ့ ဗုဒ္ဓါဘိသေကအနေကဇာတင်မင်္ဂလာအခမ်းအနားနှင့်ဆွမ်းဆန်စိမ်းစုပေါင်းလောင်းလှူပွဲမင်္ဂလာအခမ်း အနားကျင်းပပြုလုပ်ခဲ့တယ်လိုသိရပါတယ်၊၊

#Local_News #ကဆုန်လပြည့်ဗုဒ္ဓနေ့ #ရွှေတိဂုံစေတီတော် #အနေကဇာတင်အခမ်းအနား
#YMG #Yangon_Media_Group

#Local_News
Published_ 2 May 2023

လတ်တလောမှာ ကိုဗစ်ပိုးတွေ့လူနာတွေများလာသလို ပိုးတွေ့လူနာနဲ့ထိစပ်မိသူတွေလည်းများပြားလာပြီးမြောက်ဥက္ကလာပမြိုနယ်ထဲမှာ တစ်ရက်တည်းမှာပင်ကိုဗစ်သံသယရှိလိုကိုဗစ်ပိုးစစ်ဆေးဖိုပိုဆောင်ရမယ့်သူ(၂၅)ဦးအထိရှိနေတယ်လို လူမှုကူညီရေးအဖွဲထံမှသိရပါတယ်၊၊

#Local_News #ကိုဗစ်ပိုးတွေ့လူနာ #ကိုဗစ်သံသယရှိသူ
#YMG #Yangon_Media_Group

#Daily_News
Published_ 2 May 2023

၁။ ကိုဗစ်ပိုးတွေ့လူနာ နှင့်ထိစပ်မိသူများ ပိုများလာ ၊မြောက်ဥက္ကလာတွင် တစ်ရက်အတွင်းကိုဗစ်သံသယရှိသူ (၂၅)ဦးအထိ ပိုဆောင်စစ်ဆေးပေးနေရ

၂။ ကဆုန်လပြည့် ဗုဒ္ဓနေ့ကိုရည်မှတ်၍ ရွှေတိဂုံစေတီတော်တွင် သံဃာတော်(၁၁၁၁၁)ပါးဖြင့်အနေကဇာတင် အခမ်းအနားနှင့် ဆွမ်းဆန်စိမ်း စုပေါင်းလောင်းလှူပွဲကျင်းပ

၃။ နောက်နှစ်ရက်အတွင်း ရန်ကုန်အပါအဝင် ဒေသအချို့တွင် နေရာကွက်၍ မိုးထစ်ချုန်းရွာနိုင်

၄။ ယခင်ကထက် ခရီးသွားဧည့်သည်များ ရောက်ရှိလာစေရန် ဂျပန်ခရီးသွားလုပ်ငန်းများ မျှော်လင့်ဆောင်ရွက်နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 2 May 2023

ယခုသီတင်းပါတ်အတွက်စားသုံးဆီတင်သွင်သိုလှောင်ဖြန်ဖြူးရေးလုပ်ငန်းကြီးကြပ်မှုကော်မတီကလက်ကားဈေးစားအုန်းဆီတစ်ပိသာကို၄၅၇၀ကျပ်သတ်မှတ်ကြောင်းသိရပါတယ်။

#Local_News #စားအုန်းဆီ #လက်လီလက်ကားဈေး
#YMG #Yangon_Media_Group

#Local_News
Published_ 2 May 2023

ပဲခူးတိုင်း(အနောက်ခြမ်း)၊ ပြည်မြို့ရှိ ဆေးရုံ၌ ကိုဗစ်-၁၉ ရောဂါဖြင့် သေဆုံးသူ အမျိုးသမီးတစ်ဦး၏ ရုပ်အလောင်းကို ယနေ့နံနက်ပိုင်းက သုဿန်သို့ ပို့ဆောင်ကာ မီးသဂြိုလ်ပေးခဲ့ကြောင်း ခေတ္တရာလူငယ်များ သာရေးနာရေးကူညီပံ့ပိုးမှုအသင်းထံမှ သိရသည်။

မေ ၁ ရက်၊ ညပိုင်းက ပြည်မြို့ကုတင် - ၅၀၀ ဆေးရုံ၌ ကိုဗစ်-၁၉ ရောဂါလက္ခဏာဖြင့် ကွယ်လွန်သွားသည့် အသက် ၆၇ နှစ်အရွယ် အမျိုးသမီးတစ်ဦး၏ ရုပ်အလောင်းအား မေ ၂ ရက်၊ ယ‌နေ့နံနက်ပိုင်းက ဆေးရုံမှ အကြောင်းကြားချက်အရ ကိုဗစ်-၁၉ ရောဂါ ကာကွယ်သည့် PPE ဝတ်စုံများ ဝတ်ဆင်ကာ ပြည်မြို့ရှိ အေးငြိမ်းရာသုဿန်သို့ ပို့ဆောင်ကာ မီးသင်္ဂြိုလ်ပေးခဲ့ကြောင်း ခေတ္တရာလူငယ်များ သာရေးနာရေးကူညီပံ့ပိုးမှုအသင်းမှ တာဝန်ရှိသူ တစ်ဦးက ပြောသည်။

"သူတို့က ဘာရောဂါလို့တော့ မတပ်ဘူး။ ကိုဗစ်ရောဂါရဲ့ နောက်ဆုံးလက္ခဏာနဲ့ ဆုံးပါးသွားတယ်လို့ ပြောပါတယ်။ မိသားစုက မြန်အောင်ဘက်ကပါ။ နေရပ်ကို ပြန်သွားကြပြီ“ ဟု အသင်းမှ တာဝန်ရှိသူက ပြောသည်။

သေဆုံးသူမှာ အသက် ၆၇ နှစ်အရွယ် အမျိုးသမီးတစ်ဦးဖြစ်ပြီး ဧရာဝတီတိုင်း၊ မြန်အောင်မြို့မှ ပြည်မြို့ ကုတင်-၅၀၀ ဆေးရုံရှိ ကူးစက်ဆောင်တွင် လွန်ခဲ့သည့် တစ်ပတ်ခန့်မှစ၍ ဆေးရုံလာရောက်တက်နေသူဖြစ်ကာ ကိုဗစ်-၁၉ ပိုးတွေ့လူနာတစ်ဦး ဖြစ်ကြောင်းလည်း သိရသည်။

ပြည်မြို့၌ ကိုဗစ်ပိုးတွေ့လူနာ သေဆုံးမှုမှာ ယခုလပိုင်းများအတွင်း ပထမဆုံးအကြိမ်ဖြစ်ကြောင်းလည်း ဒေသခံလူမှုကူညီရေးအဖွဲ့မှ တာဝန်ရှိသူက ဆက်လက်ပြောကြားသည်။

ဧပြီလတစ်လအတွင်း ပြည်တွင်း၌ ကိုဗစ်ပိုးတွေ့လူနာ ရှစ်ရာဝန်းကျင်အထိ ရှိခဲ့ကြောင်း ကျန်းမာရေးဝန်ကြီးဌာန၏ ထုတ်ပြန်ထားချက်အရ သိရပြီး မေ ၁ ရက်၊ ယမန်နေ့ တစ်ရက်တည်းတွင်ပင် ဓာတ်ခွဲအတည်ပြုလူနာ ၁၀၆ ဦး ရှိခဲ့ကြောင်း ထုတ်ပြန်ချက်များအရသိရသည်။
ymg/ppk
#YMG #Yangon_Media_Group